Jump to content

"அஸ்ட்ராஸெனெகா" தடுப்பூசி ஒப்பந்தங்கள் எதனையும் புதுப்பிக்கப் போவதில்லை: பிரான்ஸ் முடிவு!


Recommended Posts

  • கருத்துக்கள உறவுகள்

அஸ்ட்ராஸெனெகா தடுப்பூசி ஒப்பந்தங்கள் எதனையும் புதுப்பிக்கப் போவதில்லை: பிரான்ஸ் முடிவு!

"அஸ்ட்ராஸெனெகா" தடுப்பூசி ஒப்பந்தங்கள் எதனையும் புதுப்பிக்கப் போவதில்லை: பிரான்ஸ் முடிவு!

பிரித்தானியா- சுவீடன் கொரோனா தடுப்பூசியான அஸ்ட்ராஸெனெகா தடுப்பூசி ஒப்பந்தங்கள் எதனையும் புதுப்பிக்கப் போவதில்லை என பிரான்ஸ் அறிவித்துள்ளது.

நேற்று (ஞாயிற்றுக்கிழமை) நடைபெற்ற ‘ஐரோப்பாவின் எதிர்காலம்’ என்ற மாநாட்டில் இந்த அறிவிப்பினை பிரான்ஸ் ஜனாதிபதி இமானுவல் மக்ரோன் அறிவித்தார்.

இதன்போது அவர் மேலும் கூறுகையில், ‘பிரான்ஸில் நாங்களும், ஐரோப்பாவும் தொடர்ந்தும் அஸ்ராஸெனக்காவை உபயோகிக்க வேண்டும். மிகவும் சிக்கலான காலத்தில் அஸ்ராஸெனக்கா எங்களிற்குப் பெரிதும் உதவியது.

ஆனால், தற்போதுள்ள புதிய பல மரபணுத்திரிபு வைரஸ்களிற்கான சகத்தியுள்ள வேறு கொரோனா தடுப்பூசிகள் உள்ளன. அவற்றை உபயோகிக்க வேண்டிய கட்டாயத்தில் உள்ளோம்’ என கூறினார்.

https://athavannews.com/2021/1214678

Link to post
Share on other sites
  • கருத்துக்கள உறவுகள்

வடக்கு அயர்லாந்தில் அஸ்ட்ராஸெனெகா தடுப்பூசி செலுத்திய ஐந்து பேருக்கு இரத்த உறைவு பதிவு!

வடக்கு அயர்லாந்தில் அஸ்ட்ராஸெனெகா தடுப்பூசி செலுத்திய ஐந்து பேருக்கு இரத்த உறைவு பதிவு!

வடக்கு அயர்லாந்தில் அஸ்ட்ராஸெனெகா கொவிட்-19 தடுப்பூசியுடன் தொடர்புடைய ஐந்து பேருக்கு இரத்த உறைவு ஏற்பட்டுள்ளது.

கடந்த ஏப்ரல் 28ஆம் திகதி வரை தடுப்பூசி வழங்கப்பட்ட மொத்தம் 550,000 பேரிடமிருந்து எடுக்கப்பட்ட தரவுகளின் அடிப்படையில் இந்த விடயம் தெரியவந்துள்ளது.

இந்த எண்ணிக்கை பிரித்தானியாவில் (198) உட்பட இங்கிலாந்தில் இருந்து சந்தேகிக்கப்படும் பிற தொற்று வீதத்தில் உள்ளது. ஸ்கொட்லாந்து (18) வேல்ஸ் (9) மற்றும் தெரியாத (12) இதில் அடங்கும்.

இதுகுறித்து சுகாதாரத் துறை வெளியிட்டுள்ள அறிக்கையில், ‘அஸ்ட்ராஸெனெகா தடுப்பூசி ஏற்கனவே பிரித்தானியாவிலும் உலகெங்கிலும் ஆயிரக்கணக்கான உயிர்களைக் காப்பாற்றியுள்ளது.

