Jump to content

தீவுகளில் நீடிக்கும் பனிப்போர்


Recommended Posts

  • கருத்துக்கள உறவுகள்

தீவுகளில் நீடிக்கும் பனிப்போர்

-ஹரிகரன் -

“நெடுந்தீவில் சீனா தளம் அமைக்க அனுமதிக்கும் அளவுக்கு இலங்கை அரசு முட்டாள்தனமான காரியத்தைச் செய்யும் என்றும் இந்தியா நம்பவில்லை. ஆனால் தாம் பாரம்பரியமாக செல்வாக்குச் செலுத்தி வந்த பகுதிக்குள் சீனா ஒரு திட்டத்தை நிறைவேற்றுவதை அனுமதிப்பது இந்தியாவுக்கு கௌரவப் பிரச்சினையாக உள்ளது”

 ஒரு திட்டத்தை முடிவு செய்யும் உரிமை இலங்கைக்கு உள்ளது என்று கூறும் சீனா, அதில் தலையிடத் தயாரில்லை என்று கூறும் சீனா, கிழக்கு முனையத்தை இந்தியாவின் கையில் இருந்து தட்டி விட்டு இப்போது, வடக்கு மின்திட்ட விடயத்தில் இலங்கை சர்வதேச இணக்கப்பாடுகளை மதிக்க வேண்டும் என்று கூறுவது தான் வேடிக்கை

K4-05.jpg

யாழ்ப்பாணத்தில் உள்ள மூன்று தீவுகளுக்காக சீனாவும் இந்தியாவும் மல்லுக்கட்டிக் கொண்டிருக்கின்றன. கேந்திர முக்கியத்துவம் மிக்க தீவுகளுக்கான சீனா சர்வதேச அளவில் மல்லுக்கட்டுவது இதுதான் முதல் முறையில்லை.

தென்சீனக் கடலில் உள்ள ஸ்பரட்லி  தீவுக் (Spratly Islands) கூட்டங்களின் உரிமைக்காக மலேசியா, புருணை, பிலிப்பைன்ஸ், வியட்நாம், தாய்வான், ஆகிய நாடுகளுடன் சீனா இப்போதும் முட்டுப்பட்டுக் கொண்டு தான் உள்ளது. தென்சீனக் கடலில் சீனா செயற்கைத் தீவுகளை உருவாக்கி, அதில் விமான ஓடுதளத்துடன் கூடிய கடற்படைத் தளங்களையும் நிறுவியிருக்கிறது.

K4-03.jpg

சென்காகு தீவுகளுக்காக (Senkaku Islands)  ஜப்பானுடனும்இ தாய்வானுடனும் சீனா மல்லுக்கட்டிக் கொண்டிருக்கிறது. இவை சீனாவின் எல்லைக்கு அப்பாலுள்ள தீவுகளுக்காக நடத்தப்படும் பனிப்போர்.

இந்தியப் பெருங்கடலிலும், இலங்கைத் தீவைத் தனது செல்வாக்கிற்குள் கொண்டு வருவதற்காகவும், சீனா பனிப்போர் நடத்தியது. இலங்கைத் தீவுக்காக இந்தியாவுடன் மல்லுக் கட்டிய சீனா இப்போது, இலங்கைத் தீவுக்குச் சொந்தமான, நெடுந்தீவு, அனலைதீவு, நயினாதீவுக்காக இந்தியாவுடன் போட்டி போடத் தொடங்கியிருக்கிறது.

K4-02.png

இலங்கைத் தீவின் மீது தனது ஆதிக்கத்தை நிலைநாட்டுவதில் சீனா உறுதியான வெற்றியைப் பெற்று விட்டது. அண்மையில் கிழக்கு கொள்கலன் முனைய விவகாரத்தில் இருந்து இந்தியா வெளியேற்றப்பட்டதில் இருந்தே, சீனாவின் ஆதிக்கம் எந்தளவுக்கு கொழும்பின் மீது படிந்திருக்கிறது என்பது உறுதியாகியிருக்கிறது.

இலங்கையில் சீனாவின் ஒவ்வொரு திட்டமும், இந்தியாவின் எதிர்ப்பு சமாளிக்கப்பட்டு, அல்லது அதன் எதிர்ப்பு கணக்கில் கொள்ளப்படாமல், ஒப்புதல் அளிக்கப்பட்டு வருகிறது

K4-01.jpg

அம்பாந்தோட்டை துறைமுகம், கொழும்பு தெற்கு கொள்கலன் முனையம், கொழும்பு துறைமுக நகரத் திட்டம், போன்ற பிரதான திட்டங்கள் அனைத்திலும் சீனா வெற்றியைப் பெற்று வந்திருக்கிறது. ஆனால் இந்தியாவின் நிலை அதற்கு எதிர்மாறானதாகவே இருந்து வந்திருக்கிறது.

வடக்கு, கிழக்கு தவிர்ந்த ஏனைய இடங்களில் கேந்திர முக்கியத்துவம் வாய்ந்த திட்டங்களை முன்னெடுப்பதில் இந்தியா பின்னடைவுகளையே சந்தித்து வருகிறது. அண்மையில் கிழக்கு முனையத் திட்டத்தை இந்தியாவினால் செயற்படுத்தக் கூடிய நிலை இருக்கவில்லை.

