Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

இந்தியாவின் மாற்றமடைந்த கொரனா வைரஸ்: கேள்விகளும் பதில்களும்


Recommended Posts

  • கருத்துக்கள உறவுகள்

இந்தியாவின் மாற்றமடைந்த கொரனா வைரஸ்:  கேள்விகளும் பதில்களும்

முன்கதை

விகாரமடைந்த நவீன கொரனா வைரசுகள் பற்றி ஒரு கட்டுரையை முதலில் எழுதிய போது உலகில் மூன்று பிரதான நவீன கொரனா வைரஸ் விகாரிகள் காணப்பட்டன. பிரிட்டன் விகாரி (B.1.1.7), பிரேசில் விகாரி (P1), தென்னாபிரிக்க விகாரி (B1.351) ஆகிய அந்த ஒவ்வொரு வைரசு வகைக்கும் ஒவ்வொரு சிறப்பியல்பு இருந்தது. பிரேசில், பிரிட்டன் வைரசுகள் ஆரம்பத்தில் பரவிய கொரனா வைரசை விட வேகமாகத் தொற்றுதலை ஏற்படுத்தக் கூடியவையாக இருந்தன நேரடியாக இது நோய்த்தீவிரத்தை அதிகரிக்கா விட்டாலும், மருத்துவ சேவைகள் மீது அதிக சுமைகளை ஏற்படுத்துவதன் மூலம் அதிக மரணங்களை ஏற்படுத்தியிருந்தன. தென்னாபிரிக்க விகாரிக்கு, தடுப்பூசிகளினால் உருவாகும் நோய்ப்பாதுகாப்பில் இருந்து தப்பும் இயலுமை இருப்பதால் "தப்பும் வைரஸ்" (escape mutant) என்று அழைத்தார்கள். ஆனாலும், அமெரிக்காவிலும் ஐரோப்பாவிலும் பயன்படுத்தப் படும் தடுப்பூசிகள், இந்த வைரசுகள் எல்லாவற்றிலும் இருந்து தீவிர நோயோ, மரணமோ ஏற்படாமல் தடுக்கக் கூடியவை எனச் சில ஆய்வுகள் சுட்டிக் காட்டின.  

இந்தியாவின் விகாரி வைரஸ்

இந்தியாவின் பல மாநிலங்களில் புதிய அலையோடு கண்டறியப் பட்ட B 1.617 என்பது தான் இந்தியாவின்  விகாரி வைரஸ். தற்போது இந்த விகாரியில் மூன்று வகையான உப வகைகள் - B1.617.1, B1.617.2, B1.617.3- இருப்பதாகக் கண்டறிந்திருக்கிறார்கள். இவற்றுள் சில விகாரங்கள் பொதுவாகவும், சில விகாரங்கள் தனித்துவமாகவும் இருக்கின்றன. ஆனால், மூன்றுமே பிரிட்டனின் விகாரி வைரசின் ஒரு மாற்றத்தைப் பொதுவாகக் கொண்டிருக்கின்றன. முன்னைய விகாரிகள் போலன்றி - இது இந்தியாவில் தோன்றியதாலோ என்னவோ- இந்த விகாரி பற்றிய ஆய்வுகள் மெதுவாகவே நடைபெறுகின்றன. தற்போது 12 நாடுகளுக்குப் பரவி விட்டதால் சில தகவல்கள் ஆய்வுகள் மூலம் வெளிவந்திருக்கின்றன.

 கேள்வி 1: இந்திய விகாரி வைரஸ்  வேகமாகப் பரவக் கூடியதா?

இதற்கான பதில் தற்போதைக்கு இந்த வைரஸ் பரவி வரும் பிரதேசங்களில் ஏற்படும் பரவலின் தீவிரத்தை ஆய்வு செய்வதன் மூலம் ஊகிக்கப் படலாம். இந்தியாவின் நிலை, பிரிட்டனின் ஒரு பிரதேசத்தில் இந்த விகாரியின் பரவல், ஆகியவற்றை வைத்துப் பார்த்தால், இது பிரிட்டன் விகாரியை விட 50% வேகமாகப் பரவக் கூடியது என்ற பதில் கிடைக்கிறது.  சரியான எண்ணிக்கை இன்னும் தெரியா விட்டாலும், வேகமாகப் பரவக் கூடிய இயலுமையை உருவாக்கக் கூடிய விகாரங்கள் இந்த இந்திய வைரசில் காணப்படுகின்றன. இந்தத் தகவல்கள் இரண்டையும் இணைத்துப் பார்த்தால், இது ஒரு வேகமாகப் பரவும் வைரஸ் விகாரி என்றே நம்பப் படுகிறது. 

கேள்வி 2: இந்திய விகாரி வைரஸ் தீவிரமான நோயை ஏற்படுத்துமா?

இந்திய வைரசின் விகாரங்களை வைத்துப் பார்க்கும் போது வைரசினால் ஏற்படும் நோய் ஏனைய விகாரிகளை விட தீவிரமாக இருக்கும் என்பதற்கான ஆதாரங்கள் இல்லை. ஆனால், பிரிட்டன், பிரேசில் விகாரிகள் விடயத்தில் நடந்தது போல, அதிகரித்த பரவல் என்பது அதிகரித்த நோயாளர்களை மருத்துவ மனை நோக்கித் தள்ளி, மரணமடைவோரின் எண்ணிக்கையும் அதிகரிக்கும் என்பதில் சந்தேகமில்லை. 

கேள்வி 3: தடுப்பூசிகள் இந்திய விகாரி வைரசைக் கட்டுப் படுத்துமா?

இதைக் கண்டறிய பல்வேறு ஆய்வுகளை மேற்கொண்டிருக்கிறார்கள். ஆனால், நல்ல செய்தி பிரிட்டனில் இருந்து வந்திருக்கிறது: பிரிட்டனில் இந்திய விகாரியின் ஒரு வகையான B1.617.2 இனால் அதிகம் பாதிக்கப் பட்டவர்கள் தடுப்பூசி எடுத்துக் கொள்ளாதோர் என்று ஒரு சிறு ஆய்வு கணக்கிட்டிருக்கிறது. ஆனால், இதே பாதுகாப்பு இன்னொரு வகையான B1.617.1 இற்கு எதிராகவும் கிடைக்குமா என்பது இன்னும் தெளிவில்லை - ஏனெனில் தடுப்பூசிகளின் பாதுகாப்பில் இருந்து தப்ப கூடிய வகையிலான ஒரு விகாரம் இந்த B1.617.1 இல் இருக்கிறது. ஒட்டு மொத்தமாகப் பார்த்தால், அஸ்ட்ரா செனெக்கா தடுப்பூசி மூலம் பெருமளவு நோயெதிர்ப்பை உருவாக்கி விட்ட பிரிட்டனில், இந்திய விகாரி வைரஸ் பரவ ஆரம்பித்த பின்னரும், நோய்த்தொற்றுகளின் எண்ணிக்கை பெரிதாக அதிகரிக்கவோ, புதிய அலையை ஏற்படுத்தவோ இல்லை. எனவே, தடுப்பூசி இந்திய விகாரிகளில் இருந்தும் பாதுகாக்கிறது என்றே தோன்றுகிறது.

கேள்வி 4: இந்திய விகாரிக்கெதிராக பொதுச் சுகாதார நடைமுறைகள் விசேடமாக  எடுத்துக் கொள்ள வேண்டுமா?

