Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

ஈழத்தமிழரின் தமிழக மயக்கம்: தெளியாத போதை


Recommended Posts

  • கருத்துக்கள உறவுகள்

ஈழத்தமிழரின் தமிழக மயக்கம்: தெளியாத போதை

தெ. ஞாலசீர்த்தி மீநிலங்கோ

ஈழத்தமிழர்களின் தமிழக மயக்கம் புதிதல்ல. கடந்த அரை நூற்றாண்டில் அது வெவ்வேறு வடிவங்களை எடுத்திருக்கிறது. தமிழகத்தின் மீதும் குறிப்பாக, தமிழக அரசியல் மீதும் வைக்கப்பட்ட நம்பிக்கைகள், தொடர்ச்சியாகப் பொய்ப்பிக்கப்பட்ட போதும், ‘சூடுகண்டாலும் அஞ்சாது, அடுப்பங்கரை நாடும் பூனை’ மனநிலையில், தொடர்ந்து நம்பிக்கை வைப்பதை இன்றும் காணுகிறோம். 

எம்.ஜி. இராமச்சந்திரனில் தொடங்கி, சீமான் வரை, ஈழப்போராட்டத்தை சரிவர விளங்காத, அணுக இயலாத, தங்கள் சுயஅரசியலுக்குப் பயன்படுத்தியோரை நம்பி, சீரழிந்தவர்கள் ஈழத்தமிழர்கள். இன்றும் அந்தநிலை வெவ்வேறு வடிவங்களில் தொடர்கிறது. இந்தத் ‘தமிழக மயக்கம்’ வெறுமனே அரசியலுடன் மட்டுப்பட்டல்ல! 

தமிழக மக்களிடையே உள்ள ஆதரவு, இலங்கை தமிழரது போராட்டத்துக்கு ஒரு தார்மீக ஆதரவாயிருக்கிறது என்பதில் ஐயமில்லை. அதைச் சந்தர்ப்பவாத நோக்கங்களுக்காக யாரும் பயன்படுத்துவதற்கு, இலங்கை தமிழர் உடந்தையாக இருக்கக் கூடாது. 

போர் அதன் கோர முடிவை எட்டுகின்ற போது, தமிழகத்தில் இளம் தலைமுறையினரிடையே ஈழத்தமிழர்களுக்காக அறம்சார்ந்த தீரம்மிக்க ஆதரவு எழுந்தது. அதை மடைமாற்றுவது, இந்திய அதிகாரத்துக்கு அவசியமானது. இதற்கு சீமான் பயன்பட்டார். 

சீமான் தமிழக இளைஞர்களின் நேசத்துக்கு உரிய திரையுலகப் பிரமுகராகத் தன்னை உயர்த்திக் கொள்ள, அவருக்கு ஈழத் தமிழரின் கண்ணீர் கைகொடுத்த அளவுக்கு, திரைப்படத் துறையில் அவருடைய ஆற்றல் கைகொடுத்திருக்கவில்லை. ஆனால், இன்று ஈழப்பிரச்சினைக்குக் காப்புரிமை வாங்கியது போல செயற்படுகிறார். அதற்குப் புலம்பெயர் ஈழத்தமிழர்களின் வற்றாத நிதி உதவுகிறது. 

ஈழத்தமிழர்களை, விடுதலைப் புலிகளுடன் சமன்செய்து, ஈழத்தமிழர்களின் விடுதலைப் போராட்டத்தைக் குறுக்குகின்ற பணியை, சீமானும் அவர்தம் ஆதரவாளர்களும் செய்கிறார்கள். 

சீமானும் அவர்தம் அடிவருடிகளும், ஈழத்தமிழர்களின் விடுதலையை வாங்கித் தருவார்கள் என்று, புலம்பெயர் ஈழத்தமிழர்களில் ஒருபகுதியினர் நம்புகிறார்கள். இது ஆச்சரியமானதல்ல! ஏனெனில், ஈழத்தமிழர்களின் விடுதலைக்குச் செய்ய வேண்டியவை பற்றிய சரியான புரிதல் இருந்திருந்தால், இந்த நிலையை நாம் அடைந்திருக்க மாட்டோம் அல்லவா? 

எம்.ஜி.ஆரைச் சந்திக்க, பிரபாகரனைப் பழ நெடுமாறன் அழைத்துச் சென்றபோது, ‘ஈழத்தை பெற, எவ்வளவு பணம் தேவை’ என்று எம்.ஜி.ஆர் கேட்டதாகவும் அதற்குரிய தொகையைப் பிரபாகரன் சொன்னதாகவும், கேட்டதற்கு அதிகமாகவே எம்.ஜி.ஆர் கொடுத்ததாகவும், பழ நெடுமாறன் தனது நூலில் எழுதியிருக்கிறார். இது விடுதலைப் புலிகளுக்கு மட்டுமே உரித்தானதல்ல; பிற இயக்கங்களிலும் இந்த மனநிலை இருந்தது. 

இதன் தொடர்ச்சியாக, விடுதலைப் புலிகளுக்குப் பணம் கொடுத்து, விடுதலையைப் பெறலாம் என நினைத்த புலம்பெயர் தமிழர்களின் மனநிலையின் தொடர்ச்சியே, சீமானுக்கான புலம்பெயர் தமிழர்களின் நிதியாதரவு.     

சில விடயங்களை நாம் விளங்கிக் கொள்ள வேண்டும். ஈழத் தமிழர் பிரச்சினையில், எந்த நிலையிலுமே தமிழக அரசு, மத்திய அரசை மீறிச் செயற்படத் துணிந்ததில்லை. உண்மையில், அந்த விதமான எண்ணம் இருந்ததுமில்லை; அதுவொரு தோற்றமயக்கம். அன்றிலிருந்து இன்றுவரை, இலங்கை விடயத்தில், இந்தியா குறுக்கிட வேண்டும் என்ற கோரிக்கை, நடை முறைச் சாத்தியமற்றது மட்டுமன்றி, அடிப்படையிலேயே தவறானதும் கூட. ஈழத்தமிழரின் விடுதலையை குத்தகைக்காரர்களால் பெற்றுத்தர இயலாது. 

1983 வன்முறைக்குப் பின்பு, குறிப்பாக, 1984 முதல் 1987 வரை, போர்ச் சூழல் ஏற்படுத்திய உக்கிரமான நெருக்கடிகளின் விளைவாக, உலகின் பல்வேறு நாடுகளுக்கும் ஈழத்தமிழர்கள் சிதறி ஓடுகின்ற சூழ்நிலை ஏற்பட்டது. இந்தியாவுக்குப் போனவர்களில் வசதியுள்ளவர்கள், பிரதான நகரங்களில் குறிப்பாகச் சென்னையில், வசதிகளுடன் வாழ்க்கையை அமைத்துக் கொண்டார்கள். 

கையில் எதுவுமில்லாமல் உயிருக்கு அஞ்சி ஓடியவர்களில் பெரும்பான்மையானவர்கள், முன்பு இலங்கையில் கற்பனை செய்திராத விதமாக அகதி முகாங்களிலும், ‘அகதி’ என்ற அடையாளமின்றி வெளியிலும் அன்று முதல் அல்லற்பட்டு வருகிறார்கள்.

இலங்கை மக்களின் அவலங்கள் பற்றி, எந்த விதமான அக்கறையுமே இல்லாமல், அவர்களுடைய அவலத்தை அரசியல் பிழைப்பாக்கிக் கொண்ட தமிழக அரசியல் தலைமைகள் ஒருபுறமும், அதற்குக் கொஞ்சமும் சளைக்காத, இலங்கை தமிழ்ச் சமூகத்தின் வேறு சில பலவீனங்களைத் தமக்கு வாய்ப்பாகப் பயன்படுத்தி வருகிற தமிழகத்தின் வேறு சில குழுக்களும், ஈழத்தமிழரின் எதிர்காலத்தைத் தீர்மானிக்கும் சக்திகள் என்ற மாயையை உருவாக்கினார்கள். 

தாங்கள் உலகத்தால் கவனிக்கப்படவில்லை; தங்களைத் தமிழகம் கண்டுகொள்ளவில்லை என்ற ஆதங்கம், இலங்கை கலைஞர்களிடமும் எழுத்தாளர்களிடமும் நீண்டகாலமாகவே இருந்து வந்திருக்கிறது. அதற்கு ஏற்றாற்போல, இந்தியாவிலிருந்து வருகிற ‘குப்பை’களை எல்லாம், கலை இலக்கியம் என்று கொண்டாடிப் பரவலாக்குகிற ஒரு வணிகக் கூட்டமும் இருந்து வந்திருக்கிறது. 

கோவில் திருவிழாக்களுக்குத் தமிழ் நாட்டிலிருந்து சின்னமேளமும் மேளக்காரர்களும் வந்த நிலை, இன்று பெரும்பாலும் இல்லை. என்றாலும், அதன் இடத்தில் தமிழ்ச் சினிமா, சின்னத் திரை, இந்தியக் கலைஞர்களது நிகழ்ச்சிகள் என்பனவே, எமது பொழுதுபோக்குகளாக மாறியிருக்கின்றன. 

இன்று, பேரினவாதத்துக்கு முகங்கொடுக்கத் தடுமாறுகிற ஒரு சமூகத்திடமும் புலம் பெயர்ந்தோரிடமும், ஒரு நல்ல மாற்றுச் சிந்தனை உருவாக்குவதற்கு வழிகாட்ட, தமிழ்த் தேசியத்தால் இயலவில்லை. எனவே, தமிழ் மக்களிடையிலும் படைப்பாளிகள் இடையிலும் கலைஞர்கள் மத்தியிலும் அறிஞர்கள் என்று சொல்லப்படுகிற தரப்பினரிடையிலும் உள்ள மன உளைச்சலை வைத்துப் பணம் பண்ணுவதில், தமிழகத்துச் சஞ்சிகைகள் சிலவும் வெளியீட்டு நிறுவனங்கள் சிலவும், புதிய உச்சங்களை எட்டியுள்ளன. 

ஈழத்து எழுத்தாளர்களுக்குச் சடங்காசாரமான அங்கீகாரம், ஈழ எழுத்தாளர் குழுக்களுடன் விளம்பர, வணிகத் தொடர்புகள், இடையிடையே ஈழத்தமிழர் பிரச்சினை பற்றிச் சூடான விவாதங்களைக் கிளறிவிடுவது போன்ற உபாயங்கள் மூலம், தம்மை நிலை நிறுத்திக் கொண்ட சஞ்சிகைகளும் இலக்கியப் பிரமுகர்களும் பற்றி நிறையவே கூறமுடியும். 

படைப்பாளிகளிடமிருந்து பணம் பறித்து, அவர்கள் எழுத்துகளை வெளியிட்டுக் காசுபார்க்கும் இந்திய பதிப்பகங்கள் ஏராளம் வலம்பருகின்றன. தங்களது எழுத்துகளுக்கு நூல் வடிவம் வேண்டி ஏங்குகிறவர்களது அவலத்தை, தங்களுக்குப் பணமாக்கும் கலையை அவர்கள் கற்றிருக்கிறார்கள். அவர்கள் வேண்டுகிற பணத்தை வழங்கி, தமிழ்நாட்டில் புத்தகம் பிரசுரமாவதை பாக்கியமாகக் கருதும் புலம்பெயர்ந்தோர் ஏராளம் உளர்.  

இப்படியெல்லாம், ஈழத் தமிழர் ஏமாறக் காரணம் என்ன? நாம், நமக்கான ஒரு பண்பாடு உடையவர்கள் என்றும் நம்மிடையே உள்ள ஆற்றல்களைச் கொண்டு நம்மை அறிந்து, நம்மை மேம்படுத்தி மற்ற எல்லாருடனும் நல்லுறவு பேண வேண்டியவர்கள் என்பதையும் நாம் மறந்து விடுகிறோம்.

 நமது உயர்வுக்குத் தேவையான பண்பாட்டுச் செயற்பாடுகள் நம்மிடையே நலிந்து வருகின்றன. நமது இசையும் நடனமும் தமிழகத்தில் பார்ப்பனியம் போட்ட கோட்டுக்கு வெளியே நகர மறுக்கிறது. அதை, ‘எமது’ என்று சொல்லி ஏமாறுகிறோம். தமிழகத்தில், அவர்களது கலைஞர்களுக்குக் கிடைக்கிற சிறிய அங்கீகாரமோ வெறும் உபசாரமான புகழுரையோ, நமக்குப் போதுமாகிறது. அதை ஏற்படுத்தவல்ல உள்ளூர்த் தரகர்கள் புரவலர்களாக, இலக்கியவாதிகளாக, ஊடக ஜாம்பவான்களாக, அரசியல்வாதிகளாக உலா வருகிறார்கள்.

நம்மிடம் வாசிப்புப் பழக்கம் போதாது. இளைய தலைமுறையினரிடம் அதை ஊக்குவிக்கின்ற ஆர்வமும் நம்மிடம் மிகக் குறைவு. மரபின் பேரால் நடக்கின்ற கேலிக் கூத்துகளிலும் சமூகத்துக் கேடான பொழுது போக்குகளிலும், நாசமாகின்ற காசையும் காலத்தையும் நமது எழுத்துகளையும் மேடைக் கலைகளையும் ஓவியம், சிற்பம் போன்றவற்றையும் அறியவும் ஊக்குவிக்கவும் துணிவோமானால், நம்மை மற்றவர்களின் தயவில் வைத்திருக்கிற அவலம் நமக்கு நேராது.

புலம் பெயர்ந்த தமிழ் மக்கள், வெறும் உணர்ச்சி வசப்பட்டு நம்மைப் பற்றிய போலி அக்கறைகளுக்கும் வஞ்சகமான புகழுரைகளுக்கும் மயங்காமல், வெறுமனே பணத்தை வழங்குவதுடன் தங்களது பொறுப்பு முடிந்து விடுவதாக இல்லாமல், எல்லாவற்றிலும் தொடர்ச்சியான விமரிசன முறையிலான ஈடுபாடு காட்டுவார்கள் என்றால், அவர்கள் தங்களுக்கும் உலகத் தமிழ்ச் சமூகத்துக்கும்  நல்ல சேவையாற்றுகின்றவர்களாவார்கள். 

தேங்கிய நீரில் தான் பாசி படருகிறது. நோய் பரப்பும் தீய உயிரினங்கள் விளைகின்றன. சமூகம் என்பது, பாய்கிற நதி போல எப்போதும் தன்னைப் புதுப்பித்துக் கொள்ளுமாயின் அது, என்றென்றும் உயிரோட்டத்துடன் இருக்கும்.

 

https://www.tamilmirror.lk/சிறப்பு-கட்டுரைகள்/ஈழத்தமிழரின்-தமிழக-மயக்கம்-தெளியாத-போதை/91-275056

 

 

  • Like 3
Link to comment
Share on other sites

  • கருத்துக்கள உறவுகள்

எங்களுக்கு வீரம் உண்டு எப்படியான வீரம் என்றால் !......................வெம்பிளியில் கடைக்கு மேல் உள்ள நம்ம ஆட்கள் கீழே கடை லீசுக்கு எடுத்து வந்த தமிழர்களிடம் சன்  காட்டி அந்த கடையில் தினமும் ஒரு சாராய போத்தல் கப்பமாக வாங்கி கொள்வார்கள் சில சமயம் வீக்கெண்ட்  இரண்டு மூன்று போத்தல்  கூட போகும் .ஒரு கட்டத்தில் மேல் உள்ளவர்களின் தொல்லை தாங்க முடியாமல் பங்காளதேஸ் காரருக்கு  கடையை கைமாற்றி விட்டு பழைய தமிழ் முதலாளி வேறு இடத்தில் கடையை எடுத்துக்கொண்டு போயிட்டார் . வழக்கம்போல் சனி இரவு மேலே பார்ட்டி தொடங்க கீழே வந்த புதிய  முதலாளி  மேலே வந்து கதவை தட்டி தமிழ் பொடிக்கூட்டத்துக்கு அங்கு தொடர்ந்து இருப்பது என்றால் சத்தம் ஆட்டம் இருக்க கூடாது மீறினால் கவுன்சில் போலீஸ் இடம் போகவேண்டி வரும் என்று நீண்ட லெக்சர் ஆங்கிலத்தில் சொல்ல அவ்வளவு பொடிக்கூட்டமும் கப் சிப் கொஞ்ச நாளில் பொடிக்கூட்டம் அந்த இடத்தை விட்டு வேறு இடம் சென்று விட்டார்கள் .

மேல் உள்ள கதை எதை சொல்லுது என்றால் தமிழர்கள் எங்களுக்குள்தான் வீரமும் கெத்தாப்பும் மற்ற இனத்தவன் தன்னுடைய மொழியில் வந்து நாலு பேச்சு பேசினால் அடிமைத்தனமாய் மனது இருக்க சொல்லிவிடும்  இங்கும் சரி வேறு இணைய ஊடகங்களிலும் சரி சீமானை திட்டி தாங்களும் வீரர் என்பவர்கள் இனவாத சிங்கள அரசின் பிழைகளை சுட்டி காட்ட தயங்கிக்கொண்டு இருப்பார்கள் ஆனால் சீமானை எதிர்த்து நாலு அறிக்கை விடுவதெண்டால் அல்வா சாப்பிடுவது போல் பாய்ந்து பாய்ந்து சீமானிய எதிர்கருத்துக்கள் வைப்பினம் அதே வேகத்தை சிங்கள இனவாத அரசை எதிர்க்க காட்ட மாட்டினம் .

அதாவது எங்களுக்குள் தான் வீரம் பகிடி எல்லாமே .....................நந்தலாலா .

Link to comment
Share on other sites

  • கருத்துக்கள உறவுகள்
1 hour ago, சுவைப்பிரியன் said:

எப்படியும் 10 தான்டும்

நான் நினைக்கேல்ல.

Link to comment
Share on other sites

  • கருத்துக்கள உறவுகள்
2 hours ago, பெருமாள் said:

எங்களுக்கு வீரம் உண்டு எப்படியான வீரம் என்றால் !......................வெம்பிளியில் கடைக்கு மேல் உள்ள நம்ம ஆட்கள் கீழே கடை லீசுக்கு எடுத்து வந்த தமிழர்களிடம் சன்  காட்டி அந்த கடையில் தினமும் ஒரு சாராய போத்தல் கப்பமாக வாங்கி கொள்வார்கள் சில சமயம் வீக்கெண்ட்  இரண்டு மூன்று போத்தல்  கூட போகும் .ஒரு கட்டத்தில் மேல் உள்ளவர்களின் தொல்லை தாங்க முடியாமல் பங்காளதேஸ் காரருக்கு  கடையை கைமாற்றி விட்டு பழைய தமிழ் முதலாளி வேறு இடத்தில் கடையை எடுத்துக்கொண்டு போயிட்டார் . வழக்கம்போல் சனி இரவு மேலே பார்ட்டி தொடங்க கீழே வந்த புதிய  முதலாளி  மேலே வந்து கதவை தட்டி தமிழ் பொடிக்கூட்டத்துக்கு அங்கு தொடர்ந்து இருப்பது என்றால் சத்தம் ஆட்டம் இருக்க கூடாது மீறினால் கவுன்சில் போலீஸ் இடம் போகவேண்டி வரும் என்று நீண்ட லெக்சர் ஆங்கிலத்தில் சொல்ல அவ்வளவு பொடிக்கூட்டமும் கப் சிப் கொஞ்ச நாளில் பொடிக்கூட்டம் அந்த இடத்தை விட்டு வேறு இடம் சென்று விட்டார்கள் .

மேல் உள்ள கதை எதை சொல்லுது என்றால் தமிழர்கள் எங்களுக்குள்தான் வீரமும் கெத்தாப்பும் மற்ற இனத்தவன் தன்னுடைய மொழியில் வந்து நாலு பேச்சு பேசினால் அடிமைத்தனமாய் மனது இருக்க சொல்லிவிடும்  இங்கும் சரி வேறு இணைய ஊடகங்களிலும் சரி சீமானை திட்டி தாங்களும் வீரர் என்பவர்கள் இனவாத சிங்கள அரசின் பிழைகளை சுட்டி காட்ட தயங்கிக்கொண்டு இருப்பார்கள் ஆனால் சீமானை எதிர்த்து நாலு அறிக்கை விடுவதெண்டால் அல்வா சாப்பிடுவது போல் பாய்ந்து பாய்ந்து சீமானிய எதிர்கருத்துக்கள் வைப்பினம் அதே வேகத்தை சிங்கள இனவாத அரசை எதிர்க்க காட்ட மாட்டினம் .

அதாவது எங்களுக்குள் தான் வீரம் பகிடி எல்லாமே .....................நந்தலாலா .

உறவே, இதைப் பல தடவை கேட்டிருக்கிறேன். பதில் சொல்லுங்கள்: தமிழர்கள் மட்டும் பார்க்கும் இந்தத் தளத்தில் சிங்களவனின் அநியாயங்களை அலசி, திட்டி என்ன செய்லபாட்டு ரீதியான விளைவு வரப் போகிறது? ஆளுக்காள் மாறி மாறி முதுகுப் புண்ணைச் சொறிந்து  சுகம் காண்பது மாதிரியல்லவா அது?

அல்லது இங்கே இருப்போருக்கு - அவர்கள் எந்த நாட்டுத் தமிழர்களாக இருந்தாலும் - சிங்களவனின் அநீதிகளை நாம் சொல்லித் தான் தெரிய வைக்க வேண்டியிருக்கிறது என்று நீங்கள் நினைக்கிறீர்களா?

(எனக்கென்னவோ நீங்கள், "ட்ராபிக் கான்ஸ்ரபிள்" நடை முறையில் இறங்கியிருப்பதாகவே படுகிறது! இல்லையெனில் மன்னியுங்கள்!)

Link to comment
Share on other sites

  • கருத்துக்கள உறவுகள்
5 hours ago, பெருமாள் said:

இங்கும் சரி வேறு இணைய ஊடகங்களிலும் சரி சீமானை திட்டி தாங்களும் வீரர் என்பவர்கள் இனவாத சிங்கள அரசின் பிழைகளை சுட்டி காட்ட தயங்கிக்கொண்டு இருப்பார்கள்

சிங்கள அரசின் பிழைகள் பற்றி தமிழர் எழுதிவரும் வேறு மொழி இணையத்தளங்களை நீங்கள் பார்த்ததே இல்லையா?  உங்களுக்கு வேறு மொழிகள் புரியாவிட்டால், இந்த கேள்வி மனதை புண்படுத்தியிருக்கும் - மன்னியுங்கள். தமிழர் - முக்கியமாக பிரித்தானிய, கனேடிய, அமெரிக்க, அவுஸ்திரேலிய தமிழர் சிங்கள அரசின் பிழைகள் பற்றி கடந்த 40வருடங்களாக ஆங்கிலத்தில் எழுதி வருகிறார்கள். பிரெஞ்சு தமிழர் பிரெஞ்சு மொழியில் நிறைய எழுதியுள்ளார்கள். சுவிஸ், ஜேர்மானிய தமிழர் ஜேர்மன் மொழியில் எழுதி வருகிறார்கள். இப்படியான முயற்சிகள் காரணமாக ஐக்கிய நாடுகள் சபையில் இன்று சிங்கள அரசு பற்றிய விசாரணைகளுக்காக பணம் ஒதுக்கப்பட்டு ஒரு பிரிவே ஆரம்பிக்கப்பட்டுள்ளது. இவை பற்றிய தகவல்கள் மாற்று மொழிகளிலேயே அதிகம் வருகின்றன. உங்களுக்கு தமிழ் தவிர வேறு மொழிகள் தெரியாவிட்டால் இவை பற்றிய அறிவு கிடைக்கும் சாத்தியம் குறைவு என்பதும் உண்மையே.

