Jump to content

மாவீரர் தின எதிரொலி - சுமந்திரன் ஓர் இனவாதி! நாடாளுமன்றில் கடுமையான கூச்சல்


Recommended Posts

  • கருத்துக்கள உறவுகள்

மாவீரர் தின எதிரொலி - சுமந்திரன் ஓர் இனவாதி! நாடாளுமன்றில் கடுமையான கூச்சல்

தமிழீழ விடுதலைப் புலிகள் இயக்கத்தில் போராடி உயிர்நீத்தவர்களை தமிழ் தேசியக் கூட்டமைப்பின் நாடாளுமன்ற உறுப்பினர் சுமந்திரன் நினைவு கூர்ந்தமையால் கடும் எதிர்ப்பு வெளியிடப்பட்டுள்ளது.

இன்றைய தினம் நாடாளுமன்றத்தில் உரையாற்றிய தமிழ் தேசியக் கூட்டமைப்பின் யாழ். மாவட்ட நாடாளுமன்ற உறுப்பினர் எம்.ஏ. சுமந்திரனை குறுக்கீடு செய்த பொதுமக்கள் பாதுகாப்பு அமைச்சர் அட்மிரல் சரத் வீரசேகர, அவருடன் கடும் வாய்த்தர்க்கத்தில் ஈடுபட்டார்.

தமிழீழ விடுதலைப் புலிகளின் மூத்த போராளியான கப்டன் பண்டிதர் என்று அழைக்கப்படும் சின்னத்துரை ரவீந்திரனின் திருவுருவப்படத்துக்கு அவரது தாயாரோடு இணைந்து தமிழ் தேசியக் கூட்டமைப்பின் பேச்சாளரும் யாழ். மாவட்ட நாடாளுமன்ற உறுப்பினருமான எம்.ஏ.சுமந்திரன் அண்மையில் சுடர் ஏற்றி மலர் தூபி அஞ்சலி செலுத்தியிருந்தார்.

வல்வெட்டித்துறை, கம்பர்மலையைச் சேர்ந்த கப்டன் பண்டிதர், 1985 ஜனவரி 9 ஆம் திகதி அச்சுவேலிப் பகுதியில் நடந்த மோதலில் உயிர்நீத்திருந்தார்.

இந்த நிலையில் அவரது நினைவஞ்சலியில் நாடாளுமன்ற உறுப்பினர் கலந்துகொண்டமையினால் நாடாளுமன்றத்திற்கு அகௌரவம் ஏற்பட்டுள்ளதாக தெரிவித்த அமைச்சர் சரத் வீரசேகர, கடும் எதிர்ப்பை வெளியிட்டார்.

எனினும் அமைச்சரின் எதிர்ப்பை நிராகரித்த நாடாளுமன்ற உறுப்பினர் சுமந்திரன், தாம் நினைவேந்தலில் கலந்துகொண்டதை நாடாளுமன்றத்தில் பகிரங்கமாக அறிவிப்பதற்கு இந்த சந்தர்ப்பத்தைப் பயன்படுத்திக்கொண்டார்.

அவரது தாயார் தனது சட்டத்துறையில் மிகநெருங்கியவர் என்று குறிப்பிட்ட சுமந்திரன், தென்னிலங்கையில் ஜே.வி.பியினரின் கலவரத்தின் பின்னர் உயிர்நீத்தவர்களை மாவீரர்கள் என்ற பெயரில் நினைவுகூர்வதை எதிர்க்காதவர்கள், ஏன் வடக்கில் இடம்பெற்ற போரில் உயிர்நீத்த உறவுகளை நினைவுகூர்வதை எதிர்க்கின்றார்கள் என்று கேள்வி எழுப்பினார்.

அத்துடன் உயிர்நீத்த ஒவ்வொருவரையும் நினைவுகூர்வதற்கு அவர்களுடைய பெற்றோருக்கு உரிமையிருக்கின்றது என்பதையும் நாடாளுமன்ற உறுப்பினர் சுமந்திரன் நாடாளுமன்றத்தில் இன்றைய தினம் அழுத்தமாக சுட்டிக்காட்டினார்.

இருந்த போதிலும் நாடாளுமன்ற உறுப்பினர் சுமந்திரனின் இந்தக் கருத்தினால் கடும் கோபமடைந்த பொதுமக்கள் பாதுகாப்பு அமைச்சரான அட்மிரல் சரத் வீரசேகர,

தமிழீழ விடுதலைப் புலிகளுடன் ஜே.வி.பியினரை ஒப்பீடு செய்ய வேண்டாம் என்று வலியுறுத்தியதுடன் ஜே.வி.பியினரது போராட்டத்தை நியாயப்படுத்திக் காண்பித்தார்.

அத்துடன் தமிழீழ விடுதலைப் புலிகள் நாட்டை இரண்டாகப் பிரிப்பதற்காகவே போராடினார்கள் என்று குறிப்பிட்ட அமைச்சர், அவர்களை நினைவுகூர்ந்ததினால் நாடாளுமன்ற உறுப்பினர் சுமந்திரன் ஓர் இனவாதி என்றும் அவர் முத்திரைப் பொறித்தார்.

