Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

மு.க.ஸ்டாலின் மற்றும் பிரதமர் மோடி ஆகியோருக்கு இடையிலான சந்திப்பு இன்று!


Recommended Posts

  • கருத்துக்கள உறவுகள்

தூத்துக்குடி துப்பாக்கி சூட்டில் உயிரிழந்தவர்களின் வாரிசுகளுக்கு பணி நியமன ஆணையை வழங்கினார் ஸ்டாலின்!

மு.க.ஸ்டாலின் மற்றும் பிரதமர் மோடி ஆகியோருக்கு இடையிலான சந்திப்பு இன்று!

தமிழக முதலமைச்சர் மு.க.ஸ்டாலின் பிரதமர் நரேந்திர மோடியை இன்று (வியாழக்கிழமை) மாலை சந்தித்து கலந்துரையாடவுள்ளார்.

இதற்காக மு.க.ஸ்டாலின் காலை 7:30 மணியளவில் டெல்லிக்கு புறப்பட்டு சென்றுள்ளார். மாலை 5 மணியளவில் பிரதமர் மோடியை சந்தித்து பேச்சுவார்த்தை நடத்தவுள்ளார்.

இதன்போது தமிழகத்திற்கு கூடுதல் தடுப்பூசி, நீட்தேர்வை ரத்து செய்ய வேண்டும், செங்கல்பட்டில் கொவிட் தடுப்பூசி உற்பத்தி என பல்வேறு விடயங்கள் குறித்து கலந்துரையாடவுள்ளதாக தகவல் வெளியாகியுள்ளது.

அதனைத் தொடர்ந்து நாளைய தினம் காங்கிரஸ் தலைவரான சோனியா காந்தி, மற்றும் முன்னாள் தலைவரான ராகுல் காந்தி ஆகியோரை சந்திக்கவுள்ளதாகவும் தெரிவிக்கப்பட்டுள்ளது.

https://athavannews.com/2021/1223117

Link to comment
Share on other sites

  • கருத்துக்கள உறவுகள்

பிரதமர் நரேந்திர மோதியுடன் தமிழக முதல்வர் மு.க.ஸ்டாலின் சந்திப்பு

 

 

இந்திய பிரதமர் நரேந்திர மோதியை டெல்லியில் தமிழக முதல்வர் மு.க. ஸ்டாலின் சந்தித்துளார். டெல்லி லோக் கல்யாண் மார்கில் உள்ள பிரதமர் இல்லத்தில் இந்த சந்திப்பு தற்போது நடைபெற்று வருகிறது.

தமிழக முதல்வராக பதவியேற்ற பிறகு ஸ்டாலின் மேற்கொள்ளும் முதலாவது வெளி மாநில பயணம் இதுவாகும்.

இந்த சந்திப்புக்குப் பிறகு டெல்லியில் உள்ள தமிழ்நாடு அரசின் விருந்தினர் இல்லத்தில் செய்தியாளர்களை 5.45 மணியளவில் ஸ்டாலின் சந்திக்கவிருக்கிறார்.

டெல்லியில் இன்று இரவு தங்க திட்டமிட்டுள்ள ஸ்டாலின் நாளை காலை 10 மணிக்கு காங்கிரஸ் இடைக்கால தலைவர் சோனியா காந்தியை சந்தித்துப் பேசவும் திட்டமிட்டுள்ளார்.

Link to comment
Share on other sites

  • கருத்துக்கள உறவுகள்
4 minutes ago, பிழம்பு said:

பிரதமர் நரேந்திர மோதியுடன் தமிழக முதல்வர் மு.க.ஸ்டாலின் சந்திப்பு

 

 

இந்திய பிரதமர் நரேந்திர மோதியை டெல்லியில் தமிழக முதல்வர் மு.க. ஸ்டாலின் சந்தித்துளார். டெல்லி லோக் கல்யாண் மார்கில் உள்ள பிரதமர் இல்லத்தில் இந்த சந்திப்பு தற்போது நடைபெற்று வருகிறது.

தமிழக முதல்வராக பதவியேற்ற பிறகு ஸ்டாலின் மேற்கொள்ளும் முதலாவது வெளி மாநில பயணம் இதுவாகும்.

இந்த சந்திப்புக்குப் பிறகு டெல்லியில் உள்ள தமிழ்நாடு அரசின் விருந்தினர் இல்லத்தில் செய்தியாளர்களை 5.45 மணியளவில் ஸ்டாலின் சந்திக்கவிருக்கிறார்.

