Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

`நியூட்ரினோ திட்டத்துக்கு அனுமதி வேண்டும்!' - விண்ணப்பித்த டாடா; என்ன செய்வார் ஸ்டாலின்?


Recommended Posts

  • கருத்துக்கள உறவுகள்

`நியூட்ரினோ திட்டத்துக்கு அனுமதி வேண்டும்!' - விண்ணப்பித்த டாடா; என்ன செய்வார் ஸ்டாலின்?

நியூட்ரினோ

கடந்த மே 20-ம் தேதியன்று நியூட்ரினோ திட்டத்துக்கு காட்டுயிர் வாரிய அனுமதி கேட்டு தமிழ்நாடு அரசு வனத்துறையிடம் டாடா ஆராய்ச்சி நிறுவனம் விண்ணப்பித்துள்ளது.

பல ஆண்டுகளாகத் தமிழ்நாட்டில் கொண்டு வந்தே தீருவோம் என்று இந்திய ஒன்றிய அரசு முயன்றுகொண்டிருக்கும் ஒரு திட்டம்தான் நியூட்ரினோ. 2013-ம் ஆண்டுக்குப் பின்னர், எழுந்த சர்ச்சைகள் மற்றும் சூழலியல் சிக்கல்கள் காரணமாக உயர் நீதிமன்றம் இதற்குத் தடை விதித்தது. அப்போதிலிருந்தே இந்தத் திட்டம் குறித்த பேச்சு எழும்போதெல்லாம், வழக்கு நீதிமன்றங்களில் விசாரணைக்கு வரும்போதெல்லாம், இந்தத் திட்டம் தொடர்பான சர்ச்சைகளும் எழுந்தவண்ணம் இருக்கின்றன.

தேனி மாவட்டம் பொட்டிபுரம் கிராமத்தில், பல்லுயிரிய வளம் மிகுந்த மேற்கு மலைத்தொடரில் அமைந்துள்ள அம்பரப்பர் மலையில், நியூட்ரினோ துகள்களைப் பற்றிய ஆராய்ச்சிகளை மேற்கொள்வதற்காக இந்த ஆராய்ச்சி மையம் அமைக்கும் முயற்சியில் 2010-ம் ஆண்டு முதல் ஒன்றிய அரசு தீவிரம் காட்டி வருகிறது. இந்தத் திட்டத்தை உள்ளூர் மக்களும் சுற்றுச்சூழல் ஆர்வலர்களும் அரசியல் கட்சிகளும் கடுமையாக எதிர்த்துக் கொண்டிருப்பது குறிப்பிடத்தக்கது.

 
பொட்டிபுரம் அம்பரப்பர் மலை

தேசிய பசுமைத் தீர்ப்பாயத்தில் இந்தத் திட்டத்துக்கு எதிராக பூவுலகின் நண்பர்கள் சார்பாகத் தொடரப்பட்ட வழக்கில் 2018-ம் ஆண்டு நவம்பர் மாதம் இறுதித் தீர்ப்பு வழங்கப்பட்டது. அந்தத் தீர்ப்பில், இந்திய ஒன்றிய அரசு, நியூட்ரினோ ஆய்வு மையம் அமைப்பதற்காக வழங்கிய சுற்றுச்சூழல் அனுமதி செல்லும் என்று கூறப்பட்டது. ஆனாலும் அதேநேரம், தேசிய காட்டுயிர் அனுமதி வாங்காமல் இந்தத் திட்டத்தைச் செயல்படுத்தக் கூடாது என்றும் அந்தத் தீர்ப்பில் சொல்லப்பட்டது.

இந்தத் திட்டத்துக்கு வழங்கப்பட்ட சுற்றுச்சூழல் அனுமதி செல்லும் என்கிற பசுமைத் தீர்ப்பாயத்தின் உத்தரவை எதிர்த்து உச்ச நீதிமன்றத்தில் பூவுலகின் நண்பர்கள் அமைப்பு தொடுத்துள்ள மேல்முறையீட்டு வழக்கு நிலுவையில் உள்ளது. இந்நிலையில், கடந்த மே 20-ம் தேதியன்று நியூட்ரினோ திட்டத்துக்கு காட்டுயிர் வாரிய அனுமதி கேட்டு தமிழக வனத்துறையிடம் டாடா ஆராய்ச்சி நிறுவனம் (Tata Institute of Fundamental Research) விண்ணப்பித்துள்ளது.

