Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

சில ஞாபகங்கள் -9


pri

Recommended Posts

ஞாபகங்கள் ஒரு வகையில்  விசித்திரமானவை. அண்மையில் நடந்த சம்பவமொன்று மறந்து போகிறது.கடைத்தெருவில் சந்திக்கிற மனிதர் ஒருவர் என்னை ஞாபகமிருக்கிறதா என கேட்கிறபோது அசடு வழியவேண்டிவருகிறது. எங்கேயோ பார்த்த முகம் போல இருக்கும். பெயர் நினைவுக்கு  வராமல் அடம் பிடிக்கும். முப்பது நாற்பது வருடங்களுக்கு முன்னர் நடந்த சில சம்பவங்கள் இப்போதும் அச்சொட்டாக  ஞாபகத்தில் இருக்கிறது.  பல நூறு மனிதர்களையும் சில ஆயிரம் சம்பவங்களையும்  கடந்திருப்போம். சிலது ஒட்டிக்கொள்கிறது. சிலது தொலைந்து போகிறது. எது தொலையும் எது தங்கிநிற்கும் என்பதற்கு ஏதேனும் எளிய சூத்திரம் இருக்கிறதோ தெரியாது. இது இன்னும் மறையாமல் எங்கையோ ஓரமாக  ஒட்டிக்கொண்டிருகிற இரண்டு  பள்ளிகால  கனவுகள்  பற்றியது.

 
சின்ன வயதில்   நண்பர் கூட்டம் ஒன்று  இருந்தது. பொதுவாக  எல்லோருக்கும் இருந்திருக்க கூடும். அவர்கள் பெரும்பாலும் வாழ்க்கை போகிற போக்கில் பயணிப்பார்கள்.  ஏறினாலும் இறங்கினாலும் பெரிதாக அதலட்டிக்கொள்வது கிடையாது. நாளையை பற்றி யோசித்து இருக்கிற   பொழுதை சிதைக்க தெரியாதவர்கள். முடிந்தவரை அந்த அந்த பொழுதுகளுக்கு வஞ்சகம் செய்யாதவர்கள்.  சின்ன சின்ன  பகிடிக்கும் வாய் கிழிய சிரிப்பார்கள். கப்பல் கவிண்டாலும் கணக்கில் எடுக்க மாட்டார்கள்.   அவர்களோடு  கூடி இருக்கிறபோது சந்தோசங்கள் தானாக வந்து சேரும்.
 
முன்பெல்லாம் ஊருக்குள் வீரசாகசங்கள் நடப்பதுண்டு. ஓடாமல் நிக்கிற  லொறியை இடுப்பில்  கட்டி இழுப்பது, ஓடுகிற  ட்ரக்டரை நெஞ்சில் ஏற்றுவது  செங்கட்டியை கையால் உடைப்பது என அது பலவகைப்படும்.அவ்வப்போது ஆணழகன் போட்டியும் நடந்தேறும். எண்ணெய் பூசிய ஜம்பவான்களின்    தசைகள் மேடையேறி  தனித்தனியே நடனமாடும். இவைகளை பார்த்த எங்கள்  நண்பர் ஒருவருக்கும்  பயில்வான் ஆகிற ஆசை வந்து தொலைத்தது.
 
அப்போதெல்லாம் பருத்தித்துறையில் பயில்வானாக மாற இரண்டு வழிகள் மட்டுமே இருந்தது. அதற்கு மேலும் இருந்திருக்க கூடும். ஒன்பதாம் வகுப்பு பாடத்திட்டத்தில் சேர்க்காததால்  எங்களுக்கு தெரிந்திருக்க  வாய்ப்பில்லை.  
 
சோதி அண்ணாவின் கராட்டி வகுப்புகள் வீரபாகுவின் கட்டடத்தில் மேல் தளத்தில் நடக்கும்.  பச்சை முட்டையை வெறும் வயித்தில் குடித்த பிறகு சோதி அண்ணாவிடம் கராட்டி பழகுவது ஒரு வழி.
 
சாண்டோ துரைரத்தினம் வீட்டில் பொடி பில்டிங் (body building) நடக்கும். இரவு முழுக்க தண்ணீரில் ஊற வைத்த கடலையை அவிக்காமல் சாப்பிட்ட பிறகு சாண்டோ அண்ணா  வீட்டில் பாரம் தூக்குவது மற்றைய வழி.
 
முட்டை விலை கட்டுபடியாகாது என்பது தெரிந்தது. பிறகு யோசிக்க என்ன இருக்கிறது.  சண்டோ வீட்டுக்கு போவதென நண்பர்கள் ஒருமனதாக முடிவுக்கு வந்தார்கள்.  கூட்டமாக சவனாய்க்கு போனோம்.  சாண்டோ துரைரத்தினம் வீட்டு கதவை தட்டனோம்.  பயில்வான் ஆகிற ஆசையை சொன்னோம். எங்களை பார்த்த சாண்டோவுக்கு சிரிப்பு வந்தது. முதலில் போய் படிக்கிற வேலையை பாருங்கள் பிறகு பயில்வான் ஆகலாம் என்றார். நாங்கள் விடுவதாக இல்லை.
 
