மண்டேலா - யோகி பாபுவின் `மண்டேலா'... இந்தப் படத்தை ஏன் கொண்டாடவேண்டும்?

[பிழம்பு]

 

மண்டேலா

'ஆண்டவன் கட்டளை' படத்துக்குப் பிறகு அழுத்தமான ஒரு பாத்திரம் யோகிபாபுவுக்கு. காமெடியனாகத் திரிந்தவர், கதைக்கான நடிகனாக ஒரு படி மேலேறி முத்திரைப் பதித்திருக்கிறார். எதுவும் அறிந்திராத அப்பாவியாகச் சாதிய தீக்கு இரையாகி அப்பாவி முகம் காட்டும்போது பரிதாபத்தை ஏற்படுத்துபவர், பின்னர் அரசியல்வாதிகளை பெண்டெடுக்கும்போது நம்மையும் நிமிர்ந்து உட்கார வைக்கிறார். வெறும் ஹீரோவாக நடிப்பதற்கும் கதையின் நாயகனாக நடிப்பதற்கும் உள்ள வேறுபாடுகளை இந்தப் படம் உணர்த்துகிறது. அந்த வகையில் யோகி பாபுவுக்கு ஸ்பெஷல் ஹார்ட்டின்!

 

ஊர் போஸ்ட் மாஸ்டர் தேன்மொழியாக ஷீலா ராஜ்குமார். யோகி பாபுவுக்கு 'மண்டேலா' பெயர்க் காரணம் தொடங்கி, அடையாள அட்டை, சேமிப்புக் கணக்கு, இந்திய ஜனநாயகத்தில் ஒரு வாக்கின் அருமை பெருமையை உணர்த்துவது என எதையும் போரடிக்கும் மெசேஜாகப் பதிவு செய்யாமல் கதையின் போக்கிலேயே புரியவைக்கும் பாத்திரம். படம் நெடுக யோகிபாபுவுடன் உலாவரும் அந்த கிர்தா 'கான்' சிறுவன், ஊர் பெரியவராகப் பெரியாரின் சீடனாகச் சங்கிலி முருகன், வேட்பாளர்களாக ஜி.எம்.சுந்தர், கண்ணா ரவி என எல்லோரும் தங்களின் பாத்திரங்களுக்குச் சரியாகப் பொருந்திப் போயிருக்கின்றனர். எந்தச் சண்டையென்றாலும் செருப்பைக் கழற்றிவிட்டுவிட்டு கோதாவுக்குள் குதிப்பவர், யார் என்ன செய்தாலும் வேண்டுமென்றே குறை சொல்லும் பக்கத்து ஊர்க்காரர், காசைக் கொடுக்காமல் ஓசியிலேயே எல்லாவற்றையும் சாதித்துக்கொள்ளும் திருடன் இசக்கி, தேர்தல் அதிகாரி ஜார்ஜ் மரியன், சாதியை விடாமல் தூக்கிப்பிடிக்கும் மனிதர்கள் என அச்சு அசலாக யதார்த்தமான மனிதர்களைப் படம் நெடுக வெவ்வேறு தன்மையுடன் உலாவவிட்டிருக்கிறார் இயக்குநர். இது படத்துக்குப் பெரும்பலம் சேர்த்திருக்கிறது.

 

மண்டேலா

இந்தியாவில் ஓர் ஓட்டுக்கு இருக்கும் பலம், ஒரு வாக்காளர் அடையாள அட்டை நினைத்தால் என்னவெல்லாம் செய்யும், அதன் பவர் என்ன என்பதை உணர்த்த நினைத்திருக்கிறார் இயக்குநர். அதில் வெற்றியும் பெற்றிருக்கிறார். சாதி பாகுபாட்டைக் களைந்து அனைவரையும் ஒரே தராசில் நிறுத்தும் ஒருவரின் தேர்தல் வாக்கின் சக்தி, அதுவரை கீழாக நடத்தப்பட்ட 'மண்டேலா'வைக் கொண்டாட வைக்கிறது. வாக்கரசியலுக்காக எதையும் செய்வார்கள் அரசியல்வாதிகள் என்பதை வெளிப்படையாகப் போட்டு உடைக்கிறது. அதேபோல், ஒரு பேருந்தில் அருகருகே உட்கார்ந்துகூடப் பயணிக்காதவர்கள், மது அருந்தும்போது மட்டும் காசில்லாததால் வேறு வழியின்றி ஒன்றுகூடி கொண்டாடும் காட்சி சமகால சமூகத்தின் நுண் பகடி!

