நான் அரசியலை விட்டு ஒதுங்குகிறேன்!’ - சசிகலா

[பிழம்பு 383]

சசிகலா

`புரட்சித் தலைவியின் அன்பு தொண்டர்களுக்கும் தமிழக மக்களுக்கும் நான் என்றென்றும் நன்றியுடன் இருப்பேன்’ - சசிகலா

தமிழகத்தில் தேர்தல் களம் சூடுபிடித்திருக்கும் நிலையில் சசிகலா, தான் அரசியலை விட்டு ஒதுங்குவதாக அறிவித்திருக்கிறார். இது தொடர்பாக அவர் வெளியிட்டிருக்கும் அறிக்கையில், ``நான் என்றும் வணங்கும் என் அக்கா புரட்சித்தலைவியின் எண்ணத்திற்கு இணங்க அவர் கூறியபடி இன்னும் நூறு ஆண்டுகளுக்கும் மேலாக தமிழகத்தில் புரட்சித்தலைவர் மற்றும் இதய தெய்வம் புரட்சித் தலைவி அம்மா அவர்கள் ஆட்சி தொடர, ஒரு தாய் வயிற்றுப் பிள்ளைகளாக அம்மாவின் உண்மை தொண்டர்கள் அனைவரும் ஒருங்கிணைந்து ஒற்றுமையுடன் வரும் தேர்தலில் பணியாற்ற வேண்டும்.

நம்முடைய பொது எதிரி தீயசக்தி என்று அம்மா நமக்கு காட்டிய தி.மு.கவை ஆட்சியில் அமர விடாமல் தடுத்து, விவேகமாக இருந்து அம்மாவின் பொற்கால ஆட்சி தமிழகத்தில் நிலவிட அம்மாவின் தொண்டர்கள் பாடுபட வேண்டும்.

 

சசிகலா, தினகரன்

என் மீது அன்பும் அக்கறையும் காட்டிய அம்மாவின் உண்மை தொண்டர்களுக்கும் நல்ல உள்ளங்கள் அனைவருக்கும் என் உளப்பூர்வமான நன்றிகள்.

அம்மா அவர்கள் உயிருடன் இருந்தபோது, எப்படி அவர் எண்ணத்தை செயல்படுத்தும் சகோதரியாக இருந்தேனோ அவர் மறைந்த பிறகும் அப்படித்தான் இருக்கிறேன். நான் என்றும் பதவிக்காகவும் பணத்திற்காகவும் அதிகாரத்திற்காகவும் ஆசைப்பட்டதில்லை. புரட்சித் தலைவியின் அன்பு தொண்டர்களுக்கும் தமிழக மக்களுக்கும் நான் என்றென்றும் நன்றியுடன் இருப்பேன்.

•  

சசிகலா அறிக்கை

 

 

TAGS

 

நான் அரசியலை விட்டு ஒதுங்கி இருந்து அம்மாவின் பொற்கால ஆட்சி அமைய நான் என்றும் தெய்வமாக வணங்கும் அக்கா புரட்சித்தலைவி இடமும் எல்லாம் வல்ல இறைவனிடமும் பிரார்த்தனை செய்துகொண்டே இருப்பேன்.

அன்புடன் வி.கே சசிகலா” எனக் குறிப்பிட்டுள்ளார்.

`நான் அரசியலை விட்டு ஒதுங்குகிறேன்!’ - சசிகலா அறிவிப்பு | sasikala says, she will exit from politics (vikatan.com)

 

Edited March 3 by பிழம்பு
Correction

[பிழம்பு 383]

ஜெயலலிதாவின் தோழி வி.கே. சசிகலா அறிக்கை - 'அரசியலை விட்டு விலகுகிறேன்'

அரசியலைவிட்டு ஒதுங்கிவிடுவதாகவும் தி.மு.கவின் ஆட்சி அமையவிடாமல் தடுக்க தொண்டர்கள் பாடுபட வேண்டுமென்றும் ஜெயலலிதாவின் தோழி வி.கே. சசிகலா கூறியுள்ளார்.

இது தொடர்பாக அறிக்கைவிடுத்துள்ள அவர், ஜெயலலிதாவின் பொற்கால ஆட்சி தொடர அவரது உண்மைத் தொண்டர்கள் அனைவரும் ஒருங்கிணைந்து ஒற்றுமையுடன் வரும் தேர்தலில் பணியாற்றிட வேண்டும்.

