Jump to content

மேதகு' திரைப்படம்: ''ஜகமே தந்திரம்', 'தி ஃபேமிலிமேன்' கதைகளுக்கான பதிலடி!'- இயக்குநர் கிட்டு


Recommended Posts

  • கருத்துக்கள உறவுகள்

மேதகு' திரைப்படம்: ''ஜகமே தந்திரம்', 'தி ஃபேமிலிமேன்' கதைகளுக்கான பதிலடி!'- இயக்குநர் கிட்டு

  • ச. ஆனந்தப்பிரியா
  • பிபிசி தமிழுக்காக
43 நிமிடங்களுக்கு முன்னர்
மேதகு

பட மூலாதாரம்,TWITTER @BS_VALUE

விடுதலை புலிகள் தலைவர் பிரபாகரன் குறித்த வாழ்க்கை வரலாறு, ஈழத்தமிழர்கள் போராட்டம் குறித்த பின்னணியை சித்தரிப்பதாக பிஎஸ் வேல்யூ ஓடிடி தளத்தில் வெளியாகி இருக்கிறது 'மேதகு' திரைப்படம்.

பிரபாகரன் பிறப்பு, 1950-களின் பிற்பகுதியில் நடந்த இனக்கலவரம், உலகத்தமிழ் ஆராய்ச்சி மாநாடு, 1980 வரை நடந்த அரசியல் மாற்றங்கள், கல்வி போராட்டம், பிரபாகரனின் முதல் அமைப்பான புதிய தமிழ்ப் புலிகள் உருவானது வரை தற்போது வெளியாகியிருக்கும் முதல் பாகத்தில் சொல்லப்பட்டுள்ளது.

சமீபத்தில் வெளியான 'தி ஃபேமிலிமேன்' இணையத்தொடர், 'ஜகமே தந்திரம்' உள்ளிட்டவை ஈழத்தமிழர்கள் கதையை சித்தரித்ததில் பிழைகள் இருப்பதாக எதிர்ப்புகள் கிளம்ப, தற்போது வெளியாகியிருக்கும் 'மேதகு' பரவலான பாராட்டுகளை பெற்று வருகிறது. படத்தின் இயக்குநர் கிட்டுவை பிபிசி தமிழுக்காக தொடர்பு கொண்டோம். அவரிடம் கலந்துரையாடியதில் இருந்து,

நீண்ட நாட்கள் காத்திருப்புக்கு பிறகு 'மேதகு' படம் வெளியாகியிருக்கு. இந்த உணர்வு எப்படி இருக்கு?

படத்தை எப்படியும் வெளியிடுவோம் என்ற நம்பிக்கை எங்களுக்கு இருந்தது. ஆனால், அது திரையரங்குகளில் இருக்காது, ஓடிடி தளத்தில்தான் வெளியாகும் என்பது தெரிந்திருந்தது. எதற்கும் தயாராகவே இருந்தோம். அந்த வகையில், தற்போது பிஎஸ் வேல்யூ ஓடிடி தளத்தில் 'மேதகு' வெளியாகியிருப்பதில் மகிழ்ச்சி.

 

பிரபாகரன், ஈழத்தமிழர் போராட்டம் பதிவு எனும் போது என்ன மாதிரியான எதிர்ப்புகள் வந்தது?

படம் பொருத்தவரையில் இரண்டு விஷயங்களில் எங்களுக்கு பிரச்சனைகள் இருந்தது. ஒரு விஷயம் படத்துக்கு தேவையான பட்ஜெட். மற்றொன்று வெளியில் இருந்து வந்த எதிர்ப்புகள். 'என்ன கதை செய்து கொண்டிருக்கிறீர்கள்? எங்கே இருக்கிறீர்கள்? என்பது போன்ற விசாரிப்புகள் வரும். இதனாலேயே உடனுக்குடன் நாங்கள் படப்பிடிப்பு தளத்தையும் மாற்ற வேண்டிய சூழலும் இருந்தது. ஆனால், படக்குழு நாங்கள் இளைஞர்கள் என்பதால், இந்த பிரச்சனைகளை எளிதில் சமாளிக்க முடிந்தது.

மேதகு

பட மூலாதாரம்,KITTU

அதேபோல, ஈழத்தமிழர்கள் சிலர் படம் தொடங்கும்போது தங்களது எதிர்ப்புகளை பதிவு செய்தனர். அதற்கு அவர்கள் சொன்ன காரணம் இதுதான், 'இதுவரை வந்த பெரும்பாலான ஈழத்தமிழர்கள் கதையில் எங்களை சரியாக சித்தரிக்கவில்லை.

அவர்களுடைய பேச்சு வழக்கு, வலி இதுபோன்ற விஷயங்கள் எதுவும் உண்மையாக சித்தரிக்கமால், சினிமாவுக்காக சில விஷயங்கள் திரித்து காண்பிக்கப்படுகிறது. நாங்கள் நேசிக்கக்கூடிய தலைவரை இதுவரையிலும் சரியாக யாரும் காண்பிக்காதபோது, இளைஞர்கள் நீங்கள் என்ன செய்ய போகிறீர்கள்? உங்களை நம்பலாமா?' என்பதுதான் அவர்களது வாதமாக இருந்தது.

ஆனால், டீசர், ட்ரைய்லர் வெளியானதும் அதில் இடம்பெற்ற காட்சிகள் பார்த்ததும் அவங்களுக்கு சரியாகதான் காட்டியிருப்போம் என்ற நம்பிக்கை வந்தது. படம் இப்போது வெளியானதும் மேலே சொன்ன விஷயங்கள் எல்லாம் மாறியிருக்கிறது என்றே நினைக்கிறேன்".

பிரபாகரன் அவருடைய பயோபிக் எனும் எண்ணம் எப்படி வந்தது?

புத்தகங்கள் அதிகமாக படிக்கக்கூடிய நபர் நான். அதில் அதிகமாக தலைவர்கள் குறித்தான புத்தகங்கள் எனக்கு பிடிக்கும். அதில் நான் படித்த தலைவர்களில் அப்பழுக்கற்று, சமரசமற்ற ஒரு மாவீரராக என்னுடைய தேசிய தலைவரைதான் பார்க்கிறேன்.

குறிப்பாக, 2009-க்கு பிறகு இந்த வலிகள் அதிகமாகவே இருந்தது. என் இனத்தின் வலிகளை யாரும் சரியாக சொல்லவில்லை என்பதும் குறைதான். 2013-க்கு பிறகு தம்பி பாலச்சந்திரன் புகைப்படம் வெளிவந்தபோது, மாணவர் போராட்டத்தை தஞ்சாவூரில் முன்னெடுத்தோம். அப்போதிருந்தே, இந்த விஷயங்கள் எல்லாம் திரையில் மக்களிடம் கொண்டு போய் சேர்க்க வேண்டும் என்ற எண்ணம் இருந்தது.

மேதகு

பட மூலாதாரம்,KITTU

பின்பு துணிந்து ஒரு குறும்படம் எடுத்தோம். 'மேதகு' படத்தின் க்ளைமேக்ஸ்தான் அந்த குறும்படத்தின் முழுக்கதையும். அதாவது, துரையப்பா படுகொலை மட்டுமே முழுதாக அதில் எடுத்திருப்போம். அந்த படத்திற்கு கிடைத்த வரவேற்பு எங்களுக்கு நம்பிக்கையை கொடுத்தது. அதன்பிறகுதான், பிறப்பில் இருந்து துரையப்பா படுகொலை வரை கூத்து வாயிலாக ஒரு பாகம் சினிமாவாக எடுக்கலாம் என்று எண்ணினோம். ஆனால், பட்ஜெட் காரணமாக இது உங்களுக்கு டாக்குமெண்ட்ரி படமாக தோன்ற வைக்கலாம். இதை ஒரு இயக்குநராக ஒத்து கொள்கிறேன். அடுத்தடுத்த பாகங்களில் இந்த குறைகள் சரிசெய்யப்படும். இப்போது நாங்கள் கொடுத்திருப்பதை எங்களால் முடிந்த அளவு சரியாகவே செய்திருக்கிறோம் என நம்புகிறேன்.

படத்துக்கான நிதி பற்றாக்குறையாக இருந்தது என்கிறீர்கள். அதை எப்படி சமாளித்தீர்கள்?

நிறைய பேர் உதவி செய்தார்கள். ஆரம்பத்தில் அமெரிக்காவில் இருந்து ஜாய், வசந்த், ஜெயசீலன், அரவிந்த் என நான்கைந்து பேர் கொண்ட குழு எங்களுக்கு உதவி செய்ய முன் வந்தார்கள். அதேபோல், அமீரகத்தில் தீபக் சாலமன், ரவி இவர்களுடைய நண்பர்கள் என அங்கு ஒரு குழு, லண்டன், தமிழ்நாடு என நண்பர்கள் குழு அவர்களால் முடிந்த அளவிற்கு எங்களுக்கு நிதி திரட்டி கொடுத்தார்கள்.

படத்தின் பட்ஜெட்டாக 30-35 லட்சம் கணக்கிட்டோம். ஆனால், முடிக்கும் போது 62-65லட்சத்திற்குள் வந்தது. இதிலும் 15 லட்ச ரூபாய் வெளியே வாங்கியிருந்தோம். அதையும் ரமேஷ் என்பவர் எங்களுக்கு தந்து உதவி செய்தார். இந்த நம்பிக்கையை மனதில் வைத்து, பட்ஜெட்டுக்கு ஏற்றார்போல, கதையை மீண்டும் மாற்றி எடுத்தோம். இந்த சிக்கல் படத்தின் அடுத்தடுத்த பாகங்களுக்கு இருக்காது என்று நினைக்கிறேன். கதை சொல்லலிலும் இந்த பாகத்திலுள்ள குறைகளை சரி செய்துவிடுவேன்.

ஈழத்தமிழர்கள் கதையை சித்தரித்து சமீபத்தில் வெளியான 'தி ஃபேமிலிமேன்', 'ஜகமே தந்திரம்' படங்களுக்கு எதிர்ப்புகள் வந்ததே?

தவறான சித்தரிப்பை மீண்டும் மீண்டும் படமாக்குவதன் மூலம் மக்கள் அதை உண்மை என்று நம்பிவிடுவார்கள் என்ற எண்ணம் இந்த சித்தரிப்புகளில் இருக்கிறது. அதிலும் குறிப்பாக, 'தி ஃபேமிலிமேன்' இணையத்தொடர் எங்களது போராட்டங்களை கொச்சைப்படுத்தும் விதமாக எடுக்கப்பட்டுள்ளது. எங்களது போராட்டம் உன்னதமானது. எத்தனை விதமான தவறான சித்தரிப்புகள் வந்தாலும், 'மேதகு' படத்தில் காட்டப்பட்டுள்ளது போல, 'திருப்பி அடிக்கவே' இந்த படம். சரியாக சொல்ல வேண்டும் என்றால் பதிலடி.

உண்மையான விஷயங்களை காட்டினால் அதை மக்கள் பார்ப்பார்களா என்ற பயம் பெரும்பாலான படைப்பாளிகளுக்கு உள்ளது. இந்த படம் அந்த பயத்தை முற்றிலுமாக நீக்கியிருக்கிறது என்றே சொல்வேன். இனிமேல், ஈழத்தமிழர்களுடைய போராட்ட வரலாற்றை சொல்லும் படங்கள் அதிகம் வரும் என்றே நினைக்கிறேன்".

படம் வெளியாகும் சமயத்தில் என்ன மாதிரியான பிரச்னைகளை சந்தித்தீர்கள்?

