Jump to content

கிழக்கு மாகாணத்தை பாதுகாப்பதற்கு நாம் ஒன்றிணைய வேண்டும் – மட்டு.நகரான்


Recommended Posts

  • கருத்துக்கள உறவுகள்

கிழக்கு மாகாணத்தை பாதுகாப்பதற்கு நாம் ஒன்றிணைய வேண்டும் – மட்டு.நகரான்

 
Capture-8-696x236.jpg
 92 Views

தமிழர்களின் ஜனநாயக ரீதியான போராட்டம் இன்று சர்வதேச ரீதியான அங்கீகாரத்தினைப் பெற்றுவருகின்றது. ஐ.நா மனித உரிமை பேரவையில் நிறைவேற்றப்பட்ட தீர்மானம் என்பது தமிழ் மக்களுக்கு சாதகம், பாதகம் என்பதைவிட சர்வதேச ரீதியில் தமிழர்களின் ஜனநாயக ரீதியான கோரிக்கைகளுக்கு வலுவான ஆதரவுத் தளத்தினை ஏற்படுத்திக் கொடுத்துள்ளது.

வடகிழக்கு இணைந்த தாயகத்தின் கோட்பாட்டை தமிழ் மக்கள் இலங்கையிலிருந்து பலமான முறையில் வெளிப்படுத்தி வந்ததன் விளைவே, இன்று சர்வதேசம் தமிழ் மக்களுக்கான சமிக்ஞையை காட்டியுள்ளது.

ஆனால் வடகிழக்கில் தமிழ் மக்கள் மத்தியில் காணப்படும் ஒற்றுமையீனம் மற்றும் அரசியல் ரீதியான போட்டிகள் இவ்வாறான சர்வதேச ரீதியான நிலைப்பாடுகளை பாதிக்கும் காரணிகளாக அமைவதற்கான சாத்தியங்கள் காணப்படும். அதேவேளை வடகிழக்கில் தமிழ் மக்கள் மீது பௌத்த சிங்களவாதத்தினால் திணிக்கப்படும் செயற்பாடுகளை தடுக்க முடியாத நிலையேற்படும்.

குறிப்பாக கிழக்கு மாகாணத்தில் தமிழ்த் தேசியத்தின் புறக்காரணிகளை பாதிக்கும் வகையிலான பல்வேறு வகையான திட்டமிட்ட செயற்பாடுகள் முன்னெடுக்கப்படுகின்றன. கிழக்கு மாகாணத்தின் போராட்ட வரலாற்றினை முற்றாக மாற்றி, தற்போதுள்ள இளைஞர்கள் மத்தியில் தமிழ்த்தேசிய விடுதலைப் போராட்டத்தினை ஒரு அதிகாரம் படைத்த தனிப்பட்ட தேவைக்காக முன்னெடுக்கப்பட்ட போராட்டமாக காட்டுவதற்கு முன்னெடுப்புகள் மேற்கொள்ளப்பட்டு வருகின்றன.

போராட்டத்தின்போது தமது சுய தேவைக்காக பிரிந்து வந்து கிழக்கு போராளிகளை கொலைக்களத்தில் நிறுத்திக்கொண்டு, சிங்கள பேரினவாதத்திடம் ஒட்டுக்குழுவாக நின்று, ஜோசப் பரராஜசிங்கம் போன்ற ஆளுமைகளை கொன்றொழித்ததுடன், கிழக்கில் தமிழ்த் தேசியம் சார்ந்து செயற்பட்ட நடுநிலையான புத்திஜீவிகளையும் கொன்றொழித்தவர்கள், இன்று கிழக்கில் இவ்வாறான போராட்டம் தொடர்பான போலியான கருத்துருவாக்கங்களை முன்னெடுத்து வருகின்றனர்.

குறிப்பாக கிழக்கில் கருணாவினால் நடாத்தப்பட்ட துரோகச் செயலுக்கு பின்னர், ஏற்பட்ட நிலைமையினை இன்று சிலர் தமிழ்த் தேசியத்திற்கு எதிரான பிரசாரமாக திரிபுபடுத்தி முகப்புத்தகங்களில் பிரசாரங்களை முன்னெடுத்து வருகின்றனர்.

குறிப்பாக கருணா விடுதலைப்புலிகளில் மேற்கொண்ட ஊழல்களை மறைப்பதற்காக பிரதேசவாத கருத்துகளை முன்வைத்து, விடுதலைப்புலிகளில் இருந்து பிரிந்து சென்றபோது அன்றைய காலத்தில் தவறான கருத்துகள் கிழக்கு மக்கள் மத்தியில் பரப்பப்பட்டன. எனினும் தலைமைப் பீடத்தினால் அது தொடர்பான விளக்கங்கள் வழங்கப்பட்டதை தொடர்ந்து, கருணா என்னும் தரப்பின் கருத்துகளை மக்கள் உள்வாங்குதை தவிர்த்து வந்தனர். இந்த நிலையில் கிழக்கில் சில போராளிகளை வைத்துக்கொண்டு, அவர்களை தவறான முறையில் மூளைச்சலவை செய்து, தமது தேவைக்கு பயன்படுத்திவந்த நிலையில், கிழக்கில் உள்ள விடுதலைப்புலிகள் போராளிகளை மீட்பதற்கான திட்டம் தீட்டப்பட்டு, வெருகல் பகுதியூடாக வன்னியிலிருந்து படை தரையிறக்கப்பட்டது. தரையிறக்கப்பட்டதும் அது தொடர்பான அறிவித்தல்கள் வாகரையில் கருணா பக்கம் இருந்த போராளிகளுக்கு வழங்கப்பட்டன. விலகிச் செல்லுமாறு கோரப்பட்டது. அதனை தொடர்ந்து பலர் அங்கிருந்து தப்பிச்சென்ற நிலையில், பலர் வலுக்கட்டாயமாக விடுதலைப்புலிகளுடன் போராடச் செய்யப்பட்டனர்.

