Jump to content

வெறிகொண்டு உயரும் பிட்காயின் மதிப்பு... முதலீடு செய்யலாமா? #Bitcoin


Recommended Posts

  • கருத்துக்கள உறவுகள்

வெறிகொண்டு உயரும் பிட்காயின் மதிப்பு... முதலீடு செய்யலாமா? #Bitcoin

Bitcoin

Bitcoin

உலக அளவில் பிட்காயின்கள் அதிகப் புழக்கத்தில் இருப்பது சீனாவில்தான். அடுத்த இடத்தில் இருப்பது இந்தியாவில். ஆனால், பிட்காயின்கள் குறித்து இன்னும் இங்குத் தெளிவான வரைமுறைகள் வகுக்கப்படவில்லை. கிரிப்டோகரன்ஸி வர்த்தகம் சட்டவிரோதம் இல்லை என்று மட்டுமே கூறியிருக்கிறது உச்சநீதிமன்றம்.

இரண்டு ஆண்டுகளுக்கு முன்பிருந்த பிட்காயின் மோகம் கடந்த ஓரிரு ஆண்டுகளாக கொஞ்சம் குறைந்திருந்தது. ஆனால், இப்போது மீண்டும் சமூக வலைதளங்களில் பிட்காயின் பற்றிய பேச்சு அடிபடத்தொடங்கியிருக்கிறது. இப்படி கிரிப்டோகரன்சி மீண்டும் ட்ரெண்டாக காரணம், என்றுமில்லாத அளவுக்கு பிட்காயினின் மதிப்பு சடசடவென உயர்ந்து கொண்டிருப்பதுதான்.

முதல்முறையாக இரண்டு நாட்களுக்கு முன் 23,000 டாலர் மதிப்பை எட்டியது ஒரு பிட்காயினின் மதிப்பு. அதாவது இந்திய மதிப்பில் சுமார் 17 லட்சம் ரூபாய். இந்த ஆண்டு மட்டும் சுமார் 220% உயர்ந்திருக்கிறது. திடீரென பிட்காயின் மதிப்பு இந்த வருடம் உயரக் காரணம் என்ன, இப்படியான கிரிப்டோகரன்சியில் முதலீடு செய்யலாமா?

Bitcoin
 
Bitcoin

இதற்கு முன் பிட்காயின் எப்படியானது என்பதை பார்ப்போம். பிட்காயின் எப்படி உருவானது என்பதில் இன்னும் சில குழப்பங்கள் நீடிக்கவே செய்கிறது. ஆனால், சடோஷி நக்காமோட்டோ என்ற புனைபெயர் கொண்ட ஒருவர்தான் இந்த கிரிப்டோகரன்சி முறையை வடிவமைத்திருக்கிறார். 2008-ல் உலகமெங்கும் ஏற்பட்ட பொருளாதார நெருக்கடியின்போது இந்த புதிய எலெக்ட்ரானிக் கரன்ஸி முறைக்கான திட்டத்தை விளக்கும் வெள்ளை அறிக்கையை இவர் வெளியிட்டார். Peer-to-peer முறையில் நடுவில் எந்த ஒரு பொருளாதார அமைப்போ, வாங்கியோ குறுக்கிடாமல் ஒருவரிடமிருந்து ஒருவர் பரிமாறிக்கொள்ளும் முறையாக இதை அவர் வடிவமைத்திருந்தார். பிரபல டோரென்ட் பதிவிறக்க முறையைப் போன்றதுதான் இது. நடுவில் சர்வர் என்று ஒன்று இருக்காது. ஒருவர் தேவையான ஃபைலை பதிவிறக்கிய பின் அவர் கணினியே seeder ஆக மற்றவர்களுக்கு அந்த ஃபைலை பதிவிறக்க உதவும். இதே போன்றதொரு முறையில் பரிவர்த்தனை ஒன்றைத் தொடங்குவதே பிட்காயினின் திட்டம்.

 

bitcoin.org தளத்தில் குறிப்பிட்டிருப்பது இதுதான்,

"nothing more than a mobile app or computer program that provides a personal Bitcoin wallet and allows a user to send and receive Bitcoins with them"

அதாவது இன்று நாம் பயன்படுத்தும் பணப் பரிவர்த்தனை மொபைல் ஆப்/இணையதளம் போன்றதுதான் பிட்காயின். உங்களுக்கு பிட்காயின் வாலட் ஒன்று வழங்கப்படும். அதைக்கொண்டு உங்களால் பிட்காயினை அனுப்பவும் பெறவும் முடியும். பொதுவாக ஒரு பிட்காயின் அதன் முகவரி கொண்டு அடையாளம் கொள்ளப்படும். 26 முதல் 35 ஆங்கில எழுத்துகள் மற்றும் எண்களைக் கொண்டிருக்கும் இந்த முகவரி. '1' அல்லது '3' என்ற எண்ணில் இந்த முகவரி தொடங்கும். இது வெளிப்படையாக வெளியில் தெரியாது. ஆனால், ஒரு பிட்காயின் அல்லது அதன் பகுதியை இதைக் கொண்டுதான் குறிக்க முடியும். பிட்காயின் வைத்திருப்பவர்களுக்கு ஒரு 'Private Key' தரப்படும். அதைக் கொண்டுதான் வாலட்டை திறக்க முடியும்.

Bitcoin
 
Bitcoin

ஒரு நாட்டின் அரசால் வழங்கப்படும் டாலர், ரூபாய், யென் போன்ற கரன்ஸிகளுக்கு மாற்றாகவே இந்த கிரிப்டோகரன்சிகள் கொண்டுவரப்பட்டன. உலகமெங்கும் ஏற்றுக்கொள்ளப்படும் ஒற்றை கரன்ஸியாக இருக்கவேண்டும் என்ற நோக்கில்தான் பிட்காயின் போன்ற கிரிப்டோகரன்ஸிகள் உருவாகின. இப்போதுதான் ரூபாயும் கூட டிஜிட்டல் ஆகிவிட்டதே எனக் கேட்கிறீர்களா?

 

டிஜிட்டல் கரன்ஸிக்கும் பிட்காயின் போன்ற க்ரிப்டோகரன்ஸிக்கும் வித்தியாசம் உண்டு. இப்போது டிஜிட்டலாக நாம் செய்யும் பரிவர்த்தனைகளில் நிஜ கரன்ஸியை டிஜிட்டல் வடிவில் பரிமாறிக்கொள்வோம். அதாவது, 100 ரூபாய் நோட்டை கையில் எடுத்துச் செல்லாமல் டிஜிட்டலாக பரிவர்த்தனை செய்கிறோம். ஆனால், 100 ரூபாய் என்பது தாளாலான நோட்டுதான். ஆனால், க்ரிப்டோகரன்ஸி எனப்படுபவை முழுமையான டிஜிட்டல் கரன்ஸி. அவை டிஜிட்டலாக உருவாக்கப்பட்டு, டிஜிட்டலாகப் புழக்கத்தில் விடப்படுபவை.

சரி, ஒரு உதாரணம் சொல்கிறேன். ஒரு கடையில் பொருட்கள் வாங்கி வங்கிக் கணக்கு மூலம் பணம் செலுத்துகிறீர்கள் என எடுத்துக்கொள்வோம். 100 ரூபாய் செலுத்தவேண்டும் என்றால் அந்த கடை உங்கள் கணக்கிலிருந்து 100 ரூபாயை வங்கியிடம் கேட்கும். அந்த வங்கி அந்த தொகை உங்களிடம் இருப்பில் இருக்கிறதா என்று பார்த்து அந்த தொகையைக் கடைக்கு அனுப்பிவைக்கும். அனைத்தும் டிஜிட்டல் என்பதால் எல்லாம் நொடிகளில் நடந்துவிடுகிறது. பரிவர்த்தனைகள் மற்றும் பேலன்ஸ் தொகை கணக்குகளை வங்கிகள் பராமரிக்கும். இப்படி ஒரு அமைப்பே தேவையில்லை என்கின்றன கிரிப்டோகரன்ஸிகள்.

Bitcoin
 
Bitcoin QuoteInspector.com

பிட்காயினில் ஏற்படும் அனைத்து பரிவர்த்தனைகளும் பிளாக்-செயின்(block-chain) முறையில் ஒன்றோடு ஒன்று பிணைக்கப்பட்டிருக்கும். இதில் ஒன்றை மட்டும் மாற்றுவது முடியாத காரியம். மொத்த சங்கிலியிலும் அது மாற்றத்தை உண்டாக்கும். இதனால் இதில் முறைகேடுகள் நடக்கவோ, திருட்டுகள் நடக்கவோ வாய்ப்பில்லை. முன்பு சொன்னது போல டோரன்ட் பதிவிறக்கத்துக்கு தேவைப்படுவது போல இந்த சங்கிலியை வைத்திருக்கப் பல கணினிகள் தேவைப்படும். இதற்குத் தேவையான கம்ப்யூட்டிங் திறனைக் கொடுப்பதன் மூலம் நீங்களும் சங்கிலியின் ஒரு பகுதியாக மாறுவீர்கள். உலகமெங்கும் இப்படி இந்த சங்கிலியில் பலரும் இருப்பார்கள். இவர்களின் கணினிகள் அனைத்தும் சேர்ந்துதான் ஒரு பரிவர்த்தனையை உறுதிப்படுத்தும். இப்படி சங்கிலியில் ஒரு பங்காக இருப்பதால் என்ன பயன் கிடைக்கும்? இதைச் செய்வதற்கு அவ்வப்போது புது பிட்காயின் உருவாக்கப்பட்டு உங்களுக்குச் சன்மானமாக அது தரப்படும். இப்படி பிட்காயின் பெறுவதை 'பிட்காயின் மைனிங்' என்பார்கள். இப்படி இருப்பதால்தான் பிட்காயினை 'Global decentralised currency' என்கிறார்கள்.

இன்னும் விரிவாக பிட்காயின் பற்றி விரிவாகத் தெரிந்துகொள்ள கீழ்க்காணும் கட்டுரைகளைப் படியுங்கள்.

சரி, தொழில்நுட்ப பின்னணியில் மூழ்கிப் போகாமல் விஷயத்துக்கு வருவோம். ஏன், என்றுமில்லாத அளவு பிட்காயின் மதிப்பு சடசடவென உயர்ந்துவருகிறது?

பிட்காயினை ஒருவர் மூன்று வழிகளில் பெற முடியும். ஒன்று கம்ப்யூட்டிங் வசதிகள் கொண்டு 'பிட்காயின் மைனிங்' செய்து புதிய பிட்காயின்களை பெறலாம். இல்லை, ஏற்கெனவே பிட்காயின் வைத்திருக்கும் ஒருவரிடமிருந்து அதை வாங்கலாம். இது அல்லாமல் தற்போது பிட்காயின்களை பரிமாறிக்கொள்ளப் பங்குச்சந்தை போன்று 'Bitcoin Exchange' அமைப்புகளையும் சில நிறுவனங்கள் உருவாக்கி வைத்திருக்கின்றன. இதில் பணம் கொடுத்து பிட்காயின்களை உங்களால் பெற முடியும். இப்படி பங்குச்சந்தை போன்ற ஒரு கட்டமைப்புக்குள் வந்துவிட்டதால் ஒரு பிட்காயினுக்கு பண மதிப்பு ஒன்று நிர்ணயிக்கப்பட்டது. இது டிமாண்ட் சப்ளை பொறுத்து மாறிக்கொண்டே இருக்கும்.

Bitcoin
 
Bitcoin

டிமாண்ட் அதிகரித்திருப்பதால் இப்போது பிட்காயினும் வரலாறு காணாத வளர்ச்சியை கண்டுவருகிறது. பிட்காயினுக்கென இன்னொரு அம்சமும் உண்டு, புதிய பிட்காயின்களை குறிப்பிட்ட அளவுதான் உருவாக்க முடியும். தனிநபர் ஒருவர் மட்டும் அதிகப்படியான பிட்காயின்களை உருவாக்கி லாபம் பார்க்க அனுமதிக்காது பிட்காயின் ப்ரோடோகால். மொத்தமாகவே உலகமெங்கும் 2.1 கோடி பிட்காயின்கள் மட்டுமே மொத்தமாக உருவாக்க முடியும். அதுதான் லிமிட். இப்போதுவரை 1.85 கோடி பிட்காயின்கள் உருவாக்கப்பட்டுவிட்டன. இதனால்தான் டிமாண்ட் அதிகரிக்க மதிப்பும் எகிறுகிறது.

ரூபாய்க்கு பைசா இருப்பது போல பிட்காயினிலும் பகுதியாகப் பரிவர்த்தனைகள் செய்ய முடியும். பிட்காயினின் மிகக் குறைந்த பின்னம் 'சடோஷி'(Satoshi) என்று அழைக்கப்படுகிறது.

இந்த கொரோனா பெருந்தொற்று காலத்தில் இன்னும் சில விஷயங்களும் பிட்காயின்களின் இந்த வரலாறு காணாத வளர்ச்சிக்கு வித்திட்டிருக்கின்றன. உலகின் முன்னணி பணப் பரிவர்த்தனை சேவையான PayPal தொடங்கி நம்மூர் வங்கிகள் வரை வெளிப்படையாக இல்லையென்றாலும் மறைமுகமாக கிரிப்டோகரன்ஸிகளுக்கு அதன் முடிவுகள் மூலம் பச்சைக்கொடி காட்டியிருக்கின்றன. எஸ்.பி.ஐ, ஹெச்.டி.எஃப்.சி, யெஸ் பேங்க் போன்ற வங்கிகள் தங்கள் வாடிக்கையாளர்களை வங்கிக் கணக்குகளின் மூலம் கிரிப்டோகரன்ஸி வர்த்தகத்தில் ஈடுபட அனுமதித்துள்ளன.

2018-ல் ரிசர்வ் வங்கியின் உத்தரவின் பேரில் கிரிப்டோகரன்சி பரிமாற்ற கணக்குகளை முடக்கியது இந்திய வங்கிகள். கிரிப்டோகரன்சிக்கான பரிவர்த்தனைகளை அப்போது தடைசெய்திருந்தது மத்திய ரிசர்வ் வங்கி. உச்சநீதிமன்றம் இந்த தடையை நீக்குமாறு இந்த மார்ச் மாதம் உத்தரவிட்டது.