இல்லை என்பதே பதில். பெருந்தொற்று ஆரம்ப காலத்திலிருந்து பின்பற்றி வரும், முகக் கவசம், சவர்க்காரம்/அல்கஹோல் தொற்று நீக்கி, சமூக இடைவெளி பேணல் இவையே இந்த வைரசுக்கெதிராகவும் தடுப்பு முறைகள். ஆனால், தெரியாத சில விடயங்கள் குறித்து அவதானம் தேவை: சில நாடுகளில், தடுப்பூசி எடுத்துக் கொண்டோர் முகக்கவசம் அணிய வேண்டிய அவசியமில்லை என அறிவித்திருக்கின்றனர். இந்த இந்திய விகாரி தடுப்பூசி பெற்றுக் கொண்ட பெரும்பாலானோரில் நோயை ஏற்படுத்தவில்லையானாலும், அவர்களது சுவாசக் குழாயில் நோயின்றித் தங்கி, ஏனையோருக்குப் பரவுமா என்பது இன்னும் தெரியாது. எனவே, பெரும்பாலானோர் தடுப்பூசி எடுத்துக் கொள்ளும் வரை, தடுப்பூசி எடுத்துக் கொண்டோரும் முகக் கவசத்தை அணிவது தற்போதைக்கு புத்திசாலித்தனமான செயல்.

இந்திய விகாரி பற்றிய புதிய ஆய்வுத் தகவல்களை தொடர்ந்து இந்தத் திரியில் உடனுக்குடன் பகிர்கிறேன். 

தடுப்பூசி எடுத்துக் கொள்ளுங்கள் - முகக்கவசம் தேவையான இடங்களில் அணிந்து கொள்ளுங்கள்!

 

-ஜஸ்ரின்

மேலதிக தகவல் மூலம்: https://www.nature.com/articles/d41586-021-01390-4  

  • Like 7
  • Thanks 3
Link to comment
Share on other sites

  • கருத்துக்கள உறவுகள்

மிகவும் பயனுள்ள அனைவரும் வாசிக்க வேண்டிய கட்டுரை, ஜஸ்ரின்..!
நன்றி...!

Link to comment
Share on other sites

பகிர்வுக்கும்  நேரத்துக்கும் நன்றி  சகோ...

Link to comment
Share on other sites

  • 3 weeks later...
  • கருத்துக்கள உறவுகள்

இந்திய டெல்ரா விகாரி பற்றிய புதிய தகவல்கள் சில..

ஆச்சரியமான விடயம்/எனது அவதானிப்பு: இந்தியாவில் உருவான டெல்ரா விகாரி பற்றிய ஆய்வுத் தகவல்கள் இந்திய ஆய்வுகூடங்களிலிருந்து அவ்வளவாக வெளிவரவில்லை. நவீன கொரனா வைரஸ் மூன்றாம் நிலை பாதுகாப்புடைய BSL-3 ஆய்வுகூடங்களில் தான் ஆய்வுக்குட்படுத்தப் பட முடியும். இந்தியாவில் பல ஆய்வு நிறுவனங்களில் இந்த BLS-3 வசதி இருக்கின்றது. அத்துடன் இதன் அடுத்த நிலையான அதியுயர் BSL-4 கூட குறைந்தது இரண்டு இந்திய ஆய்வகங்களில் இருக்கின்றது. இதை விட வைரசின் பரம்பரை மூலக்கூறை ஆராயக் கூடிய sequencing வசதிகளும் இந்தியாவில் கிடைக்கின்றன. இவ்வளவு இருந்தும், இது வரை தங்கள் நாட்டில் உருவாகிய டெல்ரா விகாரி பற்றி இந்தியா கண்டறிந்த வெளியிட்ட தகவல்கள் மிகவும் குறைவு. இந்த ஒளித்தல் மறைத்தல் என்பது சீனப் பிரச்சினை மட்டுமல்ல - ஒரு ஆசிய மனோபாவம் என நினைக்கிறேன்😎.

டெல்ராவின் தொற்றும் திறன்..

இதை பிரிட்டனின் ஆய்வுகள் கணித்திருக்கின்றன. இந்திய டெல்ரா விகாரி இப்போது பிரிட்டனில் 90% ஆன தொற்றுக்களுக்குக் காராணமாக இருக்கின்றது. இந்திய விகாரி வருவதற்கு முன்னர் பிரிட்டனில் பிரபலமாக இருந்தது அல்பா விகாரி (பழைய பெயர்: பிரிட்டன்/கென்ற் வைரஸ், B.1.1.7). தற்போதைய கணிப்பின் படி அல்பா வைரசை விட  இந்திய டெல்ரா வைரஸ் 40- 50 % அதிக தொற்றும் திறனுள்ளதாக இருக்கிறது. கடந்த வருடம் முதன் முதலில் சீனாவில் கண்டறியப் பட்ட ஒரிஜினல் கொரனா வைரஸை விட பிரிட்டன் வைரஸ் 50% அதிக தொற்றும் திறன் கொண்டிருந்தது என்பது குறிப்பிடத் தக்கது.

டெல்ராவின் நோயேற்படுத்தும் திறன்..

ஒரு வைரஸ் வேகமாகப் பரவினால், அது தீவிர நோயை ஏற்படுத்தும் என்று அர்த்தமில்லை. ஆனால், மருத்துவமனையில் அனுமதிக்கப் படும் நோயாளிகளின் எண்ணிக்கை டெல்ரா வைரசின் தொற்றினால் அதிகரித்திருக்கிறது (இதுவும் பிரிட்டன் ஆய்வு கண்டு பிடித்துச் சொன்னது, இந்தியா தங்கள் கொரனா நோயாளிகளில் 25% வரை பிரிட்டன் விகாரியினால் பாதிக்கப் பட்டிருக்கிறார்கள் என்று சொன்னதோடு நிறுத்திக் கொண்டது!). டெல்ரா வைரஸ் நோயின் தீவிரத்தைக் கூட்டுகிறதா என்பதை நேரடியாக உறுதி செய்ய இன்னும் சில காலம் எடுக்கலாம்.

தடுப்பூசிகளினால் டெல்ராவிடமிருந்து பாதுகாப்பு..

அஸ்ட்ரா செனக்கா, பைசர் ஆகிய இரு தடுப்பூசிகளினால் கிடைக்கும் பாதுகாப்பு இந்திய டெல்ரா வைரசுக்கெதிராக சிறிது வீழ்ச்சி கண்டிருக்கிறது. இப்படி தடுப்பூசி பெற்றுக் கொண்டோரில் உருவாகும் தொற்றை breakout infections என்பார்கள். இந்த breakout infections இன் அளவு டெல்ரா வைரஸ் தொற்றினால் அதிகரித்திருக்கின்றது - ஆனாலும், தீவிர நோய், மரணம் என்பன ஏற்படுவதை இந்த இரு தடுப்பூசிகளும் வெற்றிகரமாகத் தடுக்கின்றன.

ஏனைய தடுப்பூசிகளின் பாதுகாப்புத் தொடர்பான ஆய்வுகள் நடைபெறுகின்றன.

டெல்ரா வைரஸ் - வித்தியாசமான குணங்குறிகள்..