அதிஸ்டம்  சொல்லிகொண்டா வருகிறது? அப்படிதான் சாண்டோவின் இரண்டாவது மகன் ஹரி அறைக்குள் இருந்து எட்டி பார்த்தான்.   ஹாட்லியில் ஒன்றாக படிக்கிற கதையை சொல்லி எங்களுக்கும் பழக்கிவிடும்படி  அப்பாவிடம் சிபார்சு செய்தான் . வேறு வழியில்லாமல் சாண்டோவுக்கு  எங்களையும் ஆட்டத்தில்  சேர்க்கவேண்டியதாயிற்று.
 
அடுத்த நாள் பின்னேரம் ரியுசனில் பாதிநேரம் இருந்தோம் மிகுதி நேரம் சாண்டோவின் வீட்டில் பயில்வான் பயிற்சியில் இருந்தோம். முதல் நாள்  பயிற்சி ஆரம்பமானது. கால்களும் கைகளும் இறுகிய பிறகுதான் பாரம் தூக்கமுடியுமென சொன்னார். முதலில்  ஐயாயிரம்  தரம் இருந்து எழும்ப சொன்னார். இலக்கங்களில் கொஞ்சம் திருகுதாளங்கள் செய்து பார்த்தோம்.  அப்படியிருந்தும் யாராலும்  ஆயிரம்  இலக்கத்தை கூட   தாண்ட முடியவில்லை. சரி நாளைக்கு வந்து ஐயாயிரம்  தரம் இருந்து எழும்பிய பிறகு பயிற்சியை தொடங்கலாம் என திருப்பி  அனுப்பி வைத்தார்.  அதற்கு பிறகு சாண்டோ வீட்டுக்கு மட்டுமல்ல சவனாய்க்கு போவதையே நிறுத்திகொண்டோம்.  இப்படியாக  பயில்வான் கனவு ஒரே நாளில்  கலைந்தது.
 
இன்னுமொரு சம்பவம்.
எண்பத்து மூன்றின் கடைசி அல்லது எண்பத்து நான்கின் தொடக்கமாக இருக்க வேண்டும். வயதும் பக்குவமும் கொஞ்சம் கூடியிருந்தது. நாட்டின் நிலமைகள் வேறு திசையில் பயணிக்க தொடங்கியிருந்தது. பெரும்பாலான எங்கள் வயதுக்காரின் எண்ணங்களில் பெரும்  மாற்றம் தொற்றிக்கொண்டது. சிரிப்புகள் குறைந்து போனது. சீரியஸ் பேச்சுகள்  வந்து சேர்ந்தது. ஜனநாயகமா அல்லது மாக்சீசமா ஈழத்தின் ஆட்சி என்பதுவரை அது நீண்டிருந்தது.  
 
 
அது ஒரு வழமையான சனிக்கிழமை. (CME) சிம்ஈயில் பகல் நேர வகுப்புகள் இருக்கும். புத்தகமும் கையுமாக வீட்டில் இருந்து புறப்பட்டேன்.  இனி புத்தகமும் நானும் வீடு திரும்பப்போவதில்லை என்பது தெரியும். யாருக்கும் அது பற்றி மூச்சுவிடவில்லை. இந்தியாவிற்கு பயிற்சிக்கு போவதற்கான எல்லா ஏற்பாடுகளும் முடிவாகியிருந்தது.
 
வெயில் மறையாத பின்நேர பொழுதொன்றில்
மணற்காடு கடற்கரையை சென்றடைந்தோம். மீனவர் வாடியொன்றை ஒதுக்கியிருந்தார்கள். ஓட்டியும் வள்ளமும் வந்து சேரும்வரை அங்கு இருக்கும்படி சொல்லப்பட்டிருந்தது. கூட இருக்கிற மற்றையவர்கள் ஏற்கனவே தெரிந்தவர்கள்.   நாட்டை விட்டு போவது பற்றிய எந்த பதட்டமும் இருக்கவில்லை. யாருக்கும் சொல்லாமல் வீட்டை விட்டு வந்தது பற்றிய சின்ன  உறுத்தல் மட்டும் உள்ளுக்குள் கனன்றுகொண்டிருந்தது. அப்பாவின்  சைக்கிளை வீட்டில் கொண்டு போய் சேர்க்காமல்  இடைநடுவில் போட்டு விட்டு வந்ததை சொல்லி ஒருவர் வருத்தப்பட்டார்.  திருநாவுக்கரசு மாஸ்டர் வகுப்பில் அரைவாசி பேரை காணாமல் தலையில் கைவைக்கபோகிறார் என சொல்லி இன்னுமொருவர்  சிரிக்க வைத்தார்.  நேரங்கள் நகர்ந்தது.
 