Capture.JPG-1-5-300x225.jpg

வெருகல் ஊடாக வாகரைப் பகுதிக்கு வந்த படைப்பிரிவானது, ஜெயந்தன் படைப்பிரிவாகும். அதில் இருந்தவர்கள் முற்றுமுழுதாக கிழக்கு மாகாணத்தினை சேர்ந்த போராளிகள். அவர்கள் வாகரைக்குள் நுழையும்போது கூடியளவு தாக்குதல் நடாத்துவதை தவிர்த்தே வந்த நிலையில், ஒரு சில இடங்களில் தாக்குதல் நடாத்தவேண்டிய கட்டாய நிலைக்கு தள்ளப்பட்டனர். தமிழீழ விடுதலைப்புலிகள் இயக்கத்தின் தலைவர் அவர்களினால் உயிரிழப்புகள் இன்றி கட்டுப்பாட்டின் கீழ் கொண்டுவாருங்கள் என்ற கட்டளைக்கு அமைவாக கூடியளவு தாக்குதல் நடாத்துவதை தவிர்த்தபோதும், இராணுவ கட்டளை மையங்களுக்குள் இருந்த கருணா குழுவினாரால் வழங்கப்பட்ட அறிவுறுத்தல்களுக்கு அமைவாக நடாத்தப்பட்ட தாக்குதலை எதிர்கொள்ள வேண்டிய நிர்ப்பந்தம் ஜெயந்தன் படையணிக்கும் ஏற்பட்டது. இதன்போது இடம்பெற்ற மோதலில் 32 பேர் மரணமானதுடன், ஏனைய போராளிகள் அங்கிருந்து தப்பிச்சென்றதும், பெருமளவான போராளிகள் விடுதலைப்புலிகளிடம் சரணடைந்த நிலையில் அவர்கள் அன்றைய போர் நிறுத்த கண்காணிப்பு பிரதிநிதிகள் ஊடாக குடும்பத்தினரிடம் ஒப்படைக்கப்பட்டனர்.

அன்றைய தினம் பல ஊடகவியலாளர்கள் அப்பகுதிக்கு அழைத்துச்செல்லப்பட்டு நிலைமைகள் காண்பிக்கப்பட்டதுடன், சரணடைந்த போராளிகள் மற்றும் தாக்குதல் நடைபெற்ற பகுதி மக்களிடம் நேர்காணல்கள் செய்து செய்திகள் வெளியிடவும் சந்தர்ப்பம் வழங்கப்பட்டது. அந்தவேளையில் யாரும் அது தொடர்பில் தவறான கருத்துகளை முன்வைக்கவில்லை.

ஆனால் அந்த தாக்குதல் நடாத்தப்பட்டு 17வருடங்களுக்கு பின்னர் அந்த தாக்குதலை ஒரு படுகொலையாக சித்திரித்து அது மட்டக்களப்பு மக்களுக்கு எதிரான தாக்குதலாக காண்பிக்கும் செயற்பாடுகள் முன்னெடுக்கப்படுவதுடன், பெண் போராளிகளை பாலியல் துஸ்பிரயோகத்திற்குட்படுத்தியதாகவும் கதைகளை முகநூல் வாயிலாக பரப்பிவருகின்றனர். 2000ஆண்டுக்கு பின்னர் பிறந்தவர்களிடம் இவ்வாறான கருத்துகளை கொண்டுசென்று அவர்களை தமிழ்த் தேசிய பாதையில் செல்லாவிடாமல் செய்யவும், அவர்களை தங்களது வலைகளில் வீழ்த்தி தமது செல்வாக்கினை அதிகரிக்கலாம் என்ற நோக்குடன் செயற்படுகின்றனர். இவ்வாறான செயற்பாடுகளுக்கு அரசாங்கத்தின் சார்பில் பல்வேறு உதவிகள் வழங்கப்படுவதுடன், புலம்பெயர்துள்ள சில புலி எதிர்பாளர்கள் மூலமாகவும் உதவிகள் வழங்கப்பட்டு வருகின்றன.

தமிழர் போராட்டத்தில் கிழக்கு தமிழர்களின் வீரம் பல்வேறு கோணங்களில் பேசப்படும் நிலையில், அவற்றினை மழுங்கடிக்கும் வகையில் இவ்வாறான புல்லுருவிகள் செயற்பாடுகளை முன்னெடுத்து வருகின்றனர். இவ்வாறான செயற்பாடுகளை தகர்த்து, தமிழ்த் தேசியத்தின் வாசல்படியாக கிழக்கு இருக்கின்றது என்பதை சொல்லவேண்டிய கட்டாயம் இன்று அனைவருக்கும் உள்ளது.

