Jump to content
  • Veeravanakkam
  • Veeravanakkam
  • Veeravanakkam

2021ஆம் ஆண்டு ஐ.நா.மனிதஉரிமைகள் சபைத் தீர்மானப் பலன் – சூ.யோ.பற்றிமாகரன்


Recommended Posts

  • கருத்துக்கள உறவுகள்

2021ஆம் ஆண்டு ஐ.நா.மனிதஉரிமைகள் சபைத் தீர்மானப் பலன் – சூ.யோ.பற்றிமாகரன்

April 14, 2021
 
 
Share
 
 
geneva-696x398.jpg
 82 Views

சிறீலங்காவின் இறைமை இழப்பு

பயன்படுத்தி உரிமைபெற ஈழத்தமிழர்க்குப் புதியவழி

இது ஈழத்தமிழர்களின் உள்ளக தன்னாட்சியின் மூலம் உலகநாடுகள் அவர்களுக்கான பாதுகாப்பான அமைதியை சிறீலங்காவிடம் பெற்றுக் கொடுக்க இயலாத நிலையின் வெளிப்பாடு.

ஆதலால் இது ஈழத்தமிழர்களின் வெளியக தன்னாட்சி உரிமையினை உலகநாடுகள் ஏற்று, அவர்களுக்கான அரசியல் எதிர்காலத்தை அவர்களே அமைத்துக் கொள்வதற்கான அனுமதியை வழங்க வைப்பதற்கான திறவுகோலாக அமைகிறது.

இப் பெருங்கலக்கத்தில் சிறீலங்கா உள்நாட்டுத் தூண்டுதல்கள், அயல்நாட்டுத் துணைகள் மூலம் தீர்மானத்தைச் செயலிழக்கவைக்க தனது முயற்சிகளைத் தொடங்கியுள்ளது.

இதனை எதிர்த்து தீர்மானத்தை உறுதியாகச் செயற்பட வைக்க வேண்டிய புலம் பதிந்த தமிழர்களோ, தீர்மானம் தமக்கு முழுஅளவில் சாதகமில்லையென விமர்சித்துக் காலத்தை வீணடிக்கின்றனர்.

இந்த நடைமுறைத் தன்மையை உணர்ந்து ஈழத்தமிழர்கள் தாயகத்திலும், புலத்திலும் சிறீலங்காவிடம் மண்டியிட்டு உரிமை கோரும் அரசியலை விடுத்து, உலகத்திடம் வெளியக தன்னாட்சி உரிமையை ஏற்கக் கோரும் ஒன்றுபட்ட முயற்சிகளை காலதாமதமின்றி வேகப்படுத்த வேண்டும்.

“2.8 மில்லியன் டொலரைச் செலவழித்து சிறீலங்காவின் முப்படையினரையும் கைது செய்து சர்வதேச நீதிமன்றத்தில் நிறுத்தும் செயல், இலங்கையில் மனித உரிமை மீறல்கள் நடைபெறும் என ஐக்கியநாடுகள் சபையின் மனித உரிமை ஆணையகம் கருதுகிறது. சிறீலங்காவிற்கான சட்டங்களை உருவாக்குவது, அரசியல் அமைப்பில் மாற்றங்களைக் கோருவது முப்படையினரதும் நியமனங்களை விமர்சிப்பதன் மூலம் ஐக்கிய நாடுகள் மனித உரிமைகள் சபை இலங்கையின் உள்விவகாரத்தில் தலையிடுகிறது. இதனை அனுமதிக்க வேண்டுமா? இது குறித்து நாடாளுமன்றத்தின் பங்களிப்பு என்ன? இவைகளைப் பொதுமக்கள் விளங்கிக் கொள்ள வேண்டும்” என சிங்கள மக்களிடம் ஐக்கியநாடுகள் சபையின் தீர்மானத்தை இலங்கைக்கு எதிரான தீர்மானமாக மடைமாற்றுச் செய்து காட்டி பௌத்த சிங்கள பேரினவாதத்தைத் தூண்டி அதன்வழி கட்சி பேதமற்ற முறையில் தீர்மானத்திற்கு எதிரான சிங்கள பௌத்த நிறவெறியைக் கட்டியெழுப்பும் பேருரையைச் சிறீலங்காவின் கல்வி அமைச்சரும் சட்டத்துறைப் பேராசிரியருமான ஜி. எல். பீரிஸ் சிங்கள பௌத்தத்தின் வரலாற்றுச் சின்னமாக விளங்கும் கண்டியில் வைத்து நிகழ்த்தியுள்ளார்.

