Jump to content

சரத்குமார் மற்றும் ராதிகாவுக்கு ஓராண்டு சிறை!


Recommended Posts

சரத்குமார் மற்றும் ராதிகாவுக்கு ஓராண்டு சிறை!

சரத்குமார் மற்றும் ராதிகாவுக்கு ஓராண்டு சிறை!

 

நடிகர் சரத்குமார் மற்றும் அவரது மனைவி நடிகை ராதிகா ஆகியோருக்கு ஓராண்டு சிறைத்தண்டனை விதித்து சென்னை சிறப்பு நீதிமன்றம் தீர்ப்பளித்துள்ளது.

காசோலை மோசடி வழக்கில் அவர்கள் குற்றவாளியாக அறிவிக்கப்பட்டதை தொடர்ந்து இந்த உத்தரவு பிறப்பிக்கப்பட்டுள்ளதாக தெரிவிக்கப்படுகிறது.

சென்னையில் எம்.பி., எம்.எல்.ஏக்கள் தொடர்பான வழக்கை விசாரிக்கும் சிறப்பு நீதிமன்றம் இந்த உத்தரவை பிறப்பித்துள்ளது.

இது என்ன மாயம் என்ற திரைப்படத்தை தயாரிப்பதற்காக ரேடியண்ட் நிறுவனத்திடம் பணம் பெற்ற விவகாரத்தில், பணத்தை திரும்ப அளிக்காததால், ரேடியண்ட் நிறுவனம் சார்பில் நீதிமன்றத்தில் வழக்கு தொடர்ப்பட்டது.

2014-ம் ஆண்டு ரூ.1.50 கோடி ரேடியன்ஸ் நிறுவனத்திடம் மேஜிக் ப்ரேம்ஸ் நிறுவனம் சார்பில் கடனாக பெற்றுள்ளார். கடனைத் திருப்பி அளிப்பதில் மேஜிக் ப்ரேம்ஸ் நிறுவனம் மோசடியில் ஈடுபட்டுள்ளதாகக் கூறப்படுகிறது.

சரத்குமார் மீது 7 வழக்குகளும், ராதிகா மீது இரண்டு வழக்குகளும் தொடரப்பட்டது. இது தொடர்பான விசாரணை மேற்கொண்ட எம்.பி., எம்.எல்.ஏ.க்கள் வழக்குகளை விசாரிக்கும் நீதிமன்றம், இருவருக்கும் தலா ஓராண்டு சிறை தண்டனை விதித்து உத்தரவிட்டுள்ளது. மேலும் மேஜிக் ப்ரேம் நிறுவன பங்குதாரர் லிஸ்டன் ஸ்டீபனுக்கும் நீதிமன்றம் ஒரு வருடமும் சிறை தண்டனை விதித்துள்ளது.
 
Link to post
Share on other sites
  • கருத்துக்கள உறவுகள்

ராதிகா அனுபவிக்கப் போகும்...   அந்த ஒரு ஆண்டு சிறைத் தண்டனை நேரம்,

அவரின் நாடகங்கள் பார்க்க முடியாமல், கன சனம் கஸ்ரப் படப் போகிறார்களே.

Link to post
Share on other sites
  • கருத்துக்கள உறவுகள்
38 minutes ago, தமிழ் சிறி said:

ராதிகா அனுபவிக்கப் போகும்...   அந்த ஒரு ஆண்டு சிறைத் தண்டனை நேரம்,

அவரின் நாடகங்கள் பார்க்க முடியாமல், கன சனம் கஸ்ரப் படப் போகிறார்களே.

இனித்தான்  சனத்துக்கு அறிவு பிறக்கப்போகுது .

முத்தையா முரளிதரன் பிரச்சனையில் தான் ஒரு சிங்களத்தி என்று நிரூபித்தவ .

உங்களுக்கு எல்லாம் வேற வேலையே இல்லையா??... பொன்னான வார்த்தைகளை கக்கியவர் .

Link to post
Share on other sites
  • கருத்துக்கள உறவுகள்
Posted (edited)

நல்ல தீர்ப்பு, இப்படியே திமுக, அதிமுக, நாதக( வருமானத்துக்கு அதிகமாக சொத்து சேர்த்தல்) களவாணிகளையும்  உள்ளே போடவேண்டும்.

Edited by zuma
Link to post
Share on other sites
  • கருத்துக்கள உறவுகள்

ஒரு கட்சியின் தலைவர்கள் மக்களுக்கு முன்னோடியாக இருக்க வேண்டியவர்கள் இப்படி குளறுபடி செய்யலாமா?

Link to post
Share on other sites
  • கருத்துக்கள உறவுகள்
1 hour ago, zuma said:

நல்ல தீர்ப்பு, இப்படியே திமுக, அதிமுக, நாதக( வருமானத்துக்கு அதிகமாக சொத்து சேர்த்தல்) களவாணிகளையும்  உள்ளே போடவேண்டும்.

வாய் சவாலை விட்டு விட்டு ஆதாரமாக ஒன்றாய் போடவும் நாம் அவர்களை புறக்கணிக்குறோம் இல்லை என்றால் (சிவாஜி தாவணி கனவுகள் போல் பொத்தி கொள்ளளவும் )

Link to post
Share on other sites
  • கருத்துக்கள உறவுகள்

யாராவன், நம்ம நாட்டாமைக்கு தீர்ப்பு சொன்னவன்? 😎

6 minutes ago, appan said:

வாய் சவாலை விட்டு விட்டு ஆதாரமாக ஒன்றாய் போடவும் நாம் அவர்களை புறக்கணிக்குறோம் இல்லை என்றால் (சிவாஜி தாவணி கனவுகள் போல் பொத்தி கொள்ளளவும் )

அவர், ஒரு $1000 அனுப்பி இருக்கிறார். ஆதாரத்தினை இந்தியன் வருமான வரித்துறைக்கு அனுப்பி வைப்பார்.