படத்தின் முன்னாட்டம் (Preview Show) காண்பித்த பிறகு உண்மை வரலாற்றைதான் காண்பித்திருக்கிறோம் என்ற நம்பிக்கை அனைவருக்கும் வந்தது. கடந்த மே 22-ல் படம் வெளியாகியிருக்க வேண்டியது. ஆனால், முன்பு படம் வெளியாக இருந்த ஓடிடி தளம் பின்வாங்கியது. மே 21 அன்று இரவு 'இந்த படம் வெளியானால் எங்களுக்கு சிக்கல்' என தொலைபேசியில் அழைத்து சொன்னார்கள். அதன் பிறகுதான் நாங்கள் பிஎஸ் வேல்யூ ஓடிடி தளத்தை அணுகினோம். 'எந்த பிரச்சனை என்றாலும் பார்த்துக்கொள்ளலாம். நல்ல கதை இது' என படத்தை வெளியிட அவர்கள் தைரியமாக முன்வந்தார்கள்.

தமிழர்களுடைய வரலாற்றையும், போராட்டத்தையும் கொண்டு போய் சேர்க்க டிஜிட்டல் தளம் உருவாக வேண்டும் என்ற ஆசையும் உண்டு

'மேதகு' கதை தெருக்கூத்து வழியாக சொல்லப்பட என்ன காரணம்?

என்னுடைய தாத்தா ஒரு கூத்தாடி. இதற்கு முன்பு கூத்து கலைகளை வீர வரலாற்றை சொல்வதற்கும், மதம், கடவுளுடைய வாழ்க்கை வரலாறு சொல்வதற்கும் பயன்படுத்தப்பட்டு வந்தது. ஆனால், தற்போதுள்ள கூத்து முறைகளில் ஆபாசமாக பேசுவது என சில இடங்களில் கொச்சைப்படுத்த ஆரம்பித்து விட்டார்கள்.

மேதகு

பட மூலாதாரம்,KITTU

அந்த உடைகள் எல்லாம் போட்டுக்கொண்டு அவர்கள் கம்பீரமாக இருக்கும் போது, கம்பீரமான கதையைதான் சொல்ல வேண்டும் என்ற ஆசை இருந்தது. கூத்து கலைஞர்களை மக்கள் இனி திரும்பி பார்க்க வேண்டும், இந்த கலையை அழிய விடக்கூடாது, நிறைய பேர் இதில் வர வேண்டும் என்ற நோக்கத்திற்காக இந்த முறையை தேர்ந்தெடுத்தேன்".

படத்தின் பலம் நடிகர்கள் தேர்வு, ஒளிப்பதிவு, இசை. இது குறித்து?

இந்த படத்தின் ஒளிப்பதிவாளர் ரியாஸ், இசையமைப்பாளர் பிரவீன் குமார் இவர்கள் என்னுடைய முந்தைய குறும்படத்தில் வேலை பார்த்தவர்கள். தலைவர் மேல் இவர்களுக்கு ஈர்ப்பு இருந்தது. படத்திற்கு கிடைத்த இந்த தளத்தை சரியாக பயன்படுத்த வேண்டும் என்று நினைத்தார்கள். இவர்கள் மட்டுமல்ல, ஒப்பனைக்கலைஞர் அப்துல், கலை இயக்குநர் அனைவரும் அர்ப்பணிப்புடன் செய்தனர்.

நடிகர்கள் தேர்வுக்கு கிட்டத்தட்ட இரண்டு மாதங்கள் எடுத்து கொண்டோம். கதாப்பாத்திரத்திற்கு நடிகர்கள் பொருத்தமாக இருப்பார்கள் என்று தோன்றினால், அவர்களுக்கு நடிப்பு பயிற்சி கொடுத்து நடிக்க வைத்தோம்".

கிட்டு

பட மூலாதாரம்,KITTU

பிரபாகரன் அவர்களை மட்டுமே முன்னிலைப்படுத்தியிருக்க கூடிய படத்தில் மற்றவர்களுக்கான முக்கியத்துவம் குறைவாக உள்ளதே?

முதலிலேயே சொன்னது போல, இது ஒரு பட்ஜெட் படம். கதை யாரை நோக்கி நகர்கிறது என்பது தெளிவாக தெரிந்ததே. தேசிய தலைவருடைய எண்ண மாற்றங்கள், போராட்டங்கள் அதை மட்டுமே காண்பிக்க முடியும். உதாரணமாக சிவக்குமார் அவரை பற்றி முழுதாக காட்டவில்லை என்கிற விமர்சனம் உண்டு. அவருடைய தியாகம் குறித்து மட்டுமே இரண்டு மணி நேர கதையாக தனியாக எடுக்கலாம்.

ஆனால், இது தலைவருடைய வாழ்க்கை வரலாறு என்பதால் அவருடைய எண்ணங்களில் மாற்றம் வருவதற்கான காரணங்கள் அதற்கான சம்பவங்கள் நோக்கியே படத்தை நகர்த்த வேண்டும் என நினைத்தோம். இப்போது நிறைய இயக்குநர்கள் வருகிறார்கள். இந்த படத்திற்கு பின்பு எதெல்லாம் நாங்கள் சரியாக, விரிவாக காட்டவில்லை என்று நினைக்கிறார்களோ அதை விரிவான படமாக காட்டினால் மகிழ்ச்சிதான்

படம் வெளியான பிறகு திரைத்துறை பிரபலங்கள், ஈழத்தமிழர்கள் யாராவது உங்களிடம் பேசினார்களா?

நிறைய அழைப்புகள் வந்து கொண்டே இருக்கிறது. சமூகவலைதளங்களிலும் படம் குறித்து பேசியிருக்கிறேன். இயக்குநர் வெற்றிமாறன் அவர் படம் பார்த்து விட்டு படம் குறித்தான விமர்சனத்தையும் அவருடைய கருத்தையும் பகிர்ந்தார். அவர் மட்டுமில்லை, இயக்குநர்கள் மாரிசெல்வராஜ், பொன்வண்ணன், அமீர், சேரன் இவர்கள் எல்லாரும் வாழ்த்து சொன்னார்கள்.

இவற்றை எல்லாம் விட முக்கியமாக படம் வெளிவந்த முதல் நாள் எனக்கு ஒரு அழைப்பு வந்தது. பேசிய பையன், 'தலைவரை பார்த்துட்டேன்' என அழுது கொண்டே பேசினான். முன்னாள் போராளி ஒருவரும் அழைத்து, 'எங்கள் போராட்டத்தில் முக்கியமான பகுதி இது' என சொன்னது நெகிழ்ச்சியாக இருந்தது.

முன்பு வெளியான படங்களில் ஈழத்தமிழர்கள் குறித்த சித்தரிப்புகள் தவறாக இருந்ததாக பல அரசியல் தலைவர்களும் எதிர்ப்புகள் தெரிவித்தார்கள். தற்போது, 'மேதகு' பார்த்துவிட்டு, அரசியல் தலைவர்கள் யாராவது பேசினார்களா? குறிப்பாக சீமான் அவர்கள் என்ன சொன்னார்?

சீமான் அண்ணன் சென்னையில் இல்லை. நேற்று இரவு அவர் படம் பார்த்துவிட்டதாக செய்தி கேள்விப்பட்டேன். கண்டிப்பாக படம் குறித்து பேசுவார். அதுபோல, நிறைய அரசியல் தலைவர்கள் இன்று, நாளைக்குள் படம் பார்ப்பதாக சொல்லியிருக்கிறார்கள்".

அடுத்தடுத்த பாகங்கள் எப்போது எதிர்ப்பார்க்கலாம்?

அடுத்தடுத்த பாகங்களுக்கான கதைகள் எல்லாம் தயார் செய்ய இருக்கிறோம். அடுத்து எப்போது படப்பிடிப்பு தொடங்கும் போன்ற விவரங்கள் எல்லாம் 'தமிழீழத் திரைக்களம்' சார்பாக முறையாக அறிவிக்கப்படும். கதையின் தேவையை பொறுத்து 3லிருந்து 5 பாகங்கள் வரை எடுக்க திட்டமிட்டுள்ளோம்.

https://www.bbc.com/tamil/arts-and-culture-57648656

இந்த பிபிசி தமிழுக்கும் என்னவோ நடந்துட்டுது!

Link to comment
Share on other sites

  • கருத்துக்கள உறவுகள்
31 minutes ago, ஏராளன் said:

மேதகு' திரைப்படம்: ''ஜகமே தந்திரம்', 'தி ஃபேமிலிமேன்' கதைகளுக்கான பதிலடி!'- இயக்குநர் கிட்டு

இது தான் சரியான நடவடிக்கை அதைவிட்டுவிட்டு  அந்த  படத்தை தடை செய் அந்த படத்தில் நீ நடிக்க கூடாது என்ற அடாவடிகள் ஏற்று கொள்ள முடியாதவை.

Link to comment
Share on other sites

2 hours ago, விளங்க நினைப்பவன் said:

இது தான் சரியான நடவடிக்கை அதைவிட்டுவிட்டு  அந்த  படத்தை தடை செய் அந்த படத்தில் நீ நடிக்க கூடாது என்ற அடாவடிகள் ஏற்று கொள்ள முடியாதவை.

உண்மை தான்.

ஆனால் இந்த படம் வெளிவருவதற்கு எவ்வளவு சிரமம் இன்று வரை நம்பமுடியவில்லை எப்படி விட்டார்கள் என்று. (ஆனாலும் தவறான கருத்து வேறுபாடுகள் தினிக்கப்படுவது தவறு அல்லவா எங்கள் இனத்தை கொச்சை படுத்துவது சரியா? ) 

Link to comment
Share on other sites

  • கருத்துக்கள உறவுகள்
9 minutes ago, appan said:

உண்மை தான்.

ஆனால் இந்த படம் வெளிவருவதற்கு எவ்வளவு சிரமம் இன்று வரை நம்பமுடியவில்லை எப்படி விட்டார்கள் என்று. (ஆனாலும் தவறான கருத்து வேறுபாடுகள் தினிக்கப்படுவது தவறு அல்லவா எங்கள் இனத்தை கொச்சை படுத்துவது சரியா? ) 

அடுத்தடுத்த பகுதிகளுக்கு ஆப்பு வைக்க முயலலாம்.

Link to comment
Share on other sites

  • கருத்துக்கள உறவுகள்
4 hours ago, ஏராளன் said:

 

சீமான் அண்ணன் சென்னையில் இல்லை. நேற்று இரவு அவர் படம் பார்த்துவிட்டதாக செய்தி கேள்விப்பட்டேன். கண்டிப்பாக படம் குறித்து பேசுவார். அதுபோல, நிறைய அரசியல் தலைவர்கள் இன்று, நாளைக்குள் படம்

ஏராளன்,

இது உங்களுக்கான கேள்வி. இந்த விடயத்தை எல்லாருடனும் கதைத்து பக்கத்தை 10 வரைக்கும் ஓட்ட நான் விரும்பவில்லை. 

கீழ் வருவது பற்றி உங்கள் நிலைப்பாடு என்ன?

சீமானானோ, கார்தியோ, நாம் தமிழர் டிவிட்டர் பக்கமோ, பாக்கியராசனோ இந்த படம் பற்றி ஒரு மூச்சு கூட டிவிட்டரில் விடவில்லையே?

கருணாநிதியை கிண்டல் பண்ணி வெளியிடும் டிவிட்டில் 10% முயற்சி எடுத்திருந்தாலே #மேதகுவை இந்திய அளவில் டிரெண்ட்டாக்கி இருக்கலாம்.

”படத்தை எப்படியாவது முடங்குங்கள்” என்று சீமான் பேசிய ஆடியோ வந்தது. எவ்வளவோ முயற்சித்யும் படத்தை முடக்க முடியவில்லை. இப்போ ஒரு வரவேற்பு அறிக்கை மட்டும். அத்தோடு சரி.

மணியரசன், சுபவி, பேசுதமிழா, பாரி என பல போக்கில் உள்ளோரும் கூட ஒன்றாக வந்து இந்த படத்தை முன் தள்ளும் போது, அடிமட்ட தம்பிகள் இந்த படத்தை கொண்டாடும் போது,

சீமானும் அவரை சூழ உள்ளோரும் தமது முழு பலத்தையும் இந்த படத்தின் பின் போடாமல் ஒரு அறிக்கையில் கடந்து போனது சரிதானா?