அதுபோன்று, முன்னர் மத்தள விமான நிலையத்தை பொறுப்பேற்கும் முயற்சிகளிலும் இந்தியா வெற்றி பெறவில்லை. சீனாவின் அழுத்தங்களைத் தாண்டி, இந்தியாவினால் முக்கியமான திட்டங்களை பெற்றுக் கொள்வதில் கடும் பின்னடைவு ஏற்பட்டிருகிறது. கிழக்கு முனைய விவகாரத்தில் இந்தியா பாரிய பின்னடைவைச் சந்தித்துள்ள நிலையில், வடக்கிலுள்ள தீவுகள் விவகாரத்திலும் உறுதியான வெற்றிக்காக போராட வேண்டிய நிலையிலேயே இருக்கிறது.

நெடுந்தீவு, நயினாதீவு, அனலைதீவு ஆகியவற்றில், கலப்பு மின் திட்டங்களை அமைப்பதற்கான ஒப்பந்தம் சீன நிறுவனத்துக்கு வழங்கப்பட்ட பின்னர் தான், இந்தியா விழித்துக் கொண்டது. இதற்கு புதுடெல்லியிடம் இருந்து கடுமையான எதிர்ப்பு கிளம்பியிருக்கிறது. இதனை இலங்கை அரசாங்கத்தின் பேச்சாளர் அமைச்சர் கெஹலிய ரம்புக்வெல்ல உறுதி செய்திருந்தார்.

அதற்குப் பின்னர் இந்திய தூதுவர், கோபால் பாக்லே, வெளியுறவு அமைச்சர் தினேஷ் குணவர்த்தன மற்றும் மின்சக்தி அமைச்சர் டலஸ் அழகப்பெரும போன்றோருடன் பேசியிருக்கிறார். இந்தப் பேச்சுக்களின் போது, ஆசிய அபிவிருத்தி வங்கியின் 12 மில்லியன் டொலர் நிதியுடன் நிறைவேற்றப்படும், கலப்பு மின்திட்டத்தை, இந்தியாவின் கொடையிலேயே முன்னெடுப்பதற்கான யோசனை முன்வைக்கப்பட்டுள்ளது.

அமைச்சர் டலஸ் அழகப்பெரும இதனை உறுதிப்படுத்தியுள்ளார். ஆசிய அபிவிருத்தி வங்கியிடம் இருந்து கடனாக கிடைக்கும் நிதியில், இருந்தே இந்த திட்டம் செயற்படுத்தப்படவிருந்த நிலையில், இந்தியா அதனை கொடையாக கொடுக்க முன்வரும் போது, இந்த உடன்பாட்டை இலகுவாக உடைக்கலாம் என்றே புதுடெல்லி கணக்குப் போட்டிருக்கிறது.

நெடுந்தீவு, நயினாதீவு போன்றவற்றில் சீனாவின் பிரசன்னத்தை இந்தியா விரும்பவில்லை. இவை இந்தியாவின் கரையில் இருந்து 50 கி.மீற்றருக்கு உட்பட்ட பகுதிக்குள் இருப்பவை. இவ்வாறான தீவுகளில் சீனா தளம் அமைக்கப் போவதில்லை. அவ்வாறான அச்சம் இந்தியாவுக்கும் கிடையாது.

அங்கு சீனா தளம் அமைக்கப் போவதாகவும், நெடுந்தீவில் பாரிய துறைமுகத்தை அமைக்கும் வசதிகள் உள்ளதாகவும் சிலர் மிகையான கற்பனைக் கதைகளை அவிழ்த்து விடுகிறார்கள். நெடுந்தீவில் பாரிய கப்பல்கள் வரக்கூடிய துறைமுகத்தை அமைக்கும் வசதிகளில்லை. அது பவளப் பாறைகளைக் கொண்ட ஆழம் குறைந்த கடற்பகுதியைக் கொண்ட ஒரு தீவு.

இந்த தீவுக்கான போக்குவரத்தை சர்வதேச கடல் எல்லை வழியாக மேற்கொள்ள முடியாது, இந்தியா, அல்லது இலங்கை கடல் எல்லைகளுக்குள்ளால் தான் பயணிக்க முடியும். நெடுந்தீவில் இருந்து வடக்கு பகுதி கடற்பகுதியின் ஊடாகத் தான் செல்ல முடியுமே தவிர தெற்குப் பகுதி வழியாக செல்ல முடியாது. காரணம், தலைமன்னாருக்கும் இராமேஸ்வரத்துக்கும் இடையில் உள்ள கடற்பகுதி ஆழம் குறைந்த மணல் திட்டுகளைக் கொண்டது.

எனவே, நெடுந்தீவிலோ, நயினாதீவிலோ சீனா தளங்களை அமைக்கும் என்பது மிகையான கற்பனை. அவற்றை சீனா தனது நலன்களுக்காக பயன்படுத்திக் கொள்ளும். அங்கு சீன அதிகாரிகளின் பிரசன்னமும், சீனா பயன்படுத்திக் கொள்ளப்போகும் கருவிகளும் இந்தியாவின் பாதுகாப்பு நலன்களுக்கு பாதிப்பை ஏற்படுத்தக் கூடியவை.