தல எண்டால் சும்மாவே.... 😜

  • Haha 1
Link to post
Share on other sites
  • கருத்துக்கள உறவுகள்
24 minutes ago, appan said:

வாய் சவாலை விட்டு விட்டு ஆதாரமாக ஒன்றாய் போடவும் நாம் அவர்களை புறக்கணிக்குறோம் இல்லை என்றால் (சிவாஜி தாவணி கனவுகள் போல் பொத்தி கொள்ளளவும் )

உங்களுக்கு யாருடைய ஆதாரம் வேண்டும், திமுக அல்லது அதிமுக அல்லது நாதக?.
இப்படித்தான் ஒருவர் ஆதாரம் கேட்டு, பின்னர் பிச்சை வேண்டாம் நாயை பிடி என்று ஓடிவிட்டார்.😆

Link to post
Share on other sites
  • கருத்துக்கள உறவுகள்
1 minute ago, zuma said:

உங்களுக்கு யாருடைய ஆதாரம் வேண்டும், திமுக அல்லது அதிமுக அல்லது நாதக?.
இப்படித்தான் ஒருவர் ஆதாரம் கேட்டு, பின்னர் பிச்சை வேண்டாம் நாயை பிடி என்று ஓடிவிட்டார்.😆

ஆதாரம் கேட்டா, சுஜ புராணம் சொல்லி கொலை போரடித்தால், ஓடுவினம் தானே ராஜா....

உங்களது, சொந்த குடும்ப கதை யாருக்கு தேவை? தெரிஞ்சு வைச்சு, ஒரு ஒத்தை டொலராவது உழைக்கலாம் எண்டாலாவது பரவாயில்லை.    😜

Link to post
Share on other sites
  • கருத்துக்கள உறவுகள்
7 minutes ago, zuma said:

உங்களுக்கு யாருடைய ஆதாரம் வேண்டும், திமுக அல்லது அதிமுக அல்லது நாதக?.
இப்படித்தான் ஒருவர் ஆதாரம் கேட்டு, பின்னர் பிச்சை வேண்டாம் நாயை பிடி என்று ஓடிவிட்டார்.😆

பின்னர் பிச்சை வேண்டாம் நாயை பிடி என்று ஓடிவிட்டார்.😆(தெரு நாயிடம் கேட்டிருப்பார் )ntk

Link to post
Share on other sites
  • கருத்துக்கள உறவுகள்

சரத்குமார், ராதிகாவுக்கு காசோலை மோசடி வழக்கில் ஓராண்டு சிறை தண்டனை

காசோலை மோசடி செய்த வழக்கில் சரத்குமார் - ராதிகா தம்பதிக்கு ஓராண்டு சிறை தண்டனை விதித்து நீதிமன்றம் உத்தரவிட்டுள்ளது. இதில் சரத்குமாருக்கு அளிக்கப்பட்ட சிறை தண்டனை நிறுத்திவைக்கப்பட்டுள்ளது.

ராதிகா, சரத்குமார் ஆகியோர் பங்குதாரர்களாக உள்ள மேஜிக் ஃப்ரேம்ஸ் என்ற நிறுவனம் 2014ஆம் ஆண்டில் விக்ரம் பிரபு, கீர்த்தி சுரேஷ் ஆகியோரை வைத்து 'இது என்ன மாயம்' என்ற படத்தைத் தயாரித்தது. இந்தப் படத்தைத் தயாரிப்பதற்காக ரேடியண்ட் என்ற நிறுவனத்திடமிருந்து மேஜிக் ஃப்ரேம்ஸ் நிறுவனம் ஒன்றரைக் கோடி ரூபாயை கடனாகப் பெற்றது.

2015ஆம் ஆண்டு மார்ச் மாதத்திற்குள் பணத்தைத் திரும்பத் தந்துவிடுவதாகக் கூறப்பட்டது. ஆனால், பணத்தைத் தரவில்லை. இது தொடர்பாக அளிக்கப்பட்ட காசோலைகளும் பணமில்லாமல் திரும்பின. இது தொடர்பாக ரேடியண்ட் நிறுவனத்தின் சார்பில் வழக்குத் தொடரப்பட்டது.

இது தொடர்பாக சரத்குமார் மீது ஏழு வழக்குகளும் ராதிகா மீது இரண்டு வழக்குகளும் தொடரப்பட்டன. மேஜிக் ஃப்ரேம்ஸ் நிறுவனத்தின் பங்குதாரரான லிஸ்டன் ஸ்டீஃபன் மீது 2 வழக்குகள் தொடரப்பட்டன. முதலில் மாஜிஸ்ட்ரேட் நீதிமன்றத்தில் விசாரிக்கப்பட்ட இந்த வழக்கு பிறகு எம்.பி., எம்.எல்.ஏக்களை விசாரிப்பதற்கான நீதிமன்றத்திற்கு மாற்றப்பட்டது.

வழக்கு விசாரணைக்குவந்தபோது, தாங்கள் பணத்தைத் தரக்கூடாது என நினைக்கவில்லையென்றும் வட்டி கூடுதலாக இருந்ததால் பணத்தை உடனே திரும்பத் தரவில்லையென்றும் மேஜிக் ஃப்ரேம்ஸ் சார்பில் கூறப்பட்டது.

இந்த வழக்கில் இன்று தீர்ப்பு அளிக்கப்பட்டது. அதில் சரத்குமார், ராதிகா இருவருக்கும் தலா ஓராண்டு சிறை தண்டனை விதிக்கப்பட்டது. பங்குதாரர் லிஸ்டன் ஸ்டீஃபனுக்கும் ஓராண்டு சிறை தண்டனை விதிக்கப்பட்டது.

மூன்றாண்டுகளுக்குக் குறைவான சிறை தண்டனை என்பதால், மேல் முறையீடு செய்யும்வரை சிறை தண்டனையை நிறுத்திவைக்க வேண்டுமென சரத்குமார், லிஸ்டன் ஆகியோர் தரப்பில் நீதிமன்றத்தில் மனுதாக்கல் செய்யப்பட்டது. இதையடுத்து, மேல் முறையீடு செய்ய 30 நாட்கள் அவகாசமளித்து இருவரது சிறை தண்டனையையும் நீதிமன்றம் நிறுத்திவைத்துள்ளது.

ராதிகா நீதிமன்றத்தில் ஆஜராகவில்லை என்பதால் அவருக்கு பிடி வாரண்ட் பிறப்பிக்கப்பட்டுள்ளது. ஆனால், அவருக்கு கொரோனா பாதிப்பு இருப்பதால், அதிலிருந்து மீண்டவுடன் அவர் நீதிமன்றத்தில் ஆஜராவார் என அவர் தரப்பு வழக்கறிஞர் தெரிவித்திருக்கிறார்.