2 hours ago, Justin said:

உறவே, இதைப் பல தடவை கேட்டிருக்கிறேன். பதில் சொல்லுங்கள்: தமிழர்கள் மட்டும் பார்க்கும் இந்தத் தளத்தில் சிங்களவனின் அநியாயங்களை அலசி, திட்டி என்ன செய்லபாட்டு ரீதியான விளைவு வரப் போகிறது?

ஐஸ்ரின்,

நீண்ட போரினால் எமது மக்கள் மனரீதியாக மிகவும் பாதிக்கப்பட்டுள்ளார்கள். இவ்வாறாக மீண்டும் மீண்டும் மனம் ஆறும் வரை சிங்கள அரசின் அநியாயங்கள் பற்றி பேசுவது உளவியல் ரீதியாக மனதை தேற்றிக் கொள்ள நன்கு ஏற்றுக் கொள்ளப்பட்ட ஒரு வழிமுறை. யாழ் களம் இந்த ஆற்றுக்களமாக செயற்பட்டு எங்களில் பலரை மனநோயில் இருந்து காப்பாற்றி இருக்கிறது. மற்றவர்களையும் காப்பாற்ற இந்த யாழ் களம் உதவுகிறது - நாமும் வழி விடுவோம்.

Link to comment
Share on other sites

  • கருத்துக்கள உறவுகள்

கட்டுரையாளருக்கு ஒரு நோக்கம் இருப்பது தெரிகிறது 

அதேபோல் ஈழத்தமிழர் வரலாறு அரசனை நம்பி புருஷனை கைவிடாதே என்கிறது. 

Link to comment
Share on other sites

  • கருத்துக்கள உறவுகள்

எமக்கான் விடுதலை எமது கையில். 

அவர்களின் பிரச்சனையை நாங்களோ எங்களின் பிராச்சனையை அவர்களோ புரிந்துகொள்ளப்போவதில்லை. இருவரும் அவரவர் பிரச்சனைக்காக போராடுவதுக்கு தார்மீக ரீதியான ஆதரவைத்தவிர வேறு எதையும் செய்ய முடியாது என்பதை இருவரும் புரிந்துகொண்டாலே போதுமானது.

  • Like 1
Link to comment
Share on other sites

  • கருத்துக்கள உறவுகள்
2 hours ago, கற்பகதரு said:

மீண்டும் மீண்டும் மனம் ஆறும் வரை சிங்கள அரசின் அநியாயங்கள் பற்றி பேசுவது உளவியல் ரீதியாக மனதை தேற்றிக் கொள்ள நன்கு ஏற்றுக் கொள்ளப்பட்ட ஒரு வழிமுறை.

ஒப்பாரி வழிமுறை

File:ஒப்பாரி.svg

Link to comment
Share on other sites

  • கருத்துக்கள உறவுகள்
15 hours ago, கிருபன் said:

ஈழத்தமிழரின் தமிழக மயக்கம்: தெளியாத போதை

தெ. ஞாலசீர்த்தி மீநிலங்கோ

ஈழத்தமிழர்களின் தமிழக மயக்கம் புதிதல்ல. கடந்த அரை நூற்றாண்டில் அது வெவ்வேறு வடிவங்களை எடுத்திருக்கிறது. தமிழகத்தின் மீதும் குறிப்பாக, தமிழக அரசியல் மீதும் வைக்கப்பட்ட நம்பிக்கைகள், தொடர்ச்சியாகப் பொய்ப்பிக்கப்பட்ட போதும், ‘சூடுகண்டாலும் அஞ்சாது, அடுப்பங்கரை நாடும் பூனை’ மனநிலையில், தொடர்ந்து நம்பிக்கை வைப்பதை இன்றும் காணுகிறோம். 

எம்.ஜி. இராமச்சந்திரனில் தொடங்கி, சீமான் வரை, ஈழப்போராட்டத்தை சரிவர விளங்காத, அணுக இயலாத, தங்கள் சுயஅரசியலுக்குப் பயன்படுத்தியோரை நம்பி, சீரழிந்தவர்கள் ஈழத்தமிழர்கள். இன்றும் அந்தநிலை வெவ்வேறு வடிவங்களில் தொடர்கிறது. இந்தத் ‘தமிழக மயக்கம்’ வெறுமனே அரசியலுடன் மட்டுப்பட்டல்ல! 

தமிழக மக்களிடையே உள்ள ஆதரவு, இலங்கை தமிழரது போராட்டத்துக்கு ஒரு தார்மீக ஆதரவாயிருக்கிறது என்பதில் ஐயமில்லை. அதைச் சந்தர்ப்பவாத நோக்கங்களுக்காக யாரும் பயன்படுத்துவதற்கு, இலங்கை தமிழர் உடந்தையாக இருக்கக் கூடாது. 

போர் அதன் கோர முடிவை எட்டுகின்ற போது, தமிழகத்தில் இளம் தலைமுறையினரிடையே ஈழத்தமிழர்களுக்காக அறம்சார்ந்த தீரம்மிக்க ஆதரவு எழுந்தது. அதை மடைமாற்றுவது, இந்திய அதிகாரத்துக்கு அவசியமானது. இதற்கு சீமான் பயன்பட்டார். 

சீமான் தமிழக இளைஞர்களின் நேசத்துக்கு உரிய திரையுலகப் பிரமுகராகத் தன்னை உயர்த்திக் கொள்ள, அவருக்கு ஈழத் தமிழரின் கண்ணீர் கைகொடுத்த அளவுக்கு, திரைப்படத் துறையில் அவருடைய ஆற்றல் கைகொடுத்திருக்கவில்லை. ஆனால், இன்று ஈழப்பிரச்சினைக்குக் காப்புரிமை வாங்கியது போல செயற்படுகிறார். அதற்குப் புலம்பெயர் ஈழத்தமிழர்களின் வற்றாத நிதி உதவுகிறது. 

ஈழத்தமிழர்களை, விடுதலைப் புலிகளுடன் சமன்செய்து, ஈழத்தமிழர்களின் விடுதலைப் போராட்டத்தைக் குறுக்குகின்ற பணியை, சீமானும் அவர்தம் ஆதரவாளர்களும் செய்கிறார்கள். 

சீமானும் அவர்தம் அடிவருடிகளும், ஈழத்தமிழர்களின் விடுதலையை வாங்கித் தருவார்கள் என்று, புலம்பெயர் ஈழத்தமிழர்களில் ஒருபகுதியினர் நம்புகிறார்கள். இது ஆச்சரியமானதல்ல! ஏனெனில், ஈழத்தமிழர்களின் விடுதலைக்குச் செய்ய வேண்டியவை பற்றிய சரியான புரிதல் இருந்திருந்தால், இந்த நிலையை நாம் அடைந்திருக்க மாட்டோம் அல்லவா? 

எம்.ஜி.ஆரைச் சந்திக்க, பிரபாகரனைப் பழ நெடுமாறன் அழைத்துச் சென்றபோது, ‘ஈழத்தை பெற, எவ்வளவு பணம் தேவை’ என்று எம்.ஜி.ஆர் கேட்டதாகவும் அதற்குரிய தொகையைப் பிரபாகரன் சொன்னதாகவும், கேட்டதற்கு அதிகமாகவே எம்.ஜி.ஆர் கொடுத்ததாகவும், பழ நெடுமாறன் தனது நூலில் எழுதியிருக்கிறார். இது விடுதலைப் புலிகளுக்கு மட்டுமே உரித்தானதல்ல; பிற இயக்கங்களிலும் இந்த மனநிலை இருந்தது. 

இதன் தொடர்ச்சியாக, விடுதலைப் புலிகளுக்குப் பணம் கொடுத்து, விடுதலையைப் பெறலாம் என நினைத்த புலம்பெயர் தமிழர்களின் மனநிலையின் தொடர்ச்சியே, சீமானுக்கான புலம்பெயர் தமிழர்களின் நிதியாதரவு.     

சில விடயங்களை நாம் விளங்கிக் கொள்ள வேண்டும். ஈழத் தமிழர் பிரச்சினையில், எந்த நிலையிலுமே தமிழக அரசு, மத்திய அரசை மீறிச் செயற்படத் துணிந்ததில்லை. உண்மையில், அந்த விதமான எண்ணம் இருந்ததுமில்லை; அதுவொரு தோற்றமயக்கம். அன்றிலிருந்து இன்றுவரை, இலங்கை விடயத்தில், இந்தியா குறுக்கிட வேண்டும் என்ற கோரிக்கை, நடை முறைச் சாத்தியமற்றது மட்டுமன்றி, அடிப்படையிலேயே தவறானதும் கூட. ஈழத்தமிழரின் விடுதலையை குத்தகைக்காரர்களால் பெற்றுத்தர இயலாது. 

1983 வன்முறைக்குப் பின்பு, குறிப்பாக, 1984 முதல் 1987 வரை, போர்ச் சூழல் ஏற்படுத்திய உக்கிரமான நெருக்கடிகளின் விளைவாக, உலகின் பல்வேறு நாடுகளுக்கும் ஈழத்தமிழர்கள் சிதறி ஓடுகின்ற சூழ்நிலை ஏற்பட்டது. இந்தியாவுக்குப் போனவர்களில் வசதியுள்ளவர்கள், பிரதான நகரங்களில் குறிப்பாகச் சென்னையில், வசதிகளுடன் வாழ்க்கையை அமைத்துக் கொண்டார்கள். 

கையில் எதுவுமில்லாமல் உயிருக்கு அஞ்சி ஓடியவர்களில் பெரும்பான்மையானவர்கள், முன்பு இலங்கையில் கற்பனை செய்திராத விதமாக அகதி முகாங்களிலும், ‘அகதி’ என்ற அடையாளமின்றி வெளியிலும் அன்று முதல் அல்லற்பட்டு வருகிறார்கள்.

இலங்கை மக்களின் அவலங்கள் பற்றி, எந்த விதமான அக்கறையுமே இல்லாமல், அவர்களுடைய அவலத்தை அரசியல் பிழைப்பாக்கிக் கொண்ட தமிழக அரசியல் தலைமைகள் ஒருபுறமும், அதற்குக் கொஞ்சமும் சளைக்காத, இலங்கை தமிழ்ச் சமூகத்தின் வேறு சில பலவீனங்களைத் தமக்கு வாய்ப்பாகப் பயன்படுத்தி வருகிற தமிழகத்தின் வேறு சில குழுக்களும், ஈழத்தமிழரின் எதிர்காலத்தைத் தீர்மானிக்கும் சக்திகள் என்ற மாயையை உருவாக்கினார்கள். 

தாங்கள் உலகத்தால் கவனிக்கப்படவில்லை; தங்களைத் தமிழகம் கண்டுகொள்ளவில்லை என்ற ஆதங்கம், இலங்கை கலைஞர்களிடமும் எழுத்தாளர்களிடமும் நீண்டகாலமாகவே இருந்து வந்திருக்கிறது. அதற்கு ஏற்றாற்போல, இந்தியாவிலிருந்து வருகிற ‘குப்பை’களை எல்லாம், கலை இலக்கியம் என்று கொண்டாடிப் பரவலாக்குகிற ஒரு வணிகக் கூட்டமும் இருந்து வந்திருக்கிறது. 

கோவில் திருவிழாக்களுக்குத் தமிழ் நாட்டிலிருந்து சின்னமேளமும் மேளக்காரர்களும் வந்த நிலை, இன்று பெரும்பாலும் இல்லை. என்றாலும், அதன் இடத்தில் தமிழ்ச் சினிமா, சின்னத் திரை, இந்தியக் கலைஞர்களது நிகழ்ச்சிகள் என்பனவே, எமது பொழுதுபோக்குகளாக மாறியிருக்கின்றன. 

இன்று, பேரினவாதத்துக்கு முகங்கொடுக்கத் தடுமாறுகிற ஒரு சமூகத்திடமும் புலம் பெயர்ந்தோரிடமும், ஒரு நல்ல மாற்றுச் சிந்தனை உருவாக்குவதற்கு வழிகாட்ட, தமிழ்த் தேசியத்தால் இயலவில்லை. எனவே, தமிழ் மக்களிடையிலும் படைப்பாளிகள் இடையிலும் கலைஞர்கள் மத்தியிலும் அறிஞர்கள் என்று சொல்லப்படுகிற தரப்பினரிடையிலும் உள்ள மன உளைச்சலை வைத்துப் பணம் பண்ணுவதில், தமிழகத்துச் சஞ்சிகைகள் சிலவும் வெளியீட்டு நிறுவனங்கள் சிலவும், புதிய உச்சங்களை எட்டியுள்ளன. 

ஈழத்து எழுத்தாளர்களுக்குச் சடங்காசாரமான அங்கீகாரம், ஈழ எழுத்தாளர் குழுக்களுடன் விளம்பர, வணிகத் தொடர்புகள், இடையிடையே ஈழத்தமிழர் பிரச்சினை பற்றிச் சூடான விவாதங்களைக் கிளறிவிடுவது போன்ற உபாயங்கள் மூலம், தம்மை நிலை நிறுத்திக் கொண்ட சஞ்சிகைகளும் இலக்கியப் பிரமுகர்களும் பற்றி நிறையவே கூறமுடியும். 

படைப்பாளிகளிடமிருந்து பணம் பறித்து, அவர்கள் எழுத்துகளை வெளியிட்டுக் காசுபார்க்கும் இந்திய பதிப்பகங்கள் ஏராளம் வலம்பருகின்றன. தங்களது எழுத்துகளுக்கு நூல் வடிவம் வேண்டி ஏங்குகிறவர்களது அவலத்தை, தங்களுக்குப் பணமாக்கும் கலையை அவர்கள் கற்றிருக்கிறார்கள். அவர்கள் வேண்டுகிற பணத்தை வழங்கி, தமிழ்நாட்டில் புத்தகம் பிரசுரமாவதை பாக்கியமாகக் கருதும் புலம்பெயர்ந்தோர் ஏராளம் உளர்.  

இப்படியெல்லாம், ஈழத் தமிழர் ஏமாறக் காரணம் என்ன? நாம், நமக்கான ஒரு பண்பாடு உடையவர்கள் என்றும் நம்மிடையே உள்ள ஆற்றல்களைச் கொண்டு நம்மை அறிந்து, நம்மை மேம்படுத்தி மற்ற எல்லாருடனும் நல்லுறவு பேண வேண்டியவர்கள் என்பதையும் நாம் மறந்து விடுகிறோம்.

 நமது உயர்வுக்குத் தேவையான பண்பாட்டுச் செயற்பாடுகள் நம்மிடையே நலிந்து வருகின்றன. நமது இசையும் நடனமும் தமிழகத்தில் பார்ப்பனியம் போட்ட கோட்டுக்கு வெளியே நகர மறுக்கிறது. அதை, ‘எமது’ என்று சொல்லி ஏமாறுகிறோம். தமிழகத்தில், அவர்களது கலைஞர்களுக்குக் கிடைக்கிற சிறிய அங்கீகாரமோ வெறும் உபசாரமான புகழுரையோ, நமக்குப் போதுமாகிறது. அதை ஏற்படுத்தவல்ல உள்ளூர்த் தரகர்கள் புரவலர்களாக, இலக்கியவாதிகளாக, ஊடக ஜாம்பவான்களாக, அரசியல்வாதிகளாக உலா வருகிறார்கள்.

நம்மிடம் வாசிப்புப் பழக்கம் போதாது. இளைய தலைமுறையினரிடம் அதை ஊக்குவிக்கின்ற ஆர்வமும் நம்மிடம் மிகக் குறைவு. மரபின் பேரால் நடக்கின்ற கேலிக் கூத்துகளிலும் சமூகத்துக் கேடான பொழுது போக்குகளிலும், நாசமாகின்ற காசையும் காலத்தையும் நமது எழுத்துகளையும் மேடைக் கலைகளையும் ஓவியம், சிற்பம் போன்றவற்றையும் அறியவும் ஊக்குவிக்கவும் துணிவோமானால், நம்மை மற்றவர்களின் தயவில் வைத்திருக்கிற அவலம் நமக்கு நேராது.

புலம் பெயர்ந்த தமிழ் மக்கள், வெறும் உணர்ச்சி வசப்பட்டு நம்மைப் பற்றிய போலி அக்கறைகளுக்கும் வஞ்சகமான புகழுரைகளுக்கும் மயங்காமல், வெறுமனே பணத்தை வழங்குவதுடன் தங்களது பொறுப்பு முடிந்து விடுவதாக இல்லாமல், எல்லாவற்றிலும் தொடர்ச்சியான விமரிசன முறையிலான ஈடுபாடு காட்டுவார்கள் என்றால், அவர்கள் தங்களுக்கும் உலகத் தமிழ்ச் சமூகத்துக்கும்  நல்ல சேவையாற்றுகின்றவர்களாவார்கள். 

தேங்கிய நீரில் தான் பாசி படருகிறது. நோய் பரப்பும் தீய உயிரினங்கள் விளைகின்றன. சமூகம் என்பது, பாய்கிற நதி போல எப்போதும் தன்னைப் புதுப்பித்துக் கொள்ளுமாயின் அது, என்றென்றும் உயிரோட்டத்துடன் இருக்கும்.

 

https://www.tamilmirror.lk/சிறப்பு-கட்டுரைகள்/ஈழத்தமிழரின்-தமிழக-மயக்கம்-தெளியாத-போதை/91-275056

 

 

இக்கட்டுரை பேமிலி மான் 2 வந்தபோது வந்திருந்தால் வரவேற்றிருக்கலாம். ஆனால் மேதகு வந்தபின்னர் அல்லவா அவசரப்பட்டு எழுதப்படுகிறது. அப்படியானால் இதன் பின்னாலிருக்கும் அரசியல் என்ன?

பேமிலிமான் 2 வினை ரசித்தவர்கள், மேதகு பற்றி மூச்சே விடாதவர்கள், இப்போது மேதகுவிற்கான எதிர்ப்பை நேரடியாகக் கக்க முடியாமல் "தமிழக ஊடகங்களின் ஈழத்தமிழனை ஏமாற்றி பணம் கறக்கும் வழி" எனும் பெயரினில் கக்கும் இந்த கட்டுரையினை விழுந்தடித்து ஆதரிப்பது ஏனோ?

இங்கேயும் புலியெதிர்ப்பா? அடக் கடவுளே !!!

 

Link to comment
Share on other sites

  • கருத்துக்கள உறவுகள்

சிங்கள இனவாதிகளின் "தமிழ்" பத்திரிக்கையான இப் பத்திரிக்கை விஜய செய்திப் பத்திரிக்கைக் குடும்பத்தைச் சார்ந்தது. லங்காதீப போன்ற சிங்களப் பத்திரிகையினையும் சண்டே டைம்ஸ் எனும் ஆங்கிலப் பத்திரிக்கையினையும்  தரும் சிங்களவர்களின் பத்திரிக்கை. அதில் தமிழில் ஒருவர் எழுதுவது வெளிவருகிறது என்றால் நிச்சயம் அது தமிழ் சார்ந்து இருக்கப்போவதில்லை. எழுதுபவர் பணம் பார்க்க எழுதுகிறார், படிப்பவர் தமது இச்சை தணிக்கப் படிக்கிறார்கள். இதைவிட இதுபற்றி நாம் அலட்டிக்கொள்ள வேறு ஏதுமில்லை. 

சிங்கள இனவாதிகள் எமக்குச் சரியானது எதுவென்று நினைப்பதைத் தூக்கிக் கொண்டாடும் நிலைமையில் நாம் இருக்கிறோம், ஆகா இதுவல்லவா ஆனந்தம் !!!

Link to comment
Share on other sites

  • கருத்துக்கள உறவுகள்

சீமான் & ரா வும்  போராட்டத்தை வைத்து தேசியத்தை காயடிக்கிறார்  என்ற  அயல்வீட்டு  எலியை பார்த்து  கூப்பாடு போடுபவர்கள், 
மத்திய அரசும் & ரா வும் சேர்ந்து கூத்தமைப்பை வைத்து தமிழர்களை அடியோடு காலிசெய்கிறது என்ற உள்வீட்டு பெருச்சாளியை  கண்டுகொள்ளாதது ஏனோ..மீனிலங்கோவும் மஜில்சும் எப்படியான கேஸுகள் என்பது எங்களுக்கு எப்போதோ தெரிந்தவிடயம், சீமானை இந்திய உளவுத்துறை வழிநடத்துகிறது என்று பொரிந்துதள்ளுவர், அதையே கூத்தமைப்பு இந்தியாவிற்கு,இந்திய தூதரகத்திற்கு  போய் உயர்மட்ட சந்திப்புக்கள் செய்துவிட்டு வந்தால் பம்முவர், சீமானை உளவுத்துறை வழி நடத்துவதால் எமக்கு போனது கூந்தல் ,ஆனால் எமது கூத்தமைப்பு அவர்களது Proxy க்களாக இருப்பது எமது இருப்பையே காலி செய்யும் உத்தி, உள் வீட்டு பெருச்சாளிகளை அடித்து துவைத்து விட்டு அயல் வீட்டுக்காரனுக்கு  போகலாம்.         

  • Thanks 1
Link to comment
Share on other sites

  • கருத்துக்கள உறவுகள்
9 hours ago, ரஞ்சித் said:

இக்கட்டுரை பேமிலி மான் 2 வந்தபோது வந்திருந்தால் வரவேற்றிருக்கலாம். ஆனால் மேதகு வந்தபின்னர் அல்லவா அவசரப்பட்டு எழுதப்படுகிறது. அப்படியானால் இதன் பின்னாலிருக்கும் அரசியல் என்ன?

பேமிலிமான் 2 வினை ரசித்தவர்கள், மேதகு பற்றி மூச்சே விடாதவர்கள், இப்போது மேதகுவிற்கான எதிர்ப்பை நேரடியாகக் கக்க முடியாமல் "தமிழக ஊடகங்களின் ஈழத்தமிழனை ஏமாற்றி பணம் கறக்கும் வழி" எனும் பெயரினில் கக்கும் இந்த கட்டுரையினை விழுந்தடித்து ஆதரிப்பது ஏனோ?

இங்கேயும் புலியெதிர்ப்பா? அடக் கடவுளே !!!

 

ஆனால் இந்த கட்டுரையாளரின் கீழ்வரும் இந்த கருத்தை நீங்கள் ஏற்றுக்கொள்கிறீர்களா இல்லையா? 

//கோவில் திருவிழாக்களுக்குத் தமிழ் நாட்டிலிருந்து சின்னமேளமும் மேளக்காரர்களும் வந்த நிலை, இன்று பெரும்பாலும் இல்லை. என்றாலும், அதன் இடத்தில் தமிழ்ச் சினிமா, சின்னத் திரை, இந்தியக் கலைஞர்களது நிகழ்ச்சிகள் என்பனவே, எமது பொழுதுபோக்குகளாக மாறியிருக்கின்றன//

COVIDற்கு முன்பு எத்தனை கலைநிகழ்ச்சிகள், பட்டிமன்றங்கள் நடந்திருக்கும்.. இதில் எத்தனை இலங்கையில் உள்ள கலைஞர்களை வரவழைத்து நடாத்தப்பட்டன?.. 