Link to comment
Share on other sites

  • கருத்துக்கள உறவுகள்
29 minutes ago, goshan_che said:

ஏராளன்,

இது உங்களுக்கான கேள்வி. இந்த விடயத்தை எல்லாருடனும் கதைத்து பக்கத்தை 10 வரைக்கும் ஓட்ட நான் விரும்பவில்லை. 

கீழ் வருவது பற்றி உங்கள் நிலைப்பாடு என்ன?

சீமானானோ, கார்தியோ, நாம் தமிழர் டிவிட்டர் பக்கமோ, பாக்கியராசனோ இந்த படம் பற்றி ஒரு மூச்சு கூட டிவிட்டரில் விடவில்லையே?

கருணாநிதியை கிண்டல் பண்ணி வெளியிடும் டிவிட்டில் 10% முயற்சி எடுத்திருந்தாலே #மேதகுவை இந்திய அளவில் டிரெண்ட்டாக்கி இருக்கலாம்.

”படத்தை எப்படியாவது முடங்குங்கள்” என்று சீமான் பேசிய ஆடியோ வந்தது. எவ்வளவோ முயற்சித்யும் படத்தை முடக்க முடியவில்லை. இப்போ ஒரு வரவேற்பு அறிக்கை மட்டும். அத்தோடு சரி.

மணியரசன், சுபவி, பேசுதமிழா, பாரி என பல போக்கில் உள்ளோரும் கூட ஒன்றாக வந்து இந்த படத்தை முன் தள்ளும் போது, அடிமட்ட தம்பிகள் இந்த படத்தை கொண்டாடும் போது,

சீமானும் அவரை சூழ உள்ளோரும் தமது முழு பலத்தையும் இந்த படத்தின் பின் போடாமல் ஒரு அறிக்கையில் கடந்து போனது சரிதானா?

பத்து பக்கம் இழுக்க எனக்கும் விருப்பமில்லை, ஆனால் சுட்டிக் காட்ட வேண்டியதை உரிய இடத்தில் செய்ய வேண்டியது அவசியம்: காரம் குறைந்த வார்த்தைகளில் சொன்னால், சீமான் ஒரு சாதாரண மூன்றாம் தர தமிழக அரசியல் வாதி என்பதைப் பல சம்பவங்கள் வெளிக்காட்டியிருக்கின்றன - இந்த மேதகு மௌனம் தற்போதைய சம்பவம்.

சீமானின் மௌனத்தைக் கேள்வி கேட்காமல் யாழ் கள உறுப்பினர் ஒருவர் மேதகு பற்றி மௌனம் காக்கிறார் என்று ஒரு நா.த.க ஆதரவாளர் குறைப்பட்டதை எண்ணி வியக்கிறேன்!😂

Some people see, what they like to see என்பதை நிரூபிக்கும் தருணங்கள் இவை!

Link to comment
Share on other sites

  • கருத்துக்கள உறவுகள்
1 hour ago, goshan_che said:

ஏராளன்,

இது உங்களுக்கான கேள்வி. இந்த விடயத்தை எல்லாருடனும் கதைத்து பக்கத்தை 10 வரைக்கும் ஓட்ட நான் விரும்பவில்லை. 

கீழ் வருவது பற்றி உங்கள் நிலைப்பாடு என்ன?

சீமானானோ, கார்தியோ, நாம் தமிழர் டிவிட்டர் பக்கமோ, பாக்கியராசனோ இந்த படம் பற்றி ஒரு மூச்சு கூட டிவிட்டரில் விடவில்லையே?

கருணாநிதியை கிண்டல் பண்ணி வெளியிடும் டிவிட்டில் 10% முயற்சி எடுத்திருந்தாலே #மேதகுவை இந்திய அளவில் டிரெண்ட்டாக்கி இருக்கலாம்.

”படத்தை எப்படியாவது முடங்குங்கள்” என்று சீமான் பேசிய ஆடியோ வந்தது. எவ்வளவோ முயற்சித்யும் படத்தை முடக்க முடியவில்லை. இப்போ ஒரு வரவேற்பு அறிக்கை மட்டும். அத்தோடு சரி.

மணியரசன், சுபவி, பேசுதமிழா, பாரி என பல போக்கில் உள்ளோரும் கூட ஒன்றாக வந்து இந்த படத்தை முன் தள்ளும் போது, அடிமட்ட தம்பிகள் இந்த படத்தை கொண்டாடும் போது,

சீமானும் அவரை சூழ உள்ளோரும் தமது முழு பலத்தையும் இந்த படத்தின் பின் போடாமல் ஒரு அறிக்கையில் கடந்து போனது சரிதானா?

சீமான் என்னும் புறம்போக்கு இந்த காணொளியால் கிட்டு மீது கட்சியில் இருப்போருக்கு கோபமாம். ஆனாலும் எல்லோரும் படத்தை பார்த்திருப்பார்கள், ரசித்திருப்பார்கள். வெளிப்படையான அறிக்கை ஏதும் இல்லை. படம் மக்கள் மத்தியில் ஓரளவு சென்றடைந்துள்ளதாகவே தெரிகிறது. 
இன்னொரு விடயம் சீமானும் நாம் தமிழரும் படத்தை தூக்கி பிடித்திருந்தால் வெளியிடவிடாதும் முடக்கி இருக்கலாம். இது எனது மனதில் பட்டது.

இந்த இணைப்பில் கிருஸ்ணா முத்துகுமரப்பனின் தத்துவமா தலைமையா என்ற காணொளி ராஜிவ் கல்யாணசுந்தரம் விலக்கப்பட்ட போது வந்தது.

நான் சீமான் ஆதரவாளர் இல்லை, உங்களைப்போல விமர்சனங்களோடு அவரை தொடர்ந்து கவனிக்கிறேன்.

Link to comment
Share on other sites

  • கருத்துக்கள உறவுகள்
38 minutes ago, ஏராளன் said:

நான் சீமான் ஆதரவாளர் இல்லை, உங்களைப்போல விமர்சனங்களோடு அவரை தொடர்ந்து கவனிக்கிறேன்.

இதனால்தான் அந்த கேள்வியை உங்களை நோக்கி முன்வைத்தேன். பதிலுக்கு நன்றி.

அந்த காணொளியில் தலைப்பு கொஞ்சம் அதிர்சியாக இருந்தாலும், காணொளி முழுவதும் சீமானை உயர்த்தி அல்லவா பேசுகிறது? இதற்காகவா கிட்டு மீதும் அவர் எடுத்த தலைவர் பற்றிய படம் மீதும் இத்துணை பாராமுகம்?

எனக்கு கிட்டு போன்றவர்கள் தமிழ் தேசியத்துக்கு உண்மையாக இருப்பதால் வேணும் என்றே ஓரம் கட்ட படுவதாகவே தெரிகிறது.

1 hour ago, Justin said:

பத்து பக்கம் இழுக்க எனக்கும் விருப்பமில்லை, ஆனால் சுட்டிக் காட்ட வேண்டியதை உரிய இடத்தில் செய்ய வேண்டியது அவசியம்: காரம் குறைந்த வார்த்தைகளில் சொன்னால், சீமான் ஒரு சாதாரண மூன்றாம் தர தமிழக அரசியல் வாதி என்பதைப் பல சம்பவங்கள் வெளிக்காட்டியிருக்கின்றன - இந்த மேதகு மௌனம் தற்போதைய சம்பவம்.

சீமானின் மௌனத்தைக் கேள்வி கேட்காமல் யாழ் கள உறுப்பினர் ஒருவர் மேதகு பற்றி மௌனம் காக்கிறார் என்று ஒரு நா.த.க ஆதரவாளர் குறைப்பட்டதை எண்ணி வியக்கிறேன்!😂

Some people see, what they like to see என்பதை நிரூபிக்கும் தருணங்கள் இவை!

மெளனம் பேசியதே🤣

Link to comment
Share on other sites

1 hour ago, ஏராளன் said:

சீமான் என்னும் புறம்போக்கு இந்த காணொளியால் கிட்டு மீது கட்சியில் இருப்போருக்கு கோபமாம். ஆனாலும் எல்லோரும் படத்தை பார்த்திருப்பார்கள், ரசித்திருப்பார்கள். வெளிப்படையான அறிக்கை ஏதும் இல்லை. படம் மக்கள் மத்தியில் ஓரளவு சென்றடைந்துள்ளதாகவே தெரிகிறது. 
இன்னொரு விடயம் சீமானும் நாம் தமிழரும் படத்தை தூக்கி பிடித்திருந்தால் வெளியிடவிடாதும் முடக்கி இருக்கலாம். இது எனது மனதில் பட்டது.

இந்த இணைப்பில் கிருஸ்ணா முத்துகுமரப்பனின் தத்துவமா தலைமையா என்ற காணொளி ராஜிவ் கல்யாணசுந்தரம் விலக்கப்பட்ட போது வந்தது.

நான் சீமான் ஆதரவாளர் இல்லை, உங்களைப்போல விமர்சனங்களோடு அவரை தொடர்ந்து கவனிக்கிறேன்.

சீமான் வாய் திறந்து ஒரு வார்த்தை சொல்லி இருந்தால். ஒன்றில் படம் நின்று இருக்கும் அல்லது சீமான் உள்ளே சென்று இருக்க வேண்டும். (உண்மையோ  பொய்யோ சூசை குரலால் நன்றாகவே புரியும்) 

Link to comment
Share on other sites

  • கருத்துக்கள உறவுகள்
1 hour ago, appan said:

சீமான் வாய் திறந்து ஒரு வார்த்தை சொல்லி இருந்தால். ஒன்றில் படம் நின்று இருக்கும் அல்லது சீமான் உள்ளே சென்று இருக்க வேண்டும். (உண்மையோ  பொய்யோ சூசை குரலால் நன்றாகவே புரியும்) 

உள்ளே போக விருப்பமின்மையால் எதுவும் சொல்லாமலிருந்தார் என்றால் நம்பக் கூடியதே! அமெரிக்க தமிழ்ச்சங்க நேரலையில் கொடியை ஒழித்தது போல இருக்கலாம்!

ஆனால், கிட்டு, க.சு பெயர் சொல்லி வெளியே வந்த ஒலி நறுக்கு அதைக் காரணமாகச் சுட்டிக் காட்டவில்லையே? ஒரு வேளை அதுவும் சீமான் படத்தை விளம்பரம் செய்ய எடுத்த தந்திரமான முயற்சி என்பீர்களோ?🤔

கற்பனைக்கேது கடிவாளம் அப்பனே?

Link to comment
Share on other sites

1 hour ago, Justin said:

உள்ளே போக விருப்பமின்மையால் எதுவும் சொல்லாமலிருந்தார் என்றால் நம்பக் கூடியதே! அமெரிக்க தமிழ்ச்சங்க நேரலையில் கொடியை ஒழித்தது போல இருக்கலாம்!

ஆனால், கிட்டு, க.சு பெயர் சொல்லி வெளியே வந்த ஒலி நறுக்கு அதைக் காரணமாகச் சுட்டிக் காட்டவில்லையே? ஒரு வேளை அதுவும் சீமான் படத்தை விளம்பரம் செய்ய எடுத்த தந்திரமான முயற்சி என்பீர்களோ?🤔

கற்பனைக்கேது கடிவாளம் அப்பனே?

நியாமான காரணமாக வாதிடலாம் . தெரிந்தும் மாட்டி விடும் கூட்டத்துடன் சகாசம் கூடாது. 

Link to comment
Share on other sites

  • கருத்துக்கள உறவுகள்
6 minutes ago, appan said:

நியாமான காரணமாக வாதிடலாம் . தெரிந்தும் மாட்டி விடும் கூட்டத்துடன் சகாசம் கூடாது. 