இதனால் பலரும் தங்கத்தில் முதலீடு செய்திருந்த பணத்தையும், காப்பீடு முதலீடுகளையும் பிட்காயின் பக்கம் திருப்ப ஏற்கெனவே குறைவான இருப்பு இருக்கும் அதன் மதிப்பு பல மடங்கு உயர்ந்துள்ளன. 2010-களின் தொடக்கத்தில் ஒரு டாலருக்கு உங்களால் பல பிட்காயின்களை பெற்றிருக்க முடிவும்.

Bitcoin
 
Bitcoin

இப்போது உலக அளவில் பிட்காயின்கள் அதிகப் புழக்கத்தில் இருப்பது சீனாவில்தான். அடுத்த இடத்தில் இருப்பது நாம்தான். ஆனால், இன்னும் இங்குத் தெளிவான வரைமுறைகள் வகுக்கப்படவில்லை. கிரிப்டோகரன்ஸி வர்த்தகம் சட்டவிரோதம் இல்லை என்று மட்டுமே கூறியிருக்கிறது உச்சநீதிமன்றம்.

க்ரிப்டோகரன்சி தொடர்பான எந்தவொரு சட்டமும் இந்தியாவில் இல்லாத நிலையில், அதை ரிசர்வ் வங்கியால் தடைசெய்ய முடியாது
உச்ச நீதிமன்றம்

பாகிஸ்தான், ஆப்கானிஸ்தான், வங்கதேசம், சவுதி அரேபியா உள்ளிட்ட 10 நாடுகள் க்ரிப்டோகரன்சியைத் தடை செய்திருக்கின்றன. சீனா, இந்தோனேசியா, நேபாளம் உள்ளிட்ட சில நாடுகளில் க்ரிப்டோகரன்சியை வைத்திருக்கலாம். ஆனால், வணிகப் பயன்பாட்டுக்கோ வேறு வகையான நேரடிப் பணப் பரிமாற்றங்களுக்கோ அவற்றைப் பயன்படுத்தத் தடை விதித்திருக்கின்றன. ஆனால் ஜப்பான், சிங்கப்பூர், இங்கிலாந்து, சுவிட்சர்லாந்து மற்றும் ஜெர்மனி உள்ளிட்ட 15 நாடுகள் க்ரிப்டோகரன்சியை அதிகாரப்பூர்வமாக அங்கீகரித்திருக்கின்றன. இவை தவிர, மற்ற நாடுகள் எந்த விதமான தடையும் அமல்படுத்தவில்லை. அதே நேரம், அதைப் பயன்படுத்துவது சட்டப்பூர்வமான ஒரு விஷயம் என அங்கீகரிக்கவும் இல்லை.

முன்பு சொன்னது போல பிட்காயின் முறையை ஆரம்பித்தவர்கள் இதை ஒரு முதலீட்டு முறையாகப் பார்க்கவில்லை. தற்போது நடைமுறையில் இருக்கும் பணத்திற்கு மாற்றாகவே பார்த்தனர். ஆனால், மக்களின் போக்கு இதை ஒரு முதலீடாக மாற்றியிருக்கிறது. இருந்தும் பொருளாதார நிபுணர்கள் பிட்காயினில் முதலீடு செய்யலாம் எனப் பரிந்துரைக்கத் தயங்கவே செய்கின்றனர்.

திடீர் ஏற்ற இறக்கங்களும் காரணம். டிசம்பர் 2017-ல் பிட்காயினின் மதிப்பு 18,000 டாலர் இருந்தது. இது 2018 டிசம்பரில் வெறும் 3200 டாலராகச் சரிந்தது. மீண்டும் ஜூலை 2019-ல் 10,000 டாலர் மதிப்பைத் தொட்டது. அடுத்து 2020 மார்ச்சில் மீண்டும் 5,500 டாலராக சரிந்தது. இப்போது 20,000 டாலர் மதிப்பைக் கடந்திருக்கிறது. இப்படி வெறும் சப்ளை டிமாண்டை மட்டும் வைத்து மதிப்பு இப்படி கன்னாபின்னாவென ஏறி இறங்குவதால் யாராலும் தைரியமாக கிரிப்டோகரன்சிகளில் முதலீடு செய்யலாம் எனச் சொல்ல முடியவில்லை.

பொருளாதார நிபுணர்கள் இன்னொரு முக்கியமான விஷயத்தையும் கிரிப்டோகரன்சிகள் பற்றிக் குறிப்பிடுகின்றனர். தங்கம், பணம் போன்று பிட்காயினுக்கு பின் நிஜ உலகில் எந்த பொருளோ, சொத்தோ கிடையாது. அதனால் முறையாக அரசு அமைப்புகள் இதை ஒழுங்குபடுத்தினால் மட்டுமே நிலையான முதலீட்டு விஷயமாக பிட்காயின் மாறும்

 

https://www.vikatan.com/technology/tech-news/surge-in-bitcoin-value-why-should-you-invest

  • Like 2
Link to comment
Share on other sites

  • கருத்துக்கள உறவுகள்

அப்ப 20 ஈரோவுக்கு ஒரு பங்கு வாங்கியிருந்தன் எண்டால் இப்ப 20000 மதிப்பு...😎

Link to comment
Share on other sites

  • 9 months later...

இந்த Bitcoin உள்ள இன்னொரு பிரச்சனை, இதன் விளங்கமுடியாத பெயர்கள்.. முழுமையாக acronymsம் jargonம் கொண்டதால் பெயர்களை இலகுவில் விளங்கிக்கொள்ளவது கடினம்..  😰.. 

மிகவும் தளம்பலான சந்தையை கொண்டதால் நம்பி முதலீடு செய்வது இலாபம் என கூறமுடியாது.. ஆகையால் என்னைப்பொறுத்தவரை பாதுகாப்பான முதலீடு என்பதில் Shaquille O’Neal கூறிய கருத்துடன்தான் உடன்படமுடிகிறது..

“O'Neal says his investing style is simple: He invests only in assets that he believes can change people's lives. "I heard Jeff Bezos say one time [that] he makes his investments based on if it's going to change people's lives”

 

https://www.google.com.au/amp/s/www.cnbc.com/amp/2021/09/10/why-nba-legend-shaquille-oneal-hasnt-invested-in-crypto.html

NBA legend Shaquille O'Neal explains why he hasn't invested in crypto

Published Fri, Sep 10 2021 8:59 AM EDTUpdated Fri, Sep 10 2021 3:36 PM EDT
 
Jade Scipioni
@JADESCIPIONI
  • Like 1
Link to comment
Share on other sites

  • கருத்துக்கள உறவுகள்
On 19/12/2020 at 12:42, குமாரசாமி said:

அப்ப 20 ஈரோவுக்கு ஒரு பங்கு வாங்கியிருந்தன் எண்டால் இப்ப 20000 மதிப்பு...😎

ஒரே இரவில்.. பிட்காயின் செல்லாது என்று சொல்லிட்டா.. எல்லா மதிப்பும் அம்பேல்.

ஒரு காலத்தில் தங்க நாணயங்கள் மக்களிடம் இருந்தன.. அதைப் பறிக்க.. வெறும். கடதாசிக்கு பெறுமதி அளித்து தங்கத்தை மக்களிடம் இருந்து அபகரித்துவிட்டார்கள். இப்ப இங்கிலாந்தில்.. பிரித்தானியாவை பல முறை குளிப்பாட்டி எடுக்கக் கூடிய அளவுக்கு தங்கம் பதுக்கி வைக்கப்பட்டுள்ளது.

இப்ப கடதாசியும் போய் கையால் தொட்டுணரக் கூட முடியாத டிஜிட்டல் காயினுக்கு பெறுமதி கூட்டி வைச்சிருக்குது. இது எதை எதை எல்லாம் பறிக்கப் போகுதோ யார் அறிவார். ஆனால் நிச்சயம் கறுப்புப் பணம்.. வெள்ளைப் பணம் எல்லாத்தையும் பறிக்கும்.

கடைசியில்.. அதையும் பெறுமதி இழப்புச் செய்துவிட்டால்...??!

மக்கள் கோவணத்தோடு ஆண்டியாவர். 

  • Like 1
Link to comment
Share on other sites

  • கருத்துக்கள உறவுகள்
16 minutes ago, பிரபா சிதம்பரநாதன் said:

O'Neal says his investing style is simple: He invests only in assets that he believes can change people's lives. "I heard Jeff Bezos say one time [that] he makes his investments based on if it's going to change people's lives”

இதை நீங்கள் நம்புகிறீகள் என்றால் - decentralised finance எதிர்கால வங்கி பரிவர்தனையை, நாணய பரிவர்த்தனையை, அதன் மூலம் மக்களின் வாழ்வை மாற்றும் என்பதையும் நம்புவீர்கள் என நினைக்கிறேன்.

அப்படியாயின் நீங்கள் மேலே சொன்ன investment principle ற்குள் கிரிப்டோவும் வந்து விடும் ?

Link to comment
Share on other sites

  • கருத்துக்கள உறவுகள்

கிட்டத்தட்ட பிட் காய்னின் ஆரம்பகாலத்தில் யாழில் யாரோ ஒருவர் இணைத்திருந்த ஒரு கட்டுரைய அல்லது அவரே எழுதியதாக இருக்கலாம் நான் வாசித்திருந்தேன். முற்றிலும் நம்பமுடியாததாக இருந்ததால் அப்படியே மறந்துபோனேன். பின்பு ஒருநாள் நான் வாழும் நாட்டின் பிரதான தொடரூந்து நிலையத்தில் இருக்கும் ஒரு சீனாக்காரனின் கோப்பிக்கடையில் பிட் காய்னிலும் பணப்பரிவர்த்தனை செய்யலாம் என ஒரு அறிவித்தல் இருந்த்ததைக் கவனித்து அப்பாலே சென்றுவிட்டேன்,

சரி விடையத்துக்கு வருகிறேன் 

அதேகாலத்தின் என்னிடம் சேமிப்பிலிருந்த காசில் நூறு கிராம் இருபத்துநாலு காரட் தங்கத்தை வாங்கினேன் அதன் அப்போதைய விலை கிட்டத்தட்ட 760 யூரோக்கள் இந்த நாட்டில் இருபத்து நாலு காரட் தங்கத்தை பிஸ்கட்டாக வாங்கினால் விற்பனை வரி கிடையாது காரணம் அப்படியான முதலீட்டுத் தங்கம் ஆபரணமில்லாதவிடத்தில் பணத்துக்கு ஈடாகவே கணிக்கப்படும்.

பின்பு நான் பிட் காயினப்பற்றி பிரபலமாக அறிந்தபோது நான் வாங்கிய தங்கத்தின் விலைக்கு பதினாறு சென்ருக்கு ஒரு ஒஇட் காயினை வாங்கியிருக்கலாம். நீங்களே கூட்டிக்கழித்துப்பாருங்கள் அப்போ நான் எவ்வளவு காயினை வாங்கியிருக்கலாம் என.

அதன்பின்பு பிட் காயின் பதினாறாயிரம் டாலருக்குமேல் எகிறும்போது தமிழ்நாட்டைச் சேர்ந்த ஒரு கிரிப்டோ கரன்சி முதலீட்டாளர் விகடன் வார இதழில் நான் கிரிப்டோ வர்த்தகத்தில் ஈடுபடுகிறேன் ஆனால் பிதாயின் இப்போ விலை அதிகம் ஆகையால் இரிடியம் போன்ற விலை குறைந்த கிரிப்டோ முதலீட்டில் ஈடுபடுகிறேன் அதனால் ஒரு சிறிது இலாபமும் பெறுகிறேன் எனக் கூறியிருந்தார். அதையும் கவனிக்காது விட்டுட்டன். இப்பொ அதன் விலை 3374 டாலர்.

அதே நேரம் ஒரு எஸ்தோனியன் சபையர் கரன்சி என ஒன்று வந்திருக்கு அதை வாங்கு என்றான் நான் கிட்டத்தட்ட நூறு யூரோக்கள் செலவுசெய்து ஒரு சில ஆயிரம் காயிஙளை வாங்கி மறந்தே விட்டேன். இப்பொ அதன் விலை கிட்டத்தட்ட ஆயிரம் டாலர்களுக்கு மேலாகிவிட்டது. 

கண்டபடி முதலீடு செய்யாதீர்கள் முயன்று பாருங்கள்.

  • Like 2
Link to comment
Share on other sites

23 hours ago, goshan_che said:

இதை நீங்கள் நம்புகிறீகள் என்றால் - decentralised finance எதிர்கால வங்கி பரிவர்தனையை, நாணய பரிவர்த்தனையை, அதன் மூலம் மக்களின் வாழ்வை மாற்றும் என்பதையும் நம்புவீர்கள் என நினைக்கிறேன்.

அப்படியாயின் நீங்கள் மேலே சொன்ன investment principle ற்குள் கிரிப்டோவும் வந்து விடும் ?

இங்கே நீங்கள் கூறும் இடைத்தரகர்கள், வங்கிகள் இல்லாமல் செய்யப்படும் பரிவர்த்தனை.. இது எத்தனை வீதம் நடைமுறையில் உள்ளது? இதனால் வரும் நன்மைகள் என்ன? தீமைகள் என்ன? .. எல்லாவற்றையும் பார்த்தால் இன்னமும் நம்பிக்கை வரவில்லை .. ஆனால் மக்களின் வாழ்க்கையை மாற்றும்.. 

cryptoவையே நாடுகள் நடைமுறைப்படுத்த யோசிக்கும் பொழுது இன்னமும் இந்த Defi பற்றி நம்பிக்கை ஏற்படவில்லை..  on the note இன்றும் கூட Bitcoin 8% dropped.. 

இன்றுவரை நான் பாதுகாப்பான முதலீடு என நம்புவது அசையா சொத்துகளையே.. அது ஒரு license ஆக அல்லது காணியாக கூட இருக்கலாம்.. ஆனால் என்னளவில் என் முதலுக்கு மோசம் வரமாட்டாது.
அதனால்தான் Shaquille O’Nealன் முதலீட்டு முறைகளை நம்புகிறேன் என்றேன்.    

@Elugnajiru  எனது nephew இந்த Bitcoin investment ல் உற்சாகமாக ஈடுபடுவதை அறிந்துகொண்டேன்.. அவர் மூலம் முயற்சித்து பார்க்கலாம்.. நன்றி. 