இங்கே அவுஸ்ரேலியாவில் திருமணங்கள், பூப்புனித நீராட்டு விழாக்களுக்கு சினிமா கலைஞர்களையோ, பாட்டுகலைஞர்களை அழைக்கிறார்களோ தெரியாது, அதே போல  மற்றைய நாடுகளைப்பற்றி தெரியாது, ஆனால் இங்கிலாந்தில் இந்தமாதிரி அழைத்து நிகழ்ச்சிகளை நடாத்தியிருக்கிறார்கள்..

அத்துடன், கொஞ்ச காலத்திற்கு முன்பு எங்களுடைய ஈழத்தமிழர்களில் நன்கு வசதிபடைத்தவர்கள் சிலர் சினிமாபடம் எடுக்கிறேன், சினிமாவில் நடிக்கிறேன் என பணத்தை இழந்த கதைகளும் உண்டு.. 

இந்த கட்டுரையாளரையோ, இல்லை இந்த பத்திரிக்கையைபற்றியும் நான் அறியமாட்டேன், ஆனால் அவருடைய மேற்சொன்ன கருத்தை நடைமுறையில் காணலாம்.. 

அதேபோல சில வாரங்களுக்கு முன்பும்(மேதகு வெளியாவதற்கு முன்பு) “ இந்திய சினிமாவும் ஈழத்தமிழர்களும்” என்ற தலைப்பில் கூட இந்த மயக்கத்தை இன்னொருவர் எழுதியையும் வாசித்த நினைவு உள்ளது. 

 

 

Link to comment
Share on other sites

  • கருத்துக்கள உறவுகள்
12 hours ago, ரஞ்சித் said:

இக்கட்டுரை பேமிலி மான் 2 வந்தபோது வந்திருந்தால் வரவேற்றிருக்கலாம். ஆனால் மேதகு வந்தபின்னர் அல்லவா அவசரப்பட்டு எழுதப்படுகிறது. அப்படியானால் இதன் பின்னாலிருக்கும் அரசியல் என்ன?

பேமிலிமான் 2 வினை ரசித்தவர்கள், மேதகு பற்றி மூச்சே விடாதவர்கள், இப்போது மேதகுவிற்கான எதிர்ப்பை நேரடியாகக் கக்க முடியாமல் "தமிழக ஊடகங்களின் ஈழத்தமிழனை ஏமாற்றி பணம் கறக்கும் வழி" எனும் பெயரினில் கக்கும் இந்த கட்டுரையினை விழுந்தடித்து ஆதரிப்பது ஏனோ?

இங்கேயும் புலியெதிர்ப்பா? அடக் கடவுளே !!!

 

 

12 hours ago, ரஞ்சித் said:

சிங்கள இனவாதிகளின் "தமிழ்" பத்திரிக்கையான இப் பத்திரிக்கை விஜய செய்திப் பத்திரிக்கைக் குடும்பத்தைச் சார்ந்தது. லங்காதீப போன்ற சிங்களப் பத்திரிகையினையும் சண்டே டைம்ஸ் எனும் ஆங்கிலப் பத்திரிக்கையினையும்  தரும் சிங்களவர்களின் பத்திரிக்கை. அதில் தமிழில் ஒருவர் எழுதுவது வெளிவருகிறது என்றால் நிச்சயம் அது தமிழ் சார்ந்து இருக்கப்போவதில்லை. எழுதுபவர் பணம் பார்க்க எழுதுகிறார், படிப்பவர் தமது இச்சை தணிக்கப் படிக்கிறார்கள். இதைவிட இதுபற்றி நாம் அலட்டிக்கொள்ள வேறு ஏதுமில்லை. 

சிங்கள இனவாதிகள் எமக்குச் சரியானது எதுவென்று நினைப்பதைத் தூக்கிக் கொண்டாடும் நிலைமையில் நாம் இருக்கிறோம், ஆகா இதுவல்லவா ஆனந்தம் !!!

இந்தக் கட்டுரையில் புலியெதிர்ப்பு எங்கே இருக்கிறது?  எங்களிடையே இருக்கிற தமிழகக் களைகளைப் பற்றி பேசினால் அது புலியெதிர்ப்பு என்றால் , அதில் மறைந்திருக்கும் அர்த்தம் என்ன ரஞ்சித்?

தமிழ் மிரர் உங்கள் ஆய்வின் படி சிங்கள நிறுவனத்தின் பதிப்புத் தான், ஆனால் மீநிலங்கோவைத் தனிப்படத் தெரிந்தவர் யாரும் அவர் சிங்களவர்களின் ஏஜென்ட் என்று ஏற்றுக் கொள்வார்கள் என நினைக்கவில்லை!

  • Like 1
Link to comment
Share on other sites

16 hours ago, அக்னியஷ்த்ரா said:

சீமான் & ரா வும்  போராட்டத்தை வைத்து தேசியத்தை காயடிக்கிறார்  என்ற  அயல்வீட்டு  எலியை பார்த்து  கூப்பாடு போடுபவர்கள், 
மத்திய அரசும் & ரா வும் சேர்ந்து கூத்தமைப்பை வைத்து தமிழர்களை அடியோடு காலிசெய்கிறது என்ற உள்வீட்டு பெருச்சாளியை  கண்டுகொள்ளாதது ஏனோ..மீனிலங்கோவும் மஜில்சும் எப்படியான கேஸுகள் என்பது எங்களுக்கு எப்போதோ தெரிந்தவிடயம், சீமானை இந்திய உளவுத்துறை வழிநடத்துகிறது என்று பொரிந்துதள்ளுவர், அதையே கூத்தமைப்பு இந்தியாவிற்கு,இந்திய தூதரகத்திற்கு  போய் உயர்மட்ட சந்திப்புக்கள் செய்துவிட்டு வந்தால் பம்முவர், சீமானை உளவுத்துறை வழி நடத்துவதால் எமக்கு போனது கூந்தல் ,ஆனால் எமது கூத்தமைப்பு அவர்களது Proxy க்களாக இருப்பது எமது இருப்பையே காலி செய்யும் உத்தி, உள் வீட்டு பெருச்சாளிகளை அடித்து துவைத்து விட்டு அயல் வீட்டுக்காரனுக்கு  போகலாம்.         


அவர்களும் ஈழ டமிளர்கள் 
நாங்களும் ஈழ டமிளர்கள் 

அங்கு நடப்பதும் 
இங்கு நடப்பதும் 
ஒன்ருக்குள்ள ஒன்றுதானே 

எமக்குள்ளே பேசி ஏதாவது நடக்க போகிறதா? இதை பலமுறை கேட்க்கிறேன் 
அல்லது அதை வாசித்து அறிய யாரும் இருக்கிறார்களா?

சீமான் மாட்டர் என்றால் கொண்டுவாருங்கள் 
எல்லோரும் பேசுவோம் அது எவ்வளவு முக்கியமான விஷயம் 
தெற்காசிய கண்டமே ... அவர் பேசித்தான் கெட்டு போய் இருக்கு 

இப்போ இந்தியாவில் போதிய மலை வீழ்ச்சி இல்லை வறட்ச்சி 
சீமான் பேசு முன்பு ஒழுங்காக மழை இருந்தது. 

அவர் எவ்வளவு பெரிய கட்டுரை எழுதி இருக்கிறார் 
வாசிச்சு அறிய எவ்வளவு அரசியல் இருக்கு ...

அத விட்டுட்டு வந்திட்டார் கூட்டமைப்பு அது இது இது என்று 

Link to comment
Share on other sites

  • கருத்துக்கள உறவுகள்
On 27/6/2021 at 13:06, கிருபன் said:

சில விடயங்களை நாம் விளங்கிக் கொள்ள வேண்டும். ஈழத் தமிழர் பிரச்சினையில், எந்த நிலையிலுமே தமிழக அரசு, மத்திய அரசை மீறிச் செயற்படத் துணிந்ததில்லை. உண்மையில், அந்த விதமான எண்ணம் இருந்ததுமில்லை

உண்மை  

Link to comment
Share on other sites

2 hours ago, Kandiah57 said:

உண்மை  

இது பொய் .....

1987இல் இந்தியா தூத்த்துக்குடியில்  இருந்து உணவு மருந்துகளை கப்பலில் அனுப்பியது 
அதை இலங்கை நேவி வழிமறித்து திருப்பி அனுப்பியது 

அவற்றை மிராச் ரக விமானத்தில் அத்துமீறி இலங்கைக்குள் ஊடுருவி 
இந்திய விமானப்படை வீசிவிட்டு சென்றது 

அது எம் ஜி ஆரின் முழு அழுத்தத்தால் நடந்தது 
அதை பலர் எழுதி இருக்கிறார்கள் 

நம்பிக்கை இல்லா சட்டத்தை அமுலாக்கி 
அதை ஆளுநர் மூலம் நிறைவேற்றி 

தமிழக அரசை கலைக்க முடியும் தவிர 
மாநிலங்களுக்கு இராணுவ கடற்படை அதிகாரம் இல்லை 
அதற்கு உட்பட்டுதான் இருக்கவேண்டும் என்பதுதான் உனையே தவிர 

அரசை மீறி செயற்பட துணிந்தஇல்லை என்பது இவர்கள் சோடிப்பு 

கருணாநிதியே இந்திய இராணுவம் திரும்பி சென்றபோது 
அவர்களை வரவேற்க்க போகவில்லை தனது எதிர்ப்பை வெளிப்படையாக தெரிவித்தார் 

Link to comment
Share on other sites

  • கருத்துக்கள உறவுகள்
7 hours ago, Justin said:

இந்தக் கட்டுரையில் புலியெதிர்ப்பு எங்கே இருக்கிறது?  எங்களிடையே இருக்கிற தமிழகக் களைகளைப் பற்றி பேசினால் அது புலியெதிர்ப்பு என்றால் , அதில் மறைந்திருக்கும் அர்த்தம் என்ன ரஞ்சித்?

இது எனது தவறு. கட்டுரையினைப் படிக்காமலேயே கருத்து எழுதுவதால் வந்த வினை. நீங்களும் துல்ப்பனும் இக்கட்டுரைக்குப் பச்சையிட்டதால் ஏதோ புலியெதிர்ப்பு என்று எண்ணிவிட்டேன். மன்னிக்கவும்.

 

7 hours ago, Justin said:

தமிழ் மிரர் உங்கள் ஆய்வின் படி சிங்கள நிறுவனத்தின் பதிப்புத் தான், ஆனால் மீநிலங்கோவைத் தனிப்படத் தெரிந்தவர் யாரும் அவர் சிங்களவர்களின் ஏஜென்ட் என்று ஏற்றுக் கொள்வார்கள் என நினைக்கவில்லை!

இது அடுத்தது. சிங்கள இனவாதிகளின் தமிழ்ப் பத்திரிக்கை ஒன்றிலிருந்து தமிழருக்குச் சார்பான கட்டுரை ஒன்று வெளியாகுமா என்கிற எனது கேள்வியிலிருந்து உதித்தது அது. அதுகூடத் தவறுதான் என்று புரிகிறது.

கட்டுரையில் திராவிட ஆதரவு மேலாகத் தூவப்பட்டதுபோலத் தெரிகிறது. இதுகூட எனது அனுமானம் தான். ஆனால் கட்டுரையில் நான் எதிர்பார்த்த தவறேதும் இருப்பதுபோலத் தெரியவில்லை. 

 

இக்கட்டுரைக்கான உங்களினதும் துல்ப்பனினதும் பச்சைகளைப் பார்த்தபோது சில புள்ளிகளை இணக்கத் தொடங்கிவிட்டேன். அதனால் வந்த குழப்பமே இது. சரி, அந்தப்புள்ளிகளையும் இங்கு சொல்லிவிடுகிறேன்.

1. இதே கட்டுரையாளர் இதற்கு முன்னர் எழுதிய ஒரு கட்டுரையொன்றின் அடிப்படையில் இன்றைய கட்டுரையும் சிங்களச் சார்ப் - தமிழர் விரோத (புலியெதிர்ப்பு) அரசியலைப் பேசுகிறது என்கிற எனது தவறான எண்ணம்.

2. பேமிலி மான் 2 விமர்சனத்தில் நீங்கள் எழுதிய "இதனைக் கட்டாயம் பார்ப்பேன்" எனும் கருத்தும், மேதகு வெளியானபின் நீங்கள் வேண்டுமென்றே காக்கும் மெளனமும் , இக்கட்டுரை மேதகு வெளிவந்தபின்னர் வெளியானதால் நிச்சயம் அதனை விமர்சிப்பதாகவே அமைந்திருக்கும் என்கிற எண்ணமும், அதனாலேயே இதனை நீங்கள் ஆதரித்தீர்கள் என்கிற எனது எனது நம்பிக்கையும்.

ஆனால் கட்டுரையினைப் படித்தபோதுதான் இவை எதற்கும் கட்டுரைக்கும் சம்பந்தமில்லை என்பது தெளிவாகிறது.

நாகரீகமாகச் சுட்டிக் காட்டியதற்கு நன்றி.

Link to comment
Share on other sites

  • கருத்துக்கள உறவுகள்
On 27/6/2021 at 16:40, Justin said:

உறவே, இதைப் பல தடவை கேட்டிருக்கிறேன். பதில் சொல்லுங்கள்: தமிழர்கள் மட்டும் பார்க்கும் இந்தத் தளத்தில் சிங்களவனின் அநியாயங்களை அலசி, திட்டி என்ன செய்லபாட்டு ரீதியான விளைவு வரப் போகிறது? ஆளுக்காள் மாறி மாறி முதுகுப் புண்ணைச் சொறிந்து  சுகம் காண்பது மாதிரியல்லவா அது?

அல்லது இங்கே இருப்போருக்கு - அவர்கள் எந்த நாட்டுத் தமிழர்களாக இருந்தாலும் - சிங்களவனின் அநீதிகளை நாம் சொல்லித் தான் தெரிய வைக்க வேண்டியிருக்கிறது என்று நீங்கள் நினைக்கிறீர்களா?

(எனக்கென்னவோ நீங்கள், "ட்ராபிக் கான்ஸ்ரபிள்" நடை முறையில் இறங்கியிருப்பதாகவே படுகிறது! இல்லையெனில் மன்னியுங்கள்!)

பதில் கருத்து வைக்க பிந்திவிட்டது .

@கற்பகதருஉங்களுக்கும் தான் பாஸ் தமிழ் இடதுசாரிகளின் முக்கியமான ஆக்கம் ஆறுதலாக படித்து பாருங்கள் .

 

Link to comment
Share on other sites

  • கருத்துக்கள உறவுகள்
10 hours ago, பிரபா சிதம்பரநாதன் said:

ஆனால் இந்த கட்டுரையாளரின் கீழ்வரும் இந்த கருத்தை நீங்கள் ஏற்றுக்கொள்கிறீர்களா இல்லையா? 

//கோவில் திருவிழாக்களுக்குத் தமிழ் நாட்டிலிருந்து சின்னமேளமும் மேளக்காரர்களும் வந்த நிலை, இன்று பெரும்பாலும் இல்லை. என்றாலும், அதன் இடத்தில் தமிழ்ச் சினிமா, சின்னத் திரை, இந்தியக் கலைஞர்களது நிகழ்ச்சிகள் என்பனவே, எமது பொழுதுபோக்குகளாக மாறியிருக்கின்றன//

COVIDற்கு முன்பு எத்தனை கலைநிகழ்ச்சிகள், பட்டிமன்றங்கள் நடந்திருக்கும்.. இதில் எத்தனை இலங்கையில் உள்ள கலைஞர்களை வரவழைத்து நடாத்தப்பட்டன?.. 

இங்கே அவுஸ்ரேலியாவில் திருமணங்கள், பூப்புனித நீராட்டு விழாக்களுக்கு சினிமா கலைஞர்களையோ, பாட்டுகலைஞர்களை அழைக்கிறார்களோ தெரியாது, அதே போல  மற்றைய நாடுகளைப்பற்றி தெரியாது, ஆனால் இங்கிலாந்தில் இந்தமாதிரி அழைத்து நிகழ்ச்சிகளை நடாத்தியிருக்கிறார்கள்..

அத்துடன், கொஞ்ச காலத்திற்கு முன்பு எங்களுடைய ஈழத்தமிழர்களில் நன்கு வசதிபடைத்தவர்கள் சிலர் சினிமாபடம் எடுக்கிறேன், சினிமாவில் நடிக்கிறேன் என பணத்தை இழந்த கதைகளும் உண்டு.. 

இந்த கட்டுரையாளரையோ, இல்லை இந்த பத்திரிக்கையைபற்றியும் நான் அறியமாட்டேன், ஆனால் அவருடைய மேற்சொன்ன கருத்தை நடைமுறையில் காணலாம்.. 

அதேபோல சில வாரங்களுக்கு முன்பும்(மேதகு வெளியாவதற்கு முன்பு) “ இந்திய சினிமாவும் ஈழத்தமிழர்களும்” என்ற தலைப்பில் கூட இந்த மயக்கத்தை இன்னொருவர் எழுதியையும் வாசித்த நினைவு உள்ளது. 

 

 

ஜஸ்டினிக்குக் கூறிய பதில்தான் உங்களுக்கும் பிரபா,

கட்டுரையினைப் படிக்காது கருத்து எழுதுவதால் வந்த வினை.

நீங்கள் கூறியது தவறில்லை. உண்மையும் அதுதான். 

தமிழக சினிமா மோகம் என்பது ஈழத்து சினிமாவினது வர்த்தகத் தோல்வியாலும், சிங்கள அரசுகளின் பாராமுகத்தாலும் ஏற்பட்டது என்று நம்புகிறேன். ஈழத்துச் சினிமாவின் வெற்றிடத்தை தமிழக சினிமா ஆக்கிரமித்துக் கொண்டது. ஆரம்பத்தில் திரைப்படங்களை தருவித்ததுமுதல் இன்று ஈழத்துத் தமிழனின் பணத்தை இலக்குவைத்தே அது புலம்பெயர் நாடுகளில் விரிவுபடுத்தப்படுவதுவரை அது ஆக்கிரமித்து நிற்கிறது. 

கட்டுரையாளர் சொல்வதுபோல ஈழத்தமிழனின் அவலத்தையும், பணத்தையும் தமது அரசியல் குறிக்கோள்களுக்காக தமிழக அரசியல்வாதிகள் பாவிக்கிறார்கள் என்பது மறுக்கமுடியாத உண்மை. இதில் விதிவிலக்காக இன்று எவரும் இருப்பதாக நான் நினைக்கவில்லை. 

இறுதியாக ஈழத்தமிழினம் தமிழகத்தவரைப் போல் அல்லாமல் கலாசார ரீதியிலும், அரசியல் ரீதியிலும் மேம்பட்ட சமூகமாக இருக்கிறது என்று நாம் நம்புவோமாக இருந்தால் அது தவறு என்றே நான் நினைக்கிறேன். தமிழகத்தவர்கலுக்கும் எமக்கும் இடையே இருக்கும் ஒரே வித்தியாசம் நாம் ஒரு இனவழிப்பினுள் வாழ்பவர்கள். எமது வாழ்வு இந்த இனவழிப்பினுள் இருந்து எம்மைத் தக்கவைக்கும் எமது முயற்சிகளைச் சுற்றியே பின்னப்பட்டிருக்கிறது. இதனாலேயே கடந்த 40 வருட காலத்தில் நாம் எமது கலாசார, கலை அமைப்புக்களை விருத்திசெய்வது பற்றிச் சிந்திக்காமலும், இலகுவாகக் கிடைக்கின்ற தமிழகச் சினிமாவை இறக்குமதி செய்வதிலும் உழன்று வருகிறோம். அடுத்ததாக, முற்றான அடிமைத்தனத்தில் வாழும் எம்மால் உள்ளூரில் சுதந்திரமாக, எமது அன்றாட போராட்ட வாழ்வினை பிரதிபலிக்கும் ஒரு தரமான சினிமாவை எடுத்துவிட முடியுமா? ஆனால், புலம்பெயர் தேசத்தில் அந்தச் சுதந்திரம் இருக்கிறது, ஆனால் நாம் அதனைச் செய்யாமல் இலகுவாக நமது காலடிக்கே வரும் தமிழகச் சினிமாவை மறுபேச்சின்றி ஏற்றுக்கொள்கிறோம். இது ஒரு பிரச்சினைதான்.

அதுசரி, உங்களது கேள்வியென்ன? 

  • Like 1
Link to comment
Share on other sites

  • கருத்துக்கள உறவுகள்
19 hours ago, அக்னியஷ்த்ரா said:

சீமான் & ரா வும்  போராட்டத்தை வைத்து தேசியத்தை காயடிக்கிறார்  என்ற  அயல்வீட்டு  எலியை பார்த்து  கூப்பாடு போடுபவர்கள், 
மத்திய அரசும் & ரா வும் சேர்ந்து கூத்தமைப்பை வைத்து தமிழர்களை அடியோடு காலிசெய்கிறது என்ற உள்வீட்டு பெருச்சாளியை  கண்டுகொள்ளாதது ஏனோ..மீனிலங்கோவும் மஜில்சும் எப்படியான கேஸுகள் என்பது எங்களுக்கு எப்போதோ தெரிந்தவிடயம், சீமானை இந்திய உளவுத்துறை வழிநடத்துகிறது என்று பொரிந்துதள்ளுவர், அதையே கூத்தமைப்பு இந்தியாவிற்கு,இந்திய தூதரகத்திற்கு  போய் உயர்மட்ட சந்திப்புக்கள் செய்துவிட்டு வந்தால் பம்முவர், சீமானை உளவுத்துறை வழி நடத்துவதால் எமக்கு போனது கூந்தல் ,ஆனால் எமது கூத்தமைப்பு அவர்களது Proxy க்களாக இருப்பது எமது இருப்பையே காலி செய்யும் உத்தி, உள் வீட்டு பெருச்சாளிகளை அடித்து துவைத்து விட்டு அயல் வீட்டுக்காரனுக்கு  போகலாம்.         

 

3 hours ago, Maruthankerny said:


அவர்களும் ஈழ டமிளர்கள் 
நாங்களும் ஈழ டமிளர்கள் 

அங்கு நடப்பதும் 
இங்கு நடப்பதும் 
ஒன்ருக்குள்ள ஒன்றுதானே 

எமக்குள்ளே பேசி ஏதாவது நடக்க போகிறதா? இதை பலமுறை கேட்க்கிறேன் 
அல்லது அதை வாசித்து அறிய யாரும் இருக்கிறார்களா?

சீமான் மாட்டர் என்றால் கொண்டுவாருங்கள் 
எல்லோரும் பேசுவோம் அது எவ்வளவு முக்கியமான விஷயம் 
தெற்காசிய கண்டமே ... அவர் பேசித்தான் கெட்டு போய் இருக்கு 

இப்போ இந்தியாவில் போதிய மலை வீழ்ச்சி இல்லை வறட்ச்சி 
சீமான் பேசு முன்பு ஒழுங்காக மழை இருந்தது. 

அவர் எவ்வளவு பெரிய கட்டுரை எழுதி இருக்கிறார் 
வாசிச்சு அறிய எவ்வளவு அரசியல் இருக்கு ...

அத விட்டுட்டு வந்திட்டார் கூட்டமைப்பு அது இது இது என்று 

அண்ணா, தம்பி,

என்னை பற்றி எழுதுவதெண்டால் குறைந்த பட்சம் ஒரு @goshan_che போட்டாவது எழுதுங்க மக்காள். நீங்கள் திரி திரியா புறு புறுப்பதற்கெல்லாம் தேடி தேடியா ஒரு மனுசன் பதில் எழுத முடியும்.