ஒக்ஸ்போர்ட்- அஸ்ட்ராஸெனெகா முதல் அளவைத் தொடர்ந்து ஏற்படும் மோசமான எதிர்வினைகள் மிகவும் அரிதானவை.

எம்.எச்.ஆர்.ஏ (மருந்துகள் மற்றும் சுகாதார பொருட்கள் ஒழுங்குமுறை நிறுவனம்) பெரும்பான்மையான மக்களுக்கு, கடுமையான நோய் மற்றும் மரணத்தைத் தடுப்பதன் நன்மைகள் எந்தவொரு ஆபத்துகளையும் விட அதிகமாக இருப்பதை வலியுறுத்துகின்றன’ என தெரிவிக்கப்பட்டுள்ளது.

https://athavannews.com/2021/1214704

Link to post
Share on other sites
  • கருத்துக்கள உறவுகள்

இத்தாலியில் அஸ்ட்ராஸெனெகா- ஜோன்சன் அண்ட் ஜோன்சன் தடுப்பூசிகளை செலுத்திக்கொள்ள வலியுறுத்தல்!

இத்தாலியில் அஸ்ட்ராஸெனெகா- ஜோன்சன் அண்ட் ஜோன்சன் தடுப்பூசிகளை செலுத்திக்கொள்ள வலியுறுத்தல்!

தலைநகர் ரோமை மையமாகக் கொண்ட இத்தாலியின் லாசியோ பிராந்தியம், அஸ்ட்ராஸெனெகா மற்றும் ஜோன்சன் அண்ட் ஜோன்சன் தடுப்பூசிகளை செலுத்திக்கொள்வதற்கான முன்பதிவுகளை மேற்கொள்ளுமாறு மக்களை கேட்டுக்கொண்டுள்ளது.

எனினும், முன்னதாக குறித்த தடுப்பூசிகளை செலுத்திக்கொண்டவர்களுக்கு இரத்த உறைவு ஏற்படுவதாக கூறப்பட்ட குற்றச்சாட்டினால், மக்கள் தடுப்பூசிகளை செலுத்திக்கொள்ள தயக்கம் காட்டுவதாக கூறப்படுகின்றது.

பல ஐரோப்பிய நாடுகளைப் போலவே, இத்தாலியும் கடந்த மார்ச் மாதத்தில் அஸ்ட்ராஸெனெகா தடுப்பூசி பயன்பாட்டை நிறுத்தியது. இதனால் ஜோன்சன் அண்ட் ஜோன்சன் தடுப்பூசிகளின் விநியோகங்களும் தற்காலிகமாக முடக்கப்பட்டன. தற்போது இந்த இரு தடுப்பூசிகளின் பயன்பாடுகளும் மீண்டும் தொடங்கப்பட்டுள்ளன.

இதேவேளை ஐரோப்பிய ஒன்றிய கட்டுப்பாட்டாளர்கள் நன்மைகள் அபாயங்களை விட அதிகமாக இருப்பதாக கூறிய பின்னர் 60 மற்றும் அதற்கு மேற்பட்டவர்களுக்கு இவை பரிந்துரைக்கப்படுகின்றன.

ஃபைசர்- பயோஎன்டெக் (பி.எஃப்.இ.என்) தடுப்பூசிகளுக்கான முன்பதிவு மே இறுதி வரை நிரம்பியிருந்தாலும், சுமார் 100,000 அஸ்ட்ராஸெனெகா மற்றும் ஜே அண்ட் ஜே தடுப்பூசிகள் இன்னும் கிடைக்கின்றன,

‘அனைத்து தடுப்பூசிகளும் பாதுகாப்பானவை மற்றும் பயனுள்ளவை என்பதை நினைவில் கொள்க’ என்று பிராந்திய கொரோனா வைரஸ் நெருக்கடி பிரிவின் அறிக்கை தெரிவித்துள்ளது.

https://athavannews.com/2021/1215171

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

By using this site, you agree to our Terms of Use.