 

இதை எதிர்த்து பூவுலகின் நண்பர்கள் அமைப்பு வெளியிட்டுள்ள அறிக்கையில், ``இந்தத் திட்டம் செயல்படுத்தப்பட்டால் மேற்குத்தொடர்ச்சி மலை மற்றும் அதைச் சுற்றியுள்ள அணைகளின் பாதுகாப்பு கேள்விக்குறியாகும். இந்தத் திட்டத்தை சுற்றுச்சூழல் தாக்க மதிப்பீடு அறிக்கையின்படி, Category A என்ற வகைப்பாட்டின் கீழ்தான் வகைப்படுத்தி பரிசீலிக்க முடியும் என்று அப்போதைய மாநில சுற்றுச்சூழல் தாக்க மதிப்பீட்டு ஆணையம் கூறியிருந்தது. ஆனாலும், இதை வெறும் கட்டுமானம் கட்டும் பிரிவில், அதாவது Category B வகைப்பாட்டுக்கு மாற்றி, தேசிய அளவிலான முக்கியத்துவம் வாய்ந்த திட்டம் என்று அறிவித்து நேரடியாக ஒன்றிய அரசு சுற்றுச்சூழல் அனுமதியை வழங்கியது.

 
நியூட்ரினோ ஆய்வுத் திட்ட மாதிரி

தமிழ்நாடு, கேரள எல்லையில் உள்ள மதிகெட்டான் சோலை தேசிய பூங்காவின் தமிழ்நாடு பகுதியிலுள்ள காட்டுப் பகுதியை மட்டும் தவிர்த்துவிட்டுப் பிற பகுதிகள் அனைத்தையும் சூழலியல் முக்கியத்துவம் வாய்ந்த பகுதியாக ஒன்றிய அரசு அறிவித்தது. இப்படி தமிழ்நாடு அரசின் முடிவையும் மக்களின் எதிர்ப்பையும் மீறி இதைச் செயல்படுத்த ஒன்றிய அரசு முயல்கிறது.

2018-ம் ஆண்டு இந்தத் திட்டத்துக்கு எதிராக மதுரை பழங்காநத்தத்தில் இருந்து கம்பம் வரை, ம.தி.மு.க பொதுச் செயலாளர் வைகோ நடைப்பயணம் மேற்கொண்டார். இந்த நடைப்பயணத்தை அப்போது தி.மு.க செயல் தலைவராக இருந்த மு.க.ஸ்டாலின் தொடங்கி வைத்தார். மேலும், 2019-ம் ஆண்டு ஜூலை மாதம், நியூட்ரினோ திட்டத்தை ஒன்றிய அரசு கைவிட வேண்டும் என்று அறிக்கை வாயிலாக வலியுறுத்தியிருந்ததையும் இங்கு சுட்டிக்காட்ட விரும்புகிறோம்.

 

மாநில அரசாங்கத்திடம் காட்டுயிர் வாரிய அனுமதி கோரியுள்ள இந்த விண்ணப்பத்தை, தமிழ்நாடு அரசு நிராகரிக்க வேண்டும். அதோடு, ஏற்கெனவே வழங்கப்பட்டுள்ள வனத்துறை அனுமதியையும் தமிழ்நாடு அரசு ரத்து செய்யவேண்டும். மேலும், உச்ச நீதிமன்றத்தில் நிலுவையில் இருக்கும் வழக்கின் விசாரணையில் தமிழ்நாடு அரசு தன்னுடைய நிலைப்பாட்டை தெளிவாக எடுத்துரைத்து, சுற்றுச்சூழல் அனுமதி ரத்து செய்யப்படும் வகையில் தீர்ப்பைப் பெறவும் முதலமைச்சர் மு.க.ஸ்டாலின் அவர்களை இந்த அறிக்கை வாயிலாக வலியுறுத்தி கேட்டுக்கொள்கிறோம்.