சரத்குமார், ராதிகாவுக்கு காசோலை மோசடி வழக்கில் ஓராண்டு சிறை தண்டனை - BBC News தமிழ்

Link to post
Share on other sites
  • கருத்துக்கள உறவுகள்

இவையள் மோசடி/ஊழல் உறுதிப்படுத்தப்பட்டு சிறைக்கு போய்ட்டு வந்த உடன தியாகி ரேஞ்சில  செங்கம்பள வரவேற்பு குடுக்கவும் ஆக்கள் இருக்கினை தானே!

Link to post
Share on other sites
36 minutes ago, வாலி said:

இவையள் மோசடி/ஊழல் உறுதிப்படுத்தப்பட்டு சிறைக்கு போய்ட்டு வந்த உடன தியாகி ரேஞ்சில  செங்கம்பள வரவேற்பு குடுக்கவும் ஆக்கள் இருக்கினை தானே!

ஊழலில், மோசடியில் மாட்டுப்பட்டு உள்ளே இருந்து விட்டு வந்த ஆட்களை மரியாதை நிமிர்த்தமாக போய் சந்தித்து வாழ்த்தக் கூட ஆட்கள் இருப்பினம். 

Link to post
Share on other sites
  • கருத்துக்கள உறவுகள்
Posted (edited)
36 minutes ago, நிழலி said:

ஊழலில், மோசடியில் மாட்டுப்பட்டு உள்ளே இருந்து விட்டு வந்த ஆட்களை மரியாதை நிமிர்த்தமாக போய் சந்தித்து வாழ்த்தக் கூட ஆட்கள் இருப்பினம். 

இது அண்ண‌ன் சீமானுக்கு தூர‌த்தில் இருந்து க‌ல் எறிவ‌து தெரியுது ?

அர‌சிய‌ல் வேறு ந‌ட்பு வேறு 😁😀

Edited by பையன்26
  • Haha 1
Link to post
Share on other sites
  • கருத்துக்கள உறவுகள்
40 minutes ago, நிழலி said:

ஊழலில், மோசடியில் மாட்டுப்பட்டு உள்ளே இருந்து விட்டு வந்த ஆட்களை மரியாதை நிமிர்த்தமாக போய் சந்தித்து வாழ்த்தக் கூட ஆட்கள் இருப்பினம். 

ஊழல் மோசடியில் மாட்டுப்பட்டு உள்ளே இருந்து விட்டு வந்த ஆட்களுக்கு ஓட்டுப் போட்டு அழகு பார்க்க கூட ஆட்கள் இருக்கிறார்கள்.

Link to post
Share on other sites
8 minutes ago, MEERA said:

ஊழல் மோசடியில் மாட்டுப்பட்டு உள்ளே இருந்து விட்டு வந்த ஆட்களுக்கு ஓட்டுப் போட்டு அழகு பார்க்க கூட ஆட்கள் இருக்கிறார்கள்.

உண்மைதான்! ஆனாலும் கொலைக்குற்றம் செய்து உள்ளே போனவரைக் கூட எம் பி ஆக்கி அழகு பார்க்கும் எம் தாயக மக்களை விட இது பரவாயில்லை என நினைக்கின்றேன்.

  • Haha 1
Link to post
Share on other sites
  • கருத்துக்கள உறவுகள்
Posted (edited)
58 minutes ago, நிழலி said:

உண்மைதான்! ஆனாலும் கொலைக்குற்றம் செய்து உள்ளே போனவரைக் கூட எம் பி ஆக்கி அழகு பார்க்கும் எம் தாயக மக்களை விட இது பரவாயில்லை என நினைக்கின்றேன்.

இதற்கும் எனக்கும் சம்பந்தமில்லை...🤣

ஏற்கனவே ரதி அக்கா தொடர்பை முறித்துவிட்டார்.

Edited by MEERA
Link to post
Share on other sites
  • கருத்துக்கள உறவுகள்

ஊழல் குற்றங்கள்  செய்த அரசியல்வாதிகளும் கொலைகள் செய்த அரசியல்வாதிகளும் தந்திரோபயமாக தப்பித்து நீதிமன்றங்களிலிருந்தும் சாதிர்யமாக எதுவுமே நடக்காத மாதிரி வெளியே வந்து வெள்ளை வேட்டி அரசியல் செய்தால் அவர்கள் சுத்தவாளிகள் என நம்பும் மகா சனங்கள் இருக்கும் வரைக்கும்  கடவுளாலும் இந்த உலகை காப்பாற்ற முடியாது.

நிஜம் நிதர்தனம் இல்லாத மனிதர்கள்.

Link to post
Share on other sites
  • கருத்துக்கள உறவுகள்

அப்ப‌டியே க‌ணிமொழி ராசா போன்ற‌ பெரிய‌ திருட‌ர்க‌ளுக்கு ஓட்டு போட்டு அழ‌கு பார்க்க‌வும் எம் இன‌த்தில் ஆட்க‌ள் இருக்கின‌ம் ?

இந்த‌ உல‌கில் யார் தான் சுத்த‌ம் ஹா ஹா 😁😀

Link to post
Share on other sites
  • கருத்துக்கள உறவுகள்
Posted (edited)
40 minutes ago, பையன்26 said:

அப்ப‌டியே க‌ணிமொழி ராசா போன்ற‌ பெரிய‌ திருட‌ர்க‌ளுக்கு ஓட்டு போட்டு அழ‌கு பார்க்க‌வும் எம் இன‌த்தில் ஆட்க‌ள் இருக்கின‌ம் ?

இந்த‌ உல‌கில் யார் தான் சுத்த‌ம் ஹா ஹா 😁😀

அந்த கனிமொழி முள்ளிவாய்க்கால் இன அழிப்புக்கு நன்றிக்கடன் சொல்லப்போனது போல் ஒரு நிகழ்வு நடந்தும் எங்கடை சனத்துக்கு ரோசம் மானம் வரேல்லை எண்டால்?

kanimozhi-rajapaksa.jpg

அதிலையும் இந்தியாவிலையே அலைக்கற்றை ஊழல்வழக்கு பெரிய வழக்கு....அதுவே இன்னும் ஒழுங்காய் முடியேல்லை......இந்த தேர்தல் முடிவை பார்த்து மீண்டும் தூசு தட்டுவார்கள்....

