Jump to content

போட்டி நகர்வுகளில் குதிக்கிறதா இந்தியா? - ஹரிகரன்


Recommended Posts

  • கருத்துக்கள உறவுகள்

"இலங்கையில் சிங்களத் தேசியவாதமும், சீனாவின் ஆதிக்கமும் அதிகரிப்பதை இந்தியா தனது தேசிய பாதுகாப்புக்கான அச்சுறுத்தலாகவே பார்க்கின்றது'

 “தமிழர் தரப்பு ஒன்றுபட்டிருக்க வேண்டும், ஒன்றாக குரல் கொடுக்க வேண்டும் என ஆலோசனை கூறியிருந்த இந்திய வெளிவிவகார அமைச்சர் தமிழ்த் தேசியக் கூட்டமைப்புடன் சந்திப்புகளை நடத்திய அதேவேளை, சி.வி.விக்னேஸ்வரனையோ, கஜேந்திரகுமார் பொன்னம்பலத்தையோ சந்திக்கவில்லை”

“இந்திய வெளிவிவகார அமைச்சரின் பயணத்துக்கு 24 மணித்தியாலங்களுக்கு முன்னதாக கொழும்பில் உள்ள சீனத் தூதுவர் அவசரமாக வெளிவிவகார அமைச்சர் தினேஷ் குணவர்த்தனவைச் சந்தித்தமை டில்லியை உசாரடயச் செய்திருக்கிறது'

http://cdn.virakesari.lk/uploads/medium/file/143024/000.jpg

இந்திய வெளிவிவகார அமைச்சர் ஜெய்சங்கர் இலங்கைக்கு மேற்கொண்டிருந்த பயணம் பரவலான கவனத்தை ஈர்த்திருக்கிறது.

தற்போதைய சூழலில் அவர், ஏன் இலங்கைக்கு பயணத்தை மேற்கொண்டார்- என்பதில் தொடங்கி, அவரது சந்திப்புகள், பேசப்பட்ட விவகாரங்கள், வரை எல்லாமே, பல்வேறு கேள்விகள், விவாதங்களை உள்ளடக்கியவையாகத் தான் உள்ளன.

 

கடந்த நவம்பர் மாதம் இந்தியாவின் தேசிய பாதுகாப்பு ஆலோசகர் அஜித் டோவல் இலங்கைக்கு மேற்கொண்ட பயணத்துக்குப் பின்னர், சுமார் – ஒன்றரை மாதங்களுக்குள்ளாகவே இந்திய வெளிவிவகார அமைச்சரின் பயணம் இடம்பெற்றிருக்கிறது.

இலங்கை வெளியுறவு அமைச்சர் தினேஷ் குணவர்த்தனவின் அழைப்பின் பேரிலேயே இந்தப் பயணம் இடம்பெறுவதாக, இந்தப் பயணத்துக்கு முன்னர் வெளியிடப்பட்ட அதிகாரபூர்வ செய்திக் குறிப்புகளில் கூறப்பட்டிருந்தது.

 

அஜித்டோவலின் பயணத்தின் போதும், இதேவிதமாகத் தான்,  செய்தி வெளியிடப்பட்டது. 

பாதுகாப்புச் செயலாளர் ஜெனரல் கமல் குணரத்னவின் அழைப்பின் பேரில் தான், அந்த பயணம் இடம்பெற்றதாக கூறப்பட்டது. தற்போதைய கொரோனா அச்சுறுத்தல் சூழலில் உயர்மட்டப் பயணங்கள் தவிர்க்கப்படுகின்ற நிலையில், இந்தியாவின் உயர்மட்ட பிரதிநிதிகளின் கொழும்பு பயணங்கள் அசாதாரணமானவையாகவே பார்க்கப்படுகின்றன.

 

இவ்வாறான கண்ணோட்டத்தை தவிர்க்கவே இலங்கை அரசின் அழைப்பின் பேரில் இடம்பெற்ற பயணங்கள் போலவே காட்டிக் கொள்ளப்படுகின்றன. ஆனால், உண்மை அதுவா என்பது தான் சிக்கலானது.

இருதரப்பு பயணங்கள் அழைப்பின் பேரில் தான் இடம்பெற வேண்டும்- இது இராஜதந்திர மரபு. 

 

பல சந்தர்ப்பங்களில் அவ்வாறான அழைப்புகள் கேட்டுப் பெற்றுக் கொள்ளப்படுவதும் கூட, இராஜதந்திர அரங்கில் நடக்கின்ற நிகழ்வு தான். இலங்கையில், புதிய அரசாங்கம் பதவிக்கு வந்த பின்னர், சீனாவுடனான நெருக்கம் அதிகரித்துள்ள சூழலிலும், சிங்களத் தேசியவாத சக்திகளின் ஆதிக்கம் அதிகரித்திருக்கின்ற சூழலிலும், தான் ஜெய்சங்கரின் பயணம் இடம்பெற்றிருக்கிறது.

இலங்கையில் சீனாவின் ஆதிக்கம் அதிகரிப்பதை அச்சுறுத்தலாக பார்ப்பது போலவே, சிங்களத் தேசியவாதம் ஆதிக்கம் செலுத்துவதையும். இந்தியா தனக்கான அச்சுறுத்தலாக பார்க்கிறது.

இந்த இரண்டுமே இந்தியாவின் தேசிய பாதுகாப்புக்கு ஆபத்தை விளைவிக்கும் என்று இந்தியா கருதுகிறது.

அண்மைக்காலங்களில், இந்தியா தொடர்பாகவும், இந்தியாவின் முயற்சியினால் கொண்டு வரப்பட்ட 13 ஆவது திருத்தம் தொடர்பாகவும், மாகாண சபைகள் தொடர்பாகவும் சிங்களத் தேசியவாதிகள் வெளிப்படுத்துகின்ற கருத்துக்கள், இந்தியாவை அதிருப்தி கொள்ள வைத்திருக்கின்றன.

 

இவ்வாறான சூழலில், இந்தப் பயணத்தின் போது, அரசாங்கத் தரப்பிடம் இந்த விடயங்கள் குறித்து இந்திய வெளிவிவகார அமைச்சர் ஜெய்சங்கர் விரிவாகப் பேசியிருப்பதாக தெரிகிறது.

மேன்போக்காக பேசப்பட்ட சில விடயங்கள் குறித்த தகவல்களே பொது அரங்கில் பரிமாறப்பட்டிருக்கின்றன.