டெல்லியில் இன்று இரவு தங்க திட்டமிட்டுள்ள ஸ்டாலின் நாளை காலை 10 மணிக்கு காங்கிரஸ் இடைக்கால தலைவர் சோனியா காந்தியை சந்தித்துப் பேசவும் திட்டமிட்டுள்ளார்.

ஹலோ,  பிழம்பு… செய்தியின் மூலத்தை குறிப்பிடவும். 👈 😎

அல்லது… இதை நீங்கள், டெல்லிக்குப் போய் திரட்டிய செய்தி என்று… நாங்கள் நினைக்க வேண்டி வந்திடும். 🤣

  • Haha 1
Link to comment
Share on other sites

  • கருத்துக்கள உறவுகள்
1 minute ago, தமிழ் சிறி said:

ஹலோ,  பிழம்பு… செய்தியின் மூலத்தை குறிப்பிடவும். 👈😎

அல்லது… இதை நீங்கள், டெல்லிக்குப் போய் திரட்டிய செய்தி என்று… நாங்கள் நினைக்க வேண்டி வந்திடும். 🤣

இந்திய பிரதமர் மோதியுடன் தமிழக முதல்வர் ஸ்டாலின் டெல்லியில் சந்திப்பு - தமிழில் செய்திகள் (bbc.com)

Link to comment
Share on other sites

  • கருத்துக்கள உறவுகள்

'நீட் முதல் கச்சத்தீவு வரை' முதல்வர் ஸ்டாலின் பிரதமருடனான சந்திப்பில் முன்வைத்த கோரிக்கைகள்!

பிரதமருடனான சந்திப்பு மனநிறைவாக உள்ளது. தமிழக வளர்ச்சிக்கு உறுதுணையாக இருப்பேன் என உறுதி அளித்துள்ளார். - தமிழக முதல்வர் ஸ்டாலின்.

பிரதமர் நரேந்திர மோடியுடன் தமிழக முதல்வர் மு. க. ஸ்டாலின் சந்திப்பு நிறைவடைந்தது. தமிழக முதல்வர் மு.க.ஸ்டாலின், இன்று டெல்லியில் பிரதமர் மோடியைச் சந்தித்தார். முதல்வராகப் பதவியேற்ற பிறகு முதன்முறையாக பிரதமர் மோடியைச் சந்தித்து ஆலோசனை நடத்தினார். டெல்லி தமிழ்நாடு இல்லதுக்கு சென்ற ஸ்டாலினை திமுக எம்.பி- க்கள் வரவேற்றனர். அதன் பிறகு பிரதமர் நரேந்திர மோடியை சந்தித்தார். தமிழக முதல்வராக பொறுப்பேற்றதற்கு பிரதமர் நரேந்திர மோடி ஸ்டாலினுக்கு வாழ்த்துகளைத் தெரிவித்தார்.அதற்கு முதல்வர் மு க ஸ்டாலின் நன்றி தெரிவித்தார். அதன் பிறகு கோரிக்கைகள் அடங்கிய மணு ஒன்றையும் ஸ்டாலின் பிரதமர் மோடியிடம் வழங்கியுள்ளார். அது குறித்து பத்திரிகையாளர் சந்திப்பில் பேசிய ஸ்டாலின்,

"கொரோனா பெருந்தொற்று பணிகள் காரணமாக முன்கூட்டியே பிரதமரைச் சந்தி்க்க முடியவில்லை. அவருடனான சந்திப்பு மனநிறைவாக உள்ளது. தமிழக வளர்ச்சிக்கு உறுதுணையாக இருப்பேன் என உறுதி அளித்துள்ளார். எந்த கோரிக்கையாக இருந்தாலும் எங்களிடத்திலே வெளிப்படையாகக் தெரிவிக்கலாம் எனக்கூறியுள்ளார். தமிழகத்துக்குத் தேவையான திட்டங்களையும், கோரிக்கையையும் அவரிடம் கொடுத்துள்ளோம். கூடுதலான தடுப்பூசிகளை தமிழகத்துக்கு வழங்க வேண்டுமெனவும், செங்கல்பட்டு தடுப்பூசி தொழிற்சாலையை உடனடியாகச் செயல்பட வைக்க வேண்டுமெனவும் கோரிக்கை வைத்துள்ளோம்.