 

விது அய்யன்னாவின் ஒளிப்பதிவு பொட்டல் கிராமத்தின் மண்ணை அள்ளி வந்திருக்கிறது. ஊறுகா பேண்டு பரத் ஷங்கரின் இசையில், யுகபாரதியின் வரிகளில் ஒலிக்கும் 'ஒரு நீதி ஒன்பது சாதி' பாடல் படத்தின் மையக்கருத்தை அற்புதமாகப் பிரதிபலித்திருக்கிறது. இப்படியொரு படத்தைத் துணிந்து தயாரித்த YNOT ஸ்டுடியோஸ் சசிகாந்த், ரிலையன்ஸ் என்டர்டெயின்மென்ட் மற்றும் இயக்குநர் பாலாஜி மோகனுக்குப் பாராட்டுகள்.

 

மண்டேலா

அதே சமயம், சாதிய அரசியல், வாக்கரசியல், தேர்தல் கலாட்டா என எல்லாவற்றையும் கச்சிதமாக ஒரு தெளிவுடன் அணுகிய இயக்குநர் ஒரு சில இடங்களில் சறுக்கவும் செய்திருக்கிறார். யோகி பாபு தன் வாக்குக்கு லஞ்சமாகப் பெறும் பொருள்கள், தேர்தலுக்கு முன் ஊர் மக்களுக்குத் தரப்படும் பணம், அன்பளிப்பு போன்றவற்றைச் சட்டத்துக்குப் புறம்பான ஒரு விஷயமாக மட்டுமே பார்க்கவேண்டும். ஆனால், அதை அரசின் சார்பாக மக்களுக்கு வழங்கப்படும் விலையில்லா பொருள்கள் மற்றும் திட்டங்களுடன் ஒப்பிட்டுக் காட்டியிருப்பது சற்றே நெருடல். விலையில்லா பொருள்களும் அத்தகைய திட்டங்களும் மக்களின் வாழ்வாதாரத்தை உயர்த்தும் கருவிகள். அவர்களின் வரிப்பணத்திலிருந்தே அரசின் சார்பாக மக்களுக்கு அளிக்கப்படும் உரிமைகள் என்ற புரிதல் இங்கே அனைத்து கலைஞர்களுக்கும் இருப்பது அவசியம். அதை வாக்குக்குக் கொடுக்கும் பணத்துடன் ஒப்பிடுவது ஆபத்தான அரசியல்.

ஊர் பெரியவர் பாத்திரம் அந்த ஊரிலிருக்கும் சாதியப் பிரச்னைகளை முடிக்காமல் இருதரப்புக்கும் மையமாக நின்று சமரசம் பேசுவதாய் காட்டப்படுவது உறுத்தல். இரண்டு சாதிகளும் ஆபத்துதான், இங்கே இரண்டுமே தேவையில்லை என்ற தெளிவே அவசியமானது. ஆனால், அவர் இரண்டு சாதிகளுக்கும் பொதுவான ஆள் என்று சொல்வதற்காக இரண்டு சாதியிலும் ஒவ்வொரு பெண்ணைத் திருமணம் செய்திருப்பதாய் காட்டுவது பெண்களை வெறும் பொருளாக மட்டுமே பார்க்கும் அபத்தத்தின் உச்சம்!

யோகி பாபுவின் `மண்டேலா'... இந்தப் படத்தை ஏன் கொண்டாடவேண்டும்?! ப்ளஸ், மைனஸ் ரிப்போர்ட்! | Yogi Babu Mandela Movie Plus Minus Report (vikatan.com)

[பிழம்பு]

மண்டேலா - யோகிபாபு படத்தின் சினிமா விமர்சனம்

• முரளிதரன் காசி விஸ்வநாதன்
• பிபிசி தமிழ்

நடிகர்கள்: யோகிபாபு, ஷீலா ராஜ்குமார், சங்கிலி மருகன், ஜி.எம். சுந்தர்; இசை: பரத் சங்கர்; இயக்கம்: மடோன்னே அஸ்வின்.

தமிழில் அரசியல் தொடர்பான திரைப்படங்கள், அரசியலைச் சொல்லும் திரைப்படங்கள் மிகவும் குறைவாக இருக்கும் நிலையில், தேர்தல் அரசியலை மையமாக வைத்து வெளியாகியிருக்கிறது 'மண்டேலா'.

சூரங்குடி என்ற கிராமத்தில் நடக்கவிருக்கும் உள்ளாட்சித் தேர்தலில், பதவியைப் பிடிப்பதற்காக இரண்டு ஜாதியினர் மோதிக்கொள்கிறார்கள். வாக்குகள் இரு தரப்புக்கும் இடையில் சரிசமமாகப் பிரியும் நிலையில், வெற்றிபெறுவதற்கு ஒரு ஓட்டு தேவைப்படுகிறது.