Link to comment
Share on other sites

  • கருத்துக்கள உறவுகள்
2 hours ago, பிரபா சிதம்பரநாதன் said:

இங்கே நீங்கள் கூறும் இடைத்தரகர்கள், வங்கிகள் இல்லாமல் செய்யப்படும் பரிவர்த்தனை.. இது எத்தனை வீதம் நடைமுறையில் உள்ளது? இதனால் வரும் நன்மைகள் என்ன? தீமைகள் என்ன? .. எல்லாவற்றையும் பார்த்தால் இன்னமும் நம்பிக்கை வரவில்லை .. ஆனால் மக்களின் வாழ்க்கையை மாற்றும்.. 

cryptoவையே நாடுகள் நடைமுறைப்படுத்த யோசிக்கும் பொழுது இன்னமும் இந்த Defi பற்றி நம்பிக்கை ஏற்படவில்லை..  on the note இன்றும் கூட Bitcoin 8% dropped.. 

இன்றுவரை நான் பாதுகாப்பான முதலீடு என நம்புவது அசையா சொத்துகளையே.. அது ஒரு license ஆக அல்லது காணியாக கூட இருக்கலாம்.. ஆனால் என்னளவில் என் முதலுக்கு மோசம் வரமாட்டாது.
அதனால்தான் Shaquille O’Nealன் முதலீட்டு முறைகளை நம்புகிறேன் என்றேன்.    

@Elugnajiru  எனது nephew இந்த Bitcoin investment ல் உற்சாகமாக ஈடுபடுவதை அறிந்துகொண்டேன்.. அவர் மூலம் முயற்சித்து பார்க்கலாம்.. நன்றி. 

எனக்கும் 100% நம்பிக்கை என சொல்ல முடியாது. ஆனால் portfolio diversification இல் ஒரு அங்கமாக கொஞ்சம் இதையும் தொட்டுக்கலாம் என நம்புகிறேன்.

உங்கள் மருமகனிடம் கேட்டதை எம்மிடமும் பகிர்ந்து கொள்ளுங்கள்.

 

 

Link to comment
Share on other sites

  • கருத்துக்கள உறவுகள்

ஏத்தி, ஏத்திக் கொண்டு போய் முறிக்கப் போறாங்கப்பா....

பப்பாவில் ஏத்திற கதை தான்...

ஒருவனை ஏமாத்த வேணும் என்றால்... அவன் ஆசையை தூண்டணும்.....

தூண்டுகிறார்கள்… 🤑

News, within the last 3 hrs 🤗

Crypto Markets Suddenly Lose $250 Billion In Value As Evergrande Turmoil Pummels Bitcoin, Ethereum And Other Major Cryptocurrencies

 

Edited by Nathamuni
Link to comment
Share on other sites

  • கருத்துக்கள உறவுகள்

 “Be fearful when others are greedy and greedy when others are fearful.” 
- Warren Buffett - 

ஆனால் கிரிப்டோ எல்லாருக்கும் ஏற்றது அல்ல. இது பொதுவாகவே எல்லா பங்கு வர்தகத்திலும் சொல்வதுதான், ஆனால் கிரிப்டோவில் விலை ஏற்ற இறக்கம் மிக அசாதாரணமானது (high volatility). So you need balls of steel. 

விலை கூடும் போது விற்பதும் குறையும் போது வாங்குவதும்தான் கேம். அதற்கு fundamental, technical analysis தெரிந்திருக்க வேண்டும். அல்லது தெரிந்தவர்கள் சொல்வதை கிரகிக்கவாவது வேண்டும்.  

தவிர நாணய மாற்று போல, கிரிப்டோவில் தனியே technical ஐ வைத்து மட்டும் கணிப்பதும் கடினம்.

இன்றைக்கு வெளியே இருந்து நியூஸ் வாசித்த பலருக்கு கிரிப்டோ மார்கெட்டில் 250 பில்லியன் இழப்பு என்பதுதான் தெரியும்.

ஆனால் மார்கெட் peak இல் வித்து விட்டு, bottom க்கு காத்திருப்பவர்களை பற்றி தெரியாது.

#கல்லாதது உலகளவு

 

Edited by goshan_che
  • Like 1
Link to comment
Share on other sites

  • கருத்துக்கள உறவுகள்

London stock exchange ல் வேலை செய்திருக்கின்றேன்.

இந்த பங்கு சந்தை யாவாரத்தில் இரு பக்கமும் கமிசன் பணம் பார்க்கும், traders மற்றும் trading floor கொண்டு இயங்கும் பெரும் வங்கிகளே பணம் பார்க்கின்றன.

ஏனெனில், அவர்கள் கணிதவியலில் (actuarial) புலிகள். 

(நம்மவர்கள் பலர், இந்த துறையில் கணிதம், Warwick பல்கலை போய் படித்து வருகிறார்கள். படிப்பு என்பதிலும் பார்க்க, இயற்கையான விவேகம், வேகமான மன கணக்கியல் என்பதே கைகொடுக்கும் என்பது எனது அபிப்பிராயம்)

கண்ணால் பார்த்துக்கொண்டே, மனம் கணக்கு போட வேண்டும். அதுவும் மிக துல்லியமாக.

தவறு, பெரும் பண நட்டத்தில் முடியும். 

எனக்கு தெரிந்து, இந்த பங்கு சந்தையில் பெரும் பணம் ஈட்டிய Sobers, Buffett போன்றோர், தாமே சிறந்த traders களை சம்பளத்துக்கு வைத்து இயங்குகிறார்கள். 

மேலும், அவர்களின் செல்வத்தின் ஒரு பகுதி, asset striping மூலமும் வருகிறது.

அதனை சாதாரண பங்கு சந்தையில் பணம் பண்ண முயல்பவர்களிடம் எதிர்பார்க்க முடியாது.

ஒருவர், இழக்க, ஒருவர் லாபம் அடைவதே பங்கு சந்தை.

அதில் பணம் பண்ணுவது, ஒரு முழு நேர வேலை. ஒரு சக வேலை நண்பர், £6,000 னை மதிய உணவு நேரம் EGG bank என்று முன்னர் இருந்த ஒன்றில் போட்டார். மாலை போகும் போது, அவ்வளவும் காலி.

பெரும் சோகத்தில் இருந்த அவரை தேத்தி அனுப்ப பெரும் பாடகியது. அடுத்த நாள் வருவாரோ என்று கவலைப்பட்டேன்.

அன்று தான் நினைத்தேன், இந்த பக்கமே தலை வைத்தும் படுக்க கூடாது என்று.

விசயம் தெரிந்தாலும், உங்களுக்கு சொல்லி தர மாட்டார்கள். சொல்லி தருவதாக காட்டினாலும், நீங்கள் இழப்பதை உள்ளூர விரும்புவார்கள். ஏனெனில் அதனூடாக லாபம் பெறுவார்கள்.

நீங்களாக அதனை அறிய, பெரும் பணத்தினை இழக்க வேண்டி இருக்கும். விரக்தி தான் அடைவீர்கள்.

மேலே சொன்ன traders உடன் பேசி இருக்கிறேன். அவர்கள் சொன்னது இதுதான்: வித்தை தெரியாவிடில், withdraw பண்ணி விடுங்கள்.

If you don't know the game, then withdraw. Don't gamble! 🙄

Edited by Nathamuni
Link to comment
Share on other sites

  • கருத்துக்கள உறவுகள்

எந்த விளையாட்டும் பிறக்கும் போதே அந்த விளையாட்டில் கில்லி என்று யாரும் பிறப்பதில்லை.

ஒரு விசயத்தை, அவதானித்து, கற்று அதன் பின் இறங்கி விளையாடினால்தான் அது நமக்கு சரி வருமா இல்லையா என்பது தெரியும்.

அதை தவிர முன்னர் போல் இப்போ முழுக்க முழுக்க traders ஐ நம்பி இருக்க வேண்டியதும் இல்லை. சந்தையில் எத்தனையோ சாதனங்கள் உள்ளன.  

Day trading வேறு long term investment வேறு.

Day trading செய்வது மிக கடினமானது ஆனால் மிக குறைந்த மூளை செலவை கொண்டே நீண்ட கால முதலீடுகளை செய்யலாம். எல்லா முதலீடுகளையும் ஒரே இடத்தில் கொட்டாமல் - பென்சன், அசையா சொத்துகள், இவற்றுடன் ஒரு பகுதியை இப்படி பங்குகளில் முதலிடலாம்.

அதே போல பங்குகளையும் ஒரே இடத்தில் வாங்காமல் வெவ்வேறு துறைகள் (different industries), வெவ்வேறு நிறுவனக்களில் முதலிடலாம்.

அதையும் விட ரிஸ்க் குறைய என்றால் - index tracking funds இல் போடலாம்.

Stocks and shares ISA என யூகேயில் அரசே குறித்த அளவு வரி விலக்கும் தரும்.

Crypto இன்னொரு வகை. அதிலும்DeFi யில் baking, stacking என்று பல விடயங்கள் உள்ளன. ஆனால் high pain, high gain. ஆனால் அதிலும் bag carriers ஆக நீண்டகாலம் காத்திருப்பவர்கள் மிக சொற்ப முதலீட்ட்டில் life changing money எடுதுள்ளார்கள் (பிட்காயினை முதல் 3 வருடத்தில் வாங்கியோர்). 

ஆகவே பங்குகளில் முதலிடுவது என்பது பல பரந்துபட்ட அம்சங்களை கொண்டது. எல்லாருக்கும் எல்லாம் இயலாது. 

ஆனால் இது ஒன்றும் சிதம்பர ரகசியமும் அல்ல. 

கரையில் நின்று காலை நனைக்க பயப்படாமல் ஒல்லி தேங்காயை கட்டி கொண்டு தப்பு தண்ணியில் இறங்கலாம், தப்பில்லை. 

ஆனால் DYOR மிக முக்கியம். Do your own research. முதலிடமுதல் அந்த துறை, வியாபாரம், அதன் கணக்கு வழக்குகள், எதிர்கால திட்டங்கள், வர கூடிய சட்ட மாற்றங்கள் இப்படி பலதை நீங்களாகவே ஆராய்வது மிக முக்கியம். 

யுடியூப்பில் ஆயிரம் வீடியோ போடுவார்கள் - அதை பார்த்து முதலிட்டால் கதை கந்தல்தான்.

A fool and his money are easily parted என்பார்கள். நீங்கள் இப்படி பட்டவராயின் - உங்களுக்கு பங்கு சந்தை ஏற்ற இடமல்ல.

  • Like 1
Link to comment
Share on other sites

  • கருத்துக்கள உறவுகள்

இங்க ஒரு அண்ணை 300 டொலரை போடு மாதம் 50 டொலர்(30 மாதம் தருவாங்கள் என்றார்) வரும் என்று ஆசை காட்டுறார். சிறுசேமிப்பா இருப்பதை இதில் போட விருப்பமில்லை. விபரம் கிடைச்சால் யாழில போடுறன். என்ன ஏது என்று வியளத்தை சொல்லுங்கோவன்.

Link to comment
Share on other sites

  • கருத்துக்கள உறவுகள்
11 minutes ago, ஏராளன் said:

இங்க ஒரு அண்ணை 300 டொலரை போடு மாதம் 50 டொலர்(30 மாதம் தருவாங்கள் என்றார்) வரும் என்று ஆசை காட்டுறார். சிறுசேமிப்பா இருப்பதை இதில் போட விருப்பமில்லை. விபரம் கிடைச்சால் யாழில போடுறன். என்ன ஏது என்று வியளத்தை சொல்லுங்கோவன்.

யாழில் தமிழர் பிளாக் செயின் என்று ஒன்றை யாரோ அறிமுகம் செய்தார்களே அதுவா?

அப்படியாயின் அவரை அதை பற்றி ஒரு திரி திறக்க சொல்லுங்கள். 

 

41 minutes ago, goshan_che said:

ஆனால் DYOR மிக முக்கியம். Do your own research. முதலிடமுதல் அந்த துறை, வியாபாரம், அதன் கணக்கு வழக்குகள், எதிர்கால திட்டங்கள், வர கூடிய சட்ட மாற்றங்கள் இப்படி பலதை நீங்களாகவே ஆராய்வது மிக முக்கியம்.

 

Link to comment
Share on other sites

  • கருத்துக்கள உறவுகள்

https://www.babypips.com/learn/forex

இந்த இணையத்தளத்தில் உங்களை பதிவு செய்து (அல்லது செய்யாமலும்) இதில் உள்ள பாடத்திட்டத்தை  இலவசமாக தொடரலாம், குறிப்பாக முக்கியமான விடயங்களை இந்த பாடத்திட்டத்தில் உள்ளடக்குகிறார்கள்.

பங்கு சந்தை வர்த்தகத்தில் 90% தோற்கிறார்கள் என கூறுகிறார்கள்.

https://www.fxcm.com/au/education/traits-successful-traders/

இந்த விகிதாசாரம் வியாபாரத்துறையில் தோல்வியடைவோரின் விகிதாசாரமும் சரியான அள்விலே உள்ளது.

Fundamental analysis இல் பங்கு சந்தை நடவடிக்கையில் ஈடுபட்டதில்லை ஆனால் இந்த புத்தகம் படிக்கும் போது ஆர்வமாக இருந்தது உங்களுக்கு உபயோகப்படலாம்.

இதனை இலவசமாக இணையத்திலிருந்தும் தரவிறக்கம் செய்யலாம்.

yahoo finance

google finance

fundamental analysis தகவல்களை இலவசமாகப்பெறலாம்.

முதலீட்டின் பரவலாக்கலாம்

https://www.amazon.com.au/Intelligent-Asset-Allocator-Portfolio-Maximize-ebook/dp/B005XM6NRY

இதனை இலவசமாக இணையத்திலிருந்தும் தரவிறக்கம் செய்யலாம்.

இவை தவிர "beta"பயன்படுத்தி முதலீட்டின் பரவலாக்கலாம்

உதாரணமாக "beta" 2 பங்குகள் மொத்த சந்தை 1 விகிதமாக அதிகரித்தால் குறித்த பங்கு அதனை விட 2 புள்ளி அதிகரிக்கும் என்பார்கள் உதாரணம் கனிய வள பங்குகள் ஆனால் மருத்துவ துறை பங்குகள் 0.5 விகிதம் மட்டும் மாறும், அதனால் அதன் "beta" 0.5

எனக்கு நீண்டகால முதலீட்டில் அனுபவம் இல்லை, அதனால் எனது கருத்து தவறாக இருக்கலாம்.

முதலீடுகளுக்கு ஒரே ஒரு விடயம் முக்கியம் என்பார்கள் " மூலதன பாதுகாப்பு".