சீமானின் உண்மையான முகம் பலருக்குத் தெரிந்திருக்கிறது என்பதைக் குறிப்பிடுகிறீர்கள் போல! சரியே. ஆனால், அந்தப் "பலருள்" தீவிர சீமான் விசுவாசிகளும் அடக்கம்! இந்த நடிப்பைச் சுட்டிக் காட்டுவதை "மாட்டி விடுதல்" என்கிறீர்கள்?😂

விளக்கம் சரியென்றால் பதில் அவசியமில்லை!

Link to comment
Share on other sites

  • கருத்துக்கள உறவுகள்
9 hours ago, appan said:

(ஆனாலும் தவறான கருத்து வேறுபாடுகள் தினிக்கப்படுவது தவறு அல்லவா எங்கள் இனத்தை கொச்சை படுத்துவது சரியா? ) 

படத்தில் எங்கள் இனத்தை கொச்சை படுத்தி படம் எடுப்பது தவறு தான். ஆனால் அப்படியான  படங்களை வைத்து  எங்கள் இனத்தை மற்றவர்கள் மதிப்பிட போவதில்லை. சும்மா Dark Fate Terminator படங்கள் மாதிரி பார்த்துவிட்டு போய்விடுவார்கள். படத்தை தடை செய் என்கின்ற போது தான் இனம் பற்றிய தவறான எண்ணம் வெறுப்பும் ஏற்பட சந்தர்ப்பம் உள்ளது.

Link to comment
Share on other sites

  • கருத்துக்கள உறவுகள்

புலிப்பார்வை என்ற பிரவீன் காந்தியின் குப்பையை முன்னின்று வெளியிடப்போய் 
கையை சுட்டுக்கொண்டதால் படம் வரட்டும் உள்ளே  என்ன சரக்கு இருக்கிறது என்று பார்த்துவிட்டு நடவடிக்கையிலிறங்க உத்தேசித்திருக்கலாம், இது எனது அனுமானம் மட்டுமே

Link to comment
Share on other sites

  • கருத்துக்கள உறவுகள்
On 29/6/2021 at 19:26, goshan_che said:

ஏராளன்,

இது உங்களுக்கான கேள்வி. இந்த விடயத்தை எல்லாருடனும் கதைத்து பக்கத்தை 10 வரைக்கும் ஓட்ட நான் விரும்பவில்லை. 

கீழ் வருவது பற்றி உங்கள் நிலைப்பாடு என்ன?

சீமானானோ, கார்தியோ, நாம் தமிழர் டிவிட்டர் பக்கமோ, பாக்கியராசனோ இந்த படம் பற்றி ஒரு மூச்சு கூட டிவிட்டரில் விடவில்லையே?

கருணாநிதியை கிண்டல் பண்ணி வெளியிடும் டிவிட்டில் 10% முயற்சி எடுத்திருந்தாலே #மேதகுவை இந்திய அளவில் டிரெண்ட்டாக்கி இருக்கலாம்.

”படத்தை எப்படியாவது முடங்குங்கள்” என்று சீமான் பேசிய ஆடியோ வந்தது. எவ்வளவோ முயற்சித்யும் படத்தை முடக்க முடியவில்லை. இப்போ ஒரு வரவேற்பு அறிக்கை மட்டும். அத்தோடு சரி.

மணியரசன், சுபவி, பேசுதமிழா, பாரி என பல போக்கில் உள்ளோரும் கூட ஒன்றாக வந்து இந்த படத்தை முன் தள்ளும் போது, அடிமட்ட தம்பிகள் இந்த படத்தை கொண்டாடும் போது,

சீமானும் அவரை சூழ உள்ளோரும் தமது முழு பலத்தையும் இந்த படத்தின் பின் போடாமல் ஒரு அறிக்கையில் கடந்து போனது சரிதானா?

 

Link to comment
Share on other sites

  • கருத்துக்கள உறவுகள்
11 hours ago, அக்னியஷ்த்ரா said:

புலிப்பார்வை என்ற பிரவீன் காந்தியின் குப்பையை முன்னின்று வெளியிடப்போய் 
கையை சுட்டுக்கொண்டதால் படம் வரட்டும் உள்ளே  என்ன சரக்கு இருக்கிறது என்று பார்த்துவிட்டு நடவடிக்கையிலிறங்க உத்தேசித்திருக்கலாம், இது எனது அனுமானம் மட்டுமே

இது வெளிப்படையாக நியாயமான காரணமாக தெரிகிறது.

இந்த படம் பற்றிய அறிவிப்பு வந்த போது @நந்தன். இவற்றை நாம் வரவேற்கும் முன் கொஞ்சம் அவதானமாக இருக்க வேண்டும் என்று எழுதினார். அது மிக நியாமான நிலைப்பாடுதான்.

நானே கூட பட வெளியீடு பற்றி பகிர்ந்த செய்தியில் எப்படி வருமோ? என்றே எழுதினேன்.

ஆனால் படம் வெளிவந்த பிறகும், படத்தில் ஒரு குறையும் இல்லை என தெரிந்த பின்பும். அதை பற்றி ஒரு அறிக்கையை மட்டும் விட்டு விட்டு ஒட்டு மொத்த நாம் தமிழர் அமைப்பும், அதன் சமூக ஊடக படையும் மெளனம் காப்பது வேறு மாதிரியே சிந்திக்க வைக்கிறது.

பலர் சொல்வதை போல் இது கிட்டு, குகன் குமார் மீது சீமானுக்கு விருப்பமில்லை என்ற ஒரு காரணமாக மட்டும் எனக்கு தெரியவில்லை.

நிச்சயம் இப்படி ஒரு படம், அது பைனான்ஸ் பண்ணுபட்ட முறை, வெளிவந்த முறை,  அது தடைகளை தாண்டிய விதம், கிடைத்த வரவேற்பு இந்திய கொள்கை வகுப்பாளருக்கு கசப்பானதாகவே இருந்திருக்கும்.

நான் சீமான் இந்த படத்தை தடுக்க முனைந்ததையும் (அந்த ஆடியோ பொய் என்று யாரும் சொல்லுவார்கள் என நான் நினைக்கவில்லை), வெளி வந்தபின் புறகணித்ததையும் இந்த பிண்ணனியில்தான் பார்கிறேன்.

 

Link to comment
Share on other sites

  • கருத்துக்கள உறவுகள்
On 29/6/2021 at 13:39, ஈழப்பிரியன் said:

அடுத்தடுத்த பகுதிகளுக்கு ஆப்பு வைக்க முயலலாம்.

ஆரம்பத்தில் இருந்தே முழு ஆதரவு கொடுப்பதாக காட்டி இருந்தால், படமே வராமல் போயிருக்கலாம். ஆப்பு வைப்பார்கள் என்று தான் சீமான் எதிர்ப்பது போல ஆரம்பத்தில் இருந்தே காட்டி வந்தார்களோ, யாம் அறியோம். 

முன்னர் வேறு படங்கள், சென்சரினால் தடை ஆகி உள்ளன. 

இது ஒரு தந்திரமாகவும் இருக்கலாம். 🤗

33 minutes ago, goshan_che said:

நிச்சயம் இப்படி ஒரு படம், அது பைனான்ஸ் பண்ணுபட்ட முறை, வெளிவந்த முறை,  அது தடைகளை தாண்டிய விதம், கிடைத்த வரவேற்பு இந்திய கொள்கை வகுப்பாளருக்கு கசப்பானதாகவே இருந்திருக்கும்.

இந்திய கொள்கை வகுப்பாளர்கள், புலி விசயத்தில் இறுக்கி பிடிக்க வெளிக்கிட்டு, சீனா விசயத்தில் கோட்டையை விட்டுவிட்டார்கள் என்று நினைக்கிறேன்.

இது குறித்த உங்கள் கருத்து என்ன?  

Link to comment
Share on other sites

  • கருத்துக்கள உறவுகள்
3 hours ago, ஏராளன் said:

 

இந்த படத்தை @Kuna kaviyalahan ஏன் அரசியல் குண்டு என்கிறார்?

இந்த படத்தை அதிக அளவில் தமிழ் மக்கள் பார்க்கும் போது அது ஒரு கட்டுப்படுத்த முடியாத அரசியல் மாற்றத்தை தமிழ் நாட்டில் ஏற்படுத்தலாம்.

இந்த அரசியல் குண்டை தமிழ் நாட்டு/ இந்திய ஆட்சியாளர் எப்படி செயழிழக்க செய்யலாம்? இதை வெளிவராமல் தடுப்பது. அது முடியாவிட்டால் மக்கள் அதிகம் பார்க்கும் ஓடிடி தளங்களில் வெளிவராமல் தடுப்பது.

 வெளி நாட்டில் வாழும் நாமே பல இடர் பட்டுத்தான் இந்த படத்தை பார்த்தோம். 

அப்படி இருக்க இந்த படம் எத்தனை சதவீத சராசரி தமிழ் நாட்டு மக்களை போய் சேரும்?

நிச்சயம் சென்சார் தியேட்டரில் வெளியிட விடாது. ஆனால் தடையும் பண்ண மாட்டர்கள்.

மக்கள் பார்க்காமல் பண்ணி விட்டால் போதும். 

இந்த படத்தை ஒரு சில சதவீத தமிழ்நாட்டு மக்கள் மட்டும் பார்க்கும் படி முடக்குவதுதான் இந்தியாவின் இந்த படத்தை கையாளும் தந்திரோபாயம்.

முடிந்தளவு மக்களிடம் கொண்டு போகும் வலு இருந்தும், கருணாநிதி மீதான வசவுகளை இந்திய அளவில் 2ம் இடத்தில் டிரெண்டாக்கும் சமூகவலைதள படை கூட இருந்தும், அத்தனை வாய்களையும் கட்டிப்போட்டு, இந்த படத்தை புறக்கணிப்பவர்,

எமது நண்பரா? இந்திய ஆளும் வர்க்கத்தின் நண்பரா?

6 minutes ago, Nathamuni said:

 

இந்திய கொள்கை வகுப்பாளர்கள், புலி விசயத்தில் இறுக்கி பிடிக்க வெளிக்கிட்டு, சீனா விசயத்தில் கோட்டையை விட்டுவிட்டார்கள் என்று நினைக்கிறேன்.

இது குறித்த உங்கள் கருத்து என்ன?  

கையிறுழுக்கும் பந்தயம் இன்னும் முடியவில்லை.