சட்டரீதியாக அனைத்துலக சட்டங்களுக்கு எதிராகக் குற்றமிழைத்தவர்களை சிங்கள மக்கள் சக்தியைக் கொண்டும், பாராளுமன்ற சட்டவாக்க அதிகாரத்தைப் பயன்படுத்தியும் பாதுகாப்பதற்கான சூழ்ச்சியாக ஐக்கிய நாடுகள் மனித உரிமைகள் சபையின் தீர்மானத்தை, இவ்வகையில் சிறீலங்காவின் கல்வி அமைச்சர் திரிபுவாதம் செய்துள்ளார். கூடவே இது குறித்து நாடாளுமன்றத்தின் பங்களிப்பு என்னவெனக் கேள்வியும் எழுப்பிப் பாராளுமன்றத்தின் சட்டவாக்க அதிகாரத்தைப் பயன்படுத்தி தீர்மானத்தினை சிறீலங்காவின் ஆதிபத்திய இறைமையுள்ள இலங்கைக்குள் நடைமுறைப்படுத்தப்படாது தடுக்கக் கூடிய வகையில் அரச அதிபருக்கு அரசியலமைப்பால் அளிக்கப்பட்டுள்ள தண்டனை விலக்குப் பாதுகாப்பை படையினருக்கும் வழங்குவதற்கு புதிய அரசியலமைப்பு ஆவன செய்ய வேண்டும் என்னும் அரசகொள்கை உருவாக்கத் திட்டத்தையும் அவர் சுட்டிக்காட்டியுள்ளார். ஏனெனில் ஐ.நா. தீர்மானத்தின்படி இனஅழிப்புச் செய்த தனி ஆட்கள் மேலேயே அனைத்துலக குற்றவியல் நீதிமன்ற விசாரணை நெறிப்படுத்தப்படும். ஆகவே தங்களது படையினரைப் பாதுகாக்க ஜி எல். பீரிஸ் படையினருக்கும் தண்டனை விலக்களிக்கும் முறைமையை அரசியலமைப்புச் சட்டமாக்க முயல்கின்றார்.

மேலும் மனித உரிமைகள் ஒழுங்காற்றலுக்கான நெறிப்படுத்தலை சிறீலங்காவின் இறைமையுள் தலையிடுவதாக மடைமாற்றம் செய்து, அதன்வழியாக ஐக்கியநாடுகள் சபை ஒரு நாட்டின் இறைமைக்குள் தலையீடு செய்யக் கூடாதென்ற இறைமைப் பாதுகாப்பு விலக்கை சிறீலங்காவுக்குச் சாதகமாகப் பயன்படுத்தவும் சட்டத்துறைப் பேராசிரியரான ஜி.எல். பீரிஸ் முயற்சிக்கின்றார். இதன்வழி சிறீலங்கா மனித உரிமை வன்முறைகள் மீறல்கள், யுத்தக்குற்றங்கள், மனிதாயத்திற்கு எதிரான குற்றங்கள், இனஅழிப்பு என்பவற்றையயே தனது அரசியல் நோக்காகவும், நிர்வாகப் போக்காகவும்,  சட்ட அமுலாக்கச் செயலாகவும் கொண்டு செயற்பட்டுத்  தானே தனது இறைமையை இழக்க வைத்துள்ளது என்ற உண்மையை முழுப்பூசணிக்காயைச் சோற்றுக்குள் புதைப்பது போல ஜி. எல். பீரிஸ் அவர்கள் சிங்களப் பேரினவாதம் என்னும் தனக்கு உணவளிக்கும் சோற்றுக்குள் புதைத்து ஐக்கிய நாடுகள் சபையின் மனித உரிமைகள் சபை இறைமை இழப்பை ஏற்படுத்தி வருவதாகக் குற்றம்சாட்ட முற்பட்டுள்ளார்.

சிறீலங்காவின் வெளிவிவகார அமைச்சோ கலக்கத்தில் ஒருபடி மேலே போய்,  ஐக்கியநாடுகள் மனித உரிமைகள் சபைத் தீர்மானத்தை நிறவெறியாகவும், ஆசிய ஊடுருவலாகவும் காட்டி ஈழத்தமிழர்களின் மனித உரிமைப் பிரச்சினைக்கான தீர்வு முயற்சிகளைப் பகிரங்கமாகக் கொச்சைப்படுத்தி வருகின்றது. “வெள்ளையினத்தவர்கள் வாழும் 35 நாடுகளை ஒன்றிணைத்து குற்றச்சாட்டுக்களை முன்வைத்துள்ளனர். இந்தியாவின் பிரதிநிதி நாடுகளை இலக்கு வைக்கும் தீர்மானமென இதனைத் தெரிவித்து வாக்கெடுப்பைத் தவிர்த்துக் கொண்டார்” என்னும் சிறீலங்காவின் வெளிவிவகாரச் செயலாளர் ஜயநாத் கொலம்பகேயின் யேர்மன் தொலைக்காட்சிக்கான செவ்விப் பேச்சு இதனைத் தெளிவுபடுத்தியுள்ளது.

ஒரு நாட்டின் பொறுப்புமிகு பதவியில் உள்ளவர் வெள்ளையின முயற்சி எனப் பச்சை நிறவாதத்தைக் கக்கி, ஆசிய மேற்குலகப் பகைமையை உருவாக்கி உலகின் பாதுகாப்புக்கும், அமைதிக்கும் ஊறுவிளைவிக்க – வளர்க்க முயற்சிப்பதை உலகு கூர்மையாக அவதானிக்கிறது. அதேவேளை பௌத்த சிங்கள நாட்டை வெள்ளையர்கள் நடத்த முற்படுகிறார்கள் என்ற சிங்கள பௌத்த இனவெறியைச் சிங்களர்களிடை தூண்டி, தீர்மானத்தின் நடைமுறைச் செயலாக்கத் திறனை இலங்கைக்குள் தடுக்க முயற்சிக்கும் இக்கூற்றுக்கள் எந்த அளவுக்குச் சிறீலங்கா ஐ.நா. தீர்மானத்தால் கலங்கிப் போயுள்ளது என்பதை உலகுக்குப் படம்பிடித்துக் காட்டுகிறது.