இந்த இருவரது வாக்குவாதத்தினால் சபையில் கடுமையான கூச்சல் நிலைமை ஏற்பட்டது.

இந்த சந்தர்ப்பத்தில் தலையீடு செய்த சபாநாயகர் மஹிந்த யாப்பா அபேவர்தன, இருவரது வாக்குவதத்தை தடுத்து சபையை அமைதிப்படுத்த நடவடிக்கை எடுத்தார்.

 

https://www.ibctamil.com/srilanka/80/155154?ref=home-imp-flag

 

Link to post
Share on other sites
  • கருத்துக்கள உறவுகள்

தமிழ் மக்களிடத்தில் சரிந்திருந்த சுமந்திரனின் மதிப்பு இதனால் தூக்கி நிறுத்தி சரி செய்யப்பட்டது. 

  • Like 1
Link to post
Share on other sites
  • கருத்துக்கள உறவுகள்

சிங்கள அரசியல்வாதிகள் தங்களை தக்க வைப்பதற்கு இனவாத பேச்சுக்களே போதுமானது.

Link to post
Share on other sites
  • கருத்துக்கள உறவுகள்

பண்டிதரின் வீட்டில் நினைவேந்தலுக்கு நான் சென்றது எதற்காக? சரத் வீரசேகராவுக்கு சுமந்திரன் பதிலடி

November 28, 2020

sumanthiran-3.jpg
 

“அமைச்சர் சரத் வீரசேகரா போன்றவர்களின் இனவாதப் பிரசாரத்தால் நாடு பிழையாக வழிநடத்தப்படும் நிலைமை உள்ளது” என்று எம்.ஏ. சுமந்திரன் இன்று பாராளுமன்றத்தில் உரையாற்றிய போது கடுமையாகக் குற்றஞ்சாட்டினார்.

தமக்கு எதிராக அமைச்சர் சரத் வீரசேகர கிளப்பிய ஆட்சேபனைக்கு பதிலளித்த சுமந்திரன் இன்று பாராளுமன்றத்தில் கூறியவை வருமாறு:-

“அமைச்சருக்கு இந்த விடயத்தில் பதில் தர வேண்டிய கடப்பாடு ஏதும் எனக்குக் கிடையாது. எனினும் இவ்விடயத்தில் என் பெயர் பகிரங்கமாக பிரஸ்தாபிக்கப்பட்டமையால் நான் பதில் தருகின்றேன். 1985 இல் உயிரிழந்த பண்டிதர் என்பவரின் 83 வயதுத் தாயான சின்னத்துரை மகேஸ்வரி என்ற வயோதிப மாதுவுக்காக சில தினங்களுக்கு முன்னர் யாழ்ப்பாணம் மேல் நீதிமன்றத்தில் முன்னிலையாகினேன். அவர் ஒவ்வொரு வருடத்திலும் நவம்பர் மாதத்தில் தனது மகனுக்கு நினைவஞ்சலி செய்வது வழமை.

01-8-13.jpgஅவரின் மகன் விடுதலைப் புலிகளின் ஒரு தலைவர்தான். ஆனாலும் அந்த வயோதிபர் தாயைப் பொறுத்தவரை அவர் அந்தத் தாயின் மகன்தான். ஒவ்வொரு தாய்க்கும் தனது பிள்ளைகளை நினைவேந்த உரிமையுண்டு. ஜே.வி.பி. அதன் தலைவரான றோஹண விஜயவீரவை, கொழும்பு வீதிகள் எங்கும் அவரின் உருவப்படங்ள், சித்திரங்ளை அலங்கரித்து நினைவு கூர்வது குறித்து, இந்த அமைச்சர் ஒரு கேள்வி தன்னும் எழுப்பியவர் அல்லர்.

அதனால்தான் உயிரிழந்தவர்களை நினைவேந்துவதில் கூட இந்த நாட்டில் தமிழர்கள் பாகுபாடு காட்டப்படுகின்றார்கள், ஒதுக்கப்படுகின்றார்கள் என்று நான் இந்தச் சபையில் கூறினேன். அத்தகைய கீழ்த் தர நடத்தையைக் கொண்ட இந்த அமைச்சர்தான், அந்தத் தாய் தனது மகனை நினைவேந்தல் செய்தபோது நான் அவருடன் கூடவே நின்றமையை இங்கு கேள்விக்கு உட்படுத்துகின்றார்.

