Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

இலங்கை தமிழர்களுக்கானதா சீமானின் அரசியல்?


Recommended Posts

  • கருத்துக்கள உறவுகள்

இலங்கை தமிழர்களுக்கானதா சீமானின் அரசியல்?

புருஜோத்தமன் தங்கமயில்

தமிழக சட்டமன்றத் தேர்தலில் திராவிட முன்னேற்றக் கழகம் வெற்றி பெற்றிருக்கின்றது. கலைஞர் மு. கருணாநிதியின் மறைவுக்குப் பின்னர், தி.மு.கவின் தலைவராக மு.க. ஸ்டாலின் எதிர்கொண்ட, முதலாவது சட்டமன்றத் தேர்தலிலேயே அவர், அறுதிப் பெரும்பான்மையுள்ள வெற்றியைப் பெற்றிருக்கின்றார்.   

தொடர்ச்சியாக இரண்டு தடவைகள், ஆட்சியில் அமர்ந்திருந்த அண்ணா திராவிட முன்னேற்றக் கழகம், இம்முறை ஆட்சியை இழந்திருக்கின்றது. முன்னாள் முதலமைச்சர் ஜெ. ஜெயலலிதாவின் மறைவை அடுத்து, கட்சிக்குள் ஏற்பட்ட குழப்பங்கள், பிளவுகளைத் தாண்டி, அ.தி.மு.க தன்னுடைய வாக்கு வங்கியை, பாரிய வீழ்ச்சிகள் ஏதுமின்றித் தக்க வைத்துள்ளது.    

இதன்மூலம், தமிழக அரசியல் களம் என்பது, மீண்டும் தி.மு.க எதிர் அ.தி.மு.க என்கிற நிலைக்குள் பேணப்பட்டு இருக்கின்றது. ஏனெனில், ஜெயலலிதாவின் மறைவுக்குப் பின்னர், அ.தி.மு.க பல துண்டுகளாக உடைந்துவிடும், ஆளும் பாரதிய ஜனதாக் கட்சிக்குள் கரைந்துவிடும் என்கிற எதிர்பார்ப்புகள் எல்லாம் வெளியிடப்பட்டன.  

தமிழக சட்ட மன்றத் தேர்தல் முடிவுகள் வெளியாகியுள்ள நிலையில், இந்தப் பத்தியில், தி.மு.க, அ.தி.மு.க ஆகிய இரு கட்சிகளினதும் வெற்றி, தோல்விகளுக்கான காரணங்களை ஆராயும் எண்ணம் இல்லை. மாறாக, தமிழகத்தின் பிரதான இரு கட்சிகளையும் தாண்டி, புலம்பெயர் தமிழர்களிடம் தலையை நீட்டிக் கொண்டிருக்கும் ‘நாம் தமிழர் இயக்கம்’ பற்றிப் பேசவே விளைகின்றது.   

நாம் தமிழர் இயக்கத்தை சீமான் ஆரம்பித்த காலம் முதல், தலைவர் வேலுப்பிள்ளை பிரபாகரனை முன்னிறுத்திய, தமிழ்த் தேசிய அரசியலை முன்னெடுப்பதான காட்சிகளை அவர் அரங்கேற்றி வருகிறார். அதுதான், ஆரம்ப நாள்களில் அவருக்கான அத்திவாரத்தைப் போடுவதற்கும் உதவியது. 

குறிப்பாக, புலம்பெயர் தேசங்களில் இருந்து, நிதி ஆதாரங்களைப் பெறுவதற்கு உதவியது. நாம் தமிழருக்கும், சீமானுக்கும் நிதியளிக்கும் மூலங்களில், இன்றைக்கும் புலம்பெயர் தமிழர்களே முதலிடத்தில் இருக்கிறார்கள்.  

நடந்து முடிந்த தேர்தலில் சுமார் 30 இலட்சம் வாக்குகளை, நாம் தமிழர் இயக்கம் பெற்றிருக்கின்றது. அது, மொத்த வாக்குகளில் 6.6 சதவீதமாகும். இதன்மூலம் தமிழகத்தின் மூன்றாவது பெரிய கட்சியாக, நாம் தமிழர் அமைப்பு தன்னை முன்னிறுத்துகின்றது.   

இலங்கையில் உள்ளது போல விகிதாசாரத் தேர்தல் முறைமை இந்தியாவில் இருந்திருந்தால், பத்து, பன்னிரண்டு ஆசனங்களை வெற்றிகொள்வதற்கான வாக்கு சதவீதத்தை நாம் தமிழர் கொண்டிருக்கின்றது. ஆனால், இந்தியாவில் நடைமுறையில் உள்ளது, தொகுதிவாரித் தேர்தல் முறை ஆகும். அங்கு, கூட்டணிகளில் பங்களிக்காமல் நாம் தமிழர் வெல்ல வேண்டுமானால், ஒவ்வொரு தொகுதியிலும் குறைந்தது 35 சதவீதத்துக்கும் குறையாத வாக்குளைப் பெற்றாக வேண்டும்.   

மொத்தமுள்ள 234 தொகுதிகளிலும் போட்டியிட்டிருக்கின்ற ‘நாம் தமிழர்,’ ஒவ்வொரு தொகுதியிலும் சராசரியாக 12,800 வாக்குகளைப் பெற்றிருக்கின்றது. ஒவ்வொரு தொகுதியிலும் பருமட்டாக 275,000 வாக்குகள் காணப்படும் நிலையில், பல முனைப் போட்டி காணப்பட்டாலும், வெற்றிக்கான வாக்குகள் என்பது கிட்டத்தட்ட 80,000க்கு அண்மித்தாக இருக்க வேண்டியிருக்கும்.   

பிரதான இரு கட்சிகளும் 85 சதவீதமான வாக்குகளைத் தங்களுக்குள் பங்கிட்டுக் கொண்ட பின்னர், மீதமுள்ள 15 சதவீத வாக்குகளில், 6.6 சதவீதத்தைப் பெற்றுக்கொண்டு, மூன்றாவது இடம் என்கிற நிலை குறித்துப் பெருமிதம் கொள்வது, அவ்வளவு முக்கியமான ஒரு காரியமல்ல.  

சீமானுக்கும் நாம் தமிழர் இயக்கத்துக்கும் அரசியலில் என்ன நிலை எடுப்பது, எப்படி இயக்குவது என்றெல்லாம் போதிப்பது இந்தப் பத்தியின் நோக்கமில்லை. ஆனால், சீமானும் நாம் தமிழர் இயக்கமும் முன்னெடுக்கும் அரசியலால், இலங்கை தமிழ் மக்கள் எதிர்கொள்ளும் சிக்கல்கள், இராஜதந்திரப் பின்னடைவுகள் குறித்து அவதானம் கொள்வது தவிர்க்க முடியாதது.  

இலங்கை தமிழர்களைப் பொறுத்தவரையில், விரும்பியோ விரும்பாமலோ, இந்திய மத்திய அரசாங்கத்தோடும், தமிழக அரசாங்கத்தோடும் இணக்கமாகச் செயற்பட வேண்டியிருக்கும். மத்தியிலும் மாநிலத்திலும் எந்தக் கட்சி ஆண்டாலும், அவர்களோடு அந்த உறவைப் பேணியாக வேண்டும்.   

ஆனால், அவ்வாறான நிலை சுமூகமாகப் பேணப்படுவதை, இந்தியாவிலும் சரி, இலங்கையிலும் சரி, அக - புற சக்திகள் பெரியளவில் அனுமதிப்பதில்லை. அதனால், தொடர்ச்சியாகப் பின்னடைவை இலங்கை தமிழர்கள் சந்தித்து வந்திருக்கிறார்கள்.   

தனிப்பட்ட அரசியல், கொள்கை நிலைப்பாடுகள் சார்ந்து, இந்தியாவை ஆளும் கட்சிகள் மீது ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது. மத்தியை நரேந்திர மோடி ஆண்டாலும், நாளை ராகுல் காந்தி ஆண்டாலும், அவர்களுடனான உறவைப் பேணியாக வேண்டும். அதுபோலவே, தமிழகத்திலும் ஆட்சியில் தி.மு.க இருந்தாலும் அ.தி.மு.க இருந்தாலும், அந்த உறவைப் பேணியாக வேண்டும்.  

மாறாக, ஆயுதப் போராட்ட இயக்கங்கள் இந்தியாவில் பயிற்சி பெற்ற காலங்களில், ஒரு கட்சிக்கு இணக்கமாகச் செயற்பட்ட இயக்கமொன்று, இன்னொரு கட்சியைத்  தூர நிறுத்திப் பயணித்த வரலாற்றை, இலங்கை தமிழர்கள் மீண்டும் தொடர முடியாது.   

ஏனெனில், அவ்வாறான நிலை, ஆயுதப் போராட்ட இயக்கங்களின் வளர்ச்சிக்கு உதவியதைக் காட்டிலும், வீழ்ச்சிக்கே துணை போயின. அத்தோடு, இப்போது இலங்கை தமிழர்கள் போராட்டத்தை, அஹிம்சை வழிக்குள் மட்டுப்படுத்திக் கொண்ட பின்னர், கட்சிகள் ரீதியாகப் பிரிவதோ, ஆட்சிகள் ரீதியாகத் துருவ மயப்படுவதோ நிகழ முடியாது. அது, இராஜதந்திர ரீதியில் பாரிய பின்னடைவுகளைத் தரும்.  

தி.மு.க அணியினருக்கும் இலங்கை தமிழர்களுக்கும் இடையிலான உறவு என்பது, என்றைக்கும் இல்லாதளவுக்கு படுமோசமாகவே கடந்த பத்து ஆண்டுகளில் இருந்திருக்கின்றது. அதற்கு, சீமானை முன்னிறுத்திய புலம்பெயர் தரப்புகளின், தூர நோக்கற்ற நடவடிக்கைகள் காரணமாகும்.   

முள்ளிவாய்க்கால் இறுதி நாள்களில், தமிழக முதலமைச்சராக இருந்த கலைஞர் மு.கருணாநிதி நடத்திய உண்ணாவிரதப் போராட்டம் தொடர்பில் பெரும் விமர்சனங்கள் உண்டு. அந்த உண்ணாவிரதப் போராட்டம் முடித்துக் கொள்ளப்பட்ட போது, கலைஞரால் வெளிப்படுத்தப்பட்ட போர் நிறுத்தம் பற்றிய அறிவித்தல் எல்லாம் ஏற்றுக்கொள்ள முடியாதவை.   

ஆனால், அவ்வாறான செயற்பாடுகளுக்கு எதிர்வினையாற்றுகிறோம் என்கிற நிலையை எடுத்து, எதிர்காலங்களைப் பற்றிச் சிந்திக்காது, படுவீழ்ச்சியான கட்டத்தை நோக்கி, இலங்கை தமிழர்களின் ஒரு பகுதியினர் நகர்ந்தார்கள். அவர்களைத் தான், சீமான் தனக்கான கொடையாளர்கள் ஆக்கினார்.  

சீமான் முன்வைக்கும் தமிழ்த் தேசிய அரசியலுக்கும், இலங்கையில் தமிழ்த் தேசிய அரசியலுக்கும் பாரிய வேறுபாடுகள் உண்டு. தலைவர் பிரபாகரன், எந்தவொரு தருணத்திலும் இன்னொரு சமூகத்தை எதிரிகளாகக் கருதியதில்லை. மாறாக, பேரினவாத சிந்தனையையும் அதன் இயந்திரத்தையும் எதிர்த்துப் போரிட்டார்.   

ஆனால், பிரபாகரனைத் தன்னுடைய முன்னோடியாக ஒரு கட்டம் வரையில் முன்னிறுத்திய சீமான், “நான் ஈழத்தில் ஆயுதப் போராட்டத்தை நடத்தியிருந்தால், சிங்களப் பெண்களை வன்புணர உத்தரவிட்டிருப்பேன்” என்று பல்லாயிரம் மக்கள் கூடியிருக்கும் மேடையில் பேசியிருக்கிறார்.   

அடிப்படையில் சீமானின் முன்னோடி ஹிட்லர், முசோலினி போன்றவர்கள். அவர்கள், தங்களது காலத்தில், மனித குலத்துக்கு எதிரான அடிப்படைவாதத்தை விதைத்தவர்கள். அவர்களை ஒத்த சிந்தனைகளை விதைப்பதை, சீமான் தொடர்ந்துவருகிறார். 

ஒரு ஜனநாயகக் கட்டமைப்புள்ள அரசியல் கட்சியோ, இயக்கமோ அடிப்படையில் தொண்டர்கள், ஆதரவாளர்களின் கேள்விகளுக்குப் பதில் வழங்கும் தன்மையோடு இருக்க வேண்டும். ஆனால், சீமானிடம் யாரும் கேள்வி கேட்க முடியாது. கட்சியின் முடிவுகள் அனைத்தும் தன்னுடைய ஏக அதிகாரம் சம்பந்தப்பட்டது என்பதுதான் சீமானின் நிலைப்பாடு. இந்த நிலைப்பாட்டோடு, ஓர் அமைப்பு மேலெழுவது என்பது சர்வாதிகார தோரணையிலானது. அங்கு கேள்விகளுக்கு இடமில்லை; கேள்விகள் இல்லாத அமைப்பு, ஜனநாயகத்துக்கு விரோதமானது.  

அத்தோடு, ஒரு கட்டம் வரையில் தலைவர் பிரபாகரனைத் தன்னுடைய வளர்ச்சிக்காக முன்னிறுத்திய சீமான், இன்றைக்கு பிரபாகரனைத் தாண்டிய ஒருவராகத் தன்னை முன்னிறுத்த முனைகிறார்.   

புலம்பெயர் தமிழர்கள், முதலில் தங்களது ஆதரவையும் நிதிப்பங்களிப்பையும் எங்கு கொட்டுகிறார்கள் என்பதைப் புரிந்து கொள்ள வேண்டும். அதனால், ஏற்படும் நன்மைகள் குறித்துச் சிந்திக்க வேண்டும். நன்மைகள் ஏற்படவில்லை என்றாலும் பரவாயில்லை, தீமைகள் ஏற்படவில்லை என்பதை உறுதிப்படுத்த வேண்டும்.   

ஆனால், சீமானைக் கொண்டு சுமப்பவர்களோ விஷச்செடிக்கு தண்ணீருற்றிக் கொண்டிருக்கிறார்கள். அந்தச் செடி வீசிய விஷத்தின் எதிர்வினைகளை, ஈழத் தமிழ் அரசியல் எதிர்கொண்டிருக்கின்றது. இனியாவது, சீமான் போன்றவர்களைக் கடந்து நின்று, தூரநோக்கோடு அண்டை நாட்டு அரசியலை அணுகத் தொடங்க வேண்டும்.    

 

http://www.tamilmirror.lk/சிறப்பு-கட்டுரைகள்/இலங்கை-தமிழர்களுக்கானதா-சீமானின்-அரசியல்/91-271186

 

  • Like 6
Link to comment
Share on other sites

  • Replies 72
  • Created
  • Last Reply

Top Posters In This Topic

Top Posters In This Topic

Popular Posts

கிருபன்

இலங்கை தமிழர்களுக்கானதா சீமானின் அரசியல்? புருஜோத்தமன் தங்கமயில் தமிழக சட்டமன்றத் தேர்தலில் திராவிட முன்னேற்றக் கழகம் வெற்றி பெற்றிருக்கின்றது. கலைஞர் மு. கருணாநிதியின் மறைவுக்குப் பின்னர்,

Maruthankerny

தங்கள் உயிரை கூட மண்ணுக்கும் மொழிக்கும் அர்ப்பணித்து போனவர்கள் பற்றி  டிவிடியில் விடுதலை போராட்டம் பார்த்தவர்கள் யாராக இருந்தாலும் எழுதும்போது  கொஞ்சம் யோசிக்கவேண்டும். உலகில் தமிழ் இனம் மட்டும் அ

tulpen

நீங்கள் கேட்ட கேள்வி புலம் பெயரிகளுக்கான வழிகாட்டி யார் என்பது. புலம் பெயரிகளுக்கான அரசியல் வழிகாட்டியாக புலம் பெயர் நாடுகளில் கற்றுத் தேர்ந்த இளைய தலைமுறையினர் என்ற  கிருபனின் பதிலில் என்ன தவறு? 

  • கருத்துக்கள உறவுகள்

கட்டுரையாளர் புருஜோத்தமன் தங்கமயில் ஒர் இந்திய வம்சாவளி தமிழர் போல் தெரிகின்றது. இலங்கை தமிழர் என்று குறிப்பிட்டு எழுதிகின்றார். 

நல்லதொரு கட்டுரை. மாயண்டி குடும்ப ஆதரவாளர்களுக்கு இது பிடிக்காது இங்கு வந்து குத்தி முறியப் போகின்றார்கள்.

  • Like 2
Link to comment
Share on other sites

  • கருத்துக்கள உறவுகள்
1 hour ago, colomban said:

கட்டுரையாளர் புருஜோத்தமன் தங்கமயில் ஒர் இந்திய வம்சாவளி தமிழர் போல் தெரிகின்றது. இலங்கை தமிழர் என்று குறிப்பிட்டு எழுதிகின்றார். 

நல்லதொரு கட்டுரை. மாயண்டி குடும்ப ஆதரவாளர்களுக்கு இது பிடிக்காது இங்கு வந்து குத்தி முறியப் போகின்றார்கள்.

இது சீமானை நோண்டும் ஆயிரத்து மூன்றாவது கட்டுரை யாக இருக்கிறதே தவிர 
என்னை பொறுத்தவரை யாழ்களத்தில் சீமான் நோயால் பாதிக்கப்பட்டவர்கள் இதைவிட 
சில விடயங்களை நன்றாக எழுதி இருக்கிறார்கள்.

அதே வெங்காயம் 
அதே மிளகாய் 
அதே மா 
அதே கொத்துரொட்டி 

என்ன நல்ல விஷயம் இருக்கு என்று சொன்னால் 
நாங்களும் புரிந்து கொள்ளலாம்.  

(இந்த ராஜதந்திரம் இராஜதந்திரம் என்பதை வாசிக்கும்போதுதான் சிரிப்பை அடக்க முடிவதில்லை 
யார் எங்கு செய்கிறார்கள் என்று எழுதினாலாவது ஓரளவுக்கு கட்டுரை எப்படி எழுதுவது என்றாவது எழுதிப்பழக அவர்களுக்கு உதவும்) 

  • Thanks 1
Link to comment
Share on other sites

  • கருத்துக்கள உறவுகள்

சாதாரணமாக ஒரு பொது வேலையை செய்பவர்கள் எந்த அரசியலையும் சாராமல் இருப்பது மிகச் சாதாரணமான பொது விதி.

ஆனால் இங்கே நன்றாக திட்டமிட்டு உறவுகளிடையே ஒற்றுமையை குலைக்க கூடிய விடயங்களை தேடிப்பிடித்து இங்கே கொண்டு வந்து கொட்டுவது தொடர்கிறது ☹️

  • Thanks 1
Link to comment
Share on other sites

  • கருத்துக்கள உறவுகள்
1 hour ago, Maruthankerny said:

இது சீமானை நோண்டும் ஆயிரத்து மூன்றாவது கட்டுரை யாக இருக்கிறதே தவிர 
என்னை பொறுத்தவரை யாழ்களத்தில் சீமான் நோயால் பாதிக்கப்பட்டவர்கள் இதைவிட 
சில விடயங்களை நன்றாக எழுதி இருக்கிறார்கள்.

அதே வெங்காயம் 
அதே மிளகாய் 
அதே மா 
அதே கொத்துரொட்டி 

தேசிக்காயை விட்டு விட்டீர்கள்   🤣

1 hour ago, Maruthankerny said:

என்ன நல்ல விஷயம் இருக்கு என்று சொன்னால் 
நாங்களும் புரிந்து கொள்ளலாம்.  

