Jump to content

தமிழில்... கலந்துள்ள பிறமொழிச் சொற்கள்.


Recommended Posts

  • கருத்துக்கள உறவுகள்
Airmail Envelopes - International Correspondence Envelope | Fourfold
கடிதம் தமிழில்லையா ?
**
தமிழில் கலந்துள்ள பிறமொழிச் சொற்களில் ஆங்கிலச் சொற்களை எளிதாய் அடையாளம் கண்டுபிடித்துவிடலாம்.
 
“இப்ப டைம் என்ன ?” என்பதில் எது ஆங்கிலச் சொல் ? ‘டைம்’ என்பது ஆங்கிலச் சொல். இது உடனே நமக்குத் தெரிகிறது. டைம் என்பதற்கு நேரம் நல்ல தமிழ்ச்சொல். ‘இப்ப நேரம் என்னாச்சு ?” என்று தமிழில் கேட்கலாம். “டைம் ஆச்சு. கிளம்புங்க” என்பதைப் போலவே “நேரம் ஆச்சு. கிளம்புங்க” என்று சொல்வதும் வழக்கத்தில் இருக்கிறது.
 
ஆங்கிலத்தைப் போலவே வடசொற்களையும் அடையாளம் கண்டுபிடித்துவிடுவோம். ”நல்ல உதாரணத்தோடு பேசினான்” என்பதில் வடசொல் எது ? ‘உதாரணம்’ என்பது வடசொல். உதாரணம் என்பதற்கு ‘எடுத்துக்காட்டு, சான்று’ ஆகியன தகுந்த தமிழ்ச்சொற்கள். அவ்வாறே ஸ, ஷ, ஜ, க்ஷ போன்ற எழுத்துகள் பயிலும் சொற்கள் பலவும் வடசொற்களே.
 
இவ்வாறு எளிதில் கண்டுபிடிக்கத்தக்க சொற்களைப்போல் இல்லாமல் இரண்டறக் கலந்த பல சொற்களும் இருக்கின்றன. அச்சொல்லுக்கு நேரான தமிழ்ச்சொல்லும் நமக்கு உடனே நினைவுக்கு வராது.
 
“பெரிய கில்லாடியா இருப்பான்போலிருக்கே” – இந்தத் தொடரை எடுத்துக்கொள்ளுவோம். இதில் கில்லாடி என்பது தமிழ்ச்சொல் இல்லை. வாயாடி, ஏமாளி போன்ற சொற்களைப்போல கில்லாடியும் தமிழ்ச்சொல் என்றே நினைத்துக்கொள்கிறோம்.
 
கில்லாடி என்பது மராத்திச் சொல். மிகவும் திறமையாக ஏய்ப்பவன் என்பது பொருள். ‘புரட்டன்’ என்று தமிழில் சொல்லலாம். கில்லாடிக்கு இன்னொரு தமிழ்ச்சொல்லாக “மாறாடி” என்றும் சொல்லலாம். பேச்சு மாற்றிப் பேசுவது, சொன்னதைப்போல் இல்லாமல் நடத்தை மாற்றிக் கொள்வது என்ற பொருள் வரும்.
 
கைது, கைது செய்தனர் – என்று பயன்படுத்துகிறோம். இதனையும் தமிழ்ச்சொல்லாகவே பலரும் நினைத்துக்கொள்கின்றனர். இது உருதுச் சொல். இதற்கு மாற்றான தமிழ்ச்சொற்களை நாம் பயன்படுத்தவேயில்லை. கைதி என்பதைச் சிறையாள், சிறையாளி என்று சொல்லலாம். கைது செய்தனர் – என்பதனைச் ‘சிறைப்பிடித்தனர்’ எனலாம்.
 
கைதி தப்பித்துவிட்டான் – சிறையாள் தப்பித்துவிட்டான்.
அவனைக் கைது செய்தனர் – அவனைச் சிறைப்பிடித்தனர்.
 
'தபால்' தமிழில்லை என்று நமக்குத் தெரியும். அதற்கான தமிழ்ச்சொல்லாகக் ‘கடிதம்’ என்று பயன்படுத்துகிறோம். ஓர் உண்மை தெரியுமா ? கடிதம் என்பதும் தமிழில்லை.
 