அதேவேளை ஐக்கிய நாடுகள் சபைக்கான இந்தியப் பிரதிநிதி நாடுகளை இலக்கு வைக்கும் தீர்மானம் எனக் கூறியிருப்பதாக ஜயநாத் கொலம்பேயின் கூற்று ஐக்கிய நாடுகள் சபைத் தீர்மானத்தை ஆசிய நாடுகளாக உள்ள இந்தியா, பாகிஸ்தான், பங்களாதேஸ், யப்பான், இரஸ்யா, சீனா போன்றனவும் மற்றும் சில ஆபிரிக்க நாடுகளும் ஏன் எதிர்த்தும், நடுநிலையாக வாக்களிக்காமல் விட்டும் எதிர் கொண்டன என்பதற்கான அவரின் விளக்கமாக அமைகிறது. இந்த விளக்கத்தின் மூலம் ஆசிய, ஆபிரிக்க நாடுகளைத் தன் சிங்கள பௌத்த பேரினவாதக் கோட்டையின் முன்னரங்கக் காவற்காரர்களாக வைத்துத், தங்களின் ஈழத்தமிழினத்தின் மீதான இனஅழிப்பை முன்னெடுப்பதே இதன் பின்னணியாக உள்ளது.

உண்மையில் இங்குதான் உலகத் தமிழர்கள் இந்தியா உட்பட்ட ஆசிய நாடுகளுடனும், ஆபிரிக்க நாடுகளுடனும் சரியான முறையில் ஈழத்தமிழர்கள் இனங்காணக் கூடிய அச்சத்திற்குள் சிறீலங்காவால் நாளாந்த வாழ்வில் வாழவைக்கப்பட்டு, உயிருக்கும், உடைமைகளுக்கும், நாளாந்த வாழ்வுக்கும்  பாதுகாப்பு ஏதுமற்ற முறையில் வாழ்ந்து வரும் அவல வாழ்வை வெளிப்படுத்தத் தவறியதன் விளைவாகவே இனஅழிப்புக்குள்ளாகும் மக்களை இந்நாடுகள் தங்கள் நாடுகளின் பாதுகாப்புக்குள் மேற்குலகத் தலையீட்டிற்கான வழியாக அமைந்து விடும் என அச்சப்படுகின்றன என்கிற உண்மை தெளிவாகிறது.

அத்துடன் சிறீலங்கா செய்தது போன்ற மனிதத்துவத்தையே தலைகுனிய வைக்கும் செயற்பாடுகளை எந்த நாடு செய்தாலும் அதன் விளைவை அவர்கள் அனுபவிக்க வேண்டி வருமே தவிர, ஈழமக்களின் மனித உரிமைகளைப் பாதுகாப்பதற்கான முயற்சி எவ்வாறு அந்த நாடுகளை இலக்காக்கும் எனக் கூற முடியுமென்ற கேள்வியை உலகத் தமிழர்கள் இந்த நாடுகளிடம் சரியான முறையில் முன்வைக்கத் தவறிவிட்டனர் என்பதே உண்மை. இதனை உணர்ந்து உலகெங்கும் வாழும் ஈழத்தமிழர்கள் ஆசிய, ஆபிரிக்க நாடுகளுக்கு ஈழத்தமிழர் பிரச்சினையில் அவர்களின் அச்சங்களைச் சந்தேகங்களைப் போக்கக் கூடிய வகையில் இந்நாடுகளுடன் தோழமையை வளர்க்கக் கூடிய ஓரு உயராய்வு மையத்தை நிறுவ வேண்டிய காலமாக இது உள்ளது.

அதேவேளை  உள்நாட்டு மனித உரிமைப் பிரச்சினைகளுள் அனைத்துலகத் தலையீட்டை விரும்பாத இந்தியாவின் போக்குத்தான் ஈழத்தமிழர்களின்  பிரச்சினையை மனித உரிமை மீறல் விசாரணையாக அனைத்துலக நாடுகளால் முன்னெடுக்க விடாது, தமிழரின் அரசியல் பிரச்சினையாக அதனை வெளிப்படுத்தி, இதற்கு அரசியல் தீர்வு காணப்பட்டாலே மனித உரிமைகள் ஒழுங்காற்றப்படுமென்னும் தனது கொள்கையை வெளியிட வைத்துள்ளது.  இதன்வழி ஈழத்தமிழர்களின் பிரச்சினைக்கு தீர்வு காண வேண்டிய சிறீலங்காவின் பொறுப்புத் தான் இந்தியப் பிரதிநிதியின் பேச்சில் முதன்மைப்படுத்தப்பட்டது. தமிழர்களைச் சமத்துவமும் கண்ணியமுமாக வாழ வைத்தல் என்பதை முதலிலும்  சிறீலங்காவின் ஒருமைப்பாட்டையும் இறைமையையும் பேண உதவுதல் என்பதை அடுத்தும் எடுத்துக்கூறி இவ்இருதளப் பொறுப்புக்கள் தங்களுக்கு உண்டெனவே இந்தியப்பிரதிநிதி ஐக்கிய நாடுகள் சபையில் விளக்கம் அளித்தார்.

