Jump to content

கையாலாகாத வக்குரோத்து தமிழ் அரசியல் கட்சிகள்?


Recommended Posts

கையாலாகாத வக்குரோத்து தமிழ் அரசியல் கட்சிகள்?
 
பகுதி - VIII
தமிழ்ச் சமூகத்தில் மலிந்திருக்கும் சமூக விரோதச் செயல்கள் மிகவும் கவலை கொள்ளச் செய்கின்றன. அண்மையில் கிழக்கு மாகாணம் மட்டக்களப்பில் போதைப்பொருள் சம்பந்தமாகக் கைது செய்யப்பட்ட தமிழ் இளைஞர் காவலர்களின் பாராமரிப்புக்குள் மரணமான செய்தியை நாம் வெகுசன ஊடகங்களில் பார்க்கிறோம். அது ஒரு விவாதப் பொருளாக, பல முகநூல் வாசிகளால் கருத்துகள் பல முன்வைக்கப்பட்டதைக் காணக்கூடியதாக இருக்கிறது. தீவகச் சூழலை பிறப்பிடமாகக் கொண்டவரும், இன்று பிரித்தானியாவில் வாழ்ந்து வருபவருமான அரசியல் செயல்பாட்டாளருடன் பேசும் பொழுது தீவகச் சூழலில் நடந்த சம்பவம் ஒன்றைப் பற்றிப் பேசினார்.
கடலோடியாக இருக்கிற இளைஞர், பொதி எடுத்துவர கூலிக்கு அமர்த்தப்படுகிறார். இரு தடவை வெற்றிகரமாகத் தனக்களிக்கப்பட்ட வேலையை முடித்துக் கொடுக்கிறார். மூன்றாம் தடவை அந்தக் கடலோடி பொதிகளை உரிய இடத்தில் ஒப்படைத்து விட்டார். ஆனால், பொதி இடையில் மாட்டிக் கொண்டது. அந்தக் கடலோடி கைது செய்யப்பட்டு, விசாரணைக்காக நீதிமன்றில் நிறுத்தப்படுகிறார். அந்தக் கடலோடி நீதிமன்றில், தான் கூலிக்கு அமர்த்தப்பட்டதாகவும், அந்த வேலையை ஏன் ஒப்புக் கொண்டதற்கான காரணமாக, கடலில் தொழில் வருமானமற்றதாக இருப்பதாகக் கூறுகிறார். பொதியோடு கைது செய்யப்படதாததால் அந்தக் கடலோடி பதினைந்தாயிரம் தண்டனைப் பணத்தோடு வெளியே வருகிறார். பிடிப்பட்ட பத்துப் பொதிக்குள் நான்கு கஞ்சாப் பொதி இருந்தது. அந்தக் கடலோடி புதிதாக வாங்கிய பிளாஸ்ரிக் கடல் கலத்தின் கடன் தொகைக்காக மூன்று தடவை பொதிக்கு போய் வந்துவிட்டால் அந்த கடன் பிரச்சினை முடிந்துவிடுமென கதையை, தன் நியாயத்தை அந்தக் கடலோடி முன்வைக்கிறார்.
இலக்கற்ற பயணங்களாக மாறிவிட்ட தமிழ் மக்களின் அரசியல் எவ்வாறு தமிழ் மக்களின் வாழ்க்கையின் வாழ்வியல் அறத்திலும், நடைமுறையிலும் சமூக நீதியைப் புறந்தள்ளிய சூழலை கட்டமைக்கிறதென்பதைக் கடந்த தமிழ் மக்களின் அரசியல் கட்சிகள், ஆயுதப் போராட்ட அமைப்புகள் மற்றும் பொதுசன, வெகுசன அமைப்புகள், படைப்பிலக்கியங்களுக்குடாக படைப்பாளர்களாக தங்களை முன்னிறுத்தியவர்கள், அரசியல் விமர்சகர்கள், மத அமைப்புகள் மற்றும் தலைமைகள், இதனைத் தாண்டி அரசும், அதன் நிர்வாகமும் என்பன பற்றிப் பேச வேண்டியிருக்கிறது. இதில் எந்தவொரு பகுதியினரும் தமிழ்ச் சமூகம் சார்ந்த தங்கள் பொறுப்புகளில் இருந்து விடுபட்டுக் கொள்ள முடியாது.