ஒரு  பிரிட்டன் ஆய்வின் படி, ஏனைய கொரனா வைரஸ் விகாரிகளை விடவும் ஒரு வித்தியாசமான நோய் அறிகுறி டெல்ரா வைரஸ் தொற்றுடைய நோயாளிகளில் அடையாளம் காணப்பட்டிருக்கிறது. மூக்கொழுகல் (runny nose) அல்லது மூக்குச் சளி என்பது முன்னர் கோவிட்டின் பிரதான அறிகுறியாக இருக்கவில்லை. தற்போது டெல்ரா வைரஸ் தொற்றுடையோரில் இந்த அறிகுறி (ஏனைய வழமையான கோவிட் அறிகுறிகளுடன் சேர்ந்து) காணப்படுவதாக இந்த பிரிட்டன் ஆய்வு சொல்கிறது.

மூக்கொழுகல் இருப்பதால் இந்த டெல்ரா வைரஸ் பரவுவதிலும் வித்தியாசம் இருக்குமா என்பது ஆராயப்படவில்லை. ஆனால், சாதாரணமாக அதிக சுவாசச் சுரப்புகள் ஒரு தொற்றில் உருவாகும் போது , அந்தச் சுரப்புகளால் நாங்கள் புளங்கும் பொருட்களின் மேற்பரப்புகள் மாசடைந்து தொற்றுக்களைக் கடத்தும்  ஊடகங்களாக (fomites) மாறும் வாய்ப்புகள் அதிகரிக்கும் என நான் கருதுகிறேன். எனவே, overkill ஆக இருந்தாலும், இந்த டெல்ரா வைரஸ் அதிகரிக்கும் நாடுகளில் வாழ்வோர், இனி நீங்கள் தொடும் மேற்பரப்புகளையும் கவனமாகத் தொற்று நீக்கம் செய்வது நல்லது என நினைக்கிறேன்.

-மேலும் தகவல்கள் வெளிவரும் போது பகிர்கிறேன்.

-ஜஸ்ரின்

 

  • Like 2
  • Thanks 2
Link to comment
Share on other sites

  • 2 weeks later...
  • கருத்துக்கள உறவுகள்

டெல்ரா வைரஸ்: புதிய தகவல்களும் எச்சரிக்கைகளும்

நேற்றைய தினம் வரை டெல்ரா வகை கொரனா வைரஸ் பற்றி வெளி வந்த தகவல்கள், கீழேயுள்ள இணைப்பின் தழுவலாகத் தருகிறேன்:

ஆசிய, ஆபிரிக்க நாடுகளின் நிலையும் சவாலும்: இந்த டெல்ரா வைரஸ் முன்னர் பரவலாக இருந்த பிரிட்டனின் கென்ற் வைரசை விட 60% வீதம் வேகமாகப் பரவக் கூடியது. கென்ற் வைரஸ் தொற்றியவரை விட, டெல்ரா வைரஸ் தொற்றிய ஒருவர் இரண்டு மடங்குகள் அதிகமாக மருத்துவ மனையில் அனுமதிக்கப் படும் வாய்ப்புகள் இருக்கின்றன. தற்போது இந்த டெல்ரா வைரஸ் பற்றிய கண்காணிப்புகளை மூன்று மேற்கு நாடுகள் தான் கிரமமாகச் செய்து வருகின்றன: பிரிட்டன், டென்மார்க், அமெரிக்கா. இந்த மூன்று நாடுகளிலும் இருந்து வரும் ஒரு தகவல், டெல்ரா வைரசின் பரவலை தடுப்பூசிகளால் மட்டுப் படுத்த முடிகிறது: இதன் முக்கியத்துவம், தடுப்பூசிகள் பரவலாகக் கிடைக்காத ஆபிரிக்க, ஆசிய நாடுகளில் டெல்ரா வைரசின் பரவல் அதிக தீவிர நோயையும், மரணங்களையும் ஏற்படுத்தும் வாய்ப்புகள் இருக்கின்றன.

மேற்கு நாடுகளில் இருப்போருக்கான எச்சரிக்கைச் செய்தி: டெல்ரா வைரசுக்கெதிராக பாவனையில் இருக்கும் தடுப்பூசிகள் சிறிதளவு செயலிழந்தாலும், திருப்திகரமான பாதுகாப்பை வழங்கின்றன. சுவாரசியமான ஒரு அவதானிப்பு: பிரிட்டன் ஆய்வின் படி, இரண்டு தடுப்பூசி டோஸ்களையும் எடுத்துக் கொள்ளாதோரில், இந்த டெல்ரா வைரசுக்கெதிரான பாதுகாப்பு மிகக் குறைவாக இருக்கிறது (கிட்டத்தட்ட 33%) - இதனால் ஒரு டோசோடு தடுப்பூசியை நிறுத்திக் கொண்டோர் டெல்ரா வைரசினால் பாதிக்கப் படும் வாய்ப்புகள் அதிகமாக இருக்கின்றன. எனவே இரண்டு டோஸ்களையும் எடுத்துக் கொள்ள வேண்டியது அவசியமானது.

உலகளாவிய ரீதியில், டெல்ரா வைரசே பிரதான கோவிட் வைரசாக இருக்கப் போகிறது - எனவே இரண்டு டோஸ்கள் உடைய தடுப்பூசிகள் எடுத்துக் கொள்வோர், இரண்டு டோஸ்களையும் பூர்த்தி செய்தால் மட்டுமே கோவிட் 19 பாதிப்பில் இருந்து பாதுகாப்பை எதிர்பார்க்கலாம்! (இந்த அறிவுறுத்தல், ஜோன்சன் அன்ட் ஜோன்சன் (J&J) தடுப்பூசிக்கு மட்டும் பொருந்தாது, ஏனெனில் அது ஒரு டோஸ் மட்டும் கொண்டது).

தகவல் மூலம், நன்றியுடன்: https://www.nature.com/articles/d41586-021-01696-3

 

  • Like 1
  • Thanks 3
Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Similar Content

    • By Justin
      டெல்ரா வைரஸ்: தொற்றுத்தடுப்பிற்கு உதவும் புதிய தகவல்கள்.


      (முக்கியத்துவம் கருதி இந்தப் பதிவை நான் ஆரம்பித்த டெல்ரா தொடரில் இருந்து தனியாக இணைக்கிறேன். அவசியமெனின் அந்தத் தொடரோடு நிர்வாகம் இணைத்து விடலாம்!)  உலகின் பிரதானமான கோவிட் 19 தோற்றுவிக்கும் வைரசாக டெல்ரா  வகை வைரஸ் உருவாகியிருக்கிறது. மேற்கு நாடுகள் சிலவற்றில், முகக் கவசம் அணியும் அவசியம், மூடிய இடங்களில் ஒன்று கூடும் ஆட்களின் எண்ணிக்கை மீதான கட்டுப் பாடு என்பவற்றை மீள அமல் படுத்தும் தேவை ஆகியவை டெல்ரா வைரஸ் பரவலால் ஏற்பட்டிருக்கின்றன. இது வரையில் டெல்ரா வைரஸ் வேகமாகப் பரவும் சக்தி கொண்டது எனப் பொதுவாக ஏற்றுக் கொள்ளப் பட்டிருந்தாலும், அப்பரவலின் உயிரியல் ரீதியான பின்னணி சரியாக இனங்காணப் பட்டிருக்கவில்லை. தற்போது சீனாவில் இருந்து வெளி வந்திருக்கும் ஆய்வுத் தகவல்களை (கீழுள்ள இணைப்பின் தழுவலாக) ப் பகிர்கிறேன்.

