Jump to content
  • Veeravanakkam
  • Veeravanakkam
  • Veeravanakkam

27 வருடகால திருமண வாழ்க்கையை முடிவுக்கு கொண்டு வரும் பில் - மெலிண்டா கேட்ஸ் ஜோடி


Recommended Posts

  • கருத்துக்கள உறவுகள்

27 வருடகால திருமண வாழ்க்கையை முடிவுக்கு கொண்டு வரும் பில் - மெலிண்டா கேட்ஸ் ஜோடி

பில் மற்றும் மெலிண்டா கேட்ஸ் திருமணமான 27 வருடங்களுக்குப் பிறகு விவாகரத்து செய்ய முடிவு செய்துள்ளதாகக் திங்களன்று கூறியுள்ளனர்.

CC1mWW0H.jpg

மைக்ரோசாப்டின் பில்லியனர் நிறுவனர் பில் கேட்ஸ் மற்றும் ஒரு எழுத்தாளரும் வணிகப் பெண்ணுமான மெலிண்டா கேட்ஸ், தங்கள் தனிப்பட்ட டுவிட்டர் கணக்குகளில் வெளியிடப்பட்ட ஒரே மாதிரியான அறிக்கையில் விவாகரத்து முடிவை அறிவித்தனர்.

"கடந்த 27 ஆண்டுகளில், நாங்கள் மூன்று குழந்தைகளை வளர்த்துள்ளோம், உலகெங்கிலும் வேலை செய்யும் ஒரு அடித்தளத்தை உருவாக்கியுள்ளோம், இது அனைத்து மக்களையும் ஆரோக்கியமான, உற்பத்தி நிறைந்த வாழ்க்கையை நடத்த உதவுகிறது" என்று அந்த பதிவில் கூறியுள்ளனர்.

"நாங்கள் தொடர்ந்து அந்த நோக்கத்தில் ஒரு நம்பிக்கையைப் பகிர்ந்து கொள்கிறோம், எங்கள் தொழில் வாழ்க்கையை இணைந்தே தொடருவோம், ஆனால் எங்கள் தனிப்பட்ட வாழ்க்கையின் அடுத்த கட்டத்தில் ஒரு ஜோடிகளாக நாங்கள் ஒன்றாக வாழ முடியும் என்று நாங்கள் இனி நம்பவில்லை." என்றும் தெரிவித்துள்ளனர்.

மைக்ரோசாப்ட் கார்ப்பரேஷனின் நிறுவனரான 65 வயதான பில் கேட்ஸ் உலகின் நான்காவது பணக்காரர். 56 வயதான மெலிண்டா கேட்ஸ் முன்னாள் மைக்ரோசாஃப்ட் மேலாளர் ஆவார், அவர்கள் பில் மற்றும் மெலிண்டா கேட்ஸ் அறக்கட்டளையுடன் இணைந்து சர்வதேச அளவில் முக்கியத்துவம் பெற்றனர்.

இவர்கள் இருவரும் 1994 ஆம் ஆண்டு திருமணம் செய்து கொண்டமையும் குறிப்பிடத்தக்கது.

https://www.virakesari.lk/article/104849

 

 

Link to post
Share on other sites
  • கருத்துக்கள உறவுகள்

அவையளுக்குள்ளை.... என்ன, பிரச்சினையாம்?

சாதகம் பார்த்து... கலியாணம் கட்டாட்டி, இப்பிடியான பிரிவு ஏற்படத்தான் செய்யும். 

Link to post
Share on other sites

ஏழைகளுக்கு உதவுவதாகக் கூறிக் கொண்டு ஏழை மக்களை அடிமைகளாக்கும் இரு பண முதலைகள்.

  • Thanks 1
Link to post
Share on other sites
  • கருத்துக்கள உறவுகள்
15 minutes ago, இணையவன் said:

ஏழைகளுக்கு உதவுவதாகக் கூறிக் கொண்டு ஏழை மக்களை அடிமைகளாக்கும் இரு பண முதலைகள்.

இனி

இரண்டு பேரும் ஒவ்வொரு பக்கத்தாலும் பணத்தை நோக்கி

ஏழை மக்களின் முதுகில் ஏறி யார் பெரிய பணக்காரர் என்கின்ற இமயம் நோக்கி ???

Link to post
Share on other sites
  • கருத்துக்கள உறவுகள்

அந்த பிரச்னைதான்....

இங்கே பலர், சேவை செய்ய முன்வந்தார்களே. ஆர், ஆர் ரெடி எண்டு சொல்லுங்கோ. இரண்டு பேருக்கும் லிஸ்டை அனுப்பி வைக்கலாம். 