ஆகவே, அந்த ஊரில் உள்ள முடிதிருத்துபவரான மண்டேலாவின் (யோகிபாபு) வாக்கு மிக முக்கியமானதாக உருவெடுக்கிறது. அவரது வாக்கைப் பெற, இரு தரப்பும் இலவசங்களை அள்ளிக்கொடுக்கிறார்கள். மண்டேலா யாருக்கு வாக்களித்தார் என்பது மீதிக் கதை.

படத்தின் இயக்குநர் மடான்னே அஸ்வின் ஏற்கனவே தனது குறும்படங்கள் மூலம் பெரும் கவனத்தைப் பெற்றவர். அவரது முதல் முழு நீளப் படம் இது. தனது குறும்பட அனுபவத்தை இந்தப் படத்தில் மிகச் சிறப்பாக பயன்படுத்தியிருக்கிறார் அஸ்வின்.

கதை, திரைக்கதை, காட்சியமைப்பு, ஒளிப்பதிவு, பின்னணி இசை என ஒரு திரைப்படத்திற்கான அனைத்து அம்சங்களும் இந்தப் படத்தில் சிறப்பாக அமைந்திருக்கின்றன. படத்தின் வரும் எல்லா காட்சிகளுமே சரியான இடத்தில் ஆரம்பித்து, சரியாக முடிகின்றன. ஒரு காட்சிகூட தேவையில்லாத நீளத்தில் இல்லை.

படத்தின் முதல் காட்சியில் ஆரம்பிக்கும் சுவாரஸ்யம், இறுதிவரை டெம்போ குறையாமல் இருப்பது படத்தின் இன்னுமொரு பலம். பல காட்சிகளை, கண்ணீர் சிந்தவைக்கும் உருக்கமான காட்சிகளாக மாற்றக்கூடிய சாத்தியம் இருந்தும்கூட, அந்த நிலைக்கு படத்தை எடுத்துச்செல்லாமல் தான் சொல்லவந்த களத்திற்குள், மெல்லிய நகைச்சுவையுடன் படத்தை எடுத்துச் சென்று, முடித்திருக்கிறார் மடான்னே அஸ்வின்.

படத்தின் நாயகன் யோகிபாபு. இதற்கு முன்பாக பல படங்களில் அவர் கதாநாயகனாக நடித்திருந்தாலும் அந்தப் படங்களில் அவரது முழுத் திறன் வெளிப்பட்டதில்லை. அவரது நகைச்சுவை கதாபாத்திரங்களின் நீட்சியாகவே இந்தப் பாத்திரங்கள் அமைந்திருந்தன. ஆனால், இந்தப் படத்தில் நகைச்சுவையை முதன்மையாகக் கொள்ளாமல், இயல்பான ஒரு மனிதராக நடிப்பதற்கான வாய்ப்பு அவருக்குக் கிடைத்திருக்கிறது. கிடைத்த வாய்ப்பில் பின்னியெடுத்திருக்கிறார் யோகிபாபு.

இவருக்கு அடுத்தபடியாக, அஞ்சல்துறை பணியாளராக வரும் ஷீலா, ஊர்ப் பெரியவராக வரும் சங்கிலி முருகன், அவரது மகன்களாக நடித்திருப்பவர்கள், மண்டேலாவின் உதவியாளராக வரும் சிறுவன் ஆகியோர் தங்கள் பாத்திரத்தை உணர்ந்து, சின்ன பிழைகூட இல்லாமல் நடித்திருக்கிறார்கள். ஷீலா இதற்கு முன்பாக பல படங்களில் நடித்திருந்தாலும், இந்தப் படம் அவரை சிறந்த கோணத்தில், சிறந்த நடிகையாகக் காட்டுகிறது.

முக்கியப் பாத்திரங்கள் மட்டுமல்லாமல் சின்னச்சின்ன ரோல்களில் நடித்திருப்பவர்கள்கூட சிறப்பாக நடித்திருக்கிறார்கள். இதுபோன்ற படங்களில், திரைக்கதை நன்றாக இருந்தாலும்கூட, நடிப்பவர்கள் தங்களது சொதப்பலான நடிப்பால் படத்தை கைவிட்டுவிடுவார்கள். ஆனால், இந்தப் படத்தில் அந்தப் பிரச்சனையே இல்லை.