 
மோடி
 
மோடி

ஜி.எஸ்.டி நிலுவைத் தொகையை முழுமையாக வழங்க வேண்டுமென கேட்டுள்ளோம். நீட் உள்ளிட்ட நுழைவுத் தேர்வுகளை ரத்து செய்ய கோரிக்கை வைத்துள்ளோம். திருக்குறளை தேசிய நூலாகக்கவும், மேகதாது திட்டத்துக்கான அனுமதியை ரத்து செய்யவும் கோரிக்கை வைக்கப்பட்டுள்ளது. முல்லை பெரியார் அணையின் நீர் மட்டம் 152 அடியாக உயர்த்தப்படவும், இலங்கை கடற்படையால் பாதிக்கப்படும் தமிழக மீனவர்களுக்கு நிரந்தர தீர்வு கிடைக்க வேண்டுமெனவும் கோரிக்கை வைத்துள்ளோம். கச்சத்தீவு மீட்கவும், மதுரையில் எய்ம்ஸ் மருத்துவமைனையை விரைவராகக் கட்டி முடிக்கவும் கோரிக்கை வைத்துள்ளோம். மருத்துவத்துவக் கல்வியில் இதர பிற்படுத்தப்பட்டோருக்கான இட ஒதுக்கீடு தர வேண்டும். புதிய கல்விக் கொள்கையைத் திரும்பப் பெற வேண்டும். சென்னை மெட்ரோ ரயில் இரண்டாம் திட்டத்தை உடனடியாக தொடங்க வேண்டும். ஈழத்திலிருந்து தமிழகத்துக்கு அகதிகளாக குடியேறியுள்ள மக்களுக்கு இந்தியக் குடியுரிமை வழங்க வேண்டும். சென்னை உயர் நீதிமன்றத்தில் வழக்காடு மொழியாக தமிழ் அறிவிக்கப்பட வேண்டும். இட ஒதுக்கீடு உரிமைகளை மாநில அரசே நிர்ணயித்துக்கொள்ள அனுமதி வழங்க வேண்டும். குடியரிமை திருத்தச் சட்டம், வேளாண் சட்ட மசோதாக்களை திரும்பப்பெற வேண்டும். நாடாளுமன்றத்திலும், சட்ட மன்றத்திலும் பெண்களுக்கு 33 சதவிகித உரிமையை உறுதி செய்ய வேண்டுமென கோரிக்கை வைத்துள்ளோம். இப்படியாக மேலும் சில கோரிக்கையையும் முன்வைத்துள்ளோம். அதை நிறைவேற்றவும் அழுத்தம் கொடுப்போம் " என்றார். மத்திய அரசுடனான உறவு குறித்த பத்திரிகையாளர்களின் கேள்விக்கு உறவுக்கு கை கொடுப்போம்உரிமைக்கு குரல் கொடுப்போம் என பதிலளித்தார்.

ஏழு தமிழர் விடுதலை குறித்த பத்திரிகையாளர்களின் கேட்டதற்கு அது குறித்து ஆளுநர் மூலம் குடியரசுத் தலைவருக்கு கடிதம் எழுதியுள்ளோம். குடியரசுத் தலைவருக்கு அழுத்தம் கொடுப்போம் என்றார்.

'நீட் முதல் கச்சத்தீவு வரை' முதல்வர் ஸ்டாலின் பிரதமருடனான சந்திப்பில் முன்வைத்த கோரிக்கைகள்! Article about Tamil Nadu chief minister Stalin's meeting with Prime minister Modi - Vikatan

 

Link to comment
Share on other sites

  • கருத்துக்கள உறவுகள்

மகிழ்ச்சி, மன நிறைவு: மோடி சந்திப்பு பற்றி ஸ்டாலின்

spacer.png

தமிழக முதலமைச்சர் மு.க.ஸ்டாலின் இன்று (ஜூன் 17) மாலை 5 மணிக்கு பிரதமர் மோடியை டெல்லியில் அவரது அதிகாரபூர்வ இல்லத்தில் சந்தித்தார். இந்த சந்திப்பு 25 நிமிடங்கள் நீடித்தது. பிரதமரை சந்தித்ததற்குப் பிறகு தமிழ்நாடு இல்லத்துக்கு சென்று அங்கே செய்தியாளர்களை சந்தித்தார் முதல்வர் மு.க.ஸ்டாலின்.