      நோயறிகுறி தோன்ற முன்னரே பரவும் டெல்ரா

      : அனேகமான நுண்ணுயிர்க் கிருமிகளாலேற்படும் தொற்று நோய்கள், தொற்றிய உடனேயே உருவாவதில்லை. உடலில் தொற்றிய நோய்க்கிருமி பெருகி, உடலில் உரிய தாக்கங்களை உருவாக்கிய பின்னரே நோயறிகுறிகள் வெளிப்படும் (இந்த நிலையை, உள்ளே இயந்திரம் சிறிது பழுதடைந்த பின்னர் வாகனங்களில் "check engine" எச்சரிக்கை விளக்கு எரியும் நிலையோடு ஒப்பிடலாம்). இந்த தொற்று ஏற்பட்ட நாளில் இருந்து நோயின் அறிகுறி வெளிப்படும் நாள் வரைக்கும் இடையேயான காலத்தை நோயரும்பு காலம் என்றுஅழைக்கலாம். சாதாரண கோவிட் 19 வைரஸ் (சீனாவில் முதன் முதலில் தொற்றை ஏற்படுத்திய வைரஸ்), 6.3 நாட்கள் நீண்ட நோயரும்புக் காலத்தைக் கொண்டிருந்ததாகக் கணிப்புகள் கூறுகின்றன. டெல்ரா வைரஸ் தொற்று ஏற்பட்டோரில், சிறிது விரைவாக 5.8 நாட்களில் நோய் உருவாகியதாக தற்போதைய ஆய்வு கணித்திருக்கிறது.
      இந்த அரை நாள் விரைவான  நோயரும்பு காலம் அவ்வளவு முக்கியத்துவம் வாய்ந்ததல்ல. முக்கியமான தகவல் என்னவெனில், இந்த நோயரும்பு காலத்தின் இறுதிப் பகுதியில் டெல்ரா வைரஸ் தொற்றுக்குள்ளானோர் வைரசை ஏனையோருக்குப் பரப்ப ஆரம்பித்து விடுகின்றனர். தொற்று உருவான நாளில் இருந்து சராசரியாக 4 நாட்களில் பி.சி.ஆர் மூலமாக நோயாளிகளின் மூக்கிலும், தொண்டையிலும் டெல்ரா வைரசுகளை அடையாளம் காணக்கூடியதாக இருந்திருக்கிறது: அதாவது, நோய்க் குணங்குறிகள் வெளிவருவதற்கு கிட்டத் தட்ட 2 நாட்கள் முன்பாகவே டெல்ரா தொற்றுக்குள்ளானோர் வைரசுகளைக் காற்றின் வழியே பரப்ப ஆரம்பித்து விடுகின்றனர் என்பதே முக்கியமான தகவல்!

      இது எப்படி பழைய கோவிட் 19 வைரசுகளில் இருந்து வேறு படுகிறது? பழைய கோவிட் 19 வைரசுகளைப் பொறுத்த வரையில், தொற்றைத் தொடர்ந்து சராசரியாக 5.5 நாட்களின் பின்னரே பி.சி.ஆர் மூலம் தொண்டையில்/மூக்கில் வைரசுகளைக் கண்டறியக் கூடியதாக இருந்திருக்கிறது - அதாவது நோய் அறிகுறிகள் வெளிவருவதற்கு 1 நாள் முன்னதாக ஒருவர் வைரசுகளைப் பரப்பும் இயலுமையைக் கொண்டிருக்கிறார்.

      சாராம்சமாக, : டெல்ரா வைரஸ் தொற்றினால், காய்ச்சல் போன்ற அறிகுறிகள் உருவாவதற்கு கிட்டத் தட்ட 2 நாட்கள் முன்னதாகவே தொற்று ஏனையோருக்குப் பரவும் வாய்ப்புகள் இருக்கின்றன! இதன் பாதகமான விளைவு, அந்த 2 நாட்களில் தொற்று இருப்பது தெரியாத ஒருவர் சாதாரணமாக நடமாடினால் பலருக்கும் டெல்ரா வைரசைப் பரப்பி விடக் கூடிய வாய்ப்புகள் இருக்கின்றன.

      இந்தத் தகவலை எங்கள் சுயபாதுகாப்பிற்காக எப்படிப் பயன்படுத்தலாம்? அடிக்கடி பி.சி.ஆர்  பரிசோதனைகள் செய்து கொள்ளாத ஒருவர், சாதாரணமாக நாளாந்த சமூக வாழ்வில் ஈடுபடுபவராக இருந்தால், முகக் கவசம் அணிதல், சமூக இடைவெளி பேணல் ஆகிய முன்னெச்சரிக்கைகளைப் பின்பற்ற வேண்டும். சிறப்பாக இளைஞர்கள், வயதானோர், உடல் பலவீனமான நோயாளிகளோடு நெருக்கமாக உறவாடுவதைத் தவிர்க்க வேண்டும் அல்லது கூடிய எச்சரிக்கைகளைக் கடைப் பிடிக்க வேண்டும். முழுவதுமாக கோவிட் தடுப்பூசிகளைப் பெற்றுக் கொண்டோர், ஏனையோருக்கு டெல்ரா வைரசைப் பரப்புவதும் குறிப்பிடத் தக்க அளவு குறைவாகவே இருப்பதாகவும் ஆய்வுகள் நிரூபித்திருக்கின்றன. எனவே, சாதாரணமாக சமூக வாழ்வில் ஈடுபட்டிருப்போர், தடுப்பூசி எடுத்துக் கொள்வதாலும் டெல்ரா பரவலைப் பெருமளவில் குறைத்துக் கொள்ள முடியும்!

      இங்கே மேற்கோள் காட்டப்படும் ஆய்விலும், இன்னுமோர் ஆய்விலும் வெளிவந்த தகவல்களின் படி, டெல்ரா வைரசுகள் தொற்றின் போது உருவாகும் வைரசுகளின் எண்ணிக்கையும் முன்னைய கோவிட் 19 வைரசுகளை விட அதிகமாக இருக்கின்றன. இதன் அர்த்தம், ஒருவர் இன்னொருவருக்கு தொற்றைக் கடத்தும் வாய்ப்புகள் அதிகமாக இருக்கும் என்பதாகும். R0 என அழைக்கப் படும் வைரஸ் பரவுகை வீதம் டெல்ரா வைரசைப் பொறுத்த வரையில் 6.4 என ஒரு ஆய்வு கணித்திருக்கிறது: இதன் அர்த்தம் டெல்ரா தொற்றுக்குள்ளான ஒருவர், முகக் கவசம் அணியாமல், சமூக இடைவெளி பேணாமல் நடமாடும் போது சராசரியாக ஆறிற்கு மேற்பட்ட நபர்களுக்கு வைரசைக் கடத்தும் வாய்ப்புகள் இருக்கின்றன என்பதாகும்! (முன்னைய கோவிட் 19 வைரசுகளில் இந்தப் பரவல் வீதம் 2 - 4 பேர்களாகக் கணிக்கப் பட்டிருக்கிறது).  

      கடந்த சில நாட்களாக இலங்கையில் ஒன்றுகூடும் இடங்கள், வழிபாட்டுத் தலங்கள் கோவிட் கட்டுப் பாட்டினால் பூட்டப் படும் நிலைமைகளைக் கையாளவும் விளங்கிக் கொள்ளவும் இத்தகைய  ஆய்வுத் தகவல்களை மக்கள் பயன்படுத்திக் கொள்ள வேண்டும் என்பது என் அபிப்பிராயம்.