2ஜி வழக்கு விசாரணை ஜனவரியில் தனி அமர்வு | Dinamalar Tamil News

Edited by குமாரசாமி
  • Like 1
Link to post
Share on other sites
  • கருத்துக்கள உறவுகள்

கமல் உள்ளே வந்தால் ராதிகா சரத்குமார் உள்ளே செல்லத் தேவை இருக்காது
இவரது தனிமைப்படுத்தல் முடிவதற்குள்   தேர்தல் முடிவுகள் வந்துவிடும்  

தமிழ் நாடு மட்டுமல்ல ஒட்டுமொத்த இந்திய
அரசியலும் ஊழலிலும் ஏமாற்றுக்களிலும் தான் தொடர்கின்றது

Link to post
Share on other sites
  • கருத்துக்கள உறவுகள்

ராதிகா ஏதாவது புதுசா சீரியல் தயாரிப்பில் இருப்பா.. வழக்கு கணக்கில் நேரம் செலவிட இயலாது தானே..

Link to post
Share on other sites
  • கருத்துக்கள உறவுகள்
6 hours ago, வாலி said:

இவையள் மோசடி/ஊழல் உறுதிப்படுத்தப்பட்டு சிறைக்கு போய்ட்டு வந்த உடன தியாகி ரேஞ்சில  செங்கம்பள வரவேற்பு குடுக்கவும் ஆக்கள் இருக்கினை தானே!

அதில் என்ன சந்தேகம்.  தமிழ்நாட்டில் ஊழல் செய்தவர்களை தண்டிக்க வந்த தலைவர் சசிகலாவையே சந்தித்தவர் இவர்களையும் சந்திப்பார்.

Link to post
Share on other sites
1 hour ago, விளங்க நினைப்பவன் said:

அதில் என்ன சந்தேகம்.  தமிழ்நாட்டில் ஊழல் செய்தவர்களை தண்டிக்க வந்த தலைவர் சசிகலாவையே சந்தித்தவர் இவர்களையும் சந்திப்பார்.

சந்தித்தது இருக்கட்டும். ஊழலுக்காக உள்ளே இருந்த கூட்டம் திரும்ப முதலமைச்சராவது பற்றி பேச ஒரு மனச்சாட்சி இருக்க வேண்டும். உலக்கை போன இடம் பாராது, ஊசி போன இடம் தேடும் கூட்டம்.

  • Like 1
Link to post
Share on other sites
  • கருத்துக்கள உறவுகள்

சரத்குமாருக்கு விதிக்கப்பட்ட சிறைத் தண்டனை நிறுத்திவைப்பு!

சரத்குமாருக்கு விதிக்கப்பட்ட சிறைத் தண்டனை நிறுத்திவைப்பு!

காசோலை மோசடி வழக்கில் நடிகர் சரத்குமார் மற்றும் நடிகை ராதிகா ஆகியோருக்கு இன்று (புதன்கிழமை) விதிக்கப்பட்ட ஒரு வருட சிறைத் தண்டனையில் சரத்குமாருக்கு விதிக்கப்பட்ட தண்டனை நிறுத்திவைக்கப்பட்டுள்ளது.

மூன்று ஆண்டுகளுக்குக் குறைவான சிறைத் தண்டனை என்பதால், மேன்முறையீடு செய்யும்வரை குறித்த சிறைத் தண்டனையை நிறுத்திவைக்க வேண்டுமென வாதிடப்பட்ட நிலையில் நீதிமன்றம் தண்டனையை இடைநிறுத்தியுள்ளது. பங்குதாரரான லிஸ்டன் ஸ்டீபனுக்கும் இதேபோல் தண்டறை நிறுத்திவைக்கப்பட்டுள்ளது.

ராதிகா மற்றும் சரத்குமார் தம்பதியர் பங்குதாரர்களாகவுள்ள மஜிக் ஃப்ரேம்ஸ் நிறுவனம் 2014ஆம் ஆண்டில் ‘இது என்ன மாயம்’ என்ற திரைபடத்தைத் தயாரித்திருந்தது.

இந்நிலையில், படத் தயாரிப்புக்காக ரேடியன்ற் என்ற நிறுவனத்திடமிருந்து மஜிக் ஃப்ரேம்ஸ் நிறுவனம் ஒன்றரை கோடி ரூபாயை கடனாகப் பெற்றிருந்தது. அத்துடன் குறித்த பணத்தை 2015ஆம் ஆண்டு மார்ச்சிற்குள் மீளச்செலுத்துவதாக உறுதியளிக்கப்பட்டது.

எனினும், பணம் மீளச் செலுத்தப்படவில்லை என்பதுடன் இது தொடர்பாக மஜிக் ஃப்ரேம்ஸ் நிறுவனத்தால் வழங்கப்பட்டிருந்த காசோலைகளும் பணமின்றித் திரும்பியதால் ரேடியன்ற் நிறுவனம் வழக்குத் தொடர்ந்தது.

இதன்படி, சரத்குமார் மீது ஏழு வழக்குகள் போடப்பட்டதுடன் ராதிகா மீது இரு வழக்குகளும் மஜிக் ஃப்ரேம்ஸ் நிறுவன பங்குதாரர் லிஸ்டன் ஸ்டீபன் மீது இரு வழக்குகளும் தொடரப்பட்டிருந்தன.

இந்நிலையில், மேன்முறையீட்டு நீதிமன்றில் விசாரணைக்கு வந்த குறித்த வழக்கு பின்னர், பாராளுமன்ற உறுப்பினர்கள் மற்றும் சட்டமன்ற உறுப்பினர்களை விசாரிக்கும் சிறப்பு நீதிமன்றத்திற்கு மாற்றப்பட்டு விசாரணை இடம்பெற்ற நிலையில், தற்போது சிறைத்தண்டனை அளிக்கப்பட்டுள்ளது.

