Jump to content

எண்ணித் துணிக கருமம் ! பொத்துவில் தொடக்கம் பொலிகண்டி வரை #P2P


Recommended Posts

  • கருத்துக்கள உறவுகள்

எண்ணித் துணிக கருமம் ! #P2P
========================

 

கடந்த மூன்றாம் திகதி போலீசார், இலங்கையின் நீதித்துறையின் தள்ளுமுள்ளுடன் ஆரம்பித்த “பொத்துவில் தொடக்கம் பொலிகண்டி வரை #P2P பேரணி இன்று இறுதிநாளாக யாழ்ப்பாணத்தில் நிறைவுபெறவுள்ளது. இது ஆரம்பித்த நாளிலிருந்து ஒவ்வொரு நாளும் இதற்கான ஆதரவு பெருகியதுடன், வடக்குக் கிழக்கின் அரசியல் தலைவர்கள் மட்டுமன்றி மலையகத் தலைவர்களும் கலந்து கொண்டதையும்  ஆதரவு வழங்கியதையும் காண முடிகிறது.

நீண்ட நாட்களுக்குப் பின்னர் தமிழ் மொழிபேசும் அனைத்து சிறுபான்மை மக்களும் இணைந்து பயணிப்பதை அவதானிக்க முடிகிறது. இந்தப் போராட்டம் சிங்கள மக்கள் மற்றும் சர்வதேசத்தின் கவனத்தையும் ஈர்த்துள்ளது. பல நாடுகளின் பத்திரிகைகளிலும் இந்தச் செய்தி முக்கிய இடம் பிடித்துள்ளது. இந்த பேரணி, இலங்கை தனது சிங்கள பெளத்த சுதந்திர தினக் கொண்டாட்டத்தை தலைநகரில் நடாத்திய அதே காலப்பகுதியில் நடாத்தப்படுவது, இந்த நாட்டில் சிறுபான்மை இனத்தவர் மகிழ்ச்சியாகவும் சுதந்திரமாகவும் இல்லை என்ற செய்தியை முழு இலங்கைக்கும் சர்வதேசத்திற்கும் சொல்லியுள்ளது.  

அரசு நாட்டின் சட்டம்-ஒழுங்கு, கொரோனா அரசியல், அரசு ஆதரவுக் குழுக்களைக் கொண்டு பேரணிக்கு எதிர்ப்பு  ஊர்வலம் என்று  என்று வேறு வேறு தந்திரங்களைப் பயன்படுத்தி இந்தப் பேரணியை நிறுத்துவதற்கு முயற்சி செய்தபோதும் அவை வெற்றியளிப்பதாகத் தெரியவில்லை. ஆனால் அரசினாலும் அரசு ஆதரவுக் குழுக்களாலும் செய்ய முடியாததை இந்த போராட்டத்தில் ஈடுபடும் பல்வேறு தரப்பினரின் விசுவாசிகளும் வீட்டில் வசதியாக இருந்து கொண்டு வாய்க்கு வந்தபடி விமர்சனம் செய்யும் இணையப் போராளிகளும் “நடுநிலை” ஊடகங்களும் செய்து முடித்துவிடுவார்களோ என்று பயமாக இருக்கிறது.

இவ்வாறு எழுப்பப்படும் குற்றச்சாட்டுகள் எல்லாம் உண்மையா, இல்லையா என்பது ஒருபுறம் இருக்க, யார் இந்தக் குற்றச்சாட்டுகளை எழுப்புகிறார்கள் என்பது முதலில் கேட்கப்பட வேண்டிய கேள்வி. அதேபோல தனிப்பட்ட முறையில்  சில அரசியல்வாதிகளின் பங்களிப்புத் தொடர்பாக மிகைப்படுத்தலாக பதிவுகளை இடும் விசுவாசிகளும் கட்சி சார்ந்தவர்களும் தற்போது நடக்கும் போராட்டம் எதற்கானது என்பதைத் தெளிவாகப் புரிந்து கொள்ள வேண்டும். இது தமது தலைவர்களின் பெருமைகளைப் பட்டியல் இடவும் நடைபெறும் பேரணியின் வெற்றியை ஓரிருவருக்கு மட்டும் உரியதாக காட்ட நீங்கள் முயற்சிப்பதும் நடைபெறும் பேரணியின் நோக்கத்தையே நாசம் பண்ணிவிடும்.