பங்கு வர்த்தகத்தில் 90% உளவியல் என்பார்கள், அதற்கு பிறகு பணப்பராமரிப்பு அதன் பின்னரே மற்றதெல்லாம் என்பார்கள்.

https://www.youtube.com/watch?v=blQZ_bF468c

 

Edited by vasee
  • Like 1
  • Thanks 3
Link to comment
Share on other sites

  • கருத்துக்கள உறவுகள்
3 hours ago, ஏராளன் said:

இங்க ஒரு அண்ணை 300 டொலரை போடு மாதம் 50 டொலர்(30 மாதம் தருவாங்கள் என்றார்) வரும் என்று ஆசை காட்டுறார். சிறுசேமிப்பா இருப்பதை இதில் போட விருப்பமில்லை. விபரம் கிடைச்சால் யாழில போடுறன். என்ன ஏது என்று வியளத்தை சொல்லுங்கோவன்.

பிரமிட் திட்டம். உண்மையில் முதலீடு இல்லை. தள்ளியே இருங்கள்.

முதலீடு நம்பகத் தன்மையை எடைபோடும் எளிமையான முறை - வங்கி - அதுவும் அரச வங்கி வட்டி வீதத்தை விட கூடவாயின், உண்மையாக இருக்கலாம், அனால் risk அதிகம்.
 
அதாவது,   sovereign guarantee for return on investment ஐ விட அதிகமாக return on investment ஆயின், ஆபத்து  அதிகம். 

ஆனால், 300 ஐ போடுங்கள், 50 ம்,அதன் வரும் என்றால், அப்படி உண்மையில் ஓர் முதலீடு உள்ளது என்றால் எல்லோருக்கும் தெரிந்து இருக்கும்.

அனால், 300 ஐ போட்டு முதலின் பெறுமானம் 50 அதிகரிக்க உள்ள வாய்ப்பிலும், 50 ஐ உங்களுக்கு தருவதத்திற்கான இருக்கும் முதலீடு வாய்ப்பு இல்லை என்றே சொல்லலாம்.

அல்லது, உங்கலாய் போன்றவர்களிடம் 300 ஐ வாங்கி விட்டு, 50 மதம் உங்களுக்கு தந்துவிட்டு, குறிப்பிட்ட தொகை சேர்ந்தவுடன் மூடும் திட்டமாக தான், நீங்கள் சொல்வதில் இருந்து தெரிகிறது, பிரமிட் திட்டம்.  

  • Like 2
  • Thanks 1
Link to comment
Share on other sites

21 hours ago, goshan_che said:

எனக்கும் 100% நம்பிக்கை என சொல்ல முடியாது. ஆனால் portfolio diversification இல் ஒரு அங்கமாக கொஞ்சம் இதையும் தொட்டுக்கலாம் என நம்புகிறேன்.

உங்கள் மருமகனிடம் கேட்டதை எம்மிடமும் பகிர்ந்து கொள்ளுங்கள்.

 

 

உண்மை.. எப்படியும் கரையில் நின்று பார்க்காமல் கொஞ்சம் கடலுக்குள்ளும் போகலாம்( எப்படியும் lifeguard காப்பாற்றிவிடுவார்கள்) என்பதுதான் நிலைப்பாடு.. 

21 minutes ago, vasee said:

 

 

இவ்வளவு விடயங்களையும் நேரமெடுத்து இங்கே இணைத்தமைக்கு.. 

Rogue Trader தொடங்கி Charles Ponzi scams வரை தகவல்களை அறிய முடிந்தது

மிக்க நன்றி.. 

 

Link to comment
Share on other sites

  • கருத்துக்கள உறவுகள்
31 minutes ago, vasee said:

https://www.babypips.com/learn/forex

இந்த இணையத்தளத்தில் உங்களை பதிவு செய்து (அல்லது செய்யாமலும்) இதில் உள்ள பாடத்திட்டத்தை  இலவசமாக தொடரலாம், குறிப்பாக முக்கியமான விடயங்களை இந்த பாடத்திட்டத்தில் உள்ளடக்குகிறார்கள்.

பங்கு சந்தை வர்த்தகத்தில் 90% தோற்கிறார்கள் என கூறுகிறார்கள்.

https://www.fxcm.com/au/education/traits-successful-traders/

இந்த விகிதாசாரம் வியாபாரத்துறையில் தோல்வியடைவோரின் விகிதாசாரமும் சரியான அள்விலே உள்ளது.

Fundamental analysis இல் பங்கு சந்தை நடவடிக்கையில் ஈடுபட்டதில்லை ஆனால் இந்த புத்தகம் படிக்கும் போது ஆர்வமாக இருந்தது உங்களுக்கு உபயோகப்படலாம்.

இதனை இலவசமாக இணையத்திலிருந்தும் தரவிறக்கம் செய்யலாம்.

yahoo finance

google finance

fundamental analysis தகவல்களை இலவசமாகப்பெறலாம்.

முதலீட்டின் பரவலாக்கலாம்

https://www.amazon.com.au/Intelligent-Asset-Allocator-Portfolio-Maximize-ebook/dp/B005XM6NRY

இதனை இலவசமாக இணையத்திலிருந்தும் தரவிறக்கம் செய்யலாம்.

இவை தவிர "beta"பயன்படுத்தி முதலீட்டின் பரவலாக்கலாம்

உதாரணமாக "beta" 2 பங்குகள் மொத்த சந்தை 1 விகிதமாக அதிகரித்தால் குறித்த பங்கு அதனை விட 2 புள்ளி அதிகரிக்கும் என்பார்கள் உதாரணம் கனிய வள பங்குகள் ஆனால் மருத்துவ துறை பங்குகள் 0.5 விகிதம் மட்டும் மாறும், அதனால் அதன் "beta" 0.5

எனக்கு நீண்டகால முதலீட்டில் அனுபவம் இல்லை, அதனால் எனது கருத்து தவறாக இருக்கலாம்.

முதலீடுகளுக்கு ஒரே ஒரு விடயம் முக்கியம் என்பார்கள் " மூலதன பாதுகாப்பு".

பங்கு வர்த்தகத்தில் 90% உளவியல் என்பார்கள், அதற்கு பிறகு பணப்பராமரிப்பு அதன் பின்னரே மற்றதெல்லாம் என்பார்கள்.

https://www.youtube.com/watch?v=blQZ_bF468c

 

நன்றி வசி. மிகவும் பயனுள்ள தகவல்கள்.

 

29 minutes ago, Kadancha said:

பிரமிட் திட்டம். உண்மையில் முதலீடு இல்லை. தள்ளியே இருங்கள்.

முதலீடு நம்பகத் தன்மையை எடைபோடும் எளிமையான முறை - வங்கி - அதுவும் அரச வங்கி வட்டி வீதத்தை விட கூடவாயின், உண்மையாக இருக்கலாம், அனால் risk அதிகம்.
 
அதாவது,   sovereign guarantee for return on investment ஐ விட அதிகமாக return on investment ஆயின், ஆபத்து  அதிகம். 

ஆனால், 300 ஐ போடுங்கள், 50 ம்,அதன் வரும் என்றால், அப்படி உண்மையில் ஓர் முதலீடு உள்ளது என்றால் எல்லோருக்கும் தெரிந்து இருக்கும்.

அனால், 300 ஐ போட்டு முதலின் பெறுமானம் 50 அதிகரிக்க உள்ள வாய்ப்பிலும், 50 ஐ உங்களுக்கு தருவதத்திற்கான இருக்கும் முதலீடு வாய்ப்பு இல்லை என்றே சொல்லலாம்.

அல்லது, உங்கலாய் போன்றவர்களிடம் 300 ஐ வாங்கி விட்டு, 50 மதம் உங்களுக்கு தந்துவிட்டு, குறிப்பிட்ட தொகை சேர்ந்தவுடன் மூடும் திட்டமாக தான், நீங்கள் சொல்வதில் இருந்து தெரிகிறது, பிரமிட் திட்டம்.  

எனக்கும் பிரமிட் போலத்தான் தெரிகிறது. பிரமிட் இலங்கையில் சட்டபடி குற்றம் என நினைக்கிறேன். 

இதையே மல்டி லெவல் மார்கெட்டிங் என்று இன்னொரு வகையிலும் கொண்டுவருவார்கள். 

ஏராளன் “இங்கே” என்பதை நான் யாழ்களம் என விளங்கி கொண்டேன். இப்போ யோசித்து பார்க்க அவர் ஊரில் என்பதை அப்படி சொல்லி இருப்பார் போலுள்ளது.

பிரமிட் என்றால் - கண்ணை மூடி கொண்டு சொல்லலாம் - செய்ய வேண்டாம்.

13 minutes ago, பிரபா சிதம்பரநாதன் said:

உண்மை.. எப்படியும் கரையில் நின்று பார்க்காமல் கொஞ்சம் கடலுக்குள்ளும் போகலாம்( எப்படியும் lifeguard காப்பாற்றிவிடுவார்கள்) என்பதுதான் நிலைப்பாடு.. 

 

 

இப்போதைக்கு முழு நேர வேலையை விட வேண்டாம்😎🤣.

  • Like 2
Link to comment
Share on other sites

  • கருத்துக்கள உறவுகள்

பிரமிட் என்றால் தலை வைச்சும் படுக்கமாட்டன். அந்தாள் வீட்டோட இருக்கிறவனுக்கு வருமானம் வர ஏற்பாடு செய்யிறன் என்று அடம்பிடிக்குது. நான் என்ன ஏது விசாரிக்காமல் உதில இறங்கமாட்டன். அந்தாள் பிட்கொயினின் பெயரையும் சொல்லுது, பிறகு ஆளைச் சேர்த்தால் கூட கிடைக்கும் என்றும் சொல்லுது.

ஏற்கனவே 2011/12 இல் 50000 ஆயிரத்தை பங்கு வர்த்தகத்தில் விட்டு அது அப்பிடியே கரைஞ்சு 20000 ஆயிரமா இருந்தது. அந்த புரோக்கர் தம்பி எங்களில பங்கு வாங்கி பழகி இருக்கிறான்! வருசத்தில 300/400 ரூபாக்கு காசோலை வரும். அவ்வளவும் தான்.
விடயம் தெரியாமல் ஒன்றிலயும் இறங்ககூடாது.