இதேவேளை, இன்றைய வழக்கு விசாரணைக்கு ராதிகா ஆஜராகாத நிலையில், அவருக்குப் பிடியாணை பிறப்பிக்கப்பட்டுள்ளது. எனினும், கொரோனா தொற்றினால் பாதிக்கப்பட்டுள்ள அவர், சிகிச்சை முடிந்ததும் நீதிமன்றில் ஆஜராவார் என அவரது சட்டத்தரணி மன்றுக்கு அறிவித்துள்ளார்.

https://athavannews.com/2021/1208351

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • இன்னொரு படுகொலைக்குத் தயாராகிறதா இலங்கை அரசு? மிக அண்மைய ஒரு சில அரசியல் நிகழ்வுகளை கவனிக்கின்றபோது குறிப்பாக வடக்கு கிழக்கில், இலங்கை அரசு தனது அரசியல் நிகழ்ச்சி நிரலை இம்மியளவும் பின்வாங்காத நிலையில் சிங்கள – பௌத்த கூட்டு உளவியல் பெரும்பாண்வாதத்தில் பலப்படுத்தப்பட்டு, தற்போதுள்ள அரசாங்கம் தன்னை வெளிப்படையாகவே சிங்கள – பௌத்த அரசாங்கமாக அடையாளப்படுத்தி மற்றெந்த அரசுகளையும் விட – சிங்கள – பௌத்த நிகழ்ச்சி நிரலை, சிங்கள – பௌத்த இலங்கை தேச – அரச கட்டுமானத்தை நோக்கி மிக வேகமாக நகர்த்திச் செல்கின்றது. டொனால்ட் ட்ரம்ப் வீழ்ச்சி கூட இந்த அரசாங்கத்திற்கு பட்டறிவைக் கொடுக்கவில்லையோ எனத் தோன்றுகின்றது. நினைவுகூரல் தொடர்பில் ஒவ்வொரு வருடமும் மாவீரர் தினத்தை ஒட்டியும், முள்ளிவாய்க்கால் நினைவேந்தலை தேசிய மயப்படுத்தும் அளவிற்கு இன்னும் கட்டமைக்க முடியாத நிலை வடக்குகிழக்கில் இருந்து கொண்டே இருக்கின்றது. தேசிய நினைவுகூரல்கள் கட்டமைக்கப்படாத வரைக்கும் இனப்படுகொலைக்கு நீதி வேண்டிய இயக்கமாதல் காலதாமதாமாக்கப்பட்டுக் கொண்டேயிருக்கும். நினைவுகூரல்களின் வகிபங்கு தமிழ்த்தேச கட்டமைப்பில் இன்றியமையாதது. நினைவுகூரல்கள் தேசிய நினைவுக்கூரல்கள். ‘ஈழத்தமிழ்’ அடையாள கட்டமைப்பில் நினைவுக்கூரல்களின் வகிபங்கு மிகவும் காத்திரமானது. அவ்வாறான தேசிய நினைவுக்கூரல்களை நாளாந்த தேசியத்தினூடு மக்கள் மயப்படுத்த வேண்டுமேயொழிய அரசியல் கட்சி மைய அணுகுமுறைக்குள் கொண்டு செல்லுதல் மிகக் குறுகிய அரசியலை நோக்கி நகர்த்துவதாகும். நினைவுக்கூரல்கள் ஒட்டுமொத்த ஈழத்தமிழினத்திற்குச் சொந்தமானது. அரசியல் கட்சிகள் அவற்றை மக்களிடமிருந்து திசைமாற்றித் திருட (Hijack) முடியாது. கடந்த பதினொரு வருடங்களுக்கு மேலாக ஒரே சுழற்சிக்குள் தான் சிக்குண்டிருக்கின்றது நினைவுகூரல்கள். ஒவ்வொரு நினைவு கூரல் முடிவிலும் மக்களின் எழுச்சியை கட்சிகள் உரிமை கோருவது அபத்தமானது. இராணுவக் கெடுபிடிக்குள்ளும் நினைவுகூரல்களில் மக்களின் பங்கேற்பு என்பது, தமிழ்த்தேசியத்திற்கான மக்களின் அர்ப்பணிப்பு. இந்த நினைவுகூரல்கள் மக்கள் இயக்கமாக நிறுவனமயப்படுத்தப்பட வேண்டும் என்கின்ற வரலாற்றுக் கட்டாயம் பின்முள்ளிவாய்க்கால் அரசியல் வரலாற்றுத் தளத்தில் முன்வைக்கப்பட்டது. மாவீரர் நாள், முள்ளிவாய்க்கால் நினைவு கூரல்கள் மட்டுமல்ல ஒவ்வொரு படுகொலையுமே நினைவு கூரப்பட வேண்டும், இன்னொரு படுகொலை நிகழாதிருப்பதற்காக. அம்பாறை மேய்ச்சல் தரை கையை விட்டு போன நிலையாகத் தோன்றுகின்றது. மிக அண்மையில் மேய்ச்சல் தரையிலிருந்து இளைஞரொருவர் தங்களைத் தாங்களே காப்பாற்ற வேண்டிய நிலைக்குள் மக்கள் தள்ளப்பட்டு விட்டதாகவும், சிங்கள ஆக்கிரமிப்பாளர்களிடமிருந்து வரும் எதிர்ப்பை எதிர்கொள்வதற்காக வன்முறைக்குள் தள்ளப்படுவதாகக் கூறி அக் காணொளி வெளிவந்திருந்தது. சிங்களம், தமிழர் காணியை கையகப்படுத்துவதற்கு அப்பால் அங்குள்ள தமிழர்களை ‘பிழைத்தெஞ்சி நிற்றல்’ (Survival) முறைக்குள் மக்களை வலிந்து திணிக்க முயலுகின்றது. மிக அண்மைய சிங்கள ஆக்கிரமிப்பு முயற்சி உத்திகள், கால்நடைகளைக் கொல்லுதல், காணிகளை வலிந்து கையகப்படுத்தல், தொடர் அச்சத்திற்குள் மக்களை தக்க வைத்தல், அங்குள்ள மக்களை தனிமைப்படுத்தல் போன்ற வேறு பல உத்திகளூடான கூட்டு மீட்டெழுச்சியை (Resilience) சிதைக்க முற்படுகின்றது. இவ்வாறு மாற்று வழி தென்படாத இளைஞர்களை வன்முறைக்குள் வலிந்து திணிக்கின்றது. வன்முறைக்குள் வலிந்து திணிப்பதன் மூலம் சூழ்நிலையை