 
 
வானம் இருட்ட தொடங்கியிருந்தது. காற்று கொஞ்சம் பாலமாக வீசியது. அது மணலை காவிவந்து விசிறி எறிந்தது.  அலைகள் ஆளுயர எழுந்து இறங்கியது. இடியும் மின்னலும் அந்த இரவை வெருட்டியது. சோவென பெய்த மழை நிலமையை இன்னும் மோசமாக்கியது. இதுதான் கடலோர வாழ்கையாக இருக்ககூடும் என எங்களுக்குள் பேசிகொண்டோம். உண்மை அதுவல்ல. அதுவொரு பேய் காற்றும் கடல்கொந்தழிப்புமான அசாதாரணமான இரவு என்பது பின்னர் தெரிந்தது.  வள்ளம் இன்றைக்கு புறப்படுவதற்கு சாத்தியமில்லை என்பதை பக்கத்து வாடி மீனவர்கள்  சொல்லிப்போனார்கள்.  அவர்கள் காச்சிய கஞ்சியை  கொண்டு வந்து தந்தார்கள் . மணல் கஞ்சிக்குள் வந்து விழுவதை தடுப்பதுவும் நனையாமல் நிப்பதுவும்  பெரும் சிரமமாக இருந்தது. நித்திரை இல்லாத ஒரு முழு கடற்கரை  இரவை முதன் முதலில்  பார்க்க கிடைத்தது.
 
படிக்க போன பிள்ளைகள் வீடுவந்து சேராததால் பருத்தித்துறையில் சில வீடுகள் அல்லோகல்லோலப்பட்டது . இரவு முழுக்க தேடியும் எந்த சேதியும் இல்லை. அப்போதெல்லாம் படிக்க போனவர் வீடு திரும்பவல்லையென்றால் இயக்கத்தில் ஒரு இலக்கம் கூடியிருக்கும். கொஞ்சம் மினகட்டால் எந்த இயக்கம் என்ற துப்பு மட்டும் வேண்டுமானால்  கிடைக்கும்.
 
வள்ளம் போகாமல் வாடியில் தங்கியிருக்கிற செய்தி எப்படியோ காலையில்  ஊருக்குள் கசிந்தது.  பெரியவர்கள் மணற்காட்டுக்கு படையெடுத்தார்கள்.  கடல் கடந்த  பயிற்சி கைநழுவி போனது. இப்படியாக இந்திய கனவு கைநழுவி போனது.
 
 
  • Like 10
  • Thanks 1
Link to comment
Share on other sites

சில ஞாபகங்கள் நிம்மதியையும் சில ஞாபகங்கள் பட்ட வலிகளையும் ஞாபகப்படுத்தும். இது அழகாக படம் பிடித்த உங்கள் ஞாபக ஏடு ரசிக்க கூடியதாகவும் ஒரு வலியை உணர்த்தி செல்வதாகவும் இருந்தது. அனுபவம் மிகப்பெரிய ஆசான் . தொடர்ந்து எழுதுங்கள்..

Link to comment
Share on other sites

  • கருத்துக்கள உறவுகள்
18 hours ago, pri said:

முதலில்  ஐயாயிரம்  தரம் இருந்து எழும்ப சொன்னார். இலக்கங்களில் கொஞ்சம் திருகுதாளங்கள் செய்து பார்த்தோம்.  அப்படியிருந்தும் யாராலும்  ஆயிரம்  இலக்கத்தை கூட   தாண்ட முடியவில்லை.

ஒருதரும் மயங்கிவிழவில்லையா! 20 தரம் தோப்புக்கரணம் போடும்போதே மூச்சுவாங்கும்!

18 hours ago, pri said:

வள்ளம் போகாமல் வாடியில் தங்கியிருக்கிற செய்தி எப்படியோ காலையில்  ஊருக்குள் கசிந்தது.  பெரியவர்கள் மணற்காட்டுக்கு படையெடுத்தார்கள்.  கடல் கடந்த  பயிற்சி கைநழுவி போனது. இப்படியாக இந்திய கனவு கைநழுவி போனது.

இப்படி பலருக்கு நடந்திருக்கு. அதுவே சில நண்பர்களின் வாழ்வின் திசையையும் முற்றாக மாற்றியதும் நடந்துள்ளது!

Link to comment
Share on other sites

  • கருத்துக்கள உறவுகள்

இப்படி ஆணழகனாக வேண்டும் என்றெல்லாம் நாங்கள் முயற்சி செய்ததில்லை.நம்ம உடல்வாகு பற்றி நமக்குத் தெரியாதா என்ன..... ஆனால் மணிக்கூட்டு கோபுரம் போல நிக்கும் தலைமுடியை சுருட்டுவதற்காக கிளுவந்தடியை தணலுக்குள் வைத்து பின் தலையில் சூடு போட்டுக்கொண்டதுண்டு.....அப்பவும் அது நாணல்போல் சிலநாட்கள் வளைந்து(சுருண்டு அல்ல) பின் s j v செல்வநாயகம் நினைவுத் ஸ்தூபிபோல் நிமிர்ந்து நிக்கும்......!  😂

Link to comment
Share on other sites

22 hours ago, nige said:

சில ஞாபகங்கள் நிம்மதியையும் சில ஞாபகங்கள் பட்ட வலிகளையும் ஞாபகப்படுத்தும். இது அழகாக படம் பிடித்த உங்கள் ஞாபக ஏடு ரசிக்க கூடியதாகவும் ஒரு வலியை உணர்த்தி செல்வதாகவும் இருந்தது. அனுபவம் மிகப்பெரிய ஆசான் . தொடர்ந்து எழுதுங்கள்..

நன்றி nige .

6 hours ago, கிருபன் said:

ஒருதரும் மயங்கிவிழவில்லையா! 20 தரம் தோப்புக்கரணம் போடும்போதே மூச்சுவாங்கும்!