ஆனால், படம் என்ன சொல்லவருகிறது என்பதில் சிலருக்கு கருத்து வேறுபாடுகள் இருக்கலாம். அடிப்படையில் இந்தப் படம், வாக்காளர்கள் இலவசங்களுக்காக மனம் மயங்கிவிடாமல், உண்மையான பிரச்னைகளை மனதில் வைத்து வாக்களிக்க வேண்டும் என்கிறது. சமூகத்தின் கீழ் மட்டத்தில் இருப்பவர்களுக்கு உணவே பிரச்னையாக இருக்கும் இடத்தில், அந்த உணவை இலவசமாகக் கொடுப்பதையும் பெறுவதையும் தவறு என்பதைப்போலக் காட்டுகிறது படம்.

தவிர, படத்தில் வரும் ஊர் பெரியவர் பெரியார் மீது பற்றுகொண்டவர். இரண்டு மனைவிகளுடன் வாழ்கிறார். அவரது இரண்டு மகன்கள், அவரது வாரிசு யார் என்பதற்காக அடித்துக்கொள்கிறார்கள். இதுவும் ஒரு குறியீடா எனத் தெரியவில்லை.

படம் தற்காலத்தில் நடக்கிறது. ஆனால், படத்தில் காட்டப்படும் கிராமம் 50 ஆண்டுகளுக்கு முற்பட்ட கிராமத்தைப்போல காட்டப்படுகிறது. இடிந்து விழுந்துகிடக்கும் பள்ளிக்கூடங்கள், அம்பாசிடர் கார்கள் என தற்காலத்தில் இல்லாத பல விஷயங்களைப் படம் காட்டுகிறது.

குறிப்பாக, தமிழ்நாட்டில் போலியோ முழுமையாக ஒழிக்கப்பட்டுவிட்ட நிலையில் அந்நோயால் பாதிக்கப்பட்டதாக ஒரு குழந்தை படத்தில் வருகிறது. கதையில் எந்த அம்சத்தையும் கூடுதலாகச் சேர்க்காத இந்த அம்சங்கள் படத்தில் எதற்காக வருகின்றன எனத் தெரியவில்லை.

ஆனால், மேலே சொன்ன விஷயங்களைவிட்டுவிட்டு வெறும் சினிமா என்ற வகையில் பார்த்தால் ரசிக்கக்கூடிய சினிமாதான் இது. திரையரங்கில் வெளியாகியிருந்தால் மிகச் சிறப்பான வரவேற்பைப் பெற்றிருக்கக்கூடிய படம். ஆனால், தற்போது நெட்ஃப்ளிக்ஸில் வெளியாகியிருக்கிறது.

மண்டேலா - யோகிபாபு படத்தின் சினிமா விமர்சனம் - BBC News தமிழ்

[நிழலி]

போன ஞாயிறு, யோகிபாபு கதாநாயகனாக நடித்த படம் நல்லா இருக்குமா என்ற சந்தேகத்துடன் மண்டேலா படத்தை பார்க்கத் தொடங்கினேன். ஆரம்ப காட்சியிலேயே புதுசா கட்டின ஒரு கக்கூஸ்சை காட்டியவுடன் "இதென்ன கக்கா படம்... ஞாயிறு பின்னேரம் இதை ஏன் பார்ப்பான் " என்று பாட்டுகள் பார்க்க தொடங்கி விட்டேன். ஆனால் மண்டேலா பற்றிய விமர்சனங்கள் நல்லா வந்து கொண்டு இருந்ததால் நேற்று இரவு பார்த்தேன்.

படம் சூப்பர்...! ஒரு வாக்கு சீட்டை வைத்துக் கொண்டு தமிழக / இந்திய அரசியலை வைத்து நகைச்சுவையாக, அதே நேரம் யதார்த்தமாக எடுத்துள்ளனர்.

யோகி பாபு...! இவரைத் தவிர இந்த படத்துக்கு யாரும் இந்தளவுக்கு பொருந்த மாட்டார்கள்.

தவறவிடக் கூடாத பொழுது போக்கான அதே நேரம் யதார்த்தமான ஒரு படம்

[Maruthankerny]

2 hours ago, நிழலி said:

போன ஞாயிறு, யோகிபாபு கதாநாயகனாக நடித்த படம் நல்லா இருக்குமா என்ற சந்தேகத்துடன் மண்டேலா படத்தை பார்க்கத் தொடங்கினேன். ஆரம்ப காட்சியிலேயே புதுசா கட்டின ஒரு கக்கூஸ்சை காட்டியவுடன் "இதென்ன கக்கா படம்... ஞாயிறு பின்னேரம் இதை ஏன் பார்ப்பான் " என்று பாட்டுகள் பார்க்க தொடங்கி விட்டேன். ஆனால் மண்டேலா பற்றிய விமர்சனங்கள் நல்லா வந்து கொண்டு இருந்ததால் நேற்று இரவு பார்த்தேன்.