ஓர் மனிதன் அதுவும் இளைஞன் வாழ்க்கையில் வாழ எத்தனிக்கும் அவன் ஒரு குழந்தைக்கு ஒப்பானவன். சமூகம்தான் அவனுக்காக வழிகாட்டியும், கற்பிக்கும் கற்றுக்கொள்ளும் இடமும்கூட. பெரும் காலமொன்றினை, அவன் பிறப்பின் நிகழும் சூழலும் கட்டமைப்பும் அவன் கனவும் உலகமும் கண் முன்னால் தகர்த்து போகும் தருணத்தில் பற்றிக் கொள்ள எந்த ஆதாரமுமின்றி வட்டு இழந்த பனைபோல் இருண்ட பக்கமாய் வாழ்வின் நெடு வழியும் அவன் முன் தோன்றும். சிறு எல்லைகளைக் கொண்ட அவன் கனவுகள்போலே அவன் நாடும் ஆகி, பெருத்த, விரிந்த நிலப்பகுதிக்குள் அவன் விடப்படுகிறான். புலம்பெயர்ச் சூழலின் திரும்புதலும், இறக்குமதியாகும் அறிவியலும் நவீனமும் அவனை மீண்டும் வாழ்க்கையில் போராட்டத்திற்குள் தள்ளுகிறது. களைத்து போய் இயலாதவனாய் இருந்ததெல்லாம் இல்லாமலாகி தொலைத்தாகி வெற்று மனிதனாக, மனம் நிறைய துயரங்களும் இழப்புகளுமாக சற்று அமர்ந்து இளப்பாறி எழுவதற்கு சற்று நேரம் வாய்ப்பின்றி காலம் அவனை வாழ்கையில் ஓடச் சொல்கிறது. அரசியலால் கைவிடப்பட்ட, வழி சொல்லப்படாத சூழ்நிலையில் வரும் சந்தர்ப்ப வாய்ப்புகளில் பணமே முன் நிலையாக வாழ்வுக்கு ஆதாரமாக வாழ்வியல் அறம் புரியாமல் சமூக நீதியை புறந்தள்ளியவனாய் சட்டத்திற்குள் சிக்கிய சமூகக் குற்றவாளியாய் அவன் நிற்பதற்கு காரணம் யார்?
போதைப்பொருள் சந்தேக நபராகக் கைது செய்யப்படும் நபர், காவல் பாராமரிப்புக்குள், காவல் பரப்புக்குள், காவல் நேரத்திற்குள் சந்தேக நபரின் மரணம் என்பது அந்த சூழ்நிலைக் காட்சியை தலைகீழ் மாற்றத்திற்குள் கொண்டு வந்து நிறுத்துகிறது. இந்தப் புள்ளியில் அந்த மரணம் வேறொரு திசையில் தனது பயணத்தை ஆரம்பிக்கத் தொடங்கிறது. அந்தப் போதைப்பொருள் சந்தேக நபர் மறைந்து பொலிஸ் காவலில் கைதி மரணமென கதையாகப் பார்க்கத் தோன்றுகிறது. இப்பொழுது இந்தக் கைதி மரணம் மொத்த இலங்கைப் பொதுப் பிரச்சினையாக உரு வெடுக்கிறது. நாளை, வருங்காலத்தில் பொலிஸ் காவலில் கைதி மரணம் நிகழாதென்பதற்கு என்ன நிச்சயம்? இந்த மரணம் என்பது பொலிஸ் நிர்வாகத்தின் மனநிலையை வெளிப்படுத்துவதாக அமைந்து விடுகிறது. இந்த நிலைதான் வருங்காலம் மீதான பயமொன்றினை தமிழ் மக்கள் மனங்களில் கேள்வியொன்றினை ஏற்படுத்திச் செல்கிறது.