1. கூட்டமைப்பு றோவின் கைப்பாவை என்பதை நான் மறுக்கவில்லையே? இந்திய தூதரகத்தில் என்ன சிஐஏ ஆட்களா இருப்பார்கள்? இந்திய வெளிவிவகார அமைச்சரே 90களின் மத்தியில் இலங்கையின் ரோவின் ஏஜெண்ட்தான். கூட்டமைப்பு ரோ கிழித்த கோட்டை தாண்டாத பத்தினி என்பது ஊருக்கே தெரிந்த விசயம் இதில் கோசான் அதை பற்றி எழுதினால் என்ன. எழுதாவிட்டால் என்ன. தவிரவும் அந்த திரியில் - மிக தெளிவாக கோட்டா பேச மறுத்தவுடன், கூடமைப்பு இந்தியாவுடன் போய் பேசியுள்ளது என்று எழுதியே போனேன்.

2. கூட்டமைப்பை அடித்து துவைக்க நானும் ரெடி. ஒவ்வொருக்கா அடிக்கும் போதும் ஒரு @ போட்டு விடுங்கள். வந்து ஒரு கை போடுகிறேன்.

3. ஆனால் வியாழேந்திரனின், சந்திரகாந்தனின், முரளிதரனின் ஓட்டைகளை மறைக்க நீங்கள் கூட்டமைப்பையும், ஒட்டு மொத்த தேசிக்காய்களையும் போட்டு கும்முவதையும் சுட்டியும் காட்டுவேன்🤣.

  • Haha 2
Link to comment
Share on other sites

  • கருத்துக்கள உறவுகள்
On 27/6/2021 at 07:06, கிருபன் said:

எம்.ஜி. இராமச்சந்திரனில் தொடங்கி, சீமான் வரை, ஈழப்போராட்டத்தை சரிவர விளங்காத, அணுக இயலாத, தங்கள் சுயஅரசியலுக்குப் பயன்படுத்தியோரை நம்பி, சீரழிந்தவர்கள் ஈழத்தமிழர்கள்.

சரிவர விளங்காதவர்தளை நம்பி சீரழிந்துபோக ஈழ தமிழர்கள் அவ்வளவு மோசமான கூமுட்டைகள் அல்ல, தமிழகம் தமிழக அரசியல் தலைமகளை தவிர்த்து வேறெங்குமே ஈழபோராட்டத்துக்கு போராளிகளுக்கு நேரடியான தார்மீக ஆதரவுகள் இருந்ததில்லை, கிடைத்த ஆதரவை தமது போராட்டத்திற்கு வலு சேர்க்கும் ஒரு பகுதியாக பயன்படுத்தினார்கள் அவ்வளவுதான்.

சிங்களவனுக்கெதிராய் போராடி உயிர் துறக்க எமக்கு தமிழக அரசியல் தலைவர்கள் சொல்லி தரவில்லை அது போராளிகளை, போராட்டத்தை கொச்சை படுத்துவதற்கு சமம்.

எம்ஜிஆர் எமது பிரச்சனையை 100% சுயநல அரசியலுக்கு பயன்படுத்தியிருப்பார் என்று நாம் பேசினால் எம் நாக்கு அழுகிபோகும்.

எம் போராட்டத்துக்கு அள்ளி அள்ளி வழங்கியபோதோ,கைது செய்யப்பட்ட தலைவரை விடுதலை செய்தபோதோ , கைப்பற்றப்பட்ட ஆயுதங்களை தொலை தொடர்பு சாதனங்களை  திருப்பி கொடுத்தபோதோ  எம்ஜிஆர் ஒன்றும் எதிர்கட்சியிலோ அல்லது ஆட்சிக்கு வர ஆசைபடும் ஒரு சிறு கட்சியிலோ இருந்திருக்கவில்லை,

அவர் எப்போதோ தமிழக மக்களின்  மிக பெரும் ஆதரவுடன் அரியாசனத்தில் இருந்தார் ,ஒருதடவை ஆட்சியை பிடித்த அவர் மீண்டும் மீண்டும் தேர்தல் வந்தபோதும் அவரே ஆட்சிக்கட்டிலை பிடித்தார், அதற்கு ஈழதமிழர்களை வைத்தான சுயநல அரசியல் அவருக்கு தேவைப்பட்டிருக்கவில்லை.

புலிகள் இயக்கம் ஒரு கட்டத்தில் கோபுரமாய் எழுந்து நின்றதென்றால், அதன் அத்திவாரத்திற்க்கு தோள் கொடுத்தவர்களில் முதன்மையானவர் எம்ஜிஆர் என்பதை தலைவரே காணொலியில் ஒப்புக்கொண்ட விசயம், அது மகத்தானது மட்டுமல்ல மறக்கப்பட முடியாதது.

உயர்ந்த இடத்திலிருந்துகொண்டே எம் போராட்டத்துக்கு முதுகெலும்பாக இருந்து மறைந்தார் எம்ஜிஆர்  . அவர்பற்றி கட்டுரை எழுதி கலாய்க்க கண்டவருக்கெல்லாம் உரிமை கிடையாது.

On 27/6/2021 at 07:06, கிருபன் said:

சீமான்  ஈழப்பிரச்சினைக்குக் காப்புரிமை வாங்கியது போல செயற்படுகிறார். அதற்குப் புலம்பெயர் ஈழத்தமிழர்களின் வற்றாத நிதி உதவுகிறது. 

2009ன் பின்னர் ஈழதமிழர் சம்பந்தமான எந்த நடவடிக்கைகளுக்கும் வற்றாதநிதி என்று புலம்பெயர் தமிழர்கள் எந்த ஒரு விஷயத்துக்குமே வழங்கவில்லை, இனியும் வழங்கபோவதில்லை.

போரினால் வாழ்வாதாரம் சிதறி சின்னாபின்னமான எமது மக்களுக்குகூட தனிப்பட்ட ரீதியில் உதவி செய்வதை தவிர்த்து , அரசியல் கட்சிகளோ அமைப்புக்கள் மூலமோ வற்றாதநிதி வழங்கி திட்டங்களை செயல்படுத்த அவர்கள் ஒருபோதும் தயாரில்லை,

அதற்கு அவர்களின் சுயநலம் காரணமில்லை இனிமேல் எவரையும் நம்பி பொன் பொருள் என வற்றாதநிதி வழங்க புலம்பெயர் சமூகம் தயாரில்லை என்பதே பொருள்.

கட்டுரையாளரின் நோக்கம் எம்மீதுள்ள பரிவல்ல, காயப்பட்டிருக்கும் ஈழதமிழரை அவர்கள் நடத்திய போராட்டத்தை நக்கலடிப்பது மட்டுமே குறிக்கோள்.

  • Thanks 1
Link to comment
Share on other sites

  • கருத்துக்கள உறவுகள்
13 minutes ago, valavan said:

சரிவர விளங்காதவர்தளை நம்பி சீரழிந்துபோக ஈழ தமிழர்கள் அவ்வளவு மோசமான கூமுட்டைகள் அல்ல, தமிழகம் தமிழக அரசியல் தலைமகளை தவிர்த்து வேறெங்குமே ஈழபோராட்டத்துக்கு போராளிகளுக்கு நேரடியான தார்மீக ஆதரவுகள் இருந்ததில்லை, கிடைத்த ஆதரவை தமது போராட்டத்திற்கு வலு சேர்க்கும் ஒரு பகுதியாக பயன்படுத்தினார்கள் அவ்வளவுதான்.

சிங்களவனுக்கெதிராய் போராடி உயிர் துறக்க எமக்கு தமிழக அரசியல் தலைவர்கள் சொல்லி தரவில்லை அது போராளிகளை, போராட்டத்தை கொச்சை படுத்துவதற்கு சமம்.

எம்ஜிஆர் எமது பிரச்சனையை 100% சுயநல அரசியலுக்கு பயன்படுத்தியிருப்பார் என்று நாம் பேசினால் எம் நாக்கு அழுகிபோகும்.

எம் போராட்டத்துக்கு அள்ளி அள்ளி வழங்கியபோதோ,கைது செய்யப்பட்ட தலைவரை விடுதலை செய்தபோதோ , கைப்பற்றப்பட்ட ஆயுதங்களை தொலை தொடர்பு சாதனங்களை  திருப்பி கொடுத்தபோதோ  எம்ஜிஆர் ஒன்றும் எதிர்கட்சியிலோ அல்லது ஆட்சிக்கு வர ஆசைபடும் ஒரு சிறு கட்சியிலோ இருந்திருக்கவில்லை,

அவர் எப்போதோ தமிழக மக்களின்  மிக பெரும் ஆதரவுடன் அரியாசனத்தில் இருந்தார் ,ஒருதடவை ஆட்சியை பிடித்த அவர் மீண்டும் மீண்டும் தேர்தல் வந்தபோதும் அவரே ஆட்சிக்கட்டிலை பிடித்தார், அதற்கு ஈழதமிழர்களை வைத்தான சுயநல அரசியல் அவருக்கு தேவைப்பட்டிருக்கவில்லை.

புலிகள் இயக்கம் ஒரு கட்டத்தில் கோபுரமாய் எழுந்து நின்றதென்றால், அதன் அத்திவாரத்திற்க்கு தோள் கொடுத்தவர்களில் முதன்மையானவர் எம்ஜிஆர் என்பதை தலைவரே காணொலியில் ஒப்புக்கொண்ட விசயம், அது மகத்தானது மட்டுமல்ல மறக்கப்பட முடியாதது.

உயர்ந்த இடத்திலிருந்துகொண்டே எம் போராட்டத்துக்கு முதுகெலும்பாக இருந்து மறைந்தார் எம்ஜிஆர்  . அவர்பற்றி கட்டுரை எழுதி கலாய்க்க கண்டவருக்கெல்லாம் உரிமை கிடையாது.

இது ஓரளவிற்கு உண்மைதான்.

ஈழத்தமிழருக்கான ஆதரவென்று பார்க்கும்போது மூன்றுவகையான  பிரிவுகள் இந்தியாவில் இருக்கின்றன. 

1. இந்தியாவின் பூகோள பாதுகாப்பிற்கான உத்தரவாதத்தினை மட்டுமே நோக்காகக் கொண்டு ஈழத்தமிழ்ப் போராளிகளுக்கான ஆயுத உதவியை செய்தது. ஆனால் தமிழர்களுக்கான தனிநாடு என்பது எப்போது இந்த நோக்கங்களில் ஒன்றாக இருந்ததில்லை - இந்திய நடுவண் அரசு

2. தமிழகத்தில் இருந்த, இருக்கின்ற சில அரசியல்வாதிகள் தமது எதிர்த்தரப்பு ஈழத்தமிழ்ப் போராளிகளுக்கு உதவும்போது, அதனால் அத்தரப்பு அரசியல் ஆதாயம் பெற்றுவிடக் கூடாதென்பதற்காக தாமும் போராளிகளுக்கு உதவியமை - கருனாநிதி, ஜெயலலிதா.....நீண்டு செல்லும் பட்டியல்

3. எந்தவிதமான பிரதியுபகாரத்தையும் எதிர்பாராமல் தனது மொழிபேசும் இனம் அழியும்போது இயல்பாகவே ஏற்படும் பரிதாபத்தாலும், இரக்கத்தாலும் அவ்வினத்திற்காக உணர்வுரீதியாகக் குரல்கொடுக்கும் வகையினர் - சாதாரண பொதுமக்கள், சில கலையுலக பிரதிநிதிகள். வேண்டுமென்றே பெயர்களை இங்கு தவிர்த்துவிடுகிறேன். 

எம் ஜி ஆர் புலிகளுக்கு உண்மையாகவே உதவினார். தமிழர் தனிநாடு அடையவேண்டும் என்பது அவரது விருப்பமாக இருந்தது. இதனை எவரும் மறுக்கப்போவதில்லை. எம் ஜி ஆர் தமிழருக்கு வழங்கிய ஆதரவினை சாக்கடை அரசியல்வாதிகளான கருனாநிதி மற்றும் ஜெயலலிதாவின் ஈழத்தமிழர் மீதான முதலைக் கண்ணீருடன் ஒப்பிட முடியாது. ஆனால், எம் ஜி ஆர் ஈழத்தமிழருக்கான தனது ஆதரவினால் அரசியல் ரீதியான அனுகூலங்களைப் பெற்றாரா இல்லையா என்பதற்கான பதிலை உங்களிடமே விட்டுவிடுகிறேன். இதனால் நான் எம் ஜி ஆரின் தார்மீக ஆதரவினையும், உண்மையான கரிசனையினையும் கேள்விகேட்கிறேன் என்று மட்டும் கருதிவிடாதீர்கள். அது என் நோக்கமும் அல்ல.

Link to comment
Share on other sites

  • கருத்துக்கள உறவுகள்
22 minutes ago, valavan said:

சரிவர விளங்காதவர்தளை நம்பி சீரழிந்துபோக ஈழ தமிழர்கள் அவ்வளவு மோசமான கூமுட்டைகள் அல்ல, தமிழகம் தமிழக அரசியல் தலைமகளை தவிர்த்து வேறெங்குமே ஈழபோராட்டத்துக்கு போராளிகளுக்கு நேரடியான தார்மீக ஆதரவுகள் இருந்ததில்லை, கிடைத்த ஆதரவை தமது போராட்டத்திற்கு வலு சேர்க்கும் ஒரு பகுதியாக பயன்படுத்தினார்கள் அவ்வளவுதான்.

சிங்களவனுக்கெதிராய் போராடி உயிர் துறக்க எமக்கு தமிழக அரசியல் தலைவர்கள் சொல்லி தரவில்லை அது போராளிகளை, போராட்டத்தை கொச்சை படுத்துவதற்கு சமம்.

எம்ஜிஆர் எமது பிரச்சனையை 100% சுயநல அரசியலுக்கு பயன்படுத்தியிருப்பார் என்று நாம் பேசினால் எம் நாக்கு அழுகிபோகும்.

எம் போராட்டத்துக்கு அள்ளி அள்ளி வழங்கியபோதோ,கைது செய்யப்பட்ட தலைவரை விடுதலை செய்தபோதோ , கைப்பற்றப்பட்ட ஆயுதங்களை தொலை தொடர்பு சாதனங்களை  திருப்பி கொடுத்தபோதோ  எம்ஜிஆர் ஒன்றும் எதிர்கட்சியிலோ அல்லது ஆட்சிக்கு வர ஆசைபடும் ஒரு சிறு கட்சியிலோ இருந்திருக்கவில்லை,

அவர் எப்போதோ தமிழக மக்களின்  மிக பெரும் ஆதரவுடன் அரியாசனத்தில் இருந்தார் ,ஒருதடவை ஆட்சியை பிடித்த அவர் மீண்டும் மீண்டும் தேர்தல் வந்தபோதும் அவரே ஆட்சிக்கட்டிலை பிடித்தார், அதற்கு ஈழதமிழர்களை வைத்தான சுயநல அரசியல் அவருக்கு தேவைப்பட்டிருக்கவில்லை.

புலிகள் இயக்கம் ஒரு கட்டத்தில் கோபுரமாய் எழுந்து நின்றதென்றால், அதன் அத்திவாரத்திற்க்கு தோள் கொடுத்தவர்களில் முதன்மையானவர் எம்ஜிஆர் என்பதை தலைவரே காணொலியில் ஒப்புக்கொண்ட விசயம், அது மகத்தானது மட்டுமல்ல மறக்கப்பட முடியாதது.

உயர்ந்த இடத்திலிருந்துகொண்டே எம் போராட்டத்துக்கு முதுகெலும்பாக இருந்து மறைந்தார் எம்ஜிஆர்  . அவர்பற்றி கட்டுரை எழுதி கலாய்க்க கண்டவருக்கெல்லாம் உரிமை கிடையாது.

2009ன் பின்னர் ஈழதமிழர் சம்பந்தமான எந்த நடவடிக்கைகளுக்கும் வற்றாதநிதி என்று புலம்பெயர் தமிழர்கள் எந்த ஒரு விஷயத்துக்குமே வழங்கவில்லை, இனியும் வழங்கபோவதில்லை.

போரினால் வாழ்வாதாரம் சிதறி சின்னாபின்னமான எமது மக்களுக்குகூட தனிப்பட்ட ரீதியில் உதவி செய்வதை தவிர்த்து , அரசியல் கட்சிகளோ அமைப்புக்கள் மூலமோ வற்றாதநிதி வழங்கி திட்டங்களை செயல்படுத்த அவர்கள் ஒருபோதும் தயாரில்லை,

அதற்கு அவர்களின் சுயநலம் காரணமில்லை இனிமேல் எவரையும் நம்பி பொன் பொருள் என வற்றாதநிதி வழங்க புலம்பெயர் சமூகம் தயாரில்லை என்பதே பொருள்.

கட்டுரையாளரின் நோக்கம் எம்மீதுள்ள பரிவல்ல, காயப்பட்டிருக்கும் ஈழதமிழரை அவர்கள் நடத்திய போராட்டத்தை நக்கலடிப்பது மட்டுமே குறிக்கோள்.

மீநியின் இந்த கட்டுரையை பொறுத்தவரை உங்கள் பார்வைதான் எனதும்.

நாம் ஒரு போதும் தமிழ்நாட்டில் இருந்த எவராலும் வழிநடத்தபட்டவர்கள் இல்லை. 

சீமான் விடயத்தில் கூட, இதை யாழில் கூட காணலாம், பலர் அதிகம் அலட்டி கொள்வதில்லை.

மிக சொற்பமானோரே கடுமையாக ஆதரித்தும், எதிர்த்தும் எழுதுகிறார்கள்.

இது புலம்பெயர் நாட்டில்.

ஊரில் சீமான் ஒரு பேசு பொருளே இல்லை. 

ஆகவே நாம் எல்லோரும் தமிழக மாயையில் இழுபட்டு போனோம், போகிறோம் என்பது ஏற்புடையதல்ல.

எமது வீடுகளுக்குள் மானாட மயிலாடிய போது, இன்னும் பல வழிகளில் நாம் தமிழ்நாட்டின் பலவகை பொருட்களுக்கும், சேவைகளுக்கும் நுகர்வு சந்தை ஆனபோது எழாத இந்த கட்டுரை “மேதகு”வின் பின்வருவது ஏன்? என்ற கேள்வியிலும் அர்த்தம் உண்டு.

  • Like 3
Link to comment
Share on other sites

  • கருத்துக்கள உறவுகள்
27 minutes ago, valavan said:

2009ன் பின்னர் ஈழதமிழர் சம்பந்தமான எந்த நடவடிக்கைகளுக்கும் வற்றாதநிதி என்று புலம்பெயர் தமிழர்கள் எந்த ஒரு விஷயத்துக்குமே வழங்கவில்லை, இனியும் வழங்கபோவதில்லை.

போரினால் வாழ்வாதாரம் சிதறி சின்னாபின்னமான எமது மக்களுக்குகூட தனிப்பட்ட ரீதியில் உதவி செய்வதை தவிர்த்து , அரசியல் கட்சிகளோ அமைப்புக்கள் மூலமோ வற்றாதநிதி வழங்கி திட்டங்களை செயல்படுத்த அவர்கள் ஒருபோதும் தயாரில்லை,

அதற்கு அவர்களின் சுயநலம் காரணமில்லை இனிமேல் எவரையும் நம்பி பொன் பொருள் என வற்றாதநிதி வழங்க புலம்பெயர் சமூகம் தயாரில்லை என்பதே பொருள்.

கட்டுரையாளரின் நோக்கம் எம்மீதுள்ள பரிவல்ல, காயப்பட்டிருக்கும் ஈழதமிழரை அவர்கள் நடத்திய போராட்டத்தை நக்கலடிப்பது மட்டுமே குறிக்கோள்.

கிட்டத்தட்ட எனது கருத்தும் இதுதான்.

புலிகளுக்காக வழங்கப்பட்ட நிதியினைப்போன்று புலம்பெயர் தமிழினம் வேறு எவருக்கும் இதுவரை வழங்கவில்லை, சீமான் உட்பட. 

ஆனால், புலம்பெயர் ஈழத்தமிழர்கள் சீமானுக்கு பணத்தினை வாரியிறைக்கிறார்கள் என்பது அண்மைய தமிழகத் தேர்தல்களில் திராவிட முன்னேற்றக் கழகத்தாலும், அக்கட்சியினது உதிரிகளாலும் முன்வைக்கப்பட்ட குற்றச்சாட்டு. ஈழத்தமிழனத்தின் இனக்கொலையில் பங்காளியாகிவிட்ட திராவிடக் கட்சிகள் ஈழத்தமிழினம் இனி ஒருபோதுமே தம்மை அனுசரிக்கப்போவதில்ல என்கிற முடிவினால் ஈழத்தமிழினத்தை நேரடியாகவே எதிர்ப்பது எனும் நிலைப்பாட்டினால் சீமானுக்கு புலம்பெயர் பணம் உதவுகிறது எனும் அபத்தத்தை முன்னிறுத்தி வாக்குக் கேட்டது. திராவிடக் கும்பல்களின் இக்குற்றச்சாட்டு, புலிகளுக்கு புலம்பெயர் தமிழர்களின் நிதி உதவுகிறது எனும் சிங்களப் பேரினவாதத்தின் பிரச்சாரத்தினை ஒட்டி வந்தது. 

எமது வியர்வையாலும், குருதியாலும் சேர்க்கப்படும் பணம் எமது இனத்தின் அன்றாட வாழ்வினை மேம்படுத்தவும் விடுதலையினை வென்றெடுக்கவும் மட்டுமே பயன்படும் என்பது எனது நம்பிக்கை. இப்பணம் எக்காரணம் கொண்டும் தமிழக அரசியல் குதிரைகளில் கட்டப்படாது என்றும் நான் நம்புகிறேன். ஏனென்றால் தமிழகத்து அரசியல்வாதிகளுக்கு நாம் வழங்கும் பணத்தினால் எமக்கு நண்மைகள் ஏதும் கிட்டப்போவதில்லை. அப்பணம் அவர்களின் அரசியல் இருப்பிற்காகவே பயன்படும் என்பதையும் மறுக்கமுடியாது. இதுதொடர்பாக புலம்பெயர் ஈழத்தமிழினம் தெளிவாகவே இருக்கிறது என்பது எனது நம்பிக்கை. 

11 minutes ago, goshan_che said:

எமது வீடுகளுக்குள் மானாட மயிலாடிய போது, இன்னும் பல வழிகளில் நாம் தமிழ்நாட்டின் பலவகை பொருட்களுக்கும், சேவைகளுக்கும் நுகர்வு சந்தை ஆனபோது எழாத இந்த கட்டுரை “மேதகு”வின் பின்வருவது ஏன்? என்ற கேள்வியிலும் அர்த்தம் உண்டு.