நேரடியாக அல்லாத பாதுகாப்பு நெருக்கடிகளையே இந்தியா எதிர்கொண்டிருக்கிறதே தவிர நெடுந்தீவில் சீனா தளத்தை அமைக்கும் என்றோ, அங்கு நிரந்தரமாக குடிகொள்ளும் என்றோ இந்தியா அச்சம் கொள்ளவில்லை. நெடுந்தீவில் இருந்து இராமேஸ்வரம் வெறுமனே 38 கிலோ மீற்றர் தொலைவில் தான் இருக்கிறது.

இவ்வாறான நிலையில், இந்தியா தனது பாதுகாப்பு நலன் சார் விடயங்களில் கவலை கொள்வதில் ஆச்சரியமில்லை. நெடுந்தீவில் சீனா தளம் அமைக்க அனுமதிக்கும் அளவுக்கு இலங்கை அரசு முட்டாள்தனமான காரியத்தைச் செய்யும் என்றும் இந்தியா நம்பவில்லை. மறைமுக பாதுகாப்பு நெருக்கடிக்கு அப்பால், இந்தியா பாரம்பரியமாக செல்வாக்குச் செலுத்தி வந்த பகுதிக்குள் – இன்னும் சொல்லப்போனால் இந்தியாவின் கால்களுக்குள் புகுந்து சீனா ஒரு திட்டத்தை நிறைவேற்றுவதை அனுமதிப்பது இந்தியாவுக்கு கௌரவப் பிரச்சினையாக உள்ளது.

இதனால் தான், இந்த திட்டங்களை சீனா முன்னெடுப்பதற்கு இந்தியா எதிர்ப்பை வெளியிட்டதுடன், அதனை தானே பொறுப்பேற்கத் தயார் என்ற சமிக்ஞையையும் வெளியிட்டது. ஆனால், இலங்கை அரசாங்கம் அதற்கு இணங்கியது போலக் காட்டிக் கொண்டாலும், இன்னமும், அந்த திட்டத்தை இந்தியாவிடம் கொடுப்பதற்கான வழிமுறைகள் தொடர்பாக எந்த முயற்சியிலும் இறங்கவில்லை.

சீனாவுடன் செய்து கொள்ளப்பட்ட ஒப்பந்தத்தை கையளிப்பது தாமதிக்கப்படுகிறதே தவிர அது நிறுத்தப்படவில்லை. இந்தியாவிடம் அதனை கையளிக்கும் யோசனையும் பரிசீலனையில் உள்ளதே தவிர அமைச்சரவைக்கு கொண்டு செல்லப்படவில்லை. ஆக இந்த விடயத்தில் இலங்கை அரசாங்கம் அவசரப்படவில்லை.

கிழக்கு முனைய விவகாரத்தில் எவ்வாறு இழுத்தடித்து வந்ததோ அதுபோலத் தான் இந்த விடயத்திலும் நடந்து கொள்கிறது. இந்தநிலையில் சீனத் தூதரக பேச்சாளர் ஒருவர் வெளியிட்டுள்ள கருத்து முக்கியமானது.

எந்த நாடாக இருந்தாலும் ஒரு நிறுவனத்துடன் செய்து கொண்ட உடன்பாட்டை மதிக்க வேண்டும் என்று சீனா கூறியிருக்கிறது. இந்த விடயத்தில் ஒரு திட்டத்தை முடிவு செய்யும் உரிமை இலங்கைக்கு உள்ளது என்று கூறும் சீனா, அதில் தலையிடத் தயாரில்லை என்று கூறும் சீனா, கிழக்கு முனைய விவகாரத்தில் தனது புலனாய்வுப் பிரிவுகளைப பயன்படுத்தி, இந்தியாவின் கையில் இருந்து தட்டி விட்டது.

இப்போது, வடக்கு மின் திட்டங்கள் இந்தியாவின் கைகளில் கிடைக்காமல் தடுக்கும் நோக்கிலேயே, சர்வதேச இணக்கப்பாடுகளை மதிக்க வேண்டும் என்று சீனா கூறுகிறது. ஆனால் இதே சீனா கிழக்கு முனைய விவகாரத்தில் இந்தியாவுடன் செய்து கொள்ளப்பட்ட சர்வதேச உடன்பாடு மதிக்கப்ட்ட வேண்டும் என்று கொழும்பிடம் கூறவில்லை என்பது குறிப்பிடத்தக்கது.

இவ்வாறான சூழலில், வடக்கிவுள்ள தீவுகளின் ஆதிக்கத்தை நிலைநாட்டுவதற்கான பனிப்போர், இன்றும் சில காலத்துக்கு நீடிக்கும் போலவே தெரிகிறது.
 

https://www.virakesari.lk/article/100945

 

Link to post
Share on other sites
  • கருத்துக்கள உறவுகள்

தாய்வானின் பொருளாதாரத்தைப் போன்று அல்லது Hong Kong கைப் போன்றதொரு வளர்ச்சிக்கு இலங்கெஇயை சீனா இட்டுச் செல்லும். 

தீவுப் பகுதிகளை சிறந்த சுற்றுலாத்துறைகளாகவும், சிறந்த மீன்பிடித் துறைமுகங்களாகவும் மாற்ற முற்படும். இதற்காக சிங்கள சேவைத்துறையினர் தீவுப் பகுதிகளுக்கு கொண்டுவரப்படுவர். சீன சுற்றுலாப் பயணிகளால் தீவுப் பகுதிகள் நிறையும். மீன்பிடித் துறைகள் சீன மீன்பிடி ஆழ்கடல் இழுவைப் படகுகளால் நிறையும். 