நம்முடைய பொது எதிரி என ஜெயலலிதா அடையாளம் காட்டிய தி.மு.கவை ஆட்சியில் அமரவிடாமல் தடுத்து விவேகமாக இருந்து ஜெயலலிதாவின் பொற்கால ஆட்சி தமிழகத்தில் நிலவிட தொண்டர்கள் பாடுபட வேண்டும்.

என் மீது அன்பும் அக்கறையும் காட்டிய உண்மைத் தொண்டர்களுக்கும் நல்ல உள்ளங்களுக்கும் நன்றி. ஜெயலலிதா இருந்தபோது எப்படி அவரது எண்ணத்தைச் செயல்படுத்தும் சகோதரியாக இருந்தேனோ, அவர் மறைந்த பிறகும் அப்படித்தான் இருக்கிறேன்.

நான் என்றும் பதவிக்கோ, பட்டத்திற்கோ, அதிகாரத்திற்கோ ஆசைப்பட்டதில்லை. ஜெயலலிதாவின் அன்புத் தொண்டர்களுக்கும் தமிழக மக்களுக்கும் என்றும் நான் நன்றியுடன் இருப்பேன்.

நான் அரசியலைவிட்டு ஒதுங்கி இருந்து ஜெயலலிதாவின் ஆட்சி அமைய பிரார்த்தனை செய்வேன்" என்று கூறியிருக்கிறார்.

டிடிவி தினகரன் துவங்கிய அ.ம.மு.க. அதி.மு.கவுடன் இணையுமா என பேச்சுவார்த்தைகள் நடந்துவந்த நிலையில், சசிகலாவின் இந்த அறிவிப்பு வெளியாகியுள்ளது.

"துவக்கத்திலிருந்தே அவருக்கு விருப்பமில்லை" - டி.டி.வி. தினகரன்

சசிகலாவின் அறிக்கை வெளியான பிறகு, அம்மா மக்கள் முன்னேற்றக் கழகத்தின் பொதுச் செயலாளர் டி.டி.வி. தினகரன் செய்தியாளர்களைச் சந்தித்தார். எல்லோரும் ஒன்றாக இணைந்து செயல்பட வேண்டும் என்பதற்காக வி.கே. சசிகலா ஒதுங்கியருப்பதாகத் தெரிவித்தார்.

பட மூலாதாரம்,TTV DINAKARAN TWITTER PAGE

"துவக்கத்திலிருந்தே பதவியேற்பதில் அவருக்கு விருப்பமில்லை. ஆனால், தொடர்ந்து வலியுறுத்தியதால் பிறகு ஏற்றுக்கொண்டார். அதற்குப் பிறகு உச்ச நீதிமன்ற தீர்ப்பு வெளிவந்தது. அப்போதுதான், தற்போதைய முதல்வரைத் தேர்வுசெய்து ஆட்சி செய்ய அனுமதித்தார். சிறையிலிருந்து வெளிவரும்போதுகூட அவருக்கு அரசியலில் ஈடுபடும் எண்ணமில்லை. ஆனால், தீவிர அரசியலில் ஈடுபடுவேன் என்று சொன்னாரே என்று நீங்கள் கேட்கலாம். அப்படிச் சொன்னாலாவது எல்லோரும் ஒற்றுமையாக இருப்பார்கள் என நினைத்திருக்கலாம். ஆனால், ஒரு மாதமான நிலையிலும் ஏதும் நடக்கவில்லை. ஆகவே நான் ஒதுங்கியருந்தால்தான் எல்லோரும் ஒற்றுமையாவீர்கள் என சொல்லி இப்போது ஒதுங்கியிருக்கிறார்" என்றார் தினகரன்.

அ.தி.மு.கவின் பொதுச் செயலாளராக இருந்த தன்னை நீக்கியது செல்லாது என்று தொடர்ந்த வழக்கைப் பொறுத்தவரை, அவர் அரசியலை விட்டே விலகுவதாகச் சொல்லிவிட்ட நிலையில் எல்லாவித உரிமைகோரல்களையும் விட்டுவிட்டார் என்றுதான் அர்த்தம் என்று தெரிவித்தார் தினகரன்.

"அ.தி.மு.கவின் தன்னைச் சேர்ப்பேன், சேர்க்க மாட்டேன் என பலரும் பேசுவதால், தான் பேசு பொருளாக இருப்பதை அவர் விரும்பவில்லை. அதனால்தான் விலகியிருந்து அம்மாவின் பொற்கால ஆட்சி அமைய பிரார்த்தனை செய்வேன் என்று சொல்லியிருக்கிறார். எங்களைக் கட்சியைவிட்டு விலக்கிவிட்டதால்தான் புதிதாக ஒரு கட்சியை ஆரம்பிக்க வேண்டியதாயிற்று. எங்கள் தலைமையில்தான் கூட்டணி அமையும். சசிகலாவை மையமாக வைத்து கட்சியை மீட்போம் என ஒருபோதும் சொல்லவில்லை. சசிகலா சிறையிலிருக்கும்போது கட்சி ஆரம்பித்து, தேர்தலில் போட்டியிட்டோம். ஆகவே அவரை மையமாக வைத்து செயல்பட்டதாகச் சொல்ல முடியாது."