Link to comment
Share on other sites

  • கருத்துக்கள உறவுகள்

https://www.facebook.com/gnanadas.kasinathar/posts/10224954432864278

"நான் ஒராள் செய்யிறதாலே என்ன பெருசா நடக்கப் போகுது, ஆருக்குத் தெரியப் போகுது"
என்னும் மனோபாவத்தில் நாம் ஒவ்வொருவரும் செய்த பல்லாயிரம் சிறு தவறுகள் ஈழவிடுதலைப் போராட்டத்தை எவ்வளவு பாதித்திருக்கும், நமக்காகப் உயிர் கொடுத்துப் போராடியவர்களுக்கு எவ்வளவு பெரிய ஆப்பை இறுக்கியிருக்கும் என நினைத்துப் பார்க்க வேண்டும்.
உதாரணமாக, வெளிநாடுகளில், "புலிகளுக்குப் பயந்துதான், வெளிநாடு வந்தனான்" என்று வாக்குமூலம் கொடுத்து வதிவிட உரிமையை எளிதாக வாங்கிக் கொண்ட "தீவிர புலி மற்றும் தமிழ்த் தேசிய ஆதரவாளர்கள்" எத்தனை பேர் உள்ளனர்.
லோயர்களின் மூளைச் சலவைக்கு ஆட்பட்டு இவ்வாறு கொடுத்த வாக்குமூலங்கள் புலிகளை பயங்கரவாத இயக்கமாக அந்தந்த நாடுகளில் பிரகடனப்படுத்துவதற்கு எவ்வாறு ஒரு சாட்சி ஆவணமாக மாறும் என அப்போது எண்ணிப் பார்த்ததில்லை.
அப்பொழுது நமக்கு நாம் சொல்லிக் கொண்டதெல்லாம்...
"நான் ஒராள் செய்யிறதாலே என்ன பெருசா நடக்கப் போகுது, இது வேறை ஆருக்குத் தெரியப் போகுது"
அதே மனோபாவத்துடந்தான் இன்னும் மக்கள் பலர் இருக்கிறார்கள் என்பதை "மேதகு" பட பார்வையாளர் தரவு காட்டுகிறது.
அங்கிங்கெனாது எங்கும் வாழும் தமிழர்கள் பார்த்து பாராட்டிக் கொண்டிருக்கிறார்கள் "மேதகு" படத்தை. உணர்ச்சி பொங்கிடப் பதிவுகள் போட்டுக் கொண்டிருக்கின்றனர்.
நான் நினைச்சன், பாகம் 2 க்கான பணம் இதுவரை வசூலாகியிருக்கும் என்று.
ஆனால்...
நாம் போற்றும் "மேதகு" ஐக் காசு கட்டி முறைப்படி, பார்த்தவர்களின் எண்ணிக்கை மொத்தம் 40, 000 பேர்தான்.
அதில் 90 வீதமானோர் இந்தியாவில் (தமிழ்நாட்டில்) பார்த்துள்ளனர்.
ஆக 4,000 தமிழர்கள்தான் இந்தியாவுக்கு வெளியால் முறைப்படி காசு கட்டிப் பார்த்துள்ளனர்.
உண்மையில் மனம் கொதிக்கிறது.
வெறும் 5 டொலர்கள்!
நாம் மொத்தத்தில் செலுத்தியது, 20, 000 டொலர்கள்தான். "மாஸ்டர்" படத்துக்கு நாம் செலுத்தியது இலங்கைக் காசுக்கு 50 கோடிக்கு மேல்.
வெறும் 5 டொலர்கள்!
அதைச் செலுத்தி "மேதகு" ஐப் பார்க்கும் மனோபாவம் அற்றவர்களா நாம்?
ஒவ்வொருவரும் நினைக்கிறோம்,
"நான் ஒராள் செய்யிறதாலே என்ன பெருசா நடக்கப் போகுது, வேறை ஆருக்குத் தெரியப் போகுது"
அப்படியே ஒவ்வொருதரும் செய்வதால் எதையெல்லாம் நாம் இழக்கிறோம் என நினைத்துப் பாருங்கள் உறவுகளே.
மேதகு படத்தில் பணியாற்றிய இரண்டு நடிகர்களைத் தவிர (சிறி மாவோ பாத்திரத்தில் நடித்த மலையாளப் நடிகை, அல்பிரட் பாத்திரத்தில் நடித்த நடிகர்) வேறு எவரும் இதுவரை ஒரு சதம் சம்பளம் கூடப் பெறவில்லை. எல்லோரும் தத்தமது பணத்தில் பயணம் செய்து வந்து நடித்தவர்கள். அவர்களுக்குக் குடும்பம் உள்ளது. இயக்குனர் கிட்டுவுக்குக் குடும்பம் உள்ளது. இவர்கள் யாருக்கும் இதுவரை எந்தச் சம்பளமும் வழங்கப்படவில்லை. தயாரிப்புக்காக வட்டிக்கு வாங்கப்பட்ட கடன் உள்ளது...
உறவுகளுக்கு அன்பான வேண்டுகோள்:
யார் யார் பழக்க தோசத்தில் களவாகப் பார்த்தீர்களோ அவர்கள் அனைவரும் கீழ்வரும் இணைப்புக்குச் சென்று அந்த 5 டொலர்களைக் செலுத்தி விடுங்கள்.
"மேதகு" வுக்காக இதைச் செய்யுங்கள்.
முடிந்தால் இதைப் பிரதி செய்து உங்கள் உங்கள் முகநூலில் பகிருங்கள்.
1 நபர் மற்றும் உரை இன் கார்ட்டூனாக இருக்கக்கூடும்
 
 
 
 
Link to comment
Share on other sites

  • கருத்துக்கள உறவுகள்

பௌத்த பிக்கு ஒருவரால் சுட்டுக்கொல்லப்பட்ட பண்டார நாயக்கவின் மனைவி சிறிமாவோ
பௌத்த பிக்குக்களை குறி வைக்காமல் தமிழர்கள் மீது குறி வைத்தது என்ற காட்சி  கேள்விக்குறி ஆகின்றது
பல இடங்களில் தேவையற்ற காட்சிகள் நீட்டிக்கப்பட்டு தேவையான காட்சிகளை சேர்க்க இயக்குனர் விரும்பவில்லை எனத் தெளிவாகத் தெரிகின்றது.
சமகாலத்தில் மேதகுவுடன் இருந்தவர்கள் பலர் தவிர்க்கப்பட்டுள்ளார்கள்.
மெதகுவை முன்னிறுத்தி எடுத்த திரைப்படமாகவிருந்தாலும் ஈழத்தமிழர்களின்
விடுதலைப் போராட்ட வரலாறு திசை மாறிச் செல்கின்றது கதையில்  

Link to comment
Share on other sites

  • கருத்துக்கள உறவுகள்
52 minutes ago, குமாரசாமி said:

உண்மையில் மனம் கொதிக்கிறது.

என்னத்தை சொல்ல? என்னிடம் வாட்சப்பில் 2 பேர் கடவுசொல் ஏதும் உண்டா என்று நூல் விட்டார்கள். 

ஐந்து டொலருக்கு வழி இல்லாமல் வெளிநாட்டில் என்னத்தை **** எண்டு எழுதியதை அழித்து விட்டு. என்னது இப்போ வேலை செய்யவில்லை என்று சமாளித்து விட்டேன்.

 

Link to comment
Share on other sites

  • கருத்துக்கள உறவுகள்
10 hours ago, goshan_che said:

என்னத்தை சொல்ல? என்னிடம் வாட்சப்பில் 2 பேர் கடவுசொல் ஏதும் உண்டா என்று நூல் விட்டார்கள். 

ஐந்து டொலருக்கு வழி இல்லாமல் வெளிநாட்டில் என்னத்தை **** எண்டு எழுதியதை அழித்து விட்டு. என்னது இப்போ வேலை செய்யவில்லை என்று சமாளித்து விட்டேன்.

 

ஒரு பக்கம் இந்தியாவும் சர்வதேசமும் எமக்கு துரோகம் செய்து விட்டது என அலறியபடி  மறு பக்கம்  தமக்குள் தாமே துரோகங்களை செய்து கொண்டிருக்கும் இனம் நம் இனம்.

ஒரு நாள் கூத்துக்கு சாறி வாங்க 1000 தொடக்கம் 5000 காசுகளை செலவழிப்பவர்கள் இனம் சம்பந்தப்பட்ட நற்செயல்களுக்கு 5 சதம் செலவளிக்க மாட்டார்கள்.

Link to comment
Share on other sites

  • கருத்துக்கள உறவுகள்

"அண்ணாவின் நாடகம், கருணாநிதியின் பேச்சுகளில் நையாண்டி இல்லையா?"- `மேதகு' இயக்குநர் கிட்டு

மேதகு

மேதகு

"இந்தப் படத்தைத் தடுத்து நிறுத்துவதற்காக மேற்கொள்ளப்படும் பல்வேறு முயற்சிகளில் இதுவும் ஒன்று என இதை வைத்துக் கொள்ளலாம்." - `மேதகு' இயக்குநர் கிட்டு.

newsletter_image.png?format=webp&w=576&dpr=1.0

விகடன் நியூஸ் லெட்டருக்கு சப்ஸ்கிரைப் பண்ணுங்க...!

எக்ஸ்க்ளுசிவ் நியூஸ் கட்டுரைகள் தினமும் உங்களை தேடி…!

Get Our Newsletter
'மேதகு' திரைப்படம் இணையத்தில் நேரடியாக வெளியாகி பலரின் பாராட்டுகளைப் பெற்றுவருகிறது. அதே சமயம், அதன் இயக்குநர் தி.கிட்டு மீது விமர்சனங்களும் எட்டிப் பார்க்கின்றன. அவரின் பழைய ஃபேஸ்புக் பதிவுகள் திராவிடத் தலைவர்களை ஏளனம் செய்யும் வகையிலும் கடும் விமர்சனம் செய்யும் தொனியிலும் இருக்கின்றன. இதற்குதான் தற்போது எதிர்ப்பலை உருவாகியிருக்கிறது. இது குறித்து இயக்குநர் கிட்டுவிடம் கேட்டேன்.
 

சமூக வலைதளங்களில் திராவிடத் தலைவர்களை கேலி செய்யும் வகையிலான உங்கள் பதிவுகள் விமர்சனத்துக்கு உள்ளாகியிருக்கின்றன. இது குறித்து உங்களது கருத்து என்ன?

`மேதகு' இயக்குநர் கிட்டு
 
`மேதகு' இயக்குநர் கிட்டு
 

"திராவிட சித்தாந்தங்களை முழுமையாக நான் ஏற்பதில்லை. எனவே, நையாண்டியாக சில பதிவுகளைப் பகிர்ந்திருப்பேன். திராவிட மேடைகளிலேயே கருத்துகளை நையாண்டியாகத்தான் பதிவு செய்வார்கள். அண்ணாவின் நாடகங்களாக இருக்கட்டும், கருணாநிதி ஐயாவின் பேச்சாக இருக்கட்டும்... எல்லாவற்றிலும் நையாண்டி இருக்கும். 'நீங்கள் பதிவு செய்வது போன்றே நையாண்டியாக நாங்களும் எங்கள் கருத்துக்களைப் பதிவு செய்வோம்' எனப் பல கருத்துகளை நானும் பகிர்ந்திருக்கிறேன். அரசியல் விமர்சனம் அதிகமாகச் செய்யும் பழக்கம் எனக்கு இருக்கிறது. 'அரசியல் லாபத்துக்காக நீங்க கூட்டணி வெச்சிக்கிறீங்க', 'சாதியா பிரிஞ்ச தலைவர்களை வெச்சி நீங்க அரசியல் பண்றீங்க' என்கிற தொனியில் என் விமர்சனம் இருக்கும். நான் முன்பு பதிவு செய்த அந்தப் பதிவுகளைத் தற்போது பகிர்ந்து என்னை விமர்சனம் செய்கிறார்கள். இந்தப் படத்தைத் தடுத்து நிறுத்துவதற்காக மேற்கொள்ளப்படும் பல்வேறு முயற்சிகளில் இதுவும் ஒன்று என இதை வைத்துக் கொள்ளலாம்.

சீமான், நாம் தமிழர் கட்சி
 
சீமான், நாம் தமிழர் கட்சி
 

சீமானுக்கு எதிராக நான் சில கருத்துக்களைப் பேசுவேன், அதனை வைத்து இந்தப் படத்தை நிறுத்திவிடலாம் என்றெல்லாம் முயற்சிகள் மேற்கொள்ளப்பட்டன. சீமானின் மீது எனக்கு மரியாதை உண்டு. 2019-ல் என் குடும்ப சூழல் காரணமாக நான் அந்தக் கட்சியில் இருந்து வெளியே வந்துவிட்டேன். அவ்வளவுதான். சீமானுக்கு எதிராக என்னைத் திருப்பப்பார்த்தார்கள். அது நடக்கவில்லை என்றதும் என்னுடைய ஃபேஸ்புக் பதிவுகளை வைத்துக்கொண்டு பிரச்னை செய்கிறார்கள்.