இப்படி பலருக்கு நடந்திருக்கு. அதுவே சில நண்பர்களின் வாழ்வின் திசையையும் முற்றாக மாற்றியதும் நடந்துள்ளது!

நன்றி கிருபன் .

எங்களை பயிற்சிக்கு சேர்த்தாலும் எங்கள் வயதும் உடம்பும் 
அதட்கு சரிப்பட்டு வராது என்பது துரை அண்ணாவுக்கு தெரியும் .
ஐயாயிரம்  தரம் இருந்து எழும்ப சொன்னதெல்லாம் எங்களை வராமல் பண்ணுவதட்கே .

6 hours ago, suvy said:

இப்படி ஆணழகனாக வேண்டும் என்றெல்லாம் நாங்கள் முயற்சி செய்ததில்லை.நம்ம உடல்வாகு பற்றி நமக்குத் தெரியாதா என்ன..... ஆனால் மணிக்கூட்டு கோபுரம் போல நிக்கும் தலைமுடியை சுருட்டுவதற்காக கிளுவந்தடியை தணலுக்குள் வைத்து பின் தலையில் சூடு போட்டுக்கொண்டதுண்டு.....அப்பவும் அது நாணல்போல் சிலநாட்கள் வளைந்து(சுருண்டு அல்ல) பின் s j v செல்வநாயகம் நினைவுத் ஸ்தூபிபோல் நிமிர்ந்து நிக்கும்......!  😂

நன்றி suvy .

எங்களுக்கு தலைமயிரோட  சாகசம் செய்ய முடியாது .
கொஞ்சம் வளந்தாலும் தேடி அடிக்க ஒரு வாத்தியார் இருந்தார் .

  • Haha 1
Link to comment
Share on other sites

"படிக்க போன பிள்ளைகள் வீடுவந்து சேராததால் பருத்தித்துறையில் சில வீடுகள் அல்லோகல்லோலப்பட்டது . இரவு முழுக்க தேடியும் எந்த சேதியும் இல்லை. அப்போதெல்லாம் படிக்க போனவர் வீடு திரும்பவல்லையென்றால் இயக்கத்தில் ஒரு இலக்கம் கூடியிருக்கும். கொஞ்சம் மினகட்டால் எந்த இயக்கம் என்ற துப்பு மட்டும் வேண்டுமானால்  கிடைக்கும்.
 
வள்ளம் போகாமல் வாடியில் தங்கியிருக்கிற செய்தி எப்படியோ காலையில்  ஊருக்குள் கசிந்தது.  பெரியவர்கள் மணற்காட்டுக்கு படையெடுத்தார்கள்.  கடல் கடந்த  பயிற்சி கைநழுவி போனது. இப்படியாக இந்திய கனவு கைநழுவி போனது."
 

எங்கள் ஊர் பக்க பெடியள் பெட்டையளுக்கு இது ஒரு சாவாலாகவே இருந்தது 
எந்த இயக்கத்துக்கு போயிருப்பார்கள் என்பதை இலகுவாகவே யூகிக்கலாம் 
அதனால் யாருடைய வண்டி எந்த கரையில் இருந்து எப்போ கடல் இறங்கும் 
என்பது பலருக்கும் தெரியும் அங்கே நேரடியாகவே சென்று விடுவார்கள் 

இப்படி பலமுறை அடிபட்டு வந்தவர்கள் மாணவ- மாணவிகள் ஈப்பிஆர்எல்வ் 
உடன் பேசி இங்கிருந்து ஏற்கமுடியாது என்பதால் அவர்களை மயிலிட்டிகரையில் இருந்து 
ஏற்ற ஏற்பாடு ஆகி இருந்தது. அவர்கள் காலையில் பள்ளிக்கு போவதாக வெளிக்கிட்டு 
யாரும் பள்ளி போகவில்லை ஒரு 10 மணிபோலதான் விஷயம் கசிய தொடங்கியது 
12 மணிக்குத்தான் தேட தொடங்கினால் அப்போதே அவர்கள் யாழ்ப்பாணம் போய்விட்டார்கள் 
போனவர்களுக்கு மிக்க மகிழ்ச்சி இந்தியா போய் சேர்ந்த நினைப்பு. 

இங்கிருந்தவர்கள் திட்டம் கொஞ்சம் வித்தியாசம் என்பதை சுதாகரித்துக்கொண்டு 
அவர்கள் மயிலிட்டி போய் சேரும்முன்னரே இவர்கள் போய் இருந்தார்கள் 
மறுநாள் எல்லோரையும் கூட்டி வந்தார்கள் ... அன்று இரவு முழுக்க எமக்கு நல்ல கொண்டாடடம் 
நித்திரையும் இல்லை அவர்களுக்காக காத்திருந்தோம். இப்போ எல்லோரும் வயது வந்த பிள்ளைகளுடன் 
வாழ்கிறார்கள் நாம் ஒன்று சேர நேர்ந்தால் அதை பற்றி பேசி சிரித்து மகிழ்வதுண்டு. 