மேலும் இது யாருடைய முயற்சியில் தொடங்கப்பட்டது, யாரால் அதிக மக்கள் இணைந்து கொண்டார்கள் போன்ற விவாதங்கள் தேவையற்றவை மட்டுமல்ல அர்த்தமற்றவையும் கூட. வடக்குக் கிழக்கில் சிவில் சமூக அமைப்புகள் பலமாக இல்லையென்றும் அரசியல்வாதிகளின் உழைப்பே இந்த வெற்றியைப் பெற்றுத் தந்தது அதனால் அவர்களை முன்னுக்கு விடவேணும் என்றும் எழுதிய ஊடகமும், சிவில் சமூகமே இதனை ஒழுங்கு செய்தது அதனால் அவர்களே முன்னணியில் செல்லவேண்டும் என்று குரல் கொடுப்போரும் முதலில் ஒன்றைப் புரிந்து கொள்ள வேண்டும். இவர்களில் யார் தனியாக இதனை ஒழுங்கு செய்திருந்தாலும் இந்தளவுக்கு வெற்றி கிடைத்திருக்காது. இது ஒரு கொள்கை வெற்றி, குழு வெற்றி என்பதை அனைவரும் ஏற்றுக் கொள்ள வேண்டும்.

அதேநேரம் இது பல வருடங்களுக்குப் பிறகு சிவில் சமூகமும் அரசியல் கட்சிகளும் இணைந்து வேறுபட்ட சமூகங்களை ஒன்றிணைத்து முன்னெடுக்கும் போராட்டம். இதன்போது சிறு சிறு தவறுகள் வரத்தான் செய்யும். ஆனால் அந்தத் தவறுகளை மட்டும் பூதக் கண்ணாடி வைத்துப் பார்ப்பது மட்டுமன்றி பெரிதுபடுத்தியும்  நாம் பேசிக்கொண்டிருந்தால் இப்போது செய்யும் முயற்சி பூரண வெற்றியளிக்காது. அதுமட்டுமின்றி எதிர்காலத்தில் இதேபோல பல்வேறு அமைப்புக்கள் ஒன்று சேர்ந்து செயற்படக்கூடிய சூழ்நிலையையும் கடினமானதாக்கலாம்.

இன்று சில ஊடகங்களும் தனிநபர்களும் பெரிதுபடுத்தும் விடயங்களைப் புறந்தள்ளுவதுடன் போராட்டத்தின் இறுதிவரை அனைவரும் பொறுப்புணர்வுடன் நடந்து கொள்ள வேண்டும். இன்று இரண்டு மாகாணங்களில் வாழும் ஒரே மொழி பேசும் மூன்று மதங்களைச் சேர்ந்த மக்களையும், வடக்கு, கிழக்கு மற்றும் மலையக அரசியல்வாதிகளையும் ஒருபுள்ளியில் இணைத்த இந்த முயற்சி அதன் இலக்கை அடைய அனைவரும் உழைப்பதுடன் எதிர்காலத்தில் சிங்கள பொதுமக்களுக்கும் எமது நியாயங்களை கட்டமைக்கப்பட்ட வகையில் தெரியப்படுத்தும் முயற்சிகளில் அதிகம் ஈடுபடவேண்டும். இதற்காக சிங்கள மக்கள் மத்தியில் இயங்கும் உண்மையான இடதுசாரிக் கட்சிகளுடன் இணைந்து வேலை செய்யவும் எமது பிரதேசத்தில் இயங்கும் சிவில் சமூக அமைப்புகளைப் பலப்படுத்தும் செயற்பாடுகளிலும் ஈடுபடுதல் வேண்டும். 
 

இலங்கைக்குள் இந்தப் பேரணியை நீர்த்துப்போக வைக்க முயற்சிகள் நடப்பது ஒருபுறம் இருக்க, புலம்பெயர் தேசங்களில் இதற்கு ஆதரவாக கூட்டம், ஆர்ப்பாட்டம், ஊர்வலம் போன்ற செயற்பாடுகளில் ஈடுபடுவோரும் இந்த நிகழ்வினைத் திசை திருப்பாத வகையில் தமது பங்களிப்பை வழங்க வேண்டும். இலங்கையில் நடைபெறும் பேரணியில் எந்த ஒரு கட்சியின் கொடியோ கட்சி அடையாளங்களோ பயன்படுத்தப்படாமையே சிவில் சமூகமும் மதத் தலைவர்களும் மக்களும் பெருமளவில் கலந்து கொண்டமைக்கு காரணம் என்பதே உண்மை. 