“ கொரோனா என்ற பெருந்தொற்று பரவல் காரணமாக பதவியேற்ற உடனேயே பிரதமரை சந்திக்க முடியவில்லை. நியாயமாக முன்பே சந்தித்திருக்க வேண்டும். எனினும் இப்போது தொற்று தமிழ்நாட்டில் மட்டுமல்ல இந்தியாவிலும் குறையும் நிலையில், பிரதமரிடம் நேரம் கேட்டேன். அவரும் நேரம் ஒதுக்கிக்கொடுத்தார்.

 

பிரதமருடனான சந்திப்பு மகிழ்ச்சியான சந்திப்பாக மன நிறைவான சந்திப்பாக இருந்தது. முதலில் எனக்கு வாழ்த்துகளை சொன்னார். நானும் அவருக்கு நன்றி சொன்னேன். தமிழ்நாட்டின் வளர்ச்சித் திட்டங்களுக்கு முழு ஒத்துழைப்பு தருவதாக உறுதிமொழியளித்தார். எந்த கோரிக்கை என்றாலும் என்னோடு எந்த நேரத்திலும் தொடர்புகொள்ளலாம் என்றும் கூறினார்.

தமிழ்நாட்டின் திட்டங்கள், தேவைகளுக்கான கோரிக்கைகளை முழுமையாக தயாரித்து அவரிடம் கொடுத்திருக்கிறோம். அதை முழுமையாக சொல்ல நேரம் இல்லை. அதில் சில தலைப்புகளை மட்டும் சொல்கிறேன்” என்றவர் அதைப் பட்டியலிட்டார்.

“தமிழ்நாட்டுக்கு கூடுதல் தடுப்பூசிகள் வழங்கவேண்டும். செங்கல்பட்டு, ஊட்டி தடுப்பூசி மையத்தை செயல்படுத்த வேண்டும், தமிழ்நாட்டுக்கான நிலுவையில் இருக்கும் நிதியை தர வேண்டும், ஜிஎஸ்டி பாக்கியை தமிழ்நாட்டுக்குத் தர வேண்டும், நீட் உள்ளிட்ட நுழைவுத் தேர்வுகள் ரத்து செய்யப்பட வேண்டும், திருக்குறளை தேசிய நூலாக்க வேண்டும், மேகதாது அணைத் திட்டம் ரத்து செய்யப்படவேண்டும், முல்லைப் பெரியாறு அணையின் நீர் மட்டம் உயர்த்தப்பட வேண்டும், காவேரி-கோதாவரி இணைப்புக்கு முன்னுரிமை அளிக்க வேண்டும், இலங்கை படையினரால் தமிழக மீனவர்கள் தாக்கப்படுவதற்கு நிரந்தரத் தீர்வு காண வேண்டும், கச்சத் தீவு மீட்பு, புதிய மின்சார சட்டம் நீக்கப்பட வேண்டும், மதுரையில் எய்ம்ஸ் மருத்துவமனை செயல்படுத்தப் படவேண்டும், கோவையிலும் புதிய எய்ம்ஸ் அமைக்கப்பட வேண்டும், மருத்துவக் கல்லூரியில் இதர பிற்படுத்தப்பட்டவர்களுக்கான இட ஒதுக்கீட்டை உறுதி செய்ய வேண்டும், புதிய கல்விக் கொள்கையைத் திரும்பப் பெற வேண்டும், சென்னை மெட்ரோ ரயில் இரண்டாம் திட்டம் உடனடியாக செயல்படுத்தப்பட வேண்டும், ஈழ அகதிகளுக்கு இந்தியக் குடியுரிமை, செம்மொழித் தமிழாய்வு மையம் சீரமைக்கப்பட வேண்டும். இட ஒதுக்கீட்டின் அளவுகோலை மாநிலங்களே தீர்மானிக்க வேண்டும், சேது சமுத்திர திட்டம் நடைமுறைப்படுத்த வேண்டும், பெண்களுக்கு 33% ஒதுக்கீட்டு சட்டம் நிறைவேற்ற வேண்டும், குடியுரிமை சட்டம், வேளாண் சட்டங்களைத் திரும்ப பெற வேண்டும் என்று பல்வேறு கோரிக்கைகளை பிரதமர் மோடியிடத்திலே மெமோரண்டமாக கொடுத்திருக்கிறோம்.