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • தம்மை அழிக்கும் இனத்திற்கு வக்காளத்து வாங்கியே அழியும் இனமென்றால் அது தமிழினமாகத்தான் இருக்க முடியும். அது இலங்கையாக இருந்தாலும் சரி தமிழ்நாடாக இருந்தாலும் சரி..... நேர்மை நீதி நியாயங்கள் எல்லாம் எங்கடை சனத்திட்ட மிச்சம் மிச்சம் கொட்டிக்கிடக்குது.....அதாலைதான் சொந்தமாய் குந்தியிருக்க ஒரு சொந்த நாடில்லை..... சேர் பொன் ராமநாதன் வம்சம் இன்னும் அழியேல்லை....
    • போர் குற்ற விசாரணையில் இருந்து தப்பிக்க அவர்கள் என்னவும் செய்வார்கள்...அதில் வெற்றியும் பெறுவார்கள்......இந்த சிரமதானப்பணி.  தமிழர் பகுதி துப்பரவாக  இருக்க வேண்டுமென்பதற்கல்ல.   மாறாக போர் குற்ற விசாரனை வேண்டாம்’ என்பதற்க்குயாக மட்டுமே   ....
    • எழுந்து முன்னேற முடியா வகையில் இறுகிப் போயிருக்கும் இலங்கைப் பொருளாதாரம் November 20, 2021   — அ. வரதராஜா பெருமாள் —                                பகுதி – 18  இக்கட்டுரைத் தொடரின் கடந்த சில பகுதிகளில் இலங்கையின் பொருளாதாரக் கட்டமைப்பில் சில முக்கியமான துறை சார் பொருளாதார நிலைமைகள் தொடர்பில் எவ்வாறான பலயீனமான நிலைமைகள் உள்ளன என்பதனை அவதானித்தோம். இப்போது நாட்டில் அரசாங்கத்தின் 2022ம் ஆண்டுக்கான வரவு செலவுத் திட்டம் மிகப் பிரதானமான பேசு பொருளாக இருக்கின்றது. ஒரு நாட்டின் பொருளாதாரத்தை வழி நடத்துவதிலும் ஒழுங்குபடுத்துவதிலும் நெறிப்படுத்துவதிலும் அந்நாட்டு அரசாங்கத்தின் வரவு செலவுத் திட்டம் ஒரு பிரதானமான இடத்தை வகிக்கின்றமையானது அனைவரும் அறிந்த விடயமே.   இலங்கையின் பொருளாதாரம் எதிர்நோக்கியிருக்கும் சிக்கல்கள் சிரமங்கள் பற்றி இக்கட்டுரைத் தொடரின் முன்னைய பாகங்களில் குறிப்பிட்ட பல விடயங்களை நிதி அமைச்சர் பஸில் ராஜபக்சாவும் தனது வரவு செலவுத் திட்ட அறிக்கையில் வெளிப்படுத்தியிருக்கிறார். அதேவேளை அவற்றையெல்லாம் அடுத்தடுத்து வரும் ஆண்டுகளில் தமது வரவு செலவுத் திட்டங்களை அமுல்படுத்துவதன் மூலமாக வெற்றி கொண்டு நாட்டை முன்னேற்றகரமான பாதையில் இட்டுச் செல்ல முடியும் என நம்பிக்கைகளை வெளியிட்டுள்ளதுடன் அதற்கான தமது இலக்குகளையும் குறிப்பிட்டிருக்கிறார்.  கடந்த ஒக்ரோபர் மாதம் 7 (ஏழா)ம் திகதி பாராளுமன்றத்தில் 2022ம் ஆண்டுக்கான நிதி ஒதுக்கீடு மசோதா முன்வைக்கப்பட்டது. அதன் தொடர்ச்சியாக கடந்த நவம்பர் 12 (பன்னிரெண்டா)ம் திகதி இலங்கையின் நிதி அமைச்சர் பாராளுமன்றத்தில் 2022ம் ஆண்டுக்கான வரவு செலவுத் திட்டம் என்ற பெயரில் தமது முன்மொழிவுகளை சமர்ப்பித்திருக்கிறார். உண்மையில் இந்த வரவு செலவுத் திட்ட அறிக்கையானது முன்னைய நிதி ஒதுக்கீட்டு மசோதாவில் குறிப்பிடப்பட்டுள்ள பல்வேறு விடயங்கள் தொடர்பில் பிரேரிக்கப்பட்டுள்ள மேலதிக ஒதுக்கீட்டு அறிக்கை என்றே கொள்ள வேண்டும். எனவே பொருளாதார ஆய்வாளர்கள் அரசாங்கத்தின் 2022ம் ஆண்டுக்கான வரவு செலவுத் திட்டம் எனப் பார்க்கையில் மேற்குறிப்பிட்ட இரண்டு நிதி அறிக்கைகளையும் சேர்த்தே வாசித்தல் வேண்டும்.   எதிர்க்கட்சி விமர்சனப் பார்வை ஒரு புறமிருக்கட்டும் இந்த நிதித் திட்ட அறிக்கையை நிதானமாக நோக்குக!  இலங்கையில் அரசாங்கங்களின் வரவு செலவுத் திட்ட வரலாற்றை நோக்கினால் ஒவ்வொரு அரசாங்கமும் ஒவ்வொரு ஆண்டும் தாங்கள் முன் வைக்கின்ற வரவு செலவுத் திட்ட அறிக்கையில் தமது இலட்சியங்களையும் கவர்ச்சிகரமான இலக்குகளையும் பெரும் நம்பிக்கைகளையும் தவறாமல் வெளிப்படுத்தியே வந்திருக்கிறார்கள். அந்த வகையில் இப்போது பஸில் அவர்கள் தமது நிதி திட்ட அறிக்கையில் முன்வைத்துள்ள இலக்குகளும் வெளிப்படுத்தியுள்ள நம்பிக்கைகளும் இலங்கைக்கு புதிதானதோ அல்லது புதினமானதோ அல்ல. ஆனால் இலங்கையின் பொருளாதாரம் எழுந்து முன்னேற முடியாமல் மேலும் மேலும் சிக்கல்களுக்குள்ளும் சிரமங்களுக்குள்ளும் அகப்பட்டுப் போனதே வரலாறாக உள்ளது. இப்போது பஸில் ராஜபக்சா அவர்களும் அடுத்த ஏழு ஆண்டுகளுக்குள் இலங்கையின் பொருளாதாரம் நிமிர்ந்து எழுந்து முன்னோக்கி பறக்கத் தொடங்கி விடும் என்கிறார்.  பஸில் அவர்களே தமது  நிதித் திட்ட அறிக்கையை முன்மொழிகிற போது பின் வருமாறு கூறுகிறார் –   ‘சுதந்திரம் பெற்றதிலிருந்து ஒவ்வொரு அரசாங்கமும் பற்றாக்குறை வரவு செலவுத் திட்ட கொள்கையொன்றினை நோக்கியே சார்ந்திருந்தன. 1960களில் மொத்த தேசிய வருமானத்தில் சுமார் 6 (ஆறு) சதவீதமாக இருந்த இந்த பற்றாக்குறை 1978ம் ஆண்டு தொடக்கம் அவ்வப்போது 10 சதவீதத்தினை எஞ்சியதாக அமைந்தது. 2010 தொடக்கம் 2018 வரையான காலப்பகுதியில் 7 (ஏழு) மற்றும் 8 (எட்டு) சதவீதத்துக்கு இடையில் ஊசலாடிக் கொண்டிருந்தது. தற்போது இது மீண்டும் 10 (பத்து) சதவீதத்தையும் விஞ்சி விட்டது. கிட்டத்தட்ட, 70 ஆண்டுகளாக செயற்பாட்டிலிருக்கிற இக் கொள்கையின் விளைவுகளையே நாம் இப்போது அனுபவித்துக் கொண்டிருக்கிறோம்’  எனவே, இன்று இலங்கை எதிர் நோக்கும் பொருளாதாரக் குறைபாடுகள் இன்று நேற்றுத் தொடங்கியதல்ல, சுதந்திர இலங்கையை இது வரை ஆண்டு வந்துள்ள அனைத்து ஆட்சியாளர்களுமே இன்றைய பரிதாபகரமான நிலைக்கு பொறுப்பானவர்கள் என்பதை இக்கட்டுரைத் தொடரின் முன்னைய பகுதிகளில் பல இடங்களில் குறிப்பிட்டிருக்கிறோம். அதனை இப்போது நிதி அமைச்சர் பஸில் அவர்கள் பகிரங்கமாக ஒப்புக் கொண்டிருக்கிறார். இதில் அவரது அண்ணன் மஹிந்த ராஜபக்சாவின் 2005 தொடக்கம் 2014ம் ஆண்டு முடியும் வரையான 10 ஆண்டு காலமும் உள்ளடங்கும் என்பது குறிப்பிடப்பட வேண்டிய ஒன்றாகும். அப்போது இவர்தான் நாடு முழுவதுக்குமான பொருளாதார அபிவிருத்தி அமைச்சராக இருந்தார் என்பதுவும் இங்கு சுட்டிக் காட்டப்பட வேண்டிய ஒன்றாகும்  நாட்டின் பொருளாதாரத்தில் பல்வேறு முக்கிய அம்சங்கள் தொடர்பில் ஏற்பட்டிருக்கும் பெரும் நெருக்கடிகளாலும் அத்துடன் அவற்றை கொரோணாத் தொற்று  தீவிரப்படுத்தியிருப்பதனாலும், அதனால் மக்கள் மத்தியில் அரசாங்கத்தின் மீது ஏற்பட்டுள்ள கோபத்தாலும் ஆட்சியாளர்களும் அவர்களைச் சார்ந்தவர்களும் திக்குத் திசை தெரியாது திணறிப் போயினர். ஜனாதிபதி கோத்தாபய ராஜபக்சா அவர்கள் நிலைமைகளைச் சமாளிக்கவும் நெருக்கடிகளைத் தணிக்கவும் எவ்வாறான நடவடிக்கைகளை முன்னெடுத்தாலும் அவை பூமராங்கைப் போல திருப்பி அடிப்பதாகவே அமைகிறது என ஆட்சியில் உள்ள பங்காளர்களாலேயே கருதப்பட்டது.  இந்த நிலையில்த்தான் பஸில் ராஜபக்சா நிதி அமைச்சரானதும் அவரின் திட்டங்களால் தங்களுக்கு நிம்மதிப் பெரு மூச்சு விடும் நிலைமைகள் ஏற்படும் என ராஜபக்சாக்களை சார்ந்திருப்பவர்கள் நம்பியிருக்கிறார்கள். ஆனால் எதிர்க் கட்சியினரோ ‘பஸில் ராஜபக்சா அற்புத விளக்கை வைத்திருக்கும் அலாவுதீனா’? என கிண்டல் பண்ணுகின்றனர்.   இந்தப் பின்னணிகளிலேயே இந்த அரசாங்கத்தின் வரவு செலவுத் திட்ட அறிக்கையை நாம் உற்று நோக்க வேண்டியுள்ளது. அதாவது, இந்த நிதித் திட்ட அறிக்கை குறிக்கும் இலக்குகள் என்ன? அதற்காக எவ்வகையான செயற்திட்டங்கள் முன் வைக்கப்பட்டிருக்கின்றன? குறிப்பிடப்பட்டுள்ள இலக்குகள் அடையப்படக் கூடியவையா? அதற்கான நிதி வல்லமைகளை அரசு கொண்டிருக்கிறதா அல்லது அந்த அளவுக்கு அதனால் திரட்டிக் கொள்ள முடியுமா? அதற்காகக் குறிக்கப்படும் கால எல்லையில் அவை அடையப்பட முடியாதவையா? அல்லது அதனது இலக்குகள் அடிப்படையிலேயே யதார்த்தத்துக்குப் பொருத்தமற்றவையா? அறிக்கை குறிக்கும் இலக்குகளை அடையா முடியாதென்பதற்கான காரணிகள் எவையெவை? இவ்வாறாக தொடராக பல கேள்விகளை இந்த நிதித் திட்ட அறிக்கை குறித்து எழுப்ப வேண்டியுள்ளது. எவ்வாறாயினும் இந்த அறிக்கை தொடர்பான ஆய்வு நோக்கின் போது எதிர்க்கட்சி அரசியற் பிரச்சாரங்களின் கோணத்தில் இருந்து அணுகாமல் நிதானமாக, பொருளாதார விடயதானங்களின் அடிப்படைகளில் இருந்தும் செல்வாக்குச் செலுத்தக் கூடிய அரசியல் ரீதியான அகப்புறச் சூழல்கள் பற்றிய விடயங்களைக் கணக்கில் எடுத்தும் தெளிவான கண்ணோட்டத்தைப் பெறுதலே சரியானதாகும்.   எதிர்காலம் பற்றிய அமைச்சரின் இலக்குகள் அழகான காட்சிகளைக் காட்டும் சித்திரங்கள்  நிதி அமைச்சர் பஸில் அவர்கள் தமது நிதித் திட்ட அறிக்கையினூடாக தமது ஒரு நீண்ட கால கனவுகளை – தொலை நோக்கு இலக்குகளை அறிவித்துள்ளார். அவற்றிற் சிலவற்றை இங்கு குறிப்பிடலாம்.  1.         துறை முகங்களை அபிவிருத்தி செய்தல்:-  •          கொழும்புத் துறைமுகத்தை சர்வதேச கடற்பயணங்களின் கேந்திரமாக்குதல்   •          திருகோணமலைத் துறைமுகத்தை ஆக்க உற்பத்திக் கைத்தொழில்களின் வலயமாக்குதல்,  •          காலித் துறைமுகத்தை சுற்றுலாத் துறைக்கான தளமாக்குதல், மேலும்   •          அம்பாந்தோட்டைத் துறைமுகத்தை சர்வதேச கப்பல்களுக்கு அவசியமான சேவைகளை வழங்கும் மையமாக்குதல்    என அறிவித்துள்ளார்  2.         தொழிற்நுட்பப் பூங்காக்களை விருத்தி செய்தல்:-   ஏற்கனவே குருநாகல் மாவட்டத்திலுள்ள ரத்கல்ல என்னும் இடத்திலும் மற்றும் காலி மாவட்டத்தில் உள்ள அக்மீமன எனும் இடத்திலும் அமைக்கப்பட்டுள்ள தொழில்நுட்ப பூங்காக்களோடு மேலும் ஹபரணவிலும், நுவரெலியாவில் மஹாகஸ்தோட்ட எனும் இடத்திலும், கண்டியில் திகணயிலும் தொழில்நுட்ப பூங்காக்களை அமைக்கப் போவதாக அறிவித்துள்ளார்.  3.         