 
அம்பரப்பர் மலை

தமிழ்நாடு அரசின் உரிமைகளையும் தமிழ் மக்களின் உணர்வுகளையும் மதிக்காமல் ஒன்றிய அரசு இந்தத் திட்டத்தை நடைமுறைப்படுத்துவதற்கு தொடர்ச்சியாக முயற்சி செய்து வருகிறது. இதைக் கருத்தில் கொண்டு இதற்கென தமிழ்நாடு அரசின் சார்பில் வழங்கப்பட்ட நிலத்தையும் திரும்பப்பெற வேண்டுமென்று கேட்டுக்கொள்கிறோம்" என்று தெரிவித்துள்ளனர்.

இதுகுறித்து ம.தி.மு.க பொதுச் செயலாளர் வைகோ இன்று வெளியிட்டுள்ள அறிக்கையில், ``இந்த உலகில் பழம் பெருமை வாய்ந்த இடங்களுள் ஒன்றாக, ஐக்கிய நாடுகள் மன்றம் அறிவித்துள்ள, மேற்குத்தொடர்ச்சி மலை, தமிழ்நாட்டின் நீர் ஆதாரமாகத் திகழ்கிறது. ஆனால், கடந்த ஒரு நூற்றாண்டாக அங்கே கடுமையான ஆக்கிரமிப்புகள் ஏற்பட்டுள்ளன. யானைகளின் காட்டு வழித்தடத்தை மறித்துக் கட்டப்பட்ட நூற்றுக்கணக்கான சுற்றுலா விடுதிகளை, முழுமையாக இடித்துத் தகர்க்க வேண்டும் என உச்ச நீதிமன்றம் தீர்ப்பு வழங்கியது.

 

இந்த நிலையில், தேனி மாவட்டம் பொட்டிபுரம் கிராமத்தில் உள்ள அம்பரப்பர் மலையில், லட்சக்கணக்கான டன் கருங்கற் பாறையை வெட்டி எடுத்து, குகை குடைந்து, நியூட்ரினோ துகள்கள் குறித்து ஆய்வு செய்வதற்கான ஆராய்ச்சி மையம் அமைக்கு முயற்சியில், 2010-ம் ஆண்டிலிருந்து ஒன்றிய அரசு தீவிரம் காட்டி வருகிறது. இதனால் முல்லைப் பெரியாறு, இடுக்கி ஆகிய அணைகளில் விரிசல் ஏற்படும்.

சுற்றுச்சூழலுக்குக் கேடு விளைவிக்கும் இந்தத் திட்டத்தை, உள்ளூர் மக்கள், சுற்றுச்சூழல் ஆர்வலர்கள் மற்றும் அரசியல் கட்சிகள் கடுமையாக எதிர்த்து வருகின்றனர். 2018-ம் ஆண்டு, மதுரை பழங்காநத்தத்தில் இருந்து கம்பம் வரை, என் தலைமையில் 13 நாள்கள் நடைப்பயணம் மேற்கொண்டோம். இந்த நடைப்பயணத்தை, தி.மு.க தலைவர் ஸ்டாலின் தொடங்கி வைத்தார்.

 
நியூட்ரினோ

காட்டுயிர்களுக்குக் கேடு இல்லை என மாநில அரசிடம் சான்று கோரி வந்துள்ள விண்ணப்பத்தைத் தமிழ்நாடு அரசு ஏற்கக் கூடாது. ஏற்கெனவே வழங்கப்பட்ட வனத்துறை சான்றையும் திரும்பப் பெற வேண்டும். உச்ச நீதிமன்றத்தில் நிலுவையிலுள்ள வழக்கு விசாரணையில், தமிழ்நாடு அரசு தனது நிலைப்பாட்டை தெளிவாக எடுத்துரைத்து சுற்றுச்சூழல் சான்றுக்கு தடை விதிக்கும் தீர்ப்பைப் பெறவும் தமிழ்நாடு அரசு நடவடிக்கைகளை மேற்கொள்ள வேண்டும் எனக் கேட்டுக்கொள்கிறேன்" என்று வலியுறுத்தியுள்ளார்.