2009 ஆம் ஆண்டு முள்ளிவாய்க்காலில் தமிழ் மக்களின் அரசியல் அபிலாசைகளுக்கான தீர்வுக்காக முன்னெடுத்த ஆயுதப் போராட்டம் முற்றுப்புள்ளிக்கு வந்த பிற்பாடு உருவாகும் சூழலை எதிர் கொள்ள எந்தவொரு வரைபுகளும் அற்ற போக்கோடு காணப்பட்ட தமிழ் அரசியல்க் கட்சிகள் அனைத்தும் தங்கள் இருப்புப் பற்றி சிந்தனையோடு பயணித்தவர்களால் இந்தக் கைதியின் காவல் பராமாரிம்புக்குள் மரணம் பற்றிப் பேச முடியாத மனநிலைக்குள் சூழ்நிலைக் கைதியாக, சிங்களத்தேசிய அய்யாக்களின் விசுவாச சிறைக்குடி நிலை தடுத்து நிற்கிறது. தமிழ் அரசியல்க்கட்சிகளின் அல்லது அக்கட்சித் தலைமைகளின் வீர விம்பங்கள் உதிர்ந்து, கையாலாகாத வக்குரோந்து, நம்பிக்கைத் துரோகக் காட்சிகளை வெளிச்சத்தில் மீண்டும் ஒரு தடவை தூக்கி வீசப்பட்டுள்ளது. ஒட்டுமொத்த வடக்கு கிழக்குத் தமிழ் அரசியல்க் கட்சித் தலைமைகளின் யாழ்மையவாத சித்தாந்த போக்கை துகிலுரிந்து காட்டியிருக்கிறது; இந்த கைதியின் காவல் பராமாரிப்புக்குள் நடந்த மரணம் சுட்டி நிற்கிறது.
மீண்டும் ஒரு முறை கடந்த காலத்தில் இலங்கையில் நடந்து முடிந்த தமிழ் மக்கள் மீதான பொது வன்முறை பற்றியும், சிறைச்சாலைத் தமிழ்க் கைதிகள் மீதான வன்முறை பற்றியும் அதனைத் தொடர்ந்து நடந்த இனவாத அரசியல் பற்றியும் நினைவேந்தலுக்குள் தமிழ் அரசியல்த் தலைமைகளை முக்கியெடுக்க வேண்டியிருக்கிறது. இந்தக் கைதியின் மரணம் பற்றிப் பேச வாய் திறக்காத, மெளனத் தியாகிகள் வருடம் முழுவதும் கண்ட மேனிக்கு நினைவேந்தலாக முகநூலில் வீரத் தாலாட்டுப் பாடுவதேன்? இன்று தமிழ் அரசியல்த் தலைமைகள் இருப்புக்கும் உயிர் வாழ்வதற்குமான அரசியலில் பயணிக்கத் தொடங்கி நீண்ட நாட்களாயிற்று. அவர்கள் திரும்பி வர மாட்டார்கள். தமிழ் மக்களின் அரசியல் புலியின் வாலைக் கைவிட்ட கதையாகிப் போனதோ?
June 06, 2021
May be an image of 1 person, beard and text that says 'கையாலாகாத வக்குரோத்து தமிழ் அரசியல்க் கட்சிகள்? uAnul 一 អ'
 
 
 
 
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • கொரோனாச் சந்தைகளும் தமிழ் அரசியல்வாதிகளும்! நிலாந்தன்! June 13, 2021 கிளிநொச்சியைச் சேர்ந்த ஓர் ஊடகவியலாளர் சொன்னார்.திரு நகரிலும் உதய நகரிலும் கொரோனாச் சந்தைகள் இயங்குவதாக.பிரதான சந்தைகள் மூடப்பட்ட காரணத்தால் தற்காலிக கள்ளச் சந்தைகளாக இவை இயங்குவதாகவும் அவர் தெரிவித்தார்.சிலசமயங்களில் உதயநகர் சந்தையில் படைத்தரப்பும் வாகனத்தை நிறுத்திவிட்டு பொருள் வாங்குவதை தான் கண்டதாகவும் சொன்னார். இதைப்போலவே யாழ்ப்பாணத்தைச் சேர்ந்த ஒர் ஊடகவியலாளர் சொன்னார் கொக்குவில் இந்து பள்ளிக்கூடத்தின் மைதான வீதியில் காலை வேளைகளில் ஒரு மீன் சந்தை இயங்குவதாகவும் அது மிகவும் நெரிசலான ஒரு சந்தை என்றும்.