புலம்பெயர் தமிழர்களும் இதனைப் புரிந்துகொண்டு பொது அடையாளங்களையோ கறுப்புக் கொடிகளையோ மட்டும் பயன்படுத்துவார்கள் என்றால் தமிழர்கள் பெருமளவில் கலந்து கொள்வதுடன் இலங்கையை பூர்வீகமாகக் கொண்ட முஸ்லிம் சகோதரர்களும் கலந்து கொள்ளும் சந்தர்ப்பம் உள்ளது. 

சிந்திப்போம் !
சரியான தெரிவுகளையும் கருவிகளையும் காட்சிப்படுத்தல்களையும் பயன்படுத்துவோம் !!
#P2P

-அக்கம்-பக்கம்-
 

https://www.facebook.com/101881847986243/posts/268535571320869/?d=n

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • சுதந்திரமாய் வாழ நினைத்ததாலும், சுவாசத்தை அடுத்த தலைமுறைக்கு கடத்த முயன்ற ஒரேயொரு குற்றத்தினாலும்தான் எம் தலைமை எம்மைவிட்டு தொலைந்து போனது சுவியண்ணா.
    • கவிதை எழுதுறேன் என்ற பேரில எல்லா மதத்தையும் கழுவி ஊத்தினமாதிரி தெரியுது.. நீங்க மதம் அல்ல, மாதம்.. அதாவது ‘பிர’மாதம்.
    • சொல்லுங்கள் மாமா .........இங்க பார் மகள் எனக்கும் ஓர் பெண் பிள்ளை இருக்குறா நான் பெய்ய சொல்ல விரும்பல உண்மைய சொல்கிறன் நீ என்ற மகனுடன் கதைச்ச நீயா ? தயங்கியவள் இல்ல மாமா நான் கோல் எடுத்த நான் ஆனால் அவர் ஆன்சர் பண்ணல.  ம்ம் தெரியும் அவனுக்கு கல்யாணம் கட்டுற ஐடியா இல்ல. என்ற மனிசி சொன்னது எல்லாம் பொய் அவன் உன்ற வாழ்க்கைக்கு சரிவரமாட்டான். அவன் அந்த நாட்டு வாழ்க்கை வாழ்கிறான் உன் வாழ்வை கெடுத்துக்கொள்ளாதே நல்லா இரு மகள் உனக்கும் கையில் வேலை இருக்கிறது நல்ல பெடியனா பார்த்து கல்யாணம் கட்டு  என ஏக்கத்துடன் . சொல்லிவிட்டு விடைபெறுகிறார்.மாணிக்கவாசகர்  வரும் வழியில் தான் வெளிநாட்டு வாழ்கையில் தன் பிள்ளையைக்கூட ஒழுங்காக வளர்க்க முடியாத நாட்டில் வாழ்ந்து தொலைக்கிறோமே என் எண்ணியும். தனக்கும் ஓர் பெண் பிள்ளை இருப்பதை எண்ணியும். தன் காலில் உள்ள தடத்தையும் எத்தனை கண்டிப்பு எத்தனை அடி தன் தகப்பனின்ற வாங்கி நான் வளர்திருப்பேன். ஆனால் தற்போத்ய வாழ்வில் தங்கள் பேச்சைக்கூட கேட்காத பிள்ளையை வளர்த்த என்னிடம் எந்த பிழையும் இல்லை. நாடும் சட்டமும் நாகரிகமும் நம்மை நமது வாழ்வையும் தொலைத்து தொலைவில் கொண்டுபோய் விடுகிறது என எண்ணி வீடு செல்கிறார். அடுத்த நாள் கொழும்பு விமான நிலையம் வருகிறோம் ஐயர் என்ன சொல்கிறார்? ஐயர் கொஞ்ச பரிகாரம் செய்ய சொல்கிறார் ஓ அப்படியா மனிசி கோல் எடுக்கிறா அந்த பிள்ளையின் வீட்டுக்கு ஹலோ ரம்யாவா ஓம் சொல்லுங்க மாமி ஐயர் வந்து