கவனிக்க, இதற்கெல்லாம் தங்குதடையற்ற, செலவு குறைந்த மின்சாரம் தேவை. இந்தியா இந்த விடயத்தில் இழுபறிப்படும்போது சீனால் மெதுவாக யாழ்க் குடாவில் தனது அடுத்த செயற்திட்டங்கள் தொடங்கப்படும்.......

 

.....ஒரே கிழுகிழுப்புத்தான் போங்கள்..

😂😂

  • Haha 1
Link to post
Share on other sites
  • கருத்துக்கள உறவுகள்

இந்தியர்களுக்கு, வடக்கே, மூன்று தீவுகள் என்ற போலிப் பந்துகளை வைத்து உருட்டி விளையாட விட்டு விட்டு, தென்பகுதியில் சீனனும், சிங்களவனும் வலு பிஸி.

குருந்தூர் மலையில், சீனா காரன் ஏதாவது கண்காணிப்பு கோபுரத்தினை அமைத்துக்கொண்டிருப்பான்.

இந்தியர்கள், எல்லாம் முடிந்த பின்னர் வாரி சுருட்டிக் கொண்டு எழும்பி குய்யோ, முறையோ என்பார்கள்.

இவர்கள் ஐஞ்சாப்பு தமிழ் புத்தகத்தில் வரும், 'வந்த பின் காப்போன் மீன்' வகையினர். 😎

புலிகளை தனது தனிப்பட்ட குடும்ப வஞ்சத்துக்காக ஒழித்த, சோனியா குடும்ப வாரிசோ, வெங்காயம், தயிறு என்று, ம்ஸரூம் பிரியாணி சமைக்கிறார்.... யூடியூபில்... 🤦‍♂️