யாழ்ப்பாணம் பாசையூர் சந்தையும் இயங்குகிறது. இடையில் போலீசாரோடு சில முரண்பாடுகள் வந்தன.வழமையான நாட்களோடு ஒப்பிடுகையில் சனத்தொகை குறைவு என்றாலும் அதுவும் ஒரு சனத்திரட்சிதான். இப்படித்தான் யாழ் திருநெல்வேலி சந்தையும் அயலில் இருக்கும் உள் வீதிகளில் சிதறி இயங்குகிறது. இடைக்கிடை போலீசார் பாய்வார்கள். எனினும் போலீசாரை கண்டதும் மூடி போலீசார் போனதும் திறந்து ஆங்காங்கே வீதியோரங்களிலும் வீடுகளுக்குள்ளேயே சிறு சிறு சந்தைகள் இயங்குகின்றன. யாழ் பருத்தித்துறை வீதியிலும் தோட்டக் காணிகள் அதிகமுள்ள பகுதிகளில் குறிப்பாக புத்தூர் பகுதியில் வீடுகளுக்குள் சந்தைகள் இயங்குவதாக ஒரு செய்தியாளர் தெரிவித்தார். மேற்படி உத்தியோகப்பற்றற்ற சிறிய சந்தைகள் யாவும் அவற்றின் விளைவுகளை கருதிக் கூறின் மெய்யான பொருளில் கொரோனாத் தொற்றுச் சந்தைகளே என்று ஒரு நண்பர் கூறினார். ஏனெனில் இந்த சிறு சிறு சந்தைகள் யாவும் சில சமயங்களில் வைரஸ் தொற்றுக் கொத்தணிகளாக மாறக்கூடிய வாய்ப்பு உண்டு என்றும் அவர் சுட்டிக்காட்டினார். கண்டி வீதியில் போய் நின்று பார்த்தால் தெரியும் டிப்பர்கள் வழமைபோல ஓடுகின்றன. இது இப்பொழுது மட்டுமல்ல உலகத்தொற்றுநோய் பீடித்த நாட்களிலிருந்து எல்லா தொற்றலைகளின் போதும் எல்லா சமூக முடக்கங்களின் போதும் கண்டி வீதி பெருமளவுக்கு பொது சன நடமாட்டம் இன்றி வெறிச்சோடிக் கிடந்த நாட்கள் எல்லாவற்றிலும் டிப்பர்கள் மட்டும் போவதையும் வருவதையும் காணலாம். பூநகரி வீதியிலும் அப்படித்தான். ஒரு பெரும் தொற்றுநோய் காலத்திலும் கிளிநொச்சியில் அக்கராயனில் மரங்களை வெட்டி மண் அகழப்படுவதாக கிளிநொச்சியை மையமாகக்கொண்ட முன் சொன்ன ஊடகவியலாளர் தெரிவித்தார். அரசாங்கம் அத்தியாவசிய தேவைகள் என்று சொல்லி ஒரு தொகுதி சேவைகளை பட்டியலிட்டிருக்கிறது.அதன் பிரகாரம் மீன் பிடிக்கலாம் வேளாண்மை செய்யலாம்.கட்டடம் கட்டலாம்.அப்படியென்றால் பிடித்த மீனை எங்கே எப்படி விற்பது?விவசாய விளைபொருட்களை எங்கு எப்படி விற்பது ?இது விடயத்தில் அரசாங்கம் நடமாடும் வியாபாரிகளை அனுமதித்திருக்கிறது. நடமாடும் வியாபாரிகள் ஆங்காங்கே உள்வீதிகளில் சில இடங்களில் வீதியோரங்களில் நின்று சிறு சந்தைகளை திறந்து விடுகிறார்கள். இதுதான் தமிழ் பகுதிகளில் பயணத் தடை அல்லது சமூகமுடக்கத்தின் தொகுக்கப்பட்ட சித்திரமாகும். அப்படியென்றால் பயணத்தடை அல்லது சமூகமுடக்கத்தின் நோக்கம் என்ன ?அல்லது இதை மாற்றியும் கேட்கலாம் அரசாங்கம் சமூகத்தை முழுமையாக முடக்கத் தயாரில்லையா? அதனால்தான் உத்தியோகப்பற்றற்ற விதங்களில் சிதறிப்போன சிறிய சந்தைகளை அல்லது கொரோனா சந்தைகளை கண்டும் காணாமல் விடுகிறதா? ஆம்.