படம் சூப்பர்...! ஒரு வாக்கு சீட்டை வைத்துக் கொண்டு தமிழக / இந்திய அரசியலை வைத்து நகைச்சுவையாக, அதே நேரம் யதார்த்தமாக எடுத்துள்ளனர்.

யோகி பாபு...! இவரைத் தவிர இந்த படத்துக்கு யாரும் இந்தளவுக்கு பொருந்த மாட்டார்கள்.

தவறவிடக் கூடாத பொழுது போக்கான அதே நேரம் யதார்த்தமான ஒரு படம்

எங்கு பார்த்தீர்கள்?
நான் இந்திய இணைய தளங்களில் பார்ப்பது இல்லை 
(பெரிதாக சினிமா படம் பார்ப்பதும் இல்லை)
இந்த விமர்சனங்களை வாசித்தால் பார்க்க ஆவல் 
ஓ மை கடவுளே படமும் ஓரிடமும் கிடைக்கவில்லை 

யாரவது தெரிந்தால் அறியத்தாருங்கள் நன்றி 

[நிழலி]

18 minutes ago, Maruthankerny said:

எங்கு பார்த்தீர்கள்?
நான் இந்திய இணைய தளங்களில் பார்ப்பது இல்லை 
(பெரிதாக சினிமா படம் பார்ப்பதும் இல்லை)
இந்த விமர்சனங்களை வாசித்தால் பார்க்க ஆவல் 
ஓ மை கடவுளே படமும் ஓரிடமும் கிடைக்கவில்லை 

யாரவது தெரிந்தால் அறியத்தாருங்கள் நன்றி 

மண்டேலா Netflix இல் உள்ளது மருது. நல்ல படம்.

[Maruthankerny]

4 minutes ago, நிழலி said:

மண்டேலா Netflix இல் உள்ளது மருது. நல்ல படம்.

ஓகே நன்றி 

[Eppothum Thamizhan]

ஓ மை கடவுளே படம் YouTube இல் உள்ளது. (Simply south print)

[Maruthankerny]

8 minutes ago, Eppothum Thamizhan said:

ஓ மை கடவுளே படம் YouTube இல் உள்ளது. (Simply south print)

இரு மாதம் முன்பு தேடினேன் இருக்கவில்லை 
யூடூபில் இப்போ படம் பார்க்கவும் முடியாது ஒரே விளம்பரம் 
 

[tulpen]

12 hours ago, Maruthankerny said:

எங்கு பார்த்தீர்கள்?
நான் இந்திய இணைய தளங்களில் பார்ப்பது இல்லை 
(பெரிதாக சினிமா படம் பார்ப்பதும் இல்லை)
இந்த விமர்சனங்களை வாசித்தால் பார்க்க ஆவல் 
ஓ மை கடவுளே படமும் ஓரிடமும் கிடைக்கவில்லை 

யாரவது தெரிந்தால் அறியத்தாருங்கள் நன்றி 

ஒ மை கடவுளே Tentkotta தளத்தில் உள்ளது. ஆனால் சந்தா கட்டவேண்டும். அதை  விட  you tube ல் முழுப் படமும் உள்ளது. பார்தது மகிழலாம். எனக்கு பிடித்த சிறந்த படம். 

ஆனால் படம் பார்தது முடிந்த பின்னர் அட கடவுளே! இப்படி எனக்கும் ஒரு சான்ஸ் தரக்கூடாதா,  என்று அந்த கற்பனையை நினைத்து ஏங்கக் கூடாது. 😂

 

[தனிக்காட்டு ராஜா]

மண்டேலா சாதியத்தையும் இந்திய தேர்தலையும் தோலுரித்து காட்டி இருக்கும் படம் யோகி பாபு  கதாபாத்திரத்தில் கலக்கி இருக்கிறார் என்றே சொல்லலாம் 

[பெருமாள்]

On 7/4/2021 at 14:08, பிழம்பு said:

இரண்டு சாதியிலும் ஒவ்வொரு பெண்ணைத் திருமணம் செய்திருப்பதாய் காட்டுவது பெண்களை வெறும் பொருளாக மட்டுமே பார்க்கும் அபத்தத்தின் உச்சம்!

இதைத்தானே கருணாநிதி செய்தார் படத்தில் அபத்தத்தின் உச்சம் என்கிறார்கள் வாய்ஜால  கருணாநிதி செய்தால் தலீவார் .😄

On 7/4/2021 at 20:11, Maruthankerny said:

எங்கு பார்த்தீர்கள்?
நான் இந்திய இணைய தளங்களில் பார்ப்பது இல்லை 
(பெரிதாக சினிமா படம் பார்ப்பதும் இல்லை)
இந்த விமர்சனங்களை வாசித்தால் பார்க்க ஆவல் 
ஓ மை கடவுளே படமும் ஓரிடமும் கிடைக்கவில்லை 

யாரவது தெரிந்தால் அறியத்தாருங்கள் நன்றி 

உங்கள் பிரைவேட் மெயிலை பாருங்கள் .