அதே

  • Like 1
Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Similar Content

    • By கிருபன்
      ஆப்கானிஸ்தான்: ஒரு முடிவும் ஒரு தொடக்கமும்
      தெ. ஞாலசீர்த்தி மீநிலங்கோ
      புதிய போர் ஒழுங்கின் முதலாம் அத்தியாயம் - 1
      சில வாரங்களுக்கு முன்னர், ஆப்கானிஸ்தானில் அரங்கேறியவை பலர் எதிர்பாராதது. 20 ஆண்டுகளுக்கு முன்னர் ஆப்கானில் தொடங்கியது, ஒரு முழுச் சுழற்சியை நிறைவுசெய்து, தொடங்கிய இடத்தில் மீண்டும் ஆப்கானை நிறுத்தியுள்ளது. இந்த 20 ஆண்டுகளில் உலகம் மாறிவிட்டது. அரசியல்ரீதியாகவும் தொழில்நுட்ப ரீதியாகவும் பொருளாதார ரீதியாகவும் இந்த மாற்றங்கள் குறிப்பிடத்தக்கவை. இந்தப் பின்புலத்தில், இப்போதைய நிலைவரத்தை எவ்வாறு புரிந்துகொள்வது?  நீண்ட நெடிய போரில் இருந்தான அமெரிக்காவின் வெளியேற்றம் சொல்லுகின்ற செய்தி என்ன? 
      இலங்கையில் குறிப்பாகத் தமிழர்களினதும் தாராண்மைவாதிகளினதும் மிகவும் நம்பிக்கைக்குரிய ‘சர்வதேச சமூகத்தின்’ நடத்தை எதை விளக்குகிறது?
       ஒடுக்கப்படும் சமூகங்களின் விடுதலைக்கான பாதையை, இந்தப் புதிய ஒழுங்கில் எவ்வாறு கட்டமைப்பது?
      இக்கேள்விகள் அனைத்தினதும் அடிப்படையில் உருவாகின்ற புதிய திசைவழிகளும்  உருவாகும் அரங்குகளும் அதன் அரங்காடிகளும் ஏற்படுத்தப்போகும் புதிய ஒழுங்கின் முரண்பாடுகள் கட்டமைக்கும் போரொழுங்கின் முதலாவது அத்தியாயத்தை ஆப்கானிஸ்தான் பரிசளித்திருக்கிறது. 
      இவை குறித்து, ஆழமான வரலாற்றுப்புலம், அரசறிவியல் கோட்பாட்டுருவாக்கம் ஆகியவற்றின் அடிப்படையில் நோக்கும் முயற்சியே இத்தொடர் ஆகும்.
      2001ஆம் ஆண்டு செப்டெம்பர் மாதம் 11ஆம் திகதி, அமெரிக்காவின் இரட்டைக் கோபுரங்கள் மீதான தாக்குதல் ஏற்படுத்திய அதிர்ச்சியின் எதிர்வினையே, ஆப்கான் மீதான அமெரிக்காவின் போர். 
      இந்தத் தாக்குதல் இரண்டு விடயங்களைச் சாதித்தது. முதலாவது, கெடுபிடிப்போரின் பின்னரான உலக ஒழுங்கின் தனிப்பெரும் தலைவனாகவும் பாதுகாப்பு, உளவுபார்த்தல் ஆகியவற்றின் நாயனாகவும் தன்னை உருவகப்படுத்திக் கொண்டிருந்த அமெரிக்காவின் பிம்பத்தை உடைத்தது. 
      இரண்டாவது, தன்னைத் தன்னிகரல்லாத தலைவனாகக் காட்டிக்கொள்ள ‘பயங்கரவாத்துக்கு எதிரான போர்’ என்ற ஒன்றைத் தொடங்கி, அச் செல்நெறியைப் பொதுமையாக்கியது. “நீங்கள் எங்களோடு இருக்கிறீர்கள்; அல்லது, பயங்கரவாதிகளோடு இருக்கிறீர்கள்” என்ற அன்றைய அமெரிக்க ஜனாதிபதியின் வார்த்தைகள், அமெரிக்காவுக்கு ஆதரவு தராதவர்கள் பயங்கரவாதிகள் என்ற கதையாடலை உருவாக்கியது. 
      இரட்டைக் கோபுரத் தாக்குதல்கள் குறித்த பல கேள்விகளுக்கு இன்றுவரை பதில் கிடைக்கவில்லை. ஆனால், எழுப்பப்பட்ட சந்தேகங்கள் நியாயமானவை. அதில், சிலவற்றை இங்கே பார்க்கலாம். 
      இவ்வளவு நுட்பமாக ஒரு தாக்குதலை நடத்துவதற்கான திட்டமிடலும் அதை உலகின் தலைசிறந்த உளவு நிறுவனங்கள் உள்ள அமெரிக்காவில் செய்து முடிப்பதும், அமெரிக்காவுக்குள் எவருடைய உதவியும் இல்லாமல் நடந்திருக்க இயலுமா? 
      அத்தாக்குதல், இஸ்லாமிய தீவிரவாதிகள் எவரும் இலக்கு வைக்க விரும்பக்கூடிய யூதப் பெருவணிகர்கள்,  கட்டடத்துக்குள் நுழைவதற்கு  முன்னரே ஏன் நடந்தது? 
      இத்தாக்குதல், அமெரிக்கப் பொருளாதாரத்துக்குக் குறிப்பிடத்தக்க தீங்கு எதையும் செய்துள்ளதா? இதனால், உலகின் ஆயுதப் பெரு வல்லரசு என்ற அமெரிக்காவின் தகுதிக்கு, எவ்விதமான கேடும் நேர்ந் துள்ளதா? இவை நியாயமான கேள்விகளே! ஆனால், இதன் பொருள் இதை இஸ்லாமியத் தீவிரவாதிகள் செய்யவில்லை என்ற வாதமில்லை என்பதையும் அடிக்கோடிட வேண்டும். 
      பல அமெரிக்க ஆய்வாளர்கள், மூன்று முக்கியமான விடயங்களைத் தொடர்ச்சியாகச் சுட்டிக்காட்டிய வண்ணம் உள்ளார்கள். 
      முதலாவது, இரட்டைக் கோபுரத்தின் மீது நடந்த விமானத் தாக்குதல் பற்றிய பல உண்மைகள், இன்னமும் அமெரிக்க மக்களுக்குக் கூறப்படவில்லை. தகவல்கள் மறைக்கப்படுவது, சந்தேகங்களை அதிகரிக்கின்றதேயன்றி தீர்க்கவில்லை. 
      இரண்டாவது, அமெரிக்க அரசின் உளவு நிறுவனம் ஒன்று, அமெரிக்க முதலாளி வர்க்கத்தில் எவருக்கும் உடல் சேதம் இல்லாமல் ஒரு பயங்கர படுகொலையை நடத்தியிருக்க இயலாதா என்பது, நாம் புறக்கணிக்கக்கூடிய வினாவல்ல. 
      மூன்றாவது, இத்தாக்குதல் அமெரிக்க பொருளாதாரத்துக்குக் குறிப்பிடத்தக்க பாதிப்பையோ, பின்னடைவையோ ஏற்படுத்தவில்லை. 
      இவ்விடத்தில், பேராசிரியர் மிசல் சவ்சிடொஸ்கி எழுதிய ‘America’s “War on Terrorism’ என்ற நூல் சில முக்கியமான வாதங்களை முன்வைக்கிறது. இதன்படி, அமெரிக்கா முன்னெடுத்த பயங்கரவாதத்துக்கு எதிரான யுத்தமென்பது, ஆண்டொன்றுக்கு 40 பில்லியன் அமெரிக்க டொலர்  செலவழிக்கின்ற அமெரிக்க புலனாய்வு நிறுவனத்தை, ஒசாமா பின்லாடன் என்ற ஒரு தனிமனிதன் மிஞ்சினான் என்ற மாயையில் கட்டமைக்கப்பட்டது. அமெரிக்கப் பெரு நிறுவனங்களாலும், இராணுவ-வர்த்தகக் கூட்டாளிகளாலும் முன்னெடுக்கப்பட்ட உலகைச் சுரண்டுவதற்கான ஒரு முன்னேற்பாடே இது. இந்தப் புத்தகம், ஒசாமா பின்லாடன் இருந்த பாகிஸ்தான் வீட்டின் புத்தக அலுமாரியில் இருந்த புத்தகங்களில் ஒன்றாகும். 
      இதன் பின்னணியிலேயே, 9/11 தாக்குதலின் எதிர்வினைகளை நோக்க வேண்டியுள்ளது. அமெரிக்கா, சோவியத் ஒன்றியம் ஆகிய நாடுகளுக்கிடையிலான கெடுபிடிப்போர் முடிவடைந்து, ஒரு தசாப்தகாலம் நிறைவடைந்திருந்த நிலையில், அமெரிக்கா தனது ஆதிக்கத்தையும் செல்வாக்கையும் விரிவுபடுத்துவதற்கான ஒரு வாய்ப்பையும் அதற்கான தர்க்க நியாயத்தையும் எதிர்பார்த்துக் காத்திருந்தது.
      இந்நிலையில், இத்தாக்குதல் அமெரிக்காவின் ஆதிக்க முனைப்பை நியாயப்படுத்துவதற்கான ஒரு வலிய கருவியாகியது. இதன் வழி, அமெரிக்காவால் ஒரு புதிய உலக ஆதிக்க வேலைத் திட்டத்தைத் தொடக்கி வைக்க முடிந்துள்ளது. அத்துடன், திருப்பித் தாக்கும் வலிமையற்ற எந்த நாட்டின் மீதும், எவ்வித நியாயமுமின்றி போர் தொடுக்க அதற்கு இயலுகிறது.
      9/11 தாக்குதல்களில் சம்பந்தப்பட்டவர்களுக்கும் சவூதி அரேபியாவுக்கும் நெருங்கிய தொடர்புகள் இருந்தன. ஆனால், அதுகுறித்துப் பேசப்படவில்லை. ஆப்கானிஸ்தான் மீதே ஆக்கிரமிப்புப் போர் தொடுக்கப்பட்டது.
      “தாக்குதலுக்குக் காரணமான ஒசாமா பின்லாடனும் அல்கைடாவும் ஆப்கானில் இருக்கிறார்கள். எனவே, அவர்களை அழித்து, அவர்களுக்கு ஆதரவான தலிபான்களை ஆட்சியில் இருந்து அகற்றவே போர்” என்று அமெரிக்காவும் அதன் கூட்டாளிகளும் கூறினார்கள். ஒரு தசாப்தற்கு முன்னர், ஆப்கானில் சோவியத் ஒன்றியத்தின் ஆதரவுடன் நிறுவப்பட்ட ஓர் ஆட்சியைக் கவிழ்க்க, அமெரிக்காவும் சவூதி அரேபியாவும் ஊட்டி வளர்த்த தலிபான்களையே, அமெரிக்கா எதிரியாக்கியது என்பது முரண்நகை. 
      இன்று, 20 ஆண்டுகள் கடந்துவிட்ட நிலையில், மேற்குலகில் அமெரிக்க இரட்டைக் கோபுரங்கள் மீதான தாக்குதலைத் தொடர்ந்த பயங்கரவாத்துக்கு  எதிரான யுத்தமும், அதைச் சூழந்து கட்டமைக்கப்பட்ட கதையாடல்களும் அமெரிக்க - ஐரோப்பிய சமூகங்களில் இரண்டு விடயங்களைச் சாதித்துள்ளன. 
      முதலாவது, பொதுமையாக்கப்பட்டுள்ள ‘இஸ்லாமியப் பகைமை’. இரண்டாவது, முனைப்படைந்து முன்னிலைபெற்றுள்ள வெள்ளை நிறவாத அரசியலின் எழுச்சி. 
      கடந்த இரண்டு தசாப்தகாலத்தில், இஸ்லாமியப் பகைமை மேற்குலகையும் தாண்டி உலகின் பலநாடுகளில் முக்கிய போக்காக உள்ளது. மறுபுறம், வெள்ளை நிறவாதம், அரசியலின் மைய நீரோட்டத்தின் பகுதியாகி உள்ளது. மேற்குலகம் கொண்டாடிய ‘பன்மைத்துவ சமூகத்துக்கு’ வேட்டு வைத்துள்ளது. 
      கவனிப்புக்குரியது யாதெனில், இவ்விரண்டும் பாசிசத் தன்மைகளைக் கொண்டவை. அதனோடு சேர்ந்து, ஜனநாயக மறுப்பும் புதிய வடிவங்களில் நிறுவனமயமாகிறது. ஐரோப்பாவில், நவ பாசிசம் புதிய உத்வேகம் பெற்றுள்ளது. நிறவாதமும் அந்நிய குரோதமும் பொருளாதார நெருக்கடியாலும் பெருந்தொற்றாலும் வலுப்பெற்றுள்ளன.
      பயங்கரவாதத்துக்கு எதிரான போரில் பங்காளியாவதன் மூலம், அரசுகள் தாம் எதிர்நோக்கும் நெருக்கடிகளை, சவால்களை பயங்கரவாதம் என முத்திரை குத்துவது நடந்துள்ளது. இது, பல விடுதலைப் போராட்டங்களுக்குப் பாரிய பின்னடைவை ஏற்படுத்தியுள்ளது. பல விடுதலைப் போராட்ட அமைப்புகள், இயக்கங்கள் பயங்கரவாதப் பட்டியலில் இணைக்கப்பட்டுள்ளன. 
      அமெரிக்காவுக்கு உவப்பற்ற நாடுகள், பயங்கரவாதத்தை ஆதரிக்கும் நாடுகளாக அடையாளப்படுத்தப்பட்டன. ஆப்கானில் தொடங்கிய பயங்கரவாதத்துக்கு  எதிரான யுத்தம், மிகக்குறைவான காலத்தில், ‘பயங்கரவாத்துக்கு எதிரான உலகளாவிய போர்’ என்ற சொல்லாடலால் அழைக்கப்பட்டது. இதைப் பயன்படுத்தி, போர்களும் தாக்குதல்களும் ஆப்கானைத் தாண்டி அரங்கேறத் தொடங்கின. 
      ஒருபுறம் ஈராக், லிபியா, சிரியா என்று ஆக்கிரமிப்புகள் தொடர்ந்தன. மறுபுறம், பல நாடுகளில் தாக்குதல்கள் மேற்கொள்ளப்பட்டன. இதற்கு நல்ல உதாரணம், சூடானில் ஒரு மருந்துப் பொருள் உற்பத்தி தொழிற்சாலை மீது நடத்தப்பட்ட விமானத் தாக்குதலும் தென் சூடானில் பிரிவினைவாத ஊக்குவிப்பும் அங்கும் ஓர் ஆட்சிக் கவிழ்ப்பை நோக்காக் கொண்டிருந்தன. 
      (அடுத்த வௌ்ளிக்கிழமை தொடரும்) 
       
      https://www.tamilmirror.lk/சிறப்பு-கட்டுரைகள்/ஆப்கானிஸ்தான்-ஒரு-முடிவும்-ஒரு-தொடக்கமும்/91-280045
    • By கிருபன்
      இலங்கையில் சீனா: விளங்கிக் கொள்ளலும் வினையாற்றலும்
      தெ. ஞாலசீர்த்தி மீநிலங்கோ   
      இலங்கையின் சீனாவின் ஆதிக்கம் இப்போது முக்கிய பேசுபொருளாகியுள்ளது. இலங்கையின் தற்போதைய கவலைக்கிடமான நிலைக்கு சீனாவே காரணம் என்று கருதுபவர்கள் இருக்கிறார்கள்.   
      இந்தியாவை மீறி, இலங்கையில் அதிகரிக்கும் சீனா ஆதிக்கம் தமிழர்களுக்கு ஆபத்தானது என நினைப்பவர்கள் இருக்கிறார்கள்.   
      இலங்கையை இந்தியாவுக்கோ அமெரிக்காவுக்கோ தாரைவார்த்தாலும் சீனாவை இலங்கையில் அனுமதிக்கக்கூடாது என்று கூறுபவர்கள் இருக்கிறார்கள்.   
      இவ்வாறு, சீனா குறித்த பல கருத்துகளை நாளும் நாம் கேட்கவும் வாசிக்கவும் கிடைக்கிறது. இங்கு மூன்று கேள்விகள் எழுகின்றன.   
      முதலாவது, நாம் சீனாவை விளங்கி இருக்கிறோமா?   
      இரண்டாவது, ஏற்கெனவே இருக்கின்ற சட்டகங்களின் வழி, சீனாவை விளங்கிக் கொள்ளவியலுமா?   
      மூன்றாவது, சீனாவுக்கு நாம் எவ்வாறு எதை எப்போது வினையாற்றுவது?  
      இந்த மூன்று கேள்விகளையும் சற்று விரிவாக, பகுதிகளாக ஆராயும் முயற்சியின் தொடக்கமிது.   
      இலங்கையில் சீனாவின் ஆதிக்கம் குறித்து, இலங்கையின் முதன்மையான அரசறிவியலாளரான பேராசிரியர் ஜெயதேவ உயன்கொட, “இலங்கையில் சீனாவின் அதிகரிக்கும் கரிசனை, அரசியலை விடப் பொருளாதார நோக்கங்களை அதிகமாகக் கொண்டது. சீனா பொருளாதார தர்க்கத்தின் (economic logic) அடிப்படையிலேயே செயற்படுகிறது. அதனடிப்படையில் அது இலங்கையில் அதிகளவான பொருளாதார மூலதனத்தை விரும்புகிறது. இலங்கையர்கள், அமெரிக்க கண்ணுடன் சீனாவைப் பார்க்கக்கூடாது. சீனாவை வில்லனாக்குவது அதிகளவில் இடம்பெறுகிறது. சீனாவை வில்லனாகச் சித்திரிப்பது அமெரிக்காவின் புதிய கெடுபிடிப்போரின் வெளிப்பாடு. சீனாவுடனான இந்தியாவின் முரண்பாடு இதன் ஒரு பகுதியே” என்று கூறுகின்றார்.   
      பேராசிரியர் உயன்கொட, சில முக்கியமானதும் ஆழமானதுமான செய்திகளை இங்கே சுருக்கமாகச் சொல்லியிருக்கிறார்.   
      மாஓ சேதுங் தனது வழிகாட்டலில் முன்னகர்த்திய சீனாவுக்கும் அவரது மறைவுக்குப் பின்னர், டென்சியோபிங் முன்னெடுத்த முதலாளித்துவத்தை நோக்கிய பொருளாதார அரசியல் மாதிரியில் அமைந்த சீனாவுக்கும் வேறுபாடுகள் அதிகம். இந்த வேறுபாட்டை உணராதவர்கள் தான், இன்னமும் ‘சோசலிச சீனா’ என்று சொல்கிறார்கள்.   
      சீனாவின் வரலாற்றின் முக்கிய அம்சம், 1949ஆம் ஆண்டு நிகழ்த்தப்பட்ட புரட்சியாகும். உலக வரலாற்றில் ரஷ்ய புரட்சிக்குப் பின்னரான அதிமுக்கிய அரசியல் நிகழ்வு சீனப் புரட்சியாகும்.   
      1949ஆம் ஆண்டு ஒக்டோபர் மாதம் முதலாம் திகதி அந்நிய ஆட்சியைத் தூக்கியெறித்து நிகழ்த்திய சீன விடுதலைப் பிரகடனம், சீனாவின் விடுதலையை மட்டுமன்றிக் கொலனி ஆட்சிக்கு உட்பட்ட ஒவ்வொரு நாட்டிலும் வருவதற்கிருந்த விடுதலை எழுச்சிகளையும் எடுத்துரைப்பதாக அமைந்தது.   
      சீனா பற்றிய தகவல் திரிபு, இந்தியாவில் 1961ஆம் ஆண்டு முதல் தீவிரமாக இருந்து வந்துள்ளது. சீனாவிலிருந்து வெளிவருகிற நூல்கள், சஞ்சிகைகள் மீது தடை இருந்து வந்துள்ளது. இவை, அண்மைக் காலங்களில் கணிசமான நெகிழ்வுக்கு உட்பட்டாலும் சீனாவைப் பகைமையாக நோக்குகிற போக்குக்குப் பின்னால், இந்திய மேலாதிக்க நிறுவனமும் இப்போது அமெரிக்காவுடனான நெருக்கமும் பெரிய காரணங்களாக உள்ளன.   
      இந்தப் போக்கு, ஈழத்தில் தமிழர்கள் மத்தியிலும் இருந்தது. இந்தியாவின் கண்களின் ஊடாக, சீனாவைப் பார்க்கும் போக்கின் விளைவு இது. ஈழத்தில் தமிழ்த் தேசியவாதிகளிடையே, சீன எதிர்ப்புக்கு முக்கியமான காரணம் இத்தேசியவாதிகளின் சமூகநீதி மறுப்பையும் உயர்வர்க்க நடைமுறைகளையும் எதிர்த்தும் அம்பலப்படுத்தியும் வந்தவர்கள் இடதுசாரிகளாவர்.   
      கம்யூனிஸ்ட் கட்சியும் சமசமாஜக் கட்சியும் சீரழிந்து போன பிறகு, ‘சீன சார்பு’ கம்யூனிஸ்ட்டுகள் எனப்பட்டோரே, இலங்கையின் வடக்கில் காத்திரமான இடதுசாரிகளாக இருந்தனர். இதுவே தமிழ்த் தேசியவாதிகளுக்கு மிகுந்த சங்கடத்தைக் கொடுத்தது. 1960கள் தொட்டு, தமிழர்களிடையே சீனவிரோதம் தீவிரமாகப் பரப்பப்பட்டது.   
      இதில் கவனிக்கத்தக்க விடயமொன்றுண்டு. சீனா ஏகாதிபத்திய எதிர்ப்பின் அதி முக்கியமான சக்தியாக இருந்த 1960களிலும் 1970களிலும் தமிழ்த் தேசியவாதிகளின் சீன எதிர்ப்பு, மிகத் தீவிரமாக இருந்தது. அந்த எதிர்ப்பை நாம், அவர்களது ஏகாதிபத்தியச் சார்பான பார்வையிலிருந்து பிரித்துப் பார்க்க இயலாது. அது, உலகின் சகல கொலனிய எதிர்ப்புப் போராட்டங்களிலும் அக்கறையின்மையாக வெளிப்பட்டது.   
      அமெரிக்க ஆக்கிரமிப்புக்கு எதிரான போரட்டங்களைக் கம்யூனிச வன்முறையாகவும் அமைதியைக் குலைக்கும் கலவரங்களாகவும் அது காண முற்பட்டது. உலகின் எந்த மூலையில் நடந்த விடுதலைப் போராட்டத்தையும் ஆதரிக்க முன்வராத தமிழ்த் தேசியவாதம் சீனாவிலும் சோவியத் யூனியனிலும் கிளறிவிடப்பட்ட கலவரங்களை மெச்சத்தவறியதில்லை. உலகின் பல நாடுகளில் நடந்த விடுதலைப்போராட்டங்களை அங்கிகரிக்காத ஆதரவு வழங்காத வரலாறு தமிழ்த் தேசியவாதிகளின் வரலாறு.   
      சீனாவை விளங்குவதற்கு சீனாவின் அயலுறவுக் கொள்கைகளை விளங்குவது பிரதானமானது. அதன்வழியே சீனாவின் நடத்தையை விளங்கிக் கொள்ள முடியும். சீனாவின் அயலறலுக் கொள்கை சீனப் புரட்சியைத் தொடர்ந்து 1950களில் ஐந்து அடிப்படைகளில் உருவாக்கப்பட்டது. 
      1.நாடுகளது இறைமையையும் பிரதேச ஒருமைப்பாட்டையும் பரஸ்பரம் மதித்தல்
      2. பரஸ்பர ஆக்கிரமிப்பின்மை 
      3. ஒருநாடு மற்றதன் உள் அலுவல்களில் தலையிடாமை 
      4. சமத்துவமும் பரஸ்பர நன்மையும் 
      5. சமாதானமாக உடனிருத்தல்   
      இவையே சீனாவின் அயலுறவுக் கொள்கைகளைக் தீர்மானிப்பவையாக இருக்கின்றன. இந்த அணுகுமுறை, மேற்குலக நாடுகளினதும் இந்தியாவினதும் அணுகுமுறையிலிருந்து மிகவும் வேறுபட்டது.   
      இன்று, சீனா சோசலிசத்திலிருந்து நகர்ந்துவிட்டபோதும் இதன் அம்சங்களே இன்றும் சீனாவை வழிநடத்துகின்றன. இவ்வடிப்படைகளே கெடுபிடிப்போர் உச்சமடையத் தொடங்கியதன் பின்னர், உருவான மூன்றாவது அணியான அணிசேரா நாடுகளாலும் ஏற்றுக்கொள்ளப்பட்ட சர்வதேச உறவுகளுக்கான அடிப்படையாயிற்று.  
      இங்கு கவனிக்க வேண்டியது, சீனாவின் அயல் உறவுகளின் தன்மை கடந்த கால் நூற்றாண்டுக்குள் சீனாவின் பொருளாதாரம் கண்ட பெரும் மாற்றத்தாலும் அதன் விளைவான பெரிய ஆனால் சமனற்ற வளர்ச்சியால் பாதிக்கப்பட்டுள்ளது. 
      சீனா இன்று எண்ணெய் உட்பட பல்வேறு மூலப் பெருட்களின் உற்பத்தியின் மீது தங்கியுள்ளது. அதை விடச், சீனாவின் வணிக நிறுவனங்கள் மூன்றாமுலக நாடுகளில் பெருமளவில் அளவில் முதலீடுகளைச் செய்துள்ளன. எனவே சீனாவுக்குத் தனது அயல் வணிகத்தையும் முதலீடுகளையும் காப்பாற்றும் ஒரு நிர்ப்பந்தம் உள்ளது. இன்றுவரை சீனா இராணுவ முறையில் அதைக் கையாள முற்படவில்லை என்பது கவனிக்கத்தக்கது. இவ்வகையில் அமெரிக்காவின் அயலுறவுக் கொள்கையில் இருந்து சீனா வேறுபட்டு நிற்கிறது.   
      இலங்கையுடனான சீனாவின் உறவு மிக நீண்டதும் முக்கியமானதுமாகும். கொரியப் போரின் போது அமெரிக்கா சீனாவுக்கு எதிரான வணிகத் தடையை விதித்திருந்த நிலையில் அதை மீறி, இலங்கையின் அன்றைய நிதி நெருக்கடியைச் சமாளிக்க சீனாவுடன் ‘அரிசி- இறப்பர் வர்த்தக உடன்படிக்கை’ ஒன்றை ஆட்சியிலிருந்த ஐக்கிய தேசிய கட்சி அரசாங்கம் 1952ஆம் ஆண்டு செய்து கொண்டது. 
      இலங்கைக்கு மிகவும் சாதகமான முறையில் சீனா வாங்கும் விலையை உலகச் சந்தையை விடக் கூடுதலாகவும் இலங்கை வாங்கும் விலையைக் குறைவாகவும் நிர்ணயித்தது. இதன் பலன்களை இருபதாண்டுகளுக்கு மேலாக இலங்கை அனுபவித்தது. இதுவே இலங்கை-சீன நட்புறவின் அத்திவாரமாகியது. இன்றுவரை இலங்கை செய்துகொண்ட வர்த்தக உடன்படிக்கைகளில் இலங்கைக்கு மிகுந்த பயன்விளைவித்ததும் நீண்டகாலம் நிலைத்ததுமான உடன்படிக்கை இதுவென்பது குறிப்பிடத்தக்கது. 
      இந்த உடன்படிக்கையையொட்டி நிகழ்ந்த நிகழ்வுகள் இலங்கை வரலாற்றை அறிய விரும்புபவர்களுக்கு மிகவும் முக்கியமானது. எஸ்.பி. அமரசிங்கம் எழுதிய ‘Rice and Rubber: The Story of China-Ceylon Trade’ இது குறித்த விரிவான தகவல்களைத் தருகிறது.   
      (அடுத்தவாரம் தொடரும்)
      https://www.tamilmirror.lk/சிறப்பு-கட்டுரைகள்/இலங்கையில்-சீனா-விளங்கிக்-கொள்ளலும்-வினையாற்றலும்/91-276240
       