அரசாங்கம்,பயணத்தடையையும் சமூகமுடக்கத்தையும் இறுக்கமாகக் கடைப்பிடிக்கத் தயங்குகின்றது.ஒருபுறம் பொருளாதார நெருக்கடிகள்;கடன் சுமை;பங்களாதேசிடமே கடன்வாங்க வேண்டிய ஒரு நிலை இன்னொருபுறம் வைரஸ்.போதாக்குறைக்கு கொழும்புத் துறைமுகத்தில் ரசாயனங்களுடன் ஒரு கப்பல் எரிந்து மூழ்கிவிட்டது.இது கடற்றொழில் வாணிபத்தைப் பாதிக்கும்.இப்படியாக பன்முக நெருக்கடிகளுக்குள் அரசாங்கம் ஒரு முழு முடக்கத்துகுப் போகத் தயங்குகிறது. ஆனால் முழு முடக்கமோ அரை முடக்கமோ பாதிக்கப்படுவது அன்றாடம் காய்ச்சிகளும் கீழ் மத்தியதர வர்க்கத்தை சேர்ந்தவர்களும்தான். அவர்கள் பொருட்களைத் தேடி வீதிக்கு வருகிறார்கள்.பிரதான சாலைகளில் தடைகளை ஏற்படுத்தி படையினரும் போலீசாரும் நிற்கிறார்கள். சிலவேளைகளில் பயணத் தடையை மீறி வருகிறவர்களை அடிக்கவும் செய்கிறார்கள்.ஆனால் உட்தெருக்களில் வாழ்க்கை வழமைபோல இயங்குகிறது. பெருநகரங்களில் இருப்பதைப்போல ஒண்லைன் வினியோகத்துக்கான வலைப்பின்னல்கள் தமிழ் மக்கள் மத்தியில் பலமாக இல்லை. இதனால் ஒண்லைன் வினியோகம் எனப்படுவது சீரானதாக இல்லை. அதிலும் குறிப்பாக சில பூட் சிற்றிகளின் இலக்கங்கள் மக்களுக்கு தரப்பட்டன. ஆனால் அந்த இலக்கங்களுக்கு அழைத்தால் பதில் கிடைப்பதில்லை என்று சனங்கள் முறையிடுகிறார்கள். எனவே ஒருபுறம் உற்பத்தியை அனுமதித்துவிட்டு இன்னொருபுறம் சந்தைகளை மூடுவதன் மூலம் அரசாங்கமே உத்தியோகப்பற்றற்ற விதமாக உள்ளூரில் சிதறிய சிறிய சந்தைகளை ஊக்குவிக்கின்றதா? இந்த வாரம் சில தமிழ் நாடாளுமன்ற உறுப்பினர்கள் சில விடயங்களை சுட்டிக்காட்டிப் பேசியிருகிறார்கள். இது தவிர தமிழ்க்கட்சிகளும் தன்னார்வலர்களும் ஆங்காங்கே நிவாரணம் வழங்குவதைக் காண முடிகிறது.எனினும் முன்னைய கொரோனா தொற்று அலைகளோடு ஒப்பிடுகையில் இம்முறை புலம்பெயர்ந்த தமிழ் தரப்பின் ஈடுபாடு குறைவாகவே காணப்படுகிறது.லண்டனைச் சேர்ந்த சில புலம்பெயந்த தமிழர்கள் தமிழ்ப்பகுதிகளுக்கு பி.சி.ஆர்.கருவிகளை வழங்க முன்வந்ததாக தெரிகிறது.ஆனால் அரசாங்கம் அதை ஏற்றுக்கொள்ள மறுத்துவிட்டது.முதலாவது தொற்றலையின் போது பெருமளவுக்கு அள்ளிக்கொடுத்த புலம் பெயர்ந்த தமிழ்ச்சமூகம் பிந்திய அலைகளின் போது அந்தளவுக்கு உதவவில்லை என்று தெரிகிறது. அதுபோலவே கட்சிகளும் தன்னார்வ நிறுவனங்களும் முதலாவது அலையின்போது உதவிய அளவுக்கு பின்வந்த அலைகளில் உதவவில்லை. சமூகமுடக்கம் ஒரு பழகிப்போன விடயமாக மாறிவிட்டதே இதற்கொரு காரணம்.