[Maruthankerny]

On 7/4/2021 at 14:30, நிழலி said:

மண்டேலா Netflix இல் உள்ளது மருது. நல்ல படம்.

மீண்டும் நன்றி 
தரமான திரைக்கதை இந்த திரைக்கதைக்கு விருதுகொடுக்கலாம் 
காதல் படம் பார்த்த போது வந்த அதே பிரமை எனக்கு இந்த படத்திலும் வந்தது 
ஊரிலேயே எந்த முக்கியத்துவமும் இல்லாத கடைநிலை கதாபாத்திரத்தை கொண்டு 
சலிப்பில்லாமல் கதையை நகர்த்திய விதம் அருமை 

நான் பெரிதாக படங்கள் பார்ப்பதில்லை விஜய் சேதுபதி  விஜய் இருவரும் இணைந்து 
நடித்து இருந்ததால் ஏதும் இருக்கும் என்ற ஆவலுடன் மாஸ்டர் படம் பார்த்து ஏமாந்து போனேன்  
உண்மையில் மண்டேலாவை விட .. மாஸ்டர் கதையின் கரு நல்லது 
ஆனால் அதை திரையில் வைத்து சிதைத்து விட்டிருந்தார்கள் 

மண்டேலா காதாபாத்திரங்களின்  வடிவமைப்பு காடசிக்கு காட்சி கதை நகர்த்திய விதம் எல்லாமே அருமை. 

9 hours ago, பெருமாள் said:

.உங்கள் பிரைவேட் மெயிலை பாருங்கள் .

 

[குமாரசாமி]

நான் சிறுவயதில் ஒரு சினிமா பைத்தியம். அதனால் பலவற்றை இழந்தும் இருக்கின்றேன்.ஊர் தொடக்கம் புலம்பெய்ர்ந்த பின்னரும் தமிழ்படங்கள் தொடர்ந்து பார்த்து மகிழ்ந்தவன். என்று பிரமாண்டம் அது இது என கதையும் இல்ல்லாமல் ஒரு வரி கதையை வைத்தும் பாடலை மட்டும் வைத்து படம் எடுத்தார்களோ அன்றிலிருந்து தமிழ் படங்கள் பார்ப்பதில்லை.
பாலச்சந்தர் பாரதிராஜா மகேந்திரன் என நல்ல இயக்குனர்களின் படங்கள் இல்லாமல் போனதுடன் தமிழ் சினிமாவில் கதை தொய்வும் எற்பட்டு விட்டது. அது தவிர எல்லா படங்களிலும் பிராமணியம் புகுந்து விடும். வெள்ளை நிறத்துக்கு முக்கியத்துவம் கொடுக்கப்பட்டது.

இன்று வரும் படங்கள் அப்படி தெரியவில்லை. பிரமாண்டம் இல்லை. வெள்ளை நிறத்திற்கு முக்கியத்துவம் கொடுக்கப்படவில்லை. முகவெட்டு அவசியமில்லை. கதை அதற்கேற்ற கதாபாத்திரம். இன்று வரும் கதாபாத்திரங்களுக்கு நடிப்பு  தேவையில்லை. வாழ்க்கையை வாழ்ந்து காட்டினாலே போதும்.சண்டை கூட நிஜமாகவே எடுக்கின்றார்கள்.

ஒரு மனிதனின் அடிமட்ட வாழ்க்கையை விவரணப்படம் போல் எடுக்கின்றார்கள். மிக அழகாக கதையை சொல்கின்றார்கள். இசையும் கிராமத்து இசைக்கருவிகளை முன்னிலை படுத்துகின்றது.

அன்று பாரதிராஜா போன்றவர்கள் ஒரு பெரிய கோட்டை தாண்டினார்கள். அவர்களின் பாணியில் இன்றைய இயக்குனர்கள் இன்னொரு பெரிய கோட்டை தாண்டி விட்டார்கள்.

அன்று கமலகாசனின் கோவணம் பெரிசாக பேசப்பட்டது.
இன்று கோவணம் கட்டுபவனே கதாபாத்திரமாகிவிட்டான்.
அவர்களின் நடிப்பு இயற்கையாகவே இருக்கின்றது.

நீண்ட காலத்தின் பின் நல்ல படம் பார்த்த திருப்தி.
 