ஆனால் சிறீலங்கா தனக்களிக்கப்பட்ட, தமிழர்களின் பிரச்சினைக்குத் தீர்வு காணுங்கள் என்பதே, இந்தியா சிறீலங்காவின் இறைமையையும், ஒருமைப்பாட்டையும் பேணுவதற்கான உதவிக்கான முன்நிபந்தனை என்பதை கவனத்தில் கொள்ளாது, இந்தியா வெறுமனே தன்னை ஆதரிப்பதாக உலகிற்குக் காட்ட முற்படுவதை ஜயநாத் கொலம்பகேயின் கூற்றுக்கள் நிரூபிக்கின்றன. சிறீலங்காவின் இந்த இலங்கைத்தீவின் இன்றைய அரசு என்ற பதவி வழி அதிகாரப்போக்கை ஈழத்தமிழர்களுக்கு எதிராகப் பயன்படுத்தும் நிலையை மாற்றி, ஈழத்தமிழர்களின் இலங்கைத்தீவில் உள்ள சமவலுத்தன்மையை உலகறிய வைப்பதாயின், ஈழத்தமிழர்கள் ஆசிய ஆபிரிக்க நாடுகளுடன் தங்களுக்கு தாங்கள் ஆசியாவின் தொன்மையும் தொடர்ச்சியுமான குடிகள் என்ற வகையில் அமைந்துள்ள வரலாற்றுக்கு முற்பட்ட காலம் முதலான பண்பாட்டு வர்த்தகத் தொடர்புகளை மீள்வாசிப்புச் செய்து கட்டி எழுப்பி,  அவர்களுக்கு ஈழத்தமிழர்களின் கோரிக்கை அவர்களின் வரலாற்றுத் தாயகத்தில் அவர்கள் தாயக தேசிய தன்னாட்சி உரிமைகளுடன் வாழ்வதற்கான அவர்களின் தேசிய விடுதலைப் போராட்டமே தவிர, இவர்களுக்கு இந்தச் சூழ்நிலையின் அடிப்படையில் அனைத்துலக மட்டத்தில் எடுக்கப்படும் எந்த முடிவுகளும் இந்த ஆசிய ஆபிரிக்க நாடுகளுக்கு எந்தப் பாதிப்பும் ஏற்பட இடமளிக்காது என்பதை உறுதி செய்ய வேண்டும்.

ஈழத்தமிழர் இந்தியா உட்பட ஆசிய, ஆபிரிக்க மக்களுடனான தங்கள் உறவாடல்களையும், உரையாடல்களையும் வளர்க்கக் கூடிய பண்பாட்டுப் பேரவைகளை உருவாக்கல், எல்லா மக்களும் ஒருங்கிணைந்து அவரவர்களின் சமூக, பொருளாதார, அரசியல், ஆன்மிக வளர்ச்சிகளை வேகப்பட வைக்கக் கூடிய கலைத்துவ பண்பாட்டு ஒருங்கிணைப்பை ஏற்படுத்தும். இதுவே ஈழத்தமிழர்களின் தாயகத்தின் கரையாக நீண்டு கிடக்கும் இந்துமா கடல் பிரதேசத்தையும் அமைதிப்பகுதியாக உலகில் நிலைநிறுத்த உதவும். இவை எல்லாமே ஈழத்தமிழர்களின் வெளியக தன்னாட்சியை இந்நாடுகளும் தங்களது கட்டமைப்புக்களுக்கு ஊறுவிளைவிக்காது என்ற நிலையில் ஏற்பதிலேயே வளமும் பலமும் பெறும்.

இந்தப் பெரும் தாயகக் கடமையை இன்றைய காலத்தில் நடைமுறைப்படுத்த வேண்டிய பெரும் பொறுப்பில் உள்ள ஈழத்தமிழினத்தின் உலகப் பரம்பலாக உள்ள புலம்பதிந்த தமிழர்கள், இதனை எதிர்த்து தீர்மானத்தை உறுதியாகச் செயற்பட வைக்க வேண்டிய புலம் பதிந்த தமிழர்களோ, தீர்மானம் தமக்கு முழுஅளவில் சாதகமில்லையென விமர்சித்துக் காலத்தை வீணடிக்கின்றனர். இதனை விடுத்து எந்த நாடாயினும் தனது சந்தை இராணுவ நலன்களின் பின்னணியிலேயே எந்தப் பிரச்சினையையும் அணுகும் என்னும் நடைமுறைத் தன்மையை உணர்ந்து, இந்தச் சூழலுள் எமக்கான ஆதரவாக அவர்களை எவ்வாறு செயற்பட வைப்பது என்ற தந்திரோபாய அணுகுமுறைகளை புலம்பதிந்த தமிழர்கள் அந்த அந்த நாட்டுச் சட்டங்கள் ஒழுங்குகள் முறைமைகளுக்குள் எடுக்க வேண்டும்.