அம்மா மக்கள் முன்னேற்றக் கழகம் இனி என்ன ஆகுமெனக் கேட்டபோது, சசிகலாவின் அறிவிப்பிற்கும் அ.ம.மு.கவுக்கும் ஒரு தொடர்பும் இல்லை என்றார் தினகரன்.

அம்மாவின் பொற்கால ஆட்சி அமைய உதவுவோம் என சசிகலா சொல்லியிருக்கும் நிலையில், அது அ.தி.மு.க. வடிவில் அமையுமா அல்லது அ.ம.மு.க. வடிவில் அமையுமா எனக் கேட்டபோது, அ.ம.மு.க. தலைமையில்தான் அமையும் என்றார். ஆனால், அவரை தன் கட்சியில் சேரும்படி தான் வலியுறுத்த முடியாது என்றும் தெரிவித்தார்.

"இந்த அறிவிப்பு அ.ம.மு.க. தொண்டர்களுக்கு நிச்சயம் சோர்வை ஏற்படுத்தும். நானே சோர்வடைந்திருக்கிறேன். இம்மாதிரி அவர் நினைக்கிறார் என்று தெரிந்தவுடன் நேரில் வந்து அரை மணி நேரத்திற்கு மேல் பேசிப்பார்த்தேன். பிறகு மாலை வந்தபோது, தான் எழுதி வைத்திருந்த அறிக்கையைக் காண்பித்தார். ஏன் ஒதுங்குகிறீர்கள் என்று கேட்டேன். அவர் இதுதான் சரியான முடிவு என்றார். பிறகு என்ன செய்ய முடியும்? அவர் மனதில் பட்டதைத் தெரிவித்திருக்கிறார். இதற்குப் பிறகு அ.ம.மு.க. நிர்வாகிகளை அழைத்துப் பேசி என்ன செய்வதென முடிவெடுக்க வேண்டும். தேர்தலில் எங்களை தலைமையில் நிச்சயம் கூட்டணி அமையும். 1,300 பேர் வரை விருப்ப மனு கொடுத்திருக்கிறார்கள். பத்தாம் தேதிவரை விருப்ப மனுக்களைத் தாக்கல் செய்யலாம். பத்தாம் தேதி வேட்பாளர் பட்டியலை அறிவிப்போம். கூட்டணி முடிவானதும் எந்தெந்த கட்சியுடன் கூட்டணி என்பதை அறிவிப்போம்" என்றும் தினகரன் தெரிவித்திருக்கிறார்.

ஜெயலலிதாவின் தோழி வி.கே. சசிகலா அறிக்கை - 'அரசியலை விட்டு விலகுகிறேன்' - BBC News தமிழ்

[valavan 652]

சிஸ்டம் சரியில்ல, இப்போ மாற்றம் இல்லையெண்டால் எப்பவும் இல்லை எண்டு ரஜனி கிளம்பினார்.

ஆளைவிடுறா சாமி அரசியலே வேண்டாம் எண்டு ஓடிட்டார்.

கண்டிப்பா அரசியலில் ஈடுபடுவேன் என்று மூண்டு நாளுக்கு முதல்தான் சொன்னார்  சசிகலா.

இரண்டுநாள் முன்னம்தான் அமித்ஷா தமிழ்நாடு வந்துபோனார்.

இண்டைக்கு அரசியலே வேண்டாம் ஆளைவிடுங்க எண்டு சசிகலா ஓடி போறா.

சும்மா சொல்லகூடாது மோடி சலங்கை கட்டி ஆடுறார் . ஒரே வெருட்டுத்தான் போல கிடக்கு.

[Nathamuni 3,038]

6 minutes ago, valavan said:

சிஸ்டம் சரியில்ல, இப்போ மாற்றம் இல்லையெண்டால் எப்பவும் இல்லை எண்டு ரஜனி கிளம்பினார்.

ஆளைவிடுறா சாமி அரசியலே வேண்டாம் எண்டு ஓடிட்டார்.

கண்டிப்பா அரசியலில் ஈடுபடுவேன் என்று மூண்டு நாளுக்கு முதல்தான் சொன்னார்  சசிகலா.