அந்தத் தாய் தனிப்பட்ட முறையில் தனது மகனுக்கு நினைவேந்தல் செய்யும் முழு உரிமையும் உண்டு என்று முதல் நாள்தான் மேல்நீதிமன்றம் தனது உத்தரவில் விசேடமாகக் குறிப்பிட்டிருந்தது. அந்த நினைவேந்தலைத்தான் அத்தாய் தனது வீட்டில் – அது வீடு என்றும் கூறமுடியாது ஒரு கொட்டில் அவ்வளவுதான் – அதில் மேற்கொண்டார். நான் அவருடன் கூட இருந்தேன்.

sarath-weera-cartoon.t.png
 

இந்த நினைவேந்தல் நிகழ்வு பொது இடங்களில் செய்யப்பட முடியாது. தனித்து வீட்டில் செய்யலாம் என்பதை அந்தத் தாய்க்கு விளங்கப்படுத்துமாறு சம்பந்தப்பட்ட நீதிபதி என்னிடம் விசேடமாக கோரியிருந்தார். அந்த நிகழ்விலேயே நான் பங்குபற்றினேன். அது தனிப்பட்ட நிகழ்வு. அந்த நிகழ்வுப் படங்களைப்பாருங்கள். அவரின் மகன் சீருடையில் கூட இருக்கவில்லை. இது ஒரு மகனுக்காக தாய் ஆற்றிய நினைவேந்தல் நிகழ்வு.

அவருக்காக நான் முதல் நாள் மன்றில் முன்னிலையாகியிருந்தேன். அந்த நிகழ்வை தனிப்பட்ட முறையில் வீட்டில் அவர் நடத்தலாம் என்பதை அவருக்கு விளங்கப்படுத்துமாறு நீதிமன்றறே என்னை விசேடமாகக் கோரியிருந்தது. இதனை சர்ச்சைக்குரிய விடயமாக நிலையில் கட்டளையின் கீழ் இங்கு எழுப்ப முடியாது. என்றாலும் கீழ்தரனமான முறையில் அமைச்சர் அதனை முன்னெடுப்பது முற்றிலும் தவறு” என்றார் சுமந்திரன்.
 

 

https://thinakkural.lk/article/93572

Link to post
Share on other sites

 

இன்று பாராளுமன்றத்தில் பொதுப் பாதுகாப்பு அமைச்சரான சரத் வீரசேகரவிற்கும், எம். ஏ. சுமந்திரனுக்குமிடையில் பலத்த விவாதம் ஏற்பட்டது.

விடுதலைப் புலிகளின் உறுப்பினரான பண்டிதருக்கு எவ்வாறு பாராளுமன்ற உறுப்பினர் ஒருவர் நினைவஞ்சலி செலுத்த முடியும் என வீரசேகர சபையில் கேள்வி எழுப்பினார்.

பதிலளித்த சுமந்திரன்:

"அமைச்சருக்குப் பதிலளிக்க வேண்டிய அவசியம் எதுவும் எனக்கு இல்லை. ஆனால் என் பெயர் பொது வெளியில் குறிப்பிடப்பட்டதால் என் கருத்தை இங்கே பதிவு செய்கிறேன்.

சில நாட்களுக்கு முன்னர் நான் வயதான அம்மாவான சின்னத்துரை மகேஸ்வரி என்பருக்காக யாழ் மேல் நீதிமன்றில் நான் ஆஜரானேன். அவரது மகன் 1985 இல் பண்டிதர் என அழைக்கப்படும் அவரது மகனை வருடா வருடம் நவம்பர் மாதத்தில் நினைவு கூர்வது வழக்கம். தனது நினைவு கூரல் உரிமையைப் பாதுகாக்கவென அவர் அந்த வழக்கைப் பதிவு செய்திருந்தார்.

(வீரசேகர இடைமறிக்க) ஆம் அவர் விடுதலைப் புலிகள் தலைவர் தான். ஆனால் பண்டிதர் அந்த அம்மாவினது புதல்வன் கூட. அத்துனை தாய்மாருக்கும் தம் பிள்ளைகளை நினைவேந்தும் உரிமை இருக்கிறது.

அமைச்சர் ஒரு போதும் ஜே.வி.பி-யின் தலைவர் ரோகன விஜயவீரவை ஜே.வி.பி-யின் தலைவர்கள் முழுச் சீருடையில் கொழும்பெங்கும் கொண்டு திரிந்து நினைவேந்துவதைக் குறித்துக் கேள்வி எழுப்பியதில்லை. இதனால் தான் நான் இந்தச் சபையில் நினைவேந்தும் விடையத்தில் கூட தமிழருக்கெதிராகப் இனவாதம் பாய்ச்சப்படுவதைப் பற்றிப் பேசியிருந்தேன்.

யாழ் மேல் நீதிமன்ற நீதிபதி, மிகத் தெளிவாக அம்மா தன் மகனை வீட்டில் நினைவு கூருவதற்கு முழுமையான உரிமை இருப்பதாகச் சொல்லியிருந்தார். அம்மா தன் உரித்தை வீட்டில் செயற்படுத்தினார். வீடில்லை அதைக் கொட்டில் என்றே கூற வேண்டும். அம்மா தன் மகனைத் தன் கொட்டிலில் நினைவு கூர்ந்த போது நானும் அவரோடு இணைந்திருந்தேன். அவரருகில் நின்றேன். மகன் எந்தவொரு சீருடையைக் கூட அணிந்திருக்கவில்லை. இது தாயொருவர் தன் மகனை நினைவேந்திய செயற்பாடு. கூட்டாக எவரும் நினைவேந்தலில் முடியாத போதும் எல்லோரும் தனிப்பட்ட நினைவேந்தலில் ஈடுபடலாம் என்பதை என் மனுதாரருக்கு விளக்குமாறு நீதிமன்றம் என்னைப் பணித்திருந்தது.

