நான் பார்த்த நல்ல படங்கள்!

[சாணக்கியன்]

அண்மையில் Will Smith நடித்த "The Pursuit of Happyness" என்ற ஆங்கில படம் பார்த்தேன். இது ஒரு உண்மைக்கதையை தழுவி எடுக்கப்பட்ட படம். அத்துடன் முதன் முதலாக Will Smith சோகமாக நடித்த படம்

கிரிஸ் ஒரு சாதாரண விற்பனை பிரதிநிதி, வேலை பார்க்கும் மனைவி, பள்ளிக்கு போகும் ஒரே மகன் மற்றும் வழமையான நடுத்தரவர்க்கத்தின் சுமைகள் என அவன் வாழ்க்கை படகு மெதுவாக நகருகிறது. கையில் இருந்த பணத்தை எல்லாம் கொடுத்து ஒரு தொகை மருத்துவ உபகரணங்களை தன் வீடு முழுவதும் வாங்கிக் குவிக்கிறான், அவற்றை தன்னால் விற்க முடியும் அதனால் தன் வாழ்க்கை பாதை மாறும் என்ற நம்பிக்கையுடன். அது அவனது வாழ்க்கை பாதையை மாற்றியது என்னவோ உண்மைதான். அனால் அது அவன் நினைத்த மாதிரியல்ல!

வாங்கிய பிறகு தான் அவன் தெரிந்து கொள்கிறான் அவை ஒன்றும் அவசியமாக தேவைப்படும் நவீன கருவியல்ல என்பதை. வலுக்கும் குடும்பச்சுமைக்கு தோள் கொடுக்க விரும்பாத மனைவி சுயநலத்துடன் அவனை விட்டுப் பிரியத் தீர்மாணிக்கிறாள். மகனை விட்டுப் பிரிய மறுக்கும் கிரிஸ்சிடம் அவனையும் விட்டுச் செல்கிறாள். (எங்கள் நெடுக்ஸ் குறிப்பிடும் பெண்னைப் போல!)

அறியாச் சிறுவனை கஸ்டம் தெரியாமல் வளர்க்க பாடுபடுகிறான் கிறிஸ். மகனுடனும், வாங்கிய மருத்துவ உபகரணங்களுடனும், ஒருவேளை உணவுக்குக் கூட கையில் காசில்லாமல் நடுத்தெருவுக்கு வரும் கிரிஸ், ஒரு நாள் இரவை களிப்பதற்கு பொது மலசலகூடத்தை தெரிவு செய்கிறான். எதற்கு எடுத்தாலும் கேள்வி கேட்கும் சிறுவனிடம் அதை எப்படி அவன் மனகோணாமல் சொல்லிப் புரிய வைப்பது என்ற இடத்தில் என் மனதை கொள்ளை கொண்டு விடுகிறான். தொடர்ந்து போராடி வெற்றியும் பெறுகிறான்!

Probably இற்கும் Possibly இற்கும் இடையிலான வித்தியாசத்தை சிறுவனுக்கு இப்படி விளக்குகிறான் கிறிஸ்:

Chris: Probably means there's a good chance. Possibly means we might or we might not.

Son: Okay.

Chris: So, what does probably mean?

Son: It means we have a good chance.

Chris: And what does possibly mean?

Son: I know what it means! It means we're not going to the game.

காரணம்? படத்தை பாருங்கள்!

The Pursuit of Happyness தவறாமல் இதனை பார்த்து விட்டு எப்படி இருந்தது என்று சொல்லுங்களேன்!

[இணையவன்]

இப் படத்தில் இன்னுமொரு சிறப்பம்சம், இதில் Will Smith இன் மகனாக நடிக்கும் Jaden Smith உண்மையிலேயே Will Smith இன் மகன் என்பதாகும்.

[Justin]

படம் இன்னும் பார்க்கவில்லை. ஆனால் வில் ஸ்மித்தின் பேட்டி சில மாதங்களுக்கு முன்னைய ரீடர்ஸ் டைஜஸ்டில் வந்திருந்தது. தனிப்பட்ட ரீதியாகவும் அவர் தன்னம்பிக்கைக்கு முதலிடம் கொடுக்கும் மனிதர் என்று புரிகிறது. இத்திரைப் பட விளம்பரத்தின் போது ஒளிபரப்பான காட்சித் துண்டொன்று என்னை மிகவும் கவர்ந்தது:

அழுக்கான உடைகளுடன் வில் ஸ்மித் வேலை நாடி நேர்முகப் பரீட்சையில் போய் உட்காருகிறார்.

நேர்முகம் காண்பவர்: அழுக்குச் சேர்ட்டுடன் வரும் ஒருவனுக்கு வேலை கொடுத்தால் வெளியே என்ன நினைப்பார்கள் என்னைப் பற்றி?

வில் ஸ்மித்: நீங்கள் வேலை கொடுத்தவன் மிகத்தரமான காற்சட்டை போட்டிருந்தான் என நினைப்பார்கள்

[Subiththiran]

http://www.megaupload.com/?d=MI8PE1Y5

http://www.megaupload.com/?d=Q2UVH4SW

http://www.megaupload.com/?d=BISNQFAL