தனது கட்டுப்பாட்டுக்குள் இலகுவாக கொண்டு வருகின்றது. சிங்கள – பௌத்த அரசு இதை ஒரு மாதிரி (Model) முறைமையாக பின்பற்றுகின்றது. இம் மாதிரி உத்தியை இலங்கை அரசு உதிரிக்கும், கூட்டு குழுமத்திற்கும் பயன்படுத்துகின்றது. தற்போதைய நிலைமைகளை அவதானிக்கின்ற போது அரசு அதன் அடிவருடிகள் மூலம் மேய்ச்சல் தரையை ஒரு போராட்டக் களமாக மாற்ற முனைகின்றது. இதற்கான மாற்று போராட்ட வடிவ முறையை விரைந்து சிந்திப்பது அவசியமாகும். ஏனெனில், இம் மாதிரி உத்தி ஏனைய இடங்களுக்குமானது. திருகோணமலையில் அரிசிமலை பிக்குவும் அவர் நிர்வகிக்கும் நம்பிக்கை நிதியமும் ஏறக்குறைய பதின்மூன்று இடங்களை அடையாளப்படுத்தி சமய வழிபாட்டிற்காக நூற்றுக்கணக்கான ஏக்கர் நிலப்பரப்பை அரசாங்கத்திடம் கோரி அதற்கான வர்த்தமான பத்திரிகையூடு அனுமதி பெறப்பட்டு விட்டது. தென்னவன்மரபு அடிக் கிராமத்திலிருந்து, திருகோணமலை மாவட்டத்தின் முல்லைத்தீவு மாவட்டத்துடனான எல்லை, கும்புறுபிட்டி வரைக்கும் இது நீண்டு செல்லுகின்றது. தொல்லியல், வனவளதிணைக்களம், மகாவலி அதிகார சபைகளின் நில அபகரிப்பை விட மேற்குறிப்பிட்ட நில அபகரிப்பு  Pooja Grant க்கூடாக மேற்கொள்ளப்படுகின்றது. மேலும் கண்ணியா, கோணேஸ்வரம் போன்றவற்றின் இருப்பு நீண்டகாலத்திற்கு ஈழத்தமிழ் இருப்பின் அடையாளமாகத் தக்க வைக்கப்படுமா என்ற அச்சம் இருக்கின்றது. காரணம், இராவணனை சுதேச சிங்கள அரசனாக உருவாக்குவதற்குரிய, கட்டமைப்பதற்குரிய புலைமைசார் ஆய்வுகள் முன்னெடுக்கப்பட்டு வருகின்றன. அவ் ஆய்வுப் பரப்பை சிங்கள அரசு விஸ்தரிக்கின்றது. மிக முக்கிய சைவ வழிபாட்டு யாத்திரை தலங்களுக்கு அண்மையில் பௌத்த விகாரைகள் கட்டமைக்கப்பட்டு வருகின்றன அல்லது ஏற்கனவே கட்டமைக்கப்பட்டு விட்டது. உதாரணத்திற்கு, திருக்கேதீஸ்வரம், கோணேஸ்வரம், முன்னேஸ்வரம், கன்னியா இன்னும் பல. சைவ சமய மைய (Centralised Structure) குவிவுக் கட்டமைப்பு தற்போது என்றுமில்லாதவாறு அவசியமாகின்றது. ஏற்கனவே இருப்பவற்றை தக்க வைப்பதற்காகவாவது. தொல்லியல் இடங்களை அடையாளங்காணல், சிங்கள – பௌத்த பண்புகளுடன் இணைந்து தொல்லியல் சார்ந்தது அனைத்துமே சிங்கள பௌத்திற்கானது என்ற அறிவியல் சொல்லாடலை கட்டமைக்க முனைகின்றது. கலாச்சார/ பண்பாட்டு இனப்படுகொலையை தொல்லியலுக்கூடாக பின் முள்ளிவாய்க்கால் தளத்தில் மிக வேகமாக முடுக்கிவிட்டுள்ளது. கலாச்சார/ பண்பாட்டு இனப்படுகொலை பற்றி இனப்படுகொலை ஆய்வாளர்களுக்கிடையே பல்வேறுபட்ட விவாதங்கள் எழுகின்ற நிலையில், கலாச்சார/ பண்பாட்டு இனப்படுகொலையை இனப்படுகொலையின் விளைவாகப் பார்க்கின்ற தன்மையும், கலாச்சார/ பண்பாட்டின் அழிப்பு, ஒரு இனத்தின் இருப்பை அழிக்கின்ற உள்நோக்கத்தைக் கொண்டிருப்பதாகவும் விளக்கமளிக்கப்படுகின்றது. கலாச்சார/ பண்பாட்டு இனப்படுகொலை அணுகுமுறையை தமிழ் இனப்படுகொலையின் இன்னொரு வடிவமாக இணைத்து விவரிப்பதற்கான ஆய்வு முயற்சிகள் முன்னெடுக்கப்பட வேண்டியது காலத்தின் தேவை. கலாச்சார/ பண்பாட்டு இனப்படுகொலை ஒரு இனக்குழுமத்தின் கலாச்சார, சமய, அடையாள அழிவு தொடர்பிலானது. கலாச்சார/ பண்பாட்டு இழப்பு என்பது இனப்படுகொலையின் விளைவானது. ICTY இன்னும் ஆழமாக இதை வெளிக்கொணர்ந்தது. இலக்கு வைக்கப்பட்ட கலாச்சார/ பண்பாட்டு அழிவுகள் குற்றமிழைத்தவர்களின் ஒரு இனக் குழுமத்தை அடையாளத்தை மையமாகக் கொண்ட இனப்படுகொலை உள்நோக்கத்தை கொண்டிருப்பதாக ICTY நிரூபித்தது (Prosecutor v Karadzic and Mladic 1996). முல்லைத்தீவில், கொக்கிளாய் கிழக்கு, கொக்கிளாய் மேற்கு, கருநாட்டுக்கேணி, கொக்குத்தொடுவாய் தெற்கு, செம்மலை கிழக்கு போன்ற ஆறு கிராம அலுவல பிரிவுக்குட்பட்ட காணி நிர்வாக அதிகாரத்தை பிரதேச செயலாளரிடமிருந்து பறித்தெடுத்து மகாவலி அபிவிருத்தி அதிகார சபையிடம் கொடுப்பதற்கான முயற்சிகள் மேற்கொள்ளப்பட்டு வருகின்றன. முல்லைத்தீவு மாவட்டத்தைப் பொறுத்தவரை குடிசன இனப்பரம்பலை மாற்றியமைக்கும் செயற்திட்டத்தை மகாவலி அபிவிருத்தி அதிகார சபை பல வருடங்களாக முன்னெடுத்து வருகின்றது. அதனுடைய ஆகப் பிந்தைய வடிவமே இதுவாகும். மகாவலி அபிவிருத்தி அதிகார சபையிடம் மேற்குறிப்பிட்ட காணிகள் கையளிக்கப்படுமாயின் அம்பாறை மாவட்டத்திற்கு ஏற்பட்ட நிலைமை, முல்லைத்தீவு மாவட்டத்திற்கு ஏற்படுவதற்கு அதிக காலம் செல்லாது. ‘புதிய உலக ஒழுங்கில் இலங்கை – இந்திய உறவுகளை ஆழப்படுத்தல்’ என்ற தொனியில் ஒழுங்கமைக்கப்பட்ட கலந்துரையாடலில் Path Finder Foundation சார்பாக கலந்துகொண்ட அதனுடைய தலைமையதிகாரி திரு.