நியூட்ரினோ திட்டத்தைக் கடந்த பத்தாண்டுக் காலமாகத் தமிழ்நாட்டு மக்கள் எதிர்த்து வருகின்றனர். நியூட்ரினோ ஆய்வு மையம் அமைப்பதன் மூலம் அறிவியல் வளர்ச்சி ஏற்படும் என்று கூறி அதை அமல்படுத்த இந்திய அரசு பல வழிகளில் முயற்சி செய்துகொண்டிருந்தாலும், தமிழ்நாட்டு மக்கள் அந்தத் திட்டத்துக்குத் தொடர்ந்து எதிர்ப்பு தெரிவித்து வருவதும் குறிப்பிடத்தக்கது.

 

https://www.vikatan.com/government-and-politics/environment/tata-institute-asked-tn-govt-permission-for-neutrino-project-activists-oppose-it

 

Link to comment
Share on other sites

  • கருத்துக்கள உறவுகள்
Posted (edited)

வாசிக்காமல்… கையெழுத்து வைச்சுப் போடுவாரோ, என்று பயமாய் கிடக்கு. 😁

Edited by தமிழ் சிறி
Link to comment
Share on other sites

  • கருத்துக்கள உறவுகள்

ஸ்டாலினால் மறுப்பு சொல்ல முடியாது திட்டத்துக்கு அனுமதி கொடுப்பார் அதன் பின் டங்குவார்  அறுவது லைவா பார்ப்பம் .🤣

1 minute ago, தமிழ் சிறி said:

வாசிக்காமல்… கையெழுத்து போடுவாரோ, என்று பயமாய் கிடக்கு.

அண்ணெய்  கையெழுத்து போடத்தான் வேணும் வேறு வழியில்லை  இல்லையென்றால் 2g  பழைய ஊழல்கள் தூசி தட்டி திமுகவுக்கு லாடம் கட்டும்  பிஜேபி இல்லையென்றால் பதவி பறிப்பு நடக்கும் ஏதாவது காரணத்தை காட்டி .கையெழுத்து போட்ட மறுகணமே இணைய தளம் எங்கும் திமுகா எதிர்ப்பு நெருப்பை விட மோசமாக பரவும் .

Link to comment
Share on other sites

  • கருத்துக்கள உறவுகள்
1 hour ago, பெருமாள் said:

ஸ்டாலினால் மறுப்பு சொல்ல முடியாது திட்டத்துக்கு அனுமதி கொடுப்பார் அதன் பின் டங்குவார்  அறுவது லைவா பார்ப்பம் .🤣

அண்ணெய்  கையெழுத்து போடத்தான் வேணும் வேறு வழியில்லை  இல்லையென்றால் 2g  பழைய ஊழல்கள் தூசி தட்டி திமுகவுக்கு லாடம் கட்டும்  பிஜேபி இல்லையென்றால் பதவி பறிப்பு நடக்கும் ஏதாவது காரணத்தை காட்டி .கையெழுத்து போட்ட மறுகணமே இணைய தளம் எங்கும் திமுகா எதிர்ப்பு நெருப்பை விட மோசமாக பரவும் .

தமிழக  முதல்வர், இதை எப்படி கையாளப்  போகிறார் என்று பார்க்க, ஆவலாக  இருக்கின்றது.
கையெழுத்து வைத்தால்... முதலில், வைகோவின் எதிர்வினை எப்படி இருக்கும்? 🙂

Link to comment
Share on other sites

  • கருத்துக்கள உறவுகள்
Posted (edited)

191142815_3003467356554073_4926844686012 ஒரு கையெழுத்து தெரியாமல் போட்டுவிட்டன் .. அதற்க்கு இவ்வளவு பெரிய அக்க போரா.? ☺️..😊