கடிதாசி என்பது உருதுச் சொல். அது தெலுங்கு, துளு, கன்னடம் ஆகிய மொழிகளில் கடிதம் ஆனது. தமிழிலும் ‘கடிதம்’ என்றே பயன்படுத்திக்கொண்டிருக்கிறோம்.
 
முடங்கல் என்பதே கடிதத்திற்கான பழைய தமிழ்ச்சொல். முற்காலத்தில் ஓலையில் செய்தியை எழுதிச் சுருட்டித் தருவார்கள். அவ்வாறு சுருட்டப்பட்ட, முடக்கப்பட்ட செய்தியோலை. சுருட்டோலை (சுருளோலை) என்பதும் கடிதத்தைக் குறிக்கும் சொல்தான்.
 
மடல் என்பது ஒரு தாளைக் குறிக்கும். தாழை மடல் என்கிறோம். நல்ல பரப்பான மென்மையான தன்மையுடையதால் காகிதத்தையும் மடல் என்பார்கள். கடிதத்தையும் காகிதத்தில் எழுதி அனுப்புவதால் ‘மடல்’ என்று கூறலாம். அதன் செல்லுந்தன்மையால் ‘அஞ்சல்’ என்றும் சொல்லலாம். இப்போது மின்னஞ்சல் என்பது நன்றாகப் பரவிவிட்டது.
 
இப்போது பாருங்கள், கடிதம் என்பதற்கு எத்தனை தமிழ்ச்சொற்கள் கிடைத்துவிட்டன. முடங்கல், சுருட்டோலை, மடல், அஞ்சல்.
 
- கவிஞர் மகுடேசுவரன்
(தினமலர் பட்டம் இதழில் வெளிவந்தது)
  • Like 3
Link to post
Share on other sites
  • கருத்துக்கள உறவுகள்

படிப்போம் ஆனால் பின்பற்ற மாட்டோம். ஏனெனில் நாங்கள் இளமையில் கற்றது. சிலைபோல் மனதில் பதிந்திருப்பதை மாற்ற முடியாது.

ஐந்தில் வளைப்பதை விட்டு ஐம்பதில் வளைக்க முயன்றால் வளையாது முறிந்துவிடும். 