கொஞ்ச பரிகாரம் செய்ய சொல்லுறார் நான் இங்குள்ள ஐயரிட்ட காட்டியும் உங்களுக்கு கல்யாணம் வைக்கிற தேதிய‌ சொல்லுறன் சரியோ சரி மாமி கவனமாக போய்வாருங்கோ ஓம் நான் வைக்கிறன் . சரி  லண்டன் வந்த அவர்கள் மீண்டும் அவர்கள் வந்திறங்கியதை அறிவிக்க அழைப்ப்பு எடுக்கிறார் சாரதா. ரம்யாவின் போண் நிறுத்தப்பட்டு இருந்த்து . இஞ்சாருங்கோ போண் வேலை செய்யுதில்லை பரிமளத்த்க்கு எடுத்து பாரேன் என நான் சொல்ல. பரிமளம் அக்கா ரம்யா போண் வேலைசெய்யுதில்ல ஏன்? ஓ அதுவா அவளுக்கு லண்டன் வர விருப்பம் இல்லையாம் ஏனாம் அவளுக்கு விருப்பம் இல்ல? அவளுக்கு யாரோ என்னவோ சொல்லி இருக்காங்கள் போல கல்யாணத்துல விருப்பம் இல்லெண்டு சொல்லுறாள் . நாம பாவம் என்று பார்த்து வெளிநாட்ட்டுக்கு எடுத்து விடுவோம் என பார்த்தால் கழுதைக்கு விருப்பம் இல்லையாமா? அவள் இல்லாட்டி ஆயிரம் பொட்டைகள் கிடைப்பாள் என கடுங் குரலுடன் போணை வைத்தாள் சாரதா . இஞ்சாருங்க அந்த பெட்டை கல்யாணம் வேணாம் என்று சொல்லுதாம், அவளுக்கு இங்கு வந்து வாழ கொடுத்து வைக்கல ஆரோ  என்னவோ சொல்லி இருக்காங்களாம். நீங்கள் ஏதும் சொன்ன நீங்களோ? நான் என்ன சொல்ல போறன் நான் சில இடங்களை பார்க்கல எண்டு இருக்கன் நீ வேற.... ஓ உங்களுக்கு இடம் பார்க்கிரதுதான் முக்கியம் போல? சரி  சரி விடு வேற யாரையெண்டாலும் பார்ப்போம் என மாணிக்கவாசகரும்... என் மனதிற்குள் நான் செய்தது நன்மையா , தீமையா, நல்லதா, கெட்டதா என என்மனம் ஆயிரம் கேள்விகள் கேட்டு உறுத்திக்கொண்டே இருக்கிறது உறுத்துகிறது நல்லது என நினைத்தால் நல்லது கெட்டது என நினைத்தால் கெட்டது நல்லதுதான் செய்திருக்கிறேன் என உறுதிகொள்கிறார். மகளை வீட்டுக்கு அழைக்க போணை எடுக்கிறார். அப்போது அடுத்த மெசேஞ் வருகிறது காணொளியாக அதை திறந்த போது அங்கு P2P பேரணி சுமந்திரனும் , சாணாக்கியரும் பேரணி நடத்துகிறார்கள்.  சாரதா அந்த குளிசைப்போத்தல எடுத்துவா  பிரசர் கூடுனமாதிரி இருக்கு என்று கூறி போணை ஓவ் செய்கிறார் மாணிக்கவாசகர்.  முற்றும்  கற்பனையும் உண்மையும் சேர்த்து       நன்றி உடையார் உங்கள் கருத்துக்கு 
    • அவர்கள் வேற வேலை எடுத்துக்கொடுத்தாலும் வேலையும் அபிருத்தியும் போதுமா என கேட்டு மீண்டும் மலையேறுவீர்கள் அதனால்  அவர்கள் பற்றி எழுத விரும்பல அவர்கள் செய்யுறத செய்யட்டும் 
×
×
  • Create New...

Important Information

By using this site, you agree to our Terms of Use.