 

இதில் பல பிரச்சினைகள் நேரடியாக ஒன்றிய அரசு செய்ய வேண்டியது. சில பிரச்சினைகள் இரண்டு அரசுகளும் இணைந்து செய்ய வேண்டியிருக்கிறது. நிறைவேற்ற முடியும் என்ற நம்பிகையை டெல்லி பயணம் கொடுத்திருக்கிறது, இந்த கோரிக்கைகளை நிறைவேற்ற ஒன்றிய அரசுக்கு தொடர்ந்து நாங்கள் அழுத்தம் கொடுப்போம். தலைநகரில் தமிழ் ஊடகங்கள் தொடர்ந்து வாதாட வேண்டும்” என்று கூறினார் முதல்வர் மு.க.ஸ்டாலின்.

இந்தக் கோரிக்கைகளுக்கு பிரதமர் என்ன பதில் சொன்னார் என்று கேட்டபோது, “ நான் அமைச்சர்களோடு பேசி, அதிகாரிகளோடு பேசி நல்ல முடிவு சொல்கிறேன் என்று பிரதமர் சொல்லியிருக்கிறார்” என்று குறிப்பிட்டார்.

ஒன்றிய அரசுடனான உறவு எப்படியிருக்கும் என்று கேட்டபோது, “கலைஞரின் வழியில் உறவுக்குக் கை கொடுப்போம், உரிமைக்கு குரல் கொடுப்போம்”என்று பதில் அளித்தார் ஸ்டாலின்.

 

https://minnambalam.com/politics/2021/06/17/42/modi-stalin-meet-pleasure-delhi-tamilnadu-demands

 