தமிழர்களின் அபிலாஷைகளை நிறைவேற்றப்பட வேண்டியது தொடர்பாகவும், 13 ஆவது திருத்தம் நடைமுறைப்படுத்தப்படுவது தொடர்பாகவும் இந்திய வெளிவிவகார அமைச்சர் ஜெய்சங்கர் முன்வைத்த கருத்து புதிதான ஒன்று அல்ல.

spacer.png

கடந்த பல ஆண்டுகளாகவே இந்திய தலைவர்களும், அதிகாரிகளும் இதனையே கூறி வருகிறார்கள். 13 ஆவது திருத்தத்தை ஒழிக்க வேண்டும் என்ற கருத்து வலியுறுத்தப்படுகின்ற நிலையில், இந்தக் கருத்தை ஜெய்சங்கர் வலியுறுத்தியிருப்பது தான், பெருமளவில் கவனத்தை ஈர்த்திருக்கிறது.

13 ஆவது திருத்தம், தமிழர்களின் அபிலாஷைகள் நிறைவேற்றப்படுதல் தொடர்பாக ஜெய்சங்கர் முன்வைத்த கருத்துக்களைத் தான், இந்திய ஊடகங்கள் முன்னிலைப்படுத்தியிருந்தன என்பது குறிப்பிடத்தக்கது.

அதேவேளை, இந்தியாவின் கரிசனைக்குரிய விவகாரங்களான, சீனாவின் தலையீடுகள் பற்றியோ, கொழும்பு கிழக்கு கொள்கலன் முனைய விவகாரம் பற்றியோ இந்திய வெளிவிவகார அமைச்சர் எந்தக் கருத்தையும் வெளியிடவில்லை.

ஆனால், ஜனாதிபதி ஊடகப் பிரிவின் அறிக்கையில் இதுபற்றிப் பேசப்பட்டிருப்பதாக கூறப்பட்டுள்ள போதும், மேலதிக விபரங்கள் ஏதும் கொடுக்கப்படவில்லை.

அதேவேளை, ஜனாதிபதியுடன் இந்த விவகாரங்கள் குறித்து இந்திய வெளிவிவகார அமைச்சர் பேசிக் கொண்டிருக்கும் போதே, பிரதமர் ம ஹிந்த ராஜபக்ஷஇ கொழும்பு கிழக்கு கொள்கலன் முனையத்தை எந்தவொரு வெளிநாட்டு நிறுவனத்துக்கும் பகுதியாகவோ முழுமையாகவோ வழங்கப் போவதில்லை என்று அறிவித்திருந்தார்.

பொதுவாக, இவ்வாறான விடயங்களை பிரதமர் மஹிந்த ராஜபக்ஷ நாசூக்காகத் தான் வெளிப்படுத்துவது வழக்கம்.

ஆனால், அவர் ஜெய்சங்கர் பேச்சுக்களில் பங்கேற்றிருந்த போது இதனை வெளிப்படுத்தியதுஇ உள்நோக்கம் கொண்ட விடயமாகத் தான் பார்க்கப்படுகிறது.

இந்தியா, ஜப்பானுடன் கூட்டாக இந்த கொள்கலன் முனையத்தை அபிவிருத்தி செய்ய முன்னைய அரசாங்கத்தின் காலத்தில் உடன்பாடு செய்து கொள்ளப்பட்டது.

பின்னர் அதனை அதானி குழுமம் பொறுப்பேற்கவுள்ளதாகவும் கூறப்பட்டது. அதற்கு எதிர்ப்புக் கிளம்பிய நிலையில், இந்த விவகாரத்தை அரசாங்கம் முடக்கி வைத்திருக்கிறது.

வெளிநாடுகளுடன் செய்து கொள்ளப்பட்ட உடன்பாடுகளை, ஜனாதிபதி மதிப்பதாக வெளியுறவுச் செயலாளர் அட்மிரல் கொலம்பகே அண்மையில் கூட கூறியிருந்தார்.

ஆனாலும். இந்த விவகாரத்தை நிபுணர் குழு அறிக்கை, சட்டமா அதிபரின் பரிந்துரை என்று அரசாங்கம் இழுத்தடித்துக் கொண்டிருக்கிறது.

கிழக்கு கொள்கலன் முனையத்தை இந்தியாவுக்கு கொடுப்பதற்கு தொழிற்சங்கங்கள் சில எதிர்ப்புத் தெரிவிக்கின்றன. 

இதற்குப் பின்னால் சீனாவின் தூண்டுதல் இருப்பதாகவும், அரசாங்கத்துக்குள் உள்ள சிலரும் அதில் தொடர்புபட்டிருப்பதாகவும் இந்தியாவுக்கு சந்தேகம் உள்ளது.

இந்தியாவோ இந்த திட்டத்தை கைப்பற்றுவதில் உறுதியாக இருக்கின்ற போதும், உணர்ச்சியைக் கிளறக் கூடிய வகையில் நடந்து கொள்ளக் கூடாது என்பதிலும் கவனமாக இருக்கிறது, கிழக்கு கொள்கலன் முனையத்தை இந்தியாவை விலக்கி வைத்து விட்டு, இலங்கை அரசாங்கத்தினால் அபிவிருத்திக் செய்யக் கூடிய நிலை இல்லை. 

வேறு நாடு ஒன்றிடம் அதனைக் கொடுக்கக் கூடிய வாய்ப்பும் இல்லை.

இவ்வாறான நிலையில், காலத்தை இழுத்தடிப்பது தான், கோட்டாபய ராஜபக்ஷ அரசாங்கத்தின் உத்தியாக உள்ளது. இதன் மூலம் தேசியவாத சக்திகளின் நம்பிக்கையை தளர விடாமல் கட்டிக் காக்கலாம் என்று அரசாங்கம் நம்புகிறது.

அதேவேளை, இரண்டு நாடுகளுக்கும் இடையிலான இன்னொரு விவகாரமும் பேச்சுக்களில் முக்கியத்துவம் பெற்றிருந்தது. அது மாகாண சபைகள் தொடர்பான விவகாரம். மாகாண சபைகளை ஒழிக்க வேண்டும் என்று கோட்டாபய ராஜபக்ஷ அரசில் செல்வாக்கு செலுத்த முனையும் தேசியவாத சக்திகள் குரல் எழுப்பி வருகின்றன.