நான் கூற வரும் கருத்துகளை நையாண்டியாகப் பதிவு செய்திருப்பேன் அவ்வளவுதான். தலைவர்களைப் பற்றி நான் பதிவிட்ட கருத்துகள் மற்றவர்களைப் புண்படுத்தி இருந்தது என்றால், அதற்கு வருத்தம் தெரிவிக்கவும் நான் தயங்க மாட்டேன். மேலும், விமர்சனம் செய்து கொண்டிருந்தது ஒரு காலம். தற்போது நான் அதையெல்லாம் கடந்து வந்துவிட்டேன். விமர்சனம் செய்வது மட்டுமே அரசியல் அல்ல என்பது புரிந்து அதனைவிட்டு விலகி வந்து சில காலம் ஆகிவிட்டது" என்கிறார் கிட்டு.

 
Link to comment
Share on other sites

  • கருத்துக்கள உறவுகள்
3 hours ago, உடையார் said:

"அண்ணாவின் நாடகம், கருணாநிதியின் பேச்சுகளில் நையாண்டி இல்லையா?"- `மேதகு' இயக்குநர் கிட்டு

கருநாநிதியின் பேச்சில் நையாண்டி மட்டுமல்ல அசிங்கமே இருக்கும்.

Link to comment
Share on other sites

  • கருத்துக்கள உறவுகள்

மேதகு': "திருமாவளவனை தாக்க இதுவே காரணம்" - இயக்குநர் கிட்டு விளக்கம்

  • ச. ஆனந்தப்பிரியா
  • பிபிசி தமிழுக்காக
ஒரு மணி நேரத்துக்கு முன்னர்
மேதகு

பட மூலாதாரம்,KITTU

 
படக்குறிப்பு,

மேதகு திரைப்பட இயக்குநர் கிட்டு

சமீபத்தில் பிஎஸ் வேல்யூ ஓடிடி தளத்தில் விடுதலை புலிகள் தலைவர் பிரபாகரனின் வாழ்க்கை வரலாற்று படமாக 'மேதகு' வெளியாகி இருந்தது. படம் நல்ல வரவேற்பை பெற்ற நிலையில் தற்போது இந்த படத்தின் இயக்குநர் கிட்டுவை சுற்றி சர்ச்சைகள் கிளம்பியுள்ளன. என்ன சர்ச்சை அதற்கு அவரது விளக்கம் என்ன?

விடுதலை புலிகள் இயக்க தலைவர் பிரபாகரனின் வாழ்க்கை வரலாறு படத்தின் முதல் பாகம் கடந்த சில நாட்களுக்கு முன்பு பிஎஸ் வேல்யூ ஓடிடி தளத்தில் வெளியாகியது. பிரபாகரன் பிறப்பு, 1950-களின் பிற்பகுதியில் நடந்த இனக்கலவரம், உலகத்தமிழ் ஆராய்ச்சி மாநாடு, 1980 வரை நடந்த அரசியல் மாற்றங்கள், கல்வி போராட்டம், பிரபாகரனின் முதல் அமைப்பான புதிய தமிழ்ப் புலிகள் உருவானது வரை தற்போது வெளியாகியிருக்கும் முதல் பாகத்தில் சொல்லப்பட்டுள்ளது.

பிரபாகரன் வாழ்க்கையை சித்தரித்ததில் சில குறைகள் இருந்தாலும் உண்மை நெருக்கமாக அமைந்திருக்கிறது என பரவலான பாராட்டுகளையும் படக்குழு பெற்றது.

இப்போது என்ன சர்ச்சை?

 

'மேதகு' திரைப்படத்தின் இயக்குநர் கிட்டு, முன்பு 'நாம் தமிழர் கட்சி'யில் இருந்தவர். இப்போது கட்சியில் இருந்து அவர் வெளியேறி விட்டார்.

இந்த நிலையில், அவர் கட்சியில் இருந்த போது சமூகவலைதள பக்கங்களில் திராவிட இயக்கங்கள் குறித்தும், தனிமனித தாக்குதல், அவதூறு, நாகரிமற்ற வார்த்தைகள் உபயோகப்படுத்தி விமர்சனம் என கடந்த 2019-ல் அவர் பதிவிட்ட பல பதிவுகள் தற்போது சமூக வலைதளங்களில் சர்ச்சைகளை கிளப்பி இருக்கிறது.

Twitter பதிவை கடந்து செல்ல, 1

Twitter பதிவின் முடிவு, 1

இந்த சர்ச்சைகளை தொடர்ந்து இயக்குநர் கிட்டு தனது முகநூல் பக்கத்தை தனிப்பட்ட முறையில் மாற்றியிருப்பதும் (Locked Account) விமர்சனம் ஆகியுள்ளது.

'எதிர்வினை கருத்துகள்'

பெரியார் குறித்தும், திராவிடம், பெண்கள் குறித்தும் தனிப்பட்ட முறையிலான தாக்குதல்களாக, அவதூறாக இருக்கும் இந்த பதிவுகளை பலரும் தற்போது சமூகவலைதளங்களில் கண்டித்து வருகின்றனர். இப்படி கருத்து சொல்லியிருக்கக்கூடியவர் எப்படி இப்படி ஒரு படத்தை எடுக்க முடியும் என்பதுதான் அதன் சாரமாக இருக்கிறது. இந்த சர்ச்சைகள் தொடர்பாக விளக்கம் பெற இயக்குநர் கிட்டுவை பிபிசி தமிழுக்காக தொடர்பு கொண்டோம், "கடந்த 2019-ல் தலைவர்கள் யாராவது தமிழ் தேசியத்தை எதிர்த்து கருத்து சொன்னாலோ, வன்மமாக பேசினாலோ அதற்கு எதிர்வினையாற்றும் பொருட்டு சில கருத்துகளை பதிவிட்டிருந்தோம். ஆனால், அதை எல்லாம் எதற்கு இப்போது எடுத்து பேச வேண்டும் என தெரியவில்லை. 'மேதகு' படம் நல்ல வெற்றி பெற்று மக்களிடம் போய் சேர்ந்து கொண்டிருக்கிறது. அதை தடுக்க வேண்டும் என்பதற்காகவே இதை செய்கிறார்கள். அந்த சமயத்தில் அவர்கள் பேசியதற்கான எதிர்வினைதான் செய்தோம்".

திருமாவளவனை தாக்கியது ஏன்?

மேதகு

பட மூலாதாரம்,TWITTER @BS_VALUE

கிட்டுவின் முகநூல் பக்கத்தில் விசிக தலைவர் திருமாவளவனை தனிப்பட்ட முறையில் தாக்கும் விதமாக, 'அவர் திருமணம் ஆகாதவர் என்பதால்தான் கோயிலில் உள்ள சிலைகள் ஆபாசமாக தெரிகிறது' என பொருள்படும் விதத்தில் பதிவிட்டிருந்தார். அது குறித்து கேட்டபோது, 'திருமாவளவன் ஐயா ஒருமுறை மேடையில் பேசும்போது, 'கோயிலில் இருக்கக்கூடிய சிலைகள் எல்லாம் ஆபாச பொம்மைகள்' என சொல்லியிருந்தார். ஒவ்வொரு கலைக்கு பின்னும் ஒரு நுட்பம் இருக்கும். அப்படி இருக்கும் போது ஏன் அதை அப்படி சொல்ல வேண்டும்? அதற்கான எதிர்வினையாகதான் செய்தோம். மற்றபடி வேறெந்த உள்நோக்கமும் இல்லை".

'கருத்தில் இருந்து பின்வாங்க மாட்டேன்'

"கட்சியில் இருந்து விலகிவிட்ட நிலையில், இப்பொழுது மீண்டும் இந்த பதிவுகள் குறித்தோ, விமர்சனம் செய்பவர்களுடன் சண்டை செய்யவோ விரும்பவில்லை. ஏனெனில், தலைவர் படத்தை கொண்டு போய் சேர்க்க பல அரசியல் கட்சிகளும் உதவின. திராவிட இயக்கங்கள், அதில் முக்கிய பொறுப்பில் இருந்த பலரும் இந்த படம் நல்லபடியாக மக்களிடம் கொண்டு போய் சேர்க்க உதவி செய்தார்கள். அப்படி இருக்கும் போது என்னுடைய பழைய பதிவுகளை இப்போது கொண்டு வருவது என்பது தேவையில்லாதது. என்னுடைய திராவிடம்-தமிழ்த்தேசிய கருத்தில் இருந்து ஒருபோதும் பின்வாங்க மாட்டேன். ஆனால், இந்த சர்ச்சை தலைவருக்கு இழுக்காக இருக்கக்கூடாது என்பதற்காக மன்னிப்பு கேட்கிறேன்.

திராவிடம் என்பது ஒற்றைக்குடைக்குள் வந்துவிடம். ஆனால், தமிழ்த்தேசியம் அப்படி இல்லை. திராவிடத்தை ஒட்டிய தமிழ்த்தேசியம், தூய தமிழ்த்தேசியம் என பல பிளவுகள் உண்டு. இதில் நாங்கள் ஒரு தமிழ்த்தேசியத்தின் பக்கம் நின்று பேசிக்கொண்டிருக்கிறோம். என்னுடைய அடிப்படையான தமிழ்த்தேசியம் என்ற கொள்கையில் இருந்து மாற மாட்டேன். ஆனால், இந்த மாதிரியான கருத்துகள் இனி பதிவிட கூடாது என்பதில் தெளிவாக இருக்கிறேன். முந்தைய பதிவுகள் வருத்தப்படுத்தியிருந்தால் மன்னிப்பு கேட்டு கொள்கிறேன்" என்றார்.

காணொளிக் குறிப்பு,

விடுதலை புலிகள் தலைவர் பிரபாகரன் குறித்த வாழ்க்கை வரலாறை சித்தரிக்கும் மேதகு திரைப்படம்

 