Link to post
Share on other sites
  • கருத்துக்கள உறவுகள்
17 hours ago, புங்கையூரன் said:

ம்ம்...வண்டியும் ஒரு நாள்  ஓடத்திலேறும்...!🤭

மெய்யே புங்கையர்! எங்கடை பொடியள் உந்த பில்கேட்சை  கோவிட்டின்ரை ஃபாதர் எண்டு பேஸ்புக்கிலை பகிடி பண்ணிக்கொண்டு திரியுறாங்கள். இருக்கும் எண்டுறியள்? 😎

Link to post
Share on other sites
  • கருத்துக்கள உறவுகள்

உந்த ஆள் கலியாணம் கட்ட முன் சிநேகிதமாக இருந்த பெண்பிள்ளை ஒண்டுடன் கலியாணத்தின் பின்னர் ஒவ்வொரு வருடமும் ஒருகிழமை உல்லாசமாக தனியே சென்று வருவார்களாம்.
அடங் கொப்பரான .....
மலரும் நினைவுகளில் இன்னமும் இருப்பவர்களின் கவனத்திற்கு  .........😍

Link to post
Share on other sites
  • கருத்துக்கள உறவுகள்
7 hours ago, சாமானியன் said:

உந்த ஆள் கலியாணம் கட்ட முன் சிநேகிதமாக இருந்த பெண்பிள்ளை ஒண்டுடன் கலியாணத்தின் பின்னர் ஒவ்வொரு வருடமும் ஒருகிழமை உல்லாசமாக தனியே சென்று வருவார்களாம்.
அடங் கொப்பரான .....
மலரும் நினைவுகளில் இன்னமும் இருப்பவர்களின் கவனத்திற்கு  .........😍

சாமானியன்,   சும்மா.... வயித்தெரிச்சலை கிளப்பாதீங்க. 🥸 😁

Link to post
Share on other sites
  • கருத்துக்கள உறவுகள்
15 hours ago, சாமானியன் said:

உந்த ஆள் கலியாணம் கட்ட முன் சிநேகிதமாக இருந்த பெண்பிள்ளை ஒண்டுடன் கலியாணத்தின் பின்னர் ஒவ்வொரு வருடமும் ஒருகிழமை உல்லாசமாக தனியே சென்று வருவார்களாம்.
அடங் கொப்பரான .....
மலரும் நினைவுகளில் இன்னமும் இருப்பவர்களின் கவனத்திற்கு  .........😍

இந்த தாரகையா அந்த உல்லாச சக்களத்தி....? 😊

Bill Gates: Bei der Hochzeit bestand er auf eine skurrile Vereinbarung

Link to post
Share on other sites
  • கருத்துக்கள உறவுகள்
22 hours ago, குமாரசாமி said:

மெய்யே புங்கையர்! எங்கடை பொடியள் உந்த பில்கேட்சை  கோவிட்டின்ரை ஃபாதர் எண்டு பேஸ்புக்கிலை பகிடி பண்ணிக்கொண்டு திரியுறாங்கள். இருக்கும் எண்டுறியள்? 😎

வணக்கம், குமாரசாமி அண்ணை..!
எதைத் தொட்டாலும்....இவரிலை போய்த் தான் நிக்குது!
இவரும், இவரது மனுசியும் சேர்ந்து தொடங்கிய ர்றஸ்ற் கனக்க வேலையள் செய்திருக்குப் போல கிடக்குது! இந்த அமைப்பு அண்மைக் காலமாக மிகவும் முக்கியமான ஆய்வுகளில் ஈடு பட்டுள்ளது வெளிச்சத்துக்கு வந்துள்ளது! கண்ணுக்குத் தெரியாத வகையில்....மைக்கிரோ சிப்ஸை வடிவமைக்க முடியுமா என்பதற்கான ஆராய்சியே அதுவாகும்! அமெரிகாவிலுள்ள மாசூசெட்ஸ் பல்கலைக்கழகத்துக்கு இந்த ஆய்வுக்காக நிறைய நன் கொடைகள் வழங்கப் பட்டுள்ளதாகக் கூறப்படுகின்றது! அத்துடன் இந்த அமைப்பால், ஆபிரிக்க, ஆசிய கண்டக்களுக்கு நிறைய நிதி உதவிகள் வழங்கப்பட்டுள்ளன!
மைக்கிறொ சொfற் நிறுவனமானது பைசர் நிறுவனத்தின் மிகப் பெரிய பங்கு தாரராகும்!
இந்தியாவில் கொரோனா ஊசி மருந்துகளைத் தயாரிக்கும் செரம் கொம்பனிக்கு, இவரது நிறுவனம் $500 மில்லியன் அளவில் கடனாகவும், நன் கொடையாகவும் வழங்கியுள்ளது! அது மட்டுமன்றி, சீனாவிலுள்ள வுகான் ஆய்வு கூடத்தைக் கட்டிக் கொடுத்ததில் ஒரு ஜேர்மன் கொம்பனி ஒன்று தொடர்பு பட்டுள்ளதாகவும், அந்தக் கொம்பனியில் இவரது நிறுவனத்துக்கும், டொக்ரர் 'Fauci'' அவர்களுக்கும் தொடர்பு உள்ளதாக இப்போது அறியப் படுகின்றது! இதனால் தான், இவர் மீது அதிக சந்தேகம் எற்படுகின்றது! உலக சுகாதார ஸ்தாபனத்தின் முக்கிய நன் கொடையாளராக இவர் இருப்பதால், அந்த   நிறுவனத்துக்கும்...இதில் சம்பந்தமுள்ளதாகக் கூறப்படுகின்றது!