இதேபோன்று இன்று தமிழ்த் தேசியத்தின் தந்தையாக இருக்கின்ற தந்தை செல்வா போன்றோரின் சிலைகள் அப்புறப்படுத்தப்பட வேண்டும் என்ற கோசங்களும் எழுப்பப்பட்டு வருகின்றன. இவ்வாறான கோசங்களையும் இன்று பிள்ளையான் போன்றவர்களின் பின்னால் நிற்பவர்கள் எழுப்பி வருகின்றனர். இதனை நாங்கள் சாதாரண விடயமாக கடந்து செல்ல முடியாது. யுத்தம் நிறைவடைந்து 12வருடங்கள் நிறைவடையும் நிலையில், தற்போதுள்ள இளந்தலைமுறையினருக்கு யுத்த காலத்தில் நடைபெற்ற சம்பவங்கள் தொடர்பிலான போதிய தெளிவு இல்லாத நிலையே காணப்படுகின்றது.

DZmPkhMV4AIDh70-180x300.jpg

இதன் காரணமாகவே இன்று அபிவிருத்தியையும் வேலைவாய்ப்பினையும் நோக்கிச் செல்லும் நிலை தமிழ் இளையோர் மத்தியில் காணப்படுகின்றது. தமிழ்த் தேசியத்தின் பால் பலமான இளைஞர் கட்டமைப்பு கட்டியெழுப்பாத நிலையே இதுவரையில் இருந்து வருகின்றது. தமிழ்த் தேசிய அரசியலில் இருப்பவர்கள் தங்களது ஆசனங்களை தக்கவைப்பதற்கும், தமக்கான தேவைகளை நிறைவேற்றிக் கொள்வதற்காகவுமே தமிழ்த் தேசிய அரசியலை பயன்படுத்தும் நிலையிருந்துவருகின்றது.

கிழக்கு மாகாணத்தினை பொறுத்தவரையில் தற்போதைய நிலையானது ஆரோக்கியமில்லாத வகையிலேயே தமிழ்த் தேசியத்திற்கு காணப்படுகின்றது. தமிழ்த் தேசிய அரசியல் சக்திகள் கிழக்கில் தம்மை பலப்படுத்துவதற்கான செயற்பாடுகளை முன்னெடுக்காத நிலையே இன்றுவரையில் இருந்து வருகின்றது.

பிள்ளையான் போன்றவர்களின் கடந்தகால செயற்பாடுகள் மறைக்கப்பட்டு, தற்போதைய இளந்தலைமுறையினரிடம் ஒரு தலைமையாக காட்டும் முயற்சிகள் முகப்புத்தகங்கள் ஊடாக வேகமாக முன்னெடுக்கப்படுகின்றன. இவ்வாறான முன்னெடுப்புகளை தடுத்து நிறுத்தி, இவர்களின் முகத்திரைகளை கிளித்தெறிவதற்கு தமிழ்த் தேசிய அரசியல் பரப்பில் இதுவரையில் யாரும் எந்த முயற்சியும் முன்னெடுக்காத நிலையே உள்ளது.

தமிழர் தாயகம் பாதுகாக்கப்பட வேண்டுமானால், தமிழ்த் தேசியம் வாழவேண்டும். அவ்வாறு தமிழ்த் தேசியம் வாழவேண்டுமானால், இவ்வாறான போலிகள் தமிழ் மக்களிடம் இருந்து அப்புறப்படுத்தப்பட வேண்டும். இன்று கிழக்கில் தமிழர்களின் நில அக்கிரமிப்புகளை தடுக்கமுடியாத கையாலாகாத நிலையில் உள்ள பிள்ளையான் போன்றவர்களை தமிழ் இளையோர் மத்தியில் செல்லாக்காசுகள் என்பதை வெளிபடுத்துவதற்கான செயற்பாடுகள் இளையோர் மத்தியில் முன்னெடுக்க வேண்டும்.

கிழக்கில் தமிழ்த் தேசிய சக்திகள் ஒன்றிணைந்து இளையோர் மத்தியில் இவ்வாறான போலிகளை அகற்றுவதற்கு நடவடிக்கையெடுக்க வேண்டும். அவ்வாறு இல்லாமல் இதுவும் கடந்து செல்வோம் என்று கருதினால் எதிர்காலத்தில் கிழக்கில் தமிழ் மக்கள் பாரிய இடர்பாடுகளுக்குள் செல்லும் நிலையுருவாகும்.

புலம்பெயர்ந்துள்ள கிழக்கு தமிழர்களும் ஒன்றை புரிந்துகொள்ள வேண்டும் இன்று கிழக்கு மாகாணத்தினை பாதுகாப்பதற்கு தமிழ் மக்களுக்கு உள்ள ஒரே தெரிவு தமிழ்த் தேசியம் மட்டுமே. அதற்கு எதிராக செயற்படுவது கிழக்கு மாகாண தமிழர்களை குழிதோண்டி புதைக்கும் செயற்பாடு என்பதை அனைவரும் உணர்ந்துகொள்ள வேண்டும்.