இந்த நிலையில், மாகாணசபைகள் ஒழிக்கப்படுவதை இந்தியா தனது கௌரவத்துக்கு இழுக்காகவே பார்க்கிறது. அதனால் தான் விரைவாக தேர்தலை நடத்துமாறு அரசாங்கத்துக்கு அழுத்தங்களைக் கொடுத்திருந்தது. 

ஆனாலும் ஆளும்கட்சி கொரோனாவை காரணம் காட்டி மாகாணசபைத் தேர்தல்களை நடத்துவதை பிற்போடுவதாக அறிவித்துள்ளது.

இந்த விவகாரம் இனியும் தீவிரமடையாமல் இருக்க வேண்டுமானால், தேர்தல் நடத்தப்பட வேண்டும் என்பதில் இந்தியா உறுதியாக இருக்கிறது. தமிழ்த் தரப்புகளுடனான சந்திப்புகளின் போது 13 ஆவது திருத்தம், மாகாணசபைத் தேர்தல்கள் நடத்தப்படுவதன் அவசியத்தை ஜெய்சங்கர் வலியுறுத்தியிருக்கிறார்.

ஆனால் இதனை பகிரங்கமாக கூறுவதற்கும் இந்தியா தயங்குகிறது. காரணம் தேசியவாத சக்திகள் இந்த தணலை நெருப்பாக்கி விடுவார்கள் என்று அஞ்சுகிறது. இன்னொரு பக்கத்தில் இந்திய வெளிவிவகார அமைச்சர் தமிழ்த் தேசியக் கூட்டமைப்புடன் சந்திப்புகளை நடத்திய அதேவேளை, சி.வி.விக்னேஸ்வரனையோ, கஜேந்திரகுமார் பொன்னம்பலத்தையோ சந்திக்கவில்லை.

spacer.png

தமிழர் தரப்பு ஒன்றுபட்டிருக்க வேண்டும், ஒன்றாக குரல் கொடுக்க வேண்டும் என ஆலோசனை கூறியிருந்த இந்திய வெளிவிவகார அமைச்சர் ஜெய்சங்கர் ஏன், தமிழர் தரப்பில் ஒரு பகுதியினரை ஒதுக்கி வைத்தார் என்ற கேள்வி உள்ளது. இன்னொரு பக்கத்தில் டக்ளஸ் தேவானந்தாவையும், வியாழேந்திரனையும் தனித்தனியாகச் சந்தித்திருக்கிறார் ஜெய்சங்கர்.

இவர்கள் அரசாங்கத்தின் அமைச்சர்கள், வழக்கத்தில் இவ்வாறான தனித்தனியான சந்திப்புகள் இடம்பெறுவதில்லை. ஜனாதிபதி அல்லது பிரதமருடன் சேர்ந்தே இவர்கள் சந்திப்புகளில் பங்கேற்பார்கள்.

கடற்றொழில் அமைச்சராக உள்ள டக்ளஸ் தேவானந்தாவை, ஜெய்சங்கருடன் மீனவர் விவகாரம் குறித்து தனியாகப் பேச வைத்திருக்கிறது அரசாங்கம். மீனவர் விவகாரத்தில் தீர்வு காண்பது கடினமானது. இந்த விடயத்தில் இரண்டு நாட்டு மீனவர்களும் முட்டிக் கொள்வதை அரசாங்கம் வேடிக்கை பார்க்கிறது. 

இது இருதரப்பையும், நெருங்கி வராமல் இருப்பதற்கு உதவும் என்று அரசாங்கம் கருதுகிறது. இந்த நிலையில் டக்ளஸ் தேவானந்தாவை அனுப்பி ஜெய்சங்கருடன் பேச செய்திருப்பதுஇ ‘நல்ல பிள்ளையாக’ தாங்கள் இருந்து கொள்வதற்கான ஒரு உத்தி தான்.

அதேவேளை, வியாழேந்திரனையும் இந்திய வெளிவிவகார அமைச்சருடன் சந்திக்க வைத்திருக்கிறது அரசாங்கம். இந்த இரண்டு சந்திப்புகளும் அரசாங்கத்தின் ஏற்பாட்டில் இடம்பெற்றதாகவே கூறப்படுகிறது. இதற்குக் காரணம் உள்ளது. இலங்கை அரசாங்கம் தமிழ்த் தேசியக் கூட்டமைப்பை தமிழ் மக்களின் ஏகபிரதிநிதிகளாக ஏற்க முடியாது என்று கூறிவிட்டது.

தமது தரப்பிலும் சிலர் தமிழ் மக்களின் பிரதிநிதிகளாக வந்துள்ளனர் என்றும் அவர்களின் ஊடாகவே தமிழ் மக்களின் பிரச்சினையை தீர்ப்போம் என்றும் ஏற்கனவே அரசாங்கம் கூறியிருக்கிறது.

இவ்வாறான நிலையில் தான், டக்ளஸ் தேவானந்தா, வியாழேந்திரனையும்,   தமிழ் மக்களின் பிரதிநிதிகள் தான் என இந்தியாவை ஏற்றுக் கொள்ளச் செய்திருக்கிறது.

அதேவேளை, தமிழ்த் தேசியக் கூட்டமைப்புடனான சந்திப்பின் போது, வடக்கு -கிழக்கில் அரச ஆதரவு சக்திகளின் கரங்கள் ஓங்குவதை இந்தியா விரும்பவில்லை என்ற கருத்தை ஜெய்சங்கர் வெளிப்படுத்தியிருப்பதாக சொல்லப்படுகிறது.

அவ்வாறான நிலையில், டக்ளஸ் தேவானந்தா மற்றும் வியாழேந்திரனை இந்திய வெளிவிவகார அமைச்சர் தனது நிகழ்ச்சி நிரலுக்கமைய சந்தித்திருக்க வாய்ப்பில்லை.

ஆனால், அரசாங்கம் இவர்களைக் கொண்டு இந்தியாவுக்கு பொறிகளை வைக்க முனைந்திருக்கிறது என்பதில் சந்தேகமில்லை.

இந்தப் பயணத்தின் போது இந்திய வெளிவிவகார அமைச்சர் பலதரப்புகளுடன் பேச்சுக்களை நடத்தியிருப்பதும்இ அவர்களுக்கு முக்கியத்துவம் அளித்திருப்பதும்இ கவனிக்கத்தக்க விடயங்களாக உள்ளன. இந்திய வெளிவிவகார அமைச்சரின் பயணத்துக்கு 24 மணித்தியாலங்களுக்கு முன்னதாக கொழும்பில் உள்ள சீனத் தூதுவர் அவசரமாக வெளிவிவகார அமைச்சர் தினேஷ் குணவர்த்தனவுடன் ஒரு சந்திப்பை நடத்தியிருந்த விவகாரமும், இந்திய தரப்பை உசார்படுத்தியிருக்கிறது.

