Jump to content

Recommended Posts

* இது இயக்குநர் லோகேஷ் கனகராஜின் 'கைதி', 'மாநகரம்' அளவுக்குப் புதுமையான கதையோ, நேர்த்தியான திரைக்கதையோ கொண்ட திரைப்படம் அல்ல. இன்னும், விஜய் சேதுபதி, மாதவனுடன் இணைந்து நடித்த 'விக்ரம் வேதா' அளவுக்கு நேர்த்தியான, விறுவிறுப்பான திரைப்படமுமல்ல. 

* மூன்று மணிநேர நீளமான இத்திரைப்படத்தின் முதல் ஒரு மணிநேரக் காட்சிகளைச் சற்றே இரத்தினச் சுருக்கமாகத் தந்திருந்தால் விறுவிறுப்பாகவும், சுவாரசியமானதுமாகவும் இருந்திருக்கும். எனினும் அடுத்த இரு மணி நேரமும் விறுவிறுப்புக்குப் பஞ்சமில்லை.

* ஒரு சமூகப்பிரச்சினையைத் தெளிவாகவும், அழுத்தம்திருத்தமாகவும் சொல்லியிருக்கும் திரைப்படம் இது.

* பல வருடங்களுக்குப் பிறகு விஜய் சற்றே வித்தியாசமான கதாபாத்திரத்தில் நடித்துள்ளார்; ஆரம்பக் காட்சிகளில் அவரது இப்பாத்திரம் அவருக்குப் பொருத்தமில்லாததாகத் தோன்றினாலும், காட்சிகள் நகர நகர ஓரளவுக்கு ஏற்றுக்கொள்ளக் கூடியதாக இருக்கும் ஓர் நிலையில் வழமையான கதாபாத்திரத்துக்கு அவர் மாறுவது ஒரு விதத்தில் நமக்கு நிம்மதி! எனினும், அவசியமான ஓரிரு இடங்களில் மட்டும் அட்வைஸ் பண்ணுவது போன்ற காட்சிகளைத் தவிர மற்றப்படி பஞ்ச் வசனங்கள், தேவையில்லாத build-up காட்சிகள் இல்லாததும் நிம்மதியே! தவிரவும், உணர்வுபூர்வமான, சோகமான காட்சிகளில் அவருக்குள்ளிருக்கும் அற்புத நடிகர் எட்டிப்பார்க்கிறார். 

* வில்லன் கதாபாத்திரத்தில் விஜய் சேதுபதியை ஏற்றுக்கொள்ள முடிகிறது. கொடிய வில்லனாக அவர் வாழ்ந்திருக்கும் பல காட்சிகள் மனதை நிறைக்கின்றன. யதார்த்தமான, நேர்த்தியான நடிப்பு! (இது அவரது ஹீரோ இமேஜைப் பாதிக்காது என்பது என் எண்ணம்; எந்தப் பாத்திரமானாலும் நம்மால் ஏற்றுக்கொள்ளக்கூடியதாக இருப்பது அவரது சாமர்த்தியம் தான்!)

* ரஜினியின் 'பேட்டை' திரைப்படத்தின் சாயல் ஆங்காங்கே தென்படுகிறது. விஜயின் கதாபாத்திரமும், கதைக்களமும், சில காட்சிகளும், வில்லன் விஜய் சேதுபதியும் 'பேட்டை' திரைப்படத்தை அவ்வப்போது நினைவுபடுத்துகின்றன. (அங்கும் விஜய் சேதுபதிக்கு வில்லன் பாத்திரம், கூடவே மாஸ்ரர் கதாநாயகி மாளவிகா மோகனனும் அப்படத்தில் நடித்துள்ளார்!)

* சண்டைக் காட்சிகள் புதுமையானதாகவும், நம்மை உறையவும் வைக்கின்றன. எனினும் அதிக சண்டைக் காட்சிகள் பலருக்குத் தலையிடியைத் தரலாம்; சிறுவர், குழந்தைகளுக்கு உகந்ததல்ல.

* நிறைவுக் காட்சியும், சண்டையும் அபாரம்; விஜய்யும், விஜய் சேதுபதியும் மோதும் காட்சிகள் வியாழனும், சனியும் மோதுவது போன்ற ஒரு effect. ஒரு முன்னணி மாஸ் ஹீரோவும், இன்னொரு முன்னணி class நடிகரும் ஒரே காட்சியில் தோன்றி மோதுவது தமிழ் சினிமாவில் அபூர்வம். இவ்வாறான இரு பிரபலமான முன்னணி நடிகர்களது படங்கள் இன்னும் பல உருவாக வேண்டும். 

* முழுக்க முழுக்க விஜய் படமாக அமையாமல் விஜய் சேதுபதி மற்றும் பல துணை நடிகர்களுக்கு உரிய இடம் இத்திரைப்படத்தில் வழங்கப்பட்டமை ஆரோக்கியமான போக்கு; இது இன்னும் பல படங்களில் தொடரவேண்டும். 