Edited by புரட்சிகர தமிழ்தேசியன்
Link to comment
Share on other sites

22 hours ago, பெருமாள் said:

ஸ்டாலினால் மறுப்பு சொல்ல முடியாது திட்டத்துக்கு அனுமதி கொடுப்பார் அதன் பின் டங்குவார்  அறுவது லைவா பார்ப்பம் .🤣

அண்ணெய்  கையெழுத்து போடத்தான் வேணும் வேறு வழியில்லை  இல்லையென்றால் 2g  பழைய ஊழல்கள் தூசி தட்டி திமுகவுக்கு லாடம் கட்டும்  பிஜேபி இல்லையென்றால் பதவி பறிப்பு நடக்கும் ஏதாவது காரணத்தை காட்டி .கையெழுத்து போட்ட மறுகணமே இணைய தளம் எங்கும் திமுகா எதிர்ப்பு நெருப்பை விட மோசமாக பரவும் .

அப்படி என்றால் “ Belongs  to the Dravidian stock “.. “ ஒன்றிய அரசு” என்ற புதுபதம் எல்லாமே காணாமல் போய்விடும் என்கிறீர்களா? 

 

 

Link to comment
Share on other sites

  • கருத்துக்கள உறவுகள்
1 hour ago, பிரபா சிதம்பரநாதன் said:

அப்படி என்றால் “ Belongs  to the Dravidian stock “.. “ ஒன்றிய அரசு” என்ற புதுபதம் எல்லாமே காணாமல் போய்விடும் என்கிறீர்களா? 

நீங்களா ? அரசியல் பற்றி ?🤣 யாழில் தேவையற்று அரசியல் கதைப்பதில்லை ஒரு கையை கட்டி போட்டு சண்டைக்கு வா என்பது போல் நிலைமை இங்கு  ஆரோக்கியமான அரசியல் கலந்துரையாடல் பொழுதுகள் கண்ட மேனிக்கு   திரிகளை இழுத்து மூடியதில் இருந்து காணாமல் போயிட்டுது அப்படி மூடப்பட்டதுக்கு காரணம் இருபகுதியும் என்கிறார்கள் .

உங்களின் “ Belongs  to the Dravidian stock “ இந்த பதம் மாறியும் பார்க்கலாம் பார்வையின் கோனம்கள்  மாறுபடும் .

 

  • Haha 1
Link to comment
Share on other sites

  • கருத்துக்கள உறவுகள்

நான் நம்புகிறேன்  தமிழகமுதல்வர் கையெழுத்து  வைக்கமாட்டாரென்று...

Link to comment
Share on other sites

25 minutes ago, Kandiah57 said:

நான் நம்புகிறேன்  தமிழகமுதல்வர் கையெழுத்து  வைக்கமாட்டாரென்று...

ஒரு மானில அரசுக்கு இதை தடுக்கும் அதிகாரம் இல்லை என நினைக்கின்றேன். 

மாநில அரசின் சம்மதம் மற்றும் விருப்புகளை அறிந்தே மத்திய அரசு தன் திட்டங்களை நடைமுறைப்படுத்தும் வழக்கம் முன்னைய ஒன்றிய அரசுகளுக்கு  இருந்தது. ஆனால் வலது சாரிகளான பா,ஜ.க மாநில அரசுகளின் அதிகாரங்களையும் விருப்புகளையும் புறம்தள்ளி ஒன்றிய அரசின் திட்டங்களை திணிக்கும் வழக்கத்தையே கொண்டிருப்பதால் தமிழ்நாட்டு அரசுக்கு   நீதிமன்றங்களில் வழக்குகளை போட்டு தடுக்க முயல்வதை தவிர வேறு வழிகள் இல்லை என எண்ணுகின்றேன்.

  • Like 1
Link to comment
Share on other sites

  • கருத்துக்கள உறவுகள்
2 hours ago, நிழலி said:

ஒரு மானில அரசுக்கு இதை தடுக்கும் அதிகாரம் இல்லை என நினைக்கின்றேன். 

