கொரோனாவினால் உயிரிழந்த முஸ்லிம்களின் உடல்கள்: அரசாங்கம் தெளிவான நிலைப்பாட்டை அறிவிக்க வேண்டும்- ஞானசார தேரர்

[nunavilan]

கொரோனாவினால் உயிரிழந்த முஸ்லிம்களின் உடல்கள்: அரசாங்கம் தெளிவான நிலைப்பாட்டை அறிவிக்க வேண்டும்- ஞானசார தேரர்

 

கொரோனாவினால் உயிரிழந்த முஸ்லிம்களின் உடல்கள் தொடர்பாக அரசாங்கம், தெளிவான நிலைப்பாட்டை அறிவிக்க வேண்டும் என்று பொதுபல சேனாவின் பொதுச் செயலாளர் கலகொட அத்தே ஞானசார தேரர் வலியுறுத்தினார்.

கொழும்பில் இன்று (செவ்வாய்க்கிழமை) இடம்பெற்ற செய்தியாளர் சந்திப்பிலேயே அவர் இவ்வாறு கூறினார். கலகொட அத்தே ஞானசார தேரர் மேலும் கூறியுள்ளதாவது, “இன்று நாட்டுக்குள் அதிக பேசுபொருளாக கொரோனா விவகாரம் மாற்றமடைந்துள்ளது.

இந்த நிலையில், இந்த வைரஸினால் உயிரிழக்கும் முஸ்லிம் மக்களின் உடல்களை எரிப்பதா- புதைப்பதா எனும் வாதமும் இடம்பெற்று வருகிறது. அத்தோடு, இறந்த முஸ்லிம்களின் உடல்களை அடக்கம் செய்ய அனுமதி வழங்கப்பட்டுள்ளதாகவும் கூறப்படுகிறது.

நாம் கடந்த காலங்களில் பல முஸ்லிம் அடிப்படைவாதம் தொடர்பாக எச்சரிக்கை விடுத்திருந்தோம்.  எனினும், கடந்த காலங்களில் மஹிந்த ராஜபக்ஷ ஜனாதிபதியாக இருந்தபோது, இதனை அந்த அரசாங்கம் கவனத்தில் எடுக்கவில்லை.

எம்மீது தான் குற்றஞ்சாட்டினார்கள். முஸ்லிம் வாக்குகளை சிதறடிக்க நாம் முயற்சிப்பதாகக் கூறினார்கள். இன்று அண்ணன் செய்த தவறையே, ஜனாதிபதி கோட்டாபய ராஜபக்ஷவும் செய்துள்ளார். உடல்களை புதைப்பதா- எரிப்பதா என்பதல்ல எமது பிரச்சினை.

உலக சுகாதார ஸ்தாபனம் விடுக்கும் வேண்டுகோளுக்கு இணங்கவே நடவடிக்கைகள் எடுக்கப்படுகின்றன. எனினும், கொரோனாவை ஒழிக்க யாரிடமும் ஒரு தெளிவான நிலைப்பாடு இல்லை. கொரோனா வைரஸ் எதனால் உருவானது என்பது குறித்து கூட யாருக்கும் தெளிவில்லை.

இந்த நிலைப்பாடு நாட்டுக்கு நாடு மாற்றமடைகிறது. எமது நாட்டில் ஒரு சட்டம் தான் இருக்க வேண்டும்.எமது நாட்டில் கொரோனாவினால் உயிரிழந்த நபர்களை எந்தக் காரணம் கொண்டும், புதைக்கக்கூடாது என்று சுகாதார அமைச்சினால் ஏற்கனவே அறிவிக்கப்பட்டிருந்தது.

உடல்களை புதைப்பதால், நீர் மாசுபடுகிறது என்று எச்சரிக்கையும் கடந்த காலங்களில் விடுக்கப்பட்டது. இந்த நிலையில்தான், முஸ்லிம்களின் உடல்களை புதைக்க நடவடிக்கை எடுக்கப்பட்டுள்ளதாகத் தெரிவிக்கப்படுகிறது.

அரசாங்கம் இந்த விடயத்தில் நாடகமொன்றைதான் அரங்கேற்றி வருகிறது. அரசாங்கம் சார்பாக இதற்கான விளக்கம் வெளியிடப்பட வேண்டும்” என தெரிவித்துள்ளார்.

    by : Yuganthini

http://athavannews.com/கொரோனாவினால்-உயிரிழந்த-3/

[Robinson cruso]

அரசாங்கம் இப்போது இக்கட்டான நிலையில் இருக்கின்றது. விஞான ரீதியாக , வைத்திய துறை சார்பாக முன்னர் எடுத்த தீர்மானமே கொரோன தொற்றினால் இறப்பவர்களை எரிக்க வேண்டுமென்பது. இப்போது புதைக்கலாம் எண்டு அனுமதி வழங்கினால் இவர்கள் முன்பு எடுத்த தீர்மானம் தவறானது என்பதுபோலாகிவிடும். எனவே இலங்கை வைத்திய துறை சார் நிபுணர்களுக்கு இது ஒரு சவாலாக மாறிவிடும். நாளைய கூடத்தில் அநேகமாக வைத்தியர்கள் கடும் எதிர்ப்பை வெளியிடலாம்.