  • Like 2
Link to post
Share on other sites
  • கருத்துக்கள உறவுகள்
On 6/5/2021 at 00:27, புங்கையூரன் said:

வணக்கம், குமாரசாமி அண்ணை..!
எதைத் தொட்டாலும்....இவரிலை போய்த் தான் நிக்குது!
இவரும், இவரது மனுசியும் சேர்ந்து தொடங்கிய ர்றஸ்ற் கனக்க வேலையள் செய்திருக்குப் போல கிடக்குது! இந்த அமைப்பு அண்மைக் காலமாக மிகவும் முக்கியமான ஆய்வுகளில் ஈடு பட்டுள்ளது வெளிச்சத்துக்கு வந்துள்ளது! கண்ணுக்குத் தெரியாத வகையில்....மைக்கிரோ சிப்ஸை வடிவமைக்க முடியுமா என்பதற்கான ஆராய்சியே அதுவாகும்! அமெரிகாவிலுள்ள மாசூசெட்ஸ் பல்கலைக்கழகத்துக்கு இந்த ஆய்வுக்காக நிறைய நன் கொடைகள் வழங்கப் பட்டுள்ளதாகக் கூறப்படுகின்றது! அத்துடன் இந்த அமைப்பால், ஆபிரிக்க, ஆசிய கண்டக்களுக்கு நிறைய நிதி உதவிகள் வழங்கப்பட்டுள்ளன!
மைக்கிறொ சொfற் நிறுவனமானது பைசர் நிறுவனத்தின் மிகப் பெரிய பங்கு தாரராகும்!
இந்தியாவில் கொரோனா ஊசி மருந்துகளைத் தயாரிக்கும் செரம் கொம்பனிக்கு, இவரது நிறுவனம் $500 மில்லியன் அளவில் கடனாகவும், நன் கொடையாகவும் வழங்கியுள்ளது! அது மட்டுமன்றி, சீனாவிலுள்ள வுகான் ஆய்வு கூடத்தைக் கட்டிக் கொடுத்ததில் ஒரு ஜேர்மன் கொம்பனி ஒன்று தொடர்பு பட்டுள்ளதாகவும், அந்தக் கொம்பனியில் இவரது நிறுவனத்துக்கும், டொக்ரர் 'Fauci'' அவர்களுக்கும் தொடர்பு உள்ளதாக இப்போது அறியப் படுகின்றது! இதனால் தான், இவர் மீது அதிக சந்தேகம் எற்படுகின்றது! உலக சுகாதார ஸ்தாபனத்தின் முக்கிய நன் கொடையாளராக இவர் இருப்பதால், அந்த   நிறுவனத்துக்கும்...இதில் சம்பந்தமுள்ளதாகக் கூறப்படுகின்றது!

உலகத்திலை சனத்தை குறைக்கவும் இந்த ஏற்பாடு எண்டும் ஒரு கதை உலாவுது.இந்த உலகத்தை ஒரு கட்டுப்பாட்டுக்குள்ளை வைச்சிருக்கவும் ஒரு ஐடியா நடக்குதாம்.... பஞ்சமும் கூடிக்கொண்டு போகுதெல்லே...

உங்கை அவுஸ்ரேலியாவிலை ஒருக்கால்  தண்ணி பஞ்சத்துக்காக  வகைதொகையில்லாமல் ஒட்டகங்களை சுட்டுக்கொண்டவையெல்லோ....ஞாபகம் இருக்கோ.

Link to post
Share on other sites
  • கருத்துக்கள உறவுகள்
9 minutes ago, குமாரசாமி said:

உலகத்திலை சனத்தை குறைக்கவும் இந்த ஏற்பாடு எண்டும் ஒரு கதை உலாவுது.இந்த உலகத்தை ஒரு கட்டுப்பாட்டுக்குள்ளை வைச்சிருக்கவும் ஒரு ஐடியா நடக்குதாம்.... பஞ்சமும் கூடிக்கொண்டு போகுதெல்லே...

உங்கை அவுஸ்ரேலியாவிலை ஒருக்கால்  தண்ணி பஞ்சத்துக்காக  வகைதொகையில்லாமல் ஒட்டகங்களை சுட்டுக்கொண்டவையெல்லோ....ஞாபகம் இருக்கோ.

உண்மை தான்...!

அவுஸ்திரேலியாவில் ஒட்டகங்களும், ஆடுகளும் ( செம்மறி விதிவிலக்கு), குதிரைகளும் ( Brumbies) ஒவ்வாதவையாக (Pest) வகைப்படுத்தப் பட்டுள்ளன! இவற்றைக் கொல்வதற்கும், வேட்டையாடுவதற்குமாக, அதற்குப் பொறுப்பான அமைச்சுக்கள் ஒவ்வொரு வருடமும் ஒரு தொகையைக் கொல்ல அனுமதி வழங்குவது வழக்கத்தில் உள்ளது! இவ்வாறு கொல்லப்படும் ஆடுகள் எம்மவரிடமும், மத்திய கிழக்கு நாட்டவரிடமும் நல்ல விலைக்கு விலைப்படும்!

முன்னைய அமெரிக்கா ஜனாதிபதி டொனால்ட் ட்ரம்புக்கு கொறோனா பற்றிய உண்மை ஓரளவுக்குத் தெரிந்திருந்தது போல உள்ளது! அதனாலேயே உலக சுகாதார நிறுவனத்துக்கான நிதியை நிறுத்தியதோடு, Dr. Fauci அவர்களையும் தன்னை நெருங்க விடாது கவனமாக இருந்தார்!

