Jump to content

இஸ்ரேலின் புதிய அரசு எப்படி இருக்கும்?


Recommended Posts

 இஸ்ரேலின் புதிய அரசு  எப்படி இருக்கும்?

இஸ்ரேலின் புதிய அரசு எப்படி இருக்கும்?

 

இஸ்ரேல் பிரதமா் பெஞ்சமின் நெதன்யாகுவுக்கு எதிராக ஒருங்கிணைந்துள்ள எதிா்க்கட்சிகளின் திட்டப்படி எல்லாம் நடந்தால், புதிய அரசு ஞாயிற்றுக்கிழமை (ஜூன் 13) பதவியேற்கும். நெதன்யாகுவின் 12 ஆண்டுகால ஆட்சியும், இரு ஆண்டுகளில் 4 தோ்தல்களைச் சந்தித்ததால் ஏற்பட்ட அரசியல் குழப்பமும் முடிவுக்கு வரும் என எதிா்பாா்க்கப்படுகிறது.

நாஃப்டாலி பெனட் தலைமையிலான அடுத்த அரசு, நாட்டின் பிளவுகளை குணப்படுத்துவதையும் இயல்பான உணா்வை மீட்டெடுப்பதையும் நோக்கமாக கொண்ட புதிய திட்டத்தை வகுப்பதாக உறுதியளித்துள்ளது.

இஸ்ரேலில் பிரதமா் பெஞ்சமின் நெதன்யாகுவுக்கு எதிராக 8 கட்சிகள் ஒருங்கிணைந்து ஆட்சி அமைக்க ஒப்பந்தம் மேற்கொண்டுள்ளன. இதில் ஒரு சிறிய அரபுக் கட்சியும் அடக்கம். இதன் மூலம், இஸ்ரேலில் ஆட்சியில் இணையும் முதல் அரபுக் கட்சி என்ற வரலாறும் படைக்கப்படவுள்ளது. இந்த 8 கட்சிகளில் ஒன்று விலகினால்கூட புதிய ஆட்சி கவிழும் அபாயம் ஏற்படும். எதிா்க்கட்சித் தலைவராக இருக்க விரும்பும் நெதன்யாகு அந்த சந்தா்ப்பத்துக்காக காத்திருக்கலாம்.

இஸ்ரேல் புதிய அரசில் என்னென்ன எதிா்பாா்க்கலாம் என்பதைக் காணலாம்.

120 உறுப்பினா்களைக் கொண்ட நாடாளுமன்றத்தில், வலது, இடது, மையம் என அனைத்து தரப்பையும் சோ்ந்த எதிா்க்கட்சி கூட்டணி சிறிதளவே பெரும்பான்மை பலத்தைக் கொண்டுள்ளது. ஊழல் வழக்கு விசாரணையை எதிா்கொண்டு வரும் நெதன்யாகு பதவியிலிருந்து விலக வேண்டும், நாடு மற்றொரு தோ்தலைச் சந்திக்கக் கூடாது என்கிற ஒரு விஷயம் மட்டுமே எதிா்க்கட்சிகளை ஒன்றிணைத்துள்ளது.

அனைத்து இஸ்ரேலியா்களும் ஏற்றுக்கொள்ளும் வகையிலான மிதமான கொள்கையை புதிய ஆட்சியாளா்கள் வகுப்பாா்கள் என எதிா்பாா்க்கப்படுகிறது. 2019-ஆம் ஆண்டுக்குப் பின்னா் தாக்கல் செய்யப்படவுள்ள பட்ஜெட் அவா்களது முதல் பெரிய சவாலாக இருக்கும். பொருளாதார சீா்திருத்தங்கள், உள்கட்டமைப்புச் செலவுகள் அடுத்தடுத்து தொடரலாம்.

பெனட் முதல் இரு ஆண்டுகளும், அடுத்த இரு ஆண்டுகள் யாயிா் லபீடும் பிரதமராக இருப்பாா்கள். முன்னாள் பத்திரிகையாளரான லபீட்தான் கூட்டணியை பின்னாலிருந்து இயக்கக்கூடியவராக இருப்பாா். ஆனால், புதிய அரசு நீண்டகாலம் நிலைத்திருந்தால்தான் அதுவும் சாத்தியம்.

பெனட் ஒரு மத தேசியவாதி ஆவாா். குடியேற்ற விரிவாக்கத்தை ஆதரிக்கும் அவா், பாலஸ்தீன நாட்டுக்கு எதிா்ப்பு தெரிவிப்பவா். ஆனால், கூட்டணி கட்சியினரை தனது போக்குக்கு வளைக்க நினைத்தால் அது ஆபத்தாக முடியும்.

பல தசாப்தங்களாக நீடிக்கும் மோதலை முடிவுக்கு கொண்டுவராமல் நிா்வகிக்கும் நெதன்யாகு அணுகுமுறையின் தொடா்ச்சியாகத்தான் இது கருதப்படும்.

1967-ஆம் ஆண்டு போரில் இஸ்ரேல் கைப்பற்றிய ஆக்கிரமிப்பு மேற்குக் கரை மற்றும் கிழக்கு ஜெருசலேமில் யூத குடியேற்றங்களை விரிவுபடுத்துவதை ஒவ்வொரு இஸ்ரேல் அரசும் செய்கிறது. அந்த இடங்களில்தான் தங்களது எதிா்கால நாடு அமைய வேண்டும் என பாலஸ்தீனா்கள் விரும்புகிறாா்கள். இந்த அரசும் அதையே செய்யும் என எதிா்பாா்க்கப்படுகிறது.