டெலோ டீசல் பவுசர் கடத்தியது டோபி (இனிப்பு) லொறி கடத்தியது எல்லாம் 
எம்மால் மறக்கமுடியாத பெரும் நகைசுவை கொண்ட நிகழ்வுகள் காரணம் இரண்டும் 
எமது ஊருக்குத்தான் வந்து சேர்ந்தது ..அது வந்த பின்பு எமது ஊரில் நடந்த நிகழ்வுகள் 
மறக்க முடியாதவை 

 
Link to comment
Share on other sites

On 27/12/2020 at 16:24, pri said:

ஐயாயிரம்  தரம் இருந்து எழும்ப சொன்னார்.

இது உடற்பயிற்சி ஆசான்களின் உத்திகளில் ஒன்று.  சாண்டோ துரைசிங்கம் (சிவன் கோவிலுக்கு முன்னால் இருந்த சாராயக் கடை உரிமையாளர்), தன்னிடம் பயிற்சி எடுக்க வந்த மாணவனுக்கு இப்படிச் சொல்லியிருந்தார். “கிணத்திலை தண்ணி அள்ளி இரண்டு வாளிகளுக்குள்  நிழப்பி எடுத்துக் கொண்டு போய் தோட்டத்துக்குள் இருக்கிற மரங்களுக்கு குறைஞ்சது 100 தடவைகளாவது தண்ணி ஊத்து. பிறகு பயிற்சியைப் பார்ப்பம்”

பருத்தித்துறையில் சாண்டோ மணியத்தாரை விட்டு விட்டீர்களே. வயது 50ஐ தாண்டியிருக்குமா?

  • Like 1
Link to comment
Share on other sites

13 hours ago, Maruthankerny said:
"படிக்க போன பிள்ளைகள் வீடுவந்து சேராததால் பருத்தித்துறையில் சில வீடுகள் அல்லோகல்லோலப்பட்டது . இரவு முழுக்க தேடியும் எந்த சேதியும் இல்லை. அப்போதெல்லாம் படிக்க போனவர் வீடு திரும்பவல்லையென்றால் இயக்கத்தில் ஒரு இலக்கம் கூடியிருக்கும். கொஞ்சம் மினகட்டால் எந்த இயக்கம் என்ற துப்பு மட்டும் வேண்டுமானால்  கிடைக்கும்.
 
வள்ளம் போகாமல் வாடியில் தங்கியிருக்கிற செய்தி எப்படியோ காலையில்  ஊருக்குள் கசிந்தது.  பெரியவர்கள் மணற்காட்டுக்கு படையெடுத்தார்கள்.  கடல் கடந்த  பயிற்சி கைநழுவி போனது. இப்படியாக இந்திய கனவு கைநழுவி போனது."
 

எங்கள் ஊர் பக்க பெடியள் பெட்டையளுக்கு இது ஒரு சாவாலாகவே இருந்தது 
எந்த இயக்கத்துக்கு போயிருப்பார்கள் என்பதை இலகுவாகவே யூகிக்கலாம் 
அதனால் யாருடைய வண்டி எந்த கரையில் இருந்து எப்போ கடல் இறங்கும் 
என்பது பலருக்கும் தெரியும் அங்கே நேரடியாகவே சென்று விடுவார்கள் 

இப்படி பலமுறை அடிபட்டு வந்தவர்கள் மாணவ- மாணவிகள் ஈப்பிஆர்எல்வ் 
உடன் பேசி இங்கிருந்து ஏற்கமுடியாது என்பதால் அவர்களை மயிலிட்டிகரையில் இருந்து 
ஏற்ற ஏற்பாடு ஆகி இருந்தது. அவர்கள் காலையில் பள்ளிக்கு போவதாக வெளிக்கிட்டு 
யாரும் பள்ளி போகவில்லை ஒரு 10 மணிபோலதான் விஷயம் கசிய தொடங்கியது 
12 மணிக்குத்தான் தேட தொடங்கினால் அப்போதே அவர்கள் யாழ்ப்பாணம் போய்விட்டார்கள் 
போனவர்களுக்கு மிக்க மகிழ்ச்சி இந்தியா போய் சேர்ந்த நினைப்பு. 

இங்கிருந்தவர்கள் திட்டம் கொஞ்சம் வித்தியாசம் என்பதை சுதாகரித்துக்கொண்டு 
அவர்கள் மயிலிட்டி போய் சேரும்முன்னரே இவர்கள் போய் இருந்தார்கள் 
மறுநாள் எல்லோரையும் கூட்டி வந்தார்கள் ... அன்று இரவு முழுக்க எமக்கு நல்ல கொண்டாடடம் 
நித்திரையும் இல்லை அவர்களுக்காக காத்திருந்தோம். இப்போ எல்லோரும் வயது வந்த பிள்ளைகளுடன் 
வாழ்கிறார்கள் நாம் ஒன்று சேர நேர்ந்தால் அதை பற்றி பேசி சிரித்து மகிழ்வதுண்டு. 

டெலோ டீசல் பவுசர் கடத்தியது டோபி (இனிப்பு) லொறி கடத்தியது எல்லாம் 
எம்மால் மறக்கமுடியாத பெரும் நகைசுவை கொண்ட நிகழ்வுகள் காரணம் இரண்டும் 
எமது ஊருக்குத்தான் வந்து சேர்ந்தது ..அது வந்த பின்பு எமது ஊரில் நடந்த நிகழ்வுகள் 
மறக்க முடியாதவை 

 

இந்தியாவுக்கு போகேலாமா மாட்டுப்பட்ட   பெரிய கூட்டம்  இருக்குது போல . 
சில விசயங்களை இப்ப நினைக்க சிரிப்பாகவும் சந்தோசமாகவும் இருக்கும் .