ஆபிரிக்காவிலும், இந்தியாவிலும் சில ஊசி மருந்துகளை மனிதர்களிலும், குழந்தைகளிலும் சோதித்துப் பார்ப்பதாக,  பில் கேட்ஸ் , மெலிண்டா இருவர் மேலும் குற்றச் சாட்டுகளும் வைக்கப் படுகின்றன! 

  • Thanks 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • சிங்கள புத்த இராணுவம்.. அவர்கள் தமிழர்கள், என்ற ஒரு காரணத்துக்காக... கொல்லப் பட்ட  "நர வேடடைகளில்" இதுவும் ஒன்று. இப்படி நூற்றுக்  கணக்கான  சந்தர்ப்பங்களில்,  பல தமிழர்கள்... பல  இடங்களில்   கொல்லப் பட்ட  போதும்... அதற்கு, நீதி கிடைக்காமல் இருப்பது, எமது துரதிஷ்டம்.  😢
    • தமிழகம்: இன்று முதல் புது கட்டுப்பாடுகள்: முழு விவரம்! மின்னம்பலம் கொரோனா பரவல் நாளுக்கு நாள் அதிகரித்து வருவதால் தமிழகத்தில் இன்று முதல் கட்டுப்பாடுகளைத் தீவிரப்படுத்தியுள்ளது தமிழக அரசு. கொரோனா கட்டுப்பாடுகள் தொடர்பாக சட்டப்பேரவை அனைத்துக் கட்சித் தலைவர்களுடன் நேற்று முன்தினம் முதல்வர் ஸ்டாலின் ஆலோசனை நடத்தினார். இதில் ஊரடங்கைக் கடுமையாக்க வேண்டும் என்று விவாதிக்கப்பட்டிருக்கிறது.   இந்நிலையில், ஊரடங்கு கட்டுப்பாடுகளை மேலும் தீவிரப்படுத்தி தமிழக முதல்வர் மு.க.ஸ்டாலின் உத்தரவிட்டுள்ளார். இதுகுறித்து தமிழக அரசு வெளியிட்ட அறிவிப்பில், “15.05.2021 காலை 4 மணி முதல் 24.05.2021 காலை 4 மணி வரை ஏற்கெனவே அமலில் உள்ள கட்டுப்பாடுகளுடன் பின்வரும் புதிய கட்டுப்பாடுகள் விதிக்கப்படுகின்றன. புதிய கட்டுப்பாடுகள் தனியாகச் செயல்படுகின்ற மளிகை, பலசரக்குகள், காய்கறிகள், இறைச்சி, மீன் விற்பனை செய்யும் கடைகள் ஆகியவை மட்டும் குளிர்சாதன வசதி இன்றி நண்பகல் 12 மணி வரை இயங்க அனுமதிக்கப்பட்ட நிலையில், தற்போது இந்தக் கடைகள் அனைத்தும் காலை 6 மணி முதல் காலை 10 மணி வரை மட்டும் இயங்க அனுமதிக்கப்படும். இவற்றில், ஒரே சமயத்தில் 50 சதவிகிதம் வாடிக்கையாளர்கள் மட்டுமே அனுமதிக்கப்பட வேண்டும். மின் வணிக நிறுவனங்கள் மூலம் மளிகை, பலசரக்குகள், காய்கறிகள், இறைச்சி மற்றும் மீன் விநியோகம் செய்ய காலை 6 மணி முதல் காலை 10 மணி வரை மட்டும் அனுமதிக்கப்படும். மேற்கூறிய மளிகை, பலசரக்குகள், காய்கறிகள், இறைச்சி, மீன் கடைகள் தவிர, இதர கடைகள் அனைத்தும் திறக்க தடை விதிக்கப்படுகிறது.   பெட்ரோல் டீசல் பங்க்குகள் ஆகியவை எப்போதும் போலச் செயல்படும். ஆங்கில மற்றும் நாட்டு மருந்துக் கடைகள் திறக்க வழக்கம்போல் அனுமதிக்கப்படும் பொது மக்கள் தங்களுக்குத் தேவையான மளிகை, பலசரக்கு, காய்கறிகளை தங்களது வீட்டின் அருகில் உள்ள கடைகளில் வாங்குமாறும், மேற்சொன்ன பொருட்கள் வாங்க அதிக தூரம் பயணிப்பதை தவிர்க்குமாறும் அறிவுறுத்தப்படுகிறார்கள். அவ்வாறு செல்ல முற்படுபவர்கள் தடுக்கப்படுவார்கள். காய்கறி, பூ, பழம் விற்பனை செய்யும் நடைபாதை கடைகள் நண்பகல் 12 மணி வரை செயல்பட அனுமதிக்கப்பட்ட நிலையில், தற்போது, காய்கறி, பூ, பழம் விற்பனை செய்யும் நடைபாதை கடைகள் செயல்பட அனுமதி இல்லை. தேநீர்க் கடைகள் நண்பகல் 12 மணி வரை மட்டும் செயல்பட அனுமதிக்கப்பட்ட நிலையில், தற்போது தேநீர்க் கடைகள் இயங்க அனுமதி இல்லை. மின் வணிக நிறுவனங்கள் மதியம் 2 மணி முதல் மாலை 6 மணி முடிய செயல்பட அனுமதிக்கப்படும். * இ-பதிவு முறை வெளிமாநிலங்கள் மற்றும் வெளிநாடுகளிலிருந்து தமிழகத்திற்கு வருவோருக்கு இ-பதிவு முறை கட்டாயமாக்கப்படும்.   