[Nathamuni]

On 8/4/2021 at 08:55, tulpen said:

ஒ மை கடவுளே Tentkotta தளத்தில் உள்ளது. ஆனால் சந்தா கட்டவேண்டும். அதை  விட  you tube ல் முழுப் படமும் உள்ளது. பார்தது மகிழலாம். எனக்கு பிடித்த சிறந்த படம். 

ஆனால் படம் பார்தது முடிந்த பின்னர் அட கடவுளே! இப்படி எனக்கும் ஒரு சான்ஸ் தரக்கூடாதா,  என்று அந்த கற்பனையை நினைத்து ஏங்கக் கூடாது. 😂

 

கடவுளே! இப்படி எனக்கும் ஒரு சான்ஸ் தரக்கூடாதா என்று கேட்டு, அவோட கலியாணத்தோடை, நொந்துபோன ஒரு திரி ஒண்டு, பட்டி , தொட்டி எல்லாம் ஓடியதே... 😍 

[ஈழப்பிரியன்]

1 hour ago, குமாரசாமி said:

நான் சிறுவயதில் ஒரு சினிமா பைத்தியம். அதனால் பலவற்றை இழந்தும் இருக்கின்றேன்.ஊர் தொடக்கம் புலம்பெய்ர்ந்த பின்னரும் தமிழ்படங்கள் தொடர்ந்து பார்த்து மகிழ்ந்தவன். என்று பிரமாண்டம் அது இது என கதையும் இல்ல்லாமல் ஒரு வரி கதையை வைத்தும் பாடலை மட்டும் வைத்து படம் எடுத்தார்களோ அன்றிலிருந்து தமிழ் படங்கள் பார்ப்பதில்லை.
பாலச்சந்தர் பாரதிராஜா மகேந்திரன் என நல்ல இயக்குனர்களின் படங்கள் இல்லாமல் போனதுடன் தமிழ் சினிமாவில் கதை தொய்வும் எற்பட்டு விட்டது. அது தவிர எல்லா படங்களிலும் பிராமணியம் புகுந்து விடும். வெள்ளை நிறத்துக்கு முக்கியத்துவம் கொடுக்கப்பட்டது.

இன்று வரும் படங்கள் அப்படி தெரியவில்லை. பிரமாண்டம் இல்லை. வெள்ளை நிறத்திற்கு முக்கியத்துவம் கொடுக்கப்படவில்லை. முகவெட்டு அவசியமில்லை. கதை அதற்கேற்ற கதாபாத்திரம். இன்று வரும் கதாபாத்திரங்களுக்கு நடிப்பு  தேவையில்லை. வாழ்க்கையை வாழ்ந்து காட்டினாலே போதும்.சண்டை கூட நிஜமாகவே எடுக்கின்றார்கள்.

ஒரு மனிதனின் அடிமட்ட வாழ்க்கையை விவரணப்படம் போல் எடுக்கின்றார்கள். மிக அழகாக கதையை சொல்கின்றார்கள். இசையும் கிராமத்து இசைக்கருவிகளை முன்னிலை படுத்துகின்றது.

அன்று பாரதிராஜா போன்றவர்கள் ஒரு பெரிய கோட்டை தாண்டினார்கள். அவர்களின் பாணியில் இன்றைய இயக்குனர்கள் இன்னொரு பெரிய கோட்டை தாண்டி விட்டார்கள்.

அன்று கமலகாசனின் கோவணம் பெரிசாக பேசப்பட்டது.
இன்று கோவணம் கட்டுபவனே கதாபாத்திரமாகிவிட்டான்.
அவர்களின் நடிப்பு இயற்கையாகவே இருக்கின்றது.

நீண்ட காலத்தின் பின் நல்ல படம் பார்த்த திருப்தி.
 

கடைசி வரை என்ன படமென்று சொல்லவேயில்லை.

[தனிக்காட்டு ராஜா]

17 hours ago, ஈழப்பிரியன் said:

கடைசி வரை என்ன படமென்று சொல்லவேயில்லை.

அவரே மறந்துட்டார்  படத்தின்ற பெயர😍

[குமாரசாமி]

23 hours ago, ஈழப்பிரியன் said:

கடைசி வரை என்ன படமென்று சொல்லவேயில்லை.

5 hours ago, தனிக்காட்டு ராஜா said:

அவரே மறந்துட்டார்  படத்தின்ற பெயர😍

நாங்கள் இப்ப எங்கை நிக்கிறம்? 😁

[ஈழப்பிரியன்]

30 minutes ago, குமாரசாமி said:

23 hours ago, ஈழப்பிரியன் said:

கடைசி வரை என்ன படமென்று சொல்லவேயில்லை.