சரத் வீரசேகரவின் இது வித இனவதாகக் கருத்துக்களால் முழு நாடும் தவறாக வழி நடத்தப்படுகிறது. அதை இச் சபை அனுமதிக்கிறது," என்றார்

https://www.facebook.com/M.A.Sumanthiran/videos/475001343478471

Link to post
Share on other sites
  • கருத்துக்கள உறவுகள்
2 hours ago, கிருபன் said:

அமைச்சருக்கு இந்த விடயத்தில் பதில் தர வேண்டிய கடப்பாடு ஏதும் எனக்குக் கிடையாது. எனினும் இவ்விடயத்தில் என் பெயர் பகிரங்கமாக பிரஸ்தாபிக்கப்பட்டமையால் நான் பதில் தருகின்றேன். 1985 இல் உயிரிழந்த பண்டிதர் என்பவரின் 83 வயதுத் தாயான சின்னத்துரை மகேஸ்வரி என்ற வயோதிப மாதுவுக்காக சில தினங்களுக்கு முன்னர் யாழ்ப்பாணம் மேல் நீதிமன்றத்தில் முன்னிலையாகினேன். அவர் ஒவ்வொரு வருடத்திலும் நவம்பர் மாதத்தில் தனது மகனுக்கு நினைவஞ்சலி செய்வது வழமை.

 இனி சிங்கள  பேப்பர்காரன்கள் இவரை கூப்பிட்டு நாலு கேள்வியள் கேட்க சொந்த வேசத்திலை காட்சியளிப்பார். 🤣

Link to post
Share on other sites
  • கருத்துக்கள உறவுகள்

எப்படி இருந்தபோதும் சுமந்திரன் தவறு செய்திருப்பதுபோலவே தெரிகின்றது. வரும்காலங்கள் இதட்கு பதில் சொல்லும். அத்துடன் இவர் ஜனாதிபதி ஆணைக்குழு முன்னிலையில் ஆஜராகாதபடியால் இப்போது அழைப்பாணை வழங்கி இருக்கிறார்கள். சிக்கல்தான்.

