ஆமையின் இறப்புக்கு தீ பிடித்த கப்பலில் காணப்பட்ட இரசாயனங்கள் காரணமா ? ஆராயுமாறு உத்தரவு

[கிருபன்]

ஆமையின் இறப்புக்கு தீ பிடித்த கப்பலில் காணப்பட்ட இரசாயனங்கள் காரணமா ? ஆராயுமாறு உத்தரவு

எம்.எப்.எம்.பஸீர்

தெற்கின் உனவட்டுன கடற்கரையில் கரை ஒதுங்கி இருந்த  இறந்த ஆமையின் மரணதுக்கு,  தீ பரவிய எக்ஸ்பிரஸ் பேர்ள் கப்பலில் இருந்த இரசாயனங்கள் தான் காரணமா என்பதை உறுதி செய்ய, குறித்த ஆமையின் சடலத்தை, தெஹிவளை - அத்திட்டியவில் அமைந்துள்ள  வன ஜீவிகள் வைத்திய அலுவலகத்துக்கு அனுப்பி அறிக்கை பெறுமாறு காலி நீதிமன்றம் உத்தரவிட்டுள்ளது.

 காலி மேலதிக நீதிவான் பவித்ரா சஞ்ஜீவனீ பத்திரன இதற்கான உத்தரவை  ஹிக்கடுவ வனஜீவிகள் அலுவலகத்துக்கு பிறப்பித்துள்ளார்.

உனவட்டுன கடற்கரைக்கு, குறித்த ஆமையின் சடலம், நேற்று முன் தினம் கரை ஒதுங்கியிருந்தது.  இது தொடர்பில் ஹிக்கடுவ வன ஜீவி அதிகாரிகள் நேற்று காலி மேலதிக நீதிவான் பவித்ரா சஞ்ஜீவனீ பத்திரணவுக்கு அறிக்கை சமர்ப்பித்தனர். அதில் எக்ஸ்பிரஸ் பேர்ள்  கப்பல் தீ பிடித்ததால், கடலில் கலந்த இரசாயனங்களின் தாக்கம் காரணமாக அந்த ஆமை உயிரிழந்துள்ளதா என்பதை ஆய்வு செய்ய வேண்டும் என அதிகாரிகள் நீதிமன்றைக் கேட்டனர்.

 இந்த கோரிக்கையை ஆராய்ந்தே நீதிவான், ஆமையின் இறந்த உடலை அத்திட்டியவில் உள்ள வன ஜீவிகள் மருத்துவ அலுவலகத்துக்கு அனுப்பி அறிக்கை பெற உத்தரவிட்டார்.
 

https://www.virakesari.lk/article/106865

 

[உடையார்]

கப்பல்  தீ விபத்து – பாதிக்கப்பட்ட பகுதி மீள 20 வருடங்கள் ஆகும்

 

 24 Views

எக்ஸ்பிரஸ் பேர்ள் கப்பல் ஏற்படுத்திய தாக்கத்தில் இருந்து மீள 20 வருடங்கள் ஆகலாம் என்று கடற்பிராந்தியப் பாதுகாப்பு அதிகார சபையின் தலைவர் தர்ஷனி லஹதபுர எச்சரித்துள்ளார்.

மேலும் குறித்த கப்பலின் தீ முழுமையாக அணைக்கப்பட்டு, அதனை ஆழ்கடலுக்கு கொண்டு சென்றாலும் அதனாலேற்பட்ட பாதிப்புக்களிலிருந்து கடற்பிராந்தியம் பழைய நிலைக்குத் திரும்புவதற்கு சுமார் 20 வருடங்கள் ஆகலாம் என்றார்

அத்தோடு இந்த கப்பலால் சூழலியல் பாதிப்புக்கள் ஒரு பக்கம் இருக்க, அது ஏற்படுத்திய தீ பரவலும் அதனைத் தொடர்ந்து சூழலுக்கு ஏற்பட்ட பாதிப்புக்களும் பல்வேறு சமூகப்பிரச்சனைகளைத் தோற்றுவித்துள்ளது என்றும் ஏற்கனவே பாதிப்பக்களை சந்தித்து வரும் மீனவ சமூகம் மேலும் நெருக்கடிகளுக்கு உள்ளாகியுள்ளது என்றும் தெரிவித்துள்ளார்.

 

https://www.ilakku.org/?p=51472