Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

இந்தியாவுக்கு உதவுவதாக, சேகரித்த நிதியை... பயங்கரவாத நடவடிக்கைகளுக்கு பயன்படுத்துகிறதா பாகிஸ்தான்?


Recommended Posts

  • கருத்துக்கள உறவுகள்

இந்தியாவுக்கு உதவுவதாக சேகரித்த நிதியை பயங்கரவாத நடவடிக்கைகளுக்கு பயன்படுத்துகிறதா பாகிஸ்தான்?

இந்தியாவுக்கு உதவுவதாக, சேகரித்த நிதியை... பயங்கரவாத நடவடிக்கைகளுக்கு பயன்படுத்துகிறதா பாகிஸ்தான்?

கொவிட் -19 நெருக்கடிக்கு எதிரான போராட்டத்தில் இந்தியாவுக்கு உதவுவதற்காக பாகிஸ்தானுடன் இணைந்த தொண்டு நிறுவனங்கள், கோடிக்கணக்கில் நிதி திரட்டின. இவ்வாறு சேகரிக்கப்பட்ட பணம், ஆர்ப்பாட்டங்களைத் தூண்டுவதற்கும் வெளிப்படையான பயங்கரவாத தாக்குதல்களுக்கு நிதியளிப்பதற்கும் பயன்படுத்தப்படலாம் என சந்தேகம் வெளியிடப்பட்டுள்ளது.

போலி செய்திகளையும் பிரச்சாரங்களையும் முறியடிக்கும் டிஸின்போலாபின் அறிக்கையின்படி, பாகிஸ்தானுடன் இணைந்த தொண்டு நிறுவனங்கள் அமெரிக்காவில் அமைந்துள்ளன. கொவிட் -19 நெருக்கடிக்கு எதிரான போராட்டத்தில் இந்தியாவுக்கு உதவ வேண்டும் என்ற போலிக்காரணத்தில் அவர்கள் பெரும் தொகையைச் சேகரித்தனர்.

அதாவது ஆக்ஸிஜன், வென்டிலேட்டர்கள் மற்றும் தடுப்பூசிகள் உள்ளிட்ட மருத்துவ வசதிகளை வழங்க இந்தியாவுக்கு உதவுவதாகக் கூறி ‘ஹெல்ப் இந்தியா ப்ரீத்’ என்ற பிரச்சாரத்தைத் தொடங்கி, அவர்கள் நிதி உதவிக்கு வேண்டுகோள் விடுத்தனர்.

இதன்போது மக்களும் இந்த அமைப்புகளுக்கு பணத்தை நன்கொடையாக வழங்கினர். ‘ஹெல்பிங் இந்தியா ப்ரீத்’ என்ற பெயரில் மில்லியன் கணக்கான டொலர்கள் திருடப்பட்டுள்ளன என அறிக்கையில் கூறப்பட்டுள்ளது.

இதேவேளை இந்த அறிக்கையை டிஸ்இன்ஃபோ ஆய்வகம் தயாரித்துள்ளது. அதற்கு ‘கொவிட் -19 மோசடி 2021’ என்று பெயரிடப்பட்டுள்ளது. டிஸ்இன்ஃபோ ஆய்வகம் மனிதாபிமான செலவினத்தின் அடிப்படையில் இந்த மோசடியை “மனித வரலாற்றில் மிக மோசமான மோசடிகளில் ஒன்று” என்று அழைத்தது.

மேலும் இந்த அறிக்கையின்படி, தொண்டு அமைப்புகள் தீவிர இஸ்லாமியவாதிகள் மற்றும் பயங்கரவாத அமைப்புகளுடன் நெருக்கமான உறவைக் கொண்டுள்ளன. மேலும் அவை பாகிஸ்தான் இராணுவத்துடன் இணைந்து செயற்படுகின்றன என கூறப்பட்டுள்ளது.

அத்துடன் பணத்தை திரட்டும் அமைப்புகளில் வட அமெரிக்காவின் இஸ்லாமிய மருத்துவ சங்கம் (IMANA) அடங்கும் என்று அறிக்கையில் கூறப்பட்டுள்ளது. ஏப்ரல் 27, 2021 அன்று, இமானா இன்ஸ்டாகிராமில் # ஹெல்ப் இந்தியா ப்ரீத் பிரச்சாரத்தைத் தொடங்கி, ஆரம்ப இலக்கை 1.8 கோடி ரூபாயாக நிர்ணயித்ததாக கூறப்படுகின்றது

இதேவேளை குறுகிய காலத்தில் பெரிய தொகைகளைப் பெற்ற பிறகு, இலக்கு தொகையை அடிக்கடி திருத்தியது. எவ்வாறாயினும், அந்த அமைப்பு அது பெற்ற பணத்தின் சரியான அளவு குறித்து எந்த தகவலையும் கொடுக்கவில்லை. IMANA க்கு இந்தியாவில் அலுவலகமோ, கிளையோ அல்லது பிரதிநிதியோ இல்லை எனவும் தெரிவிக்கப்படுகின்றது.

அந்தவகையில் டிமான்ஃபோ ஆய்வக அறிக்கையில் இமானாவால் பெறப்பட்ட நன்கொடையின் மொத்த தொகை 30 கோடி ரூபாய் முதல் 158 கோடி ரூபாய் வரை இருக்கலாம் என கூறப்பட்டுள்ளது.

டிஸ்இன்ஃபோ ஆய்வகம் குறைந்தது 66 பிரச்சாரங்களை ஒரே ஒரு மேடையின் வாயிலாக மேற்கொண்டுள்ளது. அந்த அறிக்கையின்படி, இந்தியாவுக்கு உதவி என்ற பெயரில் பிரச்சாரத்திற்குப் பிறகு அவர்கள் பெற்ற பணத்தை அந்த அமைப்புகள் பகிர்ந்துக்கொண்டுள்ளன.

அதாவது இந்தியாவும் இந்தியர்களும் உலகெங்கிலும் பெற்றுள்ள நல்லெண்ணத்தை இந்த அமைப்புகள் சுரண்டின என்றும் அறிக்கையில் கூறப்பட்டுள்ளது.

கொவிட்-19 வழக்குகளில் இரண்டாவது பேரழிவுகரமான எழுச்சியின்போது இந்தியா மருத்துவ பொருட்கள் பற்றாக்குறையை எதிர்கொண்டது. நிலைமையை சமாளிக்க இந்திய அதிகாரிகளுக்கு உதவ பல நாடுகள் முன்வந்தமை குறிப்பிடத்தக்கது.

https://athavannews.com/2021/1223806

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

×
×
  • Create New...

Important Information

By using this site, you agree to our Terms of Use.