[Justin]

இதற்கு எரிப்பதைத் தவிர மாற்றுவழி இருக்கிறது. ஆறு அடி ஆழக்குழியில் புதைக்கலாம். இது ஒரு வைரசு, அந்த்ராக்ஸ் பக்ரீரியா அல்ல! உக்கும் உடல் இழையங்களில் வைரசு தங்கி வாழாது. நிலக்கீழ் நீருடன் கலக்கும் வாய்ப்புகளும் இல்லை (ஆறு அடிகளில் நிலக்கீழ் நீரை எட்ட முடியாது, aquifer இருப்பது மிக ஆழத்தில்). ஆகவும் பயம் இருந்தால் 10-15% சோடியம் ஹைபோகுளோரைட் இனால் உடலை மூடி விட்டுப் புதைக்கலாம்! 

ஆறு அடிக் குழியில் உடலைப் புதைக்கும் வழக்கமே 1600 களில் வந்த கொள்ளை நோயோடு உருவானது தான்!
 

[satan]

எதிலும் அரசியல் செய்து பழக்கப்பட்டவர்களால், இதிலும் அரசியல் செய்யாமல் இருக்க முடியவில்லை. 

[alvayan]

சிங்கம் வந்த்திட்டுது...பார்ப்பம் நாளைக்கு என்ன நடக்குதென்று..

 

[alvayan]

கெகலிய வேறேதோ புலம்புறார்...இங்ககாலை இவை எதுவோ நாடு பிடிச்சமாதிரி புலம்புகினம்...

[கிருபன்]

ஜனாஸா அடக்கம் தொடர்பான வர்தமானி வெளிவரும் வரை பொறுமை காப்போம் – இம்ரான் எம்.பி

November 11, 2020

 

ஜனாஸா அடக்கம் செய்வது தொடர்பான வர்தமானி வெளிவரும் வரை அனைவரும் பொறுமை காப்போம் என திருகோணமலை மாவட்டப் பாராளுமன்ற உறுப்பினர் இம்ரான் தெரிவித்தார்

கொழும்பில் ஊடகங்களிடம் கருத்து தெரிவிக்கும் போதே அவர் இவ்வாறு தெரிவித்தார்.

மேலும் தொடந்து கருத்து தெரிவிக்கையில்;

கொரோனாவால் மரணித்த முஸ்லிம்களின் உடல்களை அடக்கம் செய்வது தொடர்பான வர்த்தமானி அறிவித்தல் இதுவரை வெளியிடப்படவில்லை அது குறித்து இன்னும் முடிவு எடுக்கப் படவில்லை என அரசு அறிவித்து விட்டது.

எனவே அரசின் உத்தியோக பூர்வ அறிவித்தல் அல்லது வர்த்தமானி அறிவித்தல் வெளிவரும் வரை வீணான தகவல்களை சமூகவலைத்தளங்களில் பதிவிடுவதில் இருந்து தவிர்ந்துகொள்வது சிறந்தது.

சில அமைப்புகளும் தனி தபர்களும் ஜனாஸா அடக்கத்திற்கு அனுமதி கிடைத்து விட்டதாக பிழையான தகவல்களைப் பரப்பினர். இதனால் சமுகம் குழம்பிப் போய் இருக்கின்றது.

இலங்கையில் ஜனாஸாவை வைத்து பேரினவாத அரசியல் நடாத்தப்படுவது நாம் யாவரும் அறிந்த விடயமாகும்.

இவ் அரசியல் விளையாட்டிலிருந்து ஜனாஸா அடக்குவதற்கு அனுமதியை பெற ஆளும் கட்சியினர் எதிர்கட்சியினர் மற்றும் சிவில் சமூகம் என பலரும் முயற்சி செய்து வருகின்றனர்.

ஆனால் கடந்த சில நாட்களாக நடக்கும் நிகழ்வுகளை அவதானிக்கும் போது நன்கு திட்டமிடப்பட்ட ஏமாற்று நாடகமொன்று அரங்கேற்றப்படுகின்றதா ? என்ற சந்தேகம் எழுகிறது.

அரசு நினைத்தால் இதற்கான நல்ல தீர்மானத்திற்கு வருவது ஒன்றும் சிரமமான காரியமல்ல. உண்மை என்னவென்றால் அரசு இது தொடர்பான விடயத்திற்கு இதுவரை வரவில்லை என்பதுதான் என சுட்டிக்காட்டினார்.

ஆனால் சில அரசியல்வாதிகளும் ஊடகங்களும் கூட இந்த விடயத்தில் பொறுப்பற்ற விதத்தில் நடந்துகொண்டது கவலைக்குறிய விடயமாகும்.

ஜனாஸாவை அடக்கம் செய்ய அனுமதி கிடைத்ததாக உரிமை கூற முயன்று அவசரமாக ஊடக அறிக்கைகளை வெளியிட்டவர்கள் ஒருபுறம். இருபதுக்கு ஆதரவு அளித்ததால் தான் அனுமதி கிடைத்தாக கூறியவர்கள் இன்னொரு புறம்.