Edited by Nathamuni
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • சுவியர்... உண்மைதான். இப்படியான பிரச்சினைகள்... மேலை நாடுகளில் இல்லாத படியால், அவர்கள் மேலும் முன்னேறிக் கொண்டு இருக்கின்றார்கள். நம்ம ஊரிலை... "தடி எடுத்தவன்" எல்லாம் தண்டல்காரன் என்ற மாதிரி...  அரசியல் வாதி, இராணுவம், காவல் துறை, தொல் பொருள் திணைக்களம், பிக்குமார் என்று.... ஒவ்வொருவரும்... தாங்கள் நினைத்த காரியத்தை செய்து கொண்டிருந்தால்... பொதுமக்கள்... தாங்கள்  செய்யுற வேலையை விட்டுட்டு  இவங்களுடன், மல்லுக் கட்டிக் கொண்டிருக்கவே... அவர்களின் சக்தி எல்லாம் வீணாகின்றது. 
    • அருமையான கலைஞன் ஆழ்ந்த இரங்கல்கள்.......!
    • திராவிடம் - தலித் - “நீல சங்கி”: ஒரு புரிதல் ஆர். அபிலாஷ்         “கர்ணன்” படத்தை ஒட்டிய உணர்ச்சி கொந்தளிப்புகள் முடியட்டும், அதன் பிறகு திராவிட ஆதரவாளர்களில் சிலர் ஏன் தொடர்ந்து தலித் படைப்பாளிகள், சிந்தனையாளர்களை நீல சங்கிகள் என பழிக்கிறார்கள் எனக் கேட்கலாம் எனக் காத்திருந்தேன். இந்த விவாதம், சர்ச்சை புதியது அல்ல.    அம்பேத்கரின் மூலப்பிரதிகளை படித்தவர்கள் ஒரு விசயத்தை கவனித்திருப்பார்கள் - அவர் தலித்துகளின் விடுதலையை அரசியல் பிரதிநுத்துவம் சார்ந்து மட்டும் காணவில்லை. அதாவது ஒரு தொகுதியில் வேட்பாளராக தலித் ஒருவர் நிறுத்தப்பட்டாலோ, பொருளாதார முதலீடு அவர்களிடம் சென்றாலோ மட்டும் போதும் என அவர் கருதவில்லை. மாறாக, அவர் இந்து மதத்தில் இருந்தே விடுதலை வேண்டும் என்றார். சாதி எப்படி தோன்றியிருக்கக் கூடும் எனக் கேள்வியெழுப்பும் அவர் சிறிய இனக்குழுக்களாக மக்கள் வாழ்ந்திருந்த போது அவர்களிடம் சாதி உணர்வு, வரலாற்றின் ஏதோ ஒரு கட்டத்தில் ஒரு சாதி சுயசாதி மணங்கள் மட்டுமே நடக்க வேண்டும் என கதவை மூடிய போது தான் சாதி அமைப்பு வலுப்பெற்றிருக்க வேண்டும் என்கிறார். பிராமணர்களையே அவர் அந்த கதவடைத்த சமூகமாக அடையாளப்படுத்துகிறார்.  அடுத்து சமூக அரசியல் பொருளாதார ஆற்றலே சாதி அதிகாரமாகிறது எனப் புரிந்திருந்த அம்பேத்கர் தலித்துகள் ஏன் நான்கு வர்ணங்களுக்கு வெளியே நிறுத்தப்பட்டார் எனக் கேட்கிறார் (“சூத்திரர்கள் என்பவர்கள் யார்?”). தலித்துகள் என்பவர்கள் ஒரு காலத்தில் பூர்வ பௌத்தர்கள். இவர்கள் எப்படி இந்து மதத்துக்குள் வந்து தீண்டத்தகாதவர்களாக ஆனார்கள் என அவர் விசாரணை மேற்கொள்கிறார். பண்டைய இந்தியாவில் ஆரியத் தலைமையின் கீழ் இந்து சாம்ராஜ்ஜியங்கள் தோன்றி பௌத்த அரசமைப்புகளை முறியடித்தனர், போரில் நிலத்தையும் அதிகாரத்தையும் இழந்த பூர்வ பௌத்தர்களையும் ஊருக்கு வெளியே தங்க செய்தனர், அவர்கள் மாட்டுத்தோல் பொருட்களை வைத்து தொழில் செய்வதால் அதைத் தீட்டாகக் கருதி அவர்களை ஒதுக்கி வைத்தனர் எனக் கூறும் அம்பேத்கர் வரலாற்றில் பிராமண-தலித் முரண் குறித்து இரு சுவாரஸ்யமான தகவல்களைத் தருகிறார்:  1) கணிசமான பிற்படுத்தப்பட்ட சாதியினர் பிராமண பூசாரிகளை தமது சமய சடங்குகள் செய்ய கோருகிற, அவர்களை சார்ந்திருக்கிற நிலை ஏற்பட்ட பின்னரும் தலித்துகள் தொடர்ந்து இதை தவிர்த்தே வந்திருக்கிறார்கள் என மகாராஷ்டிரிய சூழலை வைத்து உதாரணம் தருகிறார். அங்குள்ள தலித்துகள் இடையே நிலவிய பிராமண விரோத சொல்லாடல்களை குறிப்பிட்டு வரலாற்றினூடே பிராமண-தலித் விரோதம் மறக்கப்படாமலே இருந்து வந்துள்ளது என்கிறார். பழைய சமஸ்கிருத நாடகங்களில் பௌத்தர்கள் பகடி செய்யப்பட்டும் துவேஷிக்கப்பட்டும் வந்துள்ளதற்கு மேற்கோள் காட்டி பிராமணர்களும் தலித்துகளை சுலபத்தில் மன்னித்து விடவில்லை என்கிறார். அதனாலே நான்கு வர்ணங்களுக்கு அவர்களுக்கு இடமளிக்காமல் வெளியேற்றினர், கோயிலை மையமிட்ட கிராமங்களின் அமைப்பும் அவ்வாறே தலித் சேரிகளை புறத்தே தோன்றச் செய்தனர் என்கிறார்.  