Jump to content

பின்லாந்து நாட்டிலே எமது தாய்மொழியை அரச பாடசாலைகளிலே கற்பிப்பதன் நோக்கம் என்ன?


Recommended Posts

130822160_1315605408805096_5117324839362

து நாட்டிலே எமது தாய்மொழியை அரச பாடசாலைகளிலே கற்பிப்பதன் நோக்கம் என்ன?
தாய்மொழி என்பது எமது சிந்தனை மொழி, உள்ளத்தில் உள்ள மொழி, உணர்வுகளை வெளிப்படுத்தும் மொழி, பிள்ளை முதலாவதாகப் பேசும் மொழி. பின்லாந்தில் "சொந்த மொழி சொந்த சிந்தனை" (oma kieli oma mieli) என்று சொல்வார்கள். எக்குழந்தையொன்று தடக்கி விழுகின்ற போது பின்லாந்து மொழியில் äiti (அம்மா) என்று சொல்லாமல் தமிழ் மொழியிலே அம்மா என்று சொல்கிறதோ அக்குழந்தையின் சிந்தனை மொழி தமிழ் ஆகும்.
இங்கு எமது தாய்மொழியைப் பாடசாலைகளில் கற்பிப்பதற்கு மிக முக்கியமான காரணம் என்னவென்றால் தாய்மொழியானது பிள்ளைகளின் எண்ணங்களை வளர்த்துச் சிந்தனை ஆற்றல்களை பெருக்கி சுறுசுறுப்பான குழந்தையாகவும் செயல்திறன் மிக்க குழந்தையாகவும் இயங்க வைக்கிறது.
பிள்ளைகளின் பல மொழிகள் கற்கும் திறன்களை வளர்க்கின்றது. மற்றும் இச்சமூகத்தில் பல மொழி ஆற்றல் உள்ள பிள்ளையாக உருவெடுக்க உதவுகின்றது. உதாரணமாக பின்லாந்துப் பிள்ளைகளை விட எமது சிறார்கள் அவர்களின் தாய் மொழியுடன் சேர்த்து ஒரு மொழியை அதிகமாக கற்கும் வாய்ப்பு இவர்களுக்குக் கிடைக்கிறது. தாய்மொழியை நன்கு அறிந்த பிள்ளைகளினால் பிற மொழிகளை இலகுவாகக் கற்றுக் கொள்ள முடிகின்றது.
மேலும் பிள்ளைகளுக்கு அவர்களுடைய தாய் மொழியைக் கற்பிப்பதனால் பின்லாந்துச் சமூகத்தையும் நாட்டினையும் மென்மேலும் முன்னேற்றமடையச் செய்யமுடியும் என்பது இவர்களுடைய கணிப்பாக இருக்கிறது. அது எவ்வாறெனில் தனது தாய்மொழியைக் கற்கும் குழந்தையானது அதன் சமூகத்தைப் பற்றியும் நன்கு அறிந்து கொள்ளும். அவ்வாறு வளர்கின்ற பிள்ளையின் சிந்தனையானது பின்லாந்தவர்களின் சிந்தனையிலும் மாறுபட்டதாகவும் இரண்டு இனங்களுக்கும் பொதுவானதாகவும் அமையும். எதாவது ஒரு வளர்ச்சிக்கான திட்டங்களிலோ அல்லது பிரச்சனைக்கான தீர்வுகளை மேற்கொள்ளும் சந்தர்ப்பங்களிலோ இப் பிள்ளைகளால் முன்வைக்கப்படும் திட்டங்கள் மூலம் நாட்டில் முன்னேற்றங்களைக் கொண்டு வர முடியும் என்பதும், பிரச்சனைகளின் தீர்வுகளையும் இலகுவாகப் பெற்றுக் கொள்ளலாம் என்பதும் இவர்களின் கணிப்பாக இருக்கிறது.
தாய்மொழியின் முக்கியத்துவம் பற்றி இன்னும் பல விடயங்களைச் சொல்லிக்கொண்டே போகலாம். பின்லாந்து நாட்டிலே தாய்மொழி யின் அவசியத்தை உணர்ந்து எமது மொழியினைக் கற்பிப்பதற்காக பல லட்சங்களைக் பின்லாந்து நாடு செலவு செய்து வருகிறது ஆனால் தமிழ் பெற்றோர்களில் சிலர் தாய்மொழியின் முக்கியத்துவங்களை அறியாமல் உதாசீனம் செய்வது வேதனைக்குரிய விடயம் ஆகும்.
பின்லாந்துப் பாடசாலைகளிலே ஆசிரியர்கள் எமது பெற்றோர்களுக்கு அறிவுறுத்தும் மிகமுக்கியமான விடயம் என்னவென்றால் உங்கள் பிள்ளைகளுடன் வீடுகளிலே
தாய்மொழியிலே உரையாடுங்கள் என்பதே ஆகும். இப்படி எமது தாய்மொழியினை உயரத்தில் வைத்திருக்கும் இவர்களின் கல்விக் கொள்கையினை மதித்து எமது தாய்மொழியை இங்கு வளரும் பிள்ளைகளில் ஆழமாக விதைப்போம். எமது பிள்ளைகளை பின்லாந்துச் சமூகத்தில் சாதனையாளர்களாக மாற்றுவோம்.
மேற்கோள்கள் (viitteet) :
2. www.oph.fi › files › documentsPDF
oma kieli – oma mieli - Opetushallitus
கட்டுரையாக்கம்,
சி.நிறோஜன்
(பொறியியல் பீட மாணவன்.
கமேன் பல்கலைக்கழகம் - பின்லாந்து)
  • Like 1
Link to post
Share on other sites
  • கருத்துக்கள உறவுகள்

அழகான சிந்தனை..... பாராட்டுக்கள்.....பகிர்வுக்கு நன்றி நுணா......!   😂

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

By using this site, you agree to our Terms of Use.