அண்மையில் மறைந்த திரைப் பிரபலங்கள்

[nunavilan]

அண்மையில் மறைந்த திரைப் பிரபலங்கள்

 

 

அண்மைக்காலமாக தமிழ் திரையுலகச் சேர்ந்த கலைஞர்கள் அடுத்தடுத்து உயிரிழந்து வருவது ரசிகர்கள் மத்தியில் அதிர்ச்சியையும் சோகத்தையும் ஏற்படுத்தியுள்ளது.

அந்தவகையில்  2021 ஆம் ஆண்டு  நாம் இழந்த திரையுலக நட்சத்திரங்களின் பட்டியலை இங்கு காணலாம்.

இயக்குனர் எஸ்பி.ஜனநாதன் 

http://static2.tamilmirror.lk/assets/uploads/image_fe3a3d52e0.jpg

தமிழ் திரையுலகில் "இயற்கை" படத்தில் அடியெடுத்து வைத்து, பேராண்மை, பொதுவுடைமை என சமூக கருத்துகளை வலுவாக பேசியவர் இயக்குனர் எஸ்பி.ஜனநாதன். இவர் கடந்த மார்ச் மாதம் 14ஆம் திகதி மூளையில் ஏற்பட்ட கசிவினால்  உயிரிழந்தார்.

நடிகர் விவேக்

http://static2.tamilmirror.lk/assets/uploads/image_84d4314cb5.jpg

சின்னக்கலைவாணர் என ரசிகர்களால் கொண்டாடப்பட்ட 59 வயதான நடிகர்  விவேக்கின் மறைவு திரைத்துறையினரை மட்டுமின்றி பொதுமக்களிடையேயும் கலக்கத்தையும், அச்சத்தையும் ஏற்படுத்தியது. 

கொரோனா தடுப்பூசி எடுத்துக்கொண்ட அடுத்தநாளான ஏப்ரல் 17ஆம் திகதி விவேக்குக்கு மாரடைப்பு ஏற்பட்டு உயிர் பிரிந்தது என்பது குறிப்பிடத்தக்கது.

எழுத்தாளர் தாமிரா

http://static2.tamilmirror.lk/assets/uploads/image_7801b6444e.jpg

இரட்டைசுழி திரைப்படத்தில் அறிமுகமான எழுத்தாளர் தாமிரா கொரோனாவின் கோரப்பசிக்கு இரையானார். 52 வயதே ஆன தாமிரா ஏப்ரல் 27ஆம் திகதி தனியார் மருத்துவமனையில் சிகிச்சை பலனின்றி  உயிரிழந்தார்.

நடிகர் பாண்டு 

http://static2.tamilmirror.lk/assets/uploads/image_0c6ccfec51.jpg

ஜெய்,கம்பீரம்,கில்லி உள்ளிட்ட ஏராளமான தமிழ்த்திரைப்படங்களில் நகைச்சுவை மற்றும் குணச்சித்திர கதாபாத்திரங்களில் நடித்த நடிகர் பாண்டு கடந்த மே மாதம் 6 ஆம் திகதி   காலமானர்.

74 வயதான அவர் கொரோனா பாதிப்பின் காரணமாக சென்னையிலுள்ள தனியார் வைத்தியசாலையொன்றில் சிகிச்சை பெற்று வந்த நிலையில் சிகிச்சை பலனின்றி உயிரிழந்தார்.

கே.வி.ஆனந்த்

http://static2.tamilmirror.lk/assets/uploads/image_0876bbc5d7.jpg

பிரபல இயக்குனரும், ஒளிப்பதிவாளருமான கே.வி.ஆனந்த் ஏப்ரல் 30ம் திகதி மறைந்தார். பத்திரிகையாளராக பயணத்தைத் தொடங்கிய அவர், முதல்வன், சிவாஜி உள்ளிட்ட படங்களில் பணியாற்றினார்.

உடல்நலக்குறைவால் மருத்துவமனை சென்ற அவருக்கு பின்னர் கொரோனா உறுதியானதால் அவரின் உடலை கடைசியில் யாரும் பார்க்கக்கூட அனுமதிக்கப்படவில்லை என்பது கொரோனாவின் கோரமுகத்தின் உச்சம்.

குணச்சித்திர நடிகர் செல்லத்துரை ஐயா

http://static2.tamilmirror.lk/assets/uploads/image_1c08fb3761.jpg

தமிழில் ’தெறி’, ’மாரி’, ’கத்தி’, ’நட்பே துணை’ போன்ற பல திரைப்படங்களில் நடித்தவர் குணச்சித்திர நடிகர் செல்லதுரை. 84 வயதான இவர் கடந்த 30 ஆம் திகதி   மாரடைப்பால் உயிரிழந்தார். 