ஆனால் இதனால் பாதிக்கப்படுவது அன்றாடம் காய்ச்சிகள்தான். இதுதொடர்பில் அரசியல்வாதிகளும் கட்சிகளும் அரசியல் செயற்பாட்டாளர்களும் சமூக செயற்பாட்டாளர்களும் குறிப்பாக சிவில் சமூகங்களும் ஊடகங்களும் மத நிறுவனங்களும் ஒன்றிணைந்து செயற்பட வேண்டிய ஒரு தேவை இருக்கிறது. ஆனால் அவற்றை யார் ஒன்றிணைப்பது? அதைச் செய்யவேண்டியது தமிழ் கட்சிகள்தான்;தமிழ்மக்களுடைய பிரதிநிதிகள்தான்.ஆனால் அவர்களில் அனேகர் நாடாளுமன்றத்தில் உரையாற்றுவது அல்லது தெரிந்தெடுக்கப்பட்ட சில இடங்களுக்கு நிவாரணம் வழங்குவது என்பவற்றுக்கும் அப்பால் சமூகத்திற்கு வழிநடத்த வேண்டிய தமது பொறுப்புகளிலிருந்தும் தவறுகிறார்கள் என்பதை இங்கு சுட்டிக்காட்ட வேண்டும். சமூகமுடக்க காலத்தில் அரசாங்கத்தின் கைகளிலேயே எல்லாவற்றையும் கொடுத்துவிட்டு சாதாரண ஜனங்களோடு சேர்ந்து முடங்கிப் போவதற்கு மக்கள் பிரதிநிதிகள் தேவையில்லை. சமூகம் முடக்கப்பட்டிருக்கும் ஒரு காலகட்டத்தில் தெருவில் இறங்கி தமக்கு இருக்கக்கூடிய சிறப்புரிமையை பயன்படுத்தி ஏதோ ஒரு விதத்தில் சமூகத்துக்கு விழிப்பூட்ட வேண்டியது தமிழ் அரசியல்வாதிகளும் மக்கள் பிரதிநிதிகளும்தான். ஆனால் எத்தனை பேர் அதை செய்கிறார்கள்? அல்லது அவர்களால் ஏன் அப்படிச் செய்ய முடியவில்லை? போரினால் சப்பித் துப்பிவிடப்பட்ட மக்களை வைரசுக்குப் பலி கொடுக்கக்கூடாது.அதாவது தொற்றுச் சங்கிலியை உடைக்க சமூக விழிப்பு அவசியம்.ஒருபுறம் வைரசுக்கு எதிராகாகவும் இன்னொருபுறம் சமூக முடக்கத்தை எதிர் கொள்ளவும் தமிழ்ப் பொதுஉளவியலைத் தயார்படுத்த வேண்டும்.தமிழ்க் கட்சிகளுக்கு இதில் பொறுப்பில்லையா? நாடாளுமன்றத்தில் உரையாற்றுவது நல்லதுதான்.நிவாரணம் வழங்குவதும் தேவைதான்.ஆனால் அதற்குமப்பால் தமிழ்ப்பொது உளவியலைக் கட்டியெழுப்ப வேண்டும்.அதை சுகாதாரத்துறையும் தமிழ் அரசியல்வாதிகளும் அரசியல் செயற்பாட்டாளர்களும் சிவில் சமூகங்களும் மத நிறுவனங்களும் ஊடகங்களும் ஒன்றிணைந்து செய்ய வேண்டும். அப்படி ஒரு ஒன்றிணைவை சமூகத்தில் காணமுடியவில்லை. ஒரு சமூகமுடக்க காலத்தில் மக்களுக்கு எப்படி விழிப்பூட்டுவது என்று கேட்கலாம்.இங்கேதான் ஒரு முக்கியமான விடயத்தை சுட்டிக்காட்ட வேண்டும். கட்சிகளுக்கு உள்ளூர் வலையமைப்புகள் பலமாக இருந்தால் அதன் மூலம் அந்த விழிப்புணர்வைச் செய்யலாம். உள்ளூர் சந்தைகள் இயங்கலாம் என்றால் உள்ளூர் கடைகளைத் திறக்கலாம் என்றால் உள்ளூரில் வாழ்க்கை வழமைபோல இயங்கலாம் என்றால் ஏன் உள்ளூர் வலையமைப்புக்கள் ஊடாக மக்களுக்கு விழிப்பூட்டக்கூடாது? ஆனால் இங்குள்ள பாரதூரமான வெற்றிடம் என்னவென்றால் கட்சிகளிடம் அப்படிப்பட்ட உள்ளூர் வலையமைப்புகள் பலமாக இல்லை என்பதோடு கட்சித் தலைவர்களிடமும் இது தொடர்பில் தெளிவான தரிசனம் இல்லை என்பதுதான். அவர்கள் தமிழ் அரசியல் என்று விளங்கி வைத்திருப்பது நாடாளுமன்றத்தில் முழங்குவது அல்லது அனர்த்த