இவ்விடத்தில் ஈழத்தமிழர்கள் தாங்கள் தங்களுக்குத் தன்னாட்சி உரிமையுண்டு என்றாலே மற்றவர்களும் அதுகுறித்துச் சிந்திப்பர். எனவே ஈழத்தமிழர்கள் தாயகத்திலும் புலத்திலும் சிறீலங்காவிடம் மண்டியிட்டு உரிமை கோரும் அரசியலை விடுத்து, உலகத்திடம் வெளியக தன்னாட்சி உரிமை தங்களுக்கு இருக்கும் இயல்புநிலையை விளக்கி அந்த தன்னாட்சி உரிமையின் உள்ளகத் தன்னாட்சியை சிறீலங்கா மறுத்து அதனை உலகநாடுகளும் அமைப்புக்களும் பெற்றுத்தர இயலாதநிலையில், வெளியக தன்னாட்சி உரிமையின் அடிப்படையில் தங்களுக்கான அரசியல் எதிர்காலத்தைத் தாங்களே நிர்ணயிக்கக் கூடிய அனைத்துலக சட்டங்கள், ஒழுங்குகளின் வழி தங்களுடைய சனநாயக உரிமையை நல்லாட்சியை வளர்ச்சியை ஏற்படுத்த உதவக் கோரும் ஒன்றுபட்ட முயற்சிகளை காலதாமதமின்றி வேகப்படுத்த வேண்டும். இதுவே ஈழத்தமிழர்களின் உரிமைகள் மீளவும் நிலைபெறுவதற்கான ஒரே வழியாக இன்று உள்ளது.

சூ.யோ. பற்றிமாகரன்:

BA (Political Science), Special Dip. (Politics & Economics), BSc (Politics), MA (Politics of Democracy).

 

 