       
       
       
    • By கிருபன்
      ஈழத்தமிழரின் இன்றைய சவால்: நாம் மனந்திறந்து பேசுவது எப்போது?
      தெ. ஞாலசீர்த்தி மீநிலங்கோ
      இன்று, தமிழ் மக்களின் அடிப்படைப் பிரச்சினை என்ன? என்ற கேள்விக்கான ஒருமித்த பதிலை, ஈழத்தமிழ்ச் சமூகத்தால் சொல்லிவிட முடியாது. 
      அதேபோலவே, ஈழத்தமிழர் என்ற வரையறைக்குள், யாரெல்லாம் அடங்குகின்றார்கள் என்பதற்கும் ஒருமித்த பதில் இல்லை. 
      யாழ்ப்பாணத் தமிழர்கள், இலங்கையில் வாழும் எல்லாத் தமிழர்களையும் ஈழத்தமிழர்களாகக் கருத விரும்புகிறார்கள். ஆனால், ஏனைய பகுதிகளில் வாழும் தமிழர்கள், தங்களை ஈழத்தமிழர்களாக அடையாளம் காட்ட விரும்புகிறார்களா என்ற கேள்வி இயல்பானது. அகஒடுக்குமுறைகள் நிரம்பிக் கிடக்கின்ற சமூகமொன்றில், புறஒடுக்குமுறையின் காரணமாக, அகஒடுக்குமுறைகளை மிகக் கொடூரமான முறையில், அரைநூற்றாண்டுக்கும் மேலாகத் தொடர்ந்த ஒரு சமூகம் எம்முடையது என்ற உண்மையை ஏற்க, நாம் இப்போதாவது தயாராக இருக்கிறோமா?
      இலங்கையில் வாழும் தமிழரின் கடந்த ஒரு நூற்றாண்டுகால வரலாற்றின் இருண்ட பக்கங்களைப் பேசவோ, சுயவிமர்சனம் செய்யவோ நாம் தயாராக இல்லாதவரை, ‘தமிழர் ஒற்றுமை’ என்ற கோஷம் வலுவற்றது. 
      பொன்னம்பலம் இராமநாதன், ஆறுமுகநாவலர் ஆகியோரில் தொடங்கி, வேலுப்பிள்ளை பிரபாகரன் வரை இதயசுத்தியோடு நாம் சுயவிமர்சனம் செய்தாக வேண்டும். ஒரு ஜனநாயகப் பண்புள்ள சமூகத்தின் முக்கியமான குறிகாட்டி அது. தந்தையாகட்டும் தமையனாகட்டும் தம்பியாகட்டும், எவருமே கேள்விகளுக்கு அப்பாற்பட்டவர்கள் அல்ல!

      கடந்த ஒரு நூற்றாண்டில், தமிழ்த் தேசியவாதம் பல்வேறு வடிவங்களை எடுத்தாலும், அது வலியுறுத்தி வந்த நலன்கள் வசதிபடைத்த, சமூகத்தின் மேல் நிலையிலிருந்து வந்தவர்களினதும் மேல் நிலையாக்கம் பெற்றவர்களினதும் நலன்களாகவே இருந்து வந்துள்ளன. 
      தமிழ் மக்கள், ஒடுக்கப்பட்ட சனங்கள் என்பதை, நமது தலைமைகள் என்றுமே விளங்கிக் கொண்டதில்லை. தமிழ்த் தலைமைகள், இன விடுதலையைப் பற்றி பேசியிருக்கிறார்கள். ஆனால், அது முழுச் சமூகத்தினதும் விடுதலையைப் பற்றியதாக இருந்ததில்லை. 
      உண்மையில், தமிழ்ச் சமூகத்துக்குள் இருந்து வரும் பல சமூகக் கொடுமைகளையும் அநீதிகளையும் பற்றிப் பேசுவது, தமிழரின் ஒற்றுமைக்குக் கேடானது என்று தான் நமக்குச் சொல்லப்பட்டு வந்துள்ளது. இன்னொரு புறம், ‘தமிழ் பேசும் மக்கள்’ என்ற தேசிய கருத்தாக்கம் முன்வைக்கப்பட்டது. ஆனால், அந்தத் தமிழ் பேசும் மக்கள் அனைவருக்கும் பொதுவாக, தமிழ் மொழியை விட, வேறெந்தச் சமூக அரசியல் அடையாளமும் முன்வைக்கப்படவில்லை. உண்மையில், தமிழ் பேசும் மக்களின் பிரச்சினைகளுக்குத் தீர்வாக முன்வைக்கப்பட்ட சமஷ்டிக் கோரிக்கை, அந்த மக்களின் ஏகப் பெரும்பான்மையினரின் நிலையைப் பற்றிக் கவனம்காட்டவில்லை. 
      1956இல், ‘சிங்களமே அரசகரும மொழி’ என்ற அரசியல் கோஷம் எழுந்ததையொட்டி, தமிழ்த் தேசிய அரசியல் வெறும் ‘மொழி உணர்ச்சி’ அரசியலாகியது. தமிழ் மக்களின் இருப்பை மிரட்டலுக்கு உட்படுத்திய திட்டமிட்ட குடியேற்றங்கள் பற்றிப் பேசப்பட்டது. ஆனால், நடைமுறையில் பயனுற எதுவுமே செய்யப்படவில்லை. அதற்கான முக்கிய காரணங்களில் சில, குடாநாட்டின் சமூக அமைப்புடன் தொடர்புடையவை. 
      தென்னிலங்கையில் ஒரிரு நகரங்களில் (குறிப்பாகக் கொழும்பில்) வாழ்ந்துவந்த வசதிபடைத்த தமிழர்களைப் பற்றிய கவலையை விட்டால், குடாநாட்டுக்கு  வெளியே வேறெந்த அரசியல் அக்கறையும் அற்றதாகவே, தமிழ்த் தேசியவாதச் சிந்தனை தோற்றம் பெற்றது. 
      அது, ‘தமிழீழம்’ என்றோ தேசிய சுயநிர்ணய உரிமை என்றோ, தன்னை அறிவிக்காது தமிழினம், தமிழ் மக்கள் என்று பேசிய காலத்திலும், அதன் அரசியல் யாழ்ப்பாணக் குடாநாட்டை மையப்படுத்தியதாகவே இருந்தது. மொழியைப் பற்றிப் பேசப்பட்டாலும், தொடக்க நிலையில் சைவ-வேளாள உயர் வர்க்க நலன்களை விட, வேறெதற்கும் அரசியல் முக்கியத்துவம் இருக்கவில்லை. 
      விலக்கான ஒரு போக்காக, யாழ்ப்பாண வாலிபர் காங்கிரஸ் இருந்தது. அது, ஒரு புறம் இலங்கை என்ற அடிப்படையிலும் இன்னொரு புறம், தமிழ்ச் சமூகத்துக்குள் சமூக அநீதியைப் பற்றியும் பேசியது. முழு இலங்கையும் கொலனிய ஆட்சியில் இருந்து விடுதலை என்ற கருத்தை, முதன் முதலில் முன்வைத்த அமைப்பு என்ற பெருமையும் அதற்குரியது. அதன் வீழ்ச்சியும் அதனிடத்தில் தமிழ் காங்கிரஸின் வருகையும் பழைமைவாத அரசியலின் வெற்றியை அடையாளப்படுத்தின. 
      தமிழரசுக் கட்சியின் வருகை, யாழ்ப்பாண மையப்பட்ட அரசியலிருந்து நாடளாவிய அரசியலை நோக்கிய நகர்வு என்பது, வெறும் மாயை என்பது 1956க்கும் பின்பு வேகமாகவே தெளிவாகியது. 
      தமிழ் மக்கள் ஒரு சிறுபான்மைத் தேசிய இனம் என்பதுடன், அவர்களது விடுதலையும் விமோசனமும் பல்வேறு தளங்களில் ஒற்றுமைப்பட்ட போராட்டங்களை வேண்டி நின்றன என்ற உண்மை, எந்தத் தமிழ் தலைமைக்கும் உறைக்கவில்லை. 

      சமஷ்டி வேண்டி நின்ற போதும் தமிழீழம் வேண்டி நின்ற போதும், இன்று அயல் நாடுகளின் தயவிலே தான் தமிழ் மக்களுக்கு எதையாவது பெற்றுத் தர இயலும் என்று புலம்புகிற நிலையிலும், தமிழ் மக்கள் தமது விடுதலையை வெல்ல யாருடன், எந்த அடிப்படையில் ஐக்கியப்படுவது என்பதைப் பற்றித் தமிழ்த் தலைவர்கள் பேச மறுத்தே வந்துள்ளனர். 
      முஸ்லிம்களுக்கும் மலையகத் தமிழருக்கும் தலைமைதாங்கி வழிநடத்தும் தகைமையோ உரிமையோ, தமிழ்த் தேசியவாதிகளுக்கு அன்றும் இல்லை; இனியும் இல்லை. ஆனாலும், இன்றும் கூட, முஸ்லிம்களினதும் மலையகத் தமிழரினதும் தனித்துவத்தையும் தேசிய இன அடையாளத்தையும் ஏற்க மறுக்கிற போக்குத் தொடர்கிறது.  
      அச்சமூகங்களைத் தேசிய இனங்களாக ஏற்க ஆயத்தமாக உள்ளவர்கள் இடையிலும், அவர்களது விடுதலையையும் தமிழ் மக்களுடைய விடுதலையையும் எப்படி இணைப்பது என்ற சிந்தனை எதுவும் இல்லை. இந்த இயலாமை, இத் தேசிய இனங்கள் இரண்டும், பயனற்றதும் சுயநலமும் கொண்ட  தலைமைகளின் ஆதிக்கத்தில் தொடர்ந்தும் இருக்கவே உதவியுள்ளன. 
      தமிழ் மக்களின் ஒன்றுமையைப் பற்றிப் பேசப்படுகிறது. ஆனால், தமிழ் மக்கள் நடுவே பண்பாட்டின் பேராலும் மரபின் பேராலும் பெண்கள் மீதும் தாழ்த்தப்பட்ட சமூகத்தினர் மீதும் ஆதிக்கமும் அடக்குமுறையும் தொடருகின்றன. 
      அவற்றைப் பற்றிப் பேசுவற்குத் தடை விதிப்பதன் மூலம், அவை இல்லாமல் போய்விட மாட்டா. “அதைப் பேசி, ஒற்றுமையைக் குலைக்காதீர்கள்” என்ற குரல், புலம்பெயர்ந்தோரிடமிருந்தே இன்று அதிகமாக ஒலிக்கிறது. அதன் நோக்கம் அக்கறையல்ல; உள்ஒடுக்குமுறையைத் தொடர்வதில் உள்ள விருப்பின்றி வேறெதுவாக இருந்துவிட முடியும்.
      சில புலம்பெயர் குரல்களில் தெரிகின்ற காலாவதியான தன்மை, நகைப்பையே ஏற்படுத்துகிறது. போர் முடிந்து 12 ஆண்டுகள் கடந்துவிட்ட நிலையிலும், ‘வட்டுக்கோட்டை முதல் முள்ளிவாய்க்கால் வரை’யான வரலாற்றை மனந்திறந்து பேசுவதற்கு, எல்லாத் தமிழ்த் தேசியவாதிகளும் அஞ்சுகின்றனர். அவ்வாறு பேசுவது, தமிழ்த் தேசியவாத அரசியலின் 70 ஆண்டுகால வெறுமையை அம்பலப்படுத்துமென அவர்கள் அறிவார்கள். 
      தேசிய இனப்பிரச்சினைக்குத் தீர்வைத் தேடும் ஆற்றலின்மையை, மக்களிடமிருந்து மறைக்கவும் தமிழ் மக்களின் அரசியலைத் தமது குறுகிய நலன்சார் வரையறைகளுக்குள் கட்டுப்படுத்தவும், பல்வேறு நாடகங்கள் தொடர்ந்து அரங்கேறுகின்றன. ஒரு பகுதியினர் போர்க்குற்ற விசாரணைகளை மிக வலியுறுத்துகின்றனர். இன்னொரு பகுதியினர் அதை அடக்கி வாசித்தாலும், விசாரணைகளின் தேவையை வசதி கருதிப் பேசுகின்றனர். 
      ஒரு பகுதி, தமிழ்த் தேசமும் சிங்கள தேசமும் என்று இரு தேச அடிப்படையில் தேசிய இனப்பிரச்சினைக்குத் தீர்வு கோருகின்றனர். இவர்கள் வெளிப்படையாய் பிரிவினையை வலியுறுத்தத் தயங்கினாலும், அவர்களுடைய சைகைகள் யாவும் விடுதலைப் புலிகளின் அரசியலைத் தொடரும் முனைப்பைத் தமிழ் இளைஞர்களுக்கும் அதிருப்தியாளர்களுக்கும் மட்டுமன்றித் தென்னிலங்கையில் உள்ளவர்களுக்கும் உணர்த்துகின்றன. 
      தமிழ் மக்களுக்கான ஆபத்து, எல்லாத் தரப்புகளிடம் இருந்தும் காத்திருக்கின்றது என்பதுதான் அவலம். தமிழ் மக்களின் பிரதிநிதிகள் என்று தம்மைச் சொல்லும் எதிர்த்தரப்பும் அரசாங்கத்தில் அங்கம் வசிக்கும் ஆளும்தரப்புத் தமிழ்ப் பிரதிநிதிகளும், ஏமாற்றுவதில் ஒருவருக்கொருவர் சளைத்தவர்களல்ல என்பதைத் தொடர்ந்து நிரூபித்து வந்திருக்கிறார்கள். 
      தமிழ்ச்சமூகம் மனந்திறந்து பேசவேண்டும். அதற்கான களங்கள் அமைக்கப்பட வேண்டும். தமிழ்ச் சமூகம் என்பது, பரந்துபட்டதும் பலகுரல்கள் கொண்டதும் என்ற உண்மையை இனியாவது ஏற்போம். ‘ஒரே குரலில் பேசுவது’ என்பது சாத்தியமாகாது. “ஒரே குரலில் பேசவேண்டும்” என்று கேட்பதும் ஒருவித பாசிச மனநிலையாகும்.
      சிங்கள பௌத்த பேரினவாதம், தனது கொடுங்கரங்களால் இலங்கையின் சிறுபான்மைச் சமூகங்களை ஒடுக்குகிறது. இதற்கு முகங்கொடுப்பது இன்று தலையாய பிரச்சினை. இதனை இலங்கையில் வாழும் சிறுபான்மைச் சமூகங்கள் இணைவதன் மூலம் எதிர்கொள்ளமுடியும். 
      அந்த இணைவை சாத்தியமாக்க இயலாதபடி, இனவாதம் அனைத்து சமூகங்களிலும் வேரூன்றி உள்ளது. சிறுபான்மைச் சமூகங்கள் தமக்குள்ளும் ஏனைய சமூகங்களுடன் மனந்திறந்த உரையாடலைச் செய்தாக வேண்டும். 
       
      https://www.tamilmirror.lk/சிறப்பு-கட்டுரைகள்/ஈழத்தமிழரின்-இன்றைய-சவால்-நாம்-மனந்திறந்து-பேசுவது-எப்போது/91-275844
       