மாநில அரசின் சம்மதம் மற்றும் விருப்புகளை அறிந்தே மத்திய அரசு தன் திட்டங்களை நடைமுறைப்படுத்தும் வழக்கம் முன்னைய ஒன்றிய அரசுகளுக்கு  இருந்தது. ஆனால் வலது சாரிகளான பா,ஜ.க மாநில அரசுகளின் அதிகாரங்களையும் விருப்புகளையும் புறம்தள்ளி ஒன்றிய அரசின் திட்டங்களை திணிக்கும் வழக்கத்தையே கொண்டிருப்பதால் தமிழ்நாட்டு அரசுக்கு   நீதிமன்றங்களில் வழக்குகளை போட்டு தடுக்க முயல்வதை தவிர வேறு வழிகள் இல்லை என எண்ணுகின்றேன்.

நிழலி,  ஜெயலலிதா... உயிருடன் இருக்கும் போது,
"நீட்" தேர்வு போன்ற... தமிழகம் விரும்பாத திட்டங்களை, 
மத்திய அரசு செயல்படுத்த, அனுமதிக்கவில்லை.

காத்திரமான முதல்வராக இருந்தால்... இதனை, தடுக்கலாம் என நினைக்கின்றேன்.  

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • தமிழ்த் தேசியக் கூட்டமைப்பின் தூதுக் குழுவொன்று அடுத்த வாரம் இந்தியாவுக்கு விஜயம் செய்யவுள்ளது இந்தியப் பிரதமர் நரேந்திர மோடியுடன் சந்திப்பொன்றை ஏற்படுத்தித் தருமாறு தமிழ்த் தேசியக் கூட்டமைப்பு கடந்த சிலகாலமாகக் கோரிக்கை விடுத்து வந்தது.இந்நிலையில் தமிழ்த் தேசியக் கூட்டமைப்பின் தூதுக் குழுவொன்று அடுத்த வாரம் இந்தியாவுக்கு விஜயம் செய்யவுள்ளதாக தகவல் வெளியாகியுள்ளது.இந்த குழுவில் இரா சம்பந்தனுடன் செல்வம் அடைக்கலநாதன், சித்தார்த்தன் மற்றும் எம். ஏ.சுமந்திரன் ஆகியோரும் செல்லவுள்ளதாகத் தெரிவிக்கப்படுகிறது. இதுதொடர்பாக இந்திய உயர்ஸ்தானிகரகம் தமிழ்த் தேசியக் கூட்டமைப்பின் தலைவர் இரா.சம்பந்தனுடன் கடந்த தினம் பேச்சுவார்த்தை நடத்தியுள்ளதாகத் தகவல்கள் தெரிவிக்கின்றன.இதனடிப்படையில் எதிர்வரும் ஓரிரு தினங்களில் இரா.சம்பந்தன் தலைமையிலான தூதுக் குழுவொன்று இந்தியாவுக்குச் செல்லவிருப்பதாகத் தெரிவிக்கப்படுகிறது.(15)   http://www.samakalam.com/தமிழ்த்-தேசியக்-கூட்டமை-41/  
    • கடலில் நீராடிக் கொண்டிருந்த இரு சிறுவர்கள் நீரில் மூழ்கி உயிரிழப்பு December 4, 2021 திருகோணமலை – ஈச்சிலம்பற்று காவல்துறைப் பிரிவிலு ள்ள வாழைத்தோட்டம் கடலில் நீராடிக் கொண்டிருந்த இரண்டு சிறுவர்கள் நீரில் மூழ்கி உயிரிழந்துள்ளனா். நேற்று (03) மாலை இடம்பெற்ற இந்த சம்பவத்தில் உயிாிழந்த இரு சிறுவா்களினதும் உடல்கள் ஈச்சிலம்பற்று பிரதேச வைத்தியசாலையில் வைக்கப்பட்டு நேற்றிரவு திருகோணமலை பொது வைத்தியசாலைக்கு அனுப்பி வைக்கப்பட்டுள்ளது. பாடசாலை விட்டுச் சென்ற நான்கு