சற்று அயர்ந்து போனாலும், இந்தியாவின் கைகளில் இருந்து நழுவிவிடக் கூடிய நிலையை புதுடெல்லி புரிந்து வைத்துள்ளது. 

இவ்வாறான நிலையில், ஜெய்சங்கரின் பயணம், மாற்று நகர்வுகளுக்கான திறவுகோலாக அமையும் என்றே எதிர்பார்க்கப்படுகிறது.

போட்டி நகர்வுகளில் குதிக்கிறதா இந்தியா? | Virakesari.lk

  • Like 1
Link to post
Share on other sites
  • கருத்துக்கள உறவுகள்
On 12/1/2021 at 18:28, பிழம்பு said:

இந்திய வெளிவிவகார அமைச்சரின் பயணத்துக்கு 24 மணித்தியாலங்களுக்கு முன்னதாக கொழும்பில் உள்ள சீனத் தூதுவர் அவசரமாக வெளிவிவகார அமைச்சர் தினேஷ் குணவர்த்தனவுடன் ஒரு சந்திப்பை நடத்தியிருந்த விவகாரமும், இந்திய தரப்பை உசார்படுத்தியிருக்கிறது.

சற்று அயர்ந்து போனாலும், இந்தியாவின் கைகளில் இருந்து நழுவிவிடக் கூடிய நிலையை புதுடெல்லி புரிந்து வைத்துள்ளது. 

இவ்வாறான நிலையில், ஜெய்சங்கரின் பயணம், மாற்று நகர்வுகளுக்கான திறவுகோலாக அமையும் என்றே எதிர்பார்க்கப்படுகிறது.

 

இவர்களை எல்லாம் சுழிச்சோட சிங்களவனுக்கு தெரியும். வெறும் அறிக்கை விட வேண்டியது தான். ஏன் புலிகளை அழிக்க உதவினம் என்று காலம் பூரா புலம்பிக் கொண்டு திரிய போகிறியள். 
தமிழ் மக்கள் மிகவும் விழிப்புடன் இருக்க வேண்டும். சில வேளை வட கிழக்கில்  ஆயுத குழுக்களை உருவாக்க  அவர்கள் யோசிக்கலாம். இனிமேல் ஒரு ஆயுத போராட்டம் எங்களுக்கு வேண்டாம், அறிவியலும், பொருளியலும் தான் எங்கள் ஆயுதம்.

Link to post
Share on other sites
  • கருத்துக்கள உறவுகள்
22 minutes ago, Ahasthiyan said:

இவர்களை எல்லாம் சுழிச்சோட சிங்களவனுக்கு தெரியும். வெறும் அறிக்கை விட வேண்டியது தான். ஏன் புலிகளை அழிக்க உதவினம் என்று காலம் பூரா புலம்பிக் கொண்டு திரிய போகிறியள். 
தமிழ் மக்கள் மிகவும் விழிப்புடன் இருக்க வேண்டும். சில வேளை வட கிழக்கில்  ஆயுத குழுக்களை உருவாக்க  அவர்கள் யோசிக்கலாம். இனிமேல் ஒரு ஆயுத போராட்டம் எங்களுக்கு வேண்டாம், அறிவியலும், பொருளியலும் தான் எங்கள் ஆயுதம்.

நல்லதோ கெட்டதோ இந்திய அரசாட்சியில் மாற்றம் வேண்டும். சீன இந்திய ஆடுபுலி ஆட்டத்திற்கு ஈழத்தமிழர் பலிக்கடா ஆகக் கூடாது.

இந்த ஆடுபுலி ஆட்டத்தில் பலன் அடைபவர்கள் சிங்களவர்கள் மட்டுமே.