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • இலங்கை ஊடக ஜாம்பவான், ஆர்.ராஜமகேந்திரன் காலமானார் 2 மணி நேரங்களுக்கு முன்னர் பட மூலாதாரம்,RAJAMAHENDRAN - NEWS FIRST இலங்கையின் ஊடக ஜாம்பவான், கேப்பிட்டல் மஹாராஜா குழுமத் தலைவர், ஆர்.ராஜமகேந்திரன் இன்று (25) காலமானார். கொழும்புவில் உள்ள தனியார் மருத்துவமனையில் கடந்த சில வார காலமாக சிகிசிச்சை பெற்றுவந்த நிலையில், சிகிச்சை பலனின்றி அவர் உயிரிழந்ததாக, அவரது நிறுவனத்துக்கு சொந்தமான 'நியூஸ் பெஸ்ட்' ஊடகம் செய்தி வெளியிட்டுள்ளது. சக்தி, சிரச, எம்.ரி.வி, நியூஸ்பெஸ்ட் ஆகிய ஊடக நிறுவனங்களின் உரிமையாளராக ஆர்.ராஜமகேந்திரன் விளங்கினார். யாழ்ப்பாணத்தில் பிறந்த ஆர்.ராஜமகேந்திரன், இலங்கையின் அரசியல், வர்த்தகம், விளையாட்டு உள்ளிட்ட அனைத்து துறைகளிலும் தனது செல்வாக்கை செலுத்தியிருந்தார்.   பல ஆட்சி மாற்றங்களின் போது, ஆர்.ராஜமகேந்திரனின் செல்வாக்கு அதில் காணப்பட்டதாக ஒவ்வொரு தடவையும் கருத்துக்கள் வெளியாகியிருந்தன. இலங்கையில் யுத்தம் இடம்பெற்ற காலப் பகுதியில் தமிழர்களுக்கு சுதந்திரமாக நடமாட முடியாத சூழல் காணப்பட்ட தருணத்தில், சக்தி தொலைக்காட்சியை அவர் தொடங்கினார். பட மூலாதாரம்,ARUN PRASATH அதேபோன்று, தமிழ், சிங்களம் மற்றும் ஆங்கிலம் ஆகிய மூன்று மொழிகளிலும் இலங்கையில் முதல் தடவையாக ஊடக நிறுவனத்தை ஆரம்பித்தவர் அவரே. அது மாத்திரமன்றி, தமிழகத்தின் முன்னணி தொலைக்காட்சி சேவையான சன் குழுமத்துடன் உடன்படிக்கைகளை மேற்கொண்டு, இலங்கையில் தொழில்நுட்பம் வளர்ச்சியடையாத காலப் பகுதிகளில் இந்திய சினிமாவை தமிழர்களின் வீடுகளில் பார்வையிடும் வாய்ப்பை அவர் ஏற்படுத்திக் கொடுத்திருந்தார். அதேவேளை, ரஜினிகாந்த் நடிப்பில் 1981ம் ஆண்டு வெளியான தீ திரைப்படத்தின் கூட்டு தயாரிப்பாளராக அவரது நிறுவனம் விளங்கியது. இலங்கையில் ரஜினிகாந்த்தை வைத்து திரைப்படம் எடுத்த பெருமை இவரை சாரும் என கூறப்படுகின்றது. இந்த வகையில், இந்தியாவுடன் நெருங்கிய தொடர்புகளை பேணியது மாத்திரமின்றி, தமிழக சினிமாவுடன் இவரது தொடர்பு இறுதி வரை காணப்பட்டது. இதேவேளை, ஆர்.ராஜமகேந்திரனின் மறைவுக்கு இலங்கைக்கான இந்திய உயர்ஸ்தானிகராலயம் தனது இரங்கலை ட்விட்டரில் வெளியிட்டுள்ளது. ஆர்.ராஜமகேந்திரனிற்கும், இந்தியாவிற்கும் இடையிலான நீண்ட பிணைப்பினை நினைவுகூர்வதாக அந்த ட்வீட்டில் தெரிவிக்கப்பட்டுள்ளது. https://www.bbc.com/tamil/global-57958939
    • ரிஷாத்தின் வீட்டில் பணிப் பெண்களாகப் பணிபுரிந்த 11 பெண்கள் துஷ்பிரயோகம் – காவல்துறை தகவல் July 24, 2021   Share    72 Views முன்னாள் அமைச்சர் ரிஷாத் பதியுதீனின் வீட்டில் பணிப் பெண்களாகப் பணிபுரிந்த 11 பெண்கள் துஷ்பிரயோகத்திற்கு உட்படுத்தப் பட்டுள்ளதாக பொலிஸார் மேற்கொண்ட விசாரணை மூலம் தெரிய வந்துள்ளது என திவயின என்ற சிங்கள  செய்தி இணையத்தளம் தகவல் வெளியிட்டுள்ளது. இது குறித்து மேலும் அந்த செய்தியில் தெரிவித்துள்ளதாவது,   இதற்கு முன்னர் மலையக தோட்டப் புறங்களிலிருந்து அழைத்து வரப்பட்ட 11 யுவதிகள் முன்னாள் அமைச்சர் ரிஷாத் பதியுதீனின் வீட்டில் பணிப் பெண்களாகப் பணியாற்றிய காலத்தில் பாலியல் துஷ்பிரயோகத்துக்கு உட்படுத்தப் பட்டுள்ளதாக காவல் துறையினர்  மேற்கொண்ட விசாரணை மூலம் தெரிய