மதுரை வடை ஃபேக்டரிகள்.

[குமாரசாமி]

 

மதுரை_வடை_ஃபேக்டரிகள்*

*மதுரையில்* நிறைய வடைக் கடைகளை கடை என்பதை விட வடை ஃபேக்டரின்னே கூறலாம். சர்வ சாதாரணமாக 2000 வடைகள் தினமும் விற்கும் கடைகளே நூற்றுக்கும் அதிகமாக இருக்கும்.! அதில் தலையானது மேலமாசி வீதி வடக்குமாசி வீதி சந்திப்பில் இருக்கும் பாம்பே ஸ்வீட்ஸ்!

சூரியன் உதிப்பதற்கு முன்பே அந்த சூரியன் போன்ற வெப்பத்துடன் தயாராகும் அப்பம் மதுரையின் அடையாளம் ஆகும் அதிகாலை 4 மணிக்கே இனிப்பு அப்பத்துடன் தனது நாளை துவக்குபவர்கள் சூரிய உதயத்திற்கு பின்பு அசால்ட்டாக..

உளுந்தவடை, மசால்வடை, காரவடை, வெங்காயவடை, சமோசா என வெரைட்டிக்கு மாறுவார்கள்.. ஒவ்வொன்றிலும் தலா 200 வடைகள் போடுவார்கள். அதிகாலை அப்பம் தன் வெப்பம் இழந்து ஆறியிருந்தாலும்..

அந்த அப்பத்தை சுவைத்துவிட்டு தேங்காய் சட்னியோடு 2 வெங்காய வடையோ உளுந்தவடையோ உண்ணும் ஜீவராசிகள் பலர் மதுரையில் உண்டு. 12 வருடங்களுக்கு முன்பு நானும் அந்தப்பட்டியலில் இருந்தேன்.! என் பிடித்த மெனு அப்பம் & சமோசா!

அதிலும் சமோசாவிற்கு ஒரு ஆனியன் தக்காளி குருமாவும், வடைகளுக்கு கடலைமாவில் செய்த பாம்பே சாம்பாரும் தருவார்கள் அடடா என்ன காம்பினேஷன் தெரியுமா அது! சில நேரங்களில் வெள்ளையப்பம், காரபோண்டா, தவளவடை, மசால்வடைக்கு

அருமையான தக்காளி மல்லிச் சட்னி கிடைக்கும். மொறு மொறுன்னு அங்கம் மினு மினுக்க கிடைக்கும் பூண்டு தட்டிப்போட்ட மசால் வடைக்கும், தவளவடைக்கும் அந்தச் சட்னி தேவார்மிதமாக இருக்கும், மாலையில் மைசூர் போண்டா என்றோ பட்டணம் பக்கோடா என்றோ அழைக்கப்படும்..

போண்டாவிற்கு ஒரு புதினா சட்னியும் மிளகாய் சட்னியும் தருவார்கள் பாருங்கள் அது டிவைன்.! அதே போல பஜ்ஜியில் தான் எத்தனை எத்தனை வகைகள்.!பெரிய கத்திரிக்காய், உருளைக்கிழங்கு, வாழைக்காய், வெங்காயம் என..

வெரைட்டியாக பாஜக கலரில் வந்து இலையில் விழும் கொதிக்கும் பஜ்ஜியோடு சட்னியை சுவைத்துக் கொண்டே ரோட்டில் செல்லும் பெண்களை சைட் அடிக்கும் பெண் பார்க்கும் படலத்தை ஆண்கள் நடத்துவார்கள்.

சில சமயம் சூடான அதே பாஜக நிறத்தில் சொஜ்ஜியும் (கேசரி) கிடைக்கும்.! பிரமாதமான இனிப்பில் முந்திரி, திராட்சையுடன் வாயில் வைத்தாலே சர்ரென வயிற்றில் இறங்கும் வழவழப்பில் தயாரிக்கப்பட்ட கேசரி அது.!

வெங்காய பஜ்ஜி சாப்பிடுவது தான் கொஞ்சம் கஷ்டம்.. அவர்கள் தரும் சூட்டில் பஜ்ஜியைக் கடித்தால் வாய் வெந்து விடும்.! ஓபன் ஹார்ட் சர்ஜரி போல பஜ்ஜியை இரண்டாகப் பிளந்து அதன் சூடு போக வாயால் அதை ஊதி ஊதி..

வெங்காயத்தை லேயர் லேயராக எடுத்து சட்னியில் குழைத்து ரசித்து உண்ணவேண்டும்.! அப்படியே அண்ணா பஸ்ஸ்டாண்ட் சென்றால் அங்கு ஒரு வடைக் கடை இருக்கிறது ஒவ்வொரு வடையும் ஒரு டோனெட்டை விட

2 சுற்று பெரியதாக இருக்கும் காலையில் 2 வடை ஒரு டீ சாப்பிட்டாலே மதியம் வரை பசிக்காது.! இங்கும் மெதுவடை, ஆமைவடை, போண்டா, வெங்காய வடை, சமோசா எல்லாம் கிடைக்கும் அதன் சூடும் அந்தச்சட்னியும் அடடா.! செம.!