  • Like 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • அம்மாவும் அப்பாவின் காதலிதானே, ஏன் அவர் கூட்டிக்கொண்டு போறதுக்கென்ன......!   😁
    • தேசிய, திராவிடக் கட்சிகளுக்கு நாம் தமிழர் கட்சியே வழிகாட்டி: சீமான் பேட்டி த.சத்தியசீலன் கோவையில் செய்தியாளர்களுக்குப் பேட்டியளித்த நாம் தமிழர் கட்சியின் தலைமை ஒருங்கிணைப்பாளர் சீமான் | படம்: ஜெ.மனோகரன். 234 தொகுதிகளில் போட்டியிடும், நாம் தமிழர் கட்சி வேட்பாளர்கள் சென்னை மாநாட்டில் அறிமுகம் செய்யப்படுவார்கள் என்று அக்கட்சியின் தலைமை ஒருங்கிணைப்பாளர் சீமான் தெரிவித்தார். நாம் தமிழர் கட்சி சார்பில், சட்டப்பேரவைத் தேர்தல் குறித்த மேற்கு மண்டல ஆலோசனைக் கூட்டம், கோவை - அவிநாசி சாலையில் உள்ள தனியார் திருமண மண்டபத்தில் நடைபெற்றது. நாம் தமிழர்கட்சியின் தலைமை ஒருங்கிணைப்பாளர் சீமான் தலைமை வகித்து, கோவை மேற்கு மண்டலத்தில் போட்டியிடத் தேர்வு செய்யப்பட்டுள்ள வேட்பாளர்களை அறிமுகம் செய்து வைத்தார். பின்னர் செய்தியாளர்களிடம் அவர் கூறியதாவது: ''2021 சட்டப் பேரவைத் தேர்தலில் நாம் தமிழர் கட்சி 234 தொகுதிகளிலும் போட்டியிடுகிறது. தேர்தலில் தலா 117 ஆண்கள் மற்றும் பெண்கள் போட்டியிடுகின்றனர். வரும் மார்ச் 20-ம் தேதி சென்னையில் நடைபெறும் நாம் தமிழர் கட்சி மாநாட்டில் 234 வேட்பாளர்களும், அவர்கள் போட்டியிடும் தொகுதிகளும் அறிவிக்கப்படும். நான் எந்தத் தொகுதியில் போட்டியிடுகிறேன் என்பதை அப்போது அறிவிப்பேன். தேசியக் கட்சிகளுக்கும், திராவிடக் கட்சிகளுக்கும் எங்கள் நாம் தமிழர் கட்சியே வழிகாட்டியாக விளங்குகிறது. ஒரு கட்சியில் சுற்றுச்சூழல் பாசறை என்பதைத் தொடங்கி, அதன்மூலம் பல்வேறு திட்டங்களைச் செயல்படுத்தி வருகிறோம். இதன் தொடர்ச்சியாகவே திமுகவில் சுற்றுச்சூழல் பாசறை அமைக்கப்பட்டது. இயற்கை வேளாண்மை, ஆடு, மாடு வளர்ப்பு அரசுத் தொழிலாக்கப்படும் என்று நான் பேசியபோது கேலி செய்த கட்சிகள், தற்போது இதையே பேசி வருகின்றன. தமிழ்க் கடவுள் முருகன் என்ற முழக்கத்துடன், வேலைக் கையில் எடுத்தோம். அதைப் பாஜகவும், திமுகவும் தற்போது கையில் எடுத்துள்ளது. அவர்கள் வாக்குக்காகச் செய்கிறார்கள். நாங்கள் அதை உணர்வாகச் செய்கிறோம். அவ்வளவுதான் வேறுபாடு. திமுக ஆட்சி அமைந்தால், மக்களின் பிரச்சினைகளுக்கு 100 நாட்களில் தீர்வு காணப்படும் என்று அக்கட்சியின் தலைவர் ஸ்டாலின் கூறி வருகிறார். இதற்கு முன் 22 ஆண்டுகள் ஆட்சியில் இருந்தபோது, ஏன் இதைச் செய்யவில்லை? என்ற கேள்வி எழுகிறது. இந்த வாக்குறுதியை நம்பி மக்கள் ஏமாறக்கூடாது. காங்கிரஸ் கட்சியைப் பொறுத்தவரை நாடு முழுவதும் வீழ்ந்து கிடக்கிறது. தென் மாநிலங்களில் தங்களுடைய இருப்பைத் தக்க வைக்க முயற்சி செய்கிறது. பாஜகவைப் பொறுத்தவரை வட மாநிலத்தவர்களுக்கு ஒரு பிரச்சினை என்றால், முதல் ஆளாகக் களத்தில் இறங்கியிருக்கும். அதே நேரத்தில் தமிழகத்திற்கு ஒரு பிரச்சினை என்றால் செவி சாய்க்காது. 4 மீனவர்களை இலங்கைக் கடற்படை கொன்றதைக் கண்டும், காணாமல் இருக்கிறது. மத்திய, மாநில அரசுகள்தான் இதைத் தடுக்க வேண்டும். நாம் தமிழர் கட்சி ஆட்சியில் இருந்தால், ஒரு தமிழக மீனவனைக்கூட, இலங்கைக் கடற்படையால் தொட முடியாது. எங்களுக்கென்று தனிக் கருத்தியல் உள்ளது. அதை முன்வைத்து, எங்கள் வேட்பாளர்கள் போட்டியிடும் தொகுதிகளில் மக்களிடம் வாக்கு கேட்போம்''. இவ்வாறு சீமான் கூறினார். அதன் பின்னர் சட்டப்பேரவைத் தேர்தலை எதிர்கொள்வது? நிர்வாகிகள் மற்றும் உறுப்பினர்கள் களத்தில் எவ்வாறு பணியாற்ற வேண்டும்? வாக்காளர்களை எவ்வாறு அணுகி வாக்குச் சேகரிப்பது? என்பன உள்ளிட்ட பல்வேறு தலைப்புகளில் கட்சியினர் ஆலோசனை மேற்கொண்டனர்.   https://www.hindutamil.in/news/tamilnadu/626364-naam-tamilar-party-is-the-guide-for-national-and-dravidian-parties-seeman-interview-1.html  
    • இந்தியாவின் தடுப்பூசிகளை ஜனாதிபதி பெற்றுக்கொண்டார்..! இந்தியா அனுப்பி வைத்துள்ள கொரோனாவுக்கு எதிரான தடுப்பூசிகளை ஜனாதிபதி கோத்தாபய ராஜபக்ஷ  சற்று முன் பெற்றுக்கொண்டார். இந்தியா வழங்கும் 5 இலட்சம் கொவிட்-19 தடுப்பூசிகளை ஏற்றிய சிறப்பு விமானம் இன்று வியாழக்கிழமை காலை கட்டுநாயக்க விமான நிலையத்தை வந்தடைந்தது. இலங்கைக்கான இந்திய உயர்ஸ்தானிகர் கோபால் பாக்லே ஜனாதிபதி கோத்தாபய ராஜபக்ஷவிடம் உத்தியோகபூர்வமாக அவற்றை கையளித்தார்.   https://www.virakesari.lk/article/99316  