(இந்த ராஜதந்திரம் இராஜதந்திரம் என்பதை வாசிக்கும்போதுதான் சிரிப்பை அடக்க முடிவதில்லை 
யார் எங்கு செய்கிறார்கள் என்று எழுதினாலாவது ஓரளவுக்கு கட்டுரை எப்படி எழுதுவது என்றாவது எழுதிப்பழக அவர்களுக்கு உதவும்) 

மருதங்கேணி seeman syndrome எனக்கும் பிடித்து விட்டதையா 🤣

 

 

Link to comment
Share on other sites

  • கருத்துக்கள உறவுகள்
Posted (edited)

""சீமானுக்குக் காசு குடுக்காதேயுங்கோ""

இந்தக் கட்டுரையின் சாராம்சம் இதுதான்.(கட்டுரையின் முரண்பாடுகளை ஒரு புறம் ஒதுக்குவோம்)

தண்ணியில தாழ்கிறவன் கையில தட்டுப்படுகிற எல்லாத்தையுமே பிடிப்பான். அது தடியாயிருந்தாலென்ன பாம்பாயிருந்தாலென்ன. அவனுக்கு அந்தக் கணத்தில எல்லாமே ஒண்டுதான். 

தண்ணிக்கு வெளியில நிக்கிறவன் ஐயோ பாவம், ஐயோ பாவம் எண்டு கத்திறதால ஒண்டுமே நடக்கப் போறதில்ல.

இலங்கையில காசு குடுக்கிறதுக்கு வசதியான ஒரு அமைப்பிருந்தா நாங்களேன் சீமானுக்குக் காசு குடுக்கப்போறோம்..?

☹️

 

 

 

Edited by Kapithan
  • Like 1
Link to comment
Share on other sites

  • கருத்துக்கள உறவுகள்
Posted (edited)
46 minutes ago, Kapithan said:

""சீமானுக்குக் காசு குடுக்காதேயுங்கோ""

இந்தக் கட்டுரையின் சாராம்சம் இதுதான்.(கட்டுரையின் முரண்பாடுகளை ஒரு புறம் ஒதுக்குவோம்)

தண்ணியில தாழ்கிறவன் கையில தட்டுப்படுகிற எல்லாத்தையுமே பிடிப்பான். அது தடியாயிருந்தாலென்ன பாம்பாயிருந்தாலென்ன. அவனுக்கு அந்தக் கணத்தில எல்லாமே ஒண்டுதான். 

தண்ணிக்கு வெளியில நிக்கிறவன் ஐயோ பாவம், ஐயோ பாவம் எண்டு கத்திறதால ஒண்டுமே நடக்கப் போறதில்ல.

இலங்கையில காசு குடுக்கிறதுக்கு வசதியான ஒரு அமைப்பிருந்தா நாங்களேன் சீமானுக்குக் காசு குடுக்கப்போறோம்..?

☹️

எனது அனுபவத்தில் இயக்கத்திற்கு 5சதம் கொடுக்காதவன் தான் பங்களிப்பு செய்பவர் பற்றி அதிகம் கூவுகின்றனர்.

தாங்கள் புத்திசாலியாம் 

கஷ்டப்பட்டு உழைத்த பணத்தை தங்கள் விருப்பப்படி கொஞ்சம் பொது விடயங்களுக்கும் கொடுப்பவர்கள் லூசுகளாம்

Edited by விசுகு
எழுத்துப்பிழை
  • Like 1
Link to comment
Share on other sites

  • கருத்துக்கள உறவுகள்
7 hours ago, colomban said:

தேசிக்காயை விட்டு விட்டீர்கள்   🤣

மருதங்கேணி seeman syndrome எனக்கும் பிடித்து விட்டதையா 🤣

 

 

அவர் தேசிக்காயை பாவிக்கவில்லை 
இறுதியில் புழிந்து விட போகிறார் என்றுதான் ஒரே மூச்சாக 
வாசித்துவந்தேன் 

இறுதியில் ஏமாற்றிவிட்டார் ...
கொஞ்சம் வித்தியாசமாக .... சீமானுக்கு காசு கொடுக்காதீர்கள் 
என்று ஒரு புது புளியை புழிந்து விட்டுள்ளார்.

சீமானுக்கு காசுகொடுப்பவர்கள் வெளிநாடுகளில் வாழும் தமிழ்நாட்டு இளைஞர்கள் 
ஈழத்தமிழர்கள் யாரும்  பெரிதாக கொடுப்பது இல்லை.
இங்கு அமெரிக்காவில் அநேக தமிழ்நாட்டு இளைஞர்கள் நா த க விற்கு 
காசு கொடுக்கிறார்கள். அங்கு பல ப்ரொஜெக்ட்டுக்களை இங்கிருந்தே தயாரிக்கிறார்கள் 
குளங்களை தூர்வாருவது  குழாய் கிணறு அடிப்பது போன்றவை 

நல்லவேளையாக இந்த இராஜதந்திர கட்டுரைகள் அவர்களை சென்றடையாது 
கிருபன் அவர்கள் யாழ்களத்தில் தேடி இணைக்கும் விடயம் அவர்களுக்கும் தெரியாது 
கிருபன் அவர்களின் புண்ணியத்தில் நாங்கள் பெருத்த இராஜதந்திரிகளாக்கிக்கொண்டு 
இருக்கிறோம் என்பதே புல்லரிக்கக்கூடிய விடயம். 

  • Thanks 1
Link to comment
Share on other sites

  • கருத்துக்கள உறவுகள்
8 hours ago, விசுகு said:

ஆனால் இங்கே நன்றாக திட்டமிட்டு உறவுகளிடையே ஒற்றுமையை குலைக்க கூடிய விடயங்களை தேடிப்பிடித்து இங்கே கொண்டு வந்து கொட்டுவது தொடர்கிறது ☹️

கட்டுரையில் சொன்னதை உள்வாங்கியிருந்தால் இப்படியான கருத்து வராது விசுகு ஐயா.

6 minutes ago, Maruthankerny said:

நல்லவேளையாக இந்த இராஜதந்திர கட்டுரைகள் அவர்களை சென்றடையாது 
கிருபன் அவர்கள் யாழ்களத்தில் தேடி இணைக்கும் விடயம் அவர்களுக்கும் தெரியாது 
கிருபன் அவர்களின் புண்ணியத்தில் நாங்கள் பெருத்த இராஜதந்திரிகளாக்கிக்கொண்டு 
இருக்கிறோம் என்பதே புல்லரிக்கக்கூடிய விடயம். 

புருஜோத்தமன் தங்கமயில் தமிழ் மிரரில் வாராவாரம் கட்டுரை வனைகின்றார்😃

நானும் வாசித்த பின்னர் ஒட்டிவிடுகின்றேன். இந்த வாரம் சீமான் பற்றி எழுதியதால் அது உங்கள் கண்ணுக்கு பட்டது. ஆனால் அவர் அதிகமாக தாயக அரசியலைப் பற்றித்தான் எழுதுவார். கஜேன்ஸுக்கு அதிகம் ஆதரவும் கொடுப்பதில்லை!

ஆசான் சொன்னது:

 

“நம்பிக்கையை மறுபரிசீலனை செய்ய நம்பிக்கையாளர்கள் முயல்வதே இல்லை—கூடுமானவரை அதைப் பேணிக்கொள்ளவே முயல்வார்கள். பொதுவாக நம்பிக்கையின் வழி அது.

நம்பிக்கையின் மறுபக்கம் வெறுப்பு. தன் தரப்பை ஆழமாக பற்றியிருக்கும் பொருட்டே தன் தரப்பு அல்லாதவற்றின்மேல் வெறுப்பை உருவாக்கிக் கொள்ள வேண்டியிருக்கிறது. ‘நான் இதை நம்புகிறேன்’ என நம்பிக்கையாளர் திரும்பத் திரும்ப தன்னிடமே சொல்லிக்கொள்கிறார். கூடவே ‘நான் இதல்லாத எல்லாவற்றையும் வெறுக்கிறேன்’ என்றும் சொல்லிக்கொண்டிருப்பார்”

  • Like 1
Link to comment
Share on other sites

  • கருத்துக்கள உறவுகள்
10 hours ago, colomban said:

கட்டுரையாளர் புருஜோத்தமன் தங்கமயில் ஒர் இந்திய வம்சாவளி தமிழர் போல் தெரிகின்றது. இலங்கை தமிழர் என்று குறிப்பிட்டு எழுதிகின்றார். 

நல்லதொரு கட்டுரை. மாயண்டி குடும்ப ஆதரவாளர்களுக்கு இது பிடிக்காது இங்கு வந்து குத்தி முறியப் போகின்றார்கள்.

அவர் இலங்கை பத்திரிகைகளில் நிறைய கட்டுரைகள் எழுதி வருபவர் இந்த கட்டுரை இலங்கை மக்களுக்கு அதாவது இலங்கை வாழ் மக்கள் பத்திரிகை வாசிப்பவர்கள் விளங்க்கிக்கொள்ள நல்ல சந்தர்ப்பம் இந்திய அரசின் தமிழ்நாட்டு அரசியலை 

Link to comment
Share on other sites

  • கருத்துக்கள உறவுகள்
11 minutes ago, கிருபன் said:

கட்டுரையில் சொன்னதை உள்வாங்கியிருந்தால் இப்படியான கருத்து வராது விசுகு ஐயா.

புருஜோத்தமன் தங்கமயில் தமிழ் மிரரில் வாராவாரம் கட்டுரை வனைகின்றார்😃

நானும் வாசித்த பின்னர் ஒட்டிவிடுகின்றேன். இந்த வாரம் சீமான் பற்றி எழுதியதால் அது உங்கள் கண்ணுக்கு பட்டது. ஆனால் அவர் அதிகமாக தாயக அரசியலைப் பற்றித்தான் எழுதுவார். கஜேன்ஸுக்கு அதிகம் ஆதரவும் கொடுப்பதில்லை!

ஆசான் சொன்னது:

 

“நம்பிக்கையை மறுபரிசீலனை செய்ய நம்பிக்கையாளர்கள் முயல்வதே இல்லை—கூடுமானவரை அதைப் பேணிக்கொள்ளவே முயல்வார்கள். பொதுவாக நம்பிக்கையின் வழி அது.

நம்பிக்கையின் மறுபக்கம் வெறுப்பு. தன் தரப்பை ஆழமாக பற்றியிருக்கும் பொருட்டே தன் தரப்பு அல்லாதவற்றின்மேல் வெறுப்பை உருவாக்கிக் கொள்ள வேண்டியிருக்கிறது. ‘நான் இதை நம்புகிறேன்’ என நம்பிக்கையாளர் திரும்பத் திரும்ப தன்னிடமே சொல்லிக்கொள்கிறார். கூடவே ‘நான் இதல்லாத எல்லாவற்றையும் வெறுக்கிறேன்’ என்றும் சொல்லிக்கொண்டிருப்பார்”

ஒரு பானை சோற்றுக்கு ஒரு சோறு பதம் 
நல்ல வேளை மிகுதியை வாசித்து நேரத்தை வீணடிக்காது விட்டோம் 

சீமானின் வளர்ச்சி அல்ல 
உலகில் எந்த மனிதனின் வளர்ச்சியும் 
உங்கள் சொந்த வளர்ச்சி கூட மறைமுகமாக இன்னொரு மனிதனை 
பாதித்துக்கொண்டே இருக்கும். நீங்கள் எதை நம்புகிறீர்கள் நம்பவில்லை 
என்பதை கடந்து உங்கள் பாதிப்புகள் உங்களால் உங்களுக்கு வருவதில்லை.
என்பது நிதர்சனமாக இருக்கும்போது நம்புவதும்/வெறுப்பதும் புற காரணிகளை 
தடுக்க போவதில்லை. 

25-30 வருடம் முன்பு சுவிஸ் நாட்டு நெஸ்டல் Nestle கொம்பனி இலவசமாக இருக்கும் தண்ணீரை 
எப்படி மனிதனுக்கு விற்று காசு பார்ப்பது என்று சிந்தித்தது .. அதன் பிரதிபலன் இன்று 
அமெரிக்காவில் இருந்து ஆப்ரிக்கா வரை சொந்த நாடுகள் தங்கள் தண்ணீர் தேக்கங்களை 
பிரைவேட் நிறுவனங்களிடம் இழந்துகொண்டு இருக்கிறார்கள். உண்மையான பிரச்சனை 
இன்னமும் ஆரம்ப நிலையில் கூட இல்லை. உண்மையான நீர் பிரச்சனை உலகில் தொடங்கும்போது 
தனக்கு வரும் வருமானத்தில் வெறும் 5 வீதத்தை நெஸ்ட்டல் ... மக்களுக்கு தானமாக கொடுப்பதுபோலவும் 
மக்களுக்கு தண்ணீர் உருவாக்குவதுபோலவும் பாசாங்கு செய்தாலே போதும். இதன் பிதாவே நெஸ்ட்டல் தான் என்பதை யாரும்  அறியப்போவதில்லை. காரணம் நீங்கள் இப்போது கடைகளில் வாங்கும் 95 வீதமான குடிநீர்  போத்தல்களில்  நீங்கள் அந்த பெயரை காண்பதே இல்லை. ஆனால் அனைத்து குடிநீர் போத்தலின்  கொக்க கோலாவின்  ஆம்னா போத்தலில் இருந்து ஒரு வீதம் நெஸ்ட்டலுக்கு போகிறது என்பது யாருக்கும் தெரியாது. 

நானோ நீங்களோ நெஸ்ட்டலின் ஒரு உதிரி கொம்பனி ஒன்றில் அதிக சம்பளத்துக்காக இணைந்து 
அவர்களுக்கு மறைமுகமாக உழைத்துக்கொண்டு ...... இங்கு தண்ணீர் பிரட்ச்சனை வறட்ச்சி போன்றவற்றை பற்றி வாதிட்டுக்கொண்டு இருப்போம். 

இந்த புரோஜோத்தமன் ரகம் 
கொக்க கோலாவையும்  பெப்ஸியையும் எதிர்க்காதீர்கள் .... இப்படித்தான் 80 களில் கலைஞரையும் எம்ஜி யாரையும் சிநேகித்து/ எதிர்த்து  பல பிரச்சனை வந்தது என்று எழுதிக்கொண்டு இருப்பார்கள். 
இந்த அரைவேக்காடுகள் ஒன்றரை எழுத முன்பு எந்தை பற்றி எழுதப்போகிறோம் என்பதை கூட கொஞ்சமும் சிந்திப்பது இல்லை ......... அன்று காலையும் மதியமும் எதை உண்டார்களோ அதை மாலை வாந்தியாக எடுத்துவிடுகிறார்கள்  என்பதுக்கு முதல் காரணம் ....... இப்படி நாம் காவிக்கொண்டு திரிவதால்தான். 

சிங்கள இனவாதம்தான் ஈழத்தமிழர்களை ஆயுதம் வரை கொண்டுபோனதே தவிர 
எந்த ஈழ தமிழனும் ஆயுதத்தை  விரும்பி எடுக்கவில்லை ... 
மேலே அருமையாக கபிதன் கூறியதுபோல் ஆயுதம் தூக்கியபின்பு தடியோ பாம்போ கையில் 
தட்டியதை கெட்டி பிடித்தார்களே தவிர .. கலைஞர் எம்ஜி ஆர் என்று தேர்வு செய்ய கூடிய எந்த சூழலும் அன்றிருக்கவில்லை ஒருவரே தந்தாலும் வேணும் ... இருவரும் தந்தாலும் வேணும் என்ற ஒரே சூழ்நிலைதான். 

நானும் நீங்களும் நேருக்கு நேர் நின்று பேசிக்கொண்டு இருக்கிறோம் 
திடீரென நான் உங்கள் முகத்தில் ஓங்கி குத்திவிடுகிறேன் ... இப்போதும் தொடர்ந்தும் குத்து வாங்குவது 
அல்லது ஓடுவது .. அல்லது என்னை திருப்பி தாக்குவது என்ற மூன்றில் ஒன்றைத்தான் நீங்கள் தேர்வு செய்வீர்கள் என்பது  குத்தும்போதே எனக்கு தெரிந்த ஒன்று. நீங்கள் எதை தேர்வு செய்தாலும் நான் குத்திய குத்தில்  வந்த வலியை நீங்களே தாங்கிக்கொள்ள வேண்டும். அதில் எந்த அடிப்படை இராஜதந்திரமும் இல்லை  வலி நிவாரணிகள் ... பல்லு கட்டுவது போன்றவை பின்னாளில் உங்கள் வசதியை பொறுத்தது. 


--------------------------------------------------------------------------------------------------------- 
தலைப்பு: 

இலங்கை தமிழர்களுக்கானதா சீமானின் அரசியல்?

உள்ளே: 


சீமானுக்கும் நாம் தமிழர் இயக்கத்துக்கும் அரசியலில் என்ன நிலை எடுப்பது, எப்படி இயக்குவது என்றெல்லாம் போதிப்பது இந்தப் பத்தியின் நோக்கமில்லை. ஆனால், சீமானும் நாம் தமிழர் இயக்கமும் முன்னெடுக்கும் அரசியலால், இலங்கை தமிழ் மக்கள் எதிர்கொள்ளும் சிக்கல்கள், இராஜதந்திரப் பின்னடைவுகள் குறித்து அவதானம் கொள்வது தவிர்க்க முடியாதது.  


இலங்கை தமிழர்களைப் பொறுத்தவரையில், விரும்பியோ விரும்பாமலோ, இந்திய மத்திய அரசாங்கத்தோடும், தமிழக அரசாங்கத்தோடும் இணக்கமாகச் செயற்பட வேண்டியிருக்கும்.

ஆனால், அவ்வாறான நிலை சுமூகமாகப் பேணப்படுவதை, இந்தியாவிலும் சரி, இலங்கையிலும் சரி, அக - புற சக்திகள் பெரியளவில் அனுமதிப்பதில்லை. ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது


ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
மாறாக, ஆயுதப் போராட்ட இயக்கங்கள் இந்தியாவில் பயிற்சி பெற்ற காலங்களில், ஒரு கட்சிக்கு இணக்கமாகச் செயற்பட்ட இயக்கமொன்று, இன்னொரு கட்சியைத்  தூர நிறுத்திப் பயணித்த வரலாற்றை, இலங்கை தமிழர்கள் மீண்டும் தொடர முடியாது.

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
தி.மு.க அணியினருக்கும் இலங்கை தமிழர்களுக்கும் இடையிலான உறவு என்பது, என்றைக்கும் இல்லாதளவுக்கு படுமோசமாகவே கடந்த பத்து ஆண்டுகளில் இருந்திருக்கின்றது. அதற்கு, சீமானை முன்னிறுத்திய புலம்பெயர் தரப்புகளின், தூர நோக்கற்ற நடவடிக்கைகள் காரணமாகும்.  


ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
முள்ளிவாய்க்கால் இறுதி நாள்களில், தமிழக முதலமைச்சராக இருந்த கலைஞர் மு.கருணாநிதி நடத்திய உண்ணாவிரதப் போராட்டம் தொடர்பில் பெரும் விமர்சனங்கள் உண்டு. அந்த உண்ணாவிரதப் போராட்டம் முடித்துக் கொள்ளப்பட்ட போது, கலைஞரால் வெளிப்படுத்தப்பட்ட போர் நிறுத்தம் பற்றிய அறிவித்தல் எல்லாம் ஏற்றுக்கொள்ள முடியாதவை.  

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
சீமான் முன்வைக்கும் தமிழ்த் தேசிய அரசியலுக்கும், இலங்கையில் தமிழ்த் தேசிய அரசியலுக்கும் பாரிய வேறுபாடுகள் உண்டு. 

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
அடிப்படையில் சீமானின் முன்னோடி ஹிட்லர், முசோலினி போன்றவர்கள். அவர்கள், தங்களது காலத்தில், மனித குலத்துக்கு எதிரான அடிப்படைவாதத்தை விதைத்தவர்கள்.

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
புலம்பெயர் தமிழர்கள், முதலில் தங்களது ஆதரவையும் நிதிப்பங்களிப்பையும் எங்கு கொட்டுகிறார்கள் என்பதைப் புரிந்து கொள்ள வேண்டும். அதனால், ஏற்படும் நன்மைகள் குறித்துச் சிந்திக்க வேண்டும். நன்மைகள் ஏற்படவில்லை என்றாலும் பரவாயில்லை, தீமைகள் ஏற்படவில்லை என்பதை உறுதிப்படுத்த வேண்டும்.   

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது

ஆனால், அவ்வாறான நிலை சுமூகமாகப் பேணப்படுவதை, இந்தியாவிலும் சரி, இலங்கையிலும் சரி, அக - புற சக்திகள் பெரியளவில் அனுமதிப்பதில்லை. 