நன்றி maruthankery ,உங்கள் நினைவுகளையும் பகிர்ந்தமைக்கு .

Link to comment
Share on other sites

9 hours ago, Kavi arunasalam said:

இது உடற்பயிற்சி ஆசான்களின் உத்திகளில் ஒன்று.  சாண்டோ துரைசிங்கம் (சிவன் கோவிலுக்கு முன்னால் இருந்த சாராயக் கடை உரிமையாளர்), தன்னிடம் பயிற்சி எடுக்க வந்த மாணவனுக்கு இப்படிச் சொல்லியிருந்தார். “கிணத்திலை தண்ணி அள்ளி இரண்டு வாளிகளுக்குள்  நிழப்பி எடுத்துக் கொண்டு போய் தோட்டத்துக்குள் இருக்கிற மரங்களுக்கு குறைஞ்சது 100 தடவைகளாவது தண்ணி ஊத்து. பிறகு பயிற்சியைப் பார்ப்பம்”

பருத்தித்துறையில் சாண்டோ மணியத்தாரை விட்டு விட்டீர்களே. வயது 50ஐ தாண்டியிருக்குமா?

நன்றி கவி அண்ணா .

நீங்கள் சாண்டோ மணியம் என்பது மணியம் மாஸ்டரோ தெரியவில்லை .

எனக்கே ஐம்பதை தாண்டிவிட்டது . கட்டாயம் ஐம்பதை தாண்டிஇருக்கும் . 

Link to comment
Share on other sites

13 hours ago, pri said:

சாண்டோ மணியம் என்பது மணியம் மாஸ்டரோ தெரியவில்லை .

மணியம் மாஸ்டர் வேறு.

சாண்டோ மணியத்தாரை உங்களுக்குத் தெரியாவிட்டால் உங்கள் வயது 50ஐத் தாண்டி 60க்குள் என்று கணக்குப் போட்டிருந்தேன். கணக்கு சரியாக வந்திருக்கிறது.

Link to comment
Share on other sites

  • கருத்துக்கள உறவுகள்

நல்ல பதிவுகள்.நீங்கள் வேறு திரிகளிலும் எழுத வேணும்.நன்றி.

Link to comment
Share on other sites

  • 1 month later...

வாசிக்கத்தூண்டும் பதிவு . வாழ்த்துகள்

Link to comment
Share on other sites

  • 2 months later...
On 30/12/2020 at 06:03, சுவைப்பிரியன் said:

நல்ல பதிவுகள்.நீங்கள் வேறு திரிகளிலும் எழுத வேணும்.நன்றி.

நன்றி சுவைப்பிரியன் .
 

On 4/2/2021 at 19:10, nige said:

வாசிக்கத்தூண்டும் பதிவு . வாழ்த்துகள்

நன்றி nige.