 

https://www.ilakku.org/?p=47762

 

Link to post
Share on other sites
  • கருத்துக்கள உறவுகள்

தமது இச்சைகளுக்காக இனத்தைக் காட்டிக்கொடுத்து, துரோகம் இழைத்து நிற்கின்ற கருணா பிள்ளையான் தலைமையிலான துரோகக் கும்பல்களின் முழு அக்கிரமங்களும் என்னால் முடிந்தளவு இக்களத்தில் வெளிப்படுத்தப்படும் என்பதனை இக்கணம் தாழ்மையுடன் அறியத்தருகிறேன். !

  • Thanks 1
  • Haha 1
Link to post
Share on other sites
  • கருத்துக்கள உறவுகள்
4 hours ago, ரஞ்சித் said:

தமது இச்சைகளுக்காக இனத்தைக் காட்டிக்கொடுத்து, துரோகம் இழைத்து நிற்கின்ற கருணா பிள்ளையான் தலைமையிலான துரோகக் கும்பல்களின் முழு அக்கிரமங்களும் என்னால் முடிந்தளவு இக்களத்தில் வெளிப்படுத்தப்படும் என்பதனை இக்கணம் தாழ்மையுடன் அறியத்தருகிறேன். !

நல்லது ஆனால் கோபத்தை ஏற்படுத்த அல்ல பல புலம்பெயர்ந்த முன்னாள் மாற்றுக்குழு பிற இயக்கத்தினர் பழைய படுகொலைகளை தூசு தட்டி இணையத்தில் உலாவவிட்டிருக்கிரார்கள் என்பதை உங்கள் காதுக்குள்  போட்டுக்கொள்கிறேன் அங்கே குற்றம் சாட்டப்பட்டு இருப்பது புலிகள் மாத்திரமே .

Link to post
Share on other sites
  • கருத்துக்கள உறவுகள்

சிங்கள இனக்கொலையாளிகளின் வேட்டை நாய்கள் தமிழினத்திற்கெதிராக  தொடர்ச்சியாக வேலை செய்துவருவதுபற்றியும் இனத்துரோகிகளுக்கு வெள்ளையடித்து நல்லவர்களாகக் காட்ட முயல்வதுற்றியும் இக்கட்டுரை நன்றாகவே பேசுகிறது.

தமிழினத்திற்கெதிராகத் துரோகமிழைத்து இனக்கொலையாளிகளுக்கு சேவகம் செய்யும் சிலரின் விஷமத்தனமான பிரச்சாரம்பற்றி தனிழினம் அலட்டிக்கொள்ளத் தேவையில்லை.

பிள்ளையானுக்கும் கருணாவுக்கும் வெள்ளையடித்து கிழக்கின் வரலாற்று நாயகர்களாக அவர்களை முன்னிறுத்த முயலும் சிலருக்கு தற்போது “மாற்றுக்கருத்தாளர்களின்” வாந்திகள் வேதவாக்காகத் தெரிவதில் வியப்பேதுமில்லை!

Link to post
Share on other sites
  • கருத்துக்கள உறவுகள்
7 hours ago, தனிக்காட்டு ராஜா said:

நல்லது ஆனால் கோபத்தை ஏற்படுத்த அல்ல பல புலம்பெயர்ந்த முன்னாள் மாற்றுக்குழு பிற இயக்கத்தினர் பழைய படுகொலைகளை தூசு தட்டி இணையத்தில் உலாவவிட்டிருக்கிரார்கள் என்பதை உங்கள் காதுக்குள்  போட்டுக்கொள்கிறேன் அங்கே குற்றம் சாட்டப்பட்டு இருப்பது புலிகள் மாத்திரமே .

கனடாவிலும் ஒருதர் மணி கிலுக்கிக் கொண்டிருக்கிறார்...

Link to post
Share on other sites
  • கருத்துக்கள உறவுகள்
On 21/4/2021 at 06:04, alvayan said:

கனடாவிலும் ஒருதர் மணி கிலுக்கிக் கொண்டிருக்கிறார்...

கனடா மட்டும் அல்ல இங்கயும் கன பேர் இருந்து அதுமட்டும் அல்லாமல் வெளி உலகில் கனபேர் ஒத்து ஊதுகிறார்கள் அதுவும் திரிவுபடுத்தப்பட்டு பரவலடைந்து செல்கிறது 