பேனாட் குணதிலக குறிப்பிடும் போது 13ஆம் திருத்தச் சட்டம் இலங்கை – இந்திய உறவிற்கு இடையூறாக இருப்பதைச் சுட்டிக் காட்டினார். இவரது கருத்து சூழலுக்கு வெளியே இருந்து விவரிக்கமுடியாது. ஆனால், Path Finder Foundation னுடைய நிறுவுநர் இந்தியாவிற்கான அமைச்சுப் பதவி பெற்ற ராஜதந்திரியாக நியமிக்கப்பட்ட சூழலில் ஆராயப்பட வேண்டியது அவசியமாகும். 13ஆம் திருத்தச் சட்டத்தை தமிழர்கள் இனப்பிரச்சினைக்கான தீர்விற்கு தொடக்கப்புள்ளியாக கருதாத நிலையிலும், 13ஆம் திருத்தச் சட்டம் இலங்கை – இந்திய உறவுகளுக்கு இடையூறாக இருப்பதாகக் குறிப்பிடுவது இலங்கை – இந்திய வெளியுறவுக் கொள்கை எத்திசையில் பயணிக்கப் போகின்றது என்பதை வெளிக்கொணருகின்றது. இலங்கையும், இந்தியாவும் ஒரே மாதிரியான ஜனநாயக உள்ளீட்டைக் கொண்டுள்ளவை. பெரும்பான்மைவாதம் (Majoritarianism) தான் அவர்களுடைய ஜனநாயகத் தன்மையை பெரும்பாலும் தீர்மானிக்கின்றது. மதத்தை (அடிப்படைவாத) மையப்படுத்திய ஒத்த கலாச்சாரத்தைக் கட்டமைப்பதே இரண்டினதும் நோக்கமாக உள்ளதால் இரண்டு நாடுகளுமே பரஸ்பரம் உதவி செய்து முட்டுக் கொடுக்க வேண்டிய தேவையுள்ளது. இந்தியாவினுடைய பிராந்திய ஆதிக்கத்தை வலுப்படுத்துவதற்காக இந்தியா இலங்கையுடன் எந்த விலையை கொடுத்தாவது பயணிக்கத் தயாராகிவிட்டது. இந்தியா, இலங்கை அரசை பகைத்து தமிழருக்கு கைகொடுக்கும் என்பதற்கான உத்தரவாதங்கள் இல்லாமலே போகின்றன. வடக்கு கிழக்கில் தமிழ்த்தேசிய அரசியலை மையமாகக் கொண்ட அரசியல் கட்சிகளை ஒன்று சேர்க்கும் முயற்சியில் எந்தவிதமான முன்னேற்றமும் எட்டப்படவில்லை. தமிழ்த்தேசிய மைய அரசியல் கட்சிகள், அரசியல் கட்சிகள் மைய அரசியலை மட்டுமே முன்னெடுக்கின்றன. தத்தம் அரசியல் கட்சிக்கு அப்பால் சிந்திக்க கூடியவர்கள் இல்லையென்று சொல்லுமளவிற்கு நிலைமை மோசமடைகின்றது. இவ்வாறானதொரு நிலையில் அரசியல் கட்சிகளின் பலமான கூட்டிணைவு என்பது சாத்தியமற்றதாகின்றது. கொள்கைகளை மையப்படுத்தி ஒன்றிணையக் கூடிய நிறுவனங்கள், ஒன்றாவதற்கான சூழலும் தென்படுவதாயில்லை. பிரச்சினைகளை மையப்படுத்தி ஒருங்கிணைப்பதற்கான முயற்சிகளும் குதிரைக் கொம்பு தேடுவதாகப்படுகின்றது. இவற்றை ஒட்டுமொத்தத்தில் பார்க்கின்ற போது, இதற்கான காரணிகளை இயக்குகின்றவர்கள் இன்னொரு தமிழினப் படுகொலைக்கான ஆயத்தங்களை மேற்கொள்கின்றார்களா என எண்ணத் தோன்றுகின்றது. புலம்பெயர் தேசங்களிலும் பலமான கூட்டிணைவு சாத்தியமுள்ளதாகத் தெரியவில்லை. பல்வேறு அமைப்புக்கள் பல்வேறு செயற்திட்டங்களை முன்னெடுத்தாலும் கூட்டு முயற்சி என்பது எட்டாக் கனியாகப் போய்க் கொண்டிருக்கின்றது. உளவியல் போரின் மிக முக்கிய உத்திகளான நம்பிக்கையின்மையை, சந்தேக கொள்ளலை ஒருங்கிணைவிற்கு எதிரான பொறிமுறையாக இலங்கை அரசு பயன்படுத்துகின்றது. நாளாந்தம் எழுகின்ற பிரச்சினைகளுக்குத் தீர்வு தேடுதலை பொறியாகக் கொண்டு இலங்கை அரசு ஈழத்தமிழர்களை எப்போதுமே மைய இலக்கிலிருந்து கவனத்தை திசை திருப்புகின்ற கருவியாகக் கைக்கொள்கின்றது. நீண்டகால இலக்கை மையப்படுத்தி கூட்டிணைவோடு பலமான அமைப்பை கட்டியெழுப்பக்கூடிய, வேண்டிய வரலாற்றுச் சூழல் வாசலண்டை வந்து நிற்கின்றது. இலங்கை அரசு தமிழர் தரப்பை எப்போதுமே பலவீனமாக வைத்துக் கொண்டே தனது காய்களை நகர்த்திக் கொள்ளும். தமிழர் தரப்பில் பலமான கூட்டிணைவு எழாத வரைக்கும், பலமான கூட்டெதிர்ப்பு எழப்போவதில்லை என்பதில் இலங்கை அரசு தெளிவாகவுள்ளது. இப்பொறிமுறை அரசு பயன்படுத்தும் Counter Insurgency உத்தி. தமிழர் தரப்பின் கூட்டிணைப்பின் அவசியம் பற்றி பல்வேறு தளங்களில் பலராலும் பேசப்படுகின்ற நிலையில் பூனைக்கு மணி கட்டுவது யாரென்பதில் அதிகாரப்போட்டி வேறு. பன்முகப்படுத்தப்பட்ட, நீண்டகால இலக்கினைக் கொண்ட தமிழ்த்தேசிய செயற்திட்டத்தை கூட்டிணைந்து கட்டமைக்கத் தவறுகின்ற வரலாற்றுச்சூழலில் இன்னொரு தமிழினப் படுகொலை முயற்சியை முறியடிப்பதென்பது இயலாமற்போகலாம். எழில் ராஜன் https://maatram.org/?p=9289      