இரண்டுநாள் முன்னம்தான் அமித்ஷா தமிழ்நாடு வந்துபோனார்.

இண்டைக்கு அரசியலே வேண்டாம் ஆளைவிடுங்க எண்டு சசிகலா ஓடி போறா.

சும்மா சொல்லகூடாது மோடி சலங்கை கட்டி ஆடுறார் . ஒரே வெருட்டுத்தான் போல கிடக்கு.

ஸ்டாலினுக்கும், திமுகவுக்கும், இருக்குது, பிஜேபியின் விளையாட்டு. திமுக வென்றால் கூட, ஒரு பிஜேபி உறுப்பினர் வந்தாலே, பிஜேபி அரசமைக்கும் அளவுக்கு, திமுக, அதிமுக mla கள், பாய்வார்கள்.

அடுத்து தமிழகத்தில் பிஜேபி அரசமைக்கும். 

செய்திருக்கும் ஊழலை வைத்து மடக்குவார்கள்.

துரைமுருகன், பொன்முடி, உதயநிதி, அவர் அப்பா, (தாத்தா), எடப்பாடி, பன்னீரு, வேலுமணி எல்லாரும், பிஜேபியிடம் மடங்குகிற அளவுக்கு ஊழல் செய்துள்ளனர்.

Edited March 3 by Nathamuni

[zuma 108]

4 minutes ago, Nathamuni said:

ஸ்டாலினுக்கும், திமுகவுக்கும், இருக்குது, பிஜேபியின் விளையாட்டு. திமுக வென்றால் கூட, ஒரு பிஜேபி உறுப்பினர் வந்தாலே, பிஜேபி அரசமைக்கும் அளவுக்கு, திமுக, அதிமுக mla கள், பாய்வார்கள்.

அடுத்து தமிழகத்தில் பிஜேபி அரசமைக்கும். 

 

எனது நாட்க்குறிப்பில் குறித்துக்கொள்ளுகின்றேன்.

[Nathamuni 3,038]

1 minute ago, zuma said:

எனது நாட்க்குறிப்பில் குறித்துக்கொள்ளுகின்றேன்.

யு ஆர் அண்டி இந்தியன் H ராஜா முதல்வர் என்று மட்டும் எழுதி வையாதீங்க..

வேற யாரு..... குஸ்பு ஆண்டி தான்...

  

[குமாரசாமி 10,094]

14 minutes ago, Nathamuni said:

வேற யாரு..... குஸ்பு ஆண்டி தான்...

அடுத்த அதற்கு அடுத்த ரமில்நாட்டு மொதல்வராய் வர குஷ்பு ஆண்டிக்கு சந்தர்ப்பம் இருக்கா சார்? 

[Nathamuni 3,038]

1 minute ago, குமாரசாமி said:

அடுத்த அதற்கு அடுத்த ரமில்நாட்டு மொதல்வராய் வர குஷ்பு ஆண்டிக்கு சந்தர்ப்பம் இருக்கா சார்? 

வடக்கத்தி ஆண்டி தானே.... இந்துவை கலியாணம் பண்ணி, இந்துவா இருக்கிறா,

இருக்காதே பின்ன?

[குமாரசாமி 10,094]

11 minutes ago, Nathamuni said:

வடக்கத்தி ஆண்டி தானே.... இந்துவை கலியாணம் பண்ணி, இந்துவா இருக்கிறா,

இருக்காதே பின்ன?

ஏனெண்டு தெரியேல்லை???? தமிழ் தமிழிச்சி எண்டால் கொஞ்ச சனத்துக்கு அலர்ஜி அலர்ஜியாய் வருது. ஆனால் வடக்கத்தி என்ன கேவலம் கேணைத்தனம் செய்தாலும் கோவில் கட்டி கும்பிடுறாங்க......ஏன் சார்????

[nunavilan 3,725]

அரசியலை விட்டு சசிகலா ஒதுங்கியதற்கு இதுதான் காரணம்: தினகரன் விளக்கம்

 

 

[புரட்சிகர தமிழ்தேசியன் 2,632]

ஓரளவுகாவது நேர்மை ( ? ) இருந்தால் ரெல்லியை எதிர்த்து போராடலாம் ..