      டெல்ராவைப் பொறுத்த வரை, காய்ச்சல் போன்ற அறிகுறிகள் எவையும் தோன்ற முன்னரே தொற்றுப் பரவுகிறது, ஒருவரில் இருந்து குறைந்தது 6 பேருக்குப் பரவுகிறது. இந்த இலக்கங்களே முடிவுகளை எடுக்க அடிப்படையாக இருக்க வேண்டும்! வேறெந்த உணர்ச்சிபூர்வமான  கருத்துகளும் சுயபாதுகாப்பிற்கு உதவப் போவதில்லை!


       
      மேற்கோள்: https://doi.org/10.1038/d41586-021-02259-2

      (101 பேரில் நடத்தப் பட்ட சிறியளவிலான ஆய்வு)

      சொற்களும் அர்த்தங்களும்:

      நோயரும்பு காலம் – incubation period

      பி.சி. ஆர் -PCR – polymerase chain reaction

      நோயறிகுறிகள் – symptoms

      பரவும் வீதம் – R0 – reproduction number  


      - ஜஸ்ரின்    

  • Topics

  • Posts

    • அப்ப இலங்கைக் கடற்பரப்புக்குள் இந்தியனுக்கு என்ன வேலை?
    • பிரா அணிவதும் அணியாததும் யாருடைய பிரச்சினை ? || சிந்துஜா ஒருவர் பிரா அணிவதும் அணியாததும் அவரவர் விருப்பம். அது அழகின் ஓரு பகுதி எனவும், உடல் நலம் சார்ந்ததாகவும் கூறுவது தவறானது. பிரா அணியாதவர்களை இழிவுபடுத்துவதும், கேள்வி எழுப்புவதும், அணிய நிர்பந்திப்பதும் இழிவானது. October 13, 2021 தொலைக்காட்சி மாடல் மற்றும் நடிகையான பத்மா லட்சுமி, கடந்த 2020-ம் ஆண்டு தனது யூ-டியூப் பக்கத்தில் சமையல் காணொலி ஒன்றில், பிரா எனப்படும் பிரெசியர் அணியாமல் மேலாடையோடு பதிவிட்டிருந்தார். இந்த காணொலியை மையமாக வைத்து அவர் பெரும் சர்ச்சையாக்குள் தள்ளப்பட்டார். பல்வேறு ஏச்சு-பேச்சுக்கள், ஆபாச நையாண்டிகள், கிண்டல்கள் என அவருக்கு கடுமையான தொல்லைகள் கொடுக்கப்பட்டன. இப்படி ஒரு காணொலி வெளியிட்டது ஒழுக்கக்கேடான செயல் என சமூக வலைத் தளங்களில் ’நல்லவர்கள்’ பலர் பேசினர். இதனைத் தொடர்ந்து தனது அடுத்த காணொலியில் மேலாடைக்குள் இரண்டு உள்ளாடை அணிந்து அதற்கான பதிலையும் தந்தார் பத்மா. “Let’s not police women’s bodies in 2020 – OK “. அதாவது “2020-ம் ஆண்டில் பெண்களின் உடலை கண்காணிக்காமல் இருக்கலாமே” என்று கூறியிருந்தார். இதைப் போன்றே பாலிவுட் நடிகை சாமிரா ரெட்டி தனது டிவிட்டர் பக்கத்தில் எழுதுகையில் பிரா, காண்டாக்ட் லென்ஸ் போன்றவை அழகின் குறியீடுயில்லை எனவும் அத்தகைய கண்ணோட்டத்திலிருந்து தான் வேறுபடுவதாகவும்  சமூக வலைத்தளங்களில் பதிவிட்டார். பலரும் அதனைப் பாராட்டினர். பலர் சாடினர். பெண்களின் ஆடையில் ஓரு அங்கமான பிரா, சமூகத்தின் மனப்போக்கில் எந்த மாதிரியாக இடம்பெற்றிருக்கிறது என்பதற்கு மேற்குறிப்பிட்ட இரண்டு சம்பவங்கள் ஒரு ஆதாரம். கடந்த ஆண்டு முதல் நிலவும் கோவிட் -19 நோய்த் தொற்று பிரச்சினை காரணமாக போடப்பட்டுள்ள லாக்-டவுன், வீட்டில் இருந்து அலுவலக வேலைகளை பார்க்கும் நிலைமையை ஏற்படுத்தியது. உண்மையில் இது பல பெண்களுக்கு ஒரு உடல்ரீதியான சுதந்திரத்தைக் கொடுத்தது எனலாம். அலுவலகத்திற்குச் செல்கையில் கண்டிப்பாக பிரா அணிந்து செல்வது அவசியம் என்ற சமூக நிர்பந்தம் இருக்கையில் வீட்டிலிருந்து வேலை பார்க்கையில் பெண்களுக்கு பிரா அணியும் கட்டாயத்திலிருந்து விடுதலை அளித்தது இந்த லாக்-டவுன் என்று சொன்னால் அது மிகையாகாது. ஆண்கள் வெளியே செல்கையில் பனியன் அணிந்து செல்வதோ, அணியாமல் செல்வதோ, சமூகத்தில் எவ்வித எதிர்ப்பையோ ஆதரவையோ பெறுவது இல்லை. ஆனால் ஒரு பெண் வெளியே செல்கையில் பிரா அணியாமல் சென்றால், அது இந்தச் சமூகத்தின் கண்களில், அவள் ஆபாசப் பண்டமாகவும், தவறான  நடத்தை கொண்டவளாகவும் தெரிகிறாள். இதன் காரணம் என்ன ? பலரும் பிரா அணிவது பெண்களுக்கு நலன் பயக்கக் கூடியது என்று கூறுகின்றனர். அதற்குப் பல மருத்துவக் காரணங்களைக் கூறுகின்றனர். பெண்கள் பிரா அணியாமல் இருந்தால், மார்பகப் புற்றுநோய் வரும் என்கின்றனர். மேலும் பிரா அணியாவிட்டால், கூப்பர் தசைநார்கள் (Cooper Ligaments) பாதிக்கப்படும். மார்பகங்கள் தளர்வுற்று தொய்வடையும் என்கின்றனர். இவற்றில் ஏதேனும் உண்மை உள்ளதா ? கடந்த 2013-ம் ஆண்டு வெளியிடப்பட்ட 15 ஆண்டுகால ஆய்வு முடிவுகளில், பிரா அணிவதால் எந்த நன்மையும் இல்லை என்று கூறப்படுவதோடு கூடுதலாக, அவை மார்பகங்களை ஆதரிக்கும் தசைகளுக்கு தீங்கு விளைவிப்பதாகவும் கண்டறியப்பட்டுள்ளது. ஆராய்ச்சியாளரும் விளையாட்டு அறிவியல் வல்லுநருமான ஜீன்-டெனிஸ் ரூலியன் பிரான்ஸ் இத்தகவலை பிரெஞ்சு வானொலி நெட்வொர்க்கிடம் நேர்காணலில் தெரிவித்துள்ளார். மேலும், இளம் பெண்கள் பிரா அணிவதை நிறுத்தும்போது அவர்களின் மார்பகங்களின் தன்மை மோசமடையாது என்பதையும் ஆய்வு