5 hours ago, தனிக்காட்டு ராஜா said:

அவரே மறந்துட்டார்  படத்தின்ற பெயர😍

நாங்கள் இப்ப எங்கை நிக்கிறம்

சுப்பற்ரை கொல்லைக்க.

[பெருமாள்]

On 8/4/2021 at 08:55, tulpen said:

ஒ மை கடவுளே Tentkotta தளத்தில் உள்ளது. ஆனால் சந்தா கட்டவேண்டும். அதை  விட  you tube ல் முழுப் படமும் உள்ளது. பார்தது மகிழலாம். எனக்கு பிடித்த சிறந்த படம். 

ஆனால் படம் பார்தது முடிந்த பின்னர் அட கடவுளே! இப்படி எனக்கும் ஒரு சான்ஸ் தரக்கூடாதா,  என்று அந்த கற்பனையை நினைத்து ஏங்கக் கூடாது. 😂

ஊருக்குத்தான் உபதேசம் தனக்கில்லை மற்றவர்களுக்கு மட்டும் மனிதவுரிமை நீதி நியாயம் தான்  பார்ப்பது திருட்டு தளம்களில் திருடிய படங்கள் .😄

இதைவிட திருட்டு விசிடி பார்க்கிறம் என்று  உண்மையை சொல்லி வாழ்வது எவ்வளவோ மேல் .

[நிழலி]

20 minutes ago, பெருமாள் said:

ஊருக்குத்தான் உபதேசம் தனக்கில்லை மற்றவர்களுக்கு மட்டும் மனிதவுரிமை நீதி நியாயம் தான்  பார்ப்பது திருட்டு தளம்களில் திருடிய படங்கள் .😄

இதைவிட திருட்டு விசிடி பார்க்கிறம் என்று  உண்மையை சொல்லி வாழ்வது எவ்வளவோ மேல் .

YouTube இல் படங்கள் பார்ப்பது திருட்டுத்தனமா? எப்ப இருந்து?

ஏனெனில் YouTube இல் நானும் நிறையப் படங்கள் பார்கின்றனான். அத்துடன் ஓ மை கடவுளே படமும், இந்த திரியை வாசித்த பின் மீண்டும் ஒரு தடவை YouTube  இல் தான் பார்த்தேன்.

[பெருமாள்]

2 minutes ago, நிழலி said:

YouTube இல் படங்கள் பார்ப்பது திருட்டுத்தனமா? எப்ப இருந்து?

ஏனெனில் YouTube இல் நானும் நிறையப் படங்கள் பார்கின்றனான். அத்துடன் ஓ மை கடவுளே படமும், இந்த திரியை வாசித்த பின் மீண்டும் ஒரு தடவை YouTube  இல் தான் பார்த்தேன்.

அவர் இணைத்ததை   இப்போ போய்  PLAY  பண்ணி பாருங்க விளங்கும் .

படம் வெளியிடுபவர்களின்  அனுமதி இன்றி இந்த காளான் இணையங்கள் செய்யும் தகிடுதத்தம் .

[நிழலி]

1 minute ago, பெருமாள் said:

அவர் இணைத்ததை   இப்போ போய்  PLAY  பண்ணி பாருங்க விளங்கும் .

படம் வெளியிடுபவர்களின்  அனுமதி இன்றி இந்த காளான் இணையங்கள் செய்யும் தகிடுதத்தம் .

இப்பதான் கவனித்தேன். கட்டணம் கட்டி பார்க்கும் வண்ணம் மாற்றியுள்ளார்கள்.

 

 

[பெருமாள்]

1 minute ago, நிழலி said:

இப்பதான் கவனித்தேன். கட்டணம் கட்டி பார்க்கும் வண்ணம் மாற்றியுள்ளார்கள்.

இல்லை சரியாக கவனியுங்கள் .

Video unavailable

This video is no longer available due to a copyright claim by Aiplex Software Private Limited.

[நிழலி]

காளான் இணையத்தளங்கள் மட்டுமல்ல, படத் தயாரிப்பு நிறுவனங்கள் கூட பல நூறு தமிழ் படங்களை இங்கு பகிர்ந்துள்ளார்கள். முக்கியமாக நல்ல பழைய படங்களை பார்க்க வேண்டும் என்றால் YouTube இல் பார்க்க முடியும். முன்னர் பல ஈரானிய திரைப்படங்களும் இருந்தன.

[பெருமாள்]

கொப்பி  ரைட்ஸ் சிங்கன் இணைத்த அன்றே கவனித்ததில் தெரியும் தனிப்பட்ட விளம்பர வருவாய்க்கு இணைத்துள்ளார்கள் என்று .

அதாவது களவு தளம் என்று யூடுப் தளம்  வெளியிடுவது வேறு இது வேறு .