1.Midas Golden Distilleries Private Limited
2. Lifemed Hospitals Private Limited
3. Royapettah Cardiac Centre Private Limited
4. A World Rock Private Limited
5. Curio Auto Mark Private Limited
6. Aviry Properties Private Limited
7. Signet Exports Private Limited
8. Fancy Steels Private Limited
9. Cottage Field Resorts Private Limited
10. Sri Jaya Finance And Investments Private Limited
11. Sri Hari Chandana Estates Private Limited
12. Jazz Cinemas Private Limited
13. Khazzana Finvest Private Limited
14. Rainbow Air Private Limited
15. Indo Doha Chemicals And Pharmaceuticals Limited
16. Satiate Building Promoters Private Limited
17. Jasons Golden Breweries Private Limited
18. Affluent Lands Developersprivate Limited
19. Dakshin Fruits And Vegetables Private Limited
20. Srijat Exports Private Limited
21. Afore Developer Private Limited
22. Aadjoin Developers Private Limited
23. Kentaa Steels Private Limited
24. Rainbow Air Private Limited
25. Subham Micro Finance Private Limited
26. Shri Jaya Investments Agency Limited
27. Brain Flower Innovations Private Limited
28. Ramraj Agro Mills Limited
29. Anjaneya Printers Private Limited
30. Jayaraaman Business Consultants Private Limited
31. Sukraa Club Private Limited
32. Maruti Transports Private Limited
33. Satiate Finance And Investments Private Limited
34. Satiate Building Promoters Private Limited
35. Jasons Golden Breweries Private Limited
36. Affluent Lands Developersprivate Limited
37. Dakshin Fruits And Vegetables Private Limited
38. Srijat Exports Private Limited
39. Afore Developer Private Limited
40. Lex Property Developments Private Limited
41. Array Land Developers Private Limited
42. Fancy Transports Private Limited
43. Aavignaa Agro Private Limited
44. Riverway Agro Products Private Limited
45. Signora Business Enterprises Private Limited
46. Meadow Agro Farms Private Limited
47. Industrial Minerals India Private Limited
48. Fancy Transports Private Limited
49. Apollo Textiles Private Limited
50. Riverway Agro Products Private Limited
51. Maruti Transports Private Limited
52. Aswathaasugars Distilleries Private Limited
53. Transworld Garnet India Private Limited
54. Shree Sanghvi Mills Private Limited
55. V V Titanium Pigments Private Limited
56. V V Network Private Limited
57. Ishwarya Azoics Limited
58. Edison Paints Limited
59. V V Renewable Energy Private Limited
60. Dhanalakshmi Srinivasan Sugars Private Limited
61. Pyramid Cements Private Limited
62. VV-Indbarath Infrastructure Limited
63. Ajax Media Tech Private Limited
64. Alliance Broadvasting Private Limited
65. Ayodhya Benefit Fund Limited
66. Hindustan Readymix Concrete Private Limited
67. Sands Enterprises Private Limited
68. Atmos Filters Private Limited
69. Environ Biowaste Systems India Private Limited
70. Eco Trees India Private Limited
71. V V Minerals Private Limited
72. V V Iron Amp Steel Company Private Limited
73. Q2q Solutions Private Limited
74. Spring Garnet India Private Limited
75. Opaque Mineral Resource Private Limited
76. V V Solar India Private Limited
77. Shri Nandhi Dhall Mills India Private Limited
78. Gnana Ganapathy Chits Private Limited
79.  Lakshmi Movie Makers India Limited
80. Goodyield Investments Private Limited
81.  Eminent Financial Services Limited
82. United Growth Chits Limited
83.
84. Wyse It Solutions Private Limited
85. Bells And Claps Media Private Limited
86. Sri Janardhana Credits Limited
87.  Sri Jay Chits India Private Limited
88. Emerald Engineering Private Limited
89. Kovai Biowaste Management Private Limited
90. Vijay Steel Agencies Private Limited
91. Welkyn Software Solutions Private Limited
92. Mayava Jewel Paradise Private Limited
93. Crystal Scans And Diagnostics Private Limited
94. Adhiev India Private Limited
95. H M C Fabrics Private Limited
96.  Adhiev Nanopv Private Limited
97. Shijiamoni Energy Ventures Private Limited
98. Adhiev Kodi Energy Private Limited
99. Kodiwin Hydro Power Private Limited
100. Guru Kodi Green Power Private Limited
101. Yk 5 Power Private Limited
102. Solacon Energy Park Private Limited
103. Nanopv Solar India Private Limited
104.  Nanopv Voltech Solar Private Limited
105. Mavis Satcom Limited
106. Muthu Pipes Private Limited
107. Sastry Nuts Plates Manufacturers Private Limited
108. Liberty High Scans Private Limited 

....