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • இந்திய இராணுவ முக்கிய அதிகாரிகள் பயணித்த கெலிக்கொப்டர் விபத்து : 7 பேர் உயிரிழப்பு ? இந்திய இராணுவ முக்கிய அதிகாரிகள் பயணித்த கெலிக்கொப்டர் ஒன்று விபத்திற்குள்ளாகியுள்ளதாக இந்திய விமானப்படை தெரிவித்துள்ளது. குறித்த விபத்து இந்தியாவின் தமிழ்நாடு குன்னூர் நீலகிரி மாவட்டம் காட்டேரி பகுதியில் இடம்பெற்றுள்ளது. இந்தி இராணுவ உயர் அதிகாரிகள் சென்றதாகக் கூறப்படும் இந்திய விமானப் படைக்குச் சொந்தமான கெலிக்கொப்டரே இவ்வாறு இன்று விபத்துக்குள்ளாகியுள்ளது. வெலிங்டன் இராணுவ கல்லூரி ஆய்வுக்காக கோவையிலிருந்து இரு ஹெலிகொப்டர்கள் புறப்பட்டுச் சென்றன. இந்த கெலிகொப்டரில் ஒன்று குன்னூர் அருகே விபத்தில் சிக்கியது. விபத்தில் சிக்கிய இந்த ஹெலிகாப்டரில் முப்படைத் தலைமைத் தளபதி விபின் ராவத் சென்றதாகக் கூறப்படுகிறது. அவருக்கு என்ன நடந்தது என்பது பற்றி உறுதியாகத் தெரியவில்லை. உடனடியாக உயிரிழப்புகள் பற்றி எதுவும் உறுதிசெய்யப்படாத போதிலும் 5 பேர் உயிரிழந்திருப்பதாக இந்திய செய்திகள் தெரிவிக்கின்றன. கெலிகொப்டர் விழுந்த இடத்தில் மீட்பு பணியில் இந்திய இராணுவத்தினர் மற்றும் பொலிஸார் ஈடுபட்டு வருகின்றனர். நீலகிரியில் நிகழ்ந்த இராணுவ கெலிக்கொப்டர் விபத்தில் 5 பேர் சடலமாக கண்டெடுக்கப்பட்டுள்ளதாகவும், 3 பேர் படுகாயங்களுடன் மீட்கப்பட்டுள்ளதாகவும் இந்திய செய்திகள் தெரிவிக்கின்றன.  விபத்தில் சிக்கிய இராணுவ கெலிக்கொப்டரில் 14 பேர் வரை பயணம் செய்ததாகவும், அதில் பயணம் செய்த 4 இராணுவ உயரதிகாரிகளின் நிலை என்ன என்பது குறித்து இதுவரை தகவல்கள் வெளியாகவில்லை. இறுதி நிலைவரப்படி, முப்படைத் தலைமை தளபதி விபின் ராவத், அவருடன் இராணுவ அதிகாரிகள் மற்றும் குடும்ப உறுப்பினர்கள் பயணித்த எம் ஐ-வகை இராணுவ கெலிக்கொப்டர் தமிழகத்தில் கோவை அருகே விபத்துக்குள்ளானதாகவும், விபத்து நடந்த இடத்தில், தேடுதல் மற்றும் மீட்புப் பணிகள் நடைபெற்று வருவதாகவும் தகவல்கள் தெரிவிப்பதாக ஏஎன்ஐ செய்தி நிறுவனம் தெரிவித்துள்ளது.   https://www.virakesari.lk/article/118650
    • புதுடில்லி பயணத்தை சம்பந்தன் ஏன் பிற்போட்டார் என தெரியாது; கைவிரிக்கிறார் மாவை சேனாதிராசா புதுடில்லி பயணத்தை சம்பந்தன் ஏன் பிற்போட்டார் என்பது தெரியாது என்பதுடன் அது குறித்து அவர் மேலும் தெரிவிக்கையில்- December 8, 2021   “தமிழ்த் தேசியக் கூட்டமைப்பின் இந்தியப் பயணத்தை பிற்போடுமாறு தலைவர் இரா.சம்பந்தனே நேரடியாக இந்தியத் தூதரகத்திடம் கோரியுள்ளார். அவர் ஏன் அவ்வாறு கோரினார் என்பது எனக்கு தெரியாது. எனது மகனின் திருமணத்தை முன்னிட்டு கூட்டமைப்பின் இந்தியப் பயணம் ஒத்திவைக்கப்பட்டதாக வெளிவரும் செய்திகள் பொய்யானவை. நான் பங்கேற்காவிட்டாலும் இந்த சந்தர்ப்பத்தை தவறவிட வேண்டாம் என கூட்டமைப்பின் பங்காளிக் கட்சித் தலைவர்களிடம் நானே கோரியிருந்தேன்.” இவ்வாறு தெரிவித்திருக்கிறார் இலங்கை தமிழ் அரசுக் கட்சியின் தலைவர் மாவை சேனாதிராசா. கூட்டமைப்பின் இந்தியப் பயணம் பிற்போடப்பட்டமைக்கு மாவை சேனாதிராசாவின் மகனது திருமணம்தான் காரணம் எனவும், மாவை சேனாதிராசாவே இந்தப் பயணத்தை பிற்போடுமாறு சம்பந்தனிடம் கூறினார் என்று வெளியாகிய செய்திகள் குறித்து விளக்கமளிக்கும்போதே அவர் இவ்வாறு குறிப்பிட்டார். இலக்கு மின்னிதழ் 159 டிசம்பர் 05, 2021 | Weekly Epaper கூட்டமைப்பின் இந்தியப் பயணம் முன்னரே திட்டமிட்ட ஒன்று. எனது மகனின் திருமணமும் முன்னரே திட்டமிடப்பட்டது. எனது மகனின் திருமணத்துக்காக இந்தியப் பயணத்தை ஒத்திப்போடுமாறு கோர நான் விரும்பியிருந்தால் அதனை தலைவர் சம்பந்தனிடம் முன்னரே கூறியிருப்பேன். கடைசி நேரத்தில் அதனை ஒத்திப்போடுமாறு கோரும் தேவை எனக்கு இல்லை. எனது மகனின் திருமணத்துக்காக தமிழர் நலன் சார்ந்த விடயத்தை தள்ளிப்போடுமாறு கோரும் அளவுக்கு