உற்பத்தி முதலீட்டு வலயங்கள்:-    (1) அனைத்து மாவட்டங்களிலும் சேதன பசளை உற்பத்தி நிலயங்களை அமைத்தல்   (2) ஓயா மடுவ, மில்லேனிய மற்றும் அரும்பொக்க பிரதேசங்களில் மருந்து உற்பத்தி வலயங்களை ஆக்குதல்   (3) ஏறாவூர், மொனராகல, புத்தளம் மற்றும் கிளிநொச்சி பிரதேசங்களை புடவை மற்றும் ஆடைத் தயாரிப்பு தொழில் வலயங்களாக ஆக்குதல்   (4) மாத்தளை, எல்பிட்டி, அம்பாந்தோட்டை மற்றும் யாழ்ப்பாண மாவட்டங்களை ஏற்றுமதிக்கான விவசாய பண்டங்களைப் பதனிடும் உற்பத்தி வலயங்கள் கொண்டதாக ஆக்குதல்   (5) நாவலப்பிட்டி, வாரியபொல, பொலநறுவை ஆகிய மாவட்டங்களை கால்நடை விருத்தி வலயங்களை கொண்ட மாவட்டங்களாக ஆக்குதல்   (6) புத்தளம், மன்னார், அம்பாந்தோட்டை, யாழ்ப்பாணம் மற்றும் கொக்கட்டிச் சோலை ஆகிய இடங்களில் உள்ளுர் மீன்பிடி மற்றும் நீர்வாழ் உயிரினங்களை வளர்க்கும் மையங்களை விருத்தி செய்தல்   மேலும்   (7) பரந்தன், புல்மோட்டை, எப்பாவல, ஆகிய பிரதேசங்களை ரசாயன உற்பத்திகளை மேற்கொள்ளும் வலயங்களாக ஆக்குதல்.  4.         இலங்கையிலுள்ள 10155 பாடசாலைகளுக்கு உயர் தொழில் நுட்ப இணைப்புகளை வழங்கி இணையத்தள வசதிகளை ஏற்படுத்துதல்  5.         5 லட்சம் எக்கர் நில அளவு கொண்ட நன்னீர் நிலைகளில் மீன்பிடி வளர்ப்புகளை விருத்தி செய்தல்   6.         பற்றிக் ஆடைகளை 100 கோடி அமெரிக்க டொலர் அளவுக்கு ஏற்றுமதி செய்யும் வகையாக அவற்றின் உற்பத்திகளை அதிகரித்தல்;  7.         உடனடியாக 33 லட்சத்து 15 ஆயிரம் குடி நீர் இணைப்புகளை மக்களுக்கு வழங்குதல் (இலங்கையில் மொத்தம் 50 இலட்சம் வீடுகள் தான் உள்ளன).  8.         100000 கீலோ மீட்டர் நீளத்துக்கு கிராமப் புற வீதிகளை அமைத்தல்.   9.         2000 மெஹாவட் மின்சாரத்தை மீள்புதுப்பிக்கத்தக்க மூலங்களைக் கொண்டு உற்பத்தி செய்தல்.   10.       1000 பள்ளிக்கூடங்ளை தேசிய பாடசாலைகளாக அபிவிருத்தி செய்தல்  11.       அனைத்து வயது முதிர்ந்தவர்களுக்கும் ஓய்வ ஊதியம் வழங்குதல்  12.       அனைத்து கர்ப்பிணி தாய்மார்களுக்கும் 24 மாதங்களுக்கு போசாக்கான உணவுப் பார்சல்கள் வழங்குதல்  13.       விவசாயத்தை முற்றாக ரசாயனப் பாவனைகளிலிருந்து விடுவித்து ஆரோக்கியமான உணவு உற்பத்தி செய்யும் நாடாக ஆக்குதல்  14.       நாடு முழுவதிலுமுள்ள சமுர்த்தி வங்கிகளை கிராமங்கள் தோறும் ஆக்கத் தொழிற் துறையை விருத்தி செய்கின்ற வகையில் கிராம மக்களுக்கு குறு மற்றும் சிறு கைத்தொழில்களை மேற்கொள்வதற்கான நிதியுதவி வழங்கும் மையங்களாக செயற்படுத்துதல்  இவ்வாறான பல்வேறு இலட்சிய திட்டங்களை நிதி அமைச்சர் அறிவித்துள்ளார். இவற்றின் மூலமாக,   1.         தற்போது மொத்த தேசிய வருமானத்தில்10 (பத்து) சதவீதத்துக்கும் மேலாக இருக்கும் வரவு செலவுத் திட்டப் பற்றாக்குறையை 2027ம் ஆண்டு 1.5 (ஒன்றரை) சதவீதத்துக்கு குறைத்து 2028ம் ஆண்டு நிதித் திட்ட அறிக்கையில் அரசின் வரவுக்கு உட்பட்டதாக அரசின் செலவீனங்களை அடக்கிட முனைவதாகவும்,  2.         தற்போது மொத்த தேசிய வருமானத்தில் 9 (ஒன்பது) சதவீதம் என்னும் அளவுக்கு உள்ள அரச வருமானத்தை 2027ல் 18 (பதினெட்டு) சதவீதமாக உயர்த்திட முடியும் என்றும்,  3.         தற்போது மொத்த தேசிய வருமானத்தில்16 (பதினாறு) சதவீதமெனும் அளவுக்கு உள்ள அரசின் மீண்டெழும் செலவீனத்தை 13 (பதின்மூன்று) சதவீதமெனும் நிலைக்கு குறைத்து விட முனைவதாகவும்,  4.         தற்போது 3.5 (மூன்றரை) சதவீதமாக இருக்கும் தேசிய பொருளாதார வளர்ச்சியை 2024ல் 6 (ஆறு) சதவீதமாக்கி; 2027ல் 7 (ஏழு) சதவீதமாக ஆக்கிட முயற்சிப்பதாகவும்,   5.         தற்போது அரசின் மொத்த கடன் அளவானது மொத்த தேசிய வருமானத்தை விட அதிகமாக இருப்பதாகவும் அதனை இன்னும் சில ஆண்டுகளுக்குள் 74 (எழுபத்தி நான்கு) சத வீதமெனும் அளவுக்கு குறைத்து விட முனைவதாகவும், அதேவேளை மொத்த தேசிய வருமானத்தோடு ஒப்பிடுகையில் 36.5 (முப்பத்தி ஆறரை) சதவீதமாக இருக்கும் வெளிநாடுகளுக்கான கடனை 13.5 (பதின் மூன்றரை) சதவீதமாக ஆக்கிட முனைவதாகவும்,   நிதி அமைச்சர் தமது இலட்சிய இலக்குகளை நிர்ணயித்துள்ளார்.  எல்லோரும் ஏறி சறுக்கி விழுந்த குதிரையில் இப்போது சக்கடத்தார்?   அமைச்சர் பஸில் அவர்கள் வெளியிட்டுள்ள திட்டங்களையும் இலக்குகளையம் அவதானிக்கையில் பாராட்டுவதா அல்லது மீண்டும் ஒருவர் புழுகு மூட்டைகளை அவிழ்த்து விட்டு ஏமாற்றுவதற்கு வந்து விட்டார் என்று கூறுவதா? ஏனெனில் சுதந்திர இலங்கையின் முதாவது நிதி அமைச்சரான ஜே.ஆர்.ஜெயவர்த்தனா தொடக்கம் போன ஆட்சியில் நிதி அமைச்சராக இருந்த மங்கள சமரவீரா வரை இதே மாதிரியாக புல்லரிக்க வைக்கும் வகையான திட்டங்களையும் இலக்குகளையும் கொண்ட புழுகு மூட்டைகள் ஏற்கனவே பாராளுமன்றத்தின் ஹன்சாட்டுகளில் ஏராளமாகவே நிறைந்து கிடக்கின்றன. இப்போது இவரின் திட்டங்களும் இலக்குகளும் இலங்கையின் கூரையைப் பிய்த்துக்கொண்டு பொருளாதார முன்னேற்றங்களைக் கொட்டோ கொட்டென கொட்டப் போகிறது என்பதை நம்புவதற்கு என்ன ஆதாரங்கள் என்பதுதான் இங்குள்ள பிரதானமான கேள்வியாகும்.  நம்பிக்கைதானே வாழ்க்கை! ராஜபக்சாக்களின் கொண்ட முதலா நட்டமாகப் போகும்?. சொன்னவை நடந்தால் லாபம் இல்லையென்றால் அடுத்த மூன்று வருடம் முடிய மறுபடியும் பாராளுமன்றத் தேர்தல் – மற்றுமொரு நிதி அமைச்சர். இந்த நிதி அமைச்சர் சுதந்திரமடைந்து 73 (எழுபத்தி மூன்று) வருடங்களாக செய்த பாவங்களை இப்போது சுமக்கிறோம் என்கிறார் அடுத்து வரும் நிதி அமைச்சர் குறிப்பிட்ட 73 (எழுபத்தி மூன்று) உடன் மேலும் 3 (மூன்றை)க் கூட்டி 76 (எழுபத்தாறு) வருடங்களாக செய்த பாவங்களைச் சுமக்கிறோம் என்று அதே ராகத்தில் சொல்லப் போகிறார்… அவ்வளவுதானே! நாட்டின் பரந்துபட்ட பொதுமக்கள்தான் பாவப்பட்ட ஜீவன்கள்!   நிதி அமைச்சரின் பொருளாதார இலட்சிய தொலை நோக்குத் தரிசனங்கள், வார்த்தை வித்தைகள் ஒரு புறம் இருக்க, அவர் துறைகள்ரீதியாக முன்வைத்துள்ள வரவுக் கணக்குகளையும் செலவு ஒதுக்கீடுகளையும் சற்று உன்னிப்பாக நோக்குவது அவசியமாகும்.   அதனை இக்கட்டுரைத் தொடரின் அடுத்த பகுதியான 19ல் பார்க்கலாம்.    https://arangamnews.com/?p=6795    
    • விஞ்ஞானம் முன்னேற முன்னேற இயற்கை அழிவுகளும் இனம் புரியா நோய்களும் பெருகிக்கொண்டே வருகின்றது. கூரை ஏறிக் கோழி பிடிக்க இயலாதவன் வானம் ஏறி வைகுண்டம் போனானாம்!  
    • பிரமிள்: தனியொருவன் (பகுதி 7) – பாலா கருப்பசாமி written by பாலா கருப்பசாமிSeptember 20, 2019 ஸ்ரீலங்காவின் தேசியத் தற்கொலை என்ற தலைப்பில் 1984ல் பிரமிளின் கட்டுரைப் புத்தகம் ஒன்று வெளியானது. (அமேசான் தளத்தில் கிடைக்கிறது) ஈழத் தமிழர் பிரச்சினைகளைத் தொடக்கத்திலிருந்து புரிந்துகொள்ள மிகச்சிறந்த நூல் இது. விடுதலைப் புலிகளுக்கு ஆதரவாக வெளிவந்த ‘புது யுகம்’ என்ற இதழில் வெளிவந்துள்ளது. அதன் முதல்வரியே இப்படித்தான் ஆரம்பிக்கிறது: ”இலங்கைக்குப் பிழைக்கப் போன தமிழர்கள் அங்கே தனிநாடு கேட்கிறார்கள் – இது, இந்தியாவில் மெத்தனமான ஒரு சாராரின் அபிப்ராயம்.” யாழ்ப்பாணத்தில் ஆனைக்கோட்டை என்ற இடத்தில் மேற்கொள்ளப்பட்ட தொல்லியல் ஆய்வில், பெருங்கற்படைக் காலத்தைச் (கி.மு.1000 முதல் கி.பி. 100) சேர்ந்த ’கோவேத’ என்ற தமிழ் வரிவடிவம் கொண்ட முத்திரை ஒன்று கிடைத்துள்ளது. யாழ் பகுதியில் தமிழ்மொழி கொண்ட எழுத்துப் பொறிப்புகள் கிடைத்துள்ளன. 7000 ஆண்டுகளுக்கு முன்பே தமிழகத்திற்கும் இலங்கைக்கும் தொடர்பு இருந்ததை ஒரே மாதிரியான தொழில்நுட்பத்தில் அமைந்த நுண்கற் கருவிகள் தமிழகத்தின் தேரிப்பகுதியிலும் இலங்கையிலும் கிடைப்பதிலிருந்து உறுதி செய்யப்படுகிறது. தொல்லியல் நோக்கில் சங்க காலம் என்ற புத்தகத்தில் தொல்லியல் ஆய்வாளர் கா.ராஜன் இந்தத் தரவுகளைத் தருகிறார். கீழடியில் முதற்கட்டமாக அகழாய்வு செய்யப்பட்டு மாதிரிகள் பகுப்பாய்வுக்கு அனுப்பப்பட்டதில் அவை 2200 ஆண்டுகளுக்கு முற்பட்டவை என உறுதி செய்யப்பட்டுள்ளன. இரண்டு ஆண்டுகள் செய்யப்பட்ட அகழாய்வில் 5000-த்திற்க்கும் மேற்பட்ட தொல்பொருட்கள் கிடைத்துள்ளன. இதில் வேந்தன், திசன், இயணன், சேந்தன், அவதி முதலிய சொற்களும், “வணிக பெருமூவர் உண்…” என்ற முழுமை அடையாத வாக்கியமும் தமிழ் பிராமியில் காணப்படுகின்றன. திசன் என்பது கி.மு. 250 முதல் கி.மு. 210 வரை இலங்கையை ஆண்டு வந்த மன்னனின் பெயர். முழுப்பெயர் தேவநம்பிய திசன். இதன் அர்த்தம் ’தெய்வங்களுக்கு மகிழ்வூட்டுபவன்’. வணிகத்தில் சிறந்த மன்னன் என்பதைக் குறிக்க இவ்வாறு பொறிக்கப்பட்டிருந்திருக்கலாம். இவரது ஆட்சிக்காலத்தில் தான் அசோகர் புத்த மதத்தைப் பரப்பும் பொருட்டு தூதுக் குழுவை இலங்கைக்கு அனுப்பினார். கி.பி. 400 வாக்கில் இலங்கைக்கு வந்த சீனப்பயணி பாஹியான் எழுதியுள்ள குறிப்பின்படி, முதலில் சிங்களத்தில் (சிங்களம் என்ற பெயர் சிங்கத்தின் மகனுடைய தீவு என்பதைக் குறிக்கிறது. வெளிநாட்டவர்களின் குறிப்புகளில் முதலில் தப்ரபானே என்றும் ஓரிடத்தில் அதற்கும் முன்புள்ள பெயராக பலீசிமுண்டு என்றும் குறிப்பிடப்பட்டுள்ளது. சிங்களம் என்ற பெயர் தோராயமாக கி.பி. 200க்குப் பிறகே வருகிறது) முதலில் இலங்கையில் மனிதர்கள் யாரும் குடியேறியிருக்கவில்லை. தேவர்களும் நாகர்களுமே இருந்தனர். பொருட்களை விற்க வரும் வணிகர்கள் கண்ணுக்கு அவர்கள் தெரிய மாட்டார்கள். அவர்களுக்குப் பிடித்த பொருட்களுக்கு அவர்கள் தர விரும்பும் இணையான மதிப்புள்ள பொருளின் அடையாளத்தை வைத்து விடுவார்கள். வணிகர்கள் விலைக்குரிய பொருளை வைத்து விட்டு, இணையான பொருளை எடுத்துச் செல்வார்கள். பின்னர் பலநாட்டு மக்களும் அங்கே குடியேறத் தொடங்கினர். இதில் தேவர்கள், நாகர்கள் கட்டுக்கதை போலத் தோன்றினாலும், அவர்களைப் பூர்வ பழங்குடி இனமாகக் கருத வேண்டியிருக்கிறது, அதாவது சிங்களர்கள் முதல்முதலாக இங்கு வருவதற்கு முன்பு இருந்த பூர்வ குடிகள். மார்க்கபோலோ (கி.பி. 