ஆனால், சீமானைக் கொண்டு சுமப்பவர்களோ விஷச்செடிக்கு தண்ணீருற்றிக் கொண்டிருக்கிறார்கள். அந்தச் செடி வீசிய விஷத்தின் எதிர்வினைகளை, ஈழத் தமிழ் அரசியல் எதிர்கொண்டிருக்கின்றது. இனியாவது, சீமான் போன்றவர்களைக் கடந்து நின்று, தூரநோக்கோடு அண்டை நாட்டு அரசியலை அணுகத் தொடங்க வேண்டும். 

-----------------------------------------------------------------------------------------------------------

இந்த கொத்துரொட்டியில் என்ன இருக்கிறது?
சீமானை பற்றிய காழ்ப்புணர்வை எடுத்துவிட்டால் .. ஒரு ஈழத்தமிழன் வாசித்து அறிய தெரிய என்ன இருக்கிறது? 
ஏன் ஒரு ஈழ தமிழன் சீமானை ஆதரிக்க/ எதிர்க்க வேண்டும்? 


"பிரதான இரு கட்சிகளும் 85 சதவீதமான வாக்குகளைத் தங்களுக்குள் பங்கிட்டுக் கொண்ட பின்னர், மீதமுள்ள 15 சதவீத வாக்குகளில், 6.6 சதவீதத்தைப் பெற்றுக்கொண்டு, மூன்றாவது இடம் என்கிற நிலை குறித்துப் பெருமிதம் கொள்வது, அவ்வளவு முக்கியமான ஒரு காரியமல்ல." 

தமிழ் நாட்டில் ஒரு கட்சி 6.6வீதம் வாக்கு  பெற்றதை பற்றி ஒரு ஈழ தமிழன் அலட்ட என்ன இருக்கிறது?
இதிலும் விட அதிகமாக பெற்று எதிர்க்கட்ச்சியாக கூட விஜயகாந்த் இருந்து இருக்கிறார் .. ஏன் அவரை பற்றி நீங்கள் யாரும் அப்போது ஈழத்தமிழருக்கு கட்டுரை எழுதவில்லை? விஜயகாந்தின் இப்போதைய நிலை பற்றியாவது  ஏதாவது எழுதுகிறீர்களா? 

சீமான் ஹிட்லர் முசோலினி போன்றவர்களை ....... இல்லை அவர்களின் மறுபிறவிதான் சீமான் என்றே வைத்துக்கொள்வோம் ....... ஏன் ஒரு ஈழ தமிழன் ஹிட்லரை அல்லது மோசலோனியை இன்று பின்தொடர வேண்டும்? அதற்கான ஏதாவது ஒரு இராஜதந்திர  அக/ புற நிலை காரணி என்ன? 

 ஹிட்லர் முசோலினி 
அவர்கள், தங்களது காலத்தில், மனித குலத்துக்கு எதிரான அடிப்படைவாதத்தை விதைத்தவர்கள்.

அவர்களின் மறுபிறவியான சீமானை ஏன் மனித குலத்துக்காக மக்களுக்காக வாழும் அதிமுக. திமுக  
இந்திய மத்திய அரசு தூக்கி சிறையில் போடவில்லை? 

இன்று 30 லட்ஷம் தமிழக மக்கள் மனித குலத்துக்கு எதிராக வாக்கு போட்டு இருக்கிறார்களே 
30 லட்ஷம் மக்கள் தமிழகத்தில் இந்த மனித குலத்துக்கு எதிராக திரும்பியதன் அக/புற சூழ்நிலை என்ன? 

இந்த மனித குலம் தமிழகத்தில் 30 லட்ஷம் மக்களுக்கு எதிராக ஏதாவது செய்து இருக்கிறதா? 

  • Like 1
  • Thanks 1
Link to comment
Share on other sites

  • கருத்துக்கள உறவுகள்

சில வருடம் முன்பு இந்தியாகவே இருந்த பாகிஸ்தான் 
இன்று இந்திய எல்லையில் ஒட்டி  இருக்கும் பாகிஸ்தானில் 
6 வீதம் 7 வீதம் வாக்கு வாங்கும் உதிரி அரசியல் கட்சிகளோ 
அல்லது பிரதான கடசிகளோ .... இந்திய மத்திய  மாநில அரசுகளுடன் 
உறவை பேணிக்கொண்டா வருகின்றன? 

இந்தியாவில் இருந்து எங்கோ தீவாக இருக்கும் நாம் 
எதற்கு இந்தியாவை பிடித்து தொங்கவேண்டும்?

(இதற்கு வேண்டும்/ வேண்டாம் என்பது என்னுடைய தனிப்பட்ட முடிவு அல்ல அதுக்கு இந்த இராஜதந்திரிகள் 
என்ன இராஜ தந்திரம் கூறுகிறார்கள்?. இன்று சிங்கள அரசு சீனாவின் வலையில் சிக்கியதும் என்னையும் வப்பாட்டியாக என்றாலும் வைத்துக்கொள் என்பதை தாண்டி இந்தியா என்ன பெரிதாக கிழிக்கிறது?)  

Link to comment
Share on other sites

  • கருத்துக்கள உறவுகள்
20 minutes ago, Maruthankerny said:

இந்த கொத்துரொட்டியில் என்ன இருக்கிறது?

கொஞ்சம் காரம் அதிகம் போலிருக்கே😂

ஒரு மாதிரி ஓராளை ஆய்வுக்கட்டுரையை படிக்க வைத்தாயிற்று😉

  • Sad 1
Link to comment
Share on other sites

  • கருத்துக்கள உறவுகள்
2 minutes ago, கிருபன் said:

கொஞ்சம் காரம் அதிகம் போலிருக்கே😂

ஒரு மாதிரி ஓராளை ஆய்வுக்கட்டுரையை படிக்க வைத்தாயிற்று😉

இது சீமானை நோண்டும் ஆயிரத்து மூன்றாவது கட்டுரை யாக இருக்கிறதே தவிர 
என்னை பொறுத்தவரை யாழ்களத்தில் சீமான் நோயால் பாதிக்கப்பட்டவர்கள் இதைவிட 
சில விடயங்களை நன்றாக எழுதி இருக்கிறார்கள்.

(இதை ஏற்கனவே மேலே எழுதி இருக்கிறேன்)  

என்னை கேட்டால் ...
நீங்கள் இதைவிட கொஞ்சம் காரமாகவும் சுவையாகவும் 
சீமான் கொத்துபோடுவீர்கள் என்பதே நான் வாசித்து அறிந்தது 

நான் ஏன் சீமானை எதிர்க்கவேண்டும்? என்பதை தொடர்ந்தும் வாசித்து வருகிறேன் 
எந்த கடையிலும் ஒரு தரமான கொத்துரொட்டி இன்னமும் கிடைக்கவில்லை.

அதுக்கான காரணம்  மாவை திராவிட சங்கம்தான் எல்லோருக்கும் மொத்தமாக 
விநியோகிக்கிறது என்று எண்ணுகிறேன் ஆதலால் எல்லா சில்லறை பெட்டிக்கடை 
கொத்துரொட்டிகளும் ஒரே சுவையில் இருக்கின்றன.

கொத்துரொட்டி கடைக்காரர்கள் மாவை வெளிநாடு ஒன்றில் இருந்து அல்லது சொந்தமாக பயிரிடுவதன் மூலம் பெற்றுக்கொண்டால் கொத்துரொட்டி சுவை மாறலாம்  என்று எண்ணுகிறேன்.

வெறும் தனிமனித தாக்குதலாகவோ ... அல்லது ஒரு கட்டுரை ஆசிரியர் சீமானை எதிர்த்தார் என்பதால் அவர் மீது  உமிழும் காழ்ப்புணர்வாகவோ இருக்க கூடாது என்பதால் விரிவாக எழுதினேன்.
எதை எழுதினாலும் நேரம் வீண் என்பது தெரிந்ததே. கொத்துரொட்டி பிரியர்கள் இருக்கவே செய்கிறார்கள். 
ஆதலால் இந்த கொத்துரொட்டி வியாபாரம் தொடரும் என்பது தெரிந்ததுதான் 

இப்போதும் சீமானை எதிர்க்க ஒரு நல்ல காரணம் வேண்டும் என்று தேடுகிறேன்...  

Link to comment
Share on other sites

  • கருத்துக்கள உறவுகள்

சீமானை குறித்து, புலம்பெயந்தவர்களை விட தாயாக மக்களும், அரசியல்வாதிகளும், அரசியல்  விமர்சகர்களும், பத்திரிகையாளரும் தெளிவாக இருப்பது மன மகிழ்ச்யை கொடுக்கின்றது. 

  • Like 1
Link to comment
Share on other sites

  • கருத்துக்கள உறவுகள்
1 hour ago, Maruthankerny said:

ஒரு பானை சோற்றுக்கு ஒரு சோறு பதம் 
நல்ல வேளை மிகுதியை வாசித்து நேரத்தை வீணடிக்காது விட்டோம் 

சீமானின் வளர்ச்சி அல்ல 
உலகில் எந்த மனிதனின் வளர்ச்சியும் 
உங்கள் சொந்த வளர்ச்சி கூட மறைமுகமாக இன்னொரு மனிதனை 
பாதித்துக்கொண்டே இருக்கும். நீங்கள் எதை நம்புகிறீர்கள் நம்பவில்லை 
என்பதை கடந்து உங்கள் பாதிப்புகள் உங்களால் உங்களுக்கு வருவதில்லை.
என்பது நிதர்சனமாக இருக்கும்போது நம்புவதும்/வெறுப்பதும் புற காரணிகளை 
தடுக்க போவதில்லை. 

25-30 வருடம் முன்பு சுவிஸ் நாட்டு நெஸ்டல் Nestle கொம்பனி இலவசமாக இருக்கும் தண்ணீரை 
எப்படி மனிதனுக்கு விற்று காசு பார்ப்பது என்று சிந்தித்தது .. அதன் பிரதிபலன் இன்று 
அமெரிக்காவில் இருந்து ஆப்ரிக்கா வரை சொந்த நாடுகள் தங்கள் தண்ணீர் தேக்கங்களை 
பிரைவேட் நிறுவனங்களிடம் இழந்துகொண்டு இருக்கிறார்கள். உண்மையான பிரச்சனை 
இன்னமும் ஆரம்ப நிலையில் கூட இல்லை. உண்மையான நீர் பிரச்சனை உலகில் தொடங்கும்போது 
தனக்கு வரும் வருமானத்தில் வெறும் 5 வீதத்தை நெஸ்ட்டல் ... மக்களுக்கு தானமாக கொடுப்பதுபோலவும் 
மக்களுக்கு தண்ணீர் உருவாக்குவதுபோலவும் பாசாங்கு செய்தாலே போதும். இதன் பிதாவே நெஸ்ட்டல் தான் என்பதை யாரும்  அறியப்போவதில்லை. காரணம் நீங்கள் இப்போது கடைகளில் வாங்கும் 95 வீதமான குடிநீர்  போத்தல்களில்  நீங்கள் அந்த பெயரை காண்பதே இல்லை. ஆனால் அனைத்து குடிநீர் போத்தலின்  கொக்க கோலாவின்  ஆம்னா போத்தலில் இருந்து ஒரு வீதம் நெஸ்ட்டலுக்கு போகிறது என்பது யாருக்கும் தெரியாது. 

நானோ நீங்களோ நெஸ்ட்டலின் ஒரு உதிரி கொம்பனி ஒன்றில் அதிக சம்பளத்துக்காக இணைந்து 
அவர்களுக்கு மறைமுகமாக உழைத்துக்கொண்டு ...... இங்கு தண்ணீர் பிரட்ச்சனை வறட்ச்சி போன்றவற்றை பற்றி வாதிட்டுக்கொண்டு இருப்போம். 

இந்த புரோஜோத்தமன் ரகம் 
கொக்க கோலாவையும்  பெப்ஸியையும் எதிர்க்காதீர்கள் .... இப்படித்தான் 80 களில் கலைஞரையும் எம்ஜி யாரையும் சிநேகித்து/ எதிர்த்து  பல பிரச்சனை வந்தது என்று எழுதிக்கொண்டு இருப்பார்கள். 
இந்த அரைவேக்காடுகள் ஒன்றரை எழுத முன்பு எந்தை பற்றி எழுதப்போகிறோம் என்பதை கூட கொஞ்சமும் சிந்திப்பது இல்லை ......... அன்று காலையும் மதியமும் எதை உண்டார்களோ அதை மாலை வாந்தியாக எடுத்துவிடுகிறார்கள்  என்பதுக்கு முதல் காரணம் ....... இப்படி நாம் காவிக்கொண்டு திரிவதால்தான். 

சிங்கள இனவாதம்தான் ஈழத்தமிழர்களை ஆயுதம் வரை கொண்டுபோனதே தவிர 
எந்த ஈழ தமிழனும் ஆயுதத்தை  விரும்பி எடுக்கவில்லை ... 
மேலே அருமையாக கபிதன் கூறியதுபோல் ஆயுதம் தூக்கியபின்பு தடியோ பாம்போ கையில் 
தட்டியதை கெட்டி பிடித்தார்களே தவிர .. கலைஞர் எம்ஜி ஆர் என்று தேர்வு செய்ய கூடிய எந்த சூழலும் அன்றிருக்கவில்லை ஒருவரே தந்தாலும் வேணும் ... இருவரும் தந்தாலும் வேணும் என்ற ஒரே சூழ்நிலைதான். 

நானும் நீங்களும் நேருக்கு நேர் நின்று பேசிக்கொண்டு இருக்கிறோம் 
திடீரென நான் உங்கள் முகத்தில் ஓங்கி குத்திவிடுகிறேன் ... இப்போதும் தொடர்ந்தும் குத்து வாங்குவது 
அல்லது ஓடுவது .. அல்லது என்னை திருப்பி தாக்குவது என்ற மூன்றில் ஒன்றைத்தான் நீங்கள் தேர்வு செய்வீர்கள் என்பது  குத்தும்போதே எனக்கு தெரிந்த ஒன்று. நீங்கள் எதை தேர்வு செய்தாலும் நான் குத்திய குத்தில்  வந்த வலியை நீங்களே தாங்கிக்கொள்ள வேண்டும். அதில் எந்த அடிப்படை இராஜதந்திரமும் இல்லை  வலி நிவாரணிகள் ... பல்லு கட்டுவது போன்றவை பின்னாளில் உங்கள் வசதியை பொறுத்தது. 


--------------------------------------------------------------------------------------------------------- 
தலைப்பு: 

இலங்கை தமிழர்களுக்கானதா சீமானின் அரசியல்?

உள்ளே: 


சீமானுக்கும் நாம் தமிழர் இயக்கத்துக்கும் அரசியலில் என்ன நிலை எடுப்பது, எப்படி இயக்குவது என்றெல்லாம் போதிப்பது இந்தப் பத்தியின் நோக்கமில்லை. ஆனால், சீமானும் நாம் தமிழர் இயக்கமும் முன்னெடுக்கும் அரசியலால், இலங்கை தமிழ் மக்கள் எதிர்கொள்ளும் சிக்கல்கள், இராஜதந்திரப் பின்னடைவுகள் குறித்து அவதானம் கொள்வது தவிர்க்க முடியாதது.  


இலங்கை தமிழர்களைப் பொறுத்தவரையில், விரும்பியோ விரும்பாமலோ, இந்திய மத்திய அரசாங்கத்தோடும், தமிழக அரசாங்கத்தோடும் இணக்கமாகச் செயற்பட வேண்டியிருக்கும்.

ஆனால், அவ்வாறான நிலை சுமூகமாகப் பேணப்படுவதை, இந்தியாவிலும் சரி, இலங்கையிலும் சரி, அக - புற சக்திகள் பெரியளவில் அனுமதிப்பதில்லை. ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது


ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
மாறாக, ஆயுதப் போராட்ட இயக்கங்கள் இந்தியாவில் பயிற்சி பெற்ற காலங்களில், ஒரு கட்சிக்கு இணக்கமாகச் செயற்பட்ட இயக்கமொன்று, இன்னொரு கட்சியைத்  தூர நிறுத்திப் பயணித்த வரலாற்றை, இலங்கை தமிழர்கள் மீண்டும் தொடர முடியாது.

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
தி.மு.க அணியினருக்கும் இலங்கை தமிழர்களுக்கும் இடையிலான உறவு என்பது, என்றைக்கும் இல்லாதளவுக்கு படுமோசமாகவே கடந்த பத்து ஆண்டுகளில் இருந்திருக்கின்றது. அதற்கு, சீமானை முன்னிறுத்திய புலம்பெயர் தரப்புகளின், தூர நோக்கற்ற நடவடிக்கைகள் காரணமாகும்.  


ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
முள்ளிவாய்க்கால் இறுதி நாள்களில், தமிழக முதலமைச்சராக இருந்த கலைஞர் மு.கருணாநிதி நடத்திய உண்ணாவிரதப் போராட்டம் தொடர்பில் பெரும் விமர்சனங்கள் உண்டு. அந்த உண்ணாவிரதப் போராட்டம் முடித்துக் கொள்ளப்பட்ட போது, கலைஞரால் வெளிப்படுத்தப்பட்ட போர் நிறுத்தம் பற்றிய அறிவித்தல் எல்லாம் ஏற்றுக்கொள்ள முடியாதவை.  

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
சீமான் முன்வைக்கும் தமிழ்த் தேசிய அரசியலுக்கும், இலங்கையில் தமிழ்த் தேசிய அரசியலுக்கும் பாரிய வேறுபாடுகள் உண்டு. 

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
அடிப்படையில் சீமானின் முன்னோடி ஹிட்லர், முசோலினி போன்றவர்கள். அவர்கள், தங்களது காலத்தில், மனித குலத்துக்கு எதிரான அடிப்படைவாதத்தை விதைத்தவர்கள்.

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது
புலம்பெயர் தமிழர்கள், முதலில் தங்களது ஆதரவையும் நிதிப்பங்களிப்பையும் எங்கு கொட்டுகிறார்கள் என்பதைப் புரிந்து கொள்ள வேண்டும். அதனால், ஏற்படும் நன்மைகள் குறித்துச் சிந்திக்க வேண்டும். நன்மைகள் ஏற்படவில்லை என்றாலும் பரவாயில்லை, தீமைகள் ஏற்படவில்லை என்பதை உறுதிப்படுத்த வேண்டும்.   

ஆதரவு, எதிர்ப்பு மனநிலை இருக்கலாம். ஆனால், அதனை ஓர் இராஜதந்திக் கட்டத்தில் முன்னிறுத்தி செயற்பட முடியாது

ஆனால், அவ்வாறான நிலை சுமூகமாகப் பேணப்படுவதை, இந்தியாவிலும் சரி, இலங்கையிலும் சரி, அக - புற சக்திகள் பெரியளவில் அனுமதிப்பதில்லை. 

ஆனால், சீமானைக் கொண்டு சுமப்பவர்களோ விஷச்செடிக்கு தண்ணீருற்றிக் கொண்டிருக்கிறார்கள். அந்தச் செடி வீசிய விஷத்தின் எதிர்வினைகளை, ஈழத் தமிழ் அரசியல் எதிர்கொண்டிருக்கின்றது. இனியாவது, சீமான் போன்றவர்களைக் கடந்து நின்று, தூரநோக்கோடு அண்டை நாட்டு அரசியலை அணுகத் தொடங்க வேண்டும். 

-----------------------------------------------------------------------------------------------------------

இந்த கொத்துரொட்டியில் என்ன இருக்கிறது?
சீமானை பற்றிய காழ்ப்புணர்வை எடுத்துவிட்டால் .. ஒரு ஈழத்தமிழன் வாசித்து அறிய தெரிய என்ன இருக்கிறது? 
ஏன் ஒரு ஈழ தமிழன் சீமானை ஆதரிக்க/ எதிர்க்க வேண்டும்? 


"பிரதான இரு கட்சிகளும் 85 சதவீதமான வாக்குகளைத் தங்களுக்குள் பங்கிட்டுக் கொண்ட பின்னர், மீதமுள்ள 15 சதவீத வாக்குகளில், 6.6 சதவீதத்தைப் பெற்றுக்கொண்டு, மூன்றாவது இடம் என்கிற நிலை குறித்துப் பெருமிதம் கொள்வது, அவ்வளவு முக்கியமான ஒரு காரியமல்ல." 