இந்த போக்கு பிராமண-தலித் மோதல் போக்கு கலாச்சார தளத்தில், தொன்ம நினைவின் சரடில் இன்னும் தொடர்கிறது என்பதே அவருடைய நம்பிக்கை.  2) அடுத்து, மாட்டுத்தோல், மாட்டுக்கறி தீட்டு. ஏன் தலித்துகள் செத்த நாட்டுடன் அடையாளப்படுத்தப்படுகிறார்கள்? மாடுகளை உண்ணும் போக்கு ஆதிகால பிராமணர்களிடமே பிரதானமாக இருந்தது எனச் சொல்லும் அம்பேத்கர், இதற்கு வேதங்களில் இருந்து பல மேற்கோள்களைக் காட்டி நிரூபித்து விட்டு, பௌத்தத்தின் எழுச்சிக்குப் பின்பு புலால் உண்ணாமை ஒரு முக்கிய விழுமியமாக கொண்டாடப்பட்டதால் பிராமணர்கள் மீது மக்கள் இடையே வெறுப்புணர்வு அதிகரித்தது என்கிறார். இதை உணர்ந்த பிராமணர்கள் தம்மை மறுகட்டமைப்பு செய்யும் நோக்கத்துடன் புலால் உண்ணாமையை தமது வாழ்க்கைப் பழக்கமாக, கொள்கையாகவே மாற்றிக் கொண்டனர். ஆகையால், பின்னர் பிராமணர்கள் பௌத்த அரசமைப்புகளை முறியடித்து பூர்வ பௌத்தர்களை பழிவாங்கும் நோக்கில் அவர்களை நகரத்துக்கு வெளியே குடியமர்த்தினர். மாட்டுத் தோல், மாட்டுக்கறியுடன் இயைந்து வாழும் நிலையை ஏற்படுத்தினர் எனக் கூறுகிறார்.    இதன் பின்னணியிலே நாம் அம்பேத்கர்  பௌத்ததுக்கு மதம் மாறிய, தலித்துகள் சாதிய அமைப்பில் இருந்து வெளியே பௌத்தத்துக்கு மாற வேண்டும் எனக் கோரிய நிகழ்வைப் பார்க்க வேண்டும். (அயோத்திதாசர் இதையே தமிழ் நிலத்தின், வரலாற்றின், மொழியின் பின்புலத்தில் சொல்லுகிறார் என்பதைப் பார்க்கும் போது இந்த பார்வை அக்காலத்தில் வலுவாக ஒடுக்கப்பட்ட மக்களிடம் இருந்தது எனத் தெரிகிறது.) அம்பேத்கர் ஜெயந்தியை ஒட்டி சன் நியூஸ் சேனலில் நடந்த விவாதத்தில் பேசிய அ. முத்துக்கிருஷ்ணன் அம்பேத்கர் தலித்துகளும் பிற்படுத்தப்ப்பட்ட சாதியினரும் (தலித்-பகுஜன்) ஒன்றிணைந்து சாதி ஒடுக்குமுறைக்கு எதிராகப் போராட வேண்டும் என தொடர்ந்து வற்புறுத்தினார் என்றும், பிற்காலத்தில் இந்த இரு தரப்பினருக்கும் இடையே பிளவு ஏற்படும்படி சில சக்திகள் செயல்பட்டன, அவர்களே கல்வியிலும் பிற உரையாடல்களிலும் அம்பேத்கரை தம்முடைய தேவைக்கேற்ப மாற்றி முன்வைக்க முயன்றனர் என்று சொன்னதை நினைவுபடுத்த விரும்புகிறேன்.   தமிழில் தொண்ணூறுகளில் தலித் இயக்கம் அறிவுப்புலத்திலும் அரசியலிலும் எழுச்சி பெற்றது. அப்போது தலித்துகளின் அதிகார பிரதிநுத்துவம் சார்ந்த உரையாடல்கள் வலுப்பெற்றன. குறிப்பாக அரசியலில், இலக்கியத்தில், கலைகளில் தலித்துகள் எப்படி பிரதிநுத்துவம் பெற்றிருக்கிறார்கள், அவர்களுக்கு என agency உண்டா எனும் கேள்விகள் எழுந்தன. பெரியார், திராவிட சிந்தனை, திராவிட இயக்கம், திராவிட கட்சிகள் சார்ந்து அதிருப்திகள் தோன்றின. அதே நேரத்தில் ரவிக்குமார் உள்ளிட்ட அறிவுஜீவிகள் பெரியாரை நிராகரித்தராக சொல்ல முடியாது - அவர்கள் பெரியாரியத்தை செரித்துக் கொண்டு தலித் விடுதலை இயக்கத்தை முன்னெடுக்க தலைப்பட்டனர். அப்போது பதிப்பில் வெளியான அயோத்திதாசர் சிந்தனைகள், அவரைக் குறித்து எழுந்த தீவிரமான விவாதங்கள் அப்போதிருந்த திராவிட மரபின் ஆரிய எதிர்ப்பு + சுதந்திரவாத அனார்க்கிச சமூகநீதி சிந்தனைகளுக்கு ஒரு முற்றிலும் மாற்றான புதிய பரிமாணத்தை (இந்து ஆரியம் vs தமிழ் பௌத்தம்) அளித்தன.     