13ம் நூற்றாண்டு) தனது பயணக் குறிப்பில முன்பு மாலுமிகள் வரைந்திருந்த வரைபடங்கள் மற்றும் குறிப்புகளை ஒப்பிட்டும் வடக்கிலிருந்து வீசும் காற்று மிக வேகமாய் வீசுவதனால் இலங்கையின் ஒருபகுதி கடலில் மூழ்கி விட்டது என்று சொல்கிறார். எத்தனை தரவுகள் நமக்குக் கிடைத்தாலும், தொன்றுதொட்டு இலங்கையோடு தமிழினத்துக்கு உறவுண்டு. நம் பூர்வகுடிகள் வாழ்ந்த நிலம் என்று சொன்னாலும் தமிழகத்தில் பெருகிப் போன நடுத்தர வர்க்கத்திடம் அது எந்தச் சலனத்தையும் ஏற்படுத்தாது. இங்குள்ள தமிழ் மக்கள் கொஞ்சம் அசைந்து கொடுத்தார்கள் என்றால் பாலச்சந்திரன் பிரபாகரனின் படுகொலையை ஒட்டி ஒட்டப்பட்ட சுவரொட்டிகளைப் பார்த்த போது தான். சிங்களர்கள் இந்தியாவின் வங்கப் பகுதியிலிருந்து அல்லது வடபுறப் பகுதியிலிருந்து இலங்கைக்கு வந்தவர்கள். சிங்களர்களின் புராணக் கதையான மகா வம்சத்தில் வங்கத்தில் ஓர் இளவரசிக்கு சிம்மம் ஒன்றின் மூலம் பிறந்த விஜயன் சிங்களவரின் மூதாதையாகக் காட்டப்படுகிறார். இங்கே இரண்டாயிரம் ஆண்டுகளுக்கு முன்பு எப்படி இருவேறு பிராமி எழுத்துக்கள் (தமிழ் பிராமி, இலங்கை பிராமி) இலங்கையில் காணப்பட்டன என்பதற்கு இது விளக்கம் அளிக்கிறது. இந்தியாவில் அசோகர் காலத்தில் எழுதப்பட்ட பிராகிருதம் மற்றும் பாலி மொழிக் கல்வெட்டுகள், ஆந்திராவில் குண்டூர் மாவட்டத்தைச் சேர்ந்த பட்டிப் புரோலு என்னும் இடத்தில் புத்த பிரானின் புனித எலும்பு வைக்கப்பட்டுள்ள கற்பேழை மீது உள்ள கல்வெட்டு, அண்டை நாடான இலங்கையில் உள்ள சிங்களக் கல்வெட்டுகள் முதலிய அனைத்தும் ஏறத்தாழ ஒரே எழுத்து வடிவில் எழுதப்பட்டுள்ளன. சிங்களர்களின் வரலாறு விஜயனிலிருந்து துவங்குகிறது எனக் கொண்டால் அது கி.மு. 500+. மகா வம்சத்தில் விஜயன் கடலில் அலைக்கழிக்கப்பட்டு கப்பல் இலங்கைக் கரையில் ஒதுங்க அங்கே கப்பலில் தனது நண்பர்கள் 201 பேருடன் (சிலர் 700 என்கிறார்கள்) அங்கே குடியேறுகிறார்கள். அனைவருமே ஆண்கள் என்பதிலிருந்து இவர்கள் நாடு கடத்தப்பட்டவர்கள் என்ற கருத்தை பிரமிள் முன்வைக்கிறார். அங்கே பூர்வகுடிப் பெண்ணான குவேனியை திருமணம் செய்து கொண்டு நாட்டை ஆள்கிறான். பின்பு பாண்டிய அரச பரம்பரையிலிருந்து பெண்ணெடுத்து அவளைப் பட்டத்தரசியாக்கிக் கொண்டான். இங்கே குவேனியை மணந்த விஜயன், அவளை விலக்கி விட்டே தன் நிலையை உறுதிப்படுத்திக் கொள்கிறான். அதாவது பூர்வகுடி மக்களின் உரிமையான இலங்கையை தந்திரமாக ஒரு கூட்டம் அபகரித்துள்ளது என்கிறார் பிரமிள். அவ்வாறே தங்களை ஆரியர்களாக சொல்லிக் கொள்ளும் சிங்களர்கள், ஒரு பூர்வகுடியிலும் திராவிட இனத்திலும் கலந்தபின் எங்ஙனம் அது உண்மையாகும்? புத்த பிக்குகள் ஏன் இப்படி கிறித்துவ போதகர்கள் போல நாடு நாடாய்ச் சென்று மதத்தைப் பரப்பினார்கள் என்றால், அக்காலத்தில் இங்கே இந்து மதத்தில் அவர்களுக்கு இருந்த கஷ்ட நஷ்டங்களையே காரணமாகச் சொல்லலாம். ஒருவேளை அவர்கள் அப்படி பிரயாணப்பட்டிருக்காவிட்டால் பௌத்தம் அதன் கிளைகளுடன் இந்தளவு தளிர்த்திருக்காது. ”அசோகரின் மகன் மகிந்தனும் மகள் சங்கமித்ராவுமே பவுத்தத்தை இலங்கைக்குக் கொண்டுவந்தனர் என்கிறது மகாவம்சம். இவர்கள் இலங்கையில் சந்தித்த அரசனின் பெயர் தேவநம்பியதிஸ்ஸ. இது அப்பட்டமான ஒரு ஹிந்துப் பெயர். இவனது தலை நகரின் பெயர் பொல்லன் நறுவை. திஸ்ஸ என்பது தீர்த்த என்பதன் மரூஉ. தேவ நம்பிய திஸ்ஸவில் உள்ள நம்பி பாண்டிய நாட்டுபிராமணனைக் குறிக்கிறது. கேரளாவில் இன்றும் இப்பெயர் நம்பூதிரி, நம்பியார் என்ற பெயர்களில்வழங்கப்படுகிறது. பொல்லன் என்றால் கோல் கொண்டவன். நறுவை – நறு+அவை என்பது நல்லசபை. ஒரு கொள்ளைக்காரன் சொன்னதையும் கிரேக்க யாத்ரீகர்களிடமிருந்து திருடியதையும்சேர்த்துப் பிசைந்து பண்ணப்பட்ட மகாவம்சத்தின் கதையை விட, குமரிக் கண்டத்தைப் பற்றியவிபரங்களுக்கு உள்ள தமிழ்க் கவித்துவ ஆதாரங்கள் ஆழமானவை. இந்த குமரிக் கண்டம், கன்யாகுமரியின் நிலத்தொடராகவே இருந்திருக்கிறது. அவ்விதமானால், அது இலங்கையைஇந்தியாவுடன் இணைத்த ஒரு நிலப்பரப்பாகவே இருந்திருக்கலாகும். இதனூடே, ‘பஃறுளி’ என்றஆறு ஓடிய குறிப்புகளும் உள்ளன. குமரிக்கண்டம் என்ற நிலப்பரப்பு மறைந்த போது நடந்திருக்கக்கூடிய இயற்கையான விஷயம், இலங்கைப் பகுதியில் முதற்சங்க காலத்துத் தமிழர்தனிமைப்படுத்தப்பட்டிருக்கலாம் என்பதே. இவர்களுள் தேய்வடைந்தவர்கள் வேடர்களாகவும், மற்றையவர்கள் தமிழ்ப் பகுதியின் பூர்வகர்த்தாக்களாகவும் இருக்கலாம். இத்தொடர்பு சிங்களத்தொடர்பினை விட மிக மிகத் தொன்மையானது.” மெகஸ்தனிஸ் (கி.மு.350 – கி.மு.290) தனது குறிப்பில் தப்ரபானேவுக்கும் தலைநிலத்துக்கும் இடையில் ஓர் ஆறு ஓடுவதால் தப்ரபானே தலை நிலத்திலிருந்து பிரிந்து நிற்கிறது என்றும் அங்கு வாழும் மக்கள் பலையோகோனாய் என்று அழைக்கப்படுவதாகவும் சொல்கிறார். அதாவது தமிழகமும் இலங்கையும் பஃறுளி ஆறால் மட்டுமே தனியாக இருந்தன. “பஃறுளி யாற்றுடன் பன்மலை யடுக்கத்துக் குமரிக் கோடும் கொடுங்கடல் கொள்ள” என்ற சிலப்பதிகாரச் செய்யுள் வரி இங்கே கவனிக்கத்தக்கது. இன்னொன்று கோடியக் கரையிலிருந்தும் இலங்கைக்கு அக்காலத்தில் நிறைய பயணிகள் போக வர இருந்துள்ளனர். கோடியக் கரையிலிருந்து ஜாஃப்னா தோராயமாக 70 கி.மீ. இருக்கும். இந்தியாவிலிருந்து முதலில் இலங்கைக்குப் போனவர்களின் பரம்பரையே சிங்கள இனம் என்பது சிங்களவர் வாதம். ஆனால் அங்கே ஏற்கெனவே இருந்த பூர்வகுடிகளைப் பற்றி அவர்கள் பேசுவதில்லை. இலங்கையின் தெற்குப் பிராந்தியத்தில் வேடர்கள் பூஜிக்கிற புராதனமான முருகன் கோவில் ஒன்று உள்ளது. ‘கதிர்காமம்’ என்ற இதன் பெயர், சிங்களத்தில் மருவி ‘கதிரகம’ என்று வழங்கப்படுகிறது. சிங்களவருடையது என்று சொல்லப்படுகிற, தெற்கில் உள்ள இந்தக் கதிர்காமத்துக்கு சிங்களப் பெயர் என்று ஏதுமில்லை. மேலும், வேடர்களால் வழிபடப்படுகிற முருகன் அசல் பூர்வ திராவிடக் கடவுள். மேலும் இங்கே பூஜை செய்கிற பூசாரி வாயைத் துணியால் கட்டிக் கொள்வார். தீபாராதனை கிடையாது. மூலக்ரகம் எப்போதும் திரையிடப்பட்டே இருக்கும். காட்டுமிராண்டிகளின் பூஜை முறை சப்தங்களையே அனுசரிக்கும். ஆழ்ந்த விவேகிகளே மௌனத்தை அனுசரிப்பர் என்கிறார் பிரமிள். பிரமிளின் ஆய்வுமுறைகள் ஆச்சரியமூட்டுபவை. மிக உன்னிப்பாய் ஒரு விசயத்தை அணுகுகையில் வெறுமனே பௌதீகமாக அவர் ஆராய்வதில்லை. அதன் குணாம்சத்தையும் நுட்பமான உள்ளுணர்வுடன் உள்வாங்கி, மறுக்க முடியாதபடி தனது வாதத்தை வைப்பவர். இங்கே அந்த வேடர்கள் தமிழினத்தைச் சேர்ந்தவர்கள் என்பதற்கு அவர்களது இந்த வழிபாட்டுமுறையை எடுத்துக் கொள்கிறார். தமிழின் மொழிக் கூற்றியல் மூலம் கீழ்க்கண்டபடி தனது வாதத்தை வைக்கிறார். ”‘தமிழ்‘ என்ற பெயர்ச்சொல்லை எடுத்தால், இதை த=தம்முடைய, மிழ்=பேச்சு என்று பிரித்துப்பொருள்படுத்தலாம். மௌனம் அல்லது பேசாமை என்பது, இதே வழியில், ‘அமிழ்‘ என்றபதமாகிறது. அ=அல்ல, மிழ்=பேச்சு. நீரினுள் முங்குவதற்கே ‘அமிழ்‘ என்பதனை இன்றுஉபயோகிக்கிறோம். நீரினுள் பேச்சு எழாது என்பதே, இந்தப் பொருள் இருமைக்குக் காரணம். ‘அமிழ்து‘ என்பது, நீர் என்ற பொருளை இதே வழியில் பெறுகிறது. பேசாமை என்பது ஒருநெறியாகும் போது கிடைப்பது மரணமிலாப் பெருவாழ்வு; எனவேதான், மரணமின்மைக்கு மருந்தாக‘அமிர்தம்‘ குறியீடாகிறது. உண்மையில் இது வெறும் உணவு அல்ல. கடைப்பிடிக்க வேண்டிய‘பேசாமை‘ என்ற நெறி; ‘சும்மா இருக்கும் திறன்‘. ‘வாழ்வு‘ என்ற பதத்தின் மூலம் குறிப்பிடப்படுவதுமரணமின்மையே ஆகும். இதனைப் பிரித்தால், வ = வலிமையுடன், ஆழ்வு = உட்செல்லல்என்றாகும். இது, தியான நிலையில் ஒரு தர்சி தன்னுள் ஆழ்ந்து நிலைத்த பெருநிலையைக்குறிக்கிறது. சமஸ்கிருதத்திலுள்ள ‘அம்ருத‘வின் பொருள், அ=அல்ல, மிருத்=மரணம் என்றஅளவுடன் நின்றுவிடும். அமிழ்தம் என்ற பதத்திலோ, மரணமின்மைக்கு உபாயம் மௌனம் என்றவிரிவு உண்டு.” –என்று சொல்லி கடவுள் முன் மௌனித்து நிற்பதே உண்மையான வழிபாடு என்பதை கோட்பாட்டு ரீதியாகப் பொருத்துகிறார். அதேபோல கி.பி. 433ல் இலங்கையை ஆண்ட தாதுசேனன் என்ற சிங்கள பௌத்த அரசன், சிங்கள-தமிழ் கலப்புமணங்களைத் தடுக்க வேண்டி மலையாளத்திலிருந்து வருபவர்களை ஊக்குவித்தான். இதன் தாக்கத்தை கேரளா மற்றும் சிங்களர்களின் உடைகளில் பார்க்கலாம். மலையாளப் பதங்களும் சிங்கள மொழியில் காணப்படுகிறது. ஒட்டுமொத்தமாக இது திராவிட இரத்தம். இங்கே இனப்பிரிவினை என்பதே அபத்தமான ஒன்று என்பதை பிரமிள் சுட்டிக்காட்டுகிறார். அதே போல, பதினாறாம் நூற்றாண்டின் ஆரம்பத்தில் போர்த்துக்கீஸியரின் ஆதிக்கத்தில் இலங்கை வந்த போது அங்கே வடகீழ்ப் பகுதிகள் தமிழரது அரசாகவும், மத்திய தென்மேற்குப் பகுதிகள் சிங்கள அரசாகவும் தனித்து இருந்திருக்கின்றன. கி.பி. 600க்குப் பிறகு இலங்கைக்கு வந்த வெவ்வேறு வெளிநாட்டுப் பயணிகள் குறிப்பிலும் இலங்கையில் இரண்டு அரசர்கள் இருந்ததாகக் குறிப்பிட்டுள்ளனர். 1619ல் போர்ச்சுக்கீசியர்கள் தமிழ்ப் பகுதியைக் கைப்பற்றி அரசாண்டு வந்த சங்கிலி குமாரனைத் தூக்கிலிட்டனர். அவர்களுக்குப் பின் வந்த டச்சுக்காரர்களும் இரண்டு பகுதிகளையும் இணைக்காமல் தனித்தனியாகவே ஆண்டிருக்கின்றனர். 1833ல் பிரிட்டிஷ் ஆட்சியில் தான் ஒரே ராஜீய அமைப்பாக மாறியது. 