தமிழ் நாட்டில் ஒரு கட்சி 6.6வீதம் வாக்கு  பெற்றதை பற்றி ஒரு ஈழ தமிழன் அலட்ட என்ன இருக்கிறது?
இதிலும் விட அதிகமாக பெற்று எதிர்க்கட்ச்சியாக கூட விஜயகாந்த் இருந்து இருக்கிறார் .. ஏன் அவரை பற்றி நீங்கள் யாரும் அப்போது ஈழத்தமிழருக்கு கட்டுரை எழுதவில்லை? விஜயகாந்தின் இப்போதைய நிலை பற்றியாவது  ஏதாவது எழுதுகிறீர்களா? 

சீமான் ஹிட்லர் முசோலினி போன்றவர்களை ....... இல்லை அவர்களின் மறுபிறவிதான் சீமான் என்றே வைத்துக்கொள்வோம் ....... ஏன் ஒரு ஈழ தமிழன் ஹிட்லரை அல்லது மோசலோனியை இன்று பின்தொடர வேண்டும்? அதற்கான ஏதாவது ஒரு இராஜதந்திர  அக/ புற நிலை காரணி என்ன? 

 ஹிட்லர் முசோலினி 
அவர்கள், தங்களது காலத்தில், மனித குலத்துக்கு எதிரான அடிப்படைவாதத்தை விதைத்தவர்கள்.

அவர்களின் மறுபிறவியான சீமானை ஏன் மனித குலத்துக்காக மக்களுக்காக வாழும் அதிமுக. திமுக  
இந்திய மத்திய அரசு தூக்கி சிறையில் போடவில்லை? 

இன்று 30 லட்ஷம் தமிழக மக்கள் மனித குலத்துக்கு எதிராக வாக்கு போட்டு இருக்கிறார்களே 
30 லட்ஷம் மக்கள் தமிழகத்தில் இந்த மனித குலத்துக்கு எதிராக திரும்பியதன் அக/புற சூழ்நிலை என்ன? 

இந்த மனித குலம் தமிழகத்தில் 30 லட்ஷம் மக்களுக்கு எதிராக ஏதாவது செய்து இருக்கிறதா? 

மருதர்,

உண்மையில் இந்தக் கட்டுரையில் உள்ள முரண்பாடுகளை தனித்தனியே விமர்சிக்க விரும்பினேன். ஆனால் அது வீண் என்று புரிந்ததால் சுருக்கமாக கூறினேன்.

1) சீமானை தலைவராகக் கொள்வதாக புலம்பெயர்ந்தவர்கள் / அமைப்புக்கள்  எப்போதாவது கூறினார்களா ? 

2) புலம்பெயர் தமிழரை ஒன்றிணைத்து தாயகத்துடன் தொடர்பிலிருத்த இலங்கையிலிருந்து ஏதாவது தமிழ்த் தரப்புக்கள் ஆக்க பூர்வமான ஏதாவது ஒரு முயற்சியாவது செய்தார்களா ?

இப்படி கேள்விகளை அடிக்கிக் கொண்டே போகலாம். ஆனால் ஒன்றுக்குமே பதில் இல்லை என்பது எம் எல்லொருக்குமே தெரியும். 

சீமானின் உண்மை, முகம் அது போலியென்றால் வெளியே தெரிய வரத்தான் போகிறது. 

சீமான் போலியென்று கூறுபவர்கள், சரியான வழிகாட்டுதல் இங்கே கிடைக்கும் என்று யாரை குறி காட்டுகிறார்கள்/காட்டப் போகிறார்கள்.....?

 இதற்கும் பதில் ஒருவருக்கும் தெரியாது

☹️

Link to comment
Share on other sites

  • கருத்துக்கள உறவுகள்
4 minutes ago, Kapithan said:

மருதர்,

உண்மையில் இந்தக் கட்டுரையில் உள்ள முரண்பாடுகளை தனித்தனியே விமர்சிக்க விரும்பினேன். ஆனால் அது வீண் என்று புரிந்ததால் சுருக்கமாக கூறினேன்.

1) சீமானை தலைவராகக் கொள்வதாக புலம்பெயர்ந்தவர்கள் / அமைப்புக்கள்  எப்போதாவது கூறினார்களா ? 

2) புலம்பெயர் தமிழரை ஒன்றிணைத்து தாயகத்துடன் தொடர்பிலிருத்த இலங்கையிலிருந்து ஏதாவது தமிழ்த் தரப்புக்கள் ஆக்க பூர்வமான ஏதாவது ஒரு முயற்சியாவது செய்தார்களா ?

இப்படி கேள்விகளை அடிக்கிக் கொண்டே போகலாம். ஆனால் ஒன்றுக்குமே பதில் இல்லை என்பது எம் எல்லொருக்குமே தெரியும். 

சீமானின் உண்மை, முகம் அது போலியென்றால் வெளியே தெரிய வரத்தான் போகிறது. 

சீமான் போலியென்று கூறுபவர்கள், சரியான வழிகாட்டுதல் இங்கே கிடைக்கும் என்று யாரை குறி காட்டுகிறார்கள்/காட்டப் போகிறார்கள்.....?

 இதற்கும் பதில் ஒருவருக்கும் தெரியாது

☹️

இதில் இன்னமும் வேடிக்கையானது 
சீமான் ஒன்றுமே இல்லை என்று அவர் கத்தி ஏதும் ஆகப்போவதும் இல்லை 
என்றும் தெளிவாக தமது கைகளாலேயே எழுதுகிறார்கள்.

தமிழ் நாட்டில் 6 கோடி பேர்கள் இருக்கும்போது ஏன் சீமானை பற்றி மட்டும் 
எழுதுகிறார்கள் என்பதே முதலில் அவர்களுக்கு புரியவில்லை 

இதில் தெளிவு .. புரிவு என்றும் 
சிலர் இங்கு பட்டாசு கொளுத்திக்கொண்டு இருக்கிறார்கள் 

ஒரு கொத்துரொட்டி கடை ஓரமா ஒதுங்கி 
வானவேடிக்கை பார்ப்பது ஒரு தனி சுகம்.

E0sqbrzVgAIaxhg?format=jpg&name=medium

இங்கு பலருக்கும் புரியாதது 
சீமானை வளர்ப்பவர்கள் இவர்கள் என்பதே 
பைப்பை திறந்தால் தண்ணீர் வரும் வீடுகளில் வாழ்பவர்களுக்கு 
இவர்களின் வலிகள் புரிய வாய்ப்பில்லை.

அவர்களுக்கு மாலையானால் ஒரு கொத்துரொட்டி போதும் 
இரவு வயிற்றுக்குள் வைத்து கலக்கி காலையில் வாந்தி எடுக்க 
அதுவே அவர்களுக்கு போதுமாக இருக்கிறது 

Link to comment
Share on other sites

  • கருத்துக்கள உறவுகள்
13 hours ago, colomban said:

கட்டுரையாளர் புருஜோத்தமன் தங்கமயில் ஒர் இந்திய வம்சாவளி தமிழர் போல் தெரிகின்றது. இலங்கை தமிழர் என்று குறிப்பிட்டு எழுதிகின்றார். 

கட்டுரையாளர்  இந்திய வம்சாவளி தமிழராக இருந்தால் கூட அவர் இலங்கை தமிழர் தானே. வெளிநாட்டில் வாழும்  மாயண்டியின்   இலங்கை ஆதரவாளர்கள் பச்சை தேசிக்காய் Lime.

Link to comment
Share on other sites

  • கருத்துக்கள உறவுகள்
Posted (edited)
44 minutes ago, zuma said:

சீமானை குறித்து, புலம்பெயந்தவர்களை விட தாயாக மக்களும், அரசியல்வாதிகளும், அரசியல்  விமர்சகர்களும், பத்திரிகையாளரும் தெளிவாக இருப்பது மன மகிழ்ச்யை கொடுக்கின்றது. 

உங்களுக்கு ஒன்று தெரியுமா??

தாயக மக்கள் இன்று எவரையும் நம்புவதில்லை 

தெளிவாக இருக்கிறார்கள்.

அவர்களது நம்பிக்கை வேறு

அதை எவராலும் கொடுக்கவோ ஈடுசெய்யவோ முடியாது

Edited by விசுகு
Link to comment
Share on other sites

  • கருத்துக்கள உறவுகள்
Posted (edited)

சீமானின் அரசியல் தமிழகத்தை மையமாகக் கொண்டிருப்பினும்.. தமிழ் தேசிய உணர்வால்.. நாம் தமிழராக உலகத்தமிழினத்தை ஒன்று சேர்க்கும் சக்தியாக அமையும்.

சீமானின் வளர்ச்சி.. இலங்கையிலும் பலருக்கு பிரச்சனை. குறிப்பாக.. 2009 மே க்குப் பின் தமிழ் மக்களை ஏமாற்றி அரசியல் செய்யும்.. கூட்டமைப்பு உட்பட்ட போலித் தமிழ் தேசியக் கட்சிகளின் குட்டு வெளிப்பட்டிருமோ என்ற கவலை அவர்களுக்கு அதிகம்.

கொடும் இனப்படுகொலை.. ராஜபக்ச குடும்பத்தை பாதுகாத்ததை தவிர.. இலங்கையில் தமிழ் தேசியக் கட்சிகளும் சரி சிங்கள அரச எடுபிடி கட்சிகளும் சரி.. தமிழ் மக்களுக்குப் பெற்றுக் கொடுத்தது எதுவுமில்லை. ஆக்கிரமிப்பு சிங்களப் படை மத்தியில் தமிழ் மக்களை பணயம் வைத்துவிட்டு.. சுயலாப அரசியல் செய்கிறது சம் சும் மாவை கும்பல்.. உட்பட எல்லா தமிழ் தேசியக் கட்சிகளும். எவருமே உருப்படியான படை விலகலுக்கு இதுவரை குரல் கொடுத்ததில்லை. சர்வதேச மட்டத்திலும் சரி.. உள்ளூரிலும் சரி.

சீமானின் வளர்ச்சி.. தமிழகத்தில் இருந்தான.. தமிழீழத்து மக்களுக்கான தார்மீக ஆதரவு அதிகரிப்பது கூட.. முற்றிலுமான சிங்கள பெளத்த பேரினவாதத்தினதும்.. இஸ்லாமிய அடிப்படை வாதத்தினதும் ஆக்கிரமிப்புக்குள் சிக்கித் தவிக்கும்.. ஈழத்தமிழருக்கு பாதுகாப்பே. 

Edited by nedukkalapoovan
Link to comment
Share on other sites

  • கருத்துக்கள உறவுகள்
Posted (edited)
12 minutes ago, விசுகு said:

உங்களுக்கு ஒன்று தெரியுமா??

தாயக மக்கள் இன்று எவரையும் நம்புவதில்லை 

தெளிவாக தெரிகிறார்கள்.

அவர்களது நம்பிக்கை வேறு

அதை எவராலும் கொடுக்கவோ ஈடுசெய்யவோ முடியாது

சரியாக சொன்னீர்கள் நீங்கள். நாம் யாரையும் நம்பி நடக்க கூடாது. ஊரிலை சொல்லுவார்கள் நம்ப நட நம்பி நடவதே என்று. இந்தியா அரசியலே எமக்கு யாரும் எதிரிகள் அல்ல. அப்படி யாரும் ஒருசாரார் எதிரி என்று எமக்கு சொன்னால்,  சொல்லுகிறவன் குறித்து நாம் கவனமாக இருக்க வேண்டும். அவர்கள் பசு தோல் போர்த்திய ஓநாய்கள் ஆகும். 

Edited by zuma
Link to comment
Share on other sites

  • கருத்துக்கள உறவுகள்
31 minutes ago, Kapithan said:

மருதர்,

உண்மையில் இந்தக் கட்டுரையில் உள்ள முரண்பாடுகளை தனித்தனியே விமர்சிக்க விரும்பினேன். ஆனால் அது வீண் என்று புரிந்ததால் சுருக்கமாக கூறினேன்.

1) சீமானை தலைவராகக் கொள்வதாக புலம்பெயர்ந்தவர்கள் / அமைப்புக்கள்  எப்போதாவது கூறினார்களா ? 

2) புலம்பெயர் தமிழரை ஒன்றிணைத்து தாயகத்துடன் தொடர்பிலிருத்த இலங்கையிலிருந்து ஏதாவது தமிழ்த் தரப்புக்கள் ஆக்க பூர்வமான ஏதாவது ஒரு முயற்சியாவது செய்தார்களா ?

இப்படி கேள்விகளை அடிக்கிக் கொண்டே போகலாம். ஆனால் ஒன்றுக்குமே பதில் இல்லை என்பது எம் எல்லொருக்குமே தெரியும். 

சீமானின் உண்மை, முகம் அது போலியென்றால் வெளியே தெரிய வரத்தான் போகிறது. 

சீமான் போலியென்று கூறுபவர்கள், சரியான வழிகாட்டுதல் இங்கே கிடைக்கும் என்று யாரை குறி காட்டுகிறார்கள்/காட்டப் போகிறார்கள்.....?

 இதற்கும் பதில் ஒருவருக்கும் தெரியாது

☹️

 

உங்கள் கேள்விகளுக்கு என் சார்ந்த பதில்

1 -  இதுவரை அப்படி யாரும் சொன்னதில்லை. பிரான்சில் நாம் தமிழர் கட்சியின் கூட்டங்களுக்கோ அல்லது பிரச்சாரங்களுக்கோ ஈழத்தமிழர் செல்வதில்லை. தமிழக பாண்டிச்சேரி இளைஞர்களே அதை செய்கிறார்கள்.

2 - கண்ணுக்கெட்டிய தூரம் வரை இல்லை. அந்த வக்கற்ற நிலையே வேறு எங்காவது எவராவது வளர்ந்து விடக்கூடாது என்ற வக்கிரமான முட்டுக்கட்டை.

9 minutes ago, zuma said:

சரியாக சொன்னீர்கள் நீங்கள். நாம் யாரையும் நம்பி நடக்க கூடாது. ஊரிலை சொல்லுவார்கள் நம்ப நட நம்பி நடவதே என்று. இந்தியா அரசியலே எமக்கு யாரும் எதிரிகள் அல்ல. அப்படி யாரும் ஒருசாரார் எதிரி என்று எமக்கு சொன்னால்,  சொல்லுகிறவன் குறித்து நாம் கவனமாக இருக்க வேண்டும். அவர்கள் பசு தோல் போர்த்திய ஓநாய்கள் ஆகும். 

தமிழர்களுக்கு போதுமான பட்டறிவுண்டு 

அது போதும் 

Link to comment
Share on other sites

  • கருத்துக்கள உறவுகள்
2 hours ago, Maruthankerny said:

 

தமிழ் நாட்டில் ஒரு கட்சி 6.6வீதம் வாக்கு  பெற்றதை பற்றி ஒரு ஈழ தமிழன் அலட்ட என்ன இருக்கிறது?

ஈழத்தமிழர் பிரச்சினைக்கு ஒரே தீர்வு தனித்தாயகத் தமிழீழத் தனியரசு அமைப்பது தான் ! தமிழீழத் தனியரசு அமைக்கப் போராடுவதே நமது இலட்சியம்!

இதுவும் சீமானின் கொள்கைகளில் ஒன்று

ஆகவே ஈழத்து தமிழர்கள் இவரைப்பற்றி அலசலாம்

சீமான் ஹிட்லர் முசோலினி போன்றவர்களை ....... இல்லை அவர்களின் மறுபிறவிதான் சீமான் என்றே வைத்துக்கொள்வோம் ....... ஏன் ஒரு ஈழ தமிழன் ஹிட்லரை அல்லது மோசலோனியை இன்று பின்தொடர வேண்டும்? அதற்கான ஏதாவது ஒரு இராஜதந்திர  அக/ புற நிலை காரணி என்ன? 

அவர் தமிழ் நாட்டில் இருக்கும் ஈழத்து தமிழர்களின் நலன் விரும்பிகளின் வாக்குக்களை வைத்து அரசியலில் தன்னைத் தக்க வைக்க விழைகின்றார்

2 hours ago, Maruthankerny said:

 ஹிட்லர் முசோலினி 
அவர்கள், தங்களது காலத்தில், மனித குலத்துக்கு எதிரான அடிப்படைவாதத்தை விதைத்தவர்கள்.

அவர்களின் மறுபிறவியான சீமானை ஏன் மனித குலத்துக்காக மக்களுக்காக வாழும் அதிமுக. திமுக  
இந்திய மத்திய அரசு தூக்கி சிறையில் போடவில்லை? 

இது தான் திராவிடக் கொள்கை அவர்களுக்குத் தெரியும் சீமானின் வளர்ச்சி எதுவரை என்று
காத்திருக்கின்றார்கள்
மத்திய அரசான   பாஜ க சீமானின் மூலம்
வாக்குகளை பிரித்து தனது கால்களைத் தமிழகத்தில் நிலைத்து வைக்க காத்திருக்கின்றது

இன்று 30 லட்ஷம் தமிழக மக்கள் மனித குலத்துக்கு எதிராக வாக்கு போட்டு இருக்கிறார்களே 
30 லட்ஷம் மக்கள் தமிழகத்தில் இந்த மனித குலத்துக்கு எதிராக திரும்பியதன் அக/புற சூழ்நிலை என்ன?

 தமிழ் தேசிய அரசியல்

இந்த மனித குலம் தமிழகத்தில் 30 லட்ஷம் மக்களுக்கு எதிராக ஏதாவது செய்து இருக்கிறதா? 

ஆம் ஏமாற்று அரசியல்

 

Link to comment
Share on other sites

  • கருத்துக்கள உறவுகள்
Posted (edited)

இலங்கையில் திமுக பினாமிகள், ஆறுமுகம் தொண்டைமான், பின்னர், அவர் மகன், ஜீவன் தொண்டைமான் ஊடாக இயங்குகிறார்கள். இவர்கள் தமிழகத்தில் பெரும் முதலீடு செய்துள்ளனர். முத்தையா முரளீதரன் அங்கே பெரும் முதலாளி. அவரது பேச்சிலும் விசம் கண்டோமே.

ஆடு நனையுதெண்டு ஓநாய் அழுத கதை தான். கொத்துகொத்தா இறந்து விழும்போது, இவர்கள் கைகள், தலை சொறிந்து கொண்டு இருந்ததா? 

திமுகவுக்கும், கலைஞருக்கும் அறிவுரை சொல்லி இருக்கலாமே.

சீமான் 7% என்று வளர்ச்சி கண்டவுடன், டயஸ்போறாக்களுக்கு அறிவுரை கொடுக்கிறாராம். அறிவுரை கொடுக்க சொன்னவர்கள், யாரோ?

சீமானுக்கு வாக்களித்தவர்கள், புலம் பெயர் ஈழத்தமிழ் மக்கள் அல்ல, தமிழக வாக்காளர்கள். இந்த இழவு புரியாமல், என்ன எழுதுறார் தங்கமயில். 

சரி, ஸ்டாலினுக்கு... ஈழ தமிழர் பிரச்சனை தொடர்பில் ஏதாவது கோரிக்கையாவது வைத்தாரா என்றால், இல்லை. கிளம்பி வரார், நம்ம கிருபன் டயஸ்போறாவுக்கு அறிவுரை சொல்ல. கிருபன் அய்யாவுக்கு சொந்த மூளை, இருக்கு, இரவல் மூளை தேவை இல்லையே. 😏

Edited by Nathamuni
Link to comment
Share on other sites

  • கருத்துக்கள உறவுகள்
31 minutes ago, Nathamuni said:

இலங்கையில் திமுக பினாமிகள், ஆறுமுகம் தொண்டைமான், பின்னர், அவர் மகன், ஜீவன் தொண்டைமான் ஊடாக இயங்குகிறார்கள். இவர்கள் தமிழகத்தில் பெரும் முதலீடு செய்துள்ளனர். முத்தையா முரளீதரன் அங்கே பெரும் முதலாளி. அவரது பேச்சிலும் விசம் கண்டோமே.

ஆடு நனையுதெண்டு ஓநாய் அழுத கதை தான். கொத்துகொத்தா இறந்து விழும்போது, இவர்கள் கைகள், தலை சொறிந்து கொண்டு இருந்ததா? 