இங்கு சாதியின் அடிவேரை ஆரிய மதத்தில் கண்டடைந்து அதை அறுக்க வேண்டும் எனும் அம்பேத்கரின் நோக்கம் பின்னடைவை பெற்று, இந்து மதத்துக்குள்ளாகவும் ஜனநாயக கட்டமைப்பிலும் போதுமான கலாச்சார, பொருளாதார, அரசியல் பிரதிநுத்துவம் பெற்றால் போதும் எனும் எண்ணம் தலித்துகளில் ஒரு தரப்பினரிடம் வலுப்பெற்றதை நாம் கவனிக்க வேண்டும். இந்த சமயத்தில் தான் திராவிடக் கட்சிகள் தலித்துகளை புறக்கணிக்கின்றன, அவர்களுடைய பிரதிநிதிகளாக தம்மைக் கருதுகிறார்கள், ஏதோ பிச்சையிடுவதைப் போல எண்ணி பெருமை கொள்கிறார்கள், உண்மையில் தலித்துகளின் விரோதிகளாக, ஒடுக்குமுறையாளர்களே திராவிட மத்திய சாதியினரே இருக்கிறார்கள் எனும் பேச்சும் தமிழில் வலுப்பெற்றது. இதற்கு மேலும் வலுசேர்க்கும் விதமாக தொண்ணூறுகளுக்குப் பிறகே மத்திய சாதிகளிடம் இருந்து தலித்துகள் மீது வன்முறைகள் அதிகமாயின - ஏனென்றால் அவர்கள் இப்போது நேரடியாக எதிர்த்து நிற்கத் தொடங்கினர். சில மத்திய சாதிக் கட்சிகளுக்கு இந்த தாக்குதல், வன்முறை, கலவரம் ஆகியவை தமது சாதியினரை திராவிட கட்சிகளிடம் இருந்து திசைதிருப்பி ஒரு வாக்குவங்கியாக மாற்ற உதவியது. இப்படி சாதிய பிளவுகள், மோதல்கள், அடையாளத் தேடல்கள் முழுக்க முழுக்க நடைமுறை அரசியலாகின.  இந்த காலகட்டத்தில் தான் கதைகளில், சினிமாவில் சாதியம் எப்படி செயல்படுகிற என்கிற ஆய்வுகளும் தீவிரமாயின - இவை பார்ப்பனியத்தை விடுத்து மத்திய சாதிகள் தலித்துகள் மீது காட்டும் துவேஷம் குறித்து திரும்பின. அதே நேரம், விடுதலை சிறுத்தைகள் கட்சி நான் ஏற்கனவே குறிப்பிட்ட சாதி எதிர்ப்பு ஆய்வுப் பின்னணியில் இருந்து விடுபடாமல் அம்பேத்கர், பெரியார் இருவரையும் பயன்படுத்தி தமது அரசியல் சித்தாந்த்ததை வலுப்படுத்தி முன்வைத்தது. இதுவே இன்றும் வெறும் அரசியல் பிரதிநுத்துவமாக சாதி விடுதலை பார்க்கப்படாமல் தொலைநோக்குப் பார்வையுடன் தலித் அரசியல் இங்கு செயல்பட உதவுகிறது.   திராவிட தரப்பினரிடமிருந்து தலித்துகள் பார்ப்பனர்களிடம் ஒரு நட்பை பாராட்டி, விமர்சனங்கள் விசயத்தில் மென்போக்கை கடைபிடிக்கிறார்கள் எனும் குற்றச்சாட்டு இங்கு இரு பத்தாண்டுகளாகவே இருந்து வருகிறது. ஆனால் இது தலித் விமர்சகர்களில் ஒரு சிறு பகுதியினரின் போக்கு மட்டுமே என்பதை நாம் கவனிக்க வேண்டும். அதற்கான நியாயமும் அவர்களுக்கு உள்ளது - நடப்புலகில் அவர்களுடைய எழுச்சிக்கு, சம உரிமைக்கு பெரும் தடையாக உள்ளது பிராமணர்களின் இருப்பு அல்ல, மத்திய சாதியினரின் அதிகார அரசியலும் வன்முறையும் தான். இன்னொரு பக்கம் திராவிட கட்சிகள் தலித்துகளுக்கு தலைமையில் போதுமான இடத்தையும் அளிக்கவில்லை - சிறுபான்மை மத்திய சாதிகளுக்கு போதுமான பிரதிநுத்துவம் அங்கு உண்டு எனும் போது இது ஒரு எண்ணிக்கை சம்மந்தப்பட்ட பிரச்சனை மட்டுமல்ல எனப் புரிகிறது.  இந்த பிரச்சனை அதிமுகவிடம் ஏன் தலித்துகளுக்கு வருவதில்லை என்றால் என்னுடைய புரிதல் படி அதிமுக ஒரு தனிநபர் மைய, சினிமா கவர்ச்சிக் கட்சி மட்டுமே, அதற்கென தனி சித்தாந்தமோ, கொள்கையோ இருந்ததில்லை, சமூகநீதியை திமுக அளவுக்கு அதிமுகவினர் முன்னெடுப்பதும் இல்லை. ஆகையால் அடித்தாலும் பிடித்தாலும் திமுக தான்.  அண்மையில் எழுத்தாளரும் எம்.பியுமான ரவிக்குமாரின் பேட்டி ஒன்றைப் பார்த்தேன் (தமிழ்க் கேள்வி - செந்தில் வேல்); அதில் அவரிடம் “ஏன் திருமா ஒரு தமிழர் தலைவராக பார்க்கப்ப்படுவதில்லை?” எனும் கேள்வி எழுப்பப்பட்டது. “முன்பு அம்பேத்கருக்கு நடந்ததே இப்போது திருமாவுக்கும் நடக்கிறது, அவரை நாம் ஒரு குறிப்பிட்ட சாதியினரின் தலைவராக மட்டுமே பார்க்க விரும்புகிறோம். இது வருத்தத்துக்கு உரியது.” என்றார் ரவிக்குமார். சீமானை யாரும் நாடார்களின் தலைவராக காண்பதில்லை. அதற்கு முன்பு விஜயகாந்துக்கோ இப்போது கமலுக்கோ அது நடப்பதில்லை. அவர்கள் அனைத்து சாதியினருக்கும் பொதுவானவராக இருக்கும் போது திருமா ஏன் அப்படி இல்லை? இது நியாயமாக ஒரு பகுதி தலித்துகளுக்கு கடும் கோபத்தை ஏற்படுத்துகிறது. இது நியாயமானதே. திமுக-காங்கிரஸ்-விசிக கூட்டணி இந்த அநீதியை விரைவில் சரி செய்ய வேண்டும்.   