டிஸ்கி : 

இந்த பட்டியல் 2016 ல் எடுக்கபட்டது .. நிச்சயம் தற்போது வளர்ச்சி அடைந்து இருக்கும் .. அவர் இப்போ  "தனிமரம் " என்றாலும், ஜெ ஆட்சியை பயன்படுத்தி சொத்து சேர்த்த அவரின் உறவுகளே ரெல்லியை எதிர்க்க விட மாட்டார்கள்..

Edited March 4 by புரட்சிகர தமிழ்தேசியன்
பிழை திருத்தம்

[ரஞ்சித் 2,316]

9 hours ago, குமாரசாமி said:

ஏனெண்டு தெரியேல்லை???? தமிழ் தமிழிச்சி எண்டால் கொஞ்ச சனத்துக்கு அலர்ஜி அலர்ஜியாய் வருது. ஆனால் வடக்கத்தி என்ன கேவலம் கேணைத்தனம் செய்தாலும் கோவில் கட்டி கும்பிடுறாங்க......ஏன் சார்????

தோல் கலர் அப்பிடி அண்ணை!!!

[கிருபன் 4,405]

தற்காலிக விலகலா, நிரந்தர விலகலா... ஏன் இப்படிச் செய்தார் சசிகலா?

மின்னம்பலம்

ஒரே அறிக்கை, ஒட்டு மொத்தமாக தமிழக அரசியல் களத்தையே நேற்று உலுக்கிவிட்டது. சசிகலாவின் அரசியல் விலகல் அறிவிப்பு, ஆளும்கட்சி, எதிர்க்கட்சி, அமமுக என எல்லாத் தரப்பிலும் பெரும் அதிர்வலைகளை ஏற்படுத்தியிருக்கிறது. சசிகலா அரசியலில் இருந்து ஒதுங்கிக்கொள்ளும் மனநிலையில் இருக்கிறார் என்பதை கடந்த பிப்ரவரி 6 அன்றே மின்னம்பலத்தில் எழுதியிருந்தோம். சசிகலா நினைத்தபடி, அதிமுக–அமமுக இணைப்பு நடக்காமலே, இப்படியொரு முடிவை எடுப்பதற்கு என்ன காரணமென்பதுதான் யாருக்குமே விடை தெரியாத கேள்வியாகவுள்ளது. இதுபற்றியே விவாதங்கள் களை கட்டியிருக்கின்றன.

ஒரு மாதத்துக்கு முன்பு, ‘தீவிர அரசியலில் ஈடுபடுவேன்’ என்று சசிகலா சொன்னபோதே, ‘அவர் எப்போது அரசியலில் இருந்தார்’ என்ற கேள்விகள் எழுந்தன. இப்போது அரசியலில் இருந்து ஒதுங்குவதாக அறிவித்ததும் அதே பாணியிலான விமர்சனங்களும் எழுகின்றன. பாரதிய ஜனதாவின் மிரட்டலால்தான் இப்படியொரு முடிவை அவர் எடுத்திருக்கக்கூடுமென்றும் சமூக ஊடகங்களில் பலரும் கருத்துகளைப் பகிர்ந்து கொண்டனர். ஆனால் அவருடைய ‘அரசியல் விலகல்’ அறிக்கையின் பின்னணியில் இருப்பது மிகவும் இயல்பான காரணங்கள்தான் என்று அடித்துச்சொல்கிறார்கள் அவருடைய குடும்பத்தினர்.

சசிகலாவின் நடவடிக்கைகளையும் அவருடைய எண்ண ஓட்டங்களையும் அறிந்த அவருக்கு நெருக்கமான சிலரிடம் பேசியபோது அந்த இயல்பான காரணங்களை அவர்கள் விளக்கினர்....

‘‘பலரும் யூகிப்பதைப் போல சின்னம்மாவின் இந்த முடிவுக்கு யாருடைய நிர்ப்பந்தமும் அழுத்தமும் காரணமில்லை. உடல்ரீதியாகவும் மனரீதியாகவும் மிகவும் பலவீனமடைந்தே அவர் இந்த முடிவை எடுத்திருக்கிறார் என்பதுதான் உண்மை. சிறையிலிருக்கும்போதும், சிறையை விட்டு வெளியே வந்தபோதும் அதிமுகவில் தனக்கு மீண்டும் அதிகாரம் கிடைக்கவேண்டும் என்ற எண்ணத்தை விட, அதிமுக பலவீனமாகி, திமுக மீண்டும் பலமாகி ஆட்சியைப் பிடித்துவிடக்கூடாது என்ற எண்ணம்தான் அவரிடம் மேலோங்கி இருந்தது. அதற்குக் காரணம், அடிப்படையாகவே திமுக மீது அவருக்கு இருக்கும் வெறுப்பு. அவர் சிறைக்குப் போவதற்கு யார் யாரோ பின்னணியில் இருந்தனர் என்று பலர் பேசினாலும், தான் சிறைக்குப் போகவும், அம்மா மரணமடையவும் திமுக போட்ட வழக்குதான் காரணமென்பதில் அவர் தெளிவாக இருக்கிறார்.