திமுகவுக்கும், கலைஞருக்கும் அறிவுரை சொல்லி இருக்கலாமே.

சீமான் 7% என்று வளர்ச்சி கண்டவுடன், டயஸ்போறாக்களுக்கு அறிவுரை கொடுக்கிறாராம். அறிவுரை கொடுக்க சொன்னவர்கள், யாரோ?

சீமானுக்கு வாக்களித்தவர்கள், புலம் பெயர் ஈழத்தமிழ் மக்கள் அல்ல, தமிழக வாக்காளர்கள். இந்த இழவு புரியாமல், என்ன எழுதுறார் தங்கமயில். 

சரி, ஸ்டாலினுக்கு... ஈழ தமிழர் பிரச்சனை தொடர்பில் ஏதாவது கோரிக்கையாவது வைத்தாரா என்றால், இல்லை. கிளம்பி வரார், நம்ம கிருபன் டயஸ்போறாவுக்கு அறிவுரை சொல்ல. கிருபன் அய்யாவுக்கு சொந்த மூளை, இருக்கு, இரவல் மூளை தேவை இல்லையே. 😏

கிருபனிட்டயும் துல்பனிட்டயும் ஒருக்காச் சொல்லச் சொல்லுங்கோ இலங்கை புலம் பெயரிகளுக்கு சரியான வழிகாட்டலாக யாரைக் கை காட்டுவீர்கள் எண்டு. 

அதை ஒருக்கா சொல்லச் சொல்லுங்கோ பார்ப்போம்.

(துண்டைக் காணோம் துணியைக் காணோம் எண்டு ஓடிவிடுவினம்)

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)


  • Tell a friend

    Love கருத்துக்களம்? Tell a friend!
  • Similar Content

    • By கிருபன்
      சிறுமியை தீயில் தள்ளிய கொடுங்கரங்கள்
      புருஜோத்தமன் தங்கமயில் 
      அகில இலங்கை மக்கள் காங்கிரஸின் தலைவரும் பாராளுமன்ற உறுப்பினருமான ரிஷாட் பதியுதீனின் கொழும்பிலுள்ள வீட்டில்  பணிபுரிந்த நுவரெலியா, டயகமவைச் சேர்ந்த சிறுமி  ஹிஸாலினி தீக்காயங்களுடன் வைத்தியசாலையில் அனுமதிக்கப்பட்டு அண்மையில் உயிரிழந்தார். 
      ஆரம்பத்தில் தற்கொலை முயற்சி என்று கூறப்பட்டாலும், முக்கிய பிரமுகர் ஒருவர் வீட்டில் பணிபுரியும் சிறுமியின் கைக்கு, மண்ணெண்ணெயோ அல்லது ஏதோவோர் எரிபொருளோ எப்படிக் கிடைத்தது என்று ஆரம்பித்து, பல சந்தேகங்கள் தொடர்ச்சியாக எழுந்தன. அந்தச் சந்தேகங்களுக்கு வலுச்சேர்க்கும் முகமாக, மரண விசாரணை அறிக்கையும் வெளியாகி இருக்கின்றது. சிறுமி, பாலியல் ரீதியான வன்முறைகளை எதிர்கொண்டிருந்தமை, அதில் வெளிப்பட்டிருக்கின்றது.
      இலங்கையில், 16 வயது வரையில் அனைவரும் கட்டாயக் கல்வியைப் பெற வேண்டும் என்கிறது சட்டம். ஆனால், 14 வயது நிரம்பியவர்கள் வேலைக்குச் செல்லலாம் அல்லது அமர்த்தப்படலாம் என்றும் இன்னொரு முரணான விடயத்தை, சட்டம் தன்னுள்ளே வைத்திருக்கின்றது. 
      இந்த முரணைச் சரிசெய்யும் நோக்கில், வேலைக்கு செல்லும் வயதை, 16ஆக அதிகரிக்கும் சட்டமூலத்துக்கான அமைச்சரவைப் பத்திரத்தை, 2020ஆம் ஆண்டு அரசாங்கம் ஏற்றிருந்தது. ஆனால், அந்தச் சட்டமூலம் கொவிட்-19 பெருந்தோற்றுக் காலத்தில் நிறைவேற்றப்படாமல் காணாமற்போனது. 
      பாராளுமன்றத்தில் தங்களுக்குத் தேவையான அனைத்துச் சட்டத்திருத்தங்களையும் நிறைவேற்றிய அரசாங்கம், இந்தவிடயத்தில் தவறியது. அதுதான், 15 வயது நிரம்பிய ஹிஸாலினியை வீட்டுப் பணிப்பெண்ணாகச் சேர்த்துக் கொள்வதற்கான சட்டத் தடையை இல்லாமல் செய்திருக்கின்றது. 
      இவ்வாறான கவனயீனங்களும், பொறுப்பற்ற தனங்களாலும் கொழும்பு உள்ளிட்ட நகரப் பகுதிகளிலும் வெளிநாடுகளிலும் ஆயிரக்கணக்கான சிறுமிகள் பணிப்பெண்களாக அனுப்பப்படுகிறார்கள். அங்கு அவர்கள் தங்களுடைய வயதுக்கு மீறிய பணிச்சுமையையும் உடல் ரீதியான வன்முறைகளையும் எதிர்கொள்கிறார்கள்.
      சவுதி அரேபியாவுக்கு பணிப்பெண்ணாக சென்று, அங்கு கொடூரமாக மரண தண்டனையை எதிர்கொண்ட ரிஷானா நபீக்குக்கு அப்போது 17 வயது. ஆனால், உள்நாட்டிலேயே, அதுவும் மக்கள் பிரதிநிதி ஒருவர் வீட்டில் பணிப்பெண்ணாக இருந்து மரணித்திருக்கின்ற ஹிஸாலினியின் வயது 16. இங்கு இருவரும் சிறுமிகளே. வயதுக்குப் பொருந்தாக சூழலில் பணிக்கு அமர்த்தப்பட்டு பலிவாங்கப்பட்டு இருக்கின்றார்கள். 
      ரிஷானா நபீக் மீது கொலைக்குற்றம் சுமத்தப்பட்டிருந்தது. அதுவேகூட மனித உரிமைகளின் தடத்தில் அணுகப்படாத நிகழ்வு. கிட்டத்தட்ட அதுவும் ஒரு படுகொலையே. ஆனால், ஹிஸாலினியின் மரணத்தில் அயோக்கியத்தனமான கரங்கள் நீண்டிருப்பதற்கான காட்சிகள் வெளிப்படுகின்றன.
      “...எனது மகள் நெருப்புக்கு பயப்பிடுபவர். அவர் தீமூட்டிக் கொள்ளவில்லை; தீமூட்டியுள்ளனர். ‘இங்கு வேலை செய்ய முடியாது அழைத்துச் செல்லுங்கள்; இங்கு வேலை செய்பவர் என்னைத் தும்புத்தடியால் தாக்குகிறார்’ என மகள் இறுதியாகக் கூறினார். அவர் சிறிய பிள்ளை; தாக்க வேண்டாமெனக் கூறுங்கள் என்று மெடத்திடம் (ரிஷாட்டின் மனைவியிடம்) கூறினேன். மகளே ஏதேனும் செய்திருப்பார் எனக் கூறுவதாக இருந்தால், அந்தவீட்டில் ஏதோ நடந்துள்ளது...” என்று ஹிஸாலினியின்  பெற்றோர் கூறியிருக்கின்றனர்.
      ரிஷாட் பதியுதீனின் வீட்டில், சிறுமி ஹிஸாலினி தாக்கப்பட்டமை தொடர்பில், ரிஷாட்டின் மனைவியிடம் முறையிட்டுள்ளதாக சிறுமியின் பெற்றோர் கூறுகின்றனர். அப்படியானால், சிறுமி மீதான வன்முறை தொடர்பில், ஏற்கெனவே அறிந்திருந்த ரிஷாட்டின் மனைவி, அது குறித்து எந்த நடவடிக்கையையாவது எடுத்தாரா? எடுத்திருந்தால், அந்தச் சிறுமியின் மரணம் நிகழாமல் தடுக்கப்பட்டிருக்கும் இல்லையா? என்ற கேள்விகள் நிராகரிக்க முடியாதவை.
      அரசியல் ரீதியான நெருக்கடிகளை, ரிஷாட் பதியுதீன் தற்போது எதிர்கொண்டிருக்கின்றார். சிறுபான்மை இனமொன்றின் தலைவராக அவர் மீதான ஜனநாயக மீறல்களை, சட்டத்துக்கு எதிரான நடவடிக்கைகளை எதிர்ப்பதும், போராடுவதும் அனைவரதும் கடமை. 
      அதேபோல, அவரது வீட்டுக்குள் சிறுமி ஒருவருக்கு எதிராக நிகழ்த்தப்பட்ட வன்முறைகள் தொடர்பிலும், மரணத்துக்கான உண்மையான காரணங்களைக் கண்டறிவதும் அவசியமானது. அதனை, எந்தக் காரணம் கொண்டும் தவிர்த்துவிட முடியாது. அப்படியான நிகழ்வுகளுக்கு அல்லது பொய் பித்தலாட்டங்களுக்கு யாராவது துணை போகிறார்கள் என்றால், அவர்கள் சிறுமியின் மரணத்தின் பங்காளிகளாவார்கள். 
      இன்றைக்கு நாட்டின் பிரதான எதிர்க்கட்சியாக இருக்கும் ஐக்கிய மக்கள் சக்தியோ, அதன் பங்காளிகளோ சிறுமி ஹிஸாலினியின் மரணம் தொடர்பில் பெரிதாக அலட்டிக்கொள்ளவில்லை. அந்தக் கட்சியின் பாராளுமன்ற உறுப்பினரான முஜிபூர் ரஹ்மான், சிறுமியின் மரணத்தை ரிஷாட்டுக்கு எதிரான சதி வலை எனும் நோக்கில் பேசுகிறார். 
      இந்த மரணத்தை வைத்து, அரசாங்கமோ, வேறு எந்தத் தரப்போ தனிப்பட்ட நலன்களை அடைய முயற்சிக்கலாம். அதை நிராகரிக்க முடியாது. ஆனால், அதற்காக சிறுமியின் மரணத்தை அப்படியே விட்டுவிட்டு நகர முடியாது. அது, தொடர்ச்சியாக இவ்வாறான மரணங்களை ஊக்குவிக்கும் நடவடிக்கையாகும்.
      பெண்கள், குழந்தைகள் ஆகியோருக்கு எதிரான வீட்டு வன்முறையை, வாழ்வின் ஓர் அம்சமாகவே இலங்கை போன்ற நாடுகள் கொண்டு சுமக்கின்றன. எவ்வளவு சட்டங்களை இயற்றினாலும், வீட்டு வன்முறைகளை, பாரம்பரிய நெறியாகக் கருதி முன்னெடுக்கின்றவர்கள் இன்னமும் ஏராளம் பேர் உண்டு. தன்னுடைய மனைவி, பிள்ளைகள் மீதே இவ்வாறான வன்முறைகளைப் புரிபவர்களை தண்டிக்காத சமூக மனநிலை, வீட்டுப் பணிப்பெண்கள் மீதான வன்முறைகளை எவ்வாறு கண்டுகொள்ளும் என்பது மேலான கேள்வியாகும்?
      பெரிய வசதி வாய்ப்புகளுக்காக வீட்டுப் பணிப்பெண்களாக யாரும் செல்வதில்லை. வறுமையும் பசி நெருக்கடியும் இவ்வாறான பணிகளை நோக்கி, பெண்களைத் தள்ளுகின்றன. 
      வேலைக்குச் செல்லும் இடங்களில் ஒழுங்கான தங்குமிடம், உணவு, ஊதியம் இன்றி, சமயலறை, குளியலறை ஓரங்களில் படுத்துறங்கி உழைக்கும் ஆயிரக்கணக்கான சிறுமிகளும் பெண்களும், ஹிஸாலினி எதிர்கொண்டது மாதிரியான வன்முறைகளை நாளாந்தம் எதிர்கொள்கிறார்கள். 
      இலங்கையில் வீட்டுப் பணிப்பெண்களின் மரணங்கள் அடிக்கடி பதிவாகின்றன. மாடியில் இருந்து குதித்து இறந்தவர்களாக, திருட்டை மறைப்பதற்காக தற்கொலை செய்தவர்களாக என்று அந்த உயிரிழப்புகள் சட்டத்தின் முன்னால் கட்டப்பட்டு அல்லது, பெரும் பணத்தின் முன்னால் ஒன்றுமில்லாமல் ஆக்கப்பட்டுமிருக்கின்றன.
      சிறுமி ஹிஸாலினியின் மரணத்தையும் அவ்வாறான ஒழுங்கொன்றின் ஊடாகக் கடந்துவிட முடியும் என்று ரிஷாட் பதியுதீனின் தரப்பினர் நினைக்கலாம். அவ்வாறான முயற்சியொன்று முன்னெடுக்கப்பட்டு இருப்பதாகப் பாராளுமன்ற உறுப்பினர் மனோ கணேசன் குற்றஞ்சாட்டுகின்றார். 
      அதனாலேயே, சிறுமியின் மரணத்தை விசாரிக்கும் பொலிஸ் அதிகாரியின் நடவடிக்கைகள் மீது சந்தேகம் எழுப்பியிருக்கின்றார்.
      அதிக தருணங்களில் வலியவர்களின் நீதி, அதிகாரத்தாலும் பணத்தாலும் வரையறுக்கப்படுகின்றன. அது, எளியோரை ஒரு பொருட்டாகவே மதிப்பதில்லை. 
      இன்றைக்கு, சிறுமி ஹிஸாலினியின் மரணத்தை முறையாக விசாரித்து, குற்றவாளிகள் தண்டிக்கப்படுவதைத் தடுக்க முயற்சிக்கும் அனைத்துத் தரப்பினரும் வலியோருக்கான ஏவல் அடிமைகளே ஆவார்.
       
      https://www.tamilmirror.lk/சிறப்பு-கட்டுரைகள்/சிறுமியை-தீயில்-தள்ளிய-கொடுங்கரங்கள்/91-277018
    • By கிருபன்
      சீனாவை மகிழ்விக்கும் ராஜபக்‌ஷர்கள்

      புருஜோத்தமன் தங்கமயில்
      சீனாவை ஆளும் கம்யூனிஸ்ட் கட்சியின் நூறாவது ஆண்டு நிறைவை முன்னிட்டு, இலங்கையில் புதிய 1,000 ரூபாய் நாணயக் குற்றி, செவ்வாய்க்கிழமை (ஜூலை 06) வெளியிடப்பட்டது.   

      சர்வதேச ரீதியில், நாடுகளுக்கு இடையிலான இராஜதந்திர உறவை மேம்படுத்தும் நோக்கில், இன்னொரு நாட்டின் பெருமையான விடயங்கள் குறித்து, மற்றொரு நாடு, தன்னுடைய கௌரவங்களை வெளிப்படுத்துவது உண்டு.   
      ஆனால், ஒரு நாட்டை ஆளும் கட்சியொன்றைக் கௌரவப்படுத்தும் நோக்கில், இன்னொரு நாட்டில் நாணயக் குற்றி வெளியிடப்படுவது ஆச்சரியமானது. ஏனெனில், இராஜதந்திர உறவு அல்லது, வெளிநாட்டு உறவு என்பது, அரசுகளுக்கு இடையிலான ஒன்றாகவே பார்க்கப்பட்டு வந்திருக்கின்றது. கட்சிகள், அமைப்புகள் உள்ளிட்ட கட்டமைப்புகளுடன், இன்னொரு நாடு உறவைப் பேணினாலும், அதைப் பெரிய கௌரவமாக வெளிப்படுத்துவது, அரசுகளின் நெறியல்ல.  ஆனால், சீனக் கம்யூனிஸ்ட் கட்சியைக் கௌரவப்படுத்துவதற்காக நாணயக் குற்றி வெளியிட்டதன் மூலம், இலங்கை அரசு அதைச் செய்திருக்கின்றது.  
      பல நாடுகளும், நாணயங்களில் தங்களது தலைவர்களது படங்களைப் பொறிப்பதுண்டு. இந்திய ரூபாய்களில் காந்தியின் படம் இருக்கும். மன்னராட்சி அல்லது, அதையொத்த ஆட்சி முறையைக் கொண்ட நாடுகள், ஆட்சியிலுள்ள தலைவர்களின் படங்களையே பொறித்திருக்கின்றன. அவ்வாறானதொரு நிலையை, முள்ளிவாய்க்கால் மோதல்கள் முடிவுக்கு வந்த தருணத்தில், அப்போதைய மஹிந்த ராஜபக்‌ஷ அரசாங்கமும் செயற்படுத்தியது.   
      நீல வண்ணத்தில், மஹிந்த ராஜபக்‌ஷவின் படத்துடன் ஆயிரம் ரூபாய் பணத்தாள் வெளியிடப்பட்டது. அது, நாட்டு மக்கள் மத்தியில் ஒருவித எரிச்சலை உண்டாக்கியது. அதாவது, தங்களது உழைப்பைக் கொட்டி ஊதியமாகவோ, வருமானமாகவோ பெறும் பணத்தில், அரசியல் தலைவர் ஒருவர் அத்துமீறி அமர்ந்திருப்பது மாதிரியான உணர்வை, மக்களிடம் ஏற்படுத்தியது.   
      தேசத் தந்தையாக பார்க்கப்படும் மறைந்த தலைவர் ஒருவரது படம், பணத்தாள்களில் அச்சிடப்பட்டு இருப்பதற்கும், ஆட்சியிலுள்ள தலைவர் ஒருவர் பணத்தாள்களில் படமாக வலம் வருவதற்குமான வித்தியாசம் பெரியளவானது.   
      மஹிந்தவின் படத்தைத் தாங்கிய பணத்தாள்கள், மன்னராட்சிக்குரிய அம்சங்களில் ஒன்றாகப் பார்க்கப்பட்டது. ராஜபக்‌ஷர்கள் தோற்கடிக்கப்பட்ட 2015ஆம் ஆண்டுக்குப் பின்னரான காலப்பகுதியில், மஹிந்தவின் படத்தைத் தாங்கிய ஆயிரம் ரூபாய் பணத்தாள்கள், மெல்ல மெல்ல காணாமற்போயின. அது, வங்கிகளுக்கு ஊடாக, அரசாங்கத்தால் மீளப்பெறப்பட்டு இருக்கலாம். வெளிப்படையாக எந்த அறிவித்தலும் விடுக்கப்பட்டு இருக்கவில்லை. ஆனாலும் இன்றைக்கு அந்தப் பணத்தாள்கள், பாரியளவில் புளக்கத்தில் இல்லை.  

