ரணில் விக்கிரமசிங்கவுடன் இணைகின்றார் விமல் வீரவன்ச- 2024 ஜனாதிபதி தேர்தலில் பொது வேட்பாளராக விமலை நிறுத்துவதற்கு ரணில் இணக்கம்- அரசியல் வட்டாரங்களில் புதிய பரபரப்பு

[கிருபன்]

ரணில் விக்கிரமசிங்கவுடன் இணைகின்றார் விமல் வீரவன்ச- 2024 ஜனாதிபதி தேர்தலில் பொது வேட்பாளராக விமலை நிறுத்துவதற்கு ரணில் இணக்கம்- அரசியல் வட்டாரங்களில் புதிய பரபரப்பு
 

அரசாங்கம் குறித்து அதிருப்தியடைந்துள்ள அமைச்சர் விமல்வீரவன்சவிற்கும் முன்னாள் பிரதமர் ரணில் விக்கிரமசிங்கவிற்கும் இடையில் அரசியல் ஒப்பந்தமொன்று உருவாகியுள்ளது என தகவல்கள் வெளியாகிள்ளன.

மூன்றாம் தரப்பொன்றின் முயற்சிகள் காரணமாக இருவருக்கும் இடையில் இணக்கப்பாடொன்று ஏற்பட்டுள்ளது என தகவல்கள் வெளியாகியுள்ளன.

பிரபல பௌத்தமதகுரு ஒருவர் இருவருக்கும் இடையில் அரசியல் ஒப்பந்தமொன்று உருவாவதற்கான முயற்சிகளில் ஈடுபட்டுள்ளார்.

2024 ஜனாதிபதி தேர்தலில் உருவாகவுள்ள புதிய அரசியல் கூட்டணியின் பொதுவேட்பாளராக விமல்வீரவன்சவை நியமிப்பதற்கு ரணில்விக்கிரமசிங்க சம்மதித்துள்ளார் எனவும் தகவல்கள் வெளியாகியுள்ளன.

விமல் வீரவன்ச தரப்பினர் தொடர்ந்தும் அரசாங்கத்தில் நீடிக்கவேண்டும் சரியான தருணம் வரும்போது மைத்திரிபால சிறிசேன போன்று அரசாங்கத்திலிருந்து வெளியேற வேண்டும் என அறிவுறுத்தப்பட்டுள்ளனர் எனவும் தகவல்கள் வெளியாகியுள்ளன.

விமல்வீரவன்ச பிரதமர் மற்றும் ஜனாதிபதி பதவிகளில் கண்வைத்துள்ளார் என்பது வெளிப்படையான உண்மை ஆனால் அதற்கான வேறு தந்திரோபாயங்களை வழிமுறைகளை பின்பற்றுவது என குறிப்பிட்ட பௌத்தமதகுரு உட்பட இந்த திட்டத்தை முன்னெடுப்பவர்கள் தீர்மானித்துள்ளனர் எனவும் தகவல்கள் வெளியாகியுள்ளன.

விமல்வீரவன்ச கட்சியில் தற்போது காணப்படும் நிலையிலிருந்து மேலும் வளருவதற்கு அனுமதிக்கப்படாத சூழ்நிலை ஏற்பட்டால் என்ன செய்வது என்பது அடிப்படையாக வைத்தே அவர்கள் வேறு வழிமுறைகள் குறித்து சிந்தித்துள்ளனர்.

நாடாளுமன்றத்திற்கு செல்வதில்லை என உறுதியான தீர்மானத்துடன் காணப்பட்ட முன்னாள் பிரதமர் அந்த முடிவை மாற்றியுள்ளமை தற்செயலான விடயமில்லை –எதிர்காலத்தில் எதிர்பார்க்காத பல அரசியல் மாற்றங்கள் நிகழக்கூடும் என அரசியல் ஆய்வாளர்கள் தெரிவித்துள்ளனர்.
 

https://thinakkural.lk/article/124757

[nunavilan]

நரி களமிறங்கி உள்ளார். பல  திருப்பங்களை காணலாம்.

[நிழலி]

இப்படி ஒரு முட்டாள்தனமான முடிவை ரணில் எடுப்பார் என்று நான் நம்பவில்லை. ரணிலுக்கு, ஐ.தே.க வுக்கு இருக்கும் சிறுபான்மை இனத்தவர்களின் ஆதரவு விமலின் மூலம் முற்றாக இல்லாமல் போய்விடும். அத்துடன், விமலுக்கு சிங்களவர் மத்தியில் கூட பெரிய ஆதரவு இல்லை.

[குமாரசாமி]

9 hours ago, nunavilan said:

நரி களமிறங்கி உள்ளார். பல  திருப்பங்களை காணலாம்.

அமெரிக்க சார்பு கொள்கை உள்ளவர்கள் இனி வரவேற்கப்படுவார்கள்.

[Nathamuni]

ரணிலை இறக்குவது, இந்தியா... விரைவில் புரியும்😎

[வாத்தியார்]

அடுத்த ஜனாதிபதி தேர்தல் பரப்புரை இப்போதே ஆரம்பித்து விட்டது.
பசிலுக்கு எதிராக ரணில் களத்தில் இறங்கிவிட்டார் .
அதாவது சஜித்துக்கு ஆதரவாக

[goshan_che]

மைத்திரி மகிந்தவுக்கு ஆப்பு(பம்) அடிக்க ஒரு சில மாதங்களுக்கு முன் கொழும்பு டெலிகிராப் ஒரு செய்தி போட்டது.

ரணிலின் மனைவி மைத்திரி பொது வேட்பாளராக களம் இறங்குவார் என்றது அந்த செய்தி.

எல்லாரும் அந்த செய்தியை பார்த்து சிரித்தோம்.

ஆனால் உண்மையிலேயே பொது வேட்பாளர் ஆகியது மைத்திரிபால சிறிசேன.

மைத்திரியை பொது வேட்பாளர் ஆக்கும் திட்டம் உள்ளது என்பதை முகர்ந்து பிடித்த கொழும்பு டெலிகிராப் - எந்த மைத்திரி என்பதில் கோட்டை விட்டது.

ஆகவே இந்த செய்தி நம்ப கடினமாக இருந்தாலும்  - இதன் பின்னால் சில நகர்வுகள் இருக்கலாம்.

[வாத்தியார்]

8 minutes ago, goshan_che said:

ஆகவே இந்த செய்தி நம்ப கடினமாக இருந்தாலும்  - இதன் பின்னால் சில நகர்வுகள் இருக்கலாம்.

விமல் வரலாம்... ஆனாலும் அது சஜித்திற்கான
ஒரு சந்தர்ப்பமாகவும்... ராஜபக்சேக்களுக்கானா
ஒரு அடியாகவும்.... இருக்கலாம்

[goshan_che]

1 hour ago, Nathamuni said:

ரணிலை இறக்குவது, இந்தியா... விரைவில் புரியும்😎

உங்களுக்குதான் உள்வீட்டு விசயங்கள் அத்துப்படியாச்சே. எடுத்து விடுங்கோ நாதம்.