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • கள்வன் என்று கருதுபவனையும் ஐயா என்று அழைக்கும் உங்கள் பண்பு போற்றுதற்கு உரியது. 🙏
    • பாக். பிரதமரின் விஜயம்; இந்தியாவின் அணுகுமுறைக்கு இராஜதந்திர ரீதியில் பதிலளிக்கிறதா இலங்கை ? இலங்கை அரசியலில் மீண்டும் ஒரு இராஜதந்திர நகர்வுக்கான நடவடிக்கை ஆரம்பமாகியுள்ளது. அதன் பிரதிமைகள் இலங்கைக்கு இலாபகரமானதாக அமையுமா அல்லது நெருக்கடியை ஏற்படுத்துமா என்ற கேள்வியுடன் அது தொடர்பான பதிவுகள் காணப்படுகின்றன. இந்திய வெளியுறவு அமைச்சர் ஜெய்சங்கரின் இலங்கை வருகைக்குப் பின்னர் அதீதமான மாற்றங்கள் இலங்கைப் பரப்பில் ஏற்படத் தொடங்கியுள்ளதாக கடந்த பத்தியில் குறிப்பிட்டிருந்தோம். அதற்கு பதிலளிக்கும் விதத்தில் உள்நாட்டிலும் பிராந்திய ரீதியிலும் சர்வதேச மட்டத்திலும் இலங்கை ஆட்சியாளர்கள் இயங்க ஆரம்பித்துள்ளனர். அதன் ஒரு நகர்வாகவே பாகிஸ்தானின் பிரதமர் இலங்கை விஜயம் அமையவுள்ளதாக தெரிகிறது. அதனை பற்றியதாகவே இக்கட்டுரையும் அமையவுள்ளது. பாகிஸ்தானின் பிரதமர் இலங்கை வருகையை இலங்கை ஆட்சியாளர்கள் முதன்மைப்படுத்தி வருகின்றனர்.பாகிஸ்தான் பிரதமரது இலங்கை விஜயம் பொருளாதார அடிப்படையைக் கடந்து இராணுவ விடயங்களிலும் அரசியல் ரீதியிலும் அதிக கரிசனையுடையதாக அமைய வாய்ப்பு அதிகமுண்டு. காரணம் பாகிஸ்தான் பொருளாதார ரீதியில் முதன்மையான நாடு கிடையாது. அது இராணுவ ஆட்சியிலும் அரசியல் ரீதியில் இந்தியாவுக்கு எதிரானது என்ற அடிப்படையிலும் நோக்கப்படும் நாடு என்பது கவனத்திற்குரியதாகும். இலங்கை ஜனநாயகத்தை முதன்மைப்படுத்தும் நாடு மட்டுமன்றி சட்டத்தின் ஆட்சிக்குள் இயங்குவதற்கு அதிகம் முயற்சிக்கும் தேசமாக விளங்குகிறது. அதற்காக சுதந்திரத்திற்கு பிந்திய காலத்தை அதிகம் செலவிட்டுள்ளது.. தற்போது மட்டுமே அதிலிருந்து விலகுவதாக அதிக விமர்சனம் எழுந்துள்ளது. ஆனாலும் அவ்வப் போது இராணுவ ஆட்சிக்கான முனைப்புக்களை வெளிப்படுத்திய போதும் பிராந்திய சர்வதேச அழுத்தங்களால் அதற்கான வாய்ப்புகளிலிருந்து தவறியுள்ளது. ஆனால் சமகாலத்தில் ஆட்சியிலுள்ள சக்திகள் இராணுவத்தின் பங்கினை வலுவானதாக மாற்றிக் கொண்டு செல்வதென்பது ஆபத்தான சூழலை ஏற்படுத்திவிடுமா என்ற சந்தேகத்தை ஏற்படுத்துவதாக விமர்சனங்கள் எழுந்துள்ளன. அத்தகைய சந்தேகத்திற்கு வலுச்சேர்க்கும் வி-தத்தில் பாகிஸ்தான பிரதமர் இம்ரான் கானின் இலங்கை விஜயம் அமையலாம் என்ற நோக்கில் பார்க்கப்படுகிறது. காரணம் கொவிட்-19 மற்றும் கடந்த முப்பது வருடம் வடக்கு கிழக்கு மீதான போர் என்பன இலங்கை இராணுவத்தின் வலுவை அதிகரித்துள்ளது. அதன் செல்வாக்கு அரசியலில் பதிவாகும் காலமாக கொவிட்-19 அமைந்துள்ளது. இது உலகத்தில் அனேக நாடுகளில் நிகழ்ந்து வருகிறது. ஆனால் இலங்கையில் சற்று அதிகமானதாக காணப்படுகிறது. இதன் விளைவு இராணுவ தேசமாக மாற்'றிவிடுமா என்ற எண்ணத்தைர வலுவானதாக ஆக்கக்கூடியதே. பாகிஸ்தானின் அனுபவம் அவ்வாறானதாகவே அமைந்திருந்தது. யாஸாயாக் ஹான் முதல் பர்வேஸ் முஸாராப் வரை பாகிஸ்தான் அரசியலில் இராணுவத்தின் பிரசன்னத்தை அதிகரிக்க மக்களால் தேர்ந்தெடுக்கப்பட்ட அரசியல் வாதிகளே காரணமானவர்களாக காணப்பட்டனர். அதிலும் முன்னாள் பிரதமர் அலி பூட்டோ இராணுவத்தில் 11வது நிலையிலிருந்த உல் ஹக்கை இராணுவத் தளபதியாக்கியதன் விளைவே