      தென் இலங்கையால், பிரிவினையைத் தோற்கடித்த தலைவராக, பௌத்த சிங்களத்தின் தலைவராக, துட்டகைமுனுவின் வாரிசாகப் பார்க்கப்பட்ட மஹிந்த ராஜபக்‌ஷவின் படம் அச்சிடப்பட்ட பணத்தாள்கள் மீதான அதிருப்தியே, பலமாக இருந்திருக்கின்றது. அப்படியான நிலையில், சீனாவை ஆளும் கட்சியொன்றுக்காக, நாணயக்குற்றியை வெளியிடுவது என்பது, ஏற்படுத்தும் அதிருப்திகள் சொல்ல முடியாதவை. தென் இலங்கையில் ராஜபக்‌ஷர்கள் மீதான அதிருப்தி, என்றும் இல்லாதளவுக்கு அதிகரித்து இருக்கின்றது.   குறிப்பாக, நாட்டைச் சீனாவிடம் ஒட்டுமொத்தமாக அடகுவைக்கும் நிலைக்கு தற்போதைய ஆட்சியாளர்கள் கொண்டு சென்றுவிட்டார்கள் என்பது, அதற்கான காரணமாகும்.  
      வீதி அபிவிருத்திப் பணிகள், பாரிய கட்டட கட்டுமானப் பணிகள், குளங்கள் அபிவிருத்திப் பணிகள், கடலட்டை பிடிப்பு தொடங்கி, நாட்டின் அனைத்து தொழிற்றுறைக்குள்ளும் சீனா நுழைந்துவிட்டது.   
      நாட்டில் வேலையில்லாப் பட்டதாரிகளின் போராட்டம் என்பது, தொடர் கதையானது. ஒவ்வொரு தேர்தல் காலத்திலும் ஆட்சிக்கு வரத் துடிக்கும் கட்சிகள், வேலையில்லாப் பட்டதாரிகளுக்கான வாக்குறுதிகளைத் தேர்தல் அறிக்கையின் ஒரு சரத்தாகவே பேணுவதுண்டு.   
      கடந்த ஜனாதிபதித் தேர்தலில், கோட்டாபய ராஜபக்‌ஷவும் ஸ்ரீ லங்கா பொதுஜன பெரமுனவும் கூட, வேலையில்லாப் பட்டதாரிகளுக்கான வாக்குறுதிகளை வழங்கி இருக்கின்றன. குறிப்பாக, ஒரு இலட்சம் இளைஞர் யுவதிகளுக்கு வேலை வாய்ப்பு என்கிற விடயத்தை முன்வைத்திருந்தன.    
      ஆனால், அப்படியான வேலை வாய்ப்புகளை ஏற்படுத்திக் கொடுக்கும் அளவுக்கு, அரசாங்கத்திடம் திட்டங்கள் ஏதும் இல்லை. ஏற்கெனவே முறையான திட்டங்கள் இன்றி, தேர்தல் நோக்கங்களுக்காக அரச பணியில் இணைக்கப்பட்ட இலட்சக்கணக்கானவர்கள் இருக்கிறர்கள். அவர்களுக்கான பணி, அதன் பொறுப்புப் பற்றியெல்லாம் எந்த வரையறையும் இல்லை. பலரும் பிரதேச செயலகங்கள், மாவட்டச் செயலகங்கள் உள்ளிட்ட அரச செயலகங்களில் பணியாளராக இணைக்கப்பட்டு இருக்கிறார்களே அன்றி, அவர்களுக்கான உண்மையான பணி என்ன என்பது குறித்த தெளிவு இல்லை.   

      மஹிந்த ராஜபக்‌ஷவின் ஆட்சிக் காலத்தில், அபிவிருத்தி உத்தியோகத்தர்கள் என்ற பெயரில் இணைக்கப்பட்ட ஆயிரக்கணக்கானவர்களின் நிலை, அதற்கு நல்ல உதாரணமாகும். அத்தோடு, தேவைக்கு அதிகமாக பணியாளர்களை அரச சேவையில் இணைத்துவிட்டு, அவர்களுக்கு ஊதியம் வழங்குவதற்காகவும் வெளிநாடுகளிடம் கையேந்தும் நிலையும் ஏற்பட்டிருக்கின்றது.   
      இப்படியான நிலையில், ஆக்கபூர்வமான வேலை வாய்ப்புகளின் பக்கம், இளைஞர் யுவதிகளைத் திருப்பாது, அந்த இடங்களில் வெளிநாட்டுப் பிரஜைகளைப் பணிக்கு அமர்த்திவிட்டு, சொந்த நாட்டு இளைஞர்களின் திறன்களை மழுங்கடிக்கும் வேலைகளை அரசாங்கம் செய்கின்றது.   
      நாட்டுக்குள் ஆயிரக்கணக்கான சீனப் பிரஜைகள் கட்டுமானப் பணியாளர்களாக, பொறியியலாளராக, ஒப்பந்தக்காரர்களாகப் பணியாற்றுகிறார்கள். அவர்கள் தொடர்பில், எவ்வாறான நெறிமுறைகளை அரசாங்கம் பேணுகின்றது என்ற தெளிவும் இல்லை. இந்நிலையில், தென் இலங்கையில், அரசாங்கத்துக்கு எதிரான அதிருப்தி பாரியளவில் எழுந்திருக்கின்றது. இக்கட்டத்தில்தான், சீனாவை ஆளும் கட்சியைக் கௌரவப்படுத்துவதற்காக நாணயமும் வெளியிடப்பட்டு இருக்கின்றது.  
      முப்பது ஆண்டுகளுக்கும் மேலாக யுத்தம் இடம்பெற்ற நாடு என்ற போதிலும், இலங்கை கடந்த ஆண்டு வரையில், மத்திய தர வருமானமுள்ள அபிவிருத்தி அடைந்து வரும் நாடாகவே கணிக்கப்பட்டது. ஆனால், இந்த ஆண்டு, அந்த இடத்திலிருந்து கீழிறக்கி, மிகவும் பின்தங்கிய மத்தியதர வருமானமுள்ள நாடாக இலங்கை தரப்படுத்தப்பட்டுள்ளது.  
      நாட்டின் வருமானம் என்பது, தொடர்ச்சியாக வீழ்ச்சியடையும் நிலையில், மக்களின் வாழ்க்கைத்தரம் மோசமாகி வருகின்றது. அதுவும், கொரோனா வைரஸ் பெருந்தொற்றால், வாழ்வாதாரச் சிக்கல்களோடு இருக்கின்ற மக்கள் மீது, பொருளாதாரக் கட்டுப்பாடுகள், வரிச்சுமைகள் பாரியளவில் ஏற்றி வைக்கப்படுகின்றன. நீண்டகாலத் திட்டங்கள் ஏதுமின்றி, பொருளாதாரக் கட்டமைப்பொன்றை தற்போதைய அரசு பேணுவதாலேயே, இவ்வாறான நிலை ஏற்பட்டு இருக்கின்றது.   
      இன்றைய அரசாங்கம், இந்த மாதம், இந்தக் கால எல்லைக்குள் இவ்வளவு பில்லியன் டொலர் மீளச் செலுத்தப்பட வேண்டிய கடன்கள் அல்லது அதற்கான வட்டி என்பதைச் சிந்தித்து, நாட்டின் பொருளாதாரத் திட்டங்களை வகுக்கின்றது. கடனை ஒரு தரப்பிடம் இருந்து வாங்கும் போது, அதை மீளச் செலுத்துவதற்கான வருமானத்தை எங்கிருந்து பெற்றுக்கொள்ளப் போகிறோம் என்ற சிந்தை, இலங்கையை ஆண்ட எந்த அரசாங்கத்துக்கும் இல்லை.   
      அதனாலேயே, ஒரு தரப்பிடம் வாங்கிய கடனைசச் செலுத்துவற்காக, இன்னொரு தரப்பிடம் கடன் வாங்கும் நிலை ஏற்பட்டு இருக்கின்றது. அமெரிக்க டொலர் ஒன்றுக்கு எதிரான, இன்றைய இலங்கை ரூபாயின் பெறுமதி 220 ரூபாய்கள் அளவில் இருக்கும் என்று கருதப்படுகின்றது. கடந்த இரு வாரங்களாக, டொலரின் பெறுமதி தொடர்பிலான வெளிப்படைத் தன்மையை இலங்கை மத்திய வங்கி வெளிப்படுத்தவில்லை. இவ்வாறான நிலைகளால், வாங்கிய கடன்களுக்காக, நாட்டை மெல்ல மெல்ல வெளிநாடுகளுக்கு எழுதிக் கொடுத்து வருகின்றார்கள்.  
      குறிப்பாக, இலங்கை சில தசாப்த காலங்களுக்குள், மீளச் செலுத்த முடியாத அளவு கடன்களை, சீனாவிடம் பெற்றிருக்கின்றது. அப்படியான நிலையில், கடன் கொடுத்தவர்கள் எஜமானர்களாவது இயல்பானது. அந்த எஜமானர்களை மகிழ்விப்பதற்காக, எந்த வேலையையும் செய்யும் நிலைக்கு, கடனாளிகள் செல்வார்கள். சீனக் கம்யூனிஸ்ட் கட்சியைக் கௌரவித்து வெளியிடப்பட்ட நாணயக்குற்றியும் அதன் ஓர் அம்சமேயாகும். 
       
       
      https://www.tamilmirror.lk/சிறப்பு-கட்டுரைகள்/சீனாவை-மகிழ்விக்கும்-ராஜபக்-ஷர்கள்/91-275978
    • By கிருபன்
      ராஜபக்‌ஷர்களின் ஆட்சியில் திவாலாகும் நாடு
      புருஜோத்தமன் தங்கமயில்
      ராஜபக்‌ஷர்கள் மீண்டும் ஆட்சி பீடமேறி, ஒன்றரை ஆண்டுகளுக்கு உள்ளேயே, நாடு திவாலாகும் கட்டத்தை அடைந்திருக்கின்றது. 
      ஏற்கெனவே பெறப்பட்ட கடன்களுக்கான வட்டிகளைச் செலுத்துவதற்கே, கடன்களைப் பெற வேண்டிய நிலை; உணவுப் பொருட்களின் இருப்பு அபாயக்கட்டத்தை அடைந்திருக்கின்றது; ஜி.எஸ்.பி பிளஸ் வரிச்சலுகையை ஐரோப்பிய ஒன்றியம் மீண்டும் வழங்குமா என்ற சந்தேகம் நீடிக்கின்றது; உள்நாட்டு உற்பத்தி பாரிய வீழ்ச்சியைச் சந்தித்து இருக்கின்றது; விவசாயிகள் உரத்துக்காகப் போராடிக் கொண்டிருக்கிறார்கள். 
      இன்னொரு பக்கம், கறுப்புச் சந்தை பெரியளவில் விரிந்திருக்கின்றது. அங்கு ஒரு சில பண முதலைகளுக்கான வசதி வாய்ப்புகள் தங்கு தடையின்றி ஏற்படுத்திக் கொடுக்கப்பட்டிருகின்றன. மக்களின் வியர்வையை மெல்ல மெல்ல உறிஞ்சி முடித்து, இப்போது இரத்தத்தையும் உறிஞ்சும் வேலைகளை ஆரம்பித்து இருக்கிறார்கள்.
      நாட்டின் தேசிய வீரர்களாக, பாதுகாவலர்களாக முன்னிறுத்தப்பட்டே ராஜபக்‌ஷர்கள் மீண்டும் ஆட்சியில் அமர்த்தப்பட்டார்கள். அவர்களை ஆட்சியில் அமர்த்துவதற்காக, பௌத்த விகாரைகளுக்குள் இருந்து பிரசாரங்கள் முன்னெடுக்கப்பட்டன.  தென் இலங்கையின் சமூகக் கட்டமைப்பின் ஆணி வேர், விகாரைகளுக்குள் இருக்கின்ற நிலையில், ராஜபக்‌ஷர்களின் மீள் வருகைக்கான கட்டியத்தை பௌத்த பிக்குகளே தலைமையேற்று மொழிந்தனர். 
      ஆனால், அந்தப் பிக்குகளே ராஜபக்‌ஷர்கள் ஆட்சியில் அமர்ந்த குறுகிய காலத்துக்குள்ளேயே அவர்களுக்கு எதிராகத் திரும்பி இருக்கிறார்கள். மூன்றில் இரண்டு பெரும்பான்மையை அண்மித்த வெற்றியைப் பொதுத் தேர்தலில் பெற்று, தங்களுக்கு வேண்டிய அனைத்துச் சட்டத் திருத்தங்களையும் ராஜபக்‌ஷர்கள் குறுகிய காலத்துக்குள்ளேயே செய்தார்கள். 
      ஆனால், ஆட்சியை ஒருமைப்படுத்தி முன்நகர்த்துவதற்கான வாய்ப்புகளைப் பயன்படுத்துவது குறித்துச் சிந்திக்க மறந்துவிட்டார்கள். அதனால், அரசாங்கத்தின் பங்காளிகள், அனுதாபிகள், திட்டம் வகுப்பாளர்கள் தொடங்கி அனைத்துத் தரப்பினரும் ராஜபக்‌ஷர்கள் மீது அதிருப்தியில் இருக்கிறார்கள்.
      ராஜபக்‌ஷர்களுக்கு எதிராக, தென் இலங்கை தற்போது வெளிப்படுத்தியுள்ள அதிருப்தியின் அளவை, எந்தக் காலத்திலும் வெளிப்படுத்தியது இல்லை. 2015ஆம் ஆண்டு ஜனாதிபதித் தேர்தலில் மஹிந்த ராஜபக்‌ஷ தோற்கடிக்கப்பட்ட தருணத்திலும் கூட, தென் இலங்கை மக்கள் தற்போதுள்ள அதிருப்தியின் அளவை வெளிப்படுத்தி இருக்கவில்லை. 
      ஆனால், இன்றைக்கு ராஜபக்‌ஷர்களின் நிலை என்பது, அபாயத்துக்குரிய கட்டத்தை அடைந்திருக்கின்றது. குறைந்தது பத்து ஆண்டுகளுக்கான ஆட்சியில் இருக்க வேண்டும் என்கிற திட்டத்தோடு 2019இல் ஆட்சி பீடமேறிய ராஜபக்‌ஷர்களுக்கு முதல் ஐந்து ஆண்டுகளையே பிரச்சினைகள் இன்றிக் கடக்க முடியுமா என்ற சிக்கல் ஏற்பட்டிருக்கின்றது. 
      அண்மையில், எரிபொருள் விலையேற்றத்தை எதிர்த்து ஆளுங்கட்சியின் பிரதான கட்சியான பொதுஜன பெரமுனவே கண்டன அறிக்கை வெளியிடும் நிலை ஏற்பட்டிருக்கின்றது. பொதுஜன பெரமுனவின் தலைவர் மஹிந்த ராஜபக்‌ஷ, அந்தக் கட்சி முன்னிறுத்தி ஜனாதிபதியான கோட்டாய ராஜபக்‌ஷ, அந்தக் கட்சியின் கூட்டணியில் அங்கம் வகித்து மொட்டுச் சின்னத்திலேயே தேர்தலில் வென்ற உதய கம்மன்பில உள்ளிட்டவர்கள் கூடிப்பேசி, முடிவெடுத்து அறிவித்த எரிபொருள் விலையேற்றத்தை, பொதுஜன பெரமுன அறிக்கை ஊடாகக் கண்டிக்கிறது. அதிலும், எரிபொருள் அமைச்சராக கம்மன்பிலவை பதவி விலகுமாறும் கோருகிறது என்றால், ஆளுங்கட்சிக்குள் காணப்படும் குழப்பங்களின் அளவைப் புரிந்து கொள்ள முடியும்.
      பிரதமராக மஹிந்த ராஜபக்‌ஷ பதவி வகிக்கின்ற போதிலும், 20ஆவது திருத்தச் சட்டத்தின் மூலம், அவரின் அதிகாரங்கள் பிடுங்கப்பட்டுவிட்டன. அவ்வாறான நிலையில், ஜனாதிபதி கோட்டாபய ராஜபக்‌ஷவினதும் அவரது இராணுவ செயலணியினதும் திட்டங்களின் படியே நாடு நிர்வகிக்கப்படுகிறது. 
      இங்கு, அமைச்சர்களாக இருந்தாலும் அவர்களின் அதிகாரம் செல்லாக்காசான நிலைதான். அப்படியான நிலையில், பொதுஜன பெரமுனவின் தேசிய அமைப்பாளரான பசில் ராஜபக்‌ஷவை மீண்டும் பாராளுமன்றத்துக்குள் நுழைந்து அமைச்சராகப் பதவியில் அமர்த்தினால், தங்களின் அதிகாரங்களை மீளப்பெற முடியும் என்று பொதுஜன பெரமுனவில் குறிப்பிட்டளவான அரசியல்வாதிகள் நினைக்கிறார்கள். 
      அதன்போக்கில்தான், பசிலின் பாராளுமன்ற பிரவேசத்துக்கான துதிபாடல்களும் ஆராதனைகளும் செய்யப்படுகின்றன. ஆனால், பசில் மீண்டும் அமைச்சரவைக்குள் வந்தால், ஆட்சி அதிகார மையம் இரு துருவங்களாக மாறும்; அது, ஜனாதிபதிக்கு அவ்வளவு இனிப்பானதாக இருக்காது என்று அவரது சகாக்கள் அச்சப்படுகிறார்கள். 
      அத்தோடு, ஆளுங்கட்சியின் பங்காளிக் கட்சிகளுக்கு பசில் மீதான பயம் என்பது நாளுக்கு நாள் அதிகரித்து வருகின்றது. ஏனெனில், தங்களது கட்சிகளை இல்லாதொழித்து, ஒரே கட்சியாகப் பெரமுனவை, பசில் வளர்க்க நினைக்கிறார். அதன்மூலம், பங்காளிக் கட்சிகளின் தலையீடுகள் இன்றி, அடுத்த ஜனாதிபதி வேட்பாளராகத் தன்னை நிலைப்படுத்தலாம் என்பது பசிலின் திட்டம். 
      அதனால்தான், விமல் வீரவன்ச, உதய கம்மன்பில, வாசுதேவ நாணயக்கார உள்ளிட்ட பங்காளிக் கட்சிகளுக்கு எதிரான நிலையை, தன்னுடைய விசுவாசிகளைக் கொண்டு பசில் செய்கிறார். எரிபொருள் விலையேற்றத்துக்கு எதிராக வெளியிடப்பட்ட அறிக்கை, உண்மையில் உதய கம்மன்பிலவை இலக்கு வைத்து வெளியிடப்பட்டது. 
      அண்மையில், விமல் வீரவன்சவின் அமைச்சின் கீழிருந்த அரச நிறுவனமொன்று, அவரிடமிருந்து மஹிந்த அமரவீரவின் அமைச்சுக்கு மாற்றப்பட்டது. அது தொடர்பில், அவருக்கு எந்தவித முன்னறிவிப்பும் விடுக்கவில்லை. அது குறித்து, விமல் வீரவன்ச ‘பேஸ்புக்’கில் புலம்பும் அளவுக்கு அரசாங்கத்தின் உள்குளறுபடிகள் இருக்கின்றன.
      இன்னொரு பக்கம், ராஜபக்‌ஷர்களின் பிரசார பீரங்கிகளாக இருந்த ஊடகங்கள் கூட, இன்றைக்கு எதிரான நிலையெடுத்து விமர்சிக்கத் தொடங்கிவிட்டன. ராஜபக்‌ஷர்களின் வருகை, நாட்டில் தேனையும் பாலையும் ஓட வைக்கும் என்று 24 மணி நேரமும் ஓதிக்கொண்டிருந்த சம்பந்தப்பட்ட ஊடகங்கள், அரசாங்கத்தின் மீதான மக்களின் அதிருப்தியைச் சமாளிக்க முடியாமல், அதனை மெல்ல மெல்ல வெளிப்படுத்த ஆரம்பித்துவிட்டன. 
      கொரோனா பெருந்தொற்று, நாட்டு மக்களை அனைத்து விதத்திலும் பாதித்துவிட்டது. வருமானம் என்பது வெகுவாகக் குறைந்துவிட்டது. மக்கள் அடக்குக்கடைகளை நோக்கிச் செல்வது வாடிக்கையாகி விட்டது. நகை நட்டுகள் இல்லாத மக்களின் நிலை, இன்னும் மோசம்.
      அப்படியான நிலையில், நாட்டு மக்களுக்கு உரையாற்றுவதாகக் கூறிக் கொண்டு, பௌத்த விகாரையின் பின்னணியில், ஒரு மணித்தியாலத்துக்கு மேலாகக் கடந்த கால ஆட்சிகளைக் குறைகூறி, மக்களை எரிச்சலூட்டுகிறார் ஜனாதிபதி. நாடு மீளமுடியாத பொருளாதார அபாயத்தின் இருக்கும் போது, அது குறித்துச் சிந்திக்காமல், மீண்டும் மீண்டும் தங்களின் அனைத்துத் தோல்விகளையும் கடந்த கால ஆட்சியாளர்கள் மீது போட்டுவிட்டு நழுவிவிட முடியும் என்பது, எவ்வளவு அபத்தமானது. 
      அதிலும் நகைப்புக்குரியது என்னவென்றால், நல்லாட்சிக் காலம் என்கிற ஐந்து வருடங்களுக்கு முன்னாலுள்ள பத்து ஆண்டுகளையும் இதே ராஜபக்‌ஷர்கள்தான் ஆட்சி செலுத்தினார்கள். ஆனால், அதையெல்லாம் மறந்து நின்று, நாட்டின் அனைத்துப் பிரச்சினைகளுக்கும் நல்லாட்சிக் காலம் மட்டுமே காரணம் எனும் தோரணை, ‘எதைத் தின்றால் பித்தம் தெளியும்’ என்ற நிலைக்கு ஒப்பானது.
      ராஜபக்‌ஷர்கள் தொடர்ச்சியாக, போர் வெற்றி வாதத்தைத் தங்களது பிரதான காப்புக் கருவியாக கையில் ஏந்தி இருக்கின்றார்கள். இப்போதும் அதையே தூக்கிக் கொண்டு வருகிறார்கள். 
      ஆனால், மக்களின் வயிற்றின் பசி, நாளுக்கு நாள் அதிகரித்துச் செல்லும் போது, போர் வெற்றி வாதம் ஒரு பொருட்டுக்கும் உதவாது என்பது ராஜபக்‌ஷர்களுக்கு விளங்கவில்லை. நாட்டின் எதிர்காலம் குறித்த எந்தக் கரிசனையும் இன்றி, தங்களின் குடும்பங்கள், எதிர்கால ஆட்சிக்கான திட்டங்களை மாத்திரமே வைத்துக் கொண்டு, ராஜபக்‌ஷர்கள் முன்நகர்த்து கொண்டிருக்கிறார்கள். மற்றப்படி, அரசாங்கத்துக்குள் நிகழும் குளறுபடிகளும் கூட ராஜபக்‌ஷர்களுக்கு இடையிலான அதிகாரப் போட்டியின் போக்கிலானவைதான். 
      ஆனால், நாடும் நாட்டு மக்களும் இவ்வளவு அபாயங்களைச் சந்தித்து நிற்கும் போது, பிரதான எதிர்க்கட்சியோ எந்தவித பொறுப்பும் இன்றி, தூங்கியே காலத்தைக் கழித்து வருகின்றது. அடுத்த தேர்தல் வர, இன்னமும் காலம் இருக்கின்றது. அப்போது விழித்தால் போதும் என்பது அவர்களின் உத்தேசம். அப்படியான நிலையில், நாடு எப்படித் தப்பித்துக் கொள்ளும்?`
       
      https://www.tamilmirror.lk/சிறப்பு-கட்டுரைகள்/ராஜபக்-ஷர்களின்-ஆட்சியில்-திவாலாகும்-நாடு/91-275626
       