பாலர் பாட நூல்கள் அனைத்தும் தூய தமிழ்கொண்டு மாறவேண்டும். 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • நயினாதீவில்... தேசிய வெசாக் நிகழ்வுகள், திட்டமிட்டவாறு நடைபெறும்! தேசிய வெசாக் நிகழ்வுகள் திட்டமிட்டவாறு நயினாதீவு நாக விகாரையில் இடம்பெறும் என யாழ்.மாவட்ட செயலர் க. மகேசன் தெரிவித்துள்ளார். யாழ்.மாவட்டத்தில் எதிர்வரும் நாட்களில் கொரோனா தொற்று அதிகரிக்கும் அபாயம் உள்ளதாக, யாழ்.மாவட்ட செயலகத்தில் நடைபெற்ற ஊடகவியலாளர் சந்திப்பில் தெரிவித்திருந்தார். அதன் போது ஊடகவியலாளர் , நாக விகாரையில் தேசிய வெசாக் நிகழ்வுகள் நடைபெறுமா ? என கேள்வி எழுப்பி இருந்தார். அதற்கு பதில் அளிக்கும் போதே அவ்வாறு தெரிவித்தார். மேலும் தெரிவிக்கையில், தேசிய வெசாக் நிகழ்வு என்பது தேசிய நிகழ்வு. அதனை நிறுத்துவது தொடர்பில் எமக்கு எந்த அறிவுறுத்தலும் எமக்கு கிடைக்கப்பெறவில்லை. அதனால் நிகழ்வு முன்னர் திட்டமிட்ட வாறு நடைபெறும். சுகாதார விதிமுறைகளை பின் பற்றி , மட்டுப்படுத்தப்பட்டவர்களுடன் தேசிய வெசாக் நிகழ்வுகள் நடைபெறும். என தெரிவித்தார். தேசிய வெசாக் நிகழ்வுகள் எதிர்வரும் மே மாதம் 23ஆம் திகதி முதல் 28ஆம் திகதி வரையில் நயினாதீவு நாக விகாரையில் நடைபெறவுள்ளது. 24ஆம் திகதி சிறப்பு நிகழ்வுகளுக்கு ஏற்பாடுகள் செய்யப்பட்டுள்ளன. அதேவேளை எதிர்வரும் மூன்று வார கால பகுதி எச்சரிக்கை மிக்க கால பகுதி எனவும் ,சுற்றுலா பயணங்களை தவிர்க்குமாறும் , பண்டிகை நிகழ்வுகளை நிறுத்துமாறும் இராணுவ தளபதி ஜெனரல் சவேந்திர சில்வா அறிவித்துள்ளார்” என்பது குறிப்பிடத்தக்கது. https://athavannews.com/2021/1211676
    • அதிக அளவு பூக்கள் பூத்தும்...  மகரந்த சேர்க்கை இல்லாததால், முருங்கை உற்பத்தி பாதிப்பு.
    • உடைக்கப்பட்ட முள்ளிவாய்க்கால் நினைவுத் தூபி, மீளமைக்கப்பட்டு இன்று.. திறக்கப்பட்டது! யாழ்ப்பாணம் பல்கலைக்கழகத்தில் உடைக்கப்பட்ட முள்ளிவாய்க்கால் நினைவுத் தூபி அதே இடத்தில் மீண்டும் இன்று (வெள்ளிக்கிழமை) காலை திறந்து வைக்கப்பட்டுள்ளது. யாழ்.பல்கலைக்கழகத்தில் நிர்மாணிக்கப்பட்டிருந்த முள்ளிவாய்க்கால் நினைவுத் தூபி கடந்த ஜனவரி 8ஆம் திகதி இரவு, பல்கலைக்கழக நிர்வாகத்தினால் உடைக்கப்பட்டது. இதையடுத்து மாணவர்கள், தமிழ் உணர்வாளர்கள் அரசியல் தலைவர்கள் கண்டனம் வெளியிட்டதோடு பல்கலை. மாணவர்கள் உணவுத் தவிர்ப்புப் போராட்டத்திலும் ஈடுபட்டிருந்தனர். அத்துடன் வெளிநாடுகளில் இருந்தும் கண்டனங்கள் வெளிவந்திருந்தன. இந்நிலையில், கடும் அழுத்தத்தையடுத்து மீண்டும் நினைவுத் தூபியை அதே இடத்தில் அமைப்பதற்கு பல்கலைக்கழக நிர்வாகம் முன்வந்ததுடன் பல்கலைக்கழக துணைவேந்தர், பேராசிரியர் ஸ்ரீசற்குணராஜா கடந்த ஜனவரி 11ஆம் திகதி தூபிக்கான அடிக்கல்லை நாட்டி வைத்தார். தற்போது நினைவுத் தூபி கட்டுமானம் நிறைவடைந்ததை தொடர்ந்து யாழ்.பல்கலைக்கழக மாணவர்களினால் இன்று திறந்து வைக்கப்பட்டுள்ளது. https://athavannews.com/2021/1211720
    • தமிழகத்தில் இலவச தடுப்பூசி முகாம்கள் மே முதல் ஆரம்பம்! தமிழகத்தில் மே மாதம் முதலாம் திகதி முதல் இலவச தடுப்பூசி முகாம்கள் நடைபெறும் என அறிவிக்கப்பட்டுள்ளது. நாடு முழுவதும் மே மாதம் முதலாம் திகதி முதல் 18 வயதிற்கு மேற்பட்ட அனைவருக்கும் தடுப்பூசி செலுத்த நடவடிக்கை எடுக்கப்பட்டுள்ளது. இது குறித்து தமிழக அரசு வெளியிட்டுள்ள அறிக்கையில், ‘ கொரோனா பரவலை கட்டுப்படுத்தவும், அதிகம் பாதிப்படைந்த மாவட்டங்களில், மே மாதம்  முதலாம் திகதி முதல் தடுப்பூசியை வழங்குவதற்காக இலவச தடுப்பூசி முகாம் நடத்தப்படவுள்ளது. இதில் அனைத்து தொழிலாளர்கள், பள்ளி, கல்லூரி, ஆசிரியர்கள் என அனைவருக்கும் இலவச தடுப்பூசி வழங்கப்படும்’ எனத் தெரிவிக்கப்பட்டுள்ளது. https://athavannews.com/2021/1211722
×
×
  • Create New...

Important Information

By using this site, you agree to our Terms of Use.