    • By கிருபன்
      ‘எம்.வி எக்ஸ்பிரஸ் பேர்ள்’ அனர்த்தம்: பதில்கள் இல்லாத கேள்விகள்
      தெ. ஞாலசீர்த்தி மீநிலங்கோ
      இலங்கையின் வரலாற்றில், மிகப்பெரிய சூழலியல் அனர்த்தம் நிகழ்ந்திருக்கிறது. வழமைபோல, அதை ஒரு செய்தியாக எம்மால் கடந்து போக முடிந்திருக்கிறது. இதை நினைக்கின்ற போது, ஒருகணம் விக்கித்து நின்றுவிட்டேன். இந்த அனர்த்தத்தின் தீவிரத்தை உணர்ந்த ஒவ்வொருவருக்கும், இந்த உணர்வு நிச்சயம் வந்திருக்கும். 
      கப்பல் அனர்த்தத்தின் ஆபத்து அத்தகையது; அதை எளிமையாக, இன்னொரு செய்தி போல நோக்கிய, இன்னமும் நோக்குகின்ற எமது சமூகத்தை என்னவென்று சொல்வது. பேச வேண்டிய இரண்டு முக்கியமான விடயங்களை, ஊடகங்களும் மக்களும் அமைதியாகக் கடந்து போகிறார்கள். 
      முதலாவது, இந்தப் பெருந்தொற்றைக் கையாளும் அரசாங்கத்தின் செயன்முறையும் தடுப்பூசி போடுவதில் நடக்கும் தகிடுதித்தங்களும் ஆகும். இரண்டாவது, எமது கடல்வளத்தையும் வாழ்வையும் சீரழித்துள்ள எக்ஸ்பிரஸ் பேர்ள்  அனர்த்தம் ஆகும். 
      இந்தப் பெருந்தொற்றில் இருந்து, இன்னும் சிலகாலத்தில் மீண்டுவிடலாம். ஆனால், எக்ஸ்பிரஸ் பேர்ள் அனர்த்தம், இன்னும் பல பத்தாண்டுகளுக்கு, மோசமான விளைவுகளை ஏற்படுத்தவல்லது. இது சார்ந்த நெருக்கடிகள் ஆழமானவை. இவை வெறுமனே, இந்தக் கப்பல் அனர்த்தத்துடன் மட்டும் முடிவடைந்து விடுவதில்லை. இதை நாம் உணராதவரை, எமக்கும் அடுத்தடுத்த தலைமுறைகளுக்கும்  ஆபத்துகள் காத்துக் கிடக்கின்றன. 
      இந்த அனர்த்தம் குறித்து உரையாடிய வேளையில், பலரின் கவலை “கொஞ்ச நாளைக்கு மீன் தின்னமுடியாது” என்றவாறாக இருந்தது. இன்னும் கொஞ்சப்பேர், “இது நடந்தது, கொழும்புக் கடலில்; அதனால், யாழ்ப்பாணத்தில் பிடிக்கின்ற மீன்களைச் சாப்பிடலாம்” என்றெல்லாம் கருத்துத் தெரிவித்தார்கள். 
      ஒருபுறம், இந்த அனர்த்தத்தை வெறுமனே மீன் தின்னும் பிரச்சினையாக மட்டும் பார்க்கப் பழகியிருக்கிறோம். இலங்கையில் திறந்த சந்தைப் பொருளாதாரம் அறிமுகப்படுத்தபட்ட இரண்டு தசாப்தங்களில், இலங்கையர்கள் நுகர்வு மனநிலைக்குப் பழக்கப்படுத்தப்பட்டு விட்டார்கள். அனைத்தையும் நுகர்வு நோக்கில், தன்னலப் பார்வையில் அவதானிக்கும், முடிவெடுக்கும் ஒரு சமூகமாக மாற்றமடைந்து விட்டார்கள். இதன் மோசமான விளைவுகளில் ஒன்றுதான், இந்த அனர்த்தத்தை அலட்சியமாகக் கடந்து செல்லும் மனநிலை.  
      இப்போது அக்கறை, இந்த அனர்த்தத்தால் எவ்வளவு இலாபம் கிடைக்கும் என்பது பற்றியது. யாருக்குக் கிடைக்கும், எவ்வாறு கிடைக்கும், என்ன வகையான இலாபம் என்பன, நீண்ட உரையாடலுக்கு உரியன. ஆனால், இந்த இலாபம் தொடர்பான சிந்தனைகள் எதுவும், அனர்த்தத்தின் பாதிப்புகள் பற்றியதாவோ, நீண்டகாலச் சூழலியல் விளைவுகள் பற்றியதாகவோ இல்லை.  
      இதன் பின்னணியில், நாம் கேட்கவேண்டிய கேள்விகள் பல உள்ளன. ஆனால் இந்தக் கேள்விகளுக்கான பதில்கள், என்றென்றைக்கும் எமக்குக் கிடைக்கப் போவதில்லை. சூழலியல் சார்ந்து அக்கறையற்ற எங்களது சமூகம், இதற்கான பதில்களை வேண்டப்போவதுமில்லை; அதற்காகப் போராடப் போவதுமில்லை. 
      அனர்த்தம் நிகழ்ந்து சில நாள்கள், அங்கொன்றும் இங்கொன்றுமாக சமூகவலைத்தளப் பதிவுகளை இட்டுவிட்டு, அடுத்த வேலையைப் பார்க்கும் சமூகத்திடம் எதிர்பார்க்க அதிகம் இல்லை. இந்த அனர்த்தம் குறித்த அனைத்துத் தரப்புகளின் மௌனம், ஒரு மிகப்பெரிய சமூகக் குறிகாட்டி. 
      அரசியல்ரீதியாகக் குறித்த நிகழ்வுக்குப் பொறுப்புக்கூற வேண்டியவர்கள், பழியை இன்னொருவர் தலையில் கட்டுவதில் குறியாக இருக்கிறார்கள். இதற்கும் ஓர்  ஆணைக்குழுவை உருவாக்கிக் காலம் கடத்தினாலும் ஆச்சரியப்படுவதற்கில்லை. 
      அரசாங்கமும் அரச அதிகாரிகளும் குறித்த விடயத்தைத் திசைதிருப்புவதில் வெற்றியடைந்திருக்கிறார்கள். எதிர்கட்சிகளில் ஜே.வி.பி தவிர்ந்த ஏனையவற்றின் அமைதி வியப்பளிக்கவில்லை. ஆனால், சிறுபான்மையினரைப் பிரதிநிதித்துவம் செய்யும் கட்சிகள், பாராளுமன்ற உறுப்பினர்களின் மௌனம் வன்மையாகக் கண்டிக்கப்பட வேண்டியது.
      அவர்களின் மௌனம் குறித்து, இதுவரை யாரும் கேள்வி கேட்கவில்லை. இந்த விடயத்தைப் பேசாமல் விடுவது, எல்லோருக்கும் வாய்ப்பானது. ஒருபுறம் ‘இதைப் பேசி அரசை ஏன் சங்கடப்படுத்த வேண்டும்' என்று அவர்கள் நினைக்கக்கூடும். மறுபுறம், ‘இது நடந்தது, எங்கள் வடக்குக் கிழக்கில் அல்ல; எனவே, நாங்கள் ஏன் கருத்துச் சொல்ல வேண்டும் என்று எதிர்பார்க்கிறீர்கள்' என்ற கருத்துகள் வேறு. 
      முதலில், இனத்துவ அடையாளங்களுக்குள் நின்றுகொண்டு, சூழலியல் பிரச்சினைகளை அணுகுவதை நிறுத்த வேண்டும். சூழலியல் சவால்கள், நம் அனைவருக்குமானவை. அதை, வடக்கு, கிழக்கு, தெற்கு என்று பிரித்து நோக்குவதில் பயனேதும் இல்லை. 
      வானிலை மாற்றம் பிரதேசம் பார்ப்பதில்லை; சாதி பார்ப்பதில்லை; தமிழனா, சிங்களவனா, முஸ்லிமா என்று பார்ப்பதில்லை. இலங்கையை சுனாமி தாக்கிய காலத்தை நினைத்துப் பாருங்கள். இப்போது நாம் எதிர்நோக்கும் சூழலியல் நெருக்கடிகள், முழு இலங்கையருக்குமானது. 
      ‘எக்ஸ்பிரஸ் பேர்ள்’ அனர்த்தம், சூழலியல் குறித்த எமது அக்கறையின்மையையும் பொறுப்பின்மையையும் வெட்டவெளிச்சமாக்கி இருக்கிறது. ‘இது ஒரு சூழலியல் அனர்த்தம்’ என்ற பரிமாணத்தைத் தாண்டி, இதுவோர் அரசியல் அனர்த்தம், சமூக அனர்த்தம். இது குறித்து, நாம் பேசியாக வேண்டும். 
      முதலில், இந்த அனர்த்தம் தவிர்த்திருக்கக் கூடியதா என்ற வினாவுக்கு வருவோம். இந்த அனர்த்தம், நிச்சயம் தவிர்த்திருக்கக் கூடியது. இந்தக் கப்பலின் இறுதி இரண்டு வாரச் செயற்பாடுகள் பற்றித் வெளியாகியுள்ள செய்திகளின் அடிப்படையில், இதை நாம் உறுதியாகச் சொல்லவியலும். 
      எனவே, இதற்குப் பொறுப்புச் சொல்லவேண்டியவர்கள் பலர். ஆனால், இதற்கு யாரும் பொறுப்பேற்கப் போவதில்லை. பழியை இலகுவாக இயற்கையின் மீதும் ‘எதிர்பாராத விபத்து' என்ற சொற்பதத்தின் மீதும் போட்டுவிட்டுப் போய்விடுவார்கள். 
      கப்பல் தீப்பற்றி எரிந்த ஆரம்ப கட்டங்களில், அத்தீயைக் கட்டுப்படுத்த நடவடிக்கை எடுக்காமல், அது பரவுவதற்கு இலங்கை துறைமுக அதிகார சபை அதிகாரிகள் இடமளித்தனர் என்ற குற்றச்சாட்டை, கப்பலின் தலைமை மாலுமி நீதிமன்றில் தெரிவித்திருக்கிறார். 
      இதேவேளை, தீயைக் கட்டுப்படுத்த இலங்கை, இந்தியாவின் உதவியைக் கோரியிருக்கிறது. கப்பல் போக்குவரத்தில், தென்னாசியாவின் மையமாக விளங்க எதிர்பார்த்திருக்கின்ற கொழும்புத் துறைமுகத்தால், இவ்வாறான கப்பல்கள் தீப்பிடிக்கும் போது, தீயைக் கட்டுப்படுத்தும் வசதிகள் இல்லை என்பது புலனாகிறது. 
      கொழும்புத் துறைமுகத்தில் தரிப்பதற்காகக் கப்பல் நங்கூரமிட்டிருந்த பகுதி, நீர்கொழும்புக் கடற்பரப்பில் உள்ள ஆழமற்ற கண்டமேடைப்பகுதி. இது வேகமான கடல்நீரோட்டங்களைக் கொண்ட பகுதியும் கூட. இப்பகுதி, மீன்வளங்களின் முக்கியமான புள்ளி. இப்பகுதி 21 மீற்றர் மட்டுமே ஆழமான கடற்பரப்பு. கப்பல் 21 மீற்றரை விட அதிகமானது. இதனாலேயே கப்பல் மூழ்காமல் இருக்கிறது. கப்பலில் அபாயகரமான பொருட்கள் இருக்கின்ற கப்பலில் ஏற்கெனவே ஒருமுறை தீப்பிடித்திருக்கின்றது என்பதை அறிந்தும் அதிகாரிகள், இவ்வாறு கடல்வளத்துக்கு முக்கியமான பகுதியில் கப்பலை நங்கூரமிட அனுமதித்து இருக்கிறார்கள். 
      குறித்த கப்பலில் 78 மெற்றிக் தொன் அளவிலான பிளாஸ்டிக் தட்டுகள் (plastic pallets) இருந்திருக்கின்றன. பிளாஸ்ரிக் உயிரியல் ரீதியாக அழிவடையாதவை (Non-bio-degradable). இவை இன்னும் பலநூறு ஆண்டுகளுக்கு கடலில் இருக்கும். நீண்ட காலம் நீரில் இருக்கும் போது, இவை நச்சுப்பொருட்களை உறிஞ்சி வைத்திருக்கும். கப்பலில் இருந்து வெளியாகியுள்ள ஏனைய நச்சுப் பதார்தங்களையும் இவை உறிஞ்சியிருக்கும். இதை மீன்கள் உட்கொண்டு, உணவுச்சங்கியிலில் இந்தப் பிளாஸ்டிக்கையும் அது உறிஞ்சி வைத்திருக்கும் நச்சுப் பொருட்களையும் சேர்க்கும். இதனால், இதன் ஆபத்துகளை இன்னும் பலநூறு ஆண்டுகளுக்கு நாம் அனுபவிக்க நேரும். 
      இந்தப் பிளாஸ்டிக்குகள் இலங்கைக்கு மட்டுமன்றி, இந்து சமுத்திரத்தை எல்லையாகக் கொண்டுள்ள ஏனைய நாடுகளையும் சென்றடையும். கடலின் நீரோட்டங்கள் இதனை இலகுவாகச் சாத்தியப்படுத்தும். இப்போது, இலங்கைக் கடற்பரப்பில் இறந்து கரையொதிங்கியுள்ள ஆமைகள், மீன்கள், டொல்பின்கள் உட்பட்ட பல கடல்வாழ் உயிரினங்கள், பிளாஸ்டிக்கின் நச்சுத்தன்மையால் உயிரிழக்கவில்லை. மாறாக, இந்தப் பிளாஸ்டிக்குகள் அவ்வுயிரினங்களின் உணவுக்கால்வாயை அடைத்தமையால் உயிரிழந்துள்ளன. அல்லது கப்பலில் இருந்து வெளியான இரசாயன திரவியங்களிகன் பாதிப்பால் இறந்துள்ளன.  
      பிளாஸ்டிக் தட்டுகள், இக்கப்பலால் ஏற்படுத்தப்பட்ட ஒரு பிரச்சினை மட்டுமே. இக்கப்பலில் இருந்து வெளியாகியுள்ள இரசாயனத் திரவங்கள் பாரதூரமான விளைவுகளை ஏற்படுத்த வல்லவை. இவ்விடத்தில், இலங்கையர்களின் சாதனையை நினைவுகூறல் வேண்டும். சிறிய தீவாகஇருக்கின்ற போதும், உலகிலேயே ஐந்தாவது அதிகளவிலான பிளாஸ்டிக் பொருட்களைத் தன் கடலிலே கொண்ட நாடென்ற பெருமை எமக்குரியது?
      இவையனைத்தும் ஒரே திசையில், ஒரே கேள்வியையே எழுப்புகின்றன. இலங்கையர்களாகிய நாம், நமது சூழல் குறித்து எவ்வளவு அக்கறையுடன் இருக்கிறோம். சாதாரண மனிதர் தொட்டு, நிர்வாகிகள், அரச அலுவலர்கள், அரசியல்வாதிகள் வரை நம் அனைவரதும் அக்கறை இன்மைக்கு, நாம் கொடுத்த மிகப்பெரிய விலை இது. 
       
      https://www.tamilmirror.lk/சிறப்பு-கட்டுரைகள்/எம்-வி-எக்ஸ்பிரஸ்-பேர்ள்-அனர்த்தம்-பதில்கள்-இல்லாத-கேள்விகள்/91-274484
       
    • By கிருபன்
      ‘வானமேறி வைகுண்டம் போகும் நினைப்பு’
      தெ. ஞாலசீர்த்தி மீநிலங்கோ
      கடந்த ஞாயிற்றுக்கிழமை, நிகர்நிலையில் நடைபெற்ற ஒரு கலந்துரையாடலில், பங்குகொள்ளக் கிடைத்தது. ‘பிளவுற்ற தமிழ்த் தேசத்தில் விடுதலைப் போராட்டம்’ என்ற தலைப்பில், நோர்வேயில் பிறந்து, வளர்ந்த மாணவியொருவர் தனது இளமானிப்பட்ட ஆய்வை முன்வைத்துப் பேசியிருந்தார்.   
      அந்த மாணவி, நோர்வேயில் பிறந்து, வளர்ந்த இரண்டாவது தலைமுறையைச் சேர்ந்தவர். புலம்பெயர்ந்து வாழும் ஈழத்தமிழர்களின் இளந்தலைமுறையினர், தமிழ் மக்களின் விடுதலைப் போராட்டத்தை, எவ்வாறு நோக்குகிறார்கள் என்பதைப் புரிந்து கொள்வதற்கான ஓர் அடிப்படையை, அந்த உரையும் அதைத்தொடர்ந்த கலந்துரையாடலில் அந்த மாணவி முன்வைத்த கருத்துகளும் தந்தன.   
      குறித்த உரையைத் தொடர்ந்த கலந்துரையாடலில், பங்கேற்றிருந்த முதலாம் தலைமுறையினரும் தங்கள் கருத்துகளை முன்வைத்தார்கள். இந்தக் கலந்துரையாடலில், இரண்டு முக்கியமான விடயங்களை அவதானிக்க முடிந்தது.   
      முதலாவது, புலம்பெயர் சமூகத்தில் எங்களது மூத்த தலைமுறைக்கும் இளைய தலைமுறைக்கும் இடையே, இட்டு நிரப்ப முடியாத மிக நீண்ட இடைவெளி உள்ளது.  
      இரண்டாவது, போர் நிறைவடைந்து 12 ஆண்டுகள் கடந்துவிட்ட நிலையிலும், விமர்சனத்தை ஏற்றுக் கொள்ளவோ, தங்கள் செயல்கள் குறித்த சுயவிமர்சனத்தை மேற்கொள்ளவோ, ஈழத் தமிழர்களில் பெரும்பான்மையானோர் தயாராக இல்லை. இந்தப் பின்புலத்திலேயே, சில அடிப்படையான விடயங்களை இக்கட்டுரை பேச விழைகின்றது.   
      காலங்கள் மாறிவிட்டன; ஆனால், துன்பகரமான உண்மை யாதெனில், 1980களிலும் 1990களிலும் இலங்கையிலிருந்து புலம்பெயர்ந்த பலருக்கு, இலங்கை வரலாறு, அவர்கள் புலம்பெயர்ந்த காலத்துடன் உறைந்துவிட்டது. அவர்கள், தாங்கள் புலம்பெயர்ந்த காலத்து, இலங்கைச் சூழலின் சட்டகத்துக்குள்ளேயே, இலங்கை இனமுரண்பாட்டை நோக்குகிறார்கள்; இன்றைய இலங்கையையும் நோக்குகிறார்கள். அவர்களது தீர்வுகளும் ஆலோசனைகளும் இதன்பாற்பட்டவை. காலாவதியாகிப் போன சிந்தனைகளை, கோர்வையாக இவர்கள் முன்வைக்கிறார்கள்.   
      அமெரிக்கா, தமிழர்களுடன் இருக்கிறது; மேற்குலக நாடுகள், எம்முடன் இருக்கின்றன; யூதர்கள் போல, தமிழர்களுக்கும் தீர்வு கிடைக்கும்; சிங்களவர்களுடன் வாழ முடியாது போன்ற கருத்துகள், இந்தக் கலந்துரையாடலில் முன்வைக்கப்பட்டன.   
      இவை, காலாவதியாகிப் போன சிந்தனைகள் ஆகும். இவற்றை நாம், பரிதாபத்துடன் ஒதுக்கியபடி, அப்பால் நகரலாம். ஆனால், இந்தச் சிந்தனைகளின் தோற்றுவாய் யாதென்று நோக்கின், அது இலங்கையின் இனத்துவ வரலாற்றில் ஆழப் பதிந்துள்ளது.   
      நாட்டில் சிங்கள, தமிழ், முஸ்லிம் மலையகத் தமிழ் என நான்கு தேசிய இனங்களும் பறங்கியர், மலாயர், வேடர் ஆகிய சிறுபான்மைச் சமூகங்களும் இருந்து வருகின்றன. அதன் மூலம், இந்நாடு பல்லினத் தேசியங்களின் நாடாகவே இருந்து வருகிறது. இந்த யதார்த்தத்தைப் பௌத்த சிங்களப் பேரினவாதிகள் ஏற்க மறுத்தாலும், வரலாறு இந்த உண்மையைப் பதிவு செய்து நிற்கிறது.  
      பிரித்தானிய கொலனித்துவம், பிரித்தாளும் சூழ்ச்சியை நடைமுறைப்படுத்திய நிலையில், அத்தகைய கொலனித்துவத்தைப் பாதம் தாங்கி நின்றவர்கள் சிங்கள, தமிழ், முஸ்லிம் மேட்டுக்குடி உயர் வர்க்கத்தினர்.   
      இவர்கள், வெள்ளையரின் ஆதிக்கத்துக்கு அடிமைச் சேவை செய்து வந்ததைப் பெருமையாகவும் அந்தஸ்தாகவும் கருதிக் கொண்டதுடன், பெரும் சொத்துச் சுகங்களையும் பெற்றுக் கொண்டனர். அதேவேளை, தமது வர்க்க சாதிய நிலைகளுக்கு ஊடாக, தத்தமது சொந்த இன, மொழி, மத மக்களை அடக்கி, அவர்கள் மீது அதிகாரம் செலுத்தியும் வந்தனர்.   
      மக்களைப் பிரித்து, ஒருவரோடு ஒருவர் இணைய விடாது வைத்திருந்ததன் மூலம், தமது சொத்து சுகங்களைப் பேணிப் பாதுகாத்தனர். இதுவே எங்கள் வரலாறு. இந்த வரலாற்றின் தொடர்ச்சியே, தமிழ் மக்களிடம் ஆழமாக விதைக்கப்பட்ட சாதிய, பிரதேச, மத வேறுபாடுகள். இதன் விளைபொருட்களே, இன்று வெளிப்படும் புலம்பெயர்ந்தோரின் சிந்தனைகள் ஆகும்.  
      இலங்கையில் சிங்களப் பேரினவாதம், பழைய சிங்கள மன்னர்களது மரபு வழி பற்றி அழுத்தம் தெரிவித்துப் பேசுவதும், தமிழ்த் தேசியவாதம் யாழ்ப்பாண இராச்சியம், நாகர்களின் ஆட்சி, வன்னி இராச்சியம் முதலான மன்னர்கள் போன்றோரிலிருந்து, தமது தேசிய வரலாற்றைக் கட்டியெழுப்புவதும் நிலவுடைமைச் சிந்தனையுடன் உள்ள தொடர்பின் அடிப்படையிலானவை.   
      இலங்கையின் தேசியவாதிகள், முதலாளித்துவத்தை நிறுவும் நோக்கில் தேசிய பொருளாதாரம் ஒன்றைக் கட்டியெழுப்புகிற நோக்கில், தேசிய முதலாளித்துவமாக உருவாக்குவதில் தோல்வியடைந்தனர். ஏகாதிபத்தியத்தை அதன் நவகொலனிய வடிவில் எதிர்கொள்ள அவர்களுக்கு இயலவில்லை.   
      எனவே, தங்களது தோல்வியும் ஏகாதிபத்தியத்துடன் செய்து வந்துள்ள சமரங்களும் நாட்டின் பொருளாதாரத்தைச் சீர்குலைப்பதன் விளைவாக, மக்கள் நடுவே எழக் கூடிய எதிர்ப்புணர்வைத் திசை திருப்பப் பேரினவாதம் பயன்படுத்தப்பட்டது.   
      அவ்வாறே, பேரினவாதத்தின் விளைவாக உருவான குறுந் தேசியவாதமும் தனது மேட்டுக்குடிகளின் நலன் கருதி, ஏகாதிபத்திய எதிர்ப்பைத் தவிர்ப்பதுடன் மக்களின் பிரச்சினைகளை முற்றிலும் தேசியவாதக் கண்ணோட்டத்திலேயே அடையாளம் காட்டின.  
      மேற்கூறியவாறு, தேசிய இனப் பிரச்சினையில் இனப் பகைக் கோட்பாட்டை முன்னிலைப்படுத்துவது இரு தரப்புகளுக்கும் தேவைப்பட்டது. அதேபோலப் பண்பாடு, மதம், மொழித் தூய்மை, சாதியம் போன்ற பலவும், மக்கள் மத்தியில் உள்ள ஆதிக்கச் சிந்தனையின் ஒரு முக்கியமான பகுதியாகத் தொடருகின்ற நிலவுடைமைச் சிந்தனையின் மிச்சசொச்சங்கள் ஆகும். அவை சிங்கள, தமிழ், முஸ்லிம், மலையகத் தமிழ்த் தேசியங்களின் மீது, ஆதிக்கம் செலுத்துமாறு கவனித்துக் கொள்ளப்படுகிறது.  
      இவ்வாறான போக்கு, தென்னாசியாவில் பரவலாகக் காணக் கூடிய ஒன்றாகும். தேசிய இனங்களின் வளர்ச்சியும் அவற்றின் தேசிய அடையாளமும் நிலவுடைமை அடையாளங்களை உதற இயலாமைக்கு, அவற்றின் தலைமைகளது வர்க்க நலன்கள் முக்கியமான காரணமாக அமைகின்றன. இன்றும் அமெரிக்காவையும் மேற்குலகையும் நம்பச் சொல்கிறவர்களின் நிலைப்பாடுகளின் தோற்றுவாய் இதுதான்.   
      குறித்த கலந்துரையாடலில், தமிழ்ச் சமூகத்தின் உள்முரண்பாடுகள், எவ்வாறு விடுதலைப் போராட்டத்தை வலுவிழக்கச் செய்தன என்று சான்றுகளுடன் ஆய்வு மாணவி தெரிவித்த கருத்துகள் முக்கியமானவை.   
      குறிப்பாக, சாதிய ரீதியிலும் பிரதேச ரீதியிலும் அன்றுதொட்டு இன்றுவரை, தமிழ்ச் சமூகத்தில் நிலவும் வேறுபாடுகள், பேசப்பட வேண்டியன என்றும் அவை களையப்படாமல், தமிழ் மக்களுக்கான விடுதலைப் போராட்டம் சாத்தியமில்லை என்றும் அவர் தெரிவித்தார்.  
      இதற்கான எதிர்வினைகள், ‘வரலாற்றைப் படித்துவிட்டு வாருங்கள்’; ‘தமிழருக்கு நாடில்லை; ‘அதுதான் பிரச்சினை’; ‘அனைத்துக்கும் சிங்களஅரசு தான் காரணம்’ போன்ற திசைகளில் அமைந்தன. இந்த எதிர்வினைகள் காட்டிநிற்கின்ற செய்தி யாதெனில், தமிழ்ச் சமூகத்தில் நிலவுகின்ற அகமுரண்பாடுகளைப் பற்றிப் பேசவோ, விமர்சிக்கவோ தயாராக இல்லை என்பதுதான். 
      நாம் என்ன தவறிழைத்தோம் என்பதை விட்டுவிட்டு, பழியைப் புறத்தே போடுவதே வழக்கமாகி விட்டது.   
      ஒரு முக்கியமான கேள்வியை ஒருவர் அக்கலந்துரையாடலில் கேட்டிருந்தார். “பலஸ்தீனர்கள் ஆர்ப்பாட்டம் ஒன்றை ஒழுங்குசெய்தால், பலநூறு வெளிநாட்டவர்கள் கலந்து கொள்கிறார்களே? ஆனால், நாங்கள் செய்தால் ஏன் வருகிறார்கள் இல்லை’?   
      இங்கு கவனிக்க வேண்டியது யாதெனில், பலஸ்தீனியர்கள் ஏனைய நீதிக்கான போராட்டங்களில் பங்குபெறுகிறார்கள்; ஒடுக்கப்பட்ட மக்களின் பக்கம் நிற்கிறார்கள்; நீண்ட தொடர்ச்சியான ஊடாட்டங்களின் ஊடு, பல்வேறு களங்களில் தங்களுக்கான ஆதரவுத்தளத்தை உருவாக்கி இருக்கிறார்கள். போராட்டங்களின் போது அவர்கள், பத்தாவின் பதாகைகளையோ ஹமாஸின் பதாதைகளையோ ஏந்தியிருப்பதில்லை. தங்கள் போராட்டத்தின் தேவையை, அந்தந்த நாட்டு மக்களிடம் கொண்டு போய்ச் சேர்த்திருக்கிறார்கள்.   
      நாம் முதலில், எம்மை யாரோடு அடையாளப்படுத்துகிறோம் என்ற முடிவுக்கு வரவேண்டும். அக்கலந்துரையாடலில் கலந்து கொண்ட சிலர், தமிழரை இஸ்‌ரேலியருடன் ஒப்பிட்டனர். நாம் ஒடுக்குமுறையாளர்களோடு எம்மை அடையாளப்படுத்துகிறோமா அல்லது, ஒடுக்கப்படுவோரோடு எம்மை அடையாளப்படுத்துகிறோமா என்ற வினாக்கள், எமது நண்பர்கள் யார் என்ற வினாவுக்கான பதிலைத் தரவல்லது.   
      புலம்பெயர்ந்த தமிழ்ச் சமூகத்தில், ஜனநாயக மறுப்பு முக்கிய பண்பாயுள்ளது என்பதையும் கலந்துரையாடலில் கலந்துகொண்ட இரண்டாம் தலைமுறையினர் உதாரணங்களுடன் எடுத்துக்காட்டினர். இவை, எமது சமூகம் பற்றிய அடுத்த தலைமுறையினர் கொண்டிருக்கின்ற கருத்துகள் என்பதை, நாம் ஆழமாகச் சிந்திக்க வேண்டும்.   
      புலம்பெயர் சமூகத்தால் எல்லாம் இயலும் என்றதொரு மாயை, இலங்கையின் வடக்கு, கிழக்கில் வாழும் தமிழர்களிடையே உருவாக்கப்பட்டுள்ளது. அந்த மாயை, இன்னும் சில காலத்துக்குத் தொடரும்; அதற்குத் தமிழ்நாட்டிலும் இலங்கையிலும் உள்ள ‘குடுகுடுப்பைக்காரர்கள்’ வழிசெய்வார்கள்.   
      ‘பேச்சுப் பல்லக்கு, தம்பி கால்நடை’ வகையறாக்கள், புலம்பெயர் சமூகத்தில் நிறையவே உண்டு. அதனால் தான், தீர்வுகளை உள்ளே தேடாமல், வெளியில் தேடியபடி காலம் கடத்துகிறார்கள்.  
       ‘பாதிக்கப்பட்டோம்’ என்ற குரலோடு, ஒரு தசாப்தத்துக்கு மேல் கடந்தாயிற்று. இன்று சில தசாப்தங்களுக்கு இது பயன்படும். ஏனெனில், இது சிரங்குப் புண் மாதிரி, சொறியச் சொறியச் சுகமாய் இருக்கும். நாம் விரும்பினால், ‘சொறிந்தபடி வானமேறி வைகுண்டம் போகிற நினைப்பில்’ இருக்கலாம்.   
       https://www.tamilmirror.lk/சிறப்பு-கட்டுரைகள்/வானமேறி-வைகுண்டம்-போகும்-நினைப்பு/91-273940
  • Topics