       
    • By கிருபன்
      ராஜபக்‌ஷர்கள் மீதான அதிருப்தியும் எதிர்க்கட்சிகளும்
      புருஜோத்தமன் தங்கமயில்   
      ராஜபக்‌ஷர்கள் மீண்டும் ஆட்சிக்கு வந்து, 18 மாதங்களுக்குள்ளேயே தென் இலங்கை மக்களிடம் பெரும் அதிருப்திகளைச் சந்தித்து நிற்கின்றார்கள்.   
      ஜனாதிபதித் தேர்தலில் 69 இலட்சம் வாக்குகளையும் பொதுத் தேர்தலில் மூன்றில் இரண்டு பெரும்பான்மையை அண்மித்த வெற்றியையும் ராஜபக்‌ஷர்கள் பெற்றிருந்தார்கள். அடுத்த பத்து ஆண்டுகளில், அசைத்துப் பார்க்க முடியாத ஆட்சிக் கட்டமைப்பொன்றை, ராஜபக்‌ஷர்கள் நிலைப்படுத்துவார்கள் என்று நம்பப்பட்டது.  
      ஆனால், சில மாதங்களுக்குள்ளேயே ராஜபக்‌ஷர்களுக்கு எதிரான மனநிலை தென் இலங்கையில் எழுந்திருக்கின்றது. கொவிட்-19 பெருந்தொற்றுக் காலத்து நெருக்கடிகள், மக்களைப் பாடாய்படுத்திக் கொண்டிருக்கும் நிலையில், சாதாரண மக்களை மேலும் மேலும் நெருக்கடிக்குள் தள்ளும் முகமான அறிவித்தல்களை, அரசாங்கம் விடுத்திருக்கின்றது.   
      ஆட்சிக்கு வந்த சில காலத்துக்குள்ளேயே உழுந்து, பயறு, மஞ்சள் உள்ளிட்ட அத்தியாவசியப் பொருட்கள் மீதான இறக்குமதிக்கான தடை, எந்தவித முன்னறிவிப்பும் இன்றி விதிக்கப்பட்டது.   
      அண்மைக்காலத்தில் அரிசி, சமையல் எரிவாயு ஆகியவற்றின் விலைகள் அதிகரித்திருக்கின்றன. அரிசியை அடிப்படையாகக் கொண்டதே, இலங்கையர்களின் உணவு முறை. அப்படிப்பட்ட நிலையில், அரிசியின் விலை அதிகரிப்பு என்பது, கட்டுப்படுத்த முடியாத அளவுக்கு அதிகரித்திருக்கின்றது. 
      அதிலும், அரிசிக்கான தட்டுப்பாடு, இடைத்தரகர்கள் உள்ளிட்ட முதலைகளால் செயற்கையாக ஏற்படுத்தப்படுகின்றது. கொரோனா வைரஸ் பரவல் கட்டுப்பாட்டுக் காலத்தில், அரிசிக்கான தட்டுப்பாடு உருவாகி இருக்கின்றது. அதை, சீர்செய்யும் நடவடிக்கைகளை அரசாங்கம் எடுக்கவில்லை.  
      இன்னொரு கட்டத்தில், விவசாய உர இறக்குமதிக்கான கட்டுப்பாடுகளை, எந்தவித முன்னறிவிப்பும் இன்றி, அரசாங்கம் விதித்திருக்கின்றது. இயற்கை உர விவசாய முறைமையை நோக்கி, நாட்டை முன்நகர்த்த வேண்டும் என்று ஜனாதிபதி கோட்டாபாய ராஜபக்‌ஷ கூறியிருக்கின்றார். அதற்காக எந்தவிதமான சவால்களையும் எதிர்கொள்ளத் தயாராக இருக்க வேண்டும் என்றும் அவர் கேட்டுக்கொண்டிருக்கின்றார்.   
      நாட்டின் விவசாயத்தை, இயற்கை உரத்தைப் பயன்படுத்தும் கட்டங்களை நோக்கித் திருப்புவது வரவேற்கக் கூடியதுதான். ஆனால், அதனை ஒரு சில நாள்களில், ஏன் சில வருடங்களில் கூட ஏற்படுத்திவிட முடியாது. அதற்கு நீண்ட காலத் திட்டமிடலுடன் கூடிய முன்னாயத்தமும் வேண்டும். மாறாக, ஒரே நாளில் தீர்மானத்தை எடுத்து அறிவித்துவிடுவதால், விவசாய முறைமையை மாற்ற முடியாது.  
      நாட்டிலுள்ள விவசாயிகள், பெரும்போக விவசாயத்துக்காகத் தங்களைத் தயார்படுத்திக் கொண்டிருக்கின்ற நிலையில், உரத்துக்கான தட்டுப்பாடு ஏற்பட்டிருக்கின்றது. கொரோனா வைரஸ் பரவல் கட்டுப்பாட்டுக் காலத்திலும், உரத்துக்காகக் கடைகளுக்கு முன்னால் ஆயிரக்கணக்கான விவசாயிகள் காத்திருக்கிறார்கள்.   
      சரியான தருணத்தில் உரம் கிடைக்காமையால், வாடிக் கருகிய பயிர்கள் முன்னால் நின்று அழும் விவசாயிகளைக் காண வேண்டியிருக்கின்றது. ராஜபக்‌ஷர்களின் தேர்தல் கால வாக்குறுதிகளில் விவசாயிகளைக் காத்தல், குறிப்பாக, உரமானியங்களின் ஊடாக விவசாயத்துக்குப் புத்துயிர் அளிப்பது என்பன, முக்கியமான வாக்குறுதிகளாக  வழங்கப்பட்டன. ஆனால், சதாரண விவசாயிகளின் எண்ணங்களைப் புரிந்து கொள்ளாமல், மேல் மட்ட சிந்தனைகளின் தீர்மானங்களில் அடிப்படையில் நெருக்கடி ஏற்படுத்தப்படுகின்றது.  
      உணவுப் பொருட்களுக்கான கேள்வி அதிகமிருக்கின்ற நிலையில், நாட்டின் விவசாய முறைமை, இயற்கை வழிமுறையில் மாத்திரம் தங்கியிருக்க முடியாது. அதற்கான தயார்படுத்தல் ஏதும், கடந்த காலத்தில் முன்னெடுக்கப்படவில்லை.   
      அப்படியான நிலையில், மக்களின் மீது நெருக்கடிகளை ஏற்படுத்தாத வகையில் திட்டங்களை வகுத்துச் செயற்படுத்த வேண்டும். ஆனால், அதனை ராஜபக்‌ஷர்களும் அவர்களின் ஆலோசகர்களும் செய்கிறார்கள் இல்லை.   
      கடந்த சில மாதங்களுக்குள்ளேயே, விவசாய அமைச்சின் செயலாளர்கள் இருவர் இராஜினாமாச் செய்திருக்கிறார்கள். அது ஏன் என்று ஆராய்ந்தாலே, அரசாங்கத்தின் முறையற்ற சிந்தனைகள் தெளிவாகத் தெரியும்.  
      கடந்த வாரம், ‘ஷும்’ செயலி மூலமான கலந்துரையாடலொன்றில், ஆளும் கட்சியின் பாராளுமன்ற உறுப்பினரான சுரேன் ராகவன், “ராஜபக்‌ஷ அரசாங்கம், என்றைக்கும் இல்லாதளவுக்கு, தென் இலங்கை மக்களிடம் நம்பிக்கை இழந்திருக்கிறது” என்று கூறினார்.   
      ஆளுங்கட்சியின் தேசிய பட்டியல் பாராளுமன்ற உறுப்பினராகப் பதவி வகிக்கிற ஒருவரால், பொது உரையாடல் தளத்தில், தனக்கு இருக்கின்ற நெருக்கடிகளை எல்லாம் தாண்டி நின்று, தென் இலங்கை மக்களின் எண்ணங்களைப் பிரதிபலிக்க முடிந்திருப்பது என்பது, கவனத்தில் கொள்ளக்கூடியது.  
      நாட்டில் எதிர்க்கட்சி(கள்) எப்போதும் போல, இப்போதும் அமைதியாகவே இருக்கின்றன. நாடு எதிர்கொள்ளும் பிரச்சினைகள் குறித்து எதிர்வினையாற்றுவதற்கு, எதிர்க்கட்சித் தலைவராக சஜித் பிரேமதாஸ, நீண்ட காலத்தை எடுத்துக் கொள்கின்றார்.   
      சிலவேளை, ஒரு பிரச்சினை நடத்து முடிந்து, சில வாரத்துக்குப் பின்னர்தான் அவர், அந்தப் பிரச்சினை குறித்து எதிர்வினையாற்றுகிறார். அரசாங்கத்தின் தவறுகளை, அந்த நொடியிலேயே சுட்டிக்காட்டி, மக்களின் பிரச்சினைக்காகத் தொடர்ச்சியாகச் செயற்படும் எண்ணம் என்பது, எதிர்க்கட்சிகளிடம் காணக்கிடைக்கவில்லை.  
      ராஜபக்‌ஷர்களின் ஆட்சியின் காலம் முடிவதற்கு, இன்னும் மூன்றரை ஆண்டுகள் இருக்கின்றன. அப்படியான நிலையில், பெரிதாக அலட்டிக் கொள்ளத் தேவையில்லை’ எனும் போக்கில், எதிர்க்கட்சியினர் செயற்படுகின்றனர். இன்னொரு தேர்தலொன்று அறிவிக்கப்பட்டால் அன்றி, எதிர்க்கட்சிகளை செயற்பாட்டுத் தளத்துக்குக் கொண்டு வருவது என்பது முடியாத காரியம்.  
      நாடும், நாட்டு மக்களும் எதிர்கொள்ளும் பிரச்சினைகளுக்காகச் சிந்திப்பதற்கான தரப்புகள், நீர்த்துப் போயுள்ள நிலையில், மக்கள் என்ன செய்வதென்று தெரியாது, குழம்பிப் போயிருக்கிறார்கள்.   
      தேர்தல் அரசியலால் ஆட்கொள்ளப்பட்டுவிட்ட மக்களுக்கும், பிரச்சினைகளைத் தேர்தல்கள் மாத்திரமே தீர்க்கும் என்ற எண்ணம் புகுத்தப்பட்டு இருக்கின்றது. அதனால், அவர்களும் தேர்தல்கள் வரும் வரையில், எதிர்கொள்ளும் பிரச்சினைகளுடன் புளுங்கிக் கொண்டிருப்பது வழக்கமாகிவிட்டது.  
      ஆனால், வழக்கத்துக்கு மாறாக, ராஜபக்‌ஷர்கள் ஆட்சியமைத்து சில மாதங்களுக்கு உள்ளேயே, ஆட்சிப் பங்காளிகளுக்கு இடையில் பெரிய குழப்பங்கள் ஏற்பட்டிருக்கின்றன.   
      அதாவது, ராஜபக்‌ஷர்களை மீண்டும் ஆட்சியில் அமர்த்துவதற்காக உழைத்த தரப்புகள், குறிப்பாக பௌத்த அதிகார பீடங்கள், ஊடகங்கள், தென் இலங்கை அடிப்படைவாத சக்திகள், இன்றைக்கு தங்களுக்குள் முரண்படத் தொடங்கிவிட்டன. அமைச்சர்களுக்கு இடையிலான மோதல்கள் ஊடகங்களில் ‘பல்லிளிக்கிறது’. ராஜபக்‌ஷ சகோதர்களுக்கு இடையிலான அதிகார மோதல், ஆளுங்கட்சிக்கு உள்ளேயே குழுக்களை உருவாக்கி இருக்கின்றது.  
      20ஆவது திருத்தச் சட்டத்தை நிறைவேற்றியதன் மூலம், ஆட்சி ரீதியாக பிரதமர் மஹிந்த ராஜபக்‌ஷ செலுத்தி வந்த அதிகாரங்களும் கட்சி ரீதியில் அவர் செலுத்தி வந்த அதிகாரங்களும், சகோதரர்களான கோட்டா, பஷில் ஆகியோரால் பறிக்கப்பட்டிருக்கின்றது. இன்றைக்கு, மஹிந்த ராஜபக்‌ஷ தீர்மானங்களை எடுக்கும் ஒருவர் அல்ல.   
      ஆட்சி அதிகாரம் கோட்டாவிடமும் கட்சி சார் அதிகாரமும் அடுத்த கட்டத் தீர்மானங்களும் பஷிலிடமும் சென்று சேர்ந்துவிட்டன. வழக்கமாக இலங்கையின் அரசியல் ஆட்சி அதிகாரக் கட்டமைப்பு, ஒருவரை மையப்படுத்தியே இருந்திருக்கின்றது. அவ்வாறுதான், ஆளுங்கட்சியும் அதன் பங்காளிகளும் ஒரே புள்ளியில் சுற்றியிருக்கின்றன.   
      கட்சி ஒருவரிடமும், ஆட்சி இன்னொருவரிடமும் இருந்த தருணங்களில் அவை, குழப்பங்களில் முடிந்திருக்கின்றன. ஏனெனில், அவ்வாறானதோர் அரசியல் ஒழுங்கு, இங்கு வளர்த்தெடுக்கப்படவில்லை.   
      அதாவது, கேள்விகளுக்கு அப்பாலான மன்னர் ஆட்சிக் கட்டமைப்பு ஒன்றைப் பேணுவது சார்ந்தே, ஆட்சியாளர்கள் கவனமாக இருந்திருக்கிறார்கள். அதன் விளைவுதான், ஆட்சியும் கட்சியும் இரு வேறு நபர்களிடம் இருக்கும் போது வருவது. இப்போதும், அதுதான் நிலை.  
      ராஜபக்‌ஷர்கள் மீதான அதிருப்தி, நாளுக்கு நாள் அதிகரித்துச் செல்கின்றது. அந்த அதிருப்திக்களுக்கான காரணங்களை, ராஜபக்‌ஷர்களே ஏற்படுத்துகிறார்கள். ஆனால், எதிர்க்கட்சி உள்ளிட்ட ஜனநாயகத்தை உறுதிப்படுத்துவதற்காக உழைக்க வேண்டிய தரப்புகள் எல்லாமும், அமைதியாக உறங்கிக் கொண்டிருக்கின்றன.   
      அவ்வாறான நிலையில், ராஜபக்‌ஷர்கள் மீதான அதிருப்தி, ஒரு கட்டத்தில் மக்களுக்கு பழகிவிடும். அது, இன்னும் இன்னும் மோசமான விளைவுகளை ஏற்படுத்திவிடும்.    
      https://www.tamilmirror.lk/சிறப்பு-கட்டுரைகள்/ராஜபக்-ஷர்கள்-மீதான-அதிருப்தியும்-எதிர்க்கட்சிகளும்/91-273939
       