முடிவுகளில் கண்டறிந்துள்ளதாக தெரிவிக்கிறார், ரூலியன். அதே போல, பிரா என்பது பெண்களின் ஆடையில் ஒரு பகுதியே அன்றி அது மருத்துவ சாதனம் அல்ல என்று “ஜீன் ஹெய்ல்ஸ்” மகளிர் சுகாதார அமைப்பின் மருத்துவர் அமண்டா நியூமன் கூறுகிறார். அடுத்ததாக, பிரா அணியாமல் இருப்பதால் மார்பகப் புற்றுநோய் அபாயம் இருப்பதாக சொல்லப்படுவதைப் பற்றி பார்க்கலாம். பிரா அணிவதால் புற்றுநோயை தடுக்க முடியும் என்று எந்த ஆய்வுகளும் இல்லை. இதற்கு எந்தவிதத்திலும் அறிவியலில் இன்றுவரை எந்தச் சான்றுகளும் இல்லை. பிரா அணிவது அல்லது அணியாமல் இருப்பது மற்றும் மார்பக புற்றுநோயை வளர்ப்பது ஆகியவற்றுக்கு இடையேயான தொடர்பை நிரூபிக்கும் நம்பகமான ஆராய்ச்சி இல்லை. இதனை ஆஸ்திரேலியாவின் புற்றுநோய் கவுன்சில் தனது வலைத்தளத்தில் பதியப்பட்டுள்ளது. பிரா அணிவது மார்பக தொய்வைக் குறைப்பதற்கு ஏதேனும் ஆதாரம் உள்ளதா? என்றால் அதற்கும் இல்லை என்பதே பதில். மார்பகங்கள் இயற்கையாக இருக்கின்ற விதம் அல்லது அதன் தளர்ச்சி போன்றவை மரபியல், ஹார்மோன்கள் மற்றும் எடையுடன் அதிக அளவில் தொடர்புடையதாக இருப்பதாகவும் மருத்துவர் அமண்டா நியூமன் கூறுகிறார். பிரா அணிந்தால் மார்பகங்களின் வளர்ச்சி குறைந்துவிடும் என்று நிலவும் சில கருத்துக்களுக்கு ஆதாரங்கள் இல்லை என்கிறார் மருத்துவர் அமண்டா நியூமன். இந்த ஆய்வு முடிவுகள் இப்படி இருக்க, பின் ஏன் அசௌகரியமான இந்த ஆடையை பெண்கள் அணிகின்றனர் அல்லது அணிய நிர்பந்திக்கப்படுகின்றனர், என்ற கேள்வி எழுகிறது. கற்பு (ஒழுக்கம்) என்ற பெயரிலும், ஃபேஷன் என்ற பெயரிலும் பெண்கள் மீது இந்த உடை எவ்வாறு திணிக்கப்பட்டிருக்கிறது என்பதைப் பார்க்கும் முன்னர், பிராவின் சுருக்கமான வரலாறு குறித்துப் பார்ப்போம். பிரா வரலாறு பிரா என்றும் பிரெசியர்ஸ் என்றும் இன்னும் பலவிதமான பெயர்களில் பெண்களின் உடைகளில் ஒரு பிரிக்கமுடியாத ஒன்றாக நீடித்திருக்கிறது இந்த ஆடை. வரலாறு நெடுகிலும், பெண்கள் தங்கள் மார்பகங்களின் தோற்றத்தை பராமரிக்கவும், மறைக்கவும், கட்டுப்படுத்தவும், வெளிப்படுத்தவும் அல்லது மாற்றவும் பல்வேறு ஆடைகளையும் சாதனங்களையும் பயன்படுத்தியுள்ளனர். வரலாற்று ரீதியாக, பிரா அல்லது பிகினி போன்ற ஆடைகள் மினோவான் நாகரிகத்தின் பெண் விளையாட்டு வீரர்களின் கலையில் சித்தரிக்கப்பட்டுள்ளன. கி.மு.14 ஆம் நூற்றாண்டுகளில் கிரேக்க-ரோமன் நாகரிகங்களிலும் பெண்கள் மார்பகத்தை பராமரிப்பதற்குப் பயன்படுத்தப்படும் பிராவை ஒத்த சிறப்பு ஆடைகளை உருவாக்கியுள்ளனர் என்பதற்கு சான்றுகள் உள்ளன.   கிபி 14-ம் நூற்றாண்டில், பிராவின் முன்மாதிரி உடைகள் ஐரோப்பாவில் வளர்ச்சியடைந்தன. அதன் பின் ஏறக்குறைய கிபி 16-ம் நூற்றாண்டு முதல், மேற்கத்திய நாடுகளின் பணக்காரப் பெண்களின் உள்ளாடைகளில் கோர்செட் (corset) எனும் உடை ஆதிக்கம் செலுத்தியது. இது மார்பகங்களின் எடையை தாங்கி நிற்க உதவும் என்று கருதப்பட்டது. மேலும் அவர்களின் அழகு சாதனங்களின் ஓரு பகுதியாக அவ்வுடை பார்க்கப்பட்டது. உலகின் மிக பழமையான பிரா 1390 மற்றும் 1485 ஆண்டுகளுக்கு இடையில் ஆஸ்திரியாவில் கண்டுபிடிக்கப்பட்டது. 2008-ம் ஆண்டில் ஆஸ்திரிய லெம்பெர்க் கோட்டையின் தரைப் பலகைகளின் கீழ் நடத்தப்பட்ட அகழ்வாய்வில் சரிகைகளால் நெய்யப்பட்ட பிரா கண்டுபிடிக்கப்பட்டது. கோர்செட்-டிலிருந்தே (corset) பிரா பிறந்தது. 19-ம் நூற்றாண்டின் பிற்பகுதியில் பல்வேறு மாற்றுகளைப் பரிசோதித்ததிலிருந்து தான் ப்ராவிற்கு வடிவம் கிடைத்தது. பின் காலப்போக்கில் இருவேறு பாகங்களாக பயன்படுத்தியதில் பிரா பெரும் வரவேற்பை பெற்றது.   20-ம் நூற்றாண்டின் முற்பகுதியில், சமகால பிராக்களை ஒத்த உடைகள் தோன்றின, இருப்பினும் வணிக அளவிலான உற்பத்தி 1930-கள் வரை நடக்கவில்லை. அப்போதிருந்து ‘கோர்செட்’களின் காலம் முடிந்து பிராக்களின் காலம் தொடங்கியது. இரண்டாம் உலகப் போரில் ஏற்பட்ட உலோகப் பற்றாக்குறை கோர்செட்டின் முடிவை ஊக்குவித்தது. பிரா வடிவமைப்பு அதன் எளிமையான தன்மையால் பிரபலமடைந்தது. போர் முடிவடைந்த நேரத்தில், ஐரோப்பாவிலும் வட அமெரிக்காவிலும், ஃபேஷன்  ஆடை வடிவமைப்பு பரிணாமம் அடையத் துவங்கியது. மனிதர்களுக்கு வசதியான வகையில் உடைகளை வடிவமைக்கும் நோக்கம் கொண்டதாக நவீன ஆடை வடிவமைப்பு தோன்றினாலும், பெண்களை பாலியல் நுகர்வுப் பண்டமாக மாற்றும் வகையிலும் அது பரிணாமம் அடைந்ததும் அந்தக்காலத்தில் தான். ஃபேஷனின் இந்தப் பரிணாமம், பெண் உடலின் மீதான பார்வையை மாற்றியிருக்கிறது. ஃபேஷன் என்ற பெயரில், பெண்களின் மார்பளவை