https://www.bbc.com/tamil/arts-and-culture-57685531

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • "மதுவும் மாதுவும் - சுமேரியாவில் இருந்து சங்கத் தமிழ் நாடுவரை"     பண்டைய சுமேரியாவில் பொதுவாக பெண்களின் வேலை அல்லது பங்கு வீட்டு பணிகளில் இருந்தே வருகிறது. கி மு 1800 ஆம் ஆண்டை அல்லது அதற்கும் முற்பட்ட சுமேரியன் துதி பாடல் [Sumerian Hymn to Ninkasi] ஒன்று "மது" பெண் தெய்வமான நின்காசியையும் [Ninkasi: “வாய் நிரப்பும் பெண்மணி] மது வடித்தலுக்கான சேர்மானங்களையும் செய்முறையையும் [recipe for brewing] பாராட்டுகிறது. பொதுவாக மது வடிப்போர் /காய்ச்சுவோர் அங்கு பெண்களாக இருந்தார்கள், அதிகமாக நின்காசியின் பெண் குருவே இவர்கள். மேலும் முன்பு, துணை உணவாக மது, வீட்டில் பெண்களால் வடிக்கப்பட்டது அல்லது காய்ச்சப்பட்டது. எனவே வீட்டு பணிகளுடன் மேல் அதிகமாக அவர்கள் தாம் வடித்த ஒரு வகைச் சாராயத்தை /பீர் மது பானத்தை [beer] விற்கவும் முடியும். அதாவது பெண்கள் தவறணை காப்பாளராகவும் இருக்க முடியும். மேலும் அந்த துதி பாடல் சேர்மானங்களையும் செய்முறையையும் விளக்கமாக கொண்டுள்ளது. உதாரணமாக புளிக்கச் செய்யப் பயன் படும் பொருள் முதல், ஊற வைத்தல், நொதித்தல், வடித்தல் என்பனவற்றின் விபரங்களை தருகிறது.     "நின்காசி, நியே மாவை [dough] ஒரு பெரிய வாரி [shovel] மூலம் குழியில் கலாவுகிறாய்- பார்லி ரொட்டியையும் [bappir] தேனையும் [இந்த தேன் பேரீச்சம் பழம் சாறாக இருக்கலாம்? வாசனை சுவை கொடுப்பதற்கு இங்கு பேரீச்சம் பழம் சேர்க்கப்படுகிறது?]   நின்காசி, நியே பார்லி ரொட்டியை பெரிய சூளையில் வேக வைக் கிறாய்- உமி தானியங்ககளை [hulled grains] ஒரு ஒழுங்காக குவித்து [வடித்தலின் போது "பப்பிர்" [bappir: பார்லி ரொட்டி] ஒன்றுக்கு மேற்பட்ட நோக்கங்களை நிறைவேற்றுகிறது. ஒன்று சர்க்கரை உற்பத்திக்கான மாப்பொருளை தருகிறது. மற்றது அரைத்தலுக்கான புரதங்களையும் சுவைகளையும் தருகிறது]   நியே பார்லி முளை தானியத்திற்கு [malt] தண்ணீர் விடுகிறாய்- பெரும் அதிகாரம் உள்ளவர்களையும் உன் மேன்மை பொருந்திய நாய் காத்து தள்ளி விடுகிறது நின்காசி, நியே பார்லி முளை தானியத்தை சாடியில் ஊற வைக்கிறாய்- அலைகள் ஏறுகின்றன, அலைகள் இறங்கு கின்றன [இந்த அசைவு மறை முகமாக அரைத்தலை குறிக்கலாம் ? அப்பொழுது முளை தானியமும் பப்பிரும் மேல் அதிக பார்லி உடன் சேர்க்கப் படுகிறது? அத்துடன் இந்த மசியல் அதிகமாக சூடாக்கி இருக்கலாம்?]   நின்காசி, நியே சமைத்த கூழாகிய களியை [cooked mash] நாணல் பாயில் பரப்புகிறாய்- சூடு தணிகிறது, குளிர்ச்சி வெற்றி கொள்கிறது [இது இரண்டு நோக்கங்களை நிறைவேற்றி இருக்கலாம். ஒன்று பாவித்த தானியத்தின் உமியை அகற்றவும் மற்றது திரவம் வடியவும் இது உதவி இருக்கலாம்? அது மட்டும் அல்ல, சாராயத்துக்கான மாவூறல் நன்கு குளிர்ச்சியாக இருந்தால், நொதித்தல் அல்லது புளித்தல் திறமையாக நடை பெரும். ஏன் என்றால் உயர் வெப்பம் மாவை புளிக்க வைக்க உதவும் பொருளின் [yeast / புளிச்சொண்டியின்] ஆற்றலை குறைத்து விடும் என்பதால்]   நியே உனது இரு கையாளும் சாராயத்துக்கான இனிக்கும் மாவூறலை [great sweet wort] வைத்து இருக்கிறாய் - அதை தேனுடனும் திராட்சை ரசத்துடனும் வடிக்கிறாய் [இது உண்மையில் தேனா? அல்லது பேரீச்சம் பழம் சாறா? என்பது ஒரு கேள்விக் குறியே. அது மட்டும் அல்ல, திராட்சை பழம் அல்லது உலர்ந்த திராட்சையின் தோலில் இயற்கையாகவே "ஈஸ்ட்" ['yeast'] காணப்படுகிறது. ஆனால் ஒயினில் [wine] அப்படி அல்ல. அங்கு "ஈஸ்ட்" இன் செயற்படு அற்று காணப்படுகிறது. ஆகவே இது திராட்சை ரசமாக இருக்க முடியாது. அது அதிகமாக திராட்சை பழம் அல்லது உலர்ந்த திராட்சையாக இருக்கலாம்?]   நின்காசி, வடி கட்டும் பெரும் மரத்தொட்டி ஒரு இன்பமான ஒலியை தருகிறது- நீ சேகரிக்கும் பெரும் மரத்தொட்டியில் [large collector vat] சரியாக வைக்கிறாய்" [இந்த இன்பமான ஒலி அதிகமாக, சொட்டு சொட்டாக மரத் தொட்டிக்குள் வடியும் பீர் மது பானத்தின் சத்தமாக இருக்கலாம்?]   அது மட்டும் அல்ல, இந்த துதி பாடலில் இருந்து நாம் எப்படியான பாராட்டுதலை அல்லது புகழ்ச்சியை ."பீர் மதுபான பெண் தெய்வம்" பெற்றால் என அறிய முடிகிறது. மேலும் நின்காசிக்கும் பீர் மது பானத்திற்கும் உள்ள தொடர்பு மிகவும் பலமானது என்பதையும் அறிய முடிகிறது. உதாரணமாக மேலும் இரண்டு புகழ்ச்சியை கிழே தருகிறோம்.   "நின்காசியே, நியே, வடித்த பீர் மது பானத்தை மரத் தொட்டியில் இருந்து ஊற்றுகிறாய். அது டைகிரிஸ், யூபிரட்டீஸ் ஆறு மாதிரி வேகமாய்ப் பாய்கிறது [Ninkasi, you are the one who pours out the filtered beer of the collector vat, It is [like] the onrush of Tigris and Euphrates]"   மற்றது   "குடிப்பவர்களிடம் ஒரு கவலையும் இல்லா பேரின்ப மனோ நிலையை ஏற்படுத்தக் கூடியதாக [a blissful mood… with joy in the [innards] [and] happy liver] அதை நீ தயாரித்து எமக்கு அளிக்கிறாய்" என நின்காசியை புகழ்தல் ஆகும்.   மேலும் மெசொப் பொத்தேமியாவில் கண்டு எடுக்கப்பட்ட கி மு 1800 ஆண்டை சேர்ந்த களி மண் பலகை கல் ஒன்று ஒரு பெண் தனது கணவனுடன் ஒன்று கூடும் போது, சாடி ஒன்றில் இருந்து. பீர் மது பானம் குடிப்பதை தெளிவாக வரைந்து காட்டுகிறது.   “துஞ்சினார் செத்தாரின் வேறல்லர் எஞ்ஞான்றும் நஞ்சுண்பார் கள்ளுண் பவர்.” (குறள் 926)   என்று கூறுகிறார் வள்ளுவர்.அதாவது, உறங்கினவர் இறந்தவரை விட வேறுபட்டவர் அல்லர், அவ்வாறே கள்ளுண்பவரும் அறிவு மயங்குதலால் நஞ்சு உண்பவரே ஆவர் என்கிறார். என்றாலும் நாம் சங்க இலக்கியத்தை பார்க்கும் போது, அங்கு மது பானம் பண்டைய தமிழர் வாழ்வில், ஆண் பெண் இரு பாலாரிடமும், ஒரு முக்கிய பங்கு வகுத்ததை காண முடிகிறது.  துணை உணவாக மது புலவர்களுக்கு வழங்கி அரசனும் சேர்ந்து உண்டு மகிழ்ந்ததை, புகழ்பெற்ற சங்க புலவர் ஒளவையார், தனது புறநானுறு 235 இல்,   "சிறியகட் பெறினே, எமக்கீயும் மன்னே;பெரியகட் பெறினே யாம்பாடத் தான்மகிழ்ந்து உண்ணும் மன்னே;"   என்று எடுத்து உரைக்கிறார். அதாவது, சிறிதளவு கள்ளைப் பெற்றால் அதியமான நெடுமான் அஞ்சி அதை எமக்குத் தருவான்; பெருமளவு கள்ளைப் பெற்றால் எமக்கு அளித்து நாம் பாட அதைக் கேட்டு மகிழ்ந்து அவனும் உண்பான்; என்கிறார் ஒளவையார். மேலும் அகநானுறு 336:   "தெண் கள் தேறல் மாந்தி மகளிர் நுண் செயல் அம் குடம் இரீஇப் பண்பின் மகிழ்நன் பரத்தைமை பாடி அவிழ் இணர்க் காஞ்சி நீழல் குரவை அயரும்"   என கூறுவதையும் காண்க, அதாவது, தெளிந்த கள்ளினைக் குடித்து, பெண்கள், நுண்ணிய தொழில் நலம் வாய்ந்த அழகிய குடத்தினை வைத்து விட்டு, தம் கணவரது நற்பண் பில்லாத பரத்தைமைகளைப் பாடி, விரிந்த பூங்கொத்துக்களை உடைய காஞ்சி மரத்தின் நீழலில் குரவை [கைகோத்து ஆடப்படும்] ஆடுதலைச் செய்யும் மகளிர் என்கிறது. அது மட்டும் அல்ல, பெரும்பாணாற்றுப்படை [275-281] இல், மதுவின் செய்முறை விளக்கப்பட்டு இருப்பதுடன், பட்டிணப் பாலை [106 -110] இல், கணவரோடு கூடி இன்புற்ற இள மகளிர் மதுவை அருந்தி மயக்கத்தில் கொண்டாடியதையும் நாம் காணலாம்.   "அவையா அரிசி அம்களித் துழவை மலர்வாய்ப் பிழாவில் புலர ஆற்றி பாம்பு உறை புற்றின் குரும்பி ஏய்க்கும் பூம்புற நல் அடை அளைஇ தேம்பட எல்லையும் இரவும் இருமுறை கழிப்பி வல்வாய்ச் சாடியின் வழைச்சுஅற விளைந்த வெந்நீர் அரியல் விரல் அலை நறும்பிழி" -பெரும்பாணாற்றுப்படை(275-281)   அதாவது, குற்றாத தவிடெடுபடாத அரிசியைக் அழகினையுடைய களியாகத் துழாவிக் சமைத்த கூழை, வாயகன்ற தாம்பாளத்தில் [தட்டில்] உலர வைப்பார். நல்ல நெல் முனையை இடித்து அக் கூழிற் கலப்பர். அக் கலவையை இனிமை பிறக்கும்படி இரண்டு பகலும் இரண்டு இரவும் கழித்து வலிய வாயினையுடைய சாடியின் கண்ணேயிட்டு, வெந்நீரின் வேகவைத்து நெய்யரியாலே வடிக்கட்டி, விரலாலே அலைத்துப் பிழியப்பட்ட நல்ல வாசனையுள்ள கள் என்கிறது.   "துணைப்புணர்ந்த மடமங்கையர் பட்டுநீக்கித் துகிலுடுத்தும் மட்டுநீக்கி மதுமகிழ்ந்தும் மைந்தர்கண்ணி மகளிர் சூடவும் மகளிர்கோதை மைந்தர் மலையவும்" - பட்டிணப்பாலை[106-110]   அதாவது, தம் கணவரோடு கூடி இன்புற்ற இள மகளிர், தாம் முன்பு அணிந்திருந்தப் பட்டாடைகளைத் தவிர்த்து நூலாடைகளை உடுத்தினர். இன்பத்தின் மயக்கத்தால் தாம் அருந்தும் மயக்கம் தராத கள்ளினைக் [மட்டினைக்] கைவிட்டு மதுவினை குடித்தனர். மதுவுண்ட மயக்கத்தில் கணவர் அணியும் மாலைகளை மகளிர் அணிந்து கொண்டனர். மகளிர் அணியும் கோதையினை (மாலை) ஆடவர் சூடிக் கொண்டனர் என்கிறது.   [கந்தையா தில்லைவிநாயகலிங்கம் அத்தியடி, யாழ்ப்பாணம்]      