இதன் பின்னால் உள்ள அரசியல் விளையாட்டு இவர்களுக்கு தெரியாமலில்லை.
இருப்பினும் இது தெரிந்தும் சமூகத்தை ஏமாற்றும் நடவடிக்கையையே இவர்கள் முன்னெடுக்கின்றனர்.

சுகாதார துறையின் ஆலோசனைக்கு அமையவே ஜனாஸாவை அடக்கம் செய்யும் அனுமதியை வழங்க முடியும் என கூறும் அரசாங்கம் கொரோனாவை கட்டுப்படுத்த நாட்டை முடக்க வேண்டும் என சுகாதார துறை கூறிய போது அதை நடைமுறைப்படுத்தவில்லை.

ஆகவே இங்கு பிரச்சினை சுகாதார துறை அல்ல என்பதை நாம் தெளிவாக விளங்கிக் கொள்ள வேண்டும் ஏமாற்று நடவடிக்கைகளை நம்புவதிலிருந்து விடுபட வேண்டும் என தெரிவித்தார்.

 

 

https://thinakkural.lk/article/88358

[புரட்சிகர தமிழ்தேசியன்]

முஸ்லிம்களை அடக்கம் செய்யும் விவகாரம் - இலங்கைக்கு ஐ.நா கடிதம்.!

உயிரிழந்த உடல்களின் தகனம் என்பது அவரவர் கலாச்சார தேர்வுகளை அடிப்படியாக கொண்டவை என ஐ.நா.அபிவிருத்தி திட்டத்தின் பிரதிநிதியுமான ஹனா சிங்கர், இலங்கை அரசாங்கத்துக்கு குறிப்பிட்டுள்ளார்.

கொரோனா வைரஸினால் உயிரிழந்த முஸ்லிம்களின் உடல்கள் தகனம் செய்யப்படுவதற்கு, முஸ்லிம் சமூகம் தொடர்ந்து எதிர்ப்பு தெரிவித்து வருகின்றது.

அதேபோன்று முஸ்லிம் சமூகத்தின் கோரிக்கை நியாயமானது என்றதன் அடிப்படையில் பல சமூக அமைப்புக்களும் அவர்களுக்கு ஆதரவாக கருத்துக்களை வெளியிட்டு வருகின்றன.

இந்நிலையிலேயே, இவ்விடயம் தொடர்பாக இலங்கை பிரதமர் மஹிந்த ராஜபக்ஷவிற்கு, ஐ.நா.அபிவிருத்தி திட்டத்தின் பிரதிநிதியுமான ஹனா சிங்கர் எழுதியுள்ள கடிதத்தில் இவ்வாறு குறிப்பிட்டுள்ளார்.

குறித்த கடிதத்தில் அவர் மேலும் கூறியுள்ளதாவது, “தொற்று நோயால் இறந்தவர்கள் மூலம் வைரஸ் பவவுவதைத் தடுப்பதற்கு, அந்த உடலங்கள் தகனம் செய்யப்பட வேண்டும் என்ற பொதுவான அனுமானம், ஆதாரங்களால் உறுதிப்படுத்தப்படவில்லை.

அதற்கு பதிலாக தகனம் என்பது அவரவர் கலாசார தேர்வுகளை அடிப்படையாக கொண்டவை’ எனஅவர் குறிப்பிட்டுள்ளார்.

இதேவேளை, கொரோனா வைரஸினால் உயிரிழந்தவர்களை அடக்கம் செய்யும்போது  சிறுபான்மையினரின் உரிமைகளை அரசாங்கம் மதிக்கவேண்டும் என சர்வதேச மன்னிப்புச் சபை வேண்டுகோள் விடுத்துள்ளது.

மேலும், கொரோனா வைரஸினால் உயிரிழந்தவர்களின் உடல்களை அடக்கம் செய்யலாம் என உலக சுகாதார ஸ்தாபனம் வெளியிட்டுள்ள வழிகாட்டுதல்களை அரசாங்கம் பின்பற்றவேண்டும் எனவும் அந்த சபை வேண்டுகோள் விடுத்துள்ளது.

https://vanakkamlondon.com/world/srilanka/2020/11/90876/

டிஸ்கி

அடுத்தவர் மத விவகாரத்தில் தலையிடபடாது என்டாலும் அவர்களுக்கு மட்டும் எங்கிருந்தாலும் குதித்து கொண்டு வருவினம் ..

 

 

[தமிழ் சிறி]

37 minutes ago, புரட்சிகர தமிழ்தேசியன் said:

முஸ்லிம்களை அடக்கம் செய்யும் விவகாரம் - இலங்கைக்கு ஐ.நா கடிதம்.!

உள்நாட்டு பிரச்சினையை...  உள் நாட்டிலேயே தீர்த்துக் கொள்கின்றோம் என்று,
தமிழ், சிங்கள எம்.பீ.க்கள், ஐ.நா. வுக்கு... முத்திரை ஓட்டாமல், பதில் கடிதம்.  🤣