வந்துள்ளது. மேலும் முன்னாள் அமைச்சரின் வீட்டில் பணிப்பெண்ணாக அழைத்து வரப்பட்ட யுவதி ஒருவர் பம்பலப்பிட்டி பகுதியில் இரயில் முன் குதித்து தற்கொலை செய்து கொண்ட சம்பவம் குறித்து  காவல் துறையினர் விசாரித்து வருகின்றனர். அத்துடன் முன்னாள் அமைச்சர் ரிஷாத் பதியுதீன் அமைச்சராகக் கடமையாற்றிய போது அவருக்கு வழங்கப்பட்ட உத்தியோகபூர்வ இல்லத்தில் யுவதி ஒருவர் பாலியல் துஷ்பிரயோகத்துக்கு உட்படுத்தப் பட்டுள்ளதாக  காவல் துறையினருக்கு தகவல் கிடைத்துள்ளது. குறித்த சம்பவத்தில் பாதிக்கப்பட்ட பெண்,  தான் பாலியல் துஷ்பிரயோகத்துக்கு உள்ளாக்கப்பட்ட உத்தியோகபூர்வ இல்லத்தையும் அந்த அறையையும் காவல் துறையினருக்கு காண்பித்துள்ளார் என்றும் தெரிவிக்கப் படுகின்றது. முன்னாள் அமைச்சர் ரிஷாத் பதியுதீனின் வீட்டில் பணிப் பெண்ணாகப் பணிபுரிந்த வேளை தீக்காயங்கள் காரணமாக சிறுமி உயிரிழந்த சம்பவம் குறித்து ரிஷாத்தின் மனைவி, மனைவியின் தந்தை, மைத்துனர் மற்றும் தரகர் ஆகியோர் நேற்று அதிகாலை கைது செய்யப்பட்டனர். நேற்று காலை கைது செய்யப்பட்ட அமைச்சர் ரிஷாத் பதியுதீனின் மைத்துனர் முன்னாள் அமைச்சர் ரிஷாத் பதியுதீனின் உத்தியோகபூர்வ இல்லத்தில் யுவதி ஒருவரை பாலியல் துஷ்பிரயோகத்துக்கு உட்படுத்திய குற்றத்துக்காக குற்றஞ் சாட்டப்பட்டவர் என விசாரணை மூலம் தெரிய வந்துள்ளது. இதற்கிடையில், முன்னாள் அமைச்சர் ரிஷாத் பதியுதீனின் வீட்டுக்கு பணிப் பெண்ணாகக் கொண்டு வரப்பட்ட இளம் யுவதிகள் மற்றும் சிறுமிகள் பாலியல் துஷ்பிரயோகம் மற்றும் துன்புறுத்தப் பட்டமை தொடர்பாக விசாரணை மேற்கொள்வதற்காக பிரதான காவல் துறை  பரிசோதகர் பெண் அதிகாரி வருணி போகஹவத்தவை  நியமிக்க மேல் மாகாண சிரேஷ்ட பிரதிப் பொலிஸ் மா அதிபர் தேசபந்து தென்னக்கோன் நடவடிக்கை எடுத்துள்ளார் . அதன்படி, ரிஷாத் பதியுதீனின் வீட்டில் பாலியல் துஷ் பிரயோகத்திற்கு உட்பட்ட யுவதிகள் தொடர்பான விசாரணைகளை மேற்கொள்வதற்காக வருணி போகஹவத்த  தலைமையிலான விசேட குழு மலையக தோட்டப்புறப் பகுதிகளுக்குச் சென்றுள்ளது. ரிஷாத் பதியுதீனின் வீட்டில் பணிபுரிந்த சகல யுவதிகளும் மலையக தோட்டப்புறப் பகுதிகளைச் சேர்ந்தவர்கள் எனவும், நேற்று கைது செய்யப்பட்ட தரகர் மூலமாக அனைவரும் கொழும்பு அழைத்து வரப்பட்டதாக  தெரிவிக்கப்படுகின்றது. வீட்டு பணிப் பெண்களான யுவதிகள் மற்றும் சிறுமிகளைக் கொழும்புக்கு அழைத்து வந்த தரகருக்கு இலட்சக் கணக்கான பணத்தைச் செலுத்த அமைச்சர் நடவடிக்கை எடுத்துள்ளார் என்பதும் தெரிய வந்துள்ளது. ரிஷாத் பதியுதீனின் வீட்டின் பின்புறத்தில் தனியாக அமைந்துள்ள சிறிய இருட்டு அறையில் மேற்படி யுவதிகள், சிறுமிகள் விடப்படுவதாகவும் இரவு 10.30 மணியளவில் குறித்த அறையின் கதவை அடைப்பதாகவும் மறுநாள் காலை 5.30 மணிக்கு  திறக்கப் படுவதாகவும் தெரிய வந்துள்ளது. இதற்கிடையில், அவர்கள் கழிப்பறைக்குச் செல்லக் கூட அனுமதிக்கப் படவில்லை என்பது தெரிய வந்துள்ளது. மேலும்  டயகம சிறுமியை வீட்டுப் பணிப் பெண்ணாக அழைத்து வந்த தரகரிடம் நீண்ட நேரம் காவல் துறையினர் விசாரணை நடத்தி பல முக்கியமான தகவல்களைக் கேட்டறிந்துள்ளனர். மேல் மாகாண சிரேஷ்ட பிரதிப் பொலிஸ் மா அதிபர் தேசபந்து தென்னக்கோன் தலைமையில் 05 காவல்துறை விசேட குழு குறித்த சம்பவம் தொடர்பாக விசாரணையை மேற்கொள்ளும் எனவும் தெரிவிக்கப் படுகின்றது. நன்றி -தினக்குரல்   https://www.ilakku.org/11women-who-worked-maids-in-rishads-house-were-abused/  