  • Sad 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • ஈழத்தில் பரவும் இந்திய ஆதிக்கம் by vithaiMay 3, 2021068 அவருக்கு கிட்டத்தட்ட 70 வயது இருக்கும். நான் வேலை செய்யும் அதே நிறுவனத்தில் இன்னொரு பிரிவில் வேலை செய்பவர். அவ்வப்பொழுது காணும்போதெல்லாம் நலம் விசாரிப்புகளுடனும், காலநிலை குறித்து முறைப்பாடுகளுடனும் அண்மைக்காலமாக கொரனா குறித்த ஏதாவது ஒரு சில வார்த்தைகளுடனும் கடந்துபோவார். இரண்டு நாட்களுக்கு முன்னர் அவரைக் கண்டபோது அவர் உற்சாகமான மனநிலையுடனும் மலர்ந்த முகத்துடனும் இருக்கின்றார் என்பதை கொரனா காலத்துக்காக அணிந்திருக்கின்ற முகவுறையூடாகவும் கண்டுகொண்டேன். தம்பி, எங்களுக்கு ஒரு விடிவு வந்திட்டுதுபோல இருக்கு என்றார்; என்ன கொரனாவுக்கு மருந்து கண்டுபிடிச்சாச்சோ என்றேன். பேப்பர் பார்க்கேலேயோ, மோடி மகிந்தவுக்கு கடுமையாச் சொல்லிட்டாராம், தமிழாட்களுக்கு ஒரு சரியான தீர்வை உடனடியாக் கொடுக்கச் சொல்லி. மோடி மற்ற ஆட்கள் மாதிரி இல்லைத் தம்பி, இவை சரியா மாட்டுப்பட்டுப் போய் நிற்கினம் என்றார். உண்மையில் ஏமாற்றமாகவும் சலிப்பாகவும் இருந்தது. அவர் அரசியலை மிக மிக எளிமையான சூத்திரங்களால் புரிந்துகொள்பவர், மோடி இந்து, இலங்கைத் தமிழரென்றால் சைவம், சைவமும் இந்துவும் ஒன்று, அப்ப நாங்களும் மோடியும் ஒன்று, எங்களுக்கு ஒன்றென்றால் மோடி பொங்கி எழுந்துவிடுவார், இந்தியா சும்மா பார்த்துக்கொண்டிராது என்கிற வகையில் அவரது அரசியல் புரிதல் அமைவன. கொரனாக் காலத்தின் பின்னர் நண்பர் ஒருவர் இணைத்துவிட்ட வட்சப் குழுமத்தின் ஊடாக ஈழத்திலிருந்து வெளிவருகின்ற தமிழ், ஆங்கில பத்திரிகைகள் பலவற்றின் எண்ணிம பிரதிகளைப் பார்க்கின்ற வாய்ப்புக்கிட்டியிருக்கின்றது. அவற்றில் “தமிழாட்களுக்குக்குச் சரியான தீர்வைக் கொடுக்கச் சொல்லி மோடி கடுமையாகச் சொன்ன” விடயம் தொடர்பாக பார்த்த சில செய்திகள்: செப்ரம்பர் 26, 2020 அன்று மகிந்த ராஜபக்சேவிற்கும் மோடிக்கும் காணொலி மூலம் நடைபெற்ற இந்தச் சந்திப்பிற்குப் பின்னர் இரண்டு நாடுகளும் இணைந்து வெளியிட்ட ஒரு கூட்டறிக்கையில் இது குறித்துக் குறிப்பிடப்பட்டேயிருக்கின்றது. பின்னர் சிங்களத்தில், இலங்கை அரசு சார்பாக வெளியிடப்பட்ட அறிக்கையில் இவ்விடயம் தவிர்க்கப்பட்டிருக்கின்றது. அத்துடன் அமைச்சரவைப் பேச்சாளர் ஹெகலிய ரம்புக்வெல அதை மறுத்தும் இருந்தார். செப்ரம்பர் 29 மாலைமுரசில், “இலங்கைத் தமிழர்களுக்கு அதிகாரத்தைப் பகிர்ந்தளிக்கவேண்டும், 13வது சட்டத்திருத்தத்தை செம்மையாக அமுலாக்கவேண்டும் என்று மகிந்த ராஜபக்சேவிடம் மோடி வற்புறுத்தினார். எனவே இலங்கை அரசால் இதை மீறமுடியாது” என்று சுமந்திரன் உறுதியாகத் தெரிவித்ததாக செய்திவெளியிடப்பட்டுள்ளது. அதற்குப் பின்னர் செப்ரம்பர் 29 அன்று நடைபெற்ற ஊடகவியலாளர் சந்திப்பில் மகிந்த, மோடி தம்மிடம் ”கோரிக்கை வைத்திருந்தார்” (அதாவது வலியுறுத்தவில்லை) என்று தெரிவித்திருந்தார் என்பதாக செப்ரம்பர் 30 வெளியான ஈழநாடு தெரிவித்திருக்கின்றது. ஒரே பிராந்தியத்தியத்தில் இருக்கின்ற இரண்டு நாடுகளின் முக்கிய தலைவர்களின் சந்திப்பிற்கு அந்நாட்டுப் பத்திரிகைகள் முக்கியத்துவம் கொடுப்பதில் எந்தத் தவறுமில்லை, ஆனால் வைத்திருக்கின்ற நம்பிக்கையையும் செய்திகளைத் தருவதில் இருக்கின்ற