பூட்டோ தூக்கிலிடப்பட்டார் என்பது கவனத்திற்குரிய செய்தியாகும். தென் பூகோள நாடுகளில் பொருளாதார மற்றும் சமூகம் சார் அரச கட்டமைப்புகளை விட அதிகாரம் சார் கட்டமைப்புக்களின் வளர்ச்சியே முதன்மையானதாக காணப்படுகிறது. அனேகமான நாடுகள் அதிகாரப் போட்டிக்காகவே ஆட்சி அதிகாரத்தை நாடுகின்றனர். அத்தகைய அரச கட்டமைப்புகளும் அதிகார வர்க்கத்திற்காகவே உருவாக்கப்படுகின்றன. ஆட்சியாளரைப்பற்றியும் அவர்களது பாதுகாப்பு மற்றும் அதிகார அளவீடுகள் பற்றியதாகவே அரசியலமைப்புக்கள் உருவாக்கப்படுகின்றன.தென் பூகோள நாடுகளின் அனேக அரசியலமைப்புக்கள் பொருளாதாரக் கொள்கையற்று சமூக நோக்குநிலையற்று விளங்குகின்றன. இதனாலேயே இந்நாடுகளது பொருளாதார வளர்ச்சி சாத்தியமற்றதாக அமைந்துவிடுகின்றன. அது மட்டுமன்றி ஆளும் வர்க்கங்களுக்குள் ஏற்படும் மோதல் இராணுவத்தின் பிரசன்னத்தை நோக்கிய நகர்வை சாத்தியமாக்குகின்றது. கண்டியர் ஆதிக்கம் வீழ்ந்தது போல் கறுவாத் தோட்ட அரசியலும் ஹம்பாந்தோட்டையின் அரசியலால் வீழட்ச்சியை நோக்கியுள்ளது. இதே தருணமே பாகிஸ்தானின் ஆட்சித் துறையில் இராணுவ பிரசன்னத்திற்கு வழியமைத்தது. இத்தகைய நகர்வு உள்நாட்டில் எப்படியானதாக அமைந்தாலும் எதிர்வினைகள் பலவீனமானதாகவே அமையும். ஆனால் பிராந்திய மட்டத்திலும் பூகோள மட்டத்திலும் மிக எச்சரிக்கை உடையதாக அமைய வாய்ப்புள்ளது. ஜே.வி.பி. இனது எழுச்சியின் போதும் வடக்கு கிழக்கு ஆயுதப் போராட்டத்தின் போதும் அத்தகைய எதிர் வினைகளை பிராந்தியத் தளத்திலிருந்து அவதானிக்க முடிகிந்தது.அத்தகைய அனுபவம் 2015 ஆம் ஆண்டு ஜனாதிபதித் தேர்தலின் போதும் அவதானிக்க முடிந்தது. அதில் பிராந்திய பூகோள சக்திகள் இணைந்திருந்தன என்பதை அக்காலப்பகுதியில் காணமுடிந்தது. எனவே அதற்கான வாய்ப்புக்களை தடுக்கும் உத்திகளை பிராந்'திய பூகோள தளத்திலிருந்து பார்த்துக் கொள்வதற்கான சூழல்கள் அதிகரி-ப்பதாக தெரிகிறது. ஆனாலும் பாகிஸ்தான் பிரதமரது இலங்கைப் பயணம் ஏற்படுத்தக் கூடிய விளைவுகளையும் குறைத்து மதிப்பிட முடியாது. முதலாவது இந்தியாவின் அண்மைய நடவடிக்கைகளுக்கு ஒரு பதில் அளிப்பது அல்லது எதிர்வினையாறட்றுவதாகவே தெரிகிறது. இந்திய வெளியுறவு அமைச்சரது விஜயம் அதிக நெருக்கடியை இலங்கை ஆட்சியாளர்களுக்கு ஏற்படுத்தியிருக்கலாம். அதனால் அதனை சமநிலைப்படுத்த வேண்டிய கடப்பாடு இலங்கை ஆட்சித்துறைக்கு உண்டு. அதிகாரச் சமநிலைக்கான போராட்டம் ஒன்றின் களத்துக்குள் அரசுகள் இயங்குகின்றன என்பது கவனத்தில் கொள்ளப்பட வேண்டும். இத்தகைய நடைமுறை இந்தியாவுக்கும் பூகோள சக்திகளுக்கும் ஒரு செய்தியை கொடுக்கும். அதற்கு பதிலளிக்க இந்தியா உடனடியாக முயலும். அது எதிரானதாக மட்டும் அமையாது சார்பானதாகவும் அமைய வாய்ப்புண்டு. சார்பானதாக அமைந்தால் அது இலங்கை ஆட்சியாளர்களுக்கு சாதகமானதாக மாறும். இரண்டாவது பாகிஸ்தான் பிரதமர் வருகை என்பது வெளிப்படையாக இரு நாட்டுக்குமான உறவாகவே கருத வேண்டும். ஆனால் இந்தியாவைப் பொறுத்தவரை அவ்வாறு எண்ணுவதை விட தனது எதிரி நாட்டின் பிரசன்னம் தனது இருப்புக்கு ஆபத்தானதாகவே அமையும் என்ற நோக்கில் அமையும். சுதந்திரத்திலிருந்து இரு நாட்டு அரசியலும் எதிர் துருவங்களாக செயல்பட்டதன் விளைவு என்பது மறுக்க முடியாது. எனவே இந்தியா இத்தகைய உறவை தனக்கு எதிரான உறவாகவே பார்க்க முயலும். மூன்றாவது