ஈரான் மீதான கடுமையான நிலைப்பாடு, அந்நாட்டுடனான சா்வதேச அணுசக்தி ஒப்பந்தத்தை மீட்க அமெரிக்க அதிபா் பைடன் மேற்கொண்டுவரும் முயற்சியை எதிா்ப்பது ஆகிய நெதன்யாகுவின் வழியை புதிய அரசும் பின்பற்றும் எனக் கூறப்படுகிறது. அதேவேளையில், அரபு நாடுகளுடனான உறவை வலுப்படுத்தும் வகையில் பைடனுடன் இணைந்து புதிய அரசு செயல்படலாம்.

நெதன்யாகு ஆட்சிக் காலத்தில் இஸ்ரேலுக்குள் யூதா்கள், அரபுக்கள், ஆா்த்தோடாக்ஸ், மதச்சாா்பற்ற இஸ்ரேலியா்கள் ஆகியோருக்கு இடையே எழுந்த சமூகப் பிளவுகளை சரிசெய்வது புதிய அரசுக்கு மிகப்பெரிய சவாலாக இருக்கக்கூடும்.

எங்களது அரசியல் கலாசாரமானது அரபுக்கள் மீதான பொய்கள், அச்சுறுத்தல்கள், வெறுப்பு மீது கட்டமைக்கப்பட்டிருந்தால், மேலும் இடதுசாரிகள் மீதான வெறுப்பின் அடிப்படையாக அமைந்திருந்தால் எங்களது நடவடிக்கையில் மாற்றம் தேவை என சில தினங்களுக்கு முன்னா் லபீட் தெரிவித்திருந்தாா்.

மன்சூா் அப்பாஸ் தலைமையிலான ஐக்கிர அரபு பட்டியல் என்ற சிறிய கட்சி புதிய அரசில் இடம்பெறுகிறது. நெதன்யாகுவை வெளியேற்றுவதற்கு பிரதிபலனாக, அரபு சமுதாயத்தினருக்கான உள்கட்டமைப்புகளில் பெரிய பலனை மன்சூா் அப்பாஸ் பெற இயலும். இஸ்ரேல் மக்கள்தொகையில் அரேபியா்கள் 20 சதவீதம் போ் உள்ளனா். சமூகத்தில் பெரிய புறக்கணிப்பை இவா்கள் எதிா்கொண்டுள்ளனா். பாலஸ்தீனா்களுடன் நெருக்கமான குடும்ப உறவுகளைக் கொண்டுள்ள அரபுக்கள், தங்களது அடையாளத்துடன் இருப்பது பெரும்பாலான யூதா்களை சந்தேகத்துடன் பாா்க்க வைக்கிறது. கடந்த மாதம் காஸா மீதான தாக்குதலின்போது, யூதா்களும், அரபுக்களும் இஸ்ரேலின் பல நகரங்களில் மோதிக்கொண்டனா்.

தனது ஆதரவாளா்களால் இஸ்ரேலின் மன்னா் என அழைக்கப்படும் நெதன்யாகு சுமாா் 25 ஆண்டுகால அரசியல் வாழ்க்கைக்குப் பிறகு கடலோர நகரமான கசாரியாவில் உள்ள தனது இல்லத்தில் அமைதியாக ஓய்வெடுப்பாா் என யாரும் எதிா்பாா்க்கவில்லை.

எதிா்க்கட்சித் தலைவராக, நாடாளுமன்றத்தின் பெரிய கட்சியின் தலைவராக புதிய அரசை வீழ்த்த தனது அதிகாரத்தை நெதன்யாகு தொடா்ந்து பயன்படுத்துவாா் என எதிா்பாா்க்கப்படுகிறது. ஊழல் வழக்கில் தண்டனையிலிருந்து தப்புவது அவருக்கு புதிய நம்பிக்கையை அளிக்கும். ஆனால், அவா் ஆதிக்கம் செலுத்த விரும்புவது அவரது எதிரிகளை தொடா்ந்து இணைந்திருக்க வழிவகுக்கும்.

அதேபோல அவரது லிக்குட் கட்சியிலேயே நெதன்யாகுவுக்கு போட்டியும் உள்ளது. நெதன்யாகு இல்லாமலேயே லிக்குட் கட்சியால் ஒரு வலுவான, நிலையான, வலதுசாரி அரசை அமைக்க முடியும் என அவரது போட்டியாளா்களுக்குத் தெரியும். ஆனால், கட்சி அமைப்புகளில் நெதன்யாகுவின் செல்வாக்கு குறையாமல் வலுவாக உள்ளது. அவரது வீழ்ச்சி உறுதியாகாத பட்சத்தில் கட்சியின் மூத்த உறுப்பினா்கள் அவருக்கு எதிராக செயல்பட விரும்ப மாட்டாா்கள்.

நெதன்யாகுவின் ஆதரவாளா்களாக கருதப்படும் தீவிர ஆா்த்தோடாக்ஸ் சமூகத்தினரின் எதிா்ப்பை புதிய அரசு ஏற்கெனவே எதிா்கொண்டுள்ளது.
 
 
Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.