காலத்தில் நிவாரணம் வழங்குவது. இவற்றுக்கும் அப்பால் ஒரு சமூகத்தின் பொது உளவியலைக் கட்டியெழுப்ப வேண்டிய பொறுப்பை குறிப்பாக சமூகத்திற்கு வழிகாட்ட வேண்டிய பொறுப்பை எத்தனை தலைவர்கள் உணர்ந்து வைத்திருக்கிறார்கள்? தமிழ்ச் சமூகத்தை உள்ளூர் உற்பத்திகளை நோக்கியும் வீட்டுத் தோட்டங்களை நோக்கியும் சுத்தமான காற்று சுத்தமான மரக்கறி உடற்பயிற்சி போன்றவற்றை நோக்கியும் தொடர்ச்சியறாத கற்றல் கற்பித்தலை நோக்கியும் ஊக்குவித்து வழிநடத்தி ஒருங்கிணைக்க வேண்டிய ஒரு பொறுப்பு தமிழ் அரசியல்வாதிகளுக்கு இல்லையா?மிகக்குறிப்பாக நோய்த்தொற்றுச் சங்கிலியை உடைக்கும் விதத்தில் சமூக நெருக்கத்தை சமூகத்திரட்சியை உள்ளூர்ச் சந்தைகளை எப்படித் தற்காப்புணர்வோடு திட்டமிடுவது ? என்பதை குறித்து மக்களுக்கு விழிப்பூட்ட வேண்டியது உள்ளூர் தலைவர்கள்தான்;உள்ளூர் தொண்டர்கள்தான்.மேலும் தடுப்பூசி தொடர்பாக தமிழ் மக்கள் மத்தியில் ஒருவித தயக்கம் உண்டு. அந்த தயக்கத்தை நீக்கி தடுப்பூசியை ஏற்றுக்கொள்ளும் ஒரு கூட்டு உளவியலை உருவாக்க வேண்டிய பொறுப்பு தமிழ் அரசியல்வாதிகளுக்கு உண்டு. இதுவிடயத்தில் சில கிழமைகளுக்கு முன் விக்னேஸ்வரன் ஓர் அறிக்கை விட்டிருந்தார்.அதிலவர் வடக்கு கிழக்கிற்கு தடுப்பூசிகளை வழங்குமாறு இந்தியாவிடம் வேண்டுகோள் விடுத்திருந்தார்.அது ஒரு வேண்டுகோள் மட்டுமே. அதற்குமப்பால் தடுப்பூசி ஒரு பொருத்தமான தற்காப்பு நடைமுறை என்பதனை மக்களுக்கு தெரியப்படுத்தி மக்களுக்கு விழிப்பூட்ட வேண்டிய பொறுப்பு அரசியல்வாதிகளுக்கு இல்லையா? நாடாளுமன்ற உரைகள்,நிவாரணம் போன்றவற்றிற்குமப்பால் ஓரனர்த்த காலத்தில் தமது மக்களின் கூட்டு உளவியலைக் கட்டியெழுப்ப உழைக்காத அரசியல்வாதிகள் எப்படித் தேசத்தைக் கட்டியெழுப்புவார்கள் என்று நம்புவது?   https://globaltamilnews.net/2021/162239/  
    • Director: K.S. Gopalakrishnan Stars: Chittor V. Nagaiah, Varalakshmi S., Pushpavalli
    • கொட்டை எழுத்தில் உள்ளவை 1980, 1990 களில் புலம்பெயர்ந்து வந்தவர்களின் சிந்தனைப்போக்கைப் பற்றியது. அது விசுகு ஐயா, கு.சா. ஐயா போன்றவர்களுக்கு கடுக்கும்தான். 😉 ஆனால் முக்கியமானது என்னவென்றால், ஆய்வு செய்தவர் புலம்பெயர் நாட்டில் பிறந்தவர். அவர் கண்டடைந்தவற்றை ஏற்கும் பக்குவம், காலத்தில் உறைந்தவர்களிடம் வராது. அதனால்தான் இப்படியாக உறைநிலையில் உள்ளவர்கள் தாயகத்துடனும் ஒட்டாமல், புலம்பெயர் நாடுகளிலும் ஒட்டாமல் ஒருவித trance மனநிலையில் உள்ளார்கள்!  எவ்வளவு வேப்பிலை அடித்தாலும், தேசிக்காய் வெட்டி தலையில் தேய்த்தாலும் மாறாது!  
×
×
  • Create New...

Important Information

By using this site, you agree to our Terms of Use.