பூரிப்பினையும் பார்க்கின்றபோது இவர்கள் எல்லாம் எப்படி இவ்வளவுக்கு அப்பாவித்தனமாக எல்லாவற்றையுமே நேர்மறையான மனநிலையுடன் பார்ப்பவர்களாக இருக்கின்றார்கள் என்று வியக்கவே தோன்றியது. தனது நலன்களுக்காகவும் பிராந்தியத்தில் அதிகாரம் செலுத்துவதற்காகவும் இந்தியா ஈழத்தமிழர்களை பகடைக்காய்களாகப் பயன்படுத்தியதே ஈழத்தமிழர்களின் வரலாறு மீளமீள சலிக்காமல் சொல்லும் பாடம். ஈழத்தில் நடந்த அழிவுகளில் யாருக்குப் பங்கிருக்கின்றதோ இல்லையோ, கணிசமான பங்கு இந்தியாவிற்கு இருக்கின்றது. முன்னர் நான் குறிப்பிட்ட, சாதாரண மனிதரான எனது சக ஊழியராக இருக்கட்டும், சட்ட நுணுக்கங்களைக் கற்றறிந்தவர்களும் அரசியல்வாதிகளாகவும் இருக்கட்டும், இந்தியா தான் எமக்கான காவலன், இந்தியா தான் எமக்குக் கைகொடுக்கும் என்று கண்மூடித்தனமாக நம்புவதற்கு என்ன காரணம்? உண்மையிலே இவர்கள் இப்படி நம்புகின்றார்களா அல்லது வெகுளித்தனமாக நம்புகின்ற ஒரு தரப்பினரும், அந்த ஒரு தரப்பினரின் அறியாமையை வைத்து தமது அரசியல் லாபங்களுக்காக அவர்களைத் தொடர்ந்து ஏமாற்றுகின்ற நோக்குடன் இன்னொரு தரப்பினர் அளந்துவிடுகின்ற கதைகளுமாக இந்தப் போக்கு வளர்கின்றதா என்பது குறித்தே நாம் கவனமாக ஆராயவேண்டும். ஈழத்தமிழர்களைப் பொறுத்தவரை, அவர்கள் வரலாற்றுரீதியாகவும் பண்பாட்டு ரீதியாகவும் இந்தியாவுடன் மிக நீண்டகாலமாக தொடர்புகளைக் கொண்டவர்கள். குறிப்பாக ஈழத்திற்கு அண்மித்ததாக இருக்கின்ற தமிழ்நாட்டுடனான தொடர்பினை தாய் சேய் உறவாகக் கொள்கின்றதான போக்கு நீண்டகாலமாகத் தொடர்ந்துவந்திருக்கின்றது. ஆயினும், காலனிய காலத்துக்குப் பின்னரான ”நவீன இந்தியா”வுக்கும் ஒட்டுமொத்த இலங்கைக்கும் இடையிலான உறவென்பது தனது சுயநலன்களுக்காகவும் அதிகார வேட்கைக்காகவும் இலங்கையைச் சுரண்டுவதாகவும் பெரியண்ணன் மனோபாவம் நிறைந்ததாகவுமே இருக்கின்றது. இலங்கையின் மீதான இந்தியாவின் ஆதிக்கமானது அரசியல், பொருளாதாரம், பண்பாடு ஆகிய மூன்று தளங்களில் இடம்பெற்றுக்கொண்டிருக்கின்றது. ஆயினும், ஈழத்தமிழர்களைப் பொறுத்தவரை அவர்களது அடிமனதில் கட்டமைக்கப்பட்டிருக்கின்ற இந்தியாவே எமக்கு துணை என்கிற கற்பிதம் அல்லது இந்திய அடிமை மனோபாவமும் அரசியல் பிரக்ஞையின்மையும் சேர்த்து அவர்களை இந்த ஆதிக்கங்களால் தமக்கு நிகழுகின்ற பாதிப்புகளை உணராதவர்களாகவே வைத்திருக்கின்றது. ஈழத்தமிழர்களின் இனவிடுதலைக்கான போராட்டத்தின் ஆரம்ப கட்டங்களிலேயே இந்தியாவின் நடவடிக்கைகளையும் அதன் தவறான வழிநடத்துகையில் ஈழ விடுதலை இயக்கங்கள் செல்வதைக் குறித்தும் தொடர்ச்சியாகச் சுட்டிக்காட்டியவர்கள் இருந்திருக்கின்றார்கள். ஈழ விடுதலை இயக்கங்கள் ராணுவ ரீதியிலான போராட்டங்களை நோக்கி நகரத் தொடங்கிய ஆரம்ப காலகட்டங்களில், பங்களாதேஷ் 1971 இல் சுதந்திரமடைந்ததுவும், அதில் இந்தியா பங்களாதேஷிற்கு ஆதரவாகச் செயற்பட்டது என்பதுவும் விடுதலை இயக்கங்களுக்கு நம்பிக்கையூட்டிய அம்சங்களாக அமைந்தன. அதுவும் அந்தப் போர் வெறும் 13 நாட்களில் முடிந்தது என்பதுவும் அவர்களுக்கு உற்சாகமூட்டியதாக இருக்கக்கூடும். அதேபோல, ஈழத்தமிழர் விடுதலைக்கும் இந்தியா உதவும், தனிநாடு பெற்றுத்தரும் என்ற நம்பிக்கை விடுதலை இயக்கங்களுக்கும், மக்களுக்கும் ஏற்பட்டிருக்கலாம். ஆயினும், பங்களாதேஷ் விடுதலை என்பதை