தயாரிப்பாளர் சேலம் சந்திரசேகரன்

http://static2.tamilmirror.lk/assets/uploads/image_b199a7a5f6.jpg

கஜினி, சுள்ளான் உள்ளிட்ட பிரபல படங்களை தயாரித்த தயாரிப்பாளர் சேலம் சந்திரசேகரன் மே 10ம் திகதி கொரோனாவால் உயிரிழந்தார். சூர்யா, தனுஷ் ஆகியோரின் திரைவாழ்க்கையில் முக்கிய பங்காற்றியவர் சந்திரசேகர், இவரின் மறைவு தமிழ் சினிமாவை ஆட்டம் காண வைத்தது.

நகைச்சுவை நடிகர் நெல்லை சிவா

http://static2.tamilmirror.lk/assets/uploads/image_cd507d2691.jpg

தமிழ் சினிமாவில் 500 படங்களுக்கு மேல் நடித்த நகைச்சுவை நடிகர் நெல்லை சிவா மாரடைப்பு காரணமாக மே 11ம் திகதி நெல்லையில் உயிரிழந்தார். சிவாவின் மறைவு, திரைத்துறையில் பலருக்கும் பேரதிர்ச்சியாக அமைந்தது.
 

நடிகர் மாறன்

http://static2.tamilmirror.lk/assets/uploads/image_45bbd79ab4.jpg

கில்லி, டிஷ்யூம், பட்டாசு, தலைநகரம், வேட்டைக்காரன், கேஜிஎஃப் உள்ளிட்ட பல படங்களில் நடித்து பிரபலமான நடிகர் மாறன் கொரோனாத் தொற்றினால் கடந்த 11 ஆம் திகதி  காலமானார்.

Tamilmirror Online || அண்மையில் மறைந்த திரைப் பிரபலங்கள்

[பிழம்பு]

‘அசுரன்’, ‘காலா’ பட நடிகர் நித்திஷ் வீரா கொரோனா தொற்றால் உயிரிழப்பு

ணி நேரங்களுக்கு முன்னர்

பட மூலாதாரம்,NITHISHVEERA6, INSTAGRAM

கொரோனா தொற்று காரணமாக திரையுலக கலைஞர்களின் அடுத்தடுத்த மரணங்கள் ரசிகர்களை சோகத்தில் ஆழ்த்தியுள்ளன.

நடிகர் நித்திஷ் வீரா கொரோனா தொற்று காரணமாக இன்று காலை உயிரிழந்துள்ளார். அவருக்கு வயது 45.

தமிழில் 'வல்லரசு' படம் மூலமாக அறிமுகமானவர் நடிகர் நித்திஷ் வீரா. கூத்துப்பட்டறை நடிகரான நித்திஷ், இயக்குநர் செல்வராகவன் இயக்கத்தில் 2006ல் வெளியான 'புதுப்பேட்டை' படம் மூலம் பரவலாக அறியப்பட்டார்.

கேட்டரிங் மாணவரான நித்திஷ் நடிப்புத்துறையில் கொண்ட ஆர்வத்தில் அவரது உறவினரான இயக்குநர் மஹாராஜன் மூலமாக 'வல்லரசு' படத்தில் அறிமுகமானார். காவல்துறை குடும்பத்தை சேர்ந்த இவர் பின்பு கூத்துப்பட்டறையில் இணைந்து நடிப்பு பயிற்சி பெற்றார்

அதன்பிறகு 'வெண்ணிலா கபடி குழு', 'காலா', 'ராட்சசி', 'அசுரன்' ஆகிய படங்களில் இவரது நடிப்பும் கதாப்பாத்திரமும் பேசப்பட்டன. கொரோனா தொற்று காரணமாக சென்னையில் உள்ள அரசு மருத்துவமனையில் சிகிச்சை பெற்று வந்த நித்திஷ் வீரா இன்று காலை 6.30 மணியளவில் உயிரிழந்திருப்பது சோகத்தை ஏற்படுத்தியுள்ளது.

கொரோனா தொற்றால் மருத்துவமனையில் சேர்க்கப்பட்டு சிகிச்சை பெற்று வந்த அவருக்கு கொரோனா நெகட்டிவ் என வந்த நிலையில் சுவாசப்பிரச்சனை காரணமாக இறந்தார் என அவரது சகோதரர் சுரேஷ்குமார் பிபிசி தமிழிடம் தெரிவித்துள்ளார்.