பாகிஸ்தான் பிரதமரது விஜயம் சீன சார்புச் சக்திகளின் உறவைக் காட்டுவதாகவே இந்தியா மட்டுமல்ல பூகோள அரசுகளும் அதன் கொள்கை வகுப்பாளர்களும் கருத வாய்பட்புள்ளது. காரணம் சீன- பாகிஸ்தான் உறவானது பொருளாதார மற்றும் இராணுவ பாதுகாப்பு சார்ந்தது. மிக அண்மையில் இரு நாடுகளும் பாதுகாப்பு உடன்பாடு ஒன்றில் கையெழுத்திட்டதுடன் இரு நாட்டுக்குமான நட்புறவை இரும்பாலான பிணைப்பு என பிரதமர் குறிப்பிட்டிருந்தமை நினைவு கொள்ளத்தக்கது.அது மட்டுமல்ல இலங்கை அத்தகைய உறவுக்குள் சென்றுவிட்டாலும் தடுத்து நிறுத்தி தமது கட்டுப்பாட்டுக்குள் வைத்துக் கொள்ள வேண்டும் என இந்தியா முனைகின்ற போது பாகிஸ்தான பிரதமரது இலங்கை விஜயம் அவ்வளவு ஆரோக்கியமானதாக அமைய வாய்ப்பில்லை என்றே தோன்றுகிறது. நான்கு இதனை இலங்கை ஒரு இராஜதந்திர உத்தியாகவே பார்கிறது. அதாவது இந்தியாவுக்கு இலங்கையின் போக்கு எப்படியானதாக அமையும் என்பதை சுட்டுவதாகவே தெரிகிறது. அதாவது இலங்கை விடயத்தில் இந்தியாவின் எல்லையை வெளிப்படுத்தியதுடன் அதனை இந்தியா மீறுமாயின் இலங்கை பயணிப்பதற்குரிய பாதை எதுவென்பதும் சுட்டப்பட்டுள்ளது.அதில் பாகிஸ்தான் ஒரு எடுகோளாகவே இலங்கை கருகிறது. பலமான சீன -பாகிஸ்தான் இலங்கை நட்புறவு உருவாகும் என்பதையும் இந்தியாவுக்கு உணர்த்தியுள்ளது ஐந்து இத்தகைய எண்ணத்திற்கு சமகாலத்தில் இரு விடயங்களை அடையாளப்படுத்த முடியும். அதாவது இந்தியா வான்பாதுகாப்பு உபகரணங்களை இலங்கைக்கு 19.01.2021 இல் வழங்கியுள்ளது. 20.01.2021 இல் இலங்கை கடற்படையில் மோதுண்டு தமிழக மீனவர்கள் இறந்துள்ளதாகவும் அவர்கள் மீன் பிடிக்கு பயன்படுத்திய சிறியரக கபட்பல் ஒன்றினை கைப்பற்றியுள்ளதாகவும் இலங்கை கடற்படை அறிவித்துள்ளது. எனவே பாகிஸ்தான் பிரதமரது இலங்கை விஜயம் அதிகமான எதிர்வினைகளை ஆற்றக்கூடியதாகும். இலங்கை ஆட்சித்துறையிலுள்ளவர்கள் எப்போது நெருக்கடி காலத்தில் முகாமை செய்யும் இராஜதந்திரத்தை கொண்டவர்கள் என்பதை கவனித்தல் அவசியம். இந்தியத் தரப்பு எத்தகைய நகர்வை நோக்கி பயணிக்கப் போகிறது என்பது முக்கியமானதாகும். தற்போதை வெளியுறவும் தமிழக தேர்தல் களமும் இலங்கையிடம் கட்டுப்படுவதை அதிகம் ஒரு தெரிவாக இந்தியா கொள்ள வாய்ப்பில்லை என்றே தோன்றுகிறது. அருவி இணையத்துக்காக கலாநிதி கே.ரீ.கணேசலிங்கம் http://aruvi.com/article/tam/2021/01/28/22036/
    • நான் மேயராகப் பதவியேற்க உதவிய சுமந்திரனுக்கும் மாவைக்கும் நன்றி.! - மணிவண்ணன் யாழ். மாநகர சபையின் மேயராக வருவதற்கு உதவிய தமிழ்த் தேசியக் கூட்டமைப்பின் பேச்சாளர் எம்.ஏ.சுமந்திரன் மற்றும் இலங்கைத் தமிழரசுக் கட்சியின் தலைவர் மாவை சோ. சேனாதிராஜா உள்ளிட்ட பலருக்குத் தமது நன்றியை மேயர் வி.மணிவண்ணன் தெரிவித்தார். யாழ். மாநகர சபையின் 2021ஆம் ஆண்டுக்கான வரவு - செலவுத் திட்டம் சபை மண்டபத்தில் நேற்று இடம்பெற்றபோதே அவர் இந்த நன்றியைக் கூறினார். அவர் மேலும் தெரிவிக்கையில், "யாழ். மாநகர சபையின் மேயராக நான் வருவதற்கு 6 கட்சியினர் உதவியுள்ளனர். அதாவது தேர்தலிலே சந்தர்ப்பம் வழங்கி சபையின் உறுப்பினராகுவதற்குத் தமிழ்த் தேசிய மக்கள் முன்னணி சந்தர்ப்பம் வழங்கியது. அதே போன்று எனது உறுப்புரிமைக்கு எதிராக நீதிமன்றத்தில் வழக்குத் தாக்கல் செய்யப்பட்ட நிலையில் அந்த வழக்கிலே எனக்கு எதிராக வாதாடிய தமிழ்த் தேசியக் கூட்டமைப்பின் பேச்சாளரான ஜனாதிபதி சட்டத்தரணி எம்.