    • மிகச்சரியான மாற்றம் – விக்டர் ஐவன் தற்போது நாட்டை ஆளும் அரசும், அதன் சமூக அரசியல் முறையும், அதன் பொருளாதாரமும் முழுமையாக முடங்கி விழுந்துள்ளது. அதுவும் வங்குரோத்து நிலை மற்றும் அராஜகத்தின் இருண்ட நிழல்கள் நாட்டை விழுங்கிக் கொண்டிருக்கின்றன. துரதிஷ்டவசமான கொவிட்-19 இன் பாதிப்பும் இந்த சந்தர்ப்பத்தில்தான் நாட்டை காவு கொண்டுள்ளது. இந்த நிலை நாட்டின் பொது மக்களது அன்றாட வாழ்க்கை ஓட்டத்துக்கு பலத்த பாதிப்பை ஏற்படுத்தியிருப்பினும் அதை பொருத்துக் கொள்ளும் நிலையில்தான் நாட்டு மக்கள் உள்ளனர். எனினும் அந்த நிலை நாளுக்கு நாள் மிக மோசமான நிலைக்கு மாற்றமடைந்து செல்வதை தவிர்க்க முடியாதுள்ளது. அதன் விகிதாசரத்துக்கேற்ப சமூகம் சிந்தனைத் திறனுடன் செயல்படும் ஆற்றலையும் இழந்துவிடும் நிலையேற்படும். நாட்டில் காணப்படும் இந்த படுமோசமான நிலைக்கு கோட்டாபய ராஜபக்ஷ அரசு எவ்வாறு முகம் கொடுக்கப்போகிறது? இந்த அரசு எவ்வித நடைமுறை சாத்தியமான இலக்கும் இன்றியே செயல்படுகிறது. தற்போது இந்த அரசு பாதுகாப்பு படையினதும் அதி உயர் பௌதிக சக்திகளினதும் தயவை நாடிக்கொண்டு, மிகவும் பலவீனமான நிலையில்தான் உள்ளது. நாட்டிலிருந்த சில தனவந்தர்கள் கோட்டாபாய ராஜபக்ஷவை ஆட்சியில் அமர்த்த கடுமையாக உழைத்தனர். அவ்வாறு பணத்தை வாரி வீசியவர்கள் நாட்டின் முன்னேற்றத்தை நோக்கமாகக் கொண்டு வீசவில்லை. மாறாக அவர்கள் தமது இழந்த பணத்தை பல மடங்காக மீளப்பெற்றுக்கொள்ளும் வகையில் அரச அங்கீகாரத்துடன் நாட்டை கொள்ளையடித்துக்கொண்டிருப்பதும் தெளிவாகத் தெரிகிறது. தலைவரின் தலையிடி ஆட்சி மாற்றத்தின் பின் இலகுவாக ஆட்சியை நடத்திச்செல்லக்கூடிய ஒரு நாடாக இலங்கை காணப்படவில்லை மிகச்சிறந்ததோர் ஆட்சியாளருக்கும் கூட கட்டுப்படுத்த இயலாத படு பாதாளத்தில் விழுந்திருந்த நாடாகவே இலங்கை அவ்வேளையில் காணப்பட்டது. எனினும் அக்காலகட்டத்தில் கோட்டாபய அவரது கடுமையான பிரச்சாரப்பணிகள் காரணமாக மக்கள் மத்தியில் செயற்கையாகவே ஊதிப் பெருப்பிக்கப்பட்ட ஒரு தலைவராக அவர் காணப்பட்டார். முறையாக ஆராய்ந்து முடிவெடுக்கத்தெரியாத இலங்கை மக்கள் கோட்டாபயவின் பேச்சில் மயங்கி இமையமலை அளவுக்கு அவர் மீது நம்பிக்கை வைத்து தமது பெறுமதிமிக்க வாக்குகளை அவருக்கு அள்ளிக் கொடுத்தனர். (இலவசக் கல்வி மூலம் இலங்கை மக்களில் 100% ஆனோர் எழுதவும், வாசிக்கவும், கையொப்பமிடவுமே தெரிந்துள்ளனர் ஆனால் ஒரு விடயத்தை சரியாக அறிந்து ஆராய்ந்து முடிவெடுக்கக் கூடிய ஆற்றல் படைத்தவர்கள் 5%  ஆவது நாட்டில் இல்லை – மொழிபெயர்ப்பாளர்). அதன்படி மக்களில் பெரும்பாண்மையினர் கோட்டாபயவிற்கு தமது வாக்குகளை அளித்து அவரை முறுங்கை மரத்தின் உச்சிக்கே ஏற்றி விட்டனர். அவ்வாறு அவரது புகழ் எந்த அளவுக்கு ஊதிப்பெருப்பிக்கப்பட்டாலும் அவர் ஜனாதிபதியாகி வெற்றியடைந்தார். அதன் பின் அவரது புகழ் காற்று இறக்கப்பட்ட பலூன் ஒன்றைப் போல் கீழே தள்ளப்பட்டது. கோட்டாபய பாதுகாப்புப் படையின் அதிகாரியாக செயல்பட்ட காலத்தில் அவர் தமது முழுத்திறமையையும் வெளிக்காட்டிய ஒரு திறமையான பாதுகாப்புப் படை அதிகாரியாக இருந்திருக்கலாம். உள்நாட்டு யுத்தத்தின் இறுதிக்கட்டத்தின் போது பல்வேறு விடயங்கள் விவாதத்திற்குட்பட்டிருந்த போதிலும் பாதுகாப்புச் செயலாளர் என்ற வகையில் யுத்தத்தின் இணைப்பாளராக மிக முக்கியமான நடவடிக்கைகளில் அவர் மிகத்திறமையாக ஈடுபட்டார். எனினும் நாட்டின் தற்கால அரசியல் நிலை பற்றி எவ்வித ஆய்விலும் ஈடுபடாமலும் எந்த அனுபவமும் இல்லாமல் தான் அவர் ஆட்சித் தலைமைத்துவத்திற்கு வந்தார். 