அதிகப்படுத்திக் காட்டுவது, பெண்களின் மார்பை வெளிப்படுத்திக் காட்டுவது போன்ற வகையில் வடிவமைக்கப்பட்டு சந்தைக்குள் தள்ளப்பட்டது பிரா. பெண்களின் அழகை மார்பகங்களின் அளவிலிருந்தும், அதனை வெளிப்படுத்துவதிலிருந்தும் நிர்ணயித்தது முதலாளித்துவம். அழகிற்கான நியதியையும் வரையறையையும் உருவாக்கியது. அதனை நோக்கி  தம்மை மேம்படுத்திக் கொள்ளுமாறு அறைகூவல் விடுத்தது முதலாளித்துவம். இதன் ஒரு அம்சமாக ‘ஃபேஷன் ஷோ’க்களும், அழகிப் போட்டிகளும் நடத்தப்பட்டன. பொருளாதார ரீதியான கட்டுப்பாடு ஆண்களின் கையில் இருக்கும் நிலையில், பெண்கள் தங்களை ‘அழகாக்கிக்’ கொண்டு ஆண்களை ஈர்ப்பதற்காக வடிவமைக்கப்பட்ட உடைகளை ஃபேஷனாக களமிறக்கினர். இதற்கு எதிராக அமெரிக்காவில் பெண்ணிய செயற்பாட்டாளர்கள் கடுமையான போராட்டங்களை நடத்தினர். பெண்களை ஆபாசப் பண்டங்களாக மாற்றுவதற்கு எதிரான முதல் போர்: 1968-ம் ஆண்டில் அமெரிக்காவில் மிஸ் அமெரிக்கா அழகிப் போட்டிக்கு எதிரான முதல் போராட்டம் நடந்தது. அங்கு சுமார் 400 பெண்கள் வெளியே கூடி பிராக்கள், ஐ லேஷர்ஸ், ஹேர்ஸ்ப்ரே மற்றும் ஹை ஹீல்ஸ் செருப்புக்கள் என பெண்களை போகப் பொருளாக சித்தரிக்கும் பொருட்களை எல்லாம் ‘சுதந்திர குப்பைத் தொட்டியில்’ (Freedom Trash can ) இட்டனர். இது புகழ்பெற்ற “Burn the bra” இயக்கத்தின் தொடக்கமாக அமைந்தது. இது உலகெங்கிலும் இது குறித்த தலைப்புச் செய்திகளை உருவாக்கிய ஒரு நிகழ்வு. “சுதந்திர குப்பைத் தொட்டி போராட்டத்தில் பங்கேற்ற பெரும்பாலான பெண்களுக்கு சிவில் உரிமைகள் அல்லது வியட்நாம் போர் எதிர்ப்பு இயக்கங்களில் முந்தைய அனுபவம் இருந்தபோதிலும், பெண்கள் உரிமைகளுக்காக அவர்கள் பங்கேற்ற முதல் போராட்டம் அது” என போராட்டத்தில் பங்கேற்ற மார்கேன் என்பவர் கூறுகிறார். அமெரிக்காவில் அழகு போட்டிபோட்டி பங்கேற்பாளர்கள் நல்ல உடல் தகுதி, உடல் அமைப்பு, வெள்ளை நிறம் போன்றவைகளை அத்தியாவசிய தேவைகள் காரணிகள் என வரையறைத்திருந்தது. வெள்ளை இனத்தின் அடுக்குமுறை கிட்டத்தட்ட இரண்டு தசாப்தங்களுக்கு முன்னர் கைவிடப்பட்டிருந்தாலும், இந்த போட்டிகளில் வெள்ளை நிறத்தவர் அல்லாத வெற்றியாளர்கள் அதுவரை தேர்வு செய்யப்படவில்லை. 1921-ல் அழகிப் போட்டி தொடங்கப்பட்டதிலிருந்து, எந்தப் போட்டியிலும் ஒரு கருப்பின பெண் கூட இறுதிப் போட்டியாளராக இருந்தில்லை என்று அமெரிக்காவில் நடைபெற்ற “ஃப்ரீடம் ட்ராஷ் கேன்” போராட்டத்திற்கான செய்தி அறிக்கை தெரிவிக்கிறது. புவேர்ட்டோரிக்கன், அலாஸ்கன், ஹவாய், அமெரிக்க – மெக்சிகன், அமெரிக்க – இந்தியன் என வெள்ளை நிறத்தவரல்லாத எவரும் வெற்றியாளராக இருந்ததில்லை. அந்த அழகி போட்டிக்கான எதிர்ப்பை வெளிப்படுத்தியவர்கள் சுட்டிக்காட்டிய 10 அம்சங்களில் இனவாதமும் ஒன்று. பெண்களின் எழுச்சியாக சுமார் 50 வருடம் கடந்து பேசப்படும் போராட்டமாக அமெரிக்காவில் தோன்றிய இப்போராட்டம் இருக்கிறது. ஒருவர் பிரா அணிவதும் அணியாததும் அவரவர் விருப்பம். அது அழகின் ஓரு பகுதி எனவும், உடல் நலம் சார்ந்ததாகவும் மேலும் பல பொய்யான பிம்பத்தை ஏற்படுத்துவதும் தவறானது. பிரா அணியாதவர்களை இழிவுபடுத்துவதும், கேள்வி எழுப்புவதும், அதை அணிய பிறரை நிர்பந்திப்பதும் இழிவானது. சிந்துஜா சமூக செயற்பாட்டாளர்   https://www.vinavu.com/2021/10/13/problem-of-bra-a-historical-insight/
    • https://www.facebook.com/profile.php?id=100073156405565 சேரமானின் ஆவி வல்ல முனி என்னும் பெயரில்  மீண்டும் வருகிறது .......😀 நான் நலம் பையா. கிரிக்கற்றைப் பற்றி எனக்கு ஒன்றும் தெரியாமல் போட்டியில் பங்குபற்றுவது நல்லதல்ல. கடந்த தடவை போல கேலிக்கூத்தாக்கிவிடும். 😀 எனக்கு அந்த விளையாட்டைக் கண்டாலே பிடிக்காது.  தமித் தேசியம் என்பது வேறு அதை மறுப்பவர் எதிர்ப்பவர் வேறு. இரண்டுக்கும் முடிசிச்சுப் போடக்கூடாது. மறுப்பவர்களைக் கிண்டலடிப்பவர்களை கடந்து போகும் துணிவு இருந்தால் மறுக்கலாம். அல்லது மௌனமாக இருப்பது தான் சிறந்தது.