சிறுவர்கள் வாழைத்தோட்டம் கடலில் நீராடிய போது குறித்த இரண்டு சிறுவர்களும் நீரில் அடித்துச் செல்லப்பட்டு நீரில் மூழ்கியுள்ளனர். உயிர் தப்பிய ஏனைய சிறுவர்கள் இருவரும் பிரதேச மக்களிடம் சம்பவம் குறித்து தெரிவித்ததையடுத்து கடலில் தேடுதல் மேற்கொண்ட போது இரு சிறுவர்களதும் உயிரிழந்த உடல்கள் மீட்கப்பட்டுள்ளன. தரம் 09 இல் கல்வி கற்கும் யோகேந்திர ராசா லக்சன் வயது (14), தரம் 06 இல் கல்வி கற்கும் டினேஸ்காந்த் நிம்ரோசன் வயது (12) ஆகிய மாணவர்களே உயிரிழந்துள்ளனர். சம்பவம் தொடர்பில் மேலதிக விசாரணைகளை ஈச்சிலம்பற்று காவல்துறையினா் மேற்கொண்டு வருகின்றனர்.   https://globaltamilnews.net/2021/169823  
    • பாகிஸ்தானில் இலங்கையர் கொல்லப்பட்டமை – நூற்றுக்கும் மேற்பட்டோர் கைது December 4, 2021 பாகிஸ்தானில் இலங்கையர் ஒருவர் இஸ்லாமுக்கு எதிராக மத நிந்தனை செய்ததாக தொிவித்து கொடூரமான முறையில் எாித்துக் கொலை செய்யப்பட்ட சம்பவம் தொடா்பில் முக்கிய குற்றவாளிகள் உள்பட நூற்றுக்கும் மேற்பட்டோர் கைது செய்யப்பட்டுள்ளதாக பாகிஸ்தான் காவல் துறையினர் தெரிவித்துள்ளனா். பாகிஸ்தானின் பஞ்சாப் மாநிலம் சியல்கோட்டில் உள்ள தொழிற்சாலை ஒன்றில் மேலாளராக இருந்த இலங்கையரான 40 வயதான பிரியந்த குமார தியவடன என்பவா் கொடூரமான முறையில் தாக்கப்பட்டு பின்னா் உயிருடன் எரிக்கப்பட்டு கொல்லப்பட்டிருந்தாா். சிசிடிவி காணொளிகளை வைத்து பிரியந்த குமார தியவடனவின் கொலை தொடர்பாக முக்கிய குற்றவாளிகள் உள்பட நூற்றுக்கும் மேற்பட்டோர் கைது செய்யப்பட்டுள்ளதாகவும் மேலும் சிலர் தேடப்பட்டு வருவதாகவும் பாகிஸ்தான் காவல் துறையினர் தெரிவித்துள்ளனா். வெளிநாட்டைச் சேர்ந்த மேலாளருக்கு எதிராக வெள்ளிக்கிழமை காலை முதலே செய்திகள் பகிரப்பட்டு வந்தாலும், முன்கூட்டியே பாதுகாப்பு நடவடிக்கைகள் எதுவும் எடுக்கப்படவில்லை என சியால்கோட்டில் உள்ள உள்ளூர் ஊடகவியலாளர் யாசிர் ராசா பிபிசி உருது மொழி சேவையிடம் தெரிவித்துள்ளார் எனத் தொிவிக்கப்பட்டுள்ளது   https://globaltamilnews.net/2021/169820
    • புலிகளை எழுப்பவா, வவுணதீவு தாக்குதல் நடத்தப்பட்டது? December 4, 2021 வவுணதீவில் காவற்துறையினர் இருவர் கொல்லப்பட்ட சம்பவத்தை விடுதலைப் புலிகளின் பக்கம் திருப்பியத் பின்னிணியில் இருந்தவர்கள் யார்? ஆலோசனை வழங்கியவர்களை் யார் என்பதை வெளிக்கொண்டுவர வேண்டும் என மக்கள் விடுதலை முன்னணி (JVP) கேட்டுக்கொண்டுள்ளது. குறிப்பாக