நான் சுயநலன் கொண்டவன் அல்லன். இந்தியப் பயணம் அறிவிக்கப்பட்டவுடன் அதில் என்னால் பங்கேற்கமுடியாது என்பதால் அங்கு நடக்கும் சந்திப்புக்களில் என்னென்ன விடயங்களை எடுத்துரைக்க வேண்டும் என்பது குறித்து பங்காளிக் கட்சிகளின் தலைவர்களுடன் நான் பேசுவதற்கும் ஆயத்தம் செய்திருந்தேன். எனது மகனின் திருமணம் என்ற ஒன்றுக்காக தமிழ் மக்களின் நலன் சார்ந்த இந்த சந்தர்ப்பத்தை தவறவிடக்கூடாது என்றும் நான் பங்காளிக் கட்சித் தலைவர்களுக்கு கூறியிருந்தேன். இந்தியத் தலைவர்களுடனான சந்திப்பு 7ஆம், 8ஆம் திகதிகளில்தான் நடைபெறவிருந்தது. எனது மகனின் திருமணம் 9ஆம் திகதியே நடைபெறுகின்றது. இந்த சந்திப்பில் நான் கட்டாயம் பங்கேற்கவேண்டும் என்று நினைத்திருந்தால் 7ஆம், 8ஆம் திகதிகளில் சந்திப்புகளில் பங்கேற்றுவிட்டு கூப்பிடு தூரத்தில் உள்ள இந்தியாவில் இருந்து உடனடியாக நாடு திரும்பி மகனின் திருமணத்திலும் பங்கேற்றிருப்பேன். ஆயினும் இந்த சந்திப்பில் நான் கட்டாயமாக பங்கேற்கவேண்டும் என்று நினைக்கவில்லை. அதனால்தான் அவர்களை சந்திப்பில் பங்கேற்கச் செல்லுமாறு கூறியிருந்தேன். இந்தியப் பயணத்தை ஒத்திப்போடுமாறு இரா. சம்பந்தனே இந்தியத் தூதரகத்துடன் தொடர்புகொண்டு கோரினார். அவர் ஏன் அப்படி கோரினார் என்பது எனக்கு தெரியாது. நான் தான் இந்தப் பயணத்தை பிற்போடுமாறு கோரினேன் என வெளியாகும் தகவல்கள் பொய்யானவை” என்றார்.   https://www.ilakku.org/not-known-why-sampanthan-postponed-trip-new-delhi/
    • எதிர்க்கட்சி பிரதான விவாதத்தை கூட்டமைப்புக்கு தாருங்கள் - தமிழ் தேசிய கூட்டமைப்பு (ஆர்.யசி, எம்.ஆர்.எம்.வசீம்) வரவு - செலவுத் திட்ட குழுநிலை விவாதத்தின் போது அமைச்சுகளுக்காக நிதி ஒதுக்கீடு தொடர்பான விவாதத்தை ஆரம்பிப்பதற்கு சந்தர்ப்பத்தை வழங்குமாறு கோரி தமிழ் தேசிய கூட்டமைப்பு உறுப்பினர் சார்ல்ஸ் நிர்மலநாதன் மற்றும் ஐக்கிய மக்கள் சக்தி பாராளுமன்ற உறுப்பினர் டயனா கமகே ஆகியோர் சபாநாயகரிடம் எழுத்து மூலம் கோரிக்கை விடுத்துள்ளனர்.  அதேபோல்  வரவு செலவுத் திட்ட விவாதத்தில் உரையாற்றுவதற்கு தமக்கு வாய்ப்பளிக்குமாறு கோரி ஆளும் கட்சியின் எம்.பிக்கள் 33 பேரும் சபாநாயகரிடம் கடிதமொன்றை சமர்ப்பித்துள்ளனர். வரவு செலவு திட்ட விவாதத்தை நடத்துவதற்கு பிரதான எதிர்க்கட்சி இணக்கம் தெரிவிக்காது சபை அமர்வுகளை புறக்கணித்து வருகின்ற நிலையில் தமிழ் தேசிய கூட்டமைப்பு அதனை கண்டித்துள்ளது.  தமக்கு சபையில் உரையாற்றவும் மக்களின் பிரச்சினைகளை முன்வைக்கவும் முடியாதுள்ளள்ளதாகவும் அவர்கள் குற்றம் சுமத்தியுள்ளனர்.  இந்நிலையில் நேற்று செவ்வாய்க்கிழமை சபாநாயகர் மஹிந்த யாப்பா அபேவர்தனவை சந்தித்து அவர்கள் தமது கையெழுத்துடன் கூடிய கடிததங்களை கையளித்துள்ளனர். எதிர்க்கட்சி உறுப்பினர்கள் சம்பிரதாய பூர்வமாக வரவு செலவுத் திட்டத்தின் குழுநிலை விவாத்தின் போது தொகைக் குறைப்பை செய்து விவாதத்தை ஆரம்பித்து வைப்பது வழமையாகும்.  ஆனால் பிரதான எதிர்க்கட்சியான ஐக்கிய மக்கள் சக்தியினர் பாராளுமன்ற அமர்வுகளை புறக்கணித்து வருகின்ற  காரணமாக அந்த விவாதம் நடத்தப்படாது இருப்பதாகவும் இதனால் தொகைக் குறைப்பை செய்து விவாதத்தை ஆரம்பிக்கும் வாய்ப்பை தமக்கு வழங்க வேண்டும் என்றும் தமிழ்த் தேசியக் கூட்டமைப்பு உறுப்பினர் சார்ள்ஸ் நிர்மலநாதனும், மற்றும் ஐக்கிய மக்கள் சக்தி எம்.பியான டயனா கமகேவும் சபாநாயகரிடம் கோரிக்கையை முன்வைத்துள்ளனர். இதேவேளை வரவு செலவுத் திட்டம் மீதான எதிர்வரும் விவாதங்களில் ஆளும் கட்சிக்கான நேரத்தில் தமக்கும் நேரத்தை ஒதுக்கி அதில் உரையாற்ற சந்தர்ப்பம் வழங்குமாறு ஆளும் கட்சியின் பின்வரிசை எம்.பிக்கள் 33 பேர் சபாநாயகரிடம் கோரிக்கை விடுத்துள்ளனர்.    https://www.virakesari.lk/article/118651  
×
×
  • Create New...

Important Information

By using this site, you agree to our Terms of Use.