அவரது இறுதிச்சடங்கு அவரது சொந்த ஊரான மதுரையில் இன்று நடைபெற உள்ளது. இவருக்கு திருமணம் முடிந்து இரண்டு பெண் குழந்தைகள் இருக்கிறார்கள். மறைந்த இயக்குநர் ஜனநாதன் இயக்கத்தில் வெளியாகவுள்ள 'லாபம்' படத்தில் இவர் நடித்திருக்கிறார் என்பதும் குறிப்பிடத்தக்கது.

அருண்ராஜா காமராஜா மனைவி மரணம்

பட மூலாதாரம்,@ARUNRAJAKAMARAJ, TWITTER

 

படக்குறிப்பு,

அருண் ராஜா காமராஜா, நடிகர் இயக்குநர்

மேலும், இயக்குநரும், நடிகரும், பாடலாசிரியருமான அருண்ராஜா காரமராஜின் மனைவி சிந்துஜாவும் கொரோனா தொற்றால் உயிரிழந்துள்ளார். அவருக்கு வயது 38. அட்லி இயக்கத்தில் வெளியான 'ராஜா ராணி' படத்தில் நடிகராக அறிமுகமானார் அருண்ராஜா காமராஜா. அதன்பிறகு, 'மான் கராத்தே', 'ரெமோ', 'மரகத நாணயம்', 'க/பெ ரணசிங்கம்' உள்ளிட்ட படங்களில் நடித்துள்ளார்.

இயக்குநராக 'கனா' படம் மூலமாக அறிமுகமானார். 'பீட்சா', 'ஜிகிர்தண்டா', 'மாஸ்டர்' உள்ளிட்ட படங்களில் பல ஹிட் பாடல்களையும் எழுதியுள்ளார். பாலிவுட் திரைப்படமான 'ஆர்டிகிள் 15' திரைப்படத்தின் ரீமேக்கை தமிழில் உதயநிதி ஸ்டாலினை வைத்து இவர் இயக்கி வருகிறார் என்பதும் குறிப்பிடத்தக்கது.

இவரது மனைவி சிந்துஜாவுக்கு கடந்த சில நாட்களுக்கு முன்பு கொரோனா தொற்று உறுதியாகி சிகிச்சை பெற்று வந்த நிலையில் அவர் உயிரிழந்திருப்பது திரைத்துறை வட்டாரத்தில் சோகத்தை ஏற்படுத்தியுள்ளது.

இவரது இறப்பிற்கு நடிகை ஐஷ்வர்யா ராஜேஷ், கதிர் உள்ளிட்ட திரையுலக பிரபலங்கள் பலரும் தங்கள் இரங்கல்களை சமூக வலைத் தளங்களில் தெரிவித்து வருகின்றனர்.

இவரது இறப்பு குறித்து இசையமைப்பாளர் சந்தோஷ் நாராயணன் தனது முகநூல் பத்தில், '20 வருடங்களுக்கும் மேலாக அருண்ராஜா காமராஜூம் அவரது மனைவி சிந்துவும் நல்ல நண்பர்களாக எனக்கு தெரியும். பல கடினமான சூழ்நிலைகளையும் அவர்கள் இருவரும் ஒன்றாக கடந்து வந்திருக்கிறார்கள். சிந்து இனிமேல் இல்லை என்பது வருத்தமளிக்கிறது. அருண்ராஜாவுக்கு சிந்து மிகப்பெரிய பலம். அவருடைய குறும்புத்தனம், நிபந்தனையற்ற அன்பு, செல்லப்பிராணிகள் மீதான அன்பு இதெல்லாம் இனி இல்லை எனும் போது வருத்தமளிக்கறது.

இந்த கொரோனா காலத்தில் எல்லாரும் பாதுகாப்பாக இருங்கள். இந்த சவாலான காலத்தை அனைவரும் விரைவில் கடந்து வருவோம்' என தெரிவித்துள்ளார்.

இதுமட்டுமில்லாமல், அருண்ராஜா காமராஜும் கொரோனாவால் பாதிக்கப்பட்டு சிகிச்சை எடுத்து வரும் நிலையில், அவர் உடல்நிலையில் முன்னேற்றம் இருப்பதாக தகவல்கள் வெளியாகியுள்ளன.

மேலும், சில நாட்களுக்கு முன்பு சின்னத்திரை நடிகர் குட்டி ரமேஷ், 'வருத்தப்படாத வாலிபர் சங்கம்', 'ரஜினி முருகன்' உள்ளிட்ட படங்களில் நடித்த நடிகர் பவுன்ராஜ் ஆகியோர் கொரோனா தொற்றால் உயிரிழந்தனர்.

‘அசுரன்’, ‘காலா’ பட நடிகர் நித்திஷ் வீரா கொரோனா தொற்றால் உயிரிழப்பு - BBC News தமிழ்