அத்தியாவசியப் பணிகளான திருமணம், முக்கிய உறவினரின் இறப்பு, மருத்துவ சிகிச்சை மற்றும் முதியோர்களுக்கான தேவை போன்றவற்றிற்கு மாவட்டங்களுக்குள்ளும் மற்றும் மாவட்டங்களுக்கிடையேயும் பயணம் மேற்கொள்ள இ- பதிவு முறை கட்டாயமாக்கப்படும். இ-பதிவு முறை 17.05.2021 காலை 6 மணி முதல் நடைமுறைக்கு வரும். ஏற்கெனவே அறிவித்தவாறு மாநிலத்தின் அனைத்துப் பகுதிகளிலும் இரவு 10 மணி முதல் காலை 4 மணி முடிய இரவு நேர ஊரடங்கு தொடர்ந்து அமல்படுத்தப்படும். முழு ஊரடங்கு ஞாயிற்றுக் கிழமைகளில் (16.05.2021 மற்றும் 23.05.2021) அமல்படுத்தப்படும். மீன் மற்றும் இறைச்சிக் கடைகளில் பொதுமக்கள் அதிகம் கூடுவதால், இந்தக் கடைகளைப் பல்வேறு இடங்களுக்குப் பரவலாக மாற்றம் செய்ய பெருநகர சென்னை மாநகராட்சி மற்றும் மாவட்ட ஆட்சியர்கள் நடவடிக்கை மேற்கொள்ள வேண்டும். நேற்று (13.05.2021) நடைபெற்ற அனைத்து சட்டப்பேரவைக் கட்சித் தலைவர்கள் கூட்டத்தில் விவாதித்தவாறு, காவல் துறையினர், தமிழ்நாட்டில் முழு ஊரடங்கு முறையாக நடைமுறைப்படுத்தப்படுவதை உறுதி செய்திட தேவையான அனைத்து நடவடிக்கைகளையும் உடனடியாக மேற்கொள்ள வேண்டும். கொரோனா நோய்த் தொற்றைக் கட்டுப்படுத்த, பொதுமக்களின் நலன் கருதி தமிழ்நாட்டில் முழு ஊரடங்கு பிறப்பிக்கப்பட்டுள்ள நிலையில், பொதுமக்கள் அவசியமின்றி வீட்டிலிருந்து வெளியில் வருவதையும் கூட்டம் கூடுவதையும் தவிர்க்க வேண்டும். நோய்த்தொற்று அறிகுறிகள் தென்பட்டவுடன், பொதுமக்கள் உடனே அருகிலுள்ள மருத்துவமனைகளை நாடி மருத்துவ ஆலோசனை / சிகிச்சை பெறவேண்டும். பொதுமக்கள் அரசின் முயற்சிகளுக்கு முழு ஒத்துழைப்பு நல்க வேண்டும்'' என்று தெரிவிக்கப்பட்டுள்ளது.   https://minnambalam.com/politics/2021/05/15/17/new-lackdown-rules-mk-stalin    
    • நடைப்பயிற்சி: ஆர்வலர்களின் குழப்பமும் வல்லுநர்கள் விளக்கமும் மின்னம்பலம் அ.குமரேசன்  கொரோனா முதல் அலை ஏற்படுத்திய காயங்களிலிருந்து வடிந்த குருதியின் ஈரம் உலர்வதற்குள்ளாக இரண்டாம் அலை குதறிக்கொண்டிருக்கிறது. மூன்றாவது அலை கூரிய பற்களோடு வர இருப்பதையும், சில நாடுகளில் நான்காம் அலை தன் நகங்களைக் கூர் தீட்டிக்கொண்டிருப்பதையும் செய்திகள் தெரிவிக்கின்றன. இந்நிலையில் பொதுமுடக்கம் உள்ளிட்ட கட்டுப்பாடுகளின் தேவை உணரப்படுகிறது. விளையாட்டாகவோ வீம்பாகவோ பொதுமுடக்க விதிகளை மீறக்கூடாது என்று வலியுறுத்தப்படுகிறது. வழிபாடு, கொண்டாட்டம் என எந்த வகையிலும் மீறுகிறவர்கள் தங்களுக்கும் சம்பந்தமே இல்லாத மற்றவர்களுக்கும் ஆபத்தை ஏற்படுத்துகிறார்கள். ஆகவேதான் அணுகுமுறைகளில் மாற்றுக் கருத்துகள் உள்ளவர்களும் முகக்கவசம், சமூக இடைவெளி, கூட்டம் கூடாதிருத்தல் உள்ளிட்ட அந்த விதிகளைக் கடைப்பிடிக்கிறார்கள். பொதுமுடக்கத்திற்கான விளக்கங்கள் போதுமான அளவுக்குத் தரப்பட்டிருக்கின்றன என்றாலும், பலருக்கு வேறொரு குழப்பம் ஏற்பட்டிருக்கிறது. காலையிலோ, மாலையிலோ உடற்பயிற்சியாகக் கால்வீசி