1840க்கும் 1950க்கும் இடையில் மலையகக் காஃபித் தோட்டங்களில் உழைக்க, தமிழர்கள் இலட்சக்கணக்கில் வற்புறுத்தி அழைத்துச் செல்லப்பட்டனர். ஆங்கிலேயர் ஆட்சியில் கொண்டுவரப்பட்ட கல்வி இந்த மலையகத் தமிழருக்குக் கிடைக்கவில்லை. மேலும் இலங்கைத் தமிழரே இவர்களை கீழ் ஜாதியினர் போல பார்த்தனர். இலங்கை சுதந்திரமடைந்த போதும் இவர்களுக்காக எதுவும் செய்யப்படவில்லை. கிட்டத்தட்ட நூறாண்டுகள் இலங்கையில் வாழ்ந்து, இலங்கைக்காகவே உழைத்த இவர்களுக்குச் செய்யப்பட்ட அநீதி பிரிட்டிஷ் அரசியல் சாசனத்திற்கே விரோதமானதாகும் என்கிறார் பிரமிள். சுதந்திரத்திற்குப் பிறகு முதல் பொதுத் தேர்தல் நடந்த போது மலையகத் தமிழர்களுக்கு வாக்களிக்கும் உரிமை வழங்கப்பட்டது. அவர்கள் ஏழு பிரதிநிதிகளைப் பாராளுமன்றத்துக்கு அனுப்பினர். ஆனால் அடுத்த தேர்தலில் அவர்கள் வாக்குரிமை பறிக்கப்பட்டது. அதற்கு ரொம்பவும் பின்னர், இந்த பத்து இலட்சம் மக்களில் ஒரு இலட்சம் பேருக்கு மட்டும் வாக்களிக்கும் உரிமை வழங்கப்பட்டது. இவ்விசயத்தில் மலையகத் தமிழர் தவிர்த்த இலங்கைத் தமிழரின் குரல் ஓங்கி ஒலிக்கவில்லை. இத்தகைய எளிய மக்களுக்காக காந்தி தென்னாப்பிரிக்காவில் நடத்திய அறவழிப் போராட்டத்தை இங்கே பிரமிள் பொருத்திப் பார்க்கிறார். இலங்கைத் தமிழரிடமிருந்த இந்த பூர்ஷ்வா குணாம்சம் அடிமட்ட நிலையில் உள்ளவர்கள் குரல் எழும்புவதை விரும்புவதில்லை என்ற குற்றச்சாட்டை முன் வைக்கிறார். இங்கே நுட்பமான இன்னொரு விசயத்தையும் கவனிக்க வேண்டும். கி.மு. இருபத்தியொன்றில் ரோமானியப் பேரரசர் அகஸ்டஸின் அவைக்கு பாண்டியர் அரசவையிலிருந்து ஒரு தூதுக் குழு செல்கிறது. அதில் பாண்டிய மன்னன் அவர் நட்புறவை பெரிதும் விரும்புவதாகவும், தன் நாட்டின் வழி அவர் செல்வதாக இருந்தால் அதற்கு ஆதரவளிப்பதாகவும், வேறு ஏதேனும் பெரும்பணி இருந்தால் அதற்குத் தாம் உதவுவதாகவும் குறிப்பிட்டுள்ளார். அந்தக் குழுவில் இருந்த ஒருவன் தீக்குளித்து அங்கே உயிரை விட்டிருக்கிறான். காரணம், வாழ்க்கையின் எல்லா இன்பங்களையும் பார்த்தாயிற்று. இனி இருந்தால் துன்பம் வந்துவிடக் கூடும். அதை அனுபவிப்பதற்குப் பதில் இதோடு முடித்துக் கொள்ளப் போகிறேன் என்று சொல்லியிருக்கிறான். தீயில் புன்னகையோடு இறங்கியதாக இக்குறிப்புகளை எழுதிய ஸ்ட்ராபோ சொல்கிறார். அதே போல, அந்தக் குழுவில் இருந்த இன்னொருவன் ஏதென்ஸ் மக்களுக்கும் அகஸ்டசுக்கும் தன் தைரியத்தைக் காட்டவோ என்னவோ அவனும் தீயில் குதித்து இறந்திருக்கிறான். எதற்காக அவன் அப்படிச் சாக வேண்டும்? இந்த அதீத உணர்வுமயமான, விபரீத தைரியம் இந்த இனத்துக்கே உரிய குணமாக உள்ளது. தலைவனுக்காக தீக்குளிப்பது, ஏதாவது பிரச்னைக்காகத் தீக்குளிப்பது, துன்பம் தாங்காமல் தீக்குளிப்பது என்று இப்போதும் தொடர்வதை நாம் பார்க்கிறோம். பலரது கவனம் தன் மீது குவிகையில், அதற்குத் தகுதியானவனாகக் காட்டிக் கொள்ளச் செய்யும் முயற்சியாகவும் அதைத் தாங்கிக்கொள்ள முடியாத மனநிலையாகவும் மட்டுமின்றி வேறு யாராலும் துணிய இயலாத ஒன்றாகக் கூட இது வெளிப்படுவதைப் பார்க்கலாம். 1958-வாக்கில் தமிழ்த் தலைமையின் உணர்ச்சிகரமான ‘வீரப் பேச்சு’ சிங்களர்களிடையே பீதியைக் கிளப்பிற்று. இலங்கைத் தமிழர்கள் தமிழக திராவிட இயக்கத் தலைவர்களின் பிரச்சார மேடைப் பேச்சு மாதிரிகளை அப்படியே இறக்குமதி செய்தது எதிர்விளைவை ஏற்படுத்தியது. இத்தகு தமிழரின் ரொமாண்டிக்கான தற்பெருமை சிங்களரிடையே வக்ரபீதியைக் கிளப்பி விட்டது என்கிறார் பிரமிள். தமிழருக்கு பெருமைப்பட்டுக் கொள்ள ஆயிரம் உண்டு. ஆனால் தமிழகத்திலும் சரி, ஈழத் தமிழரிடையேயும் சரி, இந்த வீராவேசம் அலுப்பையும் கோபத்தையும் ஏற்படுத்தும் ஒன்றாகி விட்டது. இன்று ‘முன்னோர்கள் ஒன்றும் முட்டாள்கள் அல்ல’ என்ற வாக்கியம் கேலிக்குரியது. இன்று தமிழகத்தில் மேல்தட்டு மக்களில் இருந்து அவர்களை பிரதி செய்யும் நடுத்தர மக்களின் குடும்ப மொழியாக ஆங்கிலமே இருக்கிறது. நம் கண்முன்னே மொழி இறந்து கொண்டிருக்கிறது. தமிழில் எழுதப்பட்ட இலட்சக்கணக்கான நூல்கள் இன்று சீந்த நாதியில்லாமல் கிடக்கின்றன. இங்கே இதற்கு மேலும் போனால் பல பக்கங்கள் தாண்டி விடும். இந்தக் கட்டுரை பிரமிள் படைப்புகள் வரிசையில் தொகுப்பு 4ல் உள்ளது. ஆர்வமுள்ளவர்கள் இந்தத் தொகுப்பையோ அல்லது அமேசானில் தனிப் புத்தகமாகக் கிடைக்கும் ஸ்ரீலங்காவின் தேசியத் தற்கொலை நூலையோ வாங்கலாம். இணையத்தில் தேடிய போது இந்தப் புத்தகம் குறித்து எழுத்தாளர் விமலாதித்த மாமல்லனின் ஒரு பதிவு மட்டும் வாசிக்கக் கிடைத்தது. மேலும் பிரமிளும் தனது கட்டுரையொன்றில் “மாமல்லனின் தீவிர முயற்சி மூலமே, ஸ்ரீலங்காவின் தேசியத் தற்கொலை நூல்வடிவம் பெற்றுள்ளது.” (க்ரியா பதிப்பகம் பதிப்பிக்க மறுத்து விட்டது) எனக் குறிப்பிடுகிறார். இந்தக் கட்டுரையை மேற்கொண்டு தொடர மூன்றாவது முறையாக வாசிக்க எடுத்து, எழுதும் நோக்கமே மறந்து போய் 200 பக்கங்கள் கடந்து விட்டேன். இதில் 1985ல் லயம் இதழில் வெளியான மௌனி நினைவுகள் என்ற கட்டுரை குறிப்பிடத்தக்க ஒன்று. ஓர் அஞ்சலிக் கட்டுரை எப்படி இருக்க வேண்டும் என்பதற்கு ஓர் உதாரணம் இது. முதலில் வைதீகத்துக்கு எதிராக இருந்த மௌனி, பிரமிள் இரண்டாம் முறை சந்திக்கையில் தீவிர வைதிகத்துக்கு மாறி விட்டிருக்கிறார். அவருக்கு நான்கு மகன்களும், ஒரு மகளும். ஒருவருக்கு மனச்சிக்கல் உண்டு. இரண்டு மகன்களும் இறந்தது அவருள் இந்த மாற்றத்தை ஏற்படுத்தியிருக்கக் கூடும் என்கிறார். மௌனியைத் தமிழிலக்கிய உலகில் பிரமிளைத் தவிர யாரும் அத்தனை அணுக்கமாக உணர்ந்தவர் இல்லை. ஒருமுறை வ.ராமசாமி மௌனியிடம் எதற்கு பூணூலைப் போட்டுக் கொண்டு திரிகிறார். எடுத்து ஆணியில் மாட்டு என்றதற்கு, மௌனி ‘I will rather cut my cock and put it there’ என்று சொல்லியிருக்கிறார். இது இன்று வரை இங்கே மௌனியின் ஜாதீய வெறிக்கு உதாரணமாகச் சொல்லப்பட்டு வருவது. ஆனால் பிரமிள் இங்கே கூட இதை வேறொரு கோணத்தில் பார்க்கிறார். பூணூலைத் துறப்பதில் அர்த்தமில்லை. உடலின் இச்சைகளுக்குக் கேந்திரமான காமத்தைத் துறப்பதே அர்த்தபூர்வமானது என்ற அர்த்தத்தைக் கொடுக்கிறார். பிரமிள் மௌனியின் வைதிகத்தைக் கூட அதற்கான காரணங்கள், அர்த்தங்களுடன் புரிந்து ஏற்றுக் கொள்கிறார். ஆனால் மௌனி தனது சிந்தனைகளை வெளிப்படுத்துமளவுக்கு தமிழ் வளர்ச்சியடையவில்லை என்று சொன்னதைத் தான் பிரமிளால் ஏற்க முடியவில்லை. இந்தக் கட்டுரையை இவ்வாறு முடிக்கிறார்: “’எதற்காக நான் எழுத வேண்டும். அதனால் புண்ணியமா புருஷார்த்தமா?’ என்று கேட்ட மௌனிக்குமிஞ்சியுள்ளது, அவரது கதைகள் தந்த புருஷார்த்தம் மட்டும் தான். அவரது எழுத்து, நான்ஏற்கெனவே அடிக்கடி கூறியுள்ளது போல், அவரது தனிமனிதக் குறைபாடுகளை முறியடித்தஉன்னதங்களை மட்டுமே சமைத்துள்ளன. படிப்பவருக்கு இத்தகைய மனவெழுச்சியை ஏற்படுத்தும்அளவில், அது ஒரு புண்ணிய கைங்கர்யம் தான். இதுவே அவரது ஆத்மாவின் பயணத்தை உன்னதமார்க்கத்தில் சேர்க்கும் என நாம் நிச்சயிக்கலாம்.” முன்னரே குறிப்பிட்டபடி 1980-லிருந்து பிராமணியத்தின் மீது கடுமையான தாக்குதலைத் தொடுக்கிறார் பிரமிள். தமிழிசை எவ்வாறு பிராமணர்களால் கைக்கொள்ளப்பட்டு கர்நாடக இசையாக பரிணமித்தது, நாதசுரத்தையும் தவிலையும் மட்டும் இவர்கள் விலக்கி வைத்திருப்பது, இலக்கியத்திலும் தங்கள் ஆதிக்கத்தை நிலைநாட்ட மிக நுட்பமாய் இவர்கள் இயங்கும் விதம், படைப்பின் தரம் குறித்தன்றி இனம் பார்த்து அவர்களை உயர்த்திப் பிடிப்பது இதையெல்லாம் விரிவாய் ஒருபக்கம் சொல்லிச் செல்லும் அதே வேளையில், இடதுசாரிகளை மந்தைக் கூட்டம் என்று விமர்சிக்கிறார். ஆரம்பத்திலிருந்து பிரமிளின் எழுத்துகளை வாசித்தோமென்றால், அவருடைய நிலைப்பாடுகளில் எந்த மாறுதலையும் காண முடியாது. அறிதலின் நிலை நகர்வுகள் மட்டுமே நம் பார்வையில் தெரியும். வைதீகம், இடதுசாரியம் இரண்டுமே உயிர்ப்பான மனிதர்களைச் சமூகத்திலிருந்து திட்டமிட்டு அகற்றும் என்று எச்சரிக்கிறார். உதாரணத்திற்கு இந்திய மத மரபு என்ற கட்டுரையில் சமஸ்கிருதம் என்பது பிராமணரல்லாதோர் பலராலும் பயிலப்பட்டு வந்த மொழி என்பதற்கான வாதங்களை முன்வைக்கிறார். உபநிஷத்துகளைத் தந்தவர்கள் ‘ரிஷிகள்’ என்றும் ஒரு மரபை உருவாக்கி, இந்த ரிஷிகள் பிராமணர்கள் என்ற புளுகையும் ஸ்தாபித்துள்ளார்கள். சமஸ்கிருதத்தில் இதிகாசம் படைத்த வால்மீகி ஒரு திருடனும் கீழ்க்குலத்தவனுமாவான். இதேபோல கீழ்க்குலத்தில் பிறந்தவர் தான் காளிதாஸனும். “சங்கரரின் அத்வைதம், உபநிஷத்துக்களின் பிரம்மம் ஆகியவற்றை வேதங்களின் இனவாதப்பௌராணிகச் சரித்திரத்துக்கு முடிச்சுப் போடும் இயக்கமே பிராமணீயமாகும். இந்த முடிச்சைவெகு சமத்காரமாக நிறைவேற்றியவர் சங்கரர். சாண்டோக்யத்தில், தனது ஜாதி என்னவென்றுதெரியவில்லை என்று கூறியவனிடம் ‘நீ உண்மை பேசினாய், ஆகவே நீ பிராமணன்’ என்று கூறும்சாண்டோக்யம், பொய் பேசுவோன் பிராமணனில்லை என்ற கருத்தைத் தர்க்கப்பூர்வமாகமுன்வைக்கிறது. ஆனால் பிராமணீய மரபு, உபநிஷத்துக்களில் தனக்குப் பாதகமாகப் பொதிந்துள்ளமேற்கூறிய வகையான சகல உள்விபரங்களையும் மழுப்பி விடுகிறது” எவ்வித அடிப்படையும் இன்றி ‘நாஸ்திகர்’ என்று புத்தரை நிராகரித்த இந்துத்துவத்துக்கு சற்றும் குறையாதது ஐரோப்பாவின் இருண்ட காலங்களில் ஒருவரை ஒழித்துக் கட்டுவதற்காக அவரை சூனியக்காரர் (Witch) என்ற பட்டம் கட்டுவதும். ஹிட்லரின் ஆதிக்கத்தில் ஒருவரை ஒழிக்க வேண்டுமானால் அவரை யூதர் என்று அடையாளப்படுத்தினால் போதும். இன்று இடதுசாரிகள் செய்வதும் இதைத் தான். இடதுசாரியாக இரு. அப்படியில்லையெனில் நீ செய்யும் எதுவும் பாசிசத்துக்குத் தான் அவியளிக்கும். நீ ஒரு மனித விரோதி, மக்கள் விரோதி என்று தூற்ற ஆரம்பித்து விடுவார்கள். பிரமிளுக்கு நிகழ்ந்ததும் அது தான். – தொடரும். https://tamizhini.in/2019/09/20/பிரமிள்-தனியொருவன்-பகுத-6/  
×
×
  • Create New...

Important Information

By using this site, you agree to our Terms of Use.