அதே போல யானைக்கல் ஆசீர்வாதம் கடையின் வடைகளை எல்லாம் ஒரு யானையே வந்து விழுங்குவது போல மதுரையன்கள் விரும்பி விழுங்குவார்கள். கூடல்நகர் பாலம், பீபிகுளம் உழவர் சந்தையில் வண்டிக் கடைகளில்..

மல்லி சட்னியோடு வடைகள், போண்டா, சமோசா என இங்கும் உண்டு விலை அதிகமில்லை ₹5மட்டுமே..,மஹால் ஏரியா, முனிச்சாலை சென்றுவிட்டால் முள் முருங்கைவடை இட்லிப் பொடியுடன் கிடைக்கும். வாழைப்பூ வடை,

கீரை போண்டா, மெது போண்டா, கருப்பு உளுந்தவடை, கார சீயம், இனிப்பு சீயம், தேங்காய் போளி, பருப்பு போளி என வெரைட்டியாகவும், சுவையில் வித்தியாசமாகவும் பலப்பல வடை பதார்த்தங்களை ருசிக்கலாம்.

கல்யாண முருங்கையில் குட்டி பூரி போல சுடப்பட்டும் முள் முருங்கை வடை ருசியானதும் ஆரோக்கியமானதும் கூட சின்னச் சொக்கிக்குளத்தில்

அருமையான தயிர்வடை, சாம்பார் வடை காராபூந்தி தூவி கிடைக்கும்.

இங்கு கிடைக்கும் உருளைக் கிழங்கு போண்டாவிற்கு புவிசார்பு குறியீடு வழங்கினாலும் தவறில்லை.! பீபீ குளம் மீனாட்சிபுரம் ஜங்ஷனில் கிடைக்கும் பால்பன், முட்டை கோஸ் அப்பம், வடைகள் எல்லாம் 5ஸ்டார் மதிப்புடையவை.

கிருஷ்ணாபுரம் காலனியில் வண்டிக்கடையில் சுண்டல் குழம்பு & சமோசா, மிளகாய்பஜ்ஜி, கார உருண்டை, நைஸ் மசால் போண்டா, வெங்காய போண்டா, உளுந்து போண்டா, இவையெல்லாம் முறையே தேங்காய்/தக்காளி/மல்லிச்..

சட்னிகளோடு பரிமாறப்படும் போனஸாக அந்த சுண்டல் குழம்பும் கடலைமாவு பாம்பே சாம்பாரும் வழங்கப்படும் சூடாக போடும் வரை காத்திருந்தே இங்கு சாப்பிடமுடியும். மதுரை பழைய ராஜ்மஹால் கடையிலிருந்து அம்மன் சன்னதி போகத் திரும்பும் சந்திப்பில் இருக்கும் போளி, வடைக்கடை,

பெரியார் பேருந்து நிலைய கேபிஎஸ் ஓட்டல் வாசல் மெகா சைஸ் மெதுவடைக் கடை, கிராஸ் ரோடு வடைக் கடை செல்லூர் மெயின் ரோட்டில் இருக்கும் செல்வம் கடை என மதுரையில் பலப் பல வடை ஃபேக்டரிகள் உண்டு.!

இங்கு நான் சொன்னது கொஞ்சமே.! மதுரையின் 16 திசைகளிலும் சுடச்சுட வெரைட்டியாக கிடைக்கும் அற்புத உணவு வடைகள் மட்டுமே. கதைகளில் காகங்கள் பாட்டியிடம் வடை திருடினாலும் மதுரையில் மட்டும்..

வடை சுட்டு விற்கும் பாட்டிகளுக்கு அது நஷ்டமே இல்லை..! ஏனெனில் முதல் வடையை சுட்டதும் அதை காக்கைக்கு வைத்துவிட்டே கடையைத் துவக்குகிறார்கள்.! மதுரைக்கு வந்தால் சிறந்த வடைக்கடையை அடையாளம் காண..

சிறந்த வழி ஒன்று இருக்கிறது..! அந்த வடைக்கு அவர்கள் எவ்வளவு சட்னி வகைகள் வைத்திருக்கிறார்கள் எனப் பார்த்தாலே போதும்.! இரண்டு சட்னிகள் எனில் அது 3 ஸ்டார்.. 3க்கு மேல் எனில் அது 5 ஸ்டார்..

விதவிதமாக என்றால் அது 7ஸ்டார்.! திருவிளையாடலில் ஞானப்பழத்திற்கு பதில் நாரதர் வடையை கொண்டு வந்து வைத்திருந்தால் தற்போது பழனி மலை மதுரையில் அமைந்திருக்கும் என்பதே ஆகச்சிறந்த உண்மை!

 

முகநூலிலிருந்து.....