நடக்கிற பழக்கம் உள்ளவர்கள் அவர்கள். பொதுமுடக்கம் என்றில்லாவிட்டாலும், கொரோனாவின் கோரத் தாண்டவத்தைப் பார்க்கிறபோது அப்படி நடைப்பயிற்சி மேற்கொள்வதால் தங்களுக்கோ, தங்களால் மற்றவர்களுக்கோ பாதிப்பு ஏற்படுமோ என்ற ஐயம் அவர்களை முடிவெடுக்க முடியாமல் முடக்கிப்போடுகிறது. கொரோனா வைரஸ் காற்றின் மூலம் பரவுகிறது என்று அறிவியலாளர்கள் சொல்வதைக் கேட்டு, அப்படியானால் வெளியே செல்கிறபோது காற்றில் பரவியிருக்கக்கூடிய வைரஸ் தங்களைத் தொற்றிவிடக்கூடும், தங்களை நேரடியாகப் பாதிக்கிறதோ இல்லையோ, பின்னர் தங்களிடமிருந்து குடும்பத்தினரையோ அண்டை வீட்டுக்காரர்களையோ அலுவலகத்தில் உடன் பணியாற்றுகிறவர்களையோ தொற்றக்கூடும் என்று தன்னலமும் பிறநலமும் கலந்து தயங்குகிறார்கள். வீட்டின் மொட்டை மாடிக்குச் சென்று காற்று வாங்குவதைக் கூடத் தவிர்க்கிறார்கள்.   வைரஸ் காற்றின் மூலம் பரவுகிறது என்றால், அது ஏதோ தூசுப் படலம் போலக் காற்றில் பரவித் திரிந்துகொண்டிருக்கும், வெளியே வருகிறவர்கள் மீது விழுந்து சுவாசத்தின் மூலம் நுரையீரலுக்குள் நுழைந்துவிடும் என்று புரிந்துகொள்ளக்கூடாது என்று அறிவியலாளர்கள் விளக்கியிருக்கிறார்கள். வைரஸ் தானாகப் பறந்து பரவக்கூடியதல்ல. அதற்கான இறக்கைகளோ கால்களோ அதற்குக் கிடையாது. சளித்துளிக்குள் பதுங்கி, அதனை ஒரு வாகனம் போல் பயன்படுத்தித்தான் பயணிக்கிறது. தொற்று ஏற்பட்டுள்ள ஒருவர் தும்முகிறபோது, இருமுகிறபோது, பேசுகிறபோது, பலமாகப் பெருமூச்சு விடுகிறபோது வெளியேறுகிற சளித்துளிகளைப் பற்றிக்கொண்டு வைரஸ் தானும் வெளியே வருகிறது. தொடக்கத்தில், பெரிய சளித்துளிகளில் மட்டுமே வைரஸ் இருக்கும் என்று கருதப்பட்டதால், அந்தப் பெரிய துளிகள் வெளியே பாய்ந்து கீழே விழக்கூடிய தொலைவு கிட்டத்தட்ட ஒன்றரை மீட்டர் வரைதான் என்பதால், அந்த அளவுக்கு இடைவெளி தேவை என்று பரிந்துரைக்கப்பட்டது. அடுத்தடுத்த ஆராய்ச்சிகளில், சிறு சிறு துளிகள் மூலமாகவும் வைரஸ் வெளியேறுவது உறுதிப்படுத்தப்பட்டது. அந்தச் சிறு துளிகள் மேலும் ஓரிரு மீட்டர்கள் வரையில் கூடுதலாகப் பாய்ந்து கீழே விழுந்துவிடும். ஆகவே, அதற்கேற்ப சமூக இடைவெளியை அதிகப்படுத்திக்கொள்வது, கூட்டத்தைத் தவிர்ப்பது, கைகளைக் கழுவிக்கொள்வது, முகக்கவசங்களையும் அடிக்கடி தூய்மைப்படுத்திக்கொள்வது, ஒரே முகக்கவசத்தையே வைத்துக்கொண்டிராமல் அவ்வப்போது புதிய முகக்கவசங்களை வாங்கிப் பயன்படுத்துவது போன்ற ஆலோசனைகள் அறிவுறுத்தப்படுகின்றன. அவரவர் சூழலுக்கேற்ப மருத்துவம் சார்ந்த முகக்கவசம், இரட்டை முகக்கவசம் போன்றவற்றைப் பயன்படுத்தவும் ஆலோசனை கூறப்படுகிறது. “தலைவரே, எப்படி உங்க மாஸ்க் மட்டும் அழுக்குப்படாம புதுசாவே இருக்கு,” என்று கேட்கிறார் ஒரு விசுவாசி. “அதுவா, நான் தும்முறபோதும் இருமுறபோதும் மாஸ்கைக் கழட்டி வெச்சிடுவேன்,” என்கிறார் தலைவர். இந்த நகைச்சுவைத் துணுக்கு நினைவுக்கு வருகிறது.   