https://www.ilakku.org/?p=47289

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • வணக்கம் வாத்தியார்.......! பெண் : காதலிக்கும் பெண் எழுதும் கை எழுத்திலே கண்ட பிழைகள் கூட கவிதை ஆகுமே பெண் : காதல் ஒன்றும் சுத்தம் கித்தம் பார்ப்பதில்லையே எச்சில் கூட புனிதம் ஆகுமே ஆண் : குண்டு மல்லி ரெண்டு ரூபாய் உன் கூந்தல் ஏறி உதிரும் பூ கோடி ரூபாய் பெண் : பஞ்சு மிட்டாய் அஞ்சு ரூபாய் நீ பாதி தின்று தந்ததால் லட்ச ரூபாய் பெண் : காதலிக்கும் பெண்ணின் கைகள் தொட்டு நீட்டினால் குழு : சின்ன தகரம் கூட தங்கம் தானே பெண் : காதலிக்கும் பெண்ணின் வண்ண கன்னம் ரெண்டிலே குழு : மின்னும் பருவும் கூட பவளம் தானே ஆண் : சிந்தும் வேர்வை தீர்த்தம் ஆகும் சின்ன பார்வை மோட்ஷம் ஆகும்......! --- காதலிக்கும் பெண்ணின் ---
    • பிண அரசியல் கருத்தா? அப்படியென்றால் என்னவென்று சிறிது விளக்குங்கள்.
    • ரஞ்சித், நீங்கள் எழுதியது பிண அரசியல் கருத்து. அதை எழுதி உங்களை நீங்களே கேவலப்படுத்தியுள்ளீர்கள். இதற்கு மேல் ஒன்றும் சொல்வதற்கில்லை.
    • நான் வரலாற்றை எங்கே திரித்திருக்கிறேன் என்று நீங்கள் கருதுகிறீர்கள்? நான் மேலே எழுதியது புலிகளாலேயே  தமிழர்கள் கொல்லப்பட்டார்கள், ஆகவே வெளியில் காரணங்களைத் தேடவேண்டாம் என்று அறிவுரை கூறும் கனவான்களின் கருத்துக்களைத்தான். 
    • “எழுவர் விடுதலையா?ஓருவர் விடுதலையா? May 12, 2021 - இரா.முரளி · புத்தக மதிப்புரை law “எழுவர் விடுதலையா?ஓருவர் விடுதலையா? -உண்மையும், உருட்டலும்” -நூல் அறிமுகம்    இரா.முரளி   வெகு காலமாக தமிழகத்தில் மிகவும் பரபரப்பாக பேசப்பட்டும், எதிர்பார்க்கப்பட்டும் வருவது ஏழு தமிழர் விடுதலை. ஆனால் சமீபகாலமாக எழுவர் விடுதலை என்ற முழக்கம், ஒருவர் விடுதலை என்று மாறி வருவதை நாம் காணமுடிகிறது. பேரறிவாளனுக்கு மட்டுமே விடுதலை எளிதில் சாத்தியம், அவர் வெளியே வந்தால்தான் மற்றவர்களுக்கு வாய்ப்பு எனக் கூறி பேரறிவாளனுக்கு மட்டும் குரல் எழுப்புபவர்கள் உண்டு. இந்நிலையில் “எழுவர் விடுதலையா?ஒருவர் விடுதலையா? உண்மையும் உருட்டலும்” எனும் தலைப்பில் ஏழு தமிழரில் ஒரு சிறைவாசியாக உள்ள இரா.பொ.ரவிச்சந்திரன் ஒரு சிறு நூல் ஒன்றை சமீபத்தில் எழுதியிருக்கின்றார். இவரது மூன்றாவது நூல் இது. “ராஜீவ் கொலை- சிவராசன் டாப்சீக்ரெட்” எனும் இவரது நூல் ராஜீவ் கொலையில் உள்ள பல மர்மங்களை வெளிச்சத்திற்கு கொண்டு வந்தது. இப்போது வெளியாகி உள்ள சிறு நூல் பொதுவெளியில் கவனத்தை ஈர்க்காமலேயே போய் விடக்கூடும். எனவேதான் இந்த நூல் அறிமுகம். அரசியல் முயற்சிகள்   கலைஞர் கருணாநிதி மற்றும் செல்வி ஜெயலலிதா ஆட்சி செய்த காலங்களில் ஏற்பட்ட பல சட்ட பூர்வமான முயற்சிகளை அவற்றின் அரசியல் பின்னணியுடன் விளக்கும் ரவிச்சந்திரன் ஏழு தமிழரின் இன்றைய  நிலை குறித்து மிகவும் தெளிவாக பல பிரச்சினைகளை முன் வைக்கின்றார். 2014இல் உச்ச நீதிமன்ற நீதிபதி திரு சதாசிவம் தலைமையிலான மூன்று நீதிபதிகள் அமர்வு நியாயம் வழங்கும் என்று எதிர்பார்த்த நிலையில் வழக்கை மீண்டும் ஐந்து நீதிபதிகள் கொண்ட அரசியல் சாசன அமர்வு விசாரிக்க வேண்டும் என்று அவர்  தீர்ப்பு எழுதியது பெரும் ஏமாற்றத்தைத் தந்தது. பின்னர் ஒருவழியாக 02-12 -2015ல் ஐந்து நீதிபதிகள் அடங்கிய அரசியல் சாசன அமர்வு தீர்ப்பை வழங்கியது. அதன் தலைவராக அப்போதைய தலைமை நீதிபதி தத்து அவர்கள் இருந்தார். அவரது தீர்ப்பில் எழுவரை விடுதலை செய்ய யாருக்கு அதிகாரம்? மத்திய அரசுக்கா? மாநில அரசுக்கா? என்ற கேள்விக்கு விடை அளிக்கப்பட்டது. அதில் பல விளக்கங்கள் தரப்பட்டிருந்த போதிலும் இரண்டு விளக்கங்கள் மட்டுமே தங்கள் விடுதலைக்கானவையாக ரவிச்சந்திரன் குறிப்பிடுகின்றார். தமிழக அரசு எடுத்த விடுதலை முடிவில் சிபிஐ விசாரிக்கும் வழக்கு சம்பந்தப்படுவதால் மத்திய அரசின் அனுமதி