    • தமிழ்நாட்டில் தமிழர்க்கு மட்டுமே வேலை: ராமதாஸ் வலியுறுத்தல்! மின்னம்பலம்2021-10-20 தமிழ்நாட்டில் தமிழர்களுக்கு மட்டும் தான் வேலை என்று சட்டம் இயற்ற வேண்டும் என பாமக நிறுவனர் ராமதாஸ் வலியுறுத்தியுள்ளார். சொமேட்டோ நிறுவனத்தின் ஊழியர் ஒருவர், தேசிய மொழியான இந்தியை அனைவரும் தெரிந்து வைத்திருப்பது அவசியம் என்று கூறியது பெரிய சர்ச்சையை ஏற்படுத்தியது. இதற்கு அரசியல் தலைவர்கள், சமூக ஆர்வலர்கள், பொதுமக்கள் என பலரும் கண்டனம் தெரிவித்து வருகின்றனர். இதை சுட்டிக் காட்டி பாமக நிறுவனர் ராமதாஸ் இன்று(அக்டோபர் 20) வெளியிட்டுள்ள அறிக்கையில்,” தமிழ்நாட்டில் உணவு வினியோகிக்கும் தனியார் நிறுவனத்தின் சேவை பிரதிநிதி ஒருவர் வாடிக்கையாளரிடம் பேசும் போது, இந்தி தேசிய மொழி என்பதால் அனைவரும் கொஞ்சமாவது இந்தி கற்றிருக்க வேண்டும் என்று கூறியிருப்பது சமூக ஊடகங்களில் பெரும் புயலை ஏற்படுத்தியுள்ளது. தமிழ்நாட்டில் தமிழ் மொழியில் சேவை வழங்காதது மட்டுமின்றி, தமிழகத்தில் உள்ளவர்களாக இருந்தாலும் இந்தி மொழியை கற்றிருக்க வேண்டும் என்று அந்நிறுவன பிரதிநிதி கூறியிருப்பது கண்டிக்கத்தக்கது. இந்தி இந்தியாவின் தேசிய மொழி அல்ல... நாட்டின் அலுவல் மொழிகளில் ஒன்று தான். அலுவல் மொழியாக இந்தி இருந்தாலும் கூட, பிற மொழியை தாய்மொழியாகக் கொண்டவர்கள் இந்தியைக் கற்றுக் கொள்ள வேண்டும் என்று எந்தக் கட்டாயமும் கிடையாது. ஆனாலும் பல்வேறு வழிகளில் தமிழர்கள் மீது இந்தியை திணிப்பதற்கான முயற்சிகள் நடந்து கொண்டு தான் இருக்கின்றன. தனியார் உணவு வினியோக நிறுவனம் தான் இத்தகைய முயற்சியில் முதலில் ஈடுபட்டது என்று கூற முடியாது. வங்கிகள், அஞ்சல் நிலையங்கள், விமான நிலையங்கள் உள்ளிட்ட பல்வேறு இடங்களில், ‘‘ இந்தியனாக இருந்து கொண்டு இந்தி பேசத் தெரியாதா?’’ என்ற அவமதிக்கும் வகையிலான கேலி வினாக்கள் தமிழர்களை நோக்கி எழுப்பப்பட்டுக் கொண்டு தான் இருக்கின்றன. தமிழகத்தில் இந்தி தெரியாததால் தமிழர் ஒருவருக்கு வீட்டுக் கடன் மறுக்கப்பட்ட கொடுமையும் நடந்தது. இவை ஏற்க முடியாதவை. தமிழ்நாட்டில் இத்தகையக் கொடுமைகள் இனியும் நடக்கக்கூடாது என்பது தான் தமிழக மக்கள் அனைவரின் எதிர்பார்ப்பும் ஆகும். இந்த எதிர்பார்ப்புகளை தமிழக அரசு ஒரே ஒரு சட்டத்தின் மூலம் மிகவும் எளிதாக நிறைவேற்றி விட முடியும். தமிழ்நாட்டில் தமிழர்களுக்கு மட்டும் தான் வேலை என்று சட்டம் இயற்றுவதன் மூலம் இச்சிக்கலை தீர்க்க முடியும். ஆனால், அதைச் செய்ய தமிழ்நாடு அரசு தயங்குவதன் நோக்கம் தான் புரியவில்லை. தமிழ்நாட்டில் உள்ள தனியார் நிறுவனங்களில் 80% பணி இடங்கள் தமிழர்களுக்கு மட்டும் தான் வழங்கப்பட வேண்டும் என்றும், அதற்காக தனிச் சட்டம் இயற்றப் பட வேண்டும் என்று பாட்டாளி மக்கள் கட்சி பல ஆண்டுகளாக வலியுறுத்தி வருகிறது. குஜராத், மகாராஷ்டிரா ஆகிய மாநிலங்களில் 80% பணிகளும், ஆந்திரா மற்றும் ராஜஸ்தானில் 75% பணிகளும், மத்தியப் பிரதேசத்தில் 70% பணிகளும் உள்ளூர் மக்களுக்கு ஒதுக்கப்பட்டுள்ளன. கர்நாடகத்தில் சி மற்றும் டி பிரிவு பணிகளை முழுக்க முழுக்க உள்ளூர் மக்களுக்கு ஒதுக்கி சட்டம் இயற்றப்பட்டுள்ளது. தமிழ்நாட்டிலும் இத்தகைய சட்டம் இயற்றப்பட்டால் தமிழ்நாட்டைச் சேர்ந்தவர்களுக்கு அதிக வேலை கிடைப்பது மட்டுமின்றி, தனியார் நிறுவனங்களின் அனைத்து நிலைப் பணியாளர்களும் தமிழ் மொழியில் பேசுவர் என்பதால் இத்தகைய மொழிச் சிக்கல்களும், அதனால் ஏற்படும் சர்ச்சைகளும் தடுக்கப்படும். பாட்டாளி மக்கள் கட்சியின் இந்த நிலைப்பாட்டை திமுகவும் ஏற்றுக் கொண்டிருக்கிறது. அதன்படி, திமுக ஆட்சிக்கு வந்தால்,‘‘தமிழகத்தில் உள்ள தொழில் நிறுவனங்களில் 75% வேலை வாய்ப்புகள் தமிழர்களுக்கே வழங்க, சட்டம் கொண்டு வரப்படும்’’ என்று தேர்தல் அறிக்கையில் திமுக வாக்குறுதி அளித்திருந்தது. அதை நிறைவேற்றுவதன் மூலம் இத்தகைய சிக்கல்களுக்கு தீர்வு காண முடியும். அதேபோல், 100% அரசு வேலைவாய்ப்புகளும் தமிழர்களுக்கே கிடைக்க வகை செய்ய வேண்டும். அதுமட்டுமின்றி, தமிழகத்தில் உள்ள வங்கிகள் உள்ளிட்ட மத்திய அரசின் பொதுத்துறை நிறுவனங்களில் அதிகாரிகள் நிலை தவிர்த்த பிற பணிகள் முழுக்க முழுக்க தமிழர்களுக்கே வழங்கப்படுவதும், மத்திய அரசு அலுவலகங்களில் இடை நிலைப் பணிகளில் 50% இடங்கள் தமிழர்களுக்கே வழங்கப்படுவது உறுதி செய்யப்பட்டால் வங்கிகள், அஞ்சல் நிலையங்கள் உள்ளிட்ட மத்திய அரசு அலுவலகங்களில் தமிழர்கள் மொழி சார்ந்து அவமதிக்கப்படுவதற்கு முடிவு கட்டப்படும். எனவே, தமிழக அரசு இனியும் தாமதிக்காமல் அரசு பணிகளில் 100 விழுக்காடும், தனியார் தொழில் மற்றும் சேவை வழங்கும் நிறுவனப் பணிகளில் 80 விழுக்காடும் தமிழர்களுக்கு மட்டுமே வழங்கப் படுவதை உறுதி செய்யும் வகையில் சட்டங்கள் இயற்றப்பட வேண்டும்” என்று வலியுறுத்தியுள்ளார்.   https://minnambalam.com/politics/2021/10/20/17/pmk-ramadoss-says-job-should-be-allocate-to-only-tamil-people
×
×
  • Create New...

Important Information

By using this site, you agree to our Terms of Use.