19 ஆவது அரசியல் அமைப்பில் மேற்கொள்ளப்பட்ட மாற்றங்கள் பற்றிய அறிவு அவருக்கு இருக்கவில்லை. நாடு எந்த அளவிளான ஒரு பிரச்சினைக்கு முகங்கொடுத்துக் கொண்டிருக்கின்றது என்பது பற்றிய ஆழமான அறிவும் அவருக்கு இருக்கவில்லை. ஆட்சி அதிகாரத்திற்கு வந்த நாள் முதல் ஆட்சியாளர்களை சோதனைக்குட்படுத்துவதற்காக நடைமுறையில் காணப்பட்ட அமைப்பு முறையை ‘கழுத்தை நெருக்கிக் கொன்றுவிடும்’ ஒரு முறையைத்தான் அவர் பின்பற்றி வருகிறார.; அரசியல் வித்தகர் ஐவர் ஜெனின்ஸ் இவ்வாறு கூறியுள்ளார். “கட்டுப்படுத்த முடியாத அதிகாரத்தைக்கொண்டு தமது அதிகாரத்தைப் பயன்படுத்துபவர்கள் நிச்சயமாக மோசடிக்குள்ளாக்கப்படுவார்கள்”. இராணுவ மயப்படுத்தல் தாம் முகம் கொடுத்துக்கொண்டிருக்கும் பாரதூரமான பிரச்சினைகளைப் பற்றி அறியாதவராகவே ஜனாதிபதி இருக்கிறார். சிவில் நிர்வாகம் ஒன்றை விட இராணுவ நிர்வாகமொன்றினால் அப்பிரச்சினைகளைத் தீர்க்கலாம் என்று அவர் நினைக்கின்றார். நாட்டில் ஏற்பட்டுள்ள மிக மோசமான குழப்ப நிலையைத் தீர்ப்பதற்கு அது ஒரு தீர்வாகாது. மேலும் அது பாதுகாப்புப் படையினருக்கு நன்மையாகவோ, கௌரவமாகவோ அமையாது. நாட்டில் பாதுகாப்பை உறுதிப்படுத்த வேண்டியவர்களே பாதுகாப்புப் படையினர் மாறாக அவர்கள் நாட்டை நிர்வகிக்கும் பணியில் ஈடுபடக்கூடாது. பாதுகாப்புப் படைக்காக ஆட்களை சேர்க்கும்போது, அவர்களுக்கு நாட்டின் பாதுகாப்புக்குத் தேவையான அடிப்படையான விடயங்கள் மற்றும் அதற்கான தொழில்நுட்பங்கள் பற்றிய பயிற்சி வழங்கப்படுகின்றதேயன்றி அந்நாட்டின் நிர்வாகம் பற்றி அடிப்படையான விடயங்களையோ அதற்கான தொழில்நுட்பம் பற்றிய பயிற்சியோ அவர்களுக்கு வழங்கப்படுவதில்லை. உலகில் பல நாடுகளில் இராணுவ ஆட்சிகள் ஏற்கனவே இருந்தன. ஆனால் தற்போது ஆபிரிக்காவில் சூடான் நாட்டில் மட்டுமே இராணுவ ஆட்சி காணப்படுகிறது. அதுவும் பொது மக்களின் போராட்டத்தின் விளைவாக சிவில் நிர்வாகமொன்றுக்கு மாறுவதற்கான ஒப்பந்தமொன்றை செய்து கொண்ட பின்பு தான் அந்நிலை ஏற்பட்டது. இறுதியாக ஆசியாவில் இராணுவ ஆட்சி நடைமுறையிலிருந்த நாடு தாய்லாந்தே எனினும் 2019 ஜூலை  16ம் திகதி அந்த இராணுவ ஆட்சியும் முற்றுப் பெற்றது. இராணுவ ஆட்சியை நிறுவுவதற்கு உலகில் பல நாடுகளில் மேற்கொள்ளப்பட்ட முயற்சிகள் முழுமையாகத் தோல்வி கண்டுள்ளது. காலத்துக்கொவ்வாத அந்தக் கொள்கையை ஜனாதிபதி கோட்டாபயவும் பரீட்சித்துக் கொண்டிருக்கிறார் போலும். இதன் மூலம் நாட்டின் பாதுகாப்புப் படைக்கு மட்டுமன்றி நாட்டை நிர்வகிப்பவர்களுக்கும் பாரிய அளவிலான பாதிப்பு ஏற்படும். பாதுகாப்புப் படையினர் இந்த பொறியில் அகப்படாது தம்மைப் பாதுகாத்துக்கொள்ள வேண்டும். நாட்டின் அரசியலமைப்பு நாட்டின் பாதுகாப்புப் படையினருக்கும் ஏற்புடையதாகும். எதிர்கட்சிகளின் காலத்துக்கொவ்வாத முன்னெடுப்புக்கள்  தற்கால இலங்கை முகங்கொடுக்கும் பாரிய பிரச்சினைகளுக்கு ஆளும்கட்சி மட்டுமன்றி எதிர்கட்சிகளும் ஐம்பது வீதம் பொறுப்புக் கூற கடமைப்பட்டுள்ளது. நாடு முகம் கொடுக்கும் பாரிய பிரச்சினைகளுக்கு ராஜபக்ஷாக்கள் மட்டும் பொறுப்புக்கூற முடியாது. நாட்டு நிர்வாகத்துக்கு நேரடியாகவோ மறைமுகமாகவோ சம்பந்தப்பட்டுள்ள பாரளுமன்ற பிரதிநிதிகள் அனைவருமே நாட்டின் இன்றைய பரிதாப நிலைக்கு பதில் கூற வேண்டும். நாட்டின் இன, மத, குலம் என்ற வகையில் காணப்படும் பிரிவுகள் காரணமாகவே நாட்டில் மோதல்களும் இரத்தம் சிந்தலும் ஏற்பட்டது. நாடு இந்த அளவில் சிதைந்து போவதற்கு அது ஒரு முக்கிய காரணியாகும். பாராளுமன்றத்தைப் பிரதிநிதித்துவப்படுத்தும் அனைத்து அரசியல் கட்சிகளும் நாட்டில் பிரிவினைவாதத்தை ஏற்படுத்துவதற்கும் அதற்கு பாலூட்டி வளர்ப்பதற்கும் நேரடியாகவும் மறைமுகமாகவும் தமது முழுமையான பங்களிப்பை வழங்கியுள்ளன. இந்த நாடு இந்த அளவில் குட்டிச்சுவராவதற்கான மற்றுமொரு காரணி நாட்டில் பரந்த அளவில் காணப்படும் தில்லுமுல்லுகளும் மோசடிகளும் ஆகும். நாட்டில் ஒவ்வொரு தடவையும் ஆட்சியாளர்களாகத் தெரிவு செய்யப்படும் மக்கள் பிரதிநிதிகளும் நாட்டின் ஜனாதிபதியுடன் கைகோர்த்துக்கொண்டு நாட்டின் சொத்துக்களை சூரையாடுவது இந்த நாடு மோசடிகளால் துர்நாற்றமடிப்பதற்கான பிரதான காரணியென்று துணிச்சலாகக் கூற முடியும். ஆனால் தற்போது எதிர்கட்சிகளின் தான்தோன்றித்தனமான நிலை எவ்வாறாக உள்ளது? அதற்குள் நாளுக்கு நாள் ஏற்பட்டுக்கொண்டிருக்கும் பிரிவிணை எனும் நோய்க்கு முதலில் சிகிச்சையளிக்க வேண்டும். ஆனால் எதிர்கட்சிகள் அதுபற்றி அலட்டிக் கொள்ளாது எவ்வாறாயினும் “தலைமைப்பதவியை” தான் அடைந்து விட வேண்டும் என்ற நிலைப்பாட்டில் தொடர்ந்து கையிறிழுப்பில் ஈடுபட்டு வருவதை நாம் கானக்கூடியதாக இருக்கிறது. எதிர்க்கட்சியினது இது போன்ற ‘தாளத்துக்கு’ பொது மக்கள் ‘நடனமாடாது’ கவனமாக