இருந்தால் மட்டுமே ஏழு பேரையும் விடுவிக்க முடியும் என்றனர் நீதிபதிகள். மத்திய அரசின் ஒப்புதலுக்காக காத்திருக்க வேண்டியதில்லை எனத் தமிழக அரசு கருதினால் இந்திய அரசியலமைப்பு சட்டம் மாநிலங்களுக்கு வழங்கியுள்ள சுயாதீனமான சட்டப் பிரிவு 161ஐ பயன்படுத்திக் கொள்ளலாம் என்றனர். செல்வி ஜெயலலிதா இவர்களை உடனடியாக விடுதலை செய்ய முனைப்புக் காட்டியபோதும், பல சட்ட சிக்கல்கள் அவரை பிரிவு 161 ஐ உடனடியாக பயன்படுத்த இயலமல் தடுத்துவிட்டன. வழக்குகள் தொடர்ந்து கொண்டே இருந்தன. ஒருவழியாக 23-11-18 உச்ச நீதிமன்றத்தின் மூன்று நீதிபதிகள் அமர்வு மத்திய அரசு மூன்று மாதங்களுக்குள் தங்கள் நிலைப்பாட்டை கூற வலியுறுத்தியது. மத்திய அரசு ஏழு பேர் விடுதலை என்பது சர்வதேச அரசியலில் பின் விளைவுகளை உண்டாக்கும் என்று கூறியது. ஒருவழியாக இந்த இழுத்தடிப்புக்கு உச்ச நீதிமன்றம் முடிவு கட்டியது. அரசியல் சாசனப் பிரிவு 161ஐ தமிழக அரசுப் பயன்படுத்திக் கொள்ளலாம் என்பதே அந்த முடிவு. ஆனால் பின்னர்.பல் நோக்கு கண்காணிப்பு முகமை (எம்.எம்.டி.ஏ) அறிவிக்கை வந்தால் தான் முடிவெடுக்க முடியும் என்றும் கூறிவிட்டது. ஒருவர் விடுதலையா?   இந்தச் சூழலில் எழுவர் விடுதலை என்ற முழக்கம் மாற்றப்பட்டு ஒருவர் விடுதலை என்ற முழக்கமாக மாறி வருவதை ரவிச்சந்திரன் வருத்தத்துடன் குறிப்பிடுகிறார். என்மீது குற்றம் நிரூபிக்கப்படவில்லை என்பதை விசாரணை அதிகாரியே கூறியிருப்பதால் நான் குற்றம் செய்யவில்லை, என்னை விடுதலை செய்ய வேண்டும் என்று உச்ச நீதிமன்றத்தில் பேரறிவாளன் முறையிட்டு இருக்கிறார். இதற்கான பதிலில் எம்.டி.எம்.ஏ விசாரணையின் முடிவில்தான் இது குறித்து நடவடிக்கை எடுக்க முடியும் என்று உச்ச நீதிமன்றம் கூறிவிட்டது. பேரறிவாளனின் எம்எம்டிஏ வழக்கு என்பது மத்திய அரசுக்கும் அவருக்கும் இடையில் உள்ள தனிப்பட்ட விவகாரம் என்கிறார் ரவி. அது வேறு. தமிழ்நாடு அரசின் எழுவர் விடுதலை தீர்மானம் வேறு. பேரறிவாளன் 2016ல் உச்சநீதிமன்றத்தில் தொடுத்த எம்.டி.எம்.ஏ வழக்குக்கும் 2017இல் தொடுத்த தனிநபர் விடுதலையும் வேறுவேறு. அதை 2018-ஆம் ஆண்டில் தமிழக அரசின் 7 பேர் விடுதலை தீர்மானத்தோடு ஆளுநர் 2020இல் சம்பந்தப்படுத்தியது ஏன் என்று ரவி வினவுகிறார். விடுதலைப்புலிகளுக்கு அப்பால் உள்நாட்டிலும், வெளிநாட்டிலும் ராஜீவ் கொலை செய்த சக்திகள் யாவை என்பதை அறிய மிலாப் சந்த் ஜெயின்  தலைமையில் விசாரணை கமிஷன்அமைக்கப்பட்டு 5 ஆண்டுகள் கழித்து அதாவது 1998இல், அதுவும் இறுதி அறிக்கையை சமர்ப்பித்து விட்டது. 1998ல் பிஜேபி ஆட்சிக்கு வந்தவுடன் இதன் பரிந்துரையை ஏற்று இக்கொலைக்கு பின்னுள்ள சதியைக் கண்டுபிடிக்க எம்.டி.எம்.ஏ வை உருவாக்கியது . இதில் IB,RAW, RI (நிதி நுண்ணறிவுப் பிரிவு) போன்றவை அடங்கும். 22 ஆண்டுகளுக்கு மேலாகியும் எம்.டி.எம்.ஏ விசாரணையை முடிக்கவில்லை. ஆனால் எம்.டி.எம்.ஏ  தான் கண்டுபிடித்தவரை தகவல்களை சீலிட்ட உறைகளில் போட்டு நீதிமன்றத்திடம் ஒவ்வொரு ஆண்டும் ஒப்படைத்து வந்தது. இன்னும் அதை நீதிமன்றம் திறக்கவே இல்லை. விசாரணை  இன்னும் முடியவில்லையாம். இதற்கிடையில் 2013இல் பேரறிவாளன் எம்.டி.எம்.ஏ அளித்துள்ள தகவல்களிலிருந்து, வெடிகுண்டு சம்பந்தப்பட்ட தகவல்களை தனக்கு தர வேண்டும், தன் வழக்க்கிற்கு அது உதவியாக இருக்கும் என வழக்கு தொடர்ந்தார். ஆனால் அந்த மனுவும் நிராகரிக்கப்பட்டது. இதையடுத்து உச்சநீதிமன்றத்தில் தாக்கல் செய்த சிறப்பு விடுமுறை மனு இன்றளவும் முடியாது நீண்டு கொண்டிருக்கிறது. இதற்கிடையில் தனி விடுதலை வழங்க மனு ஒன்றைத் தாக்கல் செய்திருக்கிறார் பேரறிவாளன். விசாரணை அதிகாரி தியாகராஜனுடைய பிரமாணப் பத்திரம் பேரறிவாளன் விடுதலைக்கு உதவக்கூடும் என்று நினைத்தனர் சிலர்.அதுகுறித்து போடப்பட்ட மனுவும் நீதிமன்றத்தால் நிராகரிக்கப்பட்டது. எனவே தனி நபர் ஒருவரை விடுதலை செய்யும் வழக்குக்கும், எம்.