*அனிருத்தின் இசையும், சத்தியன் சூரியனின் ஒளிப்பதிவும் இந்த விறுவிறுப்பான சண்டைக் காட்சிகள் நிறைந்த படத்திற்குப் பக்கபலமாக இருக்கின்றன. 

மொத்தத்தில், 'மாஸ்ரர்' திரைப்படம் ஒரு மாஸ்ர-பீஸ் (master-piece) அல்ல; ஆனாலும், இது ஒரு classஆன மாஸ் படம்! 😀

Link to comment
Share on other sites

  • கருத்துக்கள உறவுகள்

மற்றவரை மாதிரி படத்தை பார்க்காமல் விமர்சனம் வைக்காமல் , நடு  நிலையான விமர்சனம் தந்தமைக்கு நன்றி 😄

 

Link to comment
Share on other sites

  • கருத்துக்கள உறவுகள்

நல்ல கண்ணோட்டம் மல்லிகை வாசம். 👍🏽

Link to comment
Share on other sites

10 hours ago, ரதி said:

மற்றவரை மாதிரி படத்தை பார்க்காமல் விமர்சனம் வைக்காமல் , நடு  நிலையான விமர்சனம் தந்தமைக்கு நன்றி 😄

 

 

8 hours ago, குமாரசாமி said:

நல்ல கண்ணோட்டம் மல்லிகை வாசம். 👍🏽

வாசிப்புக்கும், கருத்துக்களுக்கும் நன்றி ரதி & குமாரசாமி அண்ணை. 😊

நல்ல கதையுள்ள படங்களில் நடிக்கும் விஜய் சேதுபதி, சமீபத்தில் புகழ் பெற்றிருக்கும் இயக்குநர் லோகேஷ் கனகராஜ் ஆகியோரை நம்பியே இந்தப்படத்தைப் பார்க்கப் போனேன். அதில் விஜய் நடிக்கிறார் என்பதால் இவர்களின் கூட்டு மிகப்பிரமாதமாக இருக்கும் என்ற எதிர்பார்ப்பு இருந்தது.

போன பெப்ருவரிக்குப் பிறகு நேற்றுத் தான் சினிமா சென்று இப்படத்தைப் பார்த்தது சற்று வித்தியாசமான அனுபவமாக இருந்தது. இங்கு போன நவம்பர் தான் மீளத் திறந்தார்கள் சினிமாக்களை. 

சிற்றுண்டி, குடிபானங்கள் அருந்துவது தவிர மற்ற வேளைகளில் mask போட்டுக்கொண்டே பார்க்கவேணும் எண்ட விதிமுறையும், ஒவ்வொரு bookingக்கு இடையில் ஒரு seat இடைவெளி விட்டு book பண்ணவேண்டியும் இருந்ததால் வழமையான கலகலப்பு இருக்கவில்லை. 

Link to comment
Share on other sites

  • கருத்துக்கள உறவுகள்
8 hours ago, குமாரசாமி said:

நல்ல கண்ணோட்டம் மல்லிகை வாசம். 👍🏽

உங்க நாட்டுல என்ன முழு அடைப்பா ?? அல்லது படம் பார்க்கலயா  சாமி 

 

 

 

விமர்சனத்திற்கு இந்த மனுசன் தான் 

Link to comment
Share on other sites

  • கருத்துக்கள உறவுகள்
3 hours ago, தனிக்காட்டு ராஜா said:

உங்க நாட்டுல என்ன முழு அடைப்பா ?? அல்லது படம் பார்க்கலயா  சாமி 

 

 

 இஞ்சை தியேட்டர் களியாட்டங்களுக்கு இடமே இல்லை.இழுத்து மூடி10 மாதமாகுது.

படம் பாக்கிறதெண்டால் ஹோம் ஆபீஸ்லை தான் பாக்கவேணும்..  🤣

3 hours ago, தனிக்காட்டு ராஜா said:

 

 