இருத்தல் அவசியமாகும். நாம் என்ன செய்யலாம்? இந்த துரதிஷ்டவசமான நிலையிலிருந்து நாட்டைத் தூக்கியெடுப்பதற்கு நாட்டு மக்களாகிய நாம் அனைவரும் ஒன்றிணைந்து கைக்கோர்த்துக்கொண்டு முன்வர வேண்டும். இவ்வாறான ஒற்றுமை ஒவ்வொரு நாட்டிலும் கட்டாயம் இருக்கவேண்டும். பல்வேறு மட்டத்திலான கலந்துரையாடல்களை நடத்துவதன் மூலமே அவ்வாறான நிலையை நாட்டில் தோற்றுவிக்க முடியும். ஆனால் கவலைக்குரிய விடயம் என்னவெனில் நாட்டிலுல்ல அரசியல் கட்சிகள் தமது குறுகிய வட்டத்திலுள்ள சிந்தனைக்கேற்பவே மேற்படி கலந்துரையாடல்கள் நடாத்தப்பட வேண்டுமென்று நினைப்பதாகும். எனினும் நாட்டில் ஏற்பட்டுள்ள படு மோசமான குழப்பநிலை பற்றி மிக விரிவாகவும் சரியாகவும் புரிந்து கொண்டுள்ள தனி மனிதர்களும் அமைப்புக்களும் இந்த நாட்டில் இருக்கின்றார்கள் என்பதையும் நாம் ஏற்றுக்கொள்ள வேண்டும். அவர்களில் ஒரு சிலராவது இணைந்து ஒரு அமைப்பாக மாறி ஒரே குரலில் மிக ஆணித்தரமாக பேச முன்வருவார்களாயின் தற்போதைய அரசு மேற்கொண்டுள்ள மிகத் தவறான பயணத்தில் கணிசமாண அளவில் மாற்றங்களை ஏற்படுத்த முடியும். இந்த நாடு தற்போது மேற்கொண்டுள்ள பயணத்தில் தொடர்ந்தும் பயணிக்குமானால் நாடு அதள பாதாளத்தில் விழுவதை எவராலும் தடுக்க முடியாது போய்விடும். நாட்டுக்கு அந்த நிலை ஏற்படின் அதை மீண்டும் பழைய நிலைக்குக் கொண்டு வருவது இலகுவான விடயமல்ல. தென்னாபிரிக்காவின் வெள்ளை ஆட்சியினருக்கு இது போன்றதொரு நிலைதான் ஏற்பட்டது. கறுப்பு – வெள்ளை இனப்பிரச்சினையை தூக்கிப் பிடித்துக் கொண்டு அவர்கள் மிருகத்தனமாக ஆட்சி செய்தனர். அந்த நாட்டில் ‘நிற’ வேறுபாட்டுப் பிரச்சினை உச்ச கட்டத்திற்குச் சென்ற பின்னரே ஆட்சியாளர்கள் தமது குரூரமான போக்கைக் கைவிட்டனர். அதன் பெறுபேராக நாட்டு மக்களினது பங்களிப்புடன் புதிய அரசியலமைப்புப்பொன்றை அமைப்பதற்கான கதவு திறக்கப்பட்டது. தேசத்தைக் கட்டியெழுப்புவதற்கும் தேசத்தைப் புணர்நிர்மாணம் செய்வதற்குமான பணி அதன் பின்பே அங்கு ஆரம்பமானது. இந்த சந்தர்ப்பத்தில் இலங்கைக்கும் தேவைப் படுவதெல்லாம்; அவ்வாறான மாற்று நடவடிக்கைகளே. இலங்கையிலும் பொது மக்களது பங்களிப்புடனான அரசியலைப்புப்பொன்றை உருவாக்குவதற்கு பொது மக்களும் நாட்டிலுள்ள புத்தி ஜீவிகளும் முன் வரவேண்டும். அந்த அரசியலமைப்பு 21ம் நூற்றாண்டுகளுக்குப் பொருத்தமான ஒரு அரசியலமைப்பாக இருக்க வேண்டும். ஆனால் ஆச்சரியம் என்னவென்றால் இந்த நாட்டுக்குப் பொருத்தமான அரசியலமைப்புப்பொன்றை உருவாக்குவதற்கு ரணிலோ எமது நாட்டின் தலைவர்களோ தெரிந்திருக்கவில்லை. அவர்கள் மட்டுமன்றி இலங்கையில் அரசியல் விஞ்ஞானம் பற்றி பாடம் கற்பிக்கும் எமது பேராசிரியர்களில் பலருக்கு அது பற்றி தெளிவான விளக்கமில்லை. நாம் புதிய அரசியலமைப்பொன்றின் மாதிரிப் படத்தை வரைந்தால் (எழுதினால்) மட்டும் அப்பணி முழுமையடைந்து விடாது. மாறாக நாட்டிலுள்ள அனைத்து வகையான பிரச்சினைகளைப் பற்றியும் அலசி ஆராயப்படல் வேண்டும். அது மட்டுமின்றி நாட்டின் மறு சீரமைப்பு விடயங்கள் பற்றியும் இங்கு ஆய்வுக்கு உட்படுத்தப்பட வேண்டும். இது விடயத்தில் ஈடுபடும் குழுவினருக்கு மேற்படி இரண்டு விடயங்கள் பற்றி ஆய்வில் ஈடுபடுத்துவதற்கான உரிமையும் அதிகாரமும் வழங்கப்பட வேண்டும். அந்த மாதிரி அரசியலமைப்புக்கு சிவில் மற்றும் அரசியல் உரிமைப்பற்றிய சாசனமொன்றுக்கு முன்வைக்கப்படும் விளக்கத்தின் மூலம் அதிகாரம் வழங்கப்பட வேண்டும். மேலும் அது சர்வதேச சட்டத்திற்கேற்பவும் 21ம் நூற்றாண்டில் அரசியலமைப்பின் முன்மாதிரியாகவும் அது ஏற்றுக்கொள்ளப்பட வேண்டும். அந்த மாதிரியை தயாரிப்பதற்கான ஆய்வுப் பணியில் நாமும் ஈடுபட வேண்டும். இது போன்ற ஒரு நடவடிக்கையை மேற்கொள்வதன் மூலமே நாட்டில் தற்போது ஏற்பட்டுள்ள ‘வங்குரோத்து’ நிலை உட்பட அரச நிறுவனங்களில் ஏற்பட்டுள்ள பாரிய வீழ்ச்சிகளிலிருந்தும் அவற்றை காப்பாற்றி கரை சேர்க்க முடியும். அது மட்டுமன்றி நவீன தேசமொன்றையும் எம்மால் கட்டியெழுப்ப முடியும். அது போன்றதொரு மறுசீரமைப்பை நாட்டில் உருவாக்கிய பின்பே நாம் தேர்தலொன்றிற்குச் செல்ல முடியும்.   https://thinakkural.lk/article/108000  
×
×
  • Create New...

Important Information

By using this site, you agree to our Terms of Use.