ஈஸ்டர் தாக்குதலின் பின்னர் அச்சம்பவத்தை பொறுப்பேற்க அழுத்தம் கொடுத்தவர்கள் யார் என்ற தகவல்களையும் அரசாங்கம் வெளியிட வேண்டும் என அக்கட்சியின் நாடாளுமன்ற உறுப்பினர் அனுரகுமார திஸாநாயக்க வலியுறுத்தி உள்ளார். மகிந்த ராஜபக்ஸபிரதமராக இருந்த 52 நாட்கள் ஆட்சிக் காலத்தில் இடம்பெற்ற வவுணதீவு கொலை சம்பவத்தை விடுதலைப் புலிகளின் முன்னாள் செயற்பாட்டாளர்கள் பக்கம் கொண்டு செல்ல ஆலோசனை வழங்கப்பட்டிருந்த நிலையில் பின்னர் சஹரான் குழுவினரால் மேற்கொள்ளப்பட்டதாக அறிவிக்கப்பட்டது. அந்த நேரத்திலேயே அவர்களை கைது செய்திருந்தால் ஈஸ்டர் தாக்குதலை தடுத்திருக்கலாம் என்றும் ஆனால் அந்த சம்பவத்தை விடுதலைப் புலிகளின் பக்கத்திற்கு திருப்ப வேண்டுமென்றே செய்யப்பட்டதா என்ற சந்தேகம் எழுந்துள்ளதாகவும் அனுரகுமார திஸாநாயக்க சுட்டிக்காட்டியுள்ளார். அத்துடன் சஹரான் உள்ளிட்ட குழுவினருக்கு இராணுவப் புலனாய்வுப் பிரிவினால் சம்பளம் வழங்கப்பட்டதாக கூறப்படும் விடயம் குறித்த உண்மைத்தன்மையை வெளிப்படுத்துமாறும், ஈஸ்டர் ஞாயிறு தாக்குதலுடன் தொடர்புடையவர்கள் பயன்படுத்திய ஆவணங்கள் இருந்த கணனிகளை பயன்படுத்திய நபர்கள் யார் என்ற தகவல்களையும் வெளியிட வேண்டும் என்றும் அனுரகுமார திஸாநாயக்க அரசாங்கத்திடம் கேட்டுக்கொண்டார்.   https://globaltamilnews.net/2021/169802  
    • அடேங்கப்பா, இந்த திரி இன்னும் ஓடுதா? சட்டப்படி, ஆண், பெண், வயது, மத, இன, வேறுபாடு பார்க்க முடியாது. வேர்க் பர்மிட் உள்ளது, இல்லை மட்டுமே. அதை செக் பண்ணி தான் வேலை. அகதியா, குடியேறியா என்பதை நான் சொன்னால் அன்றி, கண்டுபிடிக்க முடியாதே.... பலர், படிக்க வந்து... அப்படியே இங்கே செற்றில் ஆகிட்டோம் என்று வேலையிடங்களில் சொல்லிக் கொள்வார்கள். மேலும் சிலர் ரலண்ட் விசாவில வந்து செற்றில் ஆகிட்டோம் என்பர். இப்ப வந்துள்ள சட்டப்படி, நீஙகள் கூட, இங்கே, நேரடியாக வேலைக்கு விண்ணப்பம் செய்து, தேர்வானால், ஒபர் லெட்டர் உடன், ஆகக் கூடியது இரண்டு வருடம் விசா பெற்று வந்து வேலை செய்யலாம். முடிவில் போய், இடைவெளி விட்டு (ஒரு வருடம் என்று நினைக்கிறேன் ) மீண்டும் வரலாம். அதாவது ஜந்து வருடம் தொடர்ந்து இருந்தால் குடியுரிமை என்னும் இன்னும் ஒரு சட்டத்தை, திருப்தி படுத்தாதவாறு செய்கிறார்கள். ஆனால்... இவ்வூர் அம்மணி ஒருவரை..... அது வேறு...
×
×
  • Create New...

Important Information

By using this site, you agree to our Terms of Use.