Jump to content

ஆஸ்திரேலிய வெற்றி vs இந்தியப் பெண்கள் கிரிக்கெட் அணி... ஏன் இவ்வளவு பாராமுகம் பி.சி.சி.ஐ?


Recommended Posts

  • கருத்துக்கள உறவுகள்

ஆஸ்திரேலிய வெற்றி vs இந்தியப் பெண்கள் கிரிக்கெட் அணி... ஏன் இவ்வளவு பாராமுகம் பி.சி.சி.ஐ?

கிரிக்கெட் இந்திய மகளிர் அணி

கிரிக்கெட் இந்திய மகளிர் அணி

ஐ.பி.எல் மிகப்பெரும் வெற்றியை எட்டியது. அடுத்து இந்திய வீரர்கள் ஆஸ்திரேலியா தொடரில் விளையாடினார்கள். ஆனால், இன்னொரு புறம் பெண்கள் கிரிக்கெட் அணியின் கதை வேறாக இருக்கிறது.

கொரோனா காலத்தில் இந்தியப் பெண்கள் கிரிக்கெட் அணிக்கான போட்டிகளை, ஆண்கள் கிரிக்கெட் அணியைப் போன்று கவனம் செலுத்தி நடத்தாமல், பாராமுகம் காட்டுவதாக இந்திய கிரிக்கெட் வாரியம் மீது குற்றச்சாட்டுகள் அதிகரித்திருக்கின்றன.

கொரோனா பெருந்தொற்று காலத்தில் கிரிக்கெட் போட்டிகள் நடைபெற வாய்ப்பே இல்லை என்று மக்கள் நினைத்துக்கொண்டிருந்தபோது, மேஜிக் ஷோக்களில் தொப்பியில் இருந்து முயலை எடுப்பது போன்று, துபாயில் இரண்டு மாதங்கள், எட்டு அணிகள் கொண்ட ஐ.பி.எல் போட்டிகளை நடத்திக்காட்டியது இந்திய கிரிக்கெட் வாரியம்.

பெண்கள் கிரிக்கெட் அணி
 
பெண்கள் கிரிக்கெட் அணி

ஐபிஎல் மிகப்பெரும் வெற்றியை எட்டியது. அடுத்து இந்திய வீரர்கள் ஆஸ்திரேலியா தொடரில் விளையாடினார்கள். அதாவது, இந்திய ஆண்கள் கிரிக்கெட் அணியினர் ஆஸ்திரேலிய தொடரில் ஆடினார்கள். வெற்றி பெற்றார்கள். மிகுந்த வரவேற்புடன் கொண்டாடப்பட்டார்கள். ஆனால், இன்னொரு புறம் பெண்கள் கிரிக்கெட் அணியின் கதை வேறாக இருக்கிறது.

2020-ம் ஆண்டு ஆஸ்திரேலியாவில் நடைபெற்ற டி20 உலகக்கோப்பைக்குப் பிறகு, பெண்கள் கிரிக்கெட் அணியினர் சர்வதேச போட்டியில் விளையாடி கிட்டத்தட்ட 10 மாதங்கள் ஆகின்றன. இடையில், ஐபிஎல் போட்டிகளுக்கு நடுவே நவம்பர் மாதம் மூன்று பெண்கள் அணிகளுக்கு இடையிலான டி20 போட்டிகளை வெறும் ஆறு நாள்களில் பிசிசிஐ நடத்தியது. இது கிரிக்கெட் ரசிகர்களிடையே சலசலப்பை ஏற்படுத்தியது. இது தவிர்த்து, பெங்களூருவில் நடந்த கிளப் டி20 போட்டிதான் பெண்கள் கிரிக்கெட் அணியினர் ஆடிய தொழில்முறை கிரிக்கெட் போட்டி.

ஆனால், இங்கிலாந்து, நியூசிலாந்து, ஆஸ்திரேலியா மற்றும் மேற்கு இந்தியத் தீவுகள் ஆகிய நாடுகளைச் சேர்ந்த பெண்கள் கிரிக்கெட் அணியினர் எல்லாம், தொடர்ந்து சர்வதேச கிரிக்கெட் போட்டிகளில் ஆடிவருகின்றனர் என்பது குறிப்பிடத்தக்கது.

இந்தியப் பெண்கள் கிரிக்கெட் அணியின் இருட்டடிப்புக்குக் காரணமாக ரசிகர்கள் சாடுவது, பிசிசிஐ-ஐ தான். டி20 உலகக்கோப்பை போட்டிக்குப் பிறகு, பெண்கள் கிரிக்கெட் அணி சர்வதேச போட்டிகளில் கலந்துகொள்வதற்கான முக்கியத்துவத்தை பிசிசிஐ அளிக்கவில்லை. குறிப்பாக, நவம்பர் மாதம் பெண்கள் டி20 போட்டி நடைபெறும்போதுதான் ஆஸ்திரேலியாவில் பெண்கள் பிக் பேஷ் லீக்கும் (ஐபிஎல் போட்டியைப் போன்றது) நடைபெற்றது. எனவே, பெண்கள் அணியைச் சேர்ந்த வீரர்களால் அந்தப் போட்டியில் பங்கேற்க முடியவில்லை.