தனக்கு நம்பிக்கைத் துரோகம் செய்தவர்கள் மீதான பகையை விட, அந்தப் பகை அவருடைய உள்ளத்தில் கனன்று எரிந்து கொண்டேயிருக்கிறது. வரும் தேர்தலிலும் திமுக தோற்கடிக்கப்பட வேண்டுமெனில், அதிமுக மேலும் பலம் பெற வேண்டுமென்றே நினைத்தார். அதற்கு அதிமுகவுடன் அமமுகவும் இணைய வேண்டுமென்று விரும்பினார். அந்தத் திட்டத்தைச் செயல்படுத்துவதற்கே, கட்சியில் அதிகாரத்தை எதிர்பார்த்தார். அதற்கு தன்னுடைய பலத்தை முழுமையாகக் காட்ட வேண்டுமென்று கருதினார். சிறையில் இருந்து தான் வெளியேறும்போது, பிரமாண்டமான வரவேற்பு தரும்படி ஏற்பாடு செய்யச்சொன்னதன் காரணமும் அதுதான். ஆனால் அது பெரிதாக பலன் கொடுக்கவில்லை.

தமிழகத்திற்குள் அவர் வரும் நாளில், 5 அமைச்சர்களும், கட்சியின் முக்கிய நிர்வாகிகள் சிலரும் அவரை வந்து பார்ப்பார்கள் என்று தகவல் கூறப்பட்டிருந்தது. ஒருவரும் வரவில்லை. தமிழகத்திற்கு வந்தபிறகும் யாரும் பார்க்கவரவில்லை. ஆட்சியின் கடைசி நாள் வரைக்கும் அதில் பலனடைய வேண்டுமென்பதால் யாரும் வரவில்லை என்றும், தேர்தல் தேதி அறிவித்துவிட்டால் வருவார்கள் என்றும் கூறப்பட்டது. அதுவும் நடக்கவில்லை. முதல்வர் பழனிசாமியையும் பன்னீரையும் வழிக்குக் கொண்டு வரவேண்டும் என்பதற்காக அவர் எடுத்த எந்த முயற்சிகளும் பலனளிக்கவே இல்லை. மற்றொரு புறத்தில் அமித்ஷாவை ஒரு வழியில் தொடர்பு கொண்டு, அதிமுக–அமமுக இணைப்பையும் அவர் வலியுறுத்திக் கொண்டிருந்தார். ஆனால் அமித்ஷா பேச்சையே அவர்கள் இருவரும் கேட்பதாக இல்லை.

அவர்களிருவருக்குமே சின்னம்மாவைச் சேர்த்துக்கொள்வதில் எந்தத் தயக்கமும் இல்லை; ஆனால் அவரை வைத்து தினகரன் மீண்டும் வந்தால் அது தங்கள் இருவரின் பதவிக்கும், அதிகாரத்துக்கும் ஆபத்தை ஏற்படுத்தும் என்பதில் இருவரும் ஒன்றுபட்ட கருத்தோடு இருந்தார்கள். அதையே அமித்ஷாவிடமும் தெளிவாகச் சொல்லிவிட்டார்கள். இப்போதைய நிலையில், அமித்ஷா சொல்வதைக் கேட்கும் நிலையில் எடப்பாடி பழனிசாமி இல்லை. பாரதிய ஜனதாவுக்கான சீட் ஒதுக்கீட்டில் அவர் கறார் காட்டுவதே அவருடைய கைதான் ஓங்கியிருப்பதைத் தெளிவாக்கிவிட்டது. அதனால் அந்த முயற்சியும் தோல்வியாகிவிட்டது. இப்படிப்பட்ட சூழ்நிலையில், வரும் தேர்தலில் அமமுகவை ஆதரிப்பதிலும் அவருக்கு உடன்பாடில்லை. அது பெரிய தாக்கத்தை ஏற்படுத்தாது என்றே அவர் கருதுகிறார். அதுமட்டுமின்றி, இரட்டை இலைக்கு எதிராக அவர் எந்த பிரசாரத்தையும் எப்போதுமே முன்னெடுக்கமாட்டார்.