இந்தியா எவ்விதம் அணுகியது என்பதிலிருந்தே ஈழத்தவர்கள் பாடம்பெற்றிருக்கவேண்டும். புளொட் இயக்கத்தினர் ஆரம்பகாலத்திலேயே வங்கம் தந்த பாடம் என்கிற சிறிய, ஆனால் மிக முக்கியமான ஒரு பிரசுரத்தினை வெளியிட்டனர். வங்கம் தந்த பாடத்திலிருந்து நாம் கற்றிருந்தாலே நிறைய அழிவுகளைத் தவிர்த்திருக்கலாம்; நம் அரசியல் தலைமைகள் அதனைக் கற்று, உள்வாங்கி அரசியல் பிரக்ஞையுடனான உரையாடலை மக்களுடன் மேற்கொண்டிருந்தால் அரசியல் பிரக்ஞை கொண்டதோர் சமூகத்தை, அரசியல் பிரக்ஞையுடன் முடிவெடுக்கக் கூடிய ஒரு சமூகத்தை உருவாக்குவது நோக்கி நகர்ந்திருக்கலாம். எண்பதுகளில் இருந்த அரசியல் தலைமை எப்படி நோக்கம், வழிமுறை, அரசியல் தெளிவு என்பன இல்லாமல் அன்றையை இளைஞர்களை வழிநடத்தினார்களோ இன்றும் அதுவே தொடர்கின்றது. துரதிஸ்ரவசமாக அன்று இளைஞர்களாக இருந்து இன்று அரசியல் தலைமைகளாகவும், ஆய்வாளர்களாகவும் இருப்பவர்களும் இன்றைய இளைஞர்களை அரசியல் மயப்படுத்தாமல், வெறும் கற்பனாவாத நம்பிக்கைகளையும் உணர்ச்சி அரசியல்களையுமே விதைத்தே வளர்த்துவருகின்றார்கள் என்பதை ஒரு அபாய சமிக்ஞையாகவே பார்க்கமுடிகின்றது. மோடி முதல்முறையாக இந்தியப் பிரதமராக தெரிவுசெய்யப்பட்டபோது புலம்பெயர்நாடுகளிலும் ஈழத்திலும் இருக்கின்ற ஈழத்தவர்களில் பலர் அதனை ஆதரித்திருந்தார்கள். அவர்களில் பெரும்பாலானோரின் வாதம் இந்துத்துவக் கட்சியான பாரதிய ஜனதா ஆட்சிக்கு வந்தால் – ஈழத்தமிழர்கள் சைவர்கள், எனவே இந்துக்கள், எனவே பாரதிய ஜனதாவின் ஆதரவு கிடைக்கும் என்கிற புரிதலின் அடிப்படையில் அமைந்திருந்தது. அவர்கள் எவருக்கும் பாரதிய ஜனதா என்பது மதவாதக் கட்சி என்பதோ பாசிசக் கட்சி என்பதோ பிரச்சனையே இல்லை. கடந்த சில ஆண்டுகளாக சிவசேனை போன்ற மதவாத அமைப்புகள் வெளிப்படையாக ஈழத்தில் மாவட்டங்கள் தோறும் இயங்கத்தொடங்கியிருப்பதும் அவற்றை பௌத்த சிங்கள பேரினவாதத்துக்கு எதிரான அசைவியக்கம் என்று நியாயப்படுத்துவதும் ஆபத்தானவை. ஈழத்தைப் பொறுத்தவரை பௌத்த சிங்கள பேரினவாதத்தின் மதவாத நடவடிக்கைகளுக்கும் இஸ்லாமிய மதவாத நடவடிக்கைகளுக்கு எதிரான ஒரு பொறிமுறையாகவே சைவ / இந்து மதவாத நடவடிக்கைகளை அவற்றை ஆதரிப்பவர்கள் பார்க்கின்றார்கள். உண்மையில் எந்த மதவாதமாக இருந்தாலும் அது ஒடுக்குமுறையை அடிப்படையாகக் கொண்டது, சமூகநீதிக்கு எதிரானது. ஒரு மதவாதம் ஒருபோதும் இன்னொரு மதவாதத்துக்கு எதிர்ப்பொறிமுறையாகாது, மாறாக இன்னொரு மதவாதத்தை வளர்த்துக்கொள்வதன் மூலம் தன்னை வளர்த்துக்கொள்வதையும் நிலைநிறுத்திக்கொள்வதையும் அதேபோல தன்னை வளர்த்துக்கொள்வதன் மூலம் இன்னொரு மதவாதத்தை வளர்த்துக்கொள்வதையும் நிலைநிறுத்திக்கொள்வதையும் அடிப்படை உத்தியாகக் கொண்டியங்குவது. ஈழத்தவர் மீது நிகழும் பண்பாட்டுப் படையெடுப்பு என்று ஓகஸ்ட் 2020 தாய்வீட்டில் எழுதிய கட்டுரை ஒன்றில், பண்பாட்டுப் படையெடுப்பின் மூலம் எப்படியாக ஈழத்திலும் புலம்பெயர் நாடுகளிலும் ஈழத்தவர்கள் பண்பாட்டு அடிமைகளாக்கப்படுகின்றார்கள் என்று விபரித்திருந்தேன். அந்தப் பண்பாட்டுப் படையெடுப்புகளின் நீட்சியாகவே இப்போது இந்தியாவில் இருந்து இறக்குமதியாகிக் கொண்டிருக்கும் மதவாதப் போக்குகள் இருக்கின்றன. அண்மைக்காலமாக பெருமளவான இளைஞர்களின் செயல்களிலும் இப்படியான வெளிப்பாடுகள் இருப்பதை