இது மட்டும் இல்லை... இங்கிலாந்து-தென் ஆப்ரிக்காவுடனான முத்தரப்பு போட்டியில் இந்திய பெண்கள் அணியை விளையாட பிசிசிஐ அனுமதிக்கவில்லை. இங்கிலாந்து கிரிக்கெட் வாரியம் ஜூலை மாதம் கிரிக்கெட் போட்டிகளை நடத்துவது சாத்தியம் என்பதை நிரூபித்த பின்னரும், தனிமைப்படுத்துதல் மற்றும் பயிற்சி அளிக்கும் வசதிகளைச் செய்து கொடுப்பதாகச் சலுகைகளை வழங்கிய பின்னரும், பிசிசிஐ மறுத்தது.

இந்திய பெண்கள் கிரிக்கெட் அணி
 
இந்திய பெண்கள் கிரிக்கெட் அணி

இத்தனை மாதங்கள் கடந்தும், இந்தியப் பெண்கள் கிரிக்கெட் அணி எந்த சர்வதேசப் போட்டிகளிலும் பங்கெடுக்கவில்லை. இந்த வருடம் ஜனவரியில் நடக்கவிருந்த ஆஸ்திரேலிய தொடரும் தள்ளி வைக்கப்பட்டுள்ளதாக அறிவிக்கப்பட்டுள்ளது. பிப்ரவரி மாதம் இலங்கை தொடர் நிச்சயமாகாவிடில், கிட்டத்தட்ட இந்தியப் பெண்கள் அணி 2022-ம் ஆண்டு நடக்க இருக்கும் ஐசிசி பெண்கள் உலகக் கோப்பையில் நேரடியாகப் பங்கெடுக்க வேண்டிய நிலைதான் ஏற்படும்.

இதைவிட இன்னும் மோசமான விசயம், இந்திய மகளிர் அணியின் பயிற்சியாளர், மேலாளர், பிசியோதெரபிஸ்ட் ஆகியோரின் ஒப்பந்தம் முடிவுக்கு வந்துவிட்டது. அவர்களது பணிக்காலம் நீட்டிக்கப்படுவதாகவோ, அவர்களுக்கு மாற்றுப் பணியாளர்களையோ பிசிசிஐ அறிவிக்கவில்லை.

பி.சி.சி.ஐ-யின் இந்த பாராமுகமான மற்றும் அலட்சியமான செயல்பாடு கிரிக்கெட் ரசிகர்களிடையே பெரும் அதிருப்தியை ஏற்படுத்தியிருக்கிறது.

இந்தியப் பெண்கள் கிரிக்கெட் அணியினர் பல வெற்றிகளை வசப்படுத்தி தங்களை நிரூபித்த பின்னரும், விளையாட்டும் மைதானமும் ஆண்களுக்கானது என்று நடந்துகொள்ளும் பிசிசிஐ-யின் போக்கு கண்டனத்துக்குரியது.

 

https://www.vikatan.com/news/sports-news/issues-around-the-handling-of-women-cricket-team-by-bcci

Link to post
Share on other sites
  • கருத்துக்கள உறவுகள்

இந்திய‌ கிரிக்கெட் வாரிய‌ம் பெண்க‌ளின் கிரிக்கெட்டுக்கு முக்கிய‌த்தும் கொடுப்ப‌தில்லை , அப்ப‌டி இருந்தும் அவுஸ்ரேலியா பெண்க‌ளுக்கு அடுத்து இந்தியா பெண்க‌ள் தான் , அவுஸ்ரேலியா விக்வாஸ் தொட‌ரை போல‌ வெண்க‌ளுக்கும் பெரிய‌ தொர் வைத்து இருக்கின‌ம் , இந்தியா அணியில் விளையாடும் பெண்ணுக்கு இப்ப தான் 17 வ‌ய‌து , அடிச்சு ஆடுற‌த‌ பார்க்க‌ உண்மையில் விய‌ப்பாய் இருக்கும் சின்ன‌ வ‌ய‌திலே இப்ப‌டி என்றால் கொஞ்ச‌க் கால‌ம் போக‌ விட்டு இந்தியாவின் ந‌ச்ச‌த்திர‌ துடுப்பாட்ட‌ பெண்ணா வ‌ருவா 

  • Like 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

By using this site, you agree to our Terms of Use.