    • என்ன எலி அண்டர்வெயருடன் ஓடுது ....? நல்லதுக்கில்லையே .. ஆணைக்குழு நமது பக்கமும் திரும்பி திரும்ப கம்பியெண்ண வைத்துவிடுமோ  என்ற பயத்தில்  நங்கூரத்தை கொஞ்சம் பலமாக  போட்டுப்பார்க்கிறார் பொன்சி   
    • கொஞ்சம் கொஞ்சமாய் நான் நீ என்று ஆளையால்  போட்டுகுடுக்கும் காலம் வருகிறது கடைசியாக சரணடைந்த போராளிகளுக்கு என்ன நடந்தது என்ற உண்மை வெகுவிரைவில் வரும் .
    • ஐபிஎல்: விக்கெட் இழப்பின்றி ராஜஸ்தானை வீழ்த்திய பெங்களூரு! மின்னம்பலம் மும்பையில் நேற்று (ஏப்ரல் 22) இரவு நடைபெற்ற ஆட்டத்தில் படிக்கல், கோலியின் அபாரமான ஆட்டத்தால் ராஜஸ்தானை 10 விக்கெட் வித்தியாசத்தில் வீழ்த்தியது பெங்களூரு அணி. மும்பை வான்கடே மைதானத்தில் நடைபெற்ற ஐபிஎல் தொடரின் 16ஆவது லீக் போட்டியில் ராயல் சேலஞ்சர்ஸ் பெங்களூரு அணியும் ராஜஸ்தான் ராயல்ஸ் அணியும் மோதின. டாஸ் வென்ற பெங்களூரு அணி முதலில் பந்து வீச்சைத் தேர்வு செய்தது. அதன்படி, ராஜஸ்தான் அணியின் தொடக்க வீரர்களாக பட்லர், மனன் வோரா ஆகியோர் களமிறங்கினர். பட்லர் 8 ரன்னும், மனன் வோரா 7 ரன்னும், டேவிட் மில்லர் ரன் எடுக்காமலும் ஆட்டமிழந்தனர். அடுத்து வந்த சஞ்சு சாம்சன் 21 ரன்னில் அவுட்டானார். சிவம் துபே 46 ரன்னில் பெவிலியன் திரும்பினார். அடுத்து ஆடிய ரியான் பராக் 25 ரன்கள் எடுத்தார். கடைசி கட்டத்தில் ஜோடி சேர்ந்த ராகுல் டெவாட்டியா, கிறிஸ் மோரிஸ் அதிரடியாக விளையாடினர். சிறப்பாக விளையாடிய ராகுல் டெவாட்டியா 40 ரன்கள் குவித்தார்.   இறுதியில், ராஜஸ்தான் அணி 20 ஓவர் முடிவில் 9 விக்கெட்டைப் பறிகொடுத்து 177 ரன்கள் எடுத்தது. பெங்களூரு சார்பில் சிராஜ், ஹர்ஷல் படேல் தலா மூன்று விக்கெட்டுகள் வீழ்த்தினர். இதையடுத்து, பெங்களூரு அணி 178 ரன்கள் இலக்குடன் களமிறங்கியது. தொடக்க ஆட்டக்காரர்களாக விராட் கோலி, தேவ்தத் படிக்கல் இறங்கினர். தொடக்கம் முதலே தேவ்தத் படிக்கல் அதிரடியாக ஆடினார். அவருக்கு கோலி பக்கபலமாக இருந்தார். இதனால் அணியின் எண்ணிக்கை ஜெட் வேகத்தில் உயர்ந்தது. படிக்கல் 51 பந்தில் சதமடித்து அசத்தினார். விராட் கோலி அரை சதமடித்தார். அவர் 101 ரன்னுடனும், கோலி 72 ரன்னுடனும் ஆட்டமிழக்காமல் இருந்தனர். இறுதியில், பெங்களூரு அணி விக்கெட் இழப்பின்றி வெற்றிக்குத் தேவையான ரன்களை எடுத்து அபார வெற்றி பெற்று புள்ளிப் பட்டியலில் முதலிடம் பிடித்துள்ளது. நேற்றைய (ஏப்ரல் 22) ஆட்டத்தின் மூலம் ஐபிஎல் தொடரில் 6,000 ரன்களைக் கடந்த முதல் வீரர் என்ற சாதனையைப் படைத்துள்ளார் விராட் கோலி. அவர் 72 ரன்கள் எடுத்து ஆட்டமிழக்காமல் இருந்தார். இதன்மூலம் விராட் கோலி ஐபிஎல் போட்டியில் மொத்தம் 6,021 ரன்கள் எடுத்து முதலிடம் வகிக்கிறார். அவரை தொடர்ந்து இரண்டாவது இடத்தில் சுரேஷ் ரெய்னா 5,448 ரன்களும், மூன்றாவது இடத்தில் ஷிகர் தவான் 5,428 ரன்களும், நான்காவது இடத்தில் டேவிட் வார்னர் 5,384 ரன்களும், ஐந்தாவது இடத்தில் ரோஹித் சர்மா 5,368 ரன்களும் எடுத்துள்ளனர். இன்று (ஏப்ரல் 23) இரவு 7.30 மணிக்கு சென்னையில் நடைபெறும் 17ஆவது லீக் ஆட்டத்தில் பஞ்சாப் அணியும் மும்பை அணியும் மோதுகின்றன. https://minnambalam.com/entertainment/2021/04/23/10/IPL-Bangalore-defeats-Rajasthan  
×
×
  • Create New...

Important Information

By using this site, you agree to our Terms of Use.