ஏ.சுமந்திரன் அந்த வழக்கை மீளப்பெற்று நான் மேயராகுவதற்குச் சந்தர்ப்பம் வழங்கினார். இதேபோன்று மாநகர மேயர் தேர்விலே தமிழ்த் தேசியக் கூட்டமைப்பின் சார்பில் மீண்டும் ஆனோல்ட்டை போட்டியிட வைத்து என்னை வெல்ல வைக்க இலங்கைத் தமிழரசுக் கட்சியின் தலைவர் மாவை சோ. சேனாதிராஜா உதவினார். பழைய மேயரின் வரவு - செலவுத் திட்ட வாக்கெடுப்பின்போது வாக்களிக்கச் சபைக்கு வராது அந்த பட்ஜட் தோல்வியடைய ஐக்கிய தேசியக் கட்சியினர் உதவினர். அதன்பின்னர் மேயர் தேர்வின்போது எனக்கு ஈ.பி.டி.பி. மற்றும் ஸ்ரீலங்கா சுதந்திரக் கட்சி என்பவற்றின் உறுப்பினர்கள் ஆதரவளித்தனர். ஆகவே, இந்த 6 கட்சியினருக்கும் எனது நன்றி" - என்றார். http://aruvi.com/article/tam/2021/01/28/22031/
    • இப்படி ஒரு கட்டிடத்தை கடட 122 மில்லியன் செலவளித்திருக்கிறார்கள் என்பதை நம்ப முடியவில்லை. நிலக்கீழ் அறைகளும் அமைத்திருக்கிறார்களோ தெரியவில்லை.
    • அமெரிக்காவின் அழுத்தங்களுக்கு அடிபணியாது இலங்கை - அரசு ஆணித்தரம்.! ஜோ பைடன் தலைமையிலான அமெரிக்காவின் புதிய நிர்வாகத்தின் அழுத்தங்களுக்கு இலங்கை ஒருபோதும் அடிபணியமாட்டாது. ஜோ பைடன், தமது நாட்டில் இடம்பெறும் மனித உரிமை மீறல்கள் தொடர்பில் முதலில் கவனம் செலுத்த வேண்டும். அதைவிடுத்து பிற நாட்டு விடயங்களில் அவர் தலையிடக்கூடாது." - இவ்வாறு அமைச்சரவைப் பேச்சாளரும் வெகுஜன ஊடகத்துறை அமைச்சருமான கெஹலிய ரம்புக்வெல தெரிவித்தார். 'இலங்கையில் மனித உரிமைகள் மீறப்பட்டுள்ளதா என ஆராய ஜனாதிபதி கோட்டாபய ராஜபக்ச நியமித்துள்ள புதிய ஆணைக்குழுவால் அனைத்தும் முறையாக நடந்துவிடப்போவதில்லை. அமெரிக்காவின் புதிய ஜனாதிபதி ஜோ பைடன் தலைமையிலான நிர்வாகமும் மனித உரிமை விவகாரங்களில் இலங்கைக்குத் தொடர்ந்தும் அழுத்தங்களை வழங்கும். ஆட்சி மாறினாலும் அமெரிக்காவின் கொள்கைத்திட்டத்தில் மாற்றம் ஏற்படாது' என்று இலங்கைக்கான அமெரிக்கத் தூதுவர் அலைனா டெப்லிட்ஸ் கொழும்பில் நடைபெற்ற ஊடகவியலாளர் சந்திப்பில் தெரிவித்திருந்தார். இது தொடர்பில் கருத்துரைக்கும்போதே அவர் மேற்கண்டவாறு கூறினார். அவர் மேலும் தெரிவித்ததாவது:- "இலங்கையில் தற்போதைய ஆட்சியில் மனித உரிமைகள் பேணிப் பாதுகாக்கப்படுகின்றன. கடந்த காலங்களில் மனித உரிமை மீறல்கள் மீறப்பட்டுள்ளன என்று ஜனாதிபதி நியமித்துள்ள புதிய ஆணைக்குழு ஆராய்ந்து நிரூபித்தால் பாதிக்கப்பட்டவர்களுக்கு நீதியை இந்த அரசு வழங்கியே தீரும். இதில் மாற்றுக் கருத்துக்கு இடமில்லை. இலங்கையின் உள்விவகாரங்களில் அமெரிக்காவோ அல்லது வேறெந்த நாடுகளோ தலையிட முடியாது. அமெரிக்காவின் எல்லை மீறிய நடவடிக்கைகளால்தான் ஐ.நா. மனித உரிமைகள் சபையில் இலங்கை நெருக்குவாரங்களைச் சந்திக்க வேண்டி வந்தது. இம்முறையும் அமெரிக்காவின் நட்பு நாடுகள் இலங்கை மீது மேலும் நெருக்குவாரங்களைப் பிரயோகிக்க நடவடிக்கைகளை மேற்கொண்டு வருகின்றன. எனினும், இலங்கையின் நட்பு நாடுகள் இதனை எதிர்க்கும். இலங்கையும் தமது நிலைப்பாட்டை ஜெனிவாக் கூட்ட அமர்வில் தெளிவாக எடுத்துரைக்கும்" - என்றார். http://aruvi.com/article/tam/2021/01/28/22032/
×
×
  • Create New...

Important Information

By using this site, you agree to our Terms of Use.