சிரித்துவிட்டு இப்போது நாம் நடைப்பயிற்சி பற்றிய குழப்பத்திற்கு வருவோம். அன்றாட நடைப்பயிற்சியைத் தொடர்வதா, அதையும் நிறுத்திவைப்பதா? இந்த வினா பலரிடமிருந்தும் வந்ததைத் தொடர்ந்து சில மருத்துவ வல்லுநர்கள், நடையைத் தவிர்ப்பதே நல்லது என்று கருத்துக் கூறியிருக்கிறார்கள். ஆயினும், நீரிழிவு, கொழுப்பு போன்ற பாதிப்புகள் உள்ளவர்கள் மருத்துவக் காரணங்களுக்காக நடைப்பயிற்சி மேற்கொண்டாக வேண்டியிருக்கிறது. அது பிரச்சினையை வரவேற்பதாகிவிடுகிறது. நடந்தேயாக வேண்டும் என்ற நிலையில் உள்ளவர்கள், உரிய முன்னெச்சரிக்கைகளைப் பின்பற்றி சிறிது நேரம் நடைப்பயிற்சிக்குச் சென்று வரலாம் என்று அந்த வல்லுநர்கள் கூறுகிறார்கள். அப்படி நடப்பதைக் கூட, மக்கள் நடமாட்டம் இல்லாத அதிகாலைப் பொழுதில் மேற்கொள்வது நல்லது என்றும் அவர்கள் பரிந்துரைக்கிறார்கள் (‘இந்தியா டுடே’, இணையப் பதிப்பு, மே 5). பல சூழல்களோடு இது குறித்துக் கேட்டபோது தில்லி விஞ்ஞான் பிரசார் அமைப்பின் மூத்த அறிவியலாளரும், தமிழில் கொரோனா தொடர்பானவை உள்ளிட்ட அறிவியல் கட்டுரைகளை எழுதி வருபவருமான டி.வி. வெங்கடேஸ்வரன், “நடைப்பயிற்சி போகலாமா என்ற கேள்வியைப் வேறு பல சூழல்களோடு இணைத்துதான் பார்க்க வேண்டும். உதாரணமாக, ஒரு பெரிய மைதானத்தில், அருகில் வரக்கூடியவர்கள் யாரும் இல்லாத அல்லது யாருமே இல்லாத இடத்தில், தனியாக நடந்து செல்கிற வாய்ப்புள்ள சாலையில் அல்லது தெருவில், முகக்கவசம் அணிந்துகொண்டு நடப்பதில் பிரச்சினை இல்லை,” என்றார். “சில குடியிருப்புப் பகுதிகளில் நடைப்பயிற்சிக்கென்றே இடம் அமைத்திருப்பார்கள். அங்கேயெல்லாம் பார்த்தால் பலரும் நெருக்கமாக நடப்பார்கள். சேர்ந்து நடப்பார்கள். ஒருவர்க்கொருவர் மிகக்குறைவான இடைவெளிதான் இருக்கும். அப்படிப்பட்ட நெரிசலான இடங்களை இப்போதைக்குத் தவிர்ப்பதுதான் நல்லது. மொட்டை மாடியில் நாம் மட்டும் நடப்பதில் சிக்கலில்லை. திறந்த காற்றிலிருந்து வைரஸ் வந்துவிடாது. வெளியே நடக்கிறபோது எதிரே வருகிறவருடன் நின்று பேசுவோம், எப்படி இருக்கீங்க என்று நலம் விசாரிப்போம், வழியில் ஒரு டீக் கடையைப் பார்த்தால், ஏற்கெனவே அங்கே நிற்பவர்களோடு சேர்ந்து டீ குடித்துக்கொண்டே உரையாடுவோம்… இதெல்லாம்தான் சிக்கலை ஏற்படுத்திவிடுகிறது. ஆகவேதான், பிரச்சினையே வேண்டாமென்று பொதுவாக நடையைத் தவிர்த்துவிட்டு, வீட்டிலேயே இருக்கப் பரிந்துரைக்கிறார்கள்,” என்று அவர் மேலும் தெளிவுபடுத்தினார். நடைப்பயிற்சி நண்பர்கள் முன்னணி ஹோமியோபதி மருத்துவரும், டாக்டர் கோபிகர் ஹோமியோபதி அறக்கட்டளை நிர்வாக அறங்காவலருமான பி.வி. வெங்கட்ராமன், இன்னொரு பழக்கத்தையும் சுட்டிக்காட்டினார். “ஒரு கலாச்சாரம் போல நடைப்பயிற்சி நண்பர்கள் என்றே சிறு சிறு குழுக்கள் இருக்கின்றன. அவர்களோடு சேர்ந்துதான் பேசிக்கொண்டே நடக்கிறோம், நடைப்பயிற்சி முடிகிறபோது உட்கார்ந்து அரட்டையடிக்கிறோம். பூங்காக்களில், குறுகலான தெருக்களில், நடைமேடைகளில் நடக்கிறபோது எதிரே வருகிற எல்லோரும் முகக்கவசம் அணிந்திருப்பார்கள் என்று சொல்ல முடியாது. வழிபாடுகள் சார்ந்த கூட்டங்கள் கூடக்கூடிய இடங்களிலும் இதே நிலைமைதான். இப்படிப்பட்ட நெருக்கமான தொடர்பு வாய்ப்புகள் தொற்றுக்கு வழிசெய்துவிடக்கூடும் என்பதால்தான் நடைப்பயிற்சி வேண்டாம் என்று சொல்லப்படுகிறது. தனியாக நடக்கக்கூடிய, விசாலமாக இருக்கக்கூடிய இடங்களில் தைரியமாக