டி.எம்.ஏ விசாரணை அறிக்கைக்கும், 7 தமிழர் விடுதலைக்கும் சற்றும் சம்பந்தமே இல்லை. இதுகுறித்து ரவி முதல்வருக்கு ஒரு விளக்கமும் அனுப்பியிருக்கிறார். பேரறிவாளன் விடுதலை முயற்சிகள் தோற்கடிக்கப்பட்டுக் கொண்டிருக்கும் வேளையில், மத்திய அரசின் பிரதிநிதியான ஆளுநர் 7 பேர் விடுதலை மீது எந்த நடவடிக்கையும் எடுக்காமல் இழுத்தடித்துக் கொண்டு இருக்கிறார். எம்.டி.எம்.ஏ வின் இறுதி அறிக்கை கிடைக்கப் பெற்ற பிறகுதான் அரசின் பரிந்துரை குறித்து முடிவெடுக்கப்படும் என்று ஆளுநர் செயலகம் தெரிவித்து இருப்பதாக அரசு கூறுகிறது. இது எழுவர் விடுதலையை கால வரம்பின்றி தள்ளிப்போடும் யுக்தியாகும். உருட்டலும், உண்மையும்   இதனிடையே பேரறிவாளனின் ஆதரவாளர்களில் சிலர் பேரறிவாளனின் விடுதலைதான் எளிதானது என்ற பாணியில் பரப்புரை மேற்கொண்டு வருகிறார்கள் என்று இந்நூலில் குறிப்பிடுகின்றார் ரவி. அவர்கள் பரப்புரையில் பேரறிவாளன் புலிகளுடன் சம்பந்தம் இல்லாதவர். ஏனைய அனைவரும் அப்படி அல்ல என்றும், ஏழு தமிழர்களில் நான்கு பேர் வெளிநாட்டவர், மேலும் அவர்கள் புலிகளுடன் உறவு கொண்டவர்கள் என்பதால் அவர்களை விடுவிப்பதில் சிக்கல் உள்ளது என்றும் பரப்புரை செய்கிறார்கள். இது மிகவும் தவறானதாகும் என்கிறார் ரவி. ராஜீவ் கொலையில் முதலில் கைது செய்யப்பட்ட பல ஈழத் தமிழர்கள் விடுதலை செய்யப்பட்டு, முகாமிலே வைக்கப்பட்டும், பின்னர் அவர்கள் தாய் நாட்டிற்கு  திருப்பி அனுப்பி வைக்கப்பட்டும் இருக்கிறார்கள் என்பதை சுட்டுகின்றார் ரவி. ஏழு தமிழர்களுக்குள்ளாகப் பிரிவினைகளை ஏற்படுத்தி, பேரறிவாளனுக்கு மட்டும் விடுதலிக்கானப் பரப்புரை மேற்கொள்வது என்பது சரியல்ல என்கிறார் ரவி. மேலும் அற்புதம்மாள் மட்டுமே விடுதலைக்காகபோராடுகிறார் வீதிகளில் அலைகிறார் என்ற பரப்புரையின் சரியல்ல என்கிறார் ரவி இருவரில் ஏழு பேரில் சாந்தன் முருகன் ராபர்ட்பயஸ் ஜெயக்குமார் ஆகியோரின் அம்மாக்கள் வெளிநாடுகளில் இருந்து இங்கே வந்து கலந்துகொள்ள முடியாது. இலங்கையிலும் அவர்கள் வெளிப்படையான ஆதரவை திரட்ட முடியாது. சிங்கள ராணுவத்தின் நெருக்கடியை சந்திக்க வேண்டி இருக்கும் என்கிற நிலையில் அவர்களும் மிகுந்த வலியோடு நடைப்பிணங்களாக வாழும் நிலை உள்ளது.   ரவிச்சந்திரனின் தாய் சில கூட்டங்களில் கலந்து கொண்டது என்பதும், தொலைக்காட்சி ஊடகங்களுக்க் பேட்டி கொடுத்தார் என்பதும் கவனிக்கப்படவில்லை. எங்களை விடுவிப்பது என்பது மாநில அரசின் உரிமை. சிறையில் உள்ள ஏழு பேரும் 30 ஆண்டுகளுக்கு மேல் தண்டனையை அனுபவித்து விட்டனர் இப்போது நீதிமன்றம் கூறியிருப்பது தமிழக அமைச்சரவை தீர்மானம் மீது தான். எழுவருக்குமான விடுதலை என்பது பற்றி தான் தமிழ்நாடு சட்டமன்றத்தில் 7 பேருக்கும் நிறைவேற்றப்பட்ட மனிதாபிமான அடிப்படையிலான விடுதலைத் தீர்மானத்தை ஆளுநர் தாமதப்படுத்தி கொண்டே இருக்கிறார் என்பதுதான் கவனிக்க வேண்டிய விடயம் ஆகும். எனவே தமிழக அரசு ஆளுநர் தரப்பில் கூறப்படும் எம்.எம்.டி.ஏ அறிக்கை வரவேண்டும் என்பன போன்ற போலிக் காரணங்களை ஏற்காமல் எழுவர் விடுதலைக்கு உடனடியாக தீர்வு காண வேண்டும் என்பதே ரவிச்சந்திரனின் வேண்டுகோளாக இந்நூலில் அழுத்தமாகப் பதிவு செய்யப்பட்டுள்ளது. —————————————————————————————————————- “எழுவர் விடுதலையா?ஓருவர் விடுதலையா? -உண்மையும், உருட்டலும்” இரா.பொ.ரவிச்சந்திரன் நூல் வெளியீடு: யாப்பு வெளியீடு 5, ஏரிக்கரை சாலை, 2வது தெரு, சீனிவாசபுரம்,கொரட்டூர், சென்னை -600076 பேச: 9080514506 அன்பளிப்பு: Rs.100/-     https://uyirmmai.com/literature/book-review/book-review-on-release-the-seven-convicts-in-the-rajiv-gandhi-assassination-case/  
×
×
  • Create New...

Important Information

By using this site, you agree to our Terms of Use.