    • மலையக சிறுமி தற்கொலை செய்துகொண்டார் என்பதற்கான ஆதாரங்கள் இல்லை   மலையகத்தைச் சேர்ந்த சிறுமி தற்கொலை செய்துகொண்டார் என்பதற்கான ஆதாரங்கள் எவையுமில்லை என தேசிய சிறுவர் பாதுகாப்பு அதிகார சபை தெரிவித்துள்ளது. தொலைக்காட்சி நிகழ்வொன்றில் கலந்துகொண்டு கருத்து தெரிவிக்கையில், சிறுமி தனக்கு என்ன நடந்தது என்பது குறித்து எந்த வாக்குமூலத்தையும் வழங்கவில்லை என்று தெரிவித்துள்ள தேசிய சிறுவர் பாதுகாப்பு அதிகாரசபையின் தலைவர், இன்னொரு நபரே என்ன நடந்தது என வாக்குமூலம் வழங்கினார் என்று  மருத்துவர்களே குறிப்பிட்டுள்ளனர் என தெரிவித்துள்ளார். இதன் காரணமாக சிறுமி தற்கொலை செய்துகொண்டாரா அல்லது கொலை செய்யப்பட்டாரா என்பது நிபுணர்களின் ஆதாரங்களை அடிப்படையாக வைத்தே தீர்மானிக்கப்படும் என அவர் தெரிவித்துள்ளார்.   https://www.ilakku.org/there-is-no-evidence-that-the-hill-girl-committed-suicide-national-child-protection-authority/  
    • முதியோர் துஸ்பியோகத்திற்கு எதிராகவும் குரல் எழுப்பப்பட வேண்டும் – யாழ் மறை மாவட்டக் குருமுதல்வர்   சிறுவர் துஸ்பிரயோகத்திற்கெதிராக குரல்கள் எழுப்பப்படுவதுபோல் முதியோர் துஸ்பியோகத்திற்கு எதிராகவும் குரல் எழுப்பப்பட வேண்டும் என யாழ் மறை மாவட்டக் குருமுதல்வர் அருட்பணி ஜெபரட்ணம் அடிகளார் தெரிவித்தார். சில்லாலை புனித யாகப்பர் ஆலய திருவிழா திருப்பலி இன்று  நடைபெற்றபோது திருவிழா திருப்பலியை தலமையேற்று ஒப்புக்கொடுக்கையிலே அவர் இதனைத் தெரிவித்தார். அவர் மேலும் தெரிவிக்கையில், ‘தற்போது இணையத்தளங்களில், பத்திரிகைகளில் சிறுவர் துஸ்பிரயோகம், சிறுமி கொலை தொடர்பாக செய்திகள் வெளிவருகின்றது. குறித்த சிறுமி துஸ்பிரயோகம் செய்யப்பட்டாள், தீயில் எரிந்துள்ளாள் என்றும் இதன்பின்னர் சிறுவர் உரிமைகள் பாதுகாக்கப்பட வேண்டும் என்றும் கவனயீர்புக்கள் இடம்பெற்று சிறுவர்கள் பாதுகாக்கப்பட வேண்டும் என்ற நிலை உருவாகியுள்ளது. இதேபோல் முதியோர் துஸ்பிரயோகம் செய்யப்படுகிறார்கள் இந்தவிடயங்கள் கவனிக்கப்பட வேண்டும். வயோதிபர்களது மாண்புகள், முக்கியத்துவங்கள், அனுபவங்கள் மதிக்கப்பட வேண்டும் திருத்தந்தை இந்த வருடம் ஜூலை மாதத்தின் கடைசி ஞாயிற்றுக்கிழமையை முதியோருக்காக செபிக்குமாறு வலியுறுத்தியுள்ளார். இனி ஒவ்வொரு வருடமும் ஜூலை மாதம் கடைசி ஞாயிற்றுக்கிழமை முதியோர்தினம் அனுஸ்டிக்கப்படும். முதியோரும் துன்புறுத்தலுக்கு ஆளாகிறார்கள் அவமானப் படுத்தப்படுகிறார்கள். அவர்கள் துணையில்லாது முதுமையாலும் துன்பப்படுகிறார்கள். தமது பிள்ளைகளால் துன்பப்படுத்தப்படுகிறார்கள் சொத்துக்களை பறிப்பதற்காக துன்பப்படுகிறார்கள். இவ்வாறான  முதியோர்கள் பாதுகாக்கப்பட வேண்டும். அவர்கள் உரிமைகள் மதிக்கப்பட வேண்டும்” என்றார்.   https://www.ilakku.org/voices-should-also-be-raised-against-the-abuse-of-the-elderly/
    • அமைதி மதத்தினர்களை குளிர்ச்சியடைய செய்கிறாராம். ஆனால் குற்றவாளிகளை ஊக்குவிக்கிறார் பாதுகாக்கிறார்.
×
×
  • Create New...

Important Information

By using this site, you agree to our Terms of Use.