       
    • By கிருபன்
      சீனாவின் கடன் பொறியில் சிதைந்த ‘கொழும்பு’
      புருஜோத்தமன் தங்கமயில் 
      கொழும்புத் துறைமுக நகர ஆணைக்குழுச் சட்டம், கடந்த வாரம் நடைமுறைக்கு வந்தது.  
      தெற்காசியாவின் பிரதான துறைமுகங்களில் ஒன்றான, கொழும்புத் துறைமுகத்தோடு இணைந்த கடற்பகுதிக்குள் மணலை நிரப்பி, புதிய துறைமுக நகர் உருவாக்கப்பட்டு இருக்கின்றது. 
      கொழும்பு மாவட்டத்தின் ஒரு பகுதியாக துறைமுக நகர், கடந்த நல்லாட்சிக் காலத்தில் இணைக்கப்பட்டாலும், அதன் ஆட்சியுரிமை என்பது, துறைமுக நகர ஆணைக்குழுச் சட்டத்தின் ஊடாக, சீனாவிடம் வழங்கப்பட்டு இருக்கின்றது.  
      நாட்டின் இறைமை, ஒருமைப்பாடு பற்றியெல்லாம், தென் இலங்கையில் கடந்த காலங்களில் பேசிக் கொண்டிருந்த தரப்புகள் எல்லாமும், துறைமுக நகர் விடயத்தில் கிட்டத்தட்ட பேசாமடைந்தைகளாக மாறிவிட்டன.   
      இலங்கை, பௌத்த சிங்களவர்களுக்கானது என்று, மதவாத பேரினவாத சிந்தனைகளைக் கடந்த காலங்களில் கொண்டு சுமந்தவர்கள் எல்லோரும், கொழும்புத் துறைமுக நகர் விடயத்தில், மூச்சைக்கூட விடவில்லை. தமிழ் மக்களின் சமஷ்டிக் கோரிக்கைகளைக்கூட, பிரிவினைவாதமாக முன்னிறுத்தி, அயோக்கியத்தனம் புரிந்தவர்கள், இன்றைக்குத் தனி நாடு ஒன்றுக்கான அதிகாரத்தை, துறைமுக நகருக்கு வழங்கும் போது, வாய்மூடி மௌனிகளாகி விட்டனர். அவர்களின் வாய்களை, எத்தனை மில்லியன் ‘யுவான்’கள் நிறைத்தன என்பது இப்போதைய கேள்வி.  
      பிரித்தானியர்களின் ஆட்சிக் காலத்தில், கொழும்புத் துறைமுகம் மிகவும் திட்டமிட்ட முறையில், தெற்காசியாவின் முதன்மைத் துறைமுகமாக உருவாக்கப்பட்டது. பம்பாய், கொல்கத்தா துறைமுகங்கள் போல, கொழும்புத் துறைமுகத்தின் உட்புற - வெளிப்புற கட்டமைப்புகளும் முதலிடத்தில் பேணப்பட்டன.  
      இன்றைக்கும் கொழும்புத் துறைமுகத்தின் கட்டமைப்பு, பிரித்தானியர்களின் ஆட்சிக் காலத்திலிருந்து பெரியளவில் மாறிவிடவில்லை. கொழும்புத் துறைமுகம், பம்பாய், கொல்கத்தா துறைமுகங்களை விட, அதன் அமைவிடத்தால், எப்போதுமே முதன்மையாக விளங்கி வந்திருக்கின்றது.   
      அதாவது, உலகம் பூராவும் பயணிக்கும் கப்பல்களில், மூன்றில் ஒரு மடங்கு கப்பல்கள் பயணிக்கும் வழித்தடத்தில், கொழும்புத் துறைமுகம் அமைந்திருக்கின்றது. சரக்குகளை ஏற்றி இறக்குதல் மாத்திரமின்றி, கப்பல்களுக்கான எரிபொருள் நிரப்புதல், உணவுக் கொள்வனவு தொடங்கி இன்னோரன்ன தேவைகளுக்காகவும் ஒரு தரிப்பிட மையமாகவும் கொழும்புத் துறைமுகம் விளங்கி வருகின்றது.  
      சிங்கப்பூர் தன்னுடைய பொருளாதாரத்தைப் பல வழிகளில் பெருக்கிக் கொண்டது. ஆனால், அதில் துறைமுகத்தைக் கொண்டு உருவாக்கிய பரிவர்த்தனை மிக முக்கியமானது. கடந்த 50 ஆண்டுகளில், சிங்கப்பூரின் வளர்ச்சியானது அதன் துறைமுகக் கட்டமைப்பில் பெருமளவு தங்கியிருக்கின்றது.   
      பசிபிக் - இந்து சமுத்திர கப்பல் வழித்தடங்களில் கொழும்புத் துறைமுகத்தை மீறி, சிங்கப்பூர் துறைமுகம் தன்னைப் பல மடங்கு வளர்த்துக் கொண்டது. ஆனாலும் கூட, இன்றைக்கும் இந்தியத் துறைமுகங்களை விட வெளிநாட்டுக் கப்பல்களின் போக்குவரத்து என்பது, கொழும்புத் துறைமுகத்துடனே பேணப்பட்டு வருகின்றது.   
      அப்படியான நிலையில், கொழும்புத் துறைமுகத்தின் தேவை என்பது பிராந்திய வல்லரசுகளுக்கு அவசியப்படுவது இயல்பானதுதான். அதாவது, ‘நலிந்தவனிடம் இருக்கும் அனைத்துமே, வலியவனுக்கு உரியது’ என்பது அதர்மத்தின் விதி.   
      அந்த விதியின் தளத்தில் நின்றுகொண்டுதான், சீனாவும் இந்தியாவும் மல்லுக்கட்டின. கொழும்புத் துறைமுகத்தைப் பகுதி பகுதியாகக் கூறுபோடும் வேலைகளைச் செய்தன. அதில், சீனா கிட்டத்தட்ட முழுமையான வெற்றியைப் பெற்றுவிட்டது.  
      கொழும்புத் துறைமுகத்தின் கிழக்கு முனையத்தை இந்தியா கோரிய போது, நல்லாட்சி அரசாங்கம் அதற்கு ஒத்துழைத்தது. ஆனால், அதற்கு எதிராக தென் இலங்கையின் பௌத்த சிங்கள அடிப்படைவாதத் தரப்புகள் தொடங்கி, பல்வேறு தரப்புகளும் பெரும் போராட்டங்களை முன்னெடுத்தன.   
      கிழக்கு முனையத்தை இந்தியாவுக்கு வழங்குவதில்லை என்ற முடிவுக்கு அரசாங்கம் வந்தது. வேணுமென்றால் மேற்கு முனையத்தை இந்தியா பெற்றுக் கொள்ளலாம் என்றவாறாக முன்வைப்புச் செய்யப்பட்டது. 
      கிழக்கு முனையம் விவகாரத்தில் பெரும் போராட்டங்களை முன்னெடுத்த தரப்புகளின் பின்னால், சீனா இருந்தமைக்கான சந்தேகம் வெளியிடப்பட்டது. ஏனெனில், அந்தச் சக்திகள், கொழும்புத் துறைமுக நகர் விடயத்தில் அமைதியாவிட்டன.  
      கொழும்புத் துறைமுக நகருக்கு வழங்கப்பட்டிருக்கின்ற அதிகாரங்கள், கிட்டத்தட்ட தனி நாட்டுக்கு ஒப்பானவை. அப்படியான நிலையில், அங்கு ஆட்சி செலுத்தும் தரப்புகள், தங்களது நலன்களுக்காக அனைத்து வகை ஏற்பாடுகளையும் அங்கு செய்யும். அத்தோடு, தன்னைச் சுற்றியுள்ள கட்டமைப்புகளை உடைப்பது முதல், உளவு பார்ப்பது வரையில் செயற்படும்.   
      இலங்கையின் ஆட்சி நிர்வாகக் கட்டமைப்பு என்பது, கொழும்புக்கு உள்ளேயே சுருக்கப்பட்டிருக்கின்ற நிலையில், அதைக் கண்காணிப்பது, துறைமுக நகரின் ஆட்சித் தரப்புகளுக்கு இலகுவானது. அத்தோடு, கொழும்புத் துறைமுகத்தின் இயக்கத்தை, முழுவதுமாகக் கண்காணித்து, எதிர்காலத்தில் கட்டுப்படுத்தும் தளத்துக்கும் தன்னை முன்னிறுத்தும்.  
      சீனாவின் கடன்பொறிக்குள் இலங்கை முழுவதுமாக விழுந்துவிட்டது. அதிலிருந்து மீள்வது என்பது, அவ்வளவு இலகுவானதல்ல. ஏனெனில், வறிய ஆபிரிக்க நாடுகள் பலவற்றுக்கு, சீனா வழங்கிய கடன்கள் மீளப்பெறும் நோக்கோடு வழங்கப்பட்டவை அல்ல.   
      மாறாக, அந்தக் கடன்களுக்காக அந்த நாடுகளின் வளங்களைச் சுரண்டுவதற்கான முழுமையான அனுமதியைப் பெறும் நோக்கில் வழங்கப்பட்டவை. எத்தியோப்பியா, நைஜீரியா, சம்பியா, அங்கோலா தொடங்கி, பல ஆபிரிக்க நாடுகளிலும் ஆட்சிகள் மாறினாலும், சீனாவின் வளச்சுரண்டலுக்கான அனுமதியில் யாரும் தலையிடுவதில்லை.   
      ஏனெனில், அந்த நாடுகள் சீனாவின் கடன்பொறிக்குள் முழுவதுமாகச் சிக்கிவிட்டவை. கேள்விகளைக் கேட்க முடியாது என்ற நிலையை, சீனா அங்கு பெற்றுவிட்டது. அப்படியான நிலையையே, இலங்கையிலும் சீனா இன்றைக்குச் செய்து கொண்டிருக்கின்றது.  
      கொழும்புத் துறைமுக நகருக்கான தங்கு தடையின்றிய அனுமதியை, ஆணைக்குழு சட்டத்தை நிறைவேற்றிப் பெற்றுக்கொண்டதோடு, கொழும்பின் பிரதான பகுதிகளிலுள்ள அரச நிலங்களையும் கொள்வனவு செய்யும் முனைப்போடு சீனா இயங்கிக் கொண்டிருக்கின்றது. 
      பொலிஸ் தலைமையகம் அமைந்திருக்கின்ற கொழும்பின் மையப்பகுதி தொடங்கி, காலி முகத்திடலை அண்மித்த பல பகுதிகளையும் சீனாவுக்கு 99 வருட குத்தகைக்கு வழங்க அரசாங்கம் முயல்வாக, எதிர்க்கட்சிகள் குற்றஞ்சாட்டுகின்றன.  
       ராஜபக்‌ஷர்களின் முதல் ஆட்சிக் காலத்தில், காலி முகத்திடலுக்கு முன்னால் அமைந்திருந்த இராணுவத் தலைமையகம், அங்கிருந்து கொழும்பின் புற நகருக்கு மாற்றப்பட்டு, அந்தப் பகுதி, சீனாவின் முக்கிய நிறுவனங்களுக்கு வழங்கப்பட்டது. இன்றைக்கு அந்தப் பகுதியில் பிரதான நட்சத்திர விடுதிகள், கடைத் தொகுதிகள் முளைத்திருக்கின்றன. அவ்வாறானதொரு நிலை, கொழும்பின் பல பகுதிகளுக்கும் எதிர்காலத்தில் நேரலாம் என்ற அச்சம் அதிகரித்திருக்கின்றது. இப்படியாக, இலங்கையைச் சீனா கூறுபோட்டுக் கொண்டிருக்கும் நிலையில், ‘அணிலை மரத்தில்  ஏறவிட்ட பூனை’யின் நிலைக்கு இந்தியா வந்திருக்கின்றது.   
      ஒரு காலத்தில், இலங்கையைப் ‘பெரியண்ணன்’ நிலையில் இருந்து இந்தியா கையாண்டிருக்கின்றது. ஆனால், அந்த நிலை இன்று இல்லை. கொழும்பு நிலப்பகுதிகள் மாத்திரமல்ல, கொழும்பு ஆட்சிக் கட்டமைப்பும் சீனாவின் பிடிக்குள் சென்றுவிட்டது.   
      அப்படியான நிலையில், அந்தக் கட்டமைப்புக்குள் ஆளுமை செலுத்துவது, இந்தியாவால் இனி முடியாத காரியம்.  
      கொழும்பை முன்னிறுத்திய சர்வதேச ஆட்டத்தில், பெரும் நிதியைக் கொட்டி, சீனா வெற்றியீட்டி இருக்கின்றது. சீனாவின் வெற்றிக்கு, தென் இலங்கையின் ஆட்சியாளர்கள், பலமாக ஒத்துழைத்து இருக்கிறார்கள். அந்த ஒத்துழைப்பு என்பது, நாட்டின் எதிர்காலத்தைக் குறித்த சிந்தனையோடு வழங்கப்பட்டது அல்ல.
      மாறாக, அவர்களின் தனிப்பட்ட குடும்ப ஆட்சி நலன்களை முன்னிறுத்தி வழங்கப்பட்டவை.  அது, நாட்டைத் தீராத கடன்களுக்குள் சிக்க வைத்துள்ளதுடன், நாட்டு மக்களை பெரும் பொருளாதார சுமைக்குள் தள்ளியிருக்கின்றது.    
       
       
      https://www.tamilmirror.lk/சிறப்பு-கட்டுரைகள்/சீனாவின்-கடன்-பொறியில்-சிதைந்த-கொழும்பு/91-273461
  • Topics

  • Posts

    • @goshan_che கோசான் அண்ணை, நீங்கள் கேட்ட கேள்விகளுக்கான என்னுடைய கண்ணோட்டத்திலான மறுமொழிகள்:-   ஆனால் அமெரிக்கா + இந்தியா கூட்டாக வரும் என்றால் இந்த கூட்டை நாம் புறம் தள்ளுவது சரிதானா? புறம்தள்ளுவது கூடாது என்பது என் கருத்து. நாம் அவனிடம் "எம்மை ஒரு இனமாக, பேந்து தேசிய இனமாக ஏற்றுக்கொள்ளப்பா மோனே" என்று துவங்க வேண்டும். (தேசிய இனமெண்டால் தானே மிச்சத்தைக் கதைக்கலாம். எம்மை ஒரு இனமாகவே 2009 இற்குப் பின் மதிக்காத மேற்குலகில் எடுத்தவுடனே வேண்டியதைக் கேட்டால் 5 ஏக்கர் காணிகூட தர மாட்டான், அரசிற்கு) பேந்து மிச்சத்தை கதைக்கலாம். இந்தக் கூட்டில் நாம் அமெரிக்காக்காரனோடு எமது நிகராளிகளைக்(பிரதிநிதி) கொண்டு கதைக்கலாம், அப்போது அவனோடு வரும் இந்த இந்திய நரிக்கூட்டத்தை முடிந்தளவு விலத்தி தனியே அமெரிக்காக்காரனோடு கதைக்க வேண்டும்; அதுவே நல்லம். அப்போது அவன் இந்தியனோடு ஏதேனும் ஒப்பந்தம் போடச் சொன்னால் முடிந்தளவு வெட்டி ஆடப் பார்க்க வேண்டும்... இந்தியனை நம்பி கதைக்கப்போனால் எம்மினத்தை எங்கேனும் புதைகுழிக்குள் தள்ளி மூடிவிட்டுப் போய்விடுவான். எல்லாம் முடிந்த பிறகு வேதாளம் முருங்கை மரத்தில் ஏறுவது போன்று திரும்ப சிங்களவனோடு ஒட்டிக் கொள்வான். (இந்தியாக்காரனை செத்து ஆவியானாலும் நம்பக்கூடாது. முந்தைய காலங்களின் இவனுடைய படிப்பினைகள் எமக்கு எப்போதும் ஞாபகத்தில் இருக்க வேண்டும். மேற்கண்ட கட்டுரையே கண்முன் சாட்சி. எங்களுக்கு இவ்வளவு பேரழிவுகளையும் ஏற்படுத்திவிட்டு, இப்ப எப்படி அமுசடிக்கிப் பூனை மாதிரி வாரான் எண்டு. கழிசடை நரி அவன்! )     அப்படியாயின் இலங்கை அரசுடன் நேரடியாகவோ சிங்களவன் நேரடியாக எமக்கு தீர்வு தருவான் என்பது இலகு காத்த கிளிக்குச் சமனானது. ஜெனீவா ஒப்பந்தம் ஞாபகம் இருக்குத்தானே...    அல்லது சீனா மூலமோ பேசி எமக்கு ஒரு கெளரவமான தீர்வு வரும் என நம்புகிறீகளா? ம்ம்ம்ம்... சீனாக்காரன் இதுவரையிலும் உலகில் எங்கேனும் சமாதான உடன்படிக்கைக்கு யாருக்கேனும் நடுநிலை வகித்திருக்கானா? நானறிந்த வரை இல்லை. எனவே இக்கேள்விக்கு அவன் எப்படி செயல்படுவான் என்று தெரியாது.   ஊகத்தில்: இதுகால் வரை சிங்களவனோடுதான் கொடுக்கல்வாங்கல் வைத்திருந்தவன். முந்தி இயக்கத்திட்ட கொடுக்கல்வாங்கலிற்கு கேட்ட போது, இயக்கம்,  திருகோணமலையில் அவனுடைய ஆய்வுக் கப்பலை(?) மூழ்கடித்து துரத்தியடித்தது. இப்போது அவன் வடக்கு தெற்கு மேற்கு என்டு மூண்டு திசையிலையும் ஒற்றை அரசாங்கத்தின் கீழ் நிறைய அனுபவிக்கிறான். இந்த நேரத்தில் எமக்கு ஏதேனும் வேணும் எண்டு கேட்கப்போனால் அவன் கண்டிப்பா வரமாட்டான். ஏனெனில் அவனுக்கு வேண்டியதில் 85 வீதம் கிடைத்தாயிற்று, ஒற்றைக்குக்கீழ். அப்ப பிரிச்சு அனுபவிக்கிறதை விட ஒறையாயே அனுபவிப்பதையே எல்லா நாடும் விரும்பும். அப்படிப் பார்க்கும்போது எமக்கு ஏதும் கிடைக்காது என்பது என்ர கருத்து.     இந்தியா தனியே, அமெரிக்கா தனியே என்று வந்தால் அமெரிக்கா பக்கம் சாயலாமா? ஆ.. ஓமோம். சாயலாம். ஏன்னென்டால், அவனுக்கு பிடிக்காதவன் நல்லா காலூண்டிட்டான், அவனுக்கு வேண்டிய இடத்தில். அப்ப அவனுக்கு வேண்டியதை கொடுத்து எமக்கு வேண்டியதை நாம் பெற்றுக்கொள்வோம். தனிய நிண்டு எடுக்க முடியாமல் போயிட்டது. அப்ப இனி கூட்டணி போட்டு முயற்சி செய்வம். அதான் இனி வழி. ஆனால் அதற்கு கதைக்கப்போக, இப்போது ஊரில் இருக்கின்ற சக்கட்டை அரசியல்வாதிகள் இல்லாமல், பாலா மாமா மாதிரியான நல்ல ஞானிகள் போய்க் கதைத்தால் ஏதேனும் இல்லை முழுப் பலாப்பழமும் கிடைக்க வாய்ப்புண்டு.  இவங்களை விட்டால் ஒற்றையாட்சிக்குள் கூட ஒன்டையும் வாங்கிக்கொண்டு வரமாட்டாங்கள்.   1. தனியே அமெரிக்கா பக்கம் சாய்தல் போலாம் 2. தனியே இந்தியா பக்கம் சாய்தல் 🤬⚔ 3. அமெரிக்க + இந்தியா பக்கம் சாய்தல் மேலே சொல்லிப்போட்டன் 4. இலங்கையோடு நேரடியாக பேசல் இலவு காத்த கிளியாக விருப்பமில்லை! 5. சீனா மூலம் இலங்கையையை அணுகல். மேலே சொல்லிப்போட்டன்       இவற்றை விடவும் வேறு தெரிவுகள் உண்டா? அமெரிக்காவோட கதைத்து, எம்மை ஒரு தேசிய இனமாக உலகப்பரப்பில் அறிவித்து, (சம நேரத்தில்) அவனும் ஏதேனும் கேட்டான் எண்டால் அவனையும் கொஞ்சம் கவனித்து(இனி அப்படித்தான் செய்ய வேணும்), அப்படியே ஐநாவோடையும் கதைத்து, வாக்கெடுப்பு நடத்தி, அரிவு வெட்டுவதுதான் என்ட திட்டம்.     அல்லது இவற்றில் உள்ளதில் எது நல்லது? தெரிவு ஒன்று  
    • வன்முறைக்கென வளர்த்தெடுக்கப்பட்டவர்கள்.இவர்களுக்கு சக மனிதரை தாக்குவதை விட வேறென்ன தெரியும்?  நல்லது கெட்டது உணர முடியாத கொடூரர்கள்.
    • மனிதன் என்று இயற்கை தந்த காலநிலையை மாற்ற முயற்சி செய்தானோ அன்று தொடங்கியது இயற்கை அனர்த்தங்கள். சீனாவில் மேக கூட்டங்களை கலைப்பது வழமையான ஒன்றாம். அது போல் ஜேர்மனியிலும் நடக்கின்றதாக கேள்விப்பட்டது. அண்மையில் அமெரிக்காவில் டொனால்ட் ரம்ப் அவர்கள்  சூறாவளி மேக கூட்டங்களை அணுகுண்டு மூலம் நிற்பாட்ட முனைந்த நிகழ்வு அனைவரும் அறிந்ததே.
    • இணைப்புகளுக்கும் முன்னெடுப்புகளுக்கும்  பாராட்டுக்கள் நொச்சி..🙏🏽
    • ஆணமடுவ பிரதேசத்தில், பீ.சீ.ஆர் பரிசோதனை மேற்கொண்ட தாதியை பௌத்த பிக்கு ஒருவர் கொடூரமாக தாக்கியுள்ளார். பீ.சீ.ஆர் பரிசோதனை மேற்கொண்ட போது கடுமையான வலி ஏற்பட்டதாகத் தெரிவித்து, ஆத்திரமுற்ற பௌத்த பிக்கு குறித்த தாதியை கண்ணாடி தட்டினால் தாக்கியுள்ளார். இந்த தாக்குதல் சம்பவத்தில் தாதியின் தலையில் பலத்த காயமம் ஏற்பட்டுள்ளது. சம்பவத்துடன் தொடர்புடைய பௌத்த பிக்குவை பொலிஸார் கைது செய்துள்ளனர். ஆணமடுவ ஆதார வைத்தியசாலையின் கோவிட் சிகிச்சைப் பிரிவில் கடமையாற்றி வரும் தாதியொருவர் இவ்வாறு தாக்குதலுக்கு இலக்காகியுள்ளார். ஆணமடுவ குமாரகம விஹாரையைச் சேர்ந்த பௌத்த பிக்குவே இவ்வாறு தாதியை தாக்கியுள்ளார். தாக்குதலுக்கு இலக்கான தாதியின் தலையில் பலத்த காயம் ஏற்பட்டுள்ளதாக வைத்தியசாலையின் மருத்துவர் பத்மினி அபேரட்ன தெரிவித்துள்ளார். குறித்த தாதி மேலதிக சிகிச்சைக்கா குருணாகல் வைத்தியசாலைக்கு மாற்றப்பட்டுள்ளதாகவும் அவர் குறிப்பிட்டுள்ளார். https://tamilwin.com/article/the-monk-who-brutally-attacked-the-nurse-1627323563
×
×
  • Create New...

Important Information

By using this site, you agree to our Terms of Use.