இங்கிருந்து நாம் அந்த “நீல சங்கி” எனும் பழிச்சொல்லுக்கு வருவோம். அது நியாயமானதா? நிச்சயமாக இல்லை. எல்லா சாதிகளில், மதங்களில் - கிறித்துவர்கள், இஸ்லாமியர் - இருந்தும் மக்கள் சனாதனத்துக்கும் இந்துத்துவாவுக்கும் ஆதரவளிக்கிறார்கள். ஏனென்றால் அது தருகிற அரசியல் பிரதிநுத்துவம், அதிகாரம் அவர்களுக்கு இப்போது தேவைப்படுகிறது. தொலைநோக்கில் இது மீண்டும் அவர்களை சாதி, மதவாரியாக பிரித்து அடிமையாக்கி அம்பேத்கர் தோன்றிய காலத்துக்கு வெகுபின்னால் தள்ளி விடும் என்றாலும் இப்போதைக்கு அவர்கள் இதை பயன்படுத்தலாம் எனக் கருதுகிறார்கள். நாம் இந்துத்துவ இஸ்லாமியரை “பச்சை சங்கி” என்றோ இந்துத்துவ கிறித்துவர்களை “சிலுவை சங்கி” என்றுமே சொல்லுவதில்லை. ஏன் ஒரு தலித்துகளுக்கு மட்டும் இந்த அவப்பெயர்? நாளை திமுகவினர் சிலர் இந்துத்துவாவுக்கு ஆதரவளித்தால் அவர்களை “திராவிட சங்கி” என்பீர்களா? அம்பேத்கர் காந்திக்கு எதிரான கடுமையான நிலைப்பாட்டை எடுத்த கட்டத்திலும் கூட காந்தியத்துக்கு ஆதரவாக நின்ற தலித்துகள் உண்டு. அதன் பின்னும் இருந்தார்கள். அவர்களை எப்படி அழைப்பது?   யாரையும் நாம் ஒரு அடைப்புக்குறிக்குள் அடைக்கலாகாது. சிலர் சந்தர்ப்பவசமாக ஒரு நிலைப்பாடு எடுப்பார்கள், சிலர் சந்தர்ப்பவாதிகளாக ஒரு அரசியலை பேசுவார்கள். சிலர் தற்காலிக நோக்கத்துடன் தம்மளவில் நியாயமான காரணங்களுடன் செயல்படுவார்கள். எப்படி வெளிப்படையான திராவிட ஆதரவை எடுக்கிற தலித் செயல்பாட்டாளர்கள், எழுத்தாளர்கள் (இமையம், அழகிய பெரியவன், கௌதம சன்னா) உண்டோ, எப்படி இடதுசாரி பின்னணியில் இருந்து அம்பேத்கரையும் பெரியாரையும் இணைத்து சிந்திக்கிறவர்கள் உண்டோ (அ. முத்துக்கிருஷ்ணன்) அப்படியே இன்னொரு தரப்பும் திராவிடத்துடன் உடன்படாமல், இந்துத்துவாவுடன் நேரடியாக உரசாமல் இருப்பார்கள். ஆனால் சாதி விடுதலை அல்லது சமத்துவம் எனும் நோக்கில் அனைவரும் ஒன்று தான். இதைப் புரிந்து கொண்டு விமர்சனங்களில் ஈடுபடுவது அவசியம்.  நீல சங்கி போன்ற பயன்பாடுகள் மத்திய சாதி சூத்திரர்களுக்கும் தலித்துகளுக்குமான பிளவை இன்னும் அதிகப்படுத்தி விடும். பார்ப்பனியத்துக்கு எதிராக பகுஜன்களும் தலித்துகளும் இணைந்து செயல்படுவது, இந்து மதத்தில் இருந்து பெருவாரியான மக்களை வெளியேற செய்து, இயன்றால் “கடவுளை”, “பிரம்மத்தை” இந்து மரபில் இருந்து வெளியேற்றி அம்மதத்தையும் காப்பாற்றுவது, அத்வைதத்தை முறியடிப்பது, பௌத்தத்தை மீட்டெடுப்பது ஆகிய காரியங்களை செய்ய வேண்டும். அரசியல் கட்சிகளின் புலத்திலும் இடமற்றவர்களுக்கு அவர்களுக்கான இடத்தை அளிப்பது அவசியம். ஏனென்றால் சாதீய ஒடுக்குமுறை தலித்துகளுக்கு மட்டுமான பிரத்யேகப் பிரச்சனை அல்ல - White Tiger நாவலில் சொல்லப்படுவது போல இந்த இந்திய சாதீய சமூக அமைப்பு எனும் பல அடுக்கு கோழிக்கூண்டில் நீங்கள் கீழே இருக்கும் ஒருவர் மீது பீ பெய்தால் மேலே இருந்தால் ஒருவர் உங்கள் மீதும் கழிந்தபடி இருப்பார். எல்லாரும் பீக்கடலுக்குள் இருந்து கொண்டிருக்கும் போது இதில் யாரும் மேல் கீழ் இல்லை.   http://thiruttusavi.blogspot.com/2021/04/blog-post_16.html
    • நீங்கள் கவனித்து பார்த்தால் தெரியும் சமீபகாலமாக இந்திய இலங்கை அரசாங்கங்கள் குறிப்பாக தமிழ் மக்களின் அன்றாட வாழ்வியல்களை குழப்புவதே நோக்கமாக கொண்டிருக்கின்றன.பெயர்கள் மாற்றுவது,சிலைகள் வைப்பது, இருக்கிற சிலைகளை அகற்றுவது என்று தேவையோ தேவை இல்லையோ ஏதாவதொரு பிரசினைகளை ஆங்காங்கே உருவாக்கிக் கொண்டு இருக்கின்றன.மக்களின் நிம்மதியை குலைப்பதும், வேறுபக்கம் சிந்தனைகளை செய்ய விடாமல் தடுப்பதையும் தவிர வேறு என்னவாக இருக்க முடியும்.....!
    • இந்தக் கொரோனாவும்.... பெரிய விளையாட்டு காட்டுது. முதலில் சீன  வைரசில் ஆரம்பித்து...  ஆபிரிக்க, இங்கிலாந்து, இந்திய வைரஸ் என்று வந்து நிக்குது. 
×
×
  • Create New...

Important Information

By using this site, you agree to our Terms of Use.