நடக்கலாம். அப்போதும் முகக்கவசம் கண்டிப்பாகத் தேவை,” என்றார் அவர். “கோவிட் தாக்கம் உள்ளவர்களுக்கு இதயம், தசை போன்ற அங்கங்கள் பலவீனமாக இருக்கும். அவர்கள், தங்களுக்குத் தொற்று இருக்கிறதா இல்லையா என்றே உறுதிப்படாதபோது நடைப்பயிற்சி சென்றால் பாதிப்புகள் அதிகரிக்கக்கூடும். ஆகவேதான், சிறு பாதிப்பு கூட தீவிரமாகலாம் என்ற அச்சமிருப்பதால், வழக்கமான உடற்பயிற்சி, பிரணாயாமம் போன்ற மூச்சுப் பயிற்சி கூட இப்போது வேண்டாம் என்று அறிவுறுத்தப்படுகிறது,” என்றும் கூடுதலாகப் பகிர்ந்துகொண்டார். உடற்பயிற்சி மட்டுமல்ல அக்கு சிகிச்சையாளரும், கம்பம் அக்குபங்சர் அகாடமி முதல்வருமான உமர் பாரூக் இதுபற்றிக் கூறுகையில், “வீட்டிலேயே முடங்குகிறபோது மூட்டுகள் அசைவுக்கான வாய்ப்பு சுருங்கிவிடுகிறது. ஆகவே பாதுகாப்பான நடைப்பயிற்சி அவசியமாகிறது. நடை என்பதை வெறும் உடற்பயிற்சியாக மட்டும் பார்ப்பதற்கில்லை. மனநலத்தோடும், சிந்தனை வளர்ச்சியோடும் சம்பந்தப்பட்டது நடை. உடலியலும் உளவியலும் இணைந்து செயல்பட்டால்தான் எந்தப் பணியும் முழுமையடையும். பிடித்தமான ஒன்றை யோசித்தபடி மன அழுத்தமில்லாமல், ரசனை ஈடுபாட்டோடு காலாறச் செல்வதுதான் நடை,” என்றார். “உலக சுகாதார நிறுவனம் சொல்கிற முகக்கவசம், கொரோனா கிருமியை விட நுட்பமான துளைகளைக் கொண்டது. நாம் பொதுவாகப் பயன்படுத்துவது எதிரே இருப்பவரிடமிருந்து வெளியேறக்கூடிய கிருமிகளைத் தடுக்கக்கூடியதுதான். கொரோனா கிருமி பற்றிய தகவல்கள் போதுமான அளவுக்கு இல்லாத நிலையில் பரிந்துரைக்கப்பட்ட சமூக இடைவெளி, இப்போது கொரோனா பற்றிய அறிவு அதிகரித்துள்ள நிலையில் அப்படியே பொருந்தாது. அமெரிக்காவில், தனியான திறந்தவெளிகளில் முகக்கவசம் தேவையில்லை என்றே சொல்கிறார்கள். எதிரே இருப்பவரோடு பேசும்போதும், மூடப்பட்ட இடங்களில் இருக்கிறபோதும்தான் முகக்கவசம் தேவை என்றெல்லாம் அங்கே பரிந்துரைக்கப்படுகிறது. நம் நாட்டில் உள்ள குழப்பமான சூழலில் சரியான ஆலோசனைகளை உருவாக்க வேண்டிய தேவை இருக்கிறது. ஒருவரோடு பேசிக்கொண்டிருக்கிறபோது முகக்கவசம் அணிந்துகொள்ளலாம். ஆனால் தொடர்ந்து அணிவது மூச்சுவிடுவதில் சிரமத்தை ஏற்படுத்திவிடும். ஆகவே தனியாக அல்லது போதுமான இடைவெளியோடு நடக்கிற இடமா, நெருக்கமாக நடமாடுகிற இடமா, எப்படிப்பட்ட திறந்தவெளி என்பதைப் பொறுத்து முடிவெடுக்கலாம்,” என்றும் அவர் தெரிவித்தார்.   கிருமிகளை எதிர்கொள்ள நேரிடுகிறபோதுதான் உடலின் இயற்கையான நோயெதிர்ப்புத் திறன் நன்கு வலுப்பெறும்; வீட்டுக்குள்ளேயே இருந்துகொண்டு, வகைவகையான உணவுகளையும் மருந்துகளையும் எடுத்துக்கொள்வதால் மட்டும் அந்தப் பலன் கிடைத்துவிடாது என்று சுட்டிக்காட்டுகிறார்கள் பல கிருமியியல் ஆய்வாளர்கள். உரிய ஆலோசனைகளை முறையாகக் கடைப்பிடிக்கிற உறுதிப்பாடு இருக்குமானால் நடையைத் தவிர்க்க வேண்டியதில்லை என்றே அவர்களும் அறிவுறுத்துகிறார்கள். ஆம், நடப்பது என்பது நடப்பு நிலைமைகளுக்கேற்ப நம்மைத் தகவமைத்துக் கொள்வதற்காகவும்தான்.     https://minnambalam.com/public/2021/05/15/23/is-walking-in-corona-pandemic-acceptable    
×
×
  • Create New...

Important Information

By using this site, you agree to our Terms of Use.