  • Posts

    • குடைச்சல் புத்தருக்குத்தான் எங்களுக்கில்லை ஐயா. புத்தம் சரணம் அல்லா என்று கடவுளை வணங்கவேண்டிய நிலைக்கும் சிங்களம் வந்திட்டுது.
    • சுவர்களில் இருப்பவர்களின் தியாகங்களால் நாங்கள் இன்று சிறந்த உணவுகளை பாரிஸில் உண்ணுகின்றோம் என்று தோத்திரம் சொல்லிவிட்டு உண்ண ஆரம்பிக்கலாம்🤭
    • நீங்கள்தான் அந்த சாபக் கேடு. ஆயுதப்போராட்டமும் பலரை வேதனைக்குள்ளாக்கியது. அதற்கு தலைமைதாங்கிய தற்குறிகள் பற்றிய உங்கள் கருத்தை உலகறியும்.   என்ன செய்வதாக திட்டம்? உங்களால் யாழ் களத்தில் ஒப்பாரி வைப்பதை தவிர வேறெதுவுமே செய்ய முடியாது. மானமுள்ள தமிழனானால், சவால்விட்டு செய்துகாட்டுங்கள் பார்க்கலாம். ஒப்பாரி வைப்பதற்கு மட்டும் லாயக்கானவர்கள் தமிழினத்தின் சாபக்கேடு.
    • யூட்டின் புழுகலை நம்புகிறீர்களா…? தலைவரின் தாயார் எப்போது கனடாவில் இருந்தார்?
    • மாறும் சீனா: ஷி ஜின்பிங் ஏன் மீண்டும் சோஷியலிசம் நோக்கித் திரும்புகிறார்? ஸ்டீஃபன் மெக்டொனல் பிபிசி செய்திகள், பெய்ஜிங் 2 மணி நேரங்களுக்கு முன்னர் பட மூலாதாரம்,GETTY IMAGES பல பத்தாண்டுகளாக சீனா உள்நாட்டிலேயே உருவாக்கப்பட்ட, அதிவேகமான முதலாளித்துவப் பாதையிலேயே சென்றுகொண்டிருந்தது. சட்ட விதிகளின்படி சீனா ஒரு கம்யூனிஸ்ட் நாடு. ஆனால், பெரிய கார்ப்பரேட் நிறுவனங்களுக்கு சலுகை காட்டுவதன் மூலம், சிலர் மிகப் பெரிய பணக்காரர்களாக அனுமதிப்பதன் மூலம் பரந்த சமூகத்துக்கு அதன் பலன்கள் வழிந்து வந்து சேரும் என்ற கொள்கையின் மீது நம்பிக்கை கொண்டு இயங்கி வருகிறது சீன அரசாங்கம். 'சேர்மேன்' மாவோவின் கலாசாரப் புரட்சி உண்டாக்கிய புதைகுழியில் இருந்து இது நாட்டை கூடிய விரைவில் மீட்கும் என்று நம்பி இந்தப் பாதையில் பயணித்தது சீன அரசாங்கம். ஓரளவு இந்த அணுகுமுறை வெற்றிகரமாக செயல்பட்டது. மிகப்பெரிய நடுத்தர வர்க்கம் இதனால் உருவாகியிருக்கிறது. கிட்டத்தட்ட சமூகத்தின் எல்லா அடுக்குகளிலும் இருப்பவர்களுக்கு மேம்பட்ட வாழ்க்கை வாய்த்திருக்கிறது. செல்வத்தில் ஏற்றத்தாழ்வு 1970களில் இருந்த தேக்க நிலையில் இருந்து மீண்ட சீனா உயர்வை நோக்கி அதிவேகமாகப் பாய்ந்தது. தற்போது உலகப் பொருளாதாரத்தில் ஆதிக்கம் செலுத்துவதற்கு அமெரிக்காவுடன் போட்டி போடுகிறது இந்நாடு. அதே நேரத்தில் இந்த கொள்கையால், நாட்டு மக்களின் வருமானத்தில் மிகப் பெரிய ஏற்றத் தாழ்வுகள் தோன்றியுள்ளன. சரியான நேரத்தில், சரியான இடங்களைப் பிடித்துக்கொண்டவர்களின் பிள்ளைகளிடத்தில் இந்த ஏற்றத்தாழ்வின் விளைவைத் தெளிவாகப் பார்க்கலாம். 1980களில் தொழிற்சாலைகளை எடுத்துக்கொண்டவர்கள் அதீதமான லாபம் சம்பாதித்தனர். இந்தப் பணத்தைக் கொண்டு அவர்களின் பிள்ளைகள் பளபளப்பான, ஆடம்பரமான ஸ்போர்ட்ஸ் கார்களில், பகட்டான நகரங்களில் வலம் வருகின்றனர். சீன நிறுவனம் அலி பாபா தன் போட்டியாளர்களை ஒழிக்கிறதா?அரசு விசாரணை சீனாவில் தினம் 12 மணி நேரம், வாரத்துக்கு 6 நாள் வேலை: கேள்வி கேட்கத் தொடங்கும் அரசு ஜாக் மா போன்ற தொழிலதிபர்களுக்கு பாடம் புகட்ட விரும்பும் சீனா: காரணம் என்ன? ஒரு வீடு வாங்கவே போராடும் கட்டுமானத் தொழிலாளர்களை இந்த ஆடம்பரக் கார்கள் அதிவேகமாக கடந்து செல்கின்றன. "சீனப் பண்புகளோடு" செயல்படுத்துவதாக கூறுவது எல்லாவிதமான குற்றச்சாட்டுகளில் இருந்தும் தப்பித்துக்கொள்வதற்கு சீன கம்யூனிஸ்ட் கட்சிக்கு கிடைத்த ஒரு சாக்கு. "சீனப் பண்புகளோடு" கூடிய சோஷியலிசம் என்ற கருத்தாக்கம், பொதுவுடமைத் தத்துவத்தில் இருந்து பெருமளவில் விலகிச் செல்லவும், பல வகைகளிலும் சோஷியலிசம் அல்லாத சமூகத்தை நடத்தவும் அரசாங்கத்துக்கு வாய்ப்பை ஏற்படுத்திக்கொடுத்தது. ஆனால், இந்த அணுகுமுறை இனியும் ஏற்றுக்கொள்ளத்தக்கதல்ல என்று அதிபர் ஷி ஜின்பிங் முடிவு செய்திருப்பதாகத் தோன்றுகிறது. அவரது தலைமையிலான சீன அரசாங்கம் கம்யூனிஸ்ட் கட்சியில் மீண்டும் கம்யூனிசத்தை ஓரளவேனும் புகுத்தத் தொடங்கியுள்ளது. பட மூலாதாரம்,GETTY IMAGES   படக்குறிப்பு, பெய்ஜிங் நகரில் தி கிரேட் ஹால் ஆஃப் பீப்பிள் அருகே உள்ள ஒரு தெருவில் விற்பனை செய்யக்கூடிய பழைய பொருள்களை குப்பைத் தொட்டியில் தேடிய பிறகு ஒரு தள்ளு வண்டியைத் தள்ளிச் செல்லும் ஓர் மூதாட்டி. கம்யூனிஸ்ட் நாடு என்று சீனா அறியப்பட்டாலும், அந்நாட்டில் ஏழைகளுக்கும் பணக்காரர்களுக்கும் இடையே பெரிய இடைவெளி உண்டு. "பொது மக்களின் வளம்" என்பது புதிய முழக்கம் ஆகியிருக்கிறது. இந்த வாசகமெல்லாம் தெருவோர பிரசார சுவரொட்டிகளில் இன்னும் காணப்படாத வாசகமாகவே உள்ளது. ஆனால், இதற்கு அதிக நாள் பிடிக்காது. சீன அதிபர் என்ன செய்கிறாரோ அதற்கு அடித்தளமாக இதுவே உள்ளது. தினசரி வாழ்வில் அதிரடி இந்த புதிய நடவடிக்கையின் கீழ் வரி ஏய்ப்பு செய்கிறவர்கள் குறிவைக்கப்படுகிறார்கள். இதனை புரிந்துகொள்ள முடிகிறது. அத்துடன், தனியார் டியூஷன் கம்பெனிகளை தடை செய்து கல்வியை சமத்துவமானதாக்க மேற்கொள்ளப்படும் முயற்சிகளும் இப்படியே. நாட்டின் பெரிய தொழில்நுட்ப நிறுவனங்கள் மீதான நடவடிக்கைகள் இந்த சோஷியலிசத்துக்கு திரும்பும் திட்டத்தின் ஒரு பகுதியாகவே மேற்கொள்ளப்படுகின்றன என்று பார்க்கப்படுகிறது. இந்த கம்யூனிச செயல்திட்டத்தின் மீது உண்மையாகவே அதிபர் ஷி ஜின் பிங் நம்பிக்கை கொண்டிருக்கிறாரா? 100 சதவீதம் அப்படித்தான் என்று கூறமுடியாது. ஆனால், அந்த வழியில்தான் இது செல்வதாகத் தோன்றுகிறது என்று சில பார்வையாளர்கள் கூறுகிறார்கள். பட மூலாதாரம்,GETTY IMAGES   படக்குறிப்பு, சீன கம்யூனிஸ்ட் கட்சியின் நூற்றாண்டு இந்த ஆண்டு கொண்டாப்படுகிறது. வேறு சில கட்சி நிர்வாகிகளுக்கு கடந்த காலத்தில் நடந்த மாற்றங்கள் இப்படித் தோன்றவில்லை. செல்வத்தை பங்கீடு செய்வது என்பதைத் தவிர்த்து, இந்த புதிய கம்யூனிசப் பாதை மூலம் சீனாவின் தினசரி வாழ்வின் பெரும்பாலான அம்சங்களில் கம்யூனிஸ்ட் கட்சி இருப்பை மீண்டும் உணரச் செய்வதன் மூலம் செய்ய விரும்புவதை செய்து முடிக்க விரும்புகிறார் ஷி ஜின் பிங் என்று தோன்றுகிறது. குழந்தைகள் சோம்பேறியாக இருக்கிறார்கள், இளைஞர்கள் வீடியோ கேம் விளையாடி நேரத்தை வீணாகக் கழிக்கிறார்களா? இதோ கேம் விளையாடுவதற்கு 3 மணி நேர உச்சவரம்பு கொண்டு வருகிறது கட்சி. மலினமான, தனி நபர் துதிபாடும் தொலைக்காட்சி நிகழ்ச்சிகளால் இளைஞர்களின் மனம் நஞ்சாகிறதா? இதோ கட்சியின் நடவடிக்கை: பெண்மையான தோற்றம் கொண்ட இளைஞர்கள் தொலைக்காட்சி நிகழ்ச்சிகளில் பங்கேற்கத் தடை. மக்கள் தொகை குறையும் சிக்கலா? இதோ கட்சியின் தீர்வு இதோ எல்லோருக்குமான மூன்று குழந்தைகள் கொள்கை. கால்பந்து, சினிமா, இசை, மெய்யறிவு, குழந்தைகள், மொழி, அறிவியல்... எதில் சிக்கல் என்றாலும் அதற்கு கட்சியே ஒரு தீர்வைச் முன்வைக்கிறது. தந்தையின் நம்பிக்கைகளோடு முரண்பட்டு... ஷி ஜின் பிங் எப்படி இன்று உள்ளபடி ஒரு தலைவர் ஆனார் என்று புரிந்துகொள்வதற்கு அவரது பின்புலத்தை கொஞ்சம் பார்க்கவேண்டும். கம்யூனிஸ்ட் கட்சியின் போர்க் கள நாயகனான அவரது தந்தை ஷி ஜோங்சன் ஒரு மிதவாதியாக அறியப்பட்டவர். ஆனால், மாவோ காலத்தின் பிற்பகுதியில் 'களையெடுக்கப்பட்டு' சிறையில் அடைக்கப்பட்டார். அவரை பொதுவெளியில் கண்டிக்க வேண்டிய நிர்பந்தத்திற்கு உள்ளானார் அவரது மனைவி (ஷி ஜின் பிங்கின் தாய்). ஆனால் அவருக்கு 1978ல் அரசியல் மறுவாழ்வு கிடைத்தபோது குவாங்டாங் மாகாணத்தில் பொருளாதார தாராளமயமாக்களை தீவிரமாக முன்னெடுத்தார். சீனாவின் மிகுந்த முற்போக்கான தலைவர்களில் ஒருவரான ஹு யோபாங் என்பவரை அவர் ஆதரித்ததாகவும் கூறப்படுகிறது. கம்யூனிஸ்ட் கட்சியின் அதிகாரம் மிக்க தலைவர்களால் ஷி ஜின் பிங்கின் தந்தை கொடுமைக்கு உள்ளானார். அவர் பொருளாதார சீர்திருத்தத்தையும் ஆதரித்தார். இந்த நிலையில் ஏன் ஷி ஜின் பிங் தமது தந்தையின் நம்பிக்கைகளுக்கு எதிர் திசையில் கட்சியை கொண்டு செல்வதாகத் தோன்றுகிறது? இதற்குப் பலவிதமான விளக்கங்கள் கூறமுடியும். அதில் ஒன்று, சில அரசியல் விவகாரங்களில் அவர் தமது தந்தையின் அணுகுமுறையில் இருந்து மாறுபட்ட கொள்கையைக் கொண்டிருக்கிறார். அவரது தந்தை முக்கியத்துவம் அளித்த விஷயங்களில் இவருக்கு அக்கறை இல்லாமல் இருக்கலாம். இவரது முக்கியத்துவம் வேறாக இருக்கலாம். ஆனால், மாவோ கால கொள்கைகளில் கொண்டுபோய் விட்டுவிடாத திட்டங்களையே அவர் பின்பற்ற விரும்புகிறார். அல்லது விரும்பி அந்த இடத்துக்கு அவர் செல்லமாட்டார் என்பது இன்னொரு விளக்கம். இருந்தாலும்கூட இந்த மாற்றங்கள் அபாரமானவை. பட மூலாதாரம்,GETTY IMAGES   படக்குறிப்பு, சீன கம்யூனிஸ்ட் கட்சியின் நுற்றாண்டு விழாவை ஒட்டி பெரிய திரையில் தோன்றும் அதிபர் ஷி ஜின் பிங். தமது தந்தை சிறைக்கு அனுப்பப்பட்ட நிலையில், தமது 15 வயதில் இருந்து பல ஆண்டுகளுக்கு வயலில் வேலை செய்ய வேண்டிய நிலை ஏற்பட்டது ஷி ஜின் பிங்குக்கு. அப்போது அவர்கள் குகை போன்ற ஒரு வீட்டில் வசித்தனர். கொந்தளிப்பு மிக்க அந்த காலம் அவரை நெஞ்சுறுதி மிக்கவராக மாற்றியது. அந்த உறுதி எளிதாக அரசியல் மீதான வெறுப்பாக, குறிப்பாக கடும்போக்கு வாதம் குறித்த வெறுப்பாக மாறியது. 1960கள், 1970களில் நிலவிய குழப்பங்களுக்குள் மீண்டும் சீனா செல்லாமல் இருக்கவேண்டுமானால் சீனாவுக்கு பலம் மிக்க தலைவர்கள் தேவை என்று அவர் நம்புவதாக சீல சீனப் பார்வையாளர்கள் கருதுகிறார்கள். தற்போது விதிகள் மாற்றப்பட்டிருப்பதால், தாம் விரும்பும்வரை ஷி ஜின்பிங் அதிகாரத்தில் இருக்கலாம் என்பதை நினைவில் கொள்ளுங்கள். ஏன் இப்படியெல்லாம் ஊகிக்கவேண்டியிருக்கிறது? காரணம், அவரே தமது முடிவுகள் குறித்து விளக்கம் ஏதும் சொல்லவில்லை என்பதுதான். சீனத் தலைவர்கள் பேட்டி கொடுப்பதில்லை. தங்கள் கட்சி கட்டுப்பாட்டில் உள்ள ஊடகங்களுக்குக் கூட அவர்கள் பேட்டி அளிக்கமாட்டார்கள். தொலைக்காட்சி நிகழ்ச்சிகளில் பங்கேற்பதற்காக அவர் கிராமங்களுக்கு செல்வார். ஏற்கெனவே ஏற்பாடு செய்யப்பட்ட கூட்டம் ஆரவாரத்தோடு அவரை வரவேற்கும். மக்காச்சோள சாகுபடி தொடர்பான அவரது அறிவுரைகளை அல்லது தங்கள் வேறு வேலை தொடர்பான அவரது உரையை அவர்கள் கேட்பார்கள். பிறகு அதிபர் கிளம்பிவிடுவார். எனவே, சீனப் பொருளாதாரத்தின் மீது என்னவிதமான புதிய விதிகள், கட்டுப்பாடுகள் விதிக்கப்படும் என்பதையோ, என்ன கட்டுப்பாடுகள் தளர்த்தப்படும் என்பதைப் பற்றியோ கணிப்பது மிகவும் கடினம். சமீப காலத்தில், சீன நிர்வாக கட்டமைப்பின் ஏதோ ஒருபகுதி தொடர்பான விதிகளில் பெரிய மாற்றங்கள் அறிவிக்கப்படாத ஒருவாரம் கூட இல்லை. இந்த மாற்றங்களைப் பற்றி தொடர்ந்து அறிந்துவைத்திருப்பது கடினமானது. சில மாற்றங்கள் முன்கூட்டி எந்த பேச்சும் இல்லாமல் திடீரென கொண்டுவரப்பட்டவை. உற்பத்தியின் பல கூறுகளை அரசு கட்டுப்படுத்துவதில் பிரச்சனை இல்லை. இதில் எது பலன் தரக்கூடியது அல்லது இல்லை என்பதை பொருளாதார வல்லுநர்களே விவாதிக்க முடியும். உண்மையில் சிக்கல் என்பது திடீரென தோன்றும் நிச்சயமற்ற நிலை. அடுத்த ஒரு மாதத்தில் அடிப்படை விதிகளில் என்ன மாற்றம் வரப்போகிறது என்பது தெரியாமல் ஒருவர் எப்படி முதலீடு தொடர்பான முடிவுகளை எடுக்க முடியும்? நாட்டின் வளர்ச்சியில் ஏற்படும் இயல்பான விஷயங்கள் இவை என்று இந்த மொத்த நிகழ்வுகளையும் பார்ப்பவர்களும் இருக்கிறார்கள். இதுவரை கட்டுப்பாடுகளே இல்லாத விஷயங்களில் இப்போது கட்டுப்பாடுகள் தேவைப்படலாம். இதுதான் விஷயம் என்றால், மாற்றங்கள் ஏற்படுத்தும் அதிர்ச்சி தாற்காலிகமானதே. விதிகள் அனைத்தும் தெளிவானபிறகு நிலைமையில் அமைதி திரும்பும். ஆனால், இந்த நடவடிக்கைகளின் நீள அகலம் என்னவாக இருக்கப் போகிறது என்பது குறித்து எந்த ஒரு தெளிவும் இல்லை. தனது அதிகாரத்தில் ஒரு அங்குலத்தைக்கூட கட்சி விட்டுக்கொடுக்காத ஒரு காலகட்டத்தில் எந்த மாற்றத்தையும் ஷி ஜின் பிங் செயல்படுத்தும் "பொதுமக்கள் வளம்" என்ற கோட்பாட்டின் வழியாகவே பார்க்க முடியும் என்பது மட்டும்தான் தெளிவாகத் தெரிகிற ஒரே விஷயம். சீனாவில், கட்சி அதிகாரம் என்ற வண்டியில் நீங்கள் ஏறிப் பயணம் செய்யலாம். அல்லது வண்டி உங்கள் மீது ஏறிப் பயணம் செய்யும். உலகில் சீனாவின் மாறிவரும் வகிபாகம் குறித்து மூன்று பாகங்களைக் கொண்ட கட்டுரையை வெளியிடுகிறது பிபிசி. இது அந்தத் தொடரின் முதல் பாகம் இது. வணிகம் செய்வதற்கான விதிகளை சீனா எப்படி மாற்றி எழுதுகிறது என்பதும், இதனால் உலகில் எப்படிப்பட்ட பின்விளைவுகள் ஏற்படும் என்பதும் இரண்டாவது மற்றும் மூன்றாவது பாகத்தில் ஆராயப்படும். https://www.bbc.com/tamil/global-58662768
×
×
  • Create New...

Important Information

By using this site, you agree to our Terms of Use.