ஆபிரிக்காவின் விடிவெள்ளியே மண்டேலா

[shanthy]

Friday, December 6, 2013

ஆபிரிக்காவின் விடிவெள்ளியே மண்டேலா !

 

நிறவெறிக்கெதிராய்
நெருப்பெடுத்த கறுப்புச் சுடர்.
காலம் ஆபிரிக்க இருளகல
கைபிடித்தேற்றிய பேரொளி.

இருள் கொன்று ஆபிரிக்கர்
ஒளிகொண்டெழ உதித்த
மூத்தவன் மண்டேலா.

இனவிடுதலையை
உயிராய் கொண்டதால் - நீ
இருபத்தேழு வருடங்கள்
இரும்புக்கம்பிகளில் அடைபட்டு
வெளியில் வந்த போது நீயே
உலக விடிவெள்ளியாய் ஆகினாய்.

போராடும் தேசங்களின்
வழிகாட்டியாய்
ஒளியூட்டிய இரும்பு.
இறந்து போனாயாம்
இன்றைய செய்திகள்
உன்னையே நினைவில்
உடுத்திக் கொள்கிறது.

தங்கச் சூரியன் எங்கள் தலைவன்
உன்னையும் சொல்லியே
உருவாக்கினான் தமிழனை
தமிழீழ விடுதலைப்போரை
வரலாறாக்கினான்.

உனக்கு நிகராய் உனக்கு நேராய்
வாழ்ந்த எங்கள் தலைவனை
உன்னில் காண்கிறோம்
உலகில் வாழ்கிறோம்.
என்றோ நாங்களும்
இவ்வுலகை வெல்லுவோம்.

உண்மையின் குறியீடே
உலகின் ஒப்பிலா வீரனே
இருள் அகற்றிய ஒளியே
 போய் வருக
போராடும் பூமியெங்கும்
போராடியவர்கள் யாவரின் சார்பாய்
உனக்கெங்கள் வீரவணக்கம்.

ஓய்வில்லை வீரனுக்கு - அவன்
உறங்கினாலும் ஓயாத வேகம்
கல்லறைக்குள்ளிருந்தும்
படைநடத்தும் அவன் வாழ்வு.
நீயும் காலமெல்லாம்
படை(கை) வெல்லும் வீரனாய்
இந்தப் பாருள்ளவரை
படைநடத்திக் கொண்டேயிருப்பாய்.
போய் வருக மண்டேலா
உலகின் போர் விதியை வென்றவனே
போய் வருக.

06.12.2013
சாந்தி நேசக்கரம்

 

https://mullaimann.blogspot.com/2013/12/blog-post.html?m=1

[பெருமாள்]

கன காலத்துக்கு பிறகு சாந்தியக்கா நல்வரவு .

[goshan_che]

வருகைக்கும் கவிதைக்கும் நன்றி அக்கா.

மன்னிக்க தெரிந்த மாமனிதன் மண்டேலா.

அத்தனை வருட அடக்குமுறைக்கு பதிலாக ஆட்சிக்கு வந்த அடுத்த 5 ஆண்டுகளில் வெள்ளையினத்தவரை வேலையில் இருந்து,  வியாபாரத்தில், பண்ணகளில் இருந்து விரட்டி அடித்திருக்கலாம்... ஆனால் மடிபா செய்யவில்லை.

சாகும் வரை ஜனாதிபதியாக இருந்திருக்கலாம்.. ஆனால் மடிபா அதையும் செய்யவில்லை.

The long walk to freedom ... வெள்ளை சிறையில் இருந்து மட்டும் அல்ல, சாதாரண மானிடர்களின் உள்ளத்தில் இருக்கும் சிறையில் இருந்தும் மடிபாவை விடுவித்திருந்தது. 

 

 

[Justin]

சாந்தி போன்றோர் தொடர்ந்து எழுத வேண்டும். 

மண்டேலா ஒரு உதாரண புருஷர் தான். இருண்ட கண்டத்திலிருந்தும் ஒரு நேர்மையான தலைவர் உருவாக முடியும் என்று நிரூபித்தவர் மண்டேலா!

ஜனநாயக்தைப் பொறுத்தவரை குன்றில் விளக்காக (Beacon on the Hill) இருக்கும் அமெரிக்காவிலிருந்தும் ஒரு சர்வாதிகாரி உருவாக முடியும் என்று நிரூபித்தவர் ட்ரம்ப்!

[shanthy]

On 6/12/2020 at 00:46, பெருமாள் said:

கன காலத்துக்கு பிறகு சாந்தியக்கா நல்வரவு .

அன்புக்கு நன்றி பெருமாள். 

On 6/12/2020 at 03:00, goshan_che said:

வருகைக்கும் கவிதைக்கும் நன்றி அக்கா.

மன்னிக்க தெரிந்த மாமனிதன் மண்டேலா.

அத்தனை வருட அடக்குமுறைக்கு பதிலாக ஆட்சிக்கு வந்த அடுத்த 5 ஆண்டுகளில் வெள்ளையினத்தவரை வேலையில் இருந்து,  வியாபாரத்தில், பண்ணகளில் இருந்து விரட்டி அடித்திருக்கலாம்... ஆனால் மடிபா செய்யவில்லை.

சாகும் வரை ஜனாதிபதியாக இருந்திருக்கலாம்.. ஆனால் மடிபா அதையும் செய்யவில்லை.

The long walk to freedom ... வெள்ளை சிறையில் இருந்து மட்டும் அல்ல, சாதாரண மானிடர்களின் உள்ளத்தில் இருக்கும் சிறையில் இருந்தும் மடிபாவை விடுவித்திருந்தது. 

 

 

போராடிய எல்லோயும் வலியவர்கள் ஏதோ ஒரு வகையில் தங்கள் கைகளில் கட்டுப்படுத்தி விடுகிறார்கள். அந்தப் பிடியில் இருந்து வெளிவரும் போது பலவற்றை இழந்து விடுகிறது வரலாறு. அதுதான் மடிபாவுக்கும் நடந்திருக்கும் goshan_che. 

On 6/12/2020 at 03:14, Justin said:

சாந்தி போன்றோர் தொடர்ந்து எழுத வேண்டும். 

மண்டேலா ஒரு உதாரண புருஷர் தான். இருண்ட கண்டத்திலிருந்தும் ஒரு நேர்மையான தலைவர் உருவாக முடியும் என்று நிரூபித்தவர் மண்டேலா!

ஜனநாயக்தைப் பொறுத்தவரை குன்றில் விளக்காக (Beacon on the Hill) இருக்கும் அமெரிக்காவிலிருந்தும் ஒரு சர்வாதிகாரி உருவாக முடியும் என்று நிரூபித்தவர் ட்ரம்ப்!

வலியது முந்தும் எளியது வீழ்ச்சி காணும் என்பதை அமெரிக்கா மீண்டும் நிரூபித்துள்ளது.