தினகரனையே இந்தத் தேர்தலில் நிற்க வேண்டாமென்றுதான் அவர் அட்வைஸ் செய்திருக்கிறார். ஆனால் அதை தினகரன் கேட்பதற்கு வாய்ப்பிருப்பதாகத் தெரியவில்லை. ஏற்கனவே உடல்ரீதியாக பலவீனமாகயிருந்த சின்னம்மாவுக்கு அடுத்தடுத்த இந்த நிகழ்வுகளாலும், துரோகங்களாலும், நம்பியிருந்த பல விஷயங்கள் நடக்காததாலும் கடுமையான மனஉளைச்சலுக்கும் உள்ளாகிவிட்டார். இந்த சூழ்நிலையில், அமைச்சர் ஜெயக்குமார் நேற்று கொடுத்த பேட்டியில், ‘சசிகலாவைச் சேர்ப்பதற்கு நுாறு சதவீதம் வாய்ப்பே இல்லை; டெல்லியில் முதல்வர் சொன்னதில் எந்த மாற்றமும் இல்லை’ என்று அடித்துச் சொன்னது அவரை மொத்தமாக நொறுக்கிப் போட்டது. அதற்குப் பின்பே யாருடைய ஆலோசனையையும் கேட்காமல் இப்படியொரு அதிரடி முடிவை எடுத்து அந்த அறிக்கையை அவர் வெளியிட்டார். இது தேர்தலுக்கான தற்காலிக ஏற்பாடு என்று பலரும் பேசுகிறார்கள். தேர்தலில் அதிமுகவுக்கு ஏற்படும் முடிவைப் பொறுத்தே, தன்னுடைய முடிவை அவர் மாற்றுவாரா, அப்படியே ஒதுங்கிவிடுவாரா என்பது தெரியும்!’’ என்றார்கள்.

சசிகலாவின் ரீ என்ட்ரி தமிழக அரசியலில் பரபரப்பாக எதிர்பார்க்கப்பட்டது. ஆனால் யாரும் எதிர்பாராத வகையில் அவர் எடுத்துள்ள இந்த முடிவு, தேர்தலில் எந்தமாதிரியான தாக்கத்தை ஏற்படுத்தும் என்பதை இப்போதைக்குத் திட்டவட்டமாக யாராலும் கணிக்க இயலாது என்பதே நிதர்சனம். அதிமுக ஜெயித்தால் இனி அந்தக் கட்சியின் எந்தவொரு அத்தியாயத்திலும் அவர் பெயர் இடம் பெறாமலே போய்விடும் வாய்ப்பு அதிகம். ஒருவேளை தோற்றுவிட்டால் தன்னுடைய முடிவை அவர் பரிசீலிக்கவும், அவரை அரசியலுக்கு வரச்சொல்லி பலரும் வற்புறுத்தவும் வாய்ப்புண்டு என்று கருதுகிறார்கள் அவருடைய ஆதரவாளர்கள்.

தமிழகத்தின் எதிர்காலம் மட்டுமில்லை; சசிகலா, அதிமுகவின் எதிர்காலமும் வாக்காளர்கள் கையில்தான்!

 

https://minnambalam.com/politics/2021/03/04/23/sasikala-withdraw-from-politics-reason

 

[zuma 108]

3 hours ago, கிருபன் said:

தற்காலிக விலகலா, நிரந்தர விலகலா... ஏன் இப்படிச் செய்தார் சசிகலா?

 

ஆட்டுவித்தால் ஆரொருவர் ஆடா தாரே
    அடக்குவித்தால் ஆரொருவர் அடங்கா தாரே
ஓட்டுவித்தால் ஆரொருவர் ஓடா தாரே
    உருகு வித்தால் ஆரொருவர் உருகா தாரே
பாட்டுவித்தால் ஆரொருவர் பாடா தாரே
    பணிவித்தால் ஆரொருவர் பணியா தாரே
காட்டுவித்தால் ஆரொருவர் காணா தாரே
    காண்பாரார் கண்ணுதலாய் காட்டாக் காலே.

 

ரஜனி, சசிகலா, எடப்பாடி, ஓ.பிஸ்  எல்லோரையும் ஆட்டிவிப்பது ஒரே கரம் தான்.

Edited March 4 by zuma

[nunavilan 3,725]

காறி துப்புனாலும் கண்டுக்க மாட்டாங்க" | சசிகலா முடிவுக்கு பின் இருக்கும் ராஜதந்திரம் பண்டேய் பேட்டி

 

 

[குமாரசாமி 10,094]

17 hours ago, ரஞ்சித் said:

தோல் கலர் அப்பிடி அண்ணை!!!

கன இடங்களிலை தோல் கலர் முக்கியம்.