அவதானிக்கக் கூடியதாக இருக்கின்றது. அது மட்டுமல்லாமல், பெரியாரையும், அம்பேத்காரையும் ஈழத்தில் பேச முடியுமென்றால் ஏன் இந்துத்துவத்தைப் பேசமுடியாது என்பதாகவே அவர்களது கேள்வி அமைகின்றது. ஒடுக்குமுறைகள் இல்லாத சமத்துவமான உலகொன்றைக் கனவுகண்டவர்கள் பற்றி நீங்கள் பேசினால் நாங்கள் ஒடுக்குமுறையைப் பேசுகின்ற மானுடவிரோதக் கருத்தியல்களைப் பேசுவோம் என்று அவர்கள் சொல்வதாகவே அதனைப் புரிந்துகொள்ளமுடியும். எம்மீது நிகழ்த்தப்படும் பண்பாட்டுப் படையெடுப்புக் குறித்தும் வளர்ந்துவரும் மதவாதச் சக்திகளின் செல்வாக்குக் குறித்தும் நாம் பிரக்ஞைபூர்வமாக உரையாடுவதன் மூலமும் செயற்படுவதன் மூலமுமே சமூகவிடுதலை நோக்கிய உறுதியான அடிகளை எடுத்துவைக்கலாம். இல்லாவிட்டால் மறுபடியும் மறுபடியும் முதலில இருந்துதான் ஆரம்பிக்கவேண்டிவரும்! -அருண்மொழிவர்மன்   https://vithaikulumam.com/2021/05/03/20210503/    
    • வீடியோவில் 11:17 இலிருந்து பாருங்கள்.. சாணக்கியனின் பூர்வீகம் கருணா அம்மானுக்கு நன்றாகவே தெரியும்.
    • இந்தியாவில் பரவும் திரிபடைந்த கொரோனா வைரஸ் இலங்கையில் கண்டறிவு    21 Views இந்தியாவில் தீவிரமாகப் பரவிவரும் கொரோனா வைரசின் திரிபடைந்த வைரஸ் இலங்கையில் ஒருவருக்குக் கண்டறியப்பட்டுள்ளது. திரிபடைந்த B1.617 என்ற கொரோனா வைரசே இவ்வாறு ஒருவரக்குக் கண்டறியப்பட்டுள்ளதாக ஸ்ரீ ஜயவர்தனபுர பல்கலைக்கழக ஒவ்வாமை, எதிர்ப்பு சக்தி ஆய்வு மற்றும் மரபணு விஞ்ஞான நிறுவகத்தின் பணிப்பாளர் கலாநிதி சந்திம ஜீவந்தர தெரிவித்துள்ளார். இவ்வாறு தொற்று கண்டறியப்பட்டவர், கொழும்பு தனிமைப்படுத்தல் மையமொன்றில் தனிமைப்படுத்தப்பட்டிருந்த நிலையில் அவருக்கு மேற்கொள்ளப்பட்ட பி.சி.ஆர். பரிசோதனையில் இந்தத் தொற்று கண்டறியப்பட்டுள்ளது. கடந்த ஏப்ரல் 29 ஆம் திகதி முதல் நேற்று மாலை வரை இலங்கையில் 15,500 கொரோனா தொற்றாளர்கள் அடையாளம் காணப்பட்டுள்ளதுடன், 84 உயிரிழப்புகளும் ஏற்பட்டுள்ளன என்பது குறிப்பிடத்தக்கது.   https://www.ilakku.org/?p=49069
    • சீனாவின் கொரோனா தடுப்பூசிக்கு உலக சுகாதார நிறுவனம் ஒப்புதல்  16 Views சீன அரசுக்கு சொந்தமான சீனோஃபார்ம் நிறுவனம் தயாரித்த கோவிட்-19 தடுப்பூசிக்கு உலக சுகாதார நிறுவனம் அவசரகாலப் பயன்பாட்டு அனுமதி வழங்கியுள்ளது. மேற்கத்திய நாடு ஒன்றால் தயாரிக்கப்படாத தடுப்பூசி ஒன்று உலக சுகாதார நிறுவனத்தின் அங்கீகாரத்தை பெறுவது இதுவே முதல் முறையாகும் . சீனாவிலும் வேறு சில உலக நாடுகளிலும் இந்த தடுப்பூசி ஏற்கனவே கோடிக்கணக்கான மக்களுக்கு வழங்கப்பட்டுள்ளது. இதற்கு முன்னதாக ஃபைசர் அஸ்ட்ராஜெனீகா, ஜான்சன் & ஜான்சன் மற்றும் மாடெர்னா ஆகிய தடுப்பூசிகளின் பயன்பாட்டுக்கு மட்டுமே உலக சுகாதார நிறுவனம் ஒப்புதல் அளித்திருந்தது. மேலும் சீனா தயாரித்துள்ள இன்னொரு தடுப்பூசியான ‘சீனோவேக்’ குறித்த முடிவு அடுத்து வரும் சில நாட்களில் உலக சுகாதார நிறுவனத்தால் அறிவிக்கப்படும் என்று எதிர்பார்க்கப்படுகிறது. ரஷ்யாவின் ஸ்புட்னிக்-V தடுப்பூசி ஏற்கனவே உலக சுகாதார நிறுவனத்தால் மதிப்பிடப்பட்டு வருகிறது என்பது குறிப்பிடத்தக்கது.   https://www.ilakku.org/?p=49076
×
×
  • Create New...

Important Information

By using this site, you agree to our Terms of Use.