விமர்சனத்திற்கு இந்த மனுசன் தான் 

துணிஞ்ச கட்டை......இன்னும் அடிவாங்காமல் இருப்பது ஆச்சரியம்..😆

Link to comment
Share on other sites

  • கருத்துக்கள உறவுகள்

கழுவி ஊத்தும் அளவிற்கு அப்படி என்ன கேவலம் இந்த படத்தில் இருக்குதென்று விளங்கவில்லை ...படத்தில் லவ் சீனோ ,டூயட் பாட்டுக்களோ இல்லை ...வழமையான விஜய் பாணியில் இருந்து வித்தியாசமான வேடத்தில் நடித்திருக்கிறார் / நடிக்க முற்பட்டு இருக்கிறார்🙂 ...படத்தின் நீளம் கூடி விட்டது ...விஜய்க்கு சமமாய் சேதுபதிக்கும் காட்சிகள் கொடுக்கப்பட்டு  இருக்கு ..அவரும் நல்லாய் நடித்திருக்கிறார் .
என்னைப் பொறுத்த வரை முடிவை கொஞ்சம் மாற்றியிருந்தால் படம் இன்னும் சிறப்பாய் இருந்திருக்கும் ...இதை விட கேவலமான விஜய் படம் எல்லாம் வந்திருக்கு ...அதோடு ஒப்பிடுமையில் இந்த படம் எவ்வளவோ பெட்டர் ...தனக்கு சமமான கரெக்டரில் சேதுபதி நடிக்க விஜய் ஒத்து கொண்டதே ஒரு பெரிய மாற்றம் ...வாழ்த்துக்கள் 

Link to comment
Share on other sites

5 hours ago, ரதி said:

கழுவி ஊத்தும் அளவிற்கு அப்படி என்ன கேவலம் இந்த படத்தில் இருக்குதென்று விளங்கவில்லை ..

முன்னர் இந்த மாறனின் விமர்சனங்களைப் பார்த்துவிட்டே படங்களுக்கு முன்பதிவு செய்வேன். ஆனால் சில நல்ல படங்களையும் விமர்சித்தபோது புரிந்தது, எல்லோரும் எப்போதும் நடுநிலையான விமர்சனங்களை வைக்கமாட்டார்கள் என்று. பல விமர்சனங்களைப் படிக்கலாம், பார்க்கலாம். இறுதியில் நமது பார்வையே நமக்கு முக்கியமானது. 

Link to comment
Share on other sites

5 hours ago, ரதி said:

வழமையான விஜய் பாணியில் இருந்து வித்தியாசமான வேடத்தில் நடித்திருக்கிறார் / நடிக்க முற்பட்டு இருக்கிறார்

 

5 hours ago, ரதி said:

தனக்கு சமமான கரெக்டரில் சேதுபதி நடிக்க விஜய் ஒத்து கொண்டதே ஒரு பெரிய மாற்றம்

நிச்சயமாக இவை பெரிய மாற்றங்களே. விஜய் சேதுபதியே மனதில் பெரிதும் நிற்கிறார்.

விஜய்க்குள்ளும் ஒரு நல்ல நடிகர் இருக்கிறார். மசாலாப் படங்களே வேண்டும் என்ற அவரது mainstream ரசிகர்களின் எதிர்பார்ப்புத் தான் அவர் வித்தியாசமான பாத்திரங்களை ஏற்பதற்குத் தடையாக இருக்கிறது. 

மாஸ்டரின் தாக்கம் இனிவரும் படங்களில் இருக்குமா என்று பொறுத்திருந்து பார்ப்போம்! 😀

Link to comment
Share on other sites

  • கருத்துக்கள உறவுகள்
On 15/1/2021 at 16:07, மல்லிகை வாசம் said:

அளவுக்குப் புதுமையான கதையோ, நேர்த்தியான திரைக்கதையோ கொண்ட திரைப்படம் அல்ல.

நினைச்சன் இரண்டு கதநாயகர்கள் நடிக்கிறான்கள் கதை இருக்கும் என்று நினைத்தேன் இதனால்த்தான் தியேட்டர் சென்று படம் பார்க்கிறதையே நிறுத்தி கனகாலம்  ஆகிவிட்டது .

 AI செயற்கை நுண்ணறிவு கதை எழுதி ஒரு குறும்படம் யூடியூப்பிலும் வெளியிட்டு விட்டார்கள் இன்னும் பழிவாங்கும் கதையிலேயே  நிக்கினம் தமிழ் சினிமா கூட்டம் . 

 

https://www.digitaltrends.com/features/solicitors-gpt3-future-of-filmmaking/

Link to comment
Share on other sites

  • 2 weeks later...
  • கருத்துக்கள உறவுகள்
  • கருத்துக்கள உறவுகள்
17 minutes ago, ஈழப்பிரியன் said:

மாஸ்டர் படம் இப்ப ஓசியிலை ஹை குவாலிற்றியிலை எல்லா இடமும் பார்க்கலாம்.
இருந்தாலும் வியாபாரிகள் பாவம்.

Link to comment
Share on other sites

  • கருத்துக்கள உறவுகள்
38 minutes ago, குமாரசாமி said:

மாஸ்டர் படம் இப்ப ஓசியிலை ஹை குவாலிற்றியிலை எல்லா இடமும் பார்க்கலாம்.
இருந்தாலும் வியாபாரிகள் பாவம்.

இது பங்குனியிலே அமேசானில் வருவதாக இருந்தது.
திடீரென நேற்று வெளியிட்டுவிட்டார்கள்.

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.