    • 18 ஏப்ரல் 2024, 08:18 GMT புதுப்பிக்கப்பட்டது 6 மணி நேரங்களுக்கு முன்னர் யுக்ரேனில் ரஷ்ய ராணுவ வீரர்களின் இறப்பு எண்ணிக்கை இப்போது 50,000ஐ கடந்துவிட்டதை பிபிசி உறுதிப்படுத்தியுள்ளது. ரஷ்யா இரண்டாவது ஆண்டிலும், இறைச்சி அரவை (Meat Grinder) உத்தி என்றழைக்கப்படும் அதன் தாக்குதல் உத்தியின்படி – அதாவது யுக்ரேனிய படைகளை வலுவிழக்கச் செய்வதற்காக கூட்டம் கூட்டமாக ராணுவ வீரர்களை களமிறக்கும் ரஷ்யாவின் உத்தி – பல ராணுவ வீரர்களை போருக்கு அனுப்பியது. அதன் விளைவாக ஏற்பட்ட ரஷ்ய வீரர்களின் இறப்புகள் முதல் ஆண்டைவிட தற்போது கிட்டத்தட்ட 25% அதிகமாக இருப்பதைப் பார்க்க முடிகிறது. பிபிசி ரஷ்ய சேவை, சுயாதீன ஊடக குழுவான மீடியாசோனா மற்றும் தன்னார்வலர்கள், பிப்ரவரி 2022 முதல் இந்த இறப்புகளைக் கணக்கெடுத்து வருகின்றனர். புதைவிடங்களில் உருவாக்கப்பட்ட புதிய கல்லறைகளில் இருந்த ராணுவ வீரர்களின் பெயர்கள் அவர்களுக்கு இந்தக் கணக்கெடுப்பில் உதவின. அலுவல்ரீதியிலான அறிக்கைகள், செய்தித்தாள்கள், சமூக ஊடகங்கள் ஆகியவை மூலம் திறட்டப்பட்ட தகவல்களையும் எங்கள் குழுக்கள் இதில் பயன்படுத்தின. எங்கள் கண்டுபிடிப்புகளின்படி, ரஷ்ய வீரர்களில் சுமார் 27,300க்கும் மேற்பட்டோர் போரின் இரண்டாவது ஆண்டில் இறந்துள்ளனர். இது, பிராந்தியத்தைக் கையகப்படுத்தும் முயற்சியில் எவ்வளவு பெரிய மனித இழப்பு ஏற்பட்டுள்ளன என்பதைப் பிரதிபலிக்கிறது. பிபிசியின் செய்திக்கு பதிலளித்திருக்கும் ரஷ்யா, மாஸ்கோவில் உள்ள பாதுகாப்பு அமைச்சகம்தான் இதுதொடர்பான தகவல்களைத் தர முடியும் என்று கூறியுள்ளது.   பட மூலாதாரம்,GETTY IMAGES யுக்ரேனிய படைகளை வீழ்த்துவதற்கும், ரஷ்ய பீரங்கிகளுக்கு அவர்களது இருப்பிடங்களை அம்பலப்படுத்துவதற்கும் ரஷ்யா இடைவிடாமல் ராணுவ வீரர்களை முன்னோக்கி அனுப்பும் இந்த உத்தியை விவரிக்க மீட் கிரைண்டர் (meat grinder) என்ற சொல் பயன்படுத்தப்பட்டது. மொத்த ரஷ்ய வீரர்களின் இறப்பு எண்ணிக்கை, 50,000க்கும் அதிகமானது. செப்டம்பர் 2022இல் ரஷ்யாவால் இதுவரை வழங்கப்பட்ட இறப்பு எண்ணிக்கைகளின் அதிகாரபூர்வ தரவுகளைவிட இது 8 மடங்கு அதிகம். ரஷ்யா தரப்பில் ஏற்பட்டுள்ள இறப்புகளின் எண்ணிக்கை உண்மையில் இதைவிட அதிகமாக இருக்கக்கூடும். எங்கள் பகுப்பாய்வில் ரஷ்யாவால் ஆக்கிரமிக்கப்பட்ட டொனெட்ஸ்க் மற்றும் கிழக்கு யுக்ரேனில் உள்ள லுஹான்ஸ்கில் ஏற்பட்ட வீரர்களின் இறப்புகள் குறித்து எதுவும் சேர்க்கப்படவில்லை. அதுவும் சேர்க்கப்பட்டால், ரஷ்யா தரப்பில் இறப்பு எண்ணிக்கை இன்னும் அதிகமாக இருக்கும். "சிறப்பு ராணுவ நடவடிக்கை" அரசு ரகசியங்களை உள்ளடக்கிய சட்டங்கள் மற்றும் தகவல்களைப் கொண்டிருப்பதால், உயிரிழப்புகள் பற்றிய தகவல்களை "பாதுகாப்பு அமைச்சகம்தான் வழங்க முடியும்" என்று கிரெம்ளின் செய்தித் தொடர்பாளர் டிமிட்ரி பெஸ்கோவ் கூறினார். இதற்கிடையில், யுக்ரேன் தனது போர்க்களத்தில் ஏற்பட்ட உயிரிழப்புகளின் அளவு குறித்து அரிதாகவே கருத்து தெரிவிக்கிறது. பிப்ரவரியில், அதிபர் வோலொதிமிர் ஸெலென்ஸ்கி, 31,000 யுக்ரேனிய வீரர்கள் கொல்லப்பட்டதாகக் கூறினார். ஆனால், அமெரிக்க உளவுத்துறையின் தரவுகள் அடிப்படையிலான மதிப்பீடுகள், மேலதிக இழப்புகள் இருப்பதாகக் கூறுகின்றன.   ரஷ்யாவின் மீட் கிரைண்டர் உத்தி பிபிசி மற்றும் மீடியாசோனாவிடம் இருக்கும் இறந்த வீரர்களின் சமீபத்திய பட்டியல், ரஷ்யாவின் மாறிவரும் போரின் முன்களத் தாக்குதல் தந்திரங்களில் இருக்கும் அப்பட்டமான மனித இழப்புகளைக் காட்டுகிறது. யுக்ரேனின் டொனெட்ஸ்க் பகுதியில் ஒரு பெரியளவிலான தாக்குதலைத் தொடங்கியதால், 2023 ஜனவரியில் ரஷ்ய ராணுவம் தரப்பில் இறந்தவர்களின் எண்ணிக்கையில் கணிசமான அதிகரிப்பு எவ்வாறு ஏற்பட்டது என்பதைக் கீழே உள்ள வரைபடம் காட்டுகிறது. ரஷ்யர்கள், வுஹ்லடேரி நகரத்தைக் கைப்பற்றப் போரிட்டபோது, அது “சாரைசாரையாக வீரர்களை முன்னோக்கி அனுப்பும் பயனற்ற தாக்குதல்களை” பயன்படுத்தியதாக போர் ஆய்வுக்கான நிறுவனம் (ISW) தெரிவித்துள்ளது. “சவாலான நிலப்பரப்பு, போர்த்திறன் இல்லாமை, யுக்ரேனிய படைகளுக்கு அதிர்ச்சி அளிக்கத் தவறியது” என இந்தத் தாக்குதல் அதிக போர் இழப்புகளுக்கும் ஆனால் சிறிய அளவிலான ஆதாயங்களுக்கும் வழிவகுத்தது. வரைபடத்தில் மற்றொரு குறிப்பிடத்தக்க உச்சம் 2023 வசந்த காலத்தில் பாக்முத் போரின்போது நிகழ்ந்திருப்பதைக் காணலாம். கூலிப்படை குழுவான வாக்னர், ரஷ்யா அந்நகரத்தைக் கைப்பற்ற உதவியது. வாக்னரின் அப்போதைய தலைவரான யெவ்ஜெனி ப்ரிகோஜின், அந்த நேரத்தில் அவரது குழுவின் இழப்புகள் 22,000 என மதிப்பிட்டார். கடந்த இலையுதிர்க்காலத்தில் கிழக்கு யுக்ரேனிய நகரமான அஃப்டிஃப்காவை ரஷ்யா கைப்பற்றியது ராணுவ வீரர்களின் இறப்புகள் மீண்டும் அதிகரிக்க வழிவகுத்தது.   கல்லறைகளைக் கணக்கெடுத்தல் பிபிசி மற்றும் மீடியாசோனாவுடன் பணியாற்றும் தன்னார்வலர்கள் போர் தொடங்கியதில் இருந்து ரஷ்யா முழுவதும் 70 புதைவிடங்களில் புதிய ராணுவ கல்லறைகளைக் கணக்கெடுத்து வருகின்றனர். இந்தப் புதைவிடங்கள் கணிசமாக விரிவுபடுத்தப்பட்டிருப்பதை வான்வழிப் படங்கள் காட்டுகின்றன. எடுத்துக்காட்டாக, மாஸ்கோவின் தென்கிழக்கில் உள்ள ரியாசானில் அமைந்திருக்கும் போகோரோட்ஸ்காய் கல்லறையின் இந்தப் படங்கள், ஒரு புதிய பகுதி அங்கு தோன்றியிருப்பதைக் காட்டுகிறது. தரையில் எடுக்கப்பட்ட படங்கள் மற்றும் வீடியோக்கள், இந்தப் புதிய கல்லறைகளில் பெரும்பாலானவை யுக்ரேனில் கொல்லப்பட்ட வீரர்கள் மற்றும் அதிகாரிகளுக்குச் சொந்தமானவை எனத் தெரிவிக்கின்றன. ரஷ்யாவின் இறந்த வீரர்களில் ஐந்தில் குறைந்தபட்சம் இரண்டு பேர், படையெடுப்புக்கு முன்பு நாட்டின் ராணுவத்துடன் எந்தத் தொடர்பும் இல்லாமல் வாழ்ந்தவர்கள் என்று பிபிசி மதிப்பிடுகிறது. “கடந்த 2022ஆம் ஆண்டின் படையெடுப்பின் தொடக்கத்தில், சிக்கலான ராணுவ நடவடிக்கைகளை மேற்கொள்ள ரஷ்யா தனது தொழில்முறை துருப்புகளைப் பயன்படுத்த முடிந்தது. ஆனால், அந்த அனுபவமிக்க வீரர்கள் பலர் இப்போது இறந்திருக்கக்கூடும் அல்லது காயமடைந்திருக்கலாம்,” ராயல் யுனைடெட் சர்வீசஸ் நிறுவனத்தைச் சேர்ந்த பாதுகாப்புத் துறை ஆய்வாளர் சாமுவேல் க்ரானி-இவான்ஸ் விளக்குகிறார். மேலும், குறைந்த அளவு பயிற்சி அல்லது ராணுவ அனுபவமே உள்ளவர்கள், தன்னார்வலர்கள், பொதுமக்கள் மற்றும் கைதிகள் போன்றவர்கள் அவர்களுக்குப் பதிலாக போர்க்களத்திற்கு அனுப்பப்பட்டுள்ளதாகவும் அவர் தெரிவிக்கிறார். தொழில்முறை ராணுவ வீரர்கள் செய்யக்கூடியதை இவர்களால் செய்ய முடியாது எனக் கூறும் க்ரானி-இவான்ஸ், “இதன் பொருள், அவர்கள் தந்திரோபாயரீதியாக மிகவும் எளிமையான விஷயங்களைச் செய்ய வேண்டும். அதாவது பொதுவாக பீரங்கிகளின் உதவியோடு யுக்ரேனிய ராணுவ நிலைகள் மீது முன்னோக்கிச் சென்று தாக்குதல் புரிய வேண்டியுள்ளதாகத் தெரிகிறது,” எனக் கூறினார்.   வாக்னர் படையில் சேர்க்கப்பட்ட சிறைக் கைதிகள் சிறைச்சாலையில் செய்யப்படும் ராணுவத்திற்கான ஆட்சேர்ப்பு இந்த மீட் கிரைண்டர் உத்திக்கு மிக முக்கியமானது. மேலும் எங்கள் பகுப்பாய்வு அவர்கள் இப்போது முன்வரிசையில் விரைவாகக் கொல்லப்படுவதாகத் தெரிவிக்கிறது. ஜூன் 2022 முதல் சிறைச்சாலைகளில் ஆட்சேர்ப்பைத் தொடங்க வாக்னர் தலைவர் யெவ்ஜெனி ப்ரிகோஜினுக்கு ரஷ்யா அனுமதியளித்தது. பின்னர் வீரர்களாக மாறிய கைதிகள், ரஷ்ய அரசின் சார்பாக ஒரு தனியார் ராணுவத்தின் ஒரு பகுதியாகப் போரில் களமிறங்கினர். இடைவிடாத சண்டை உத்திகள், மிருகத்தனமான உள் நடவடிக்கைகளுக்குப் பெயர்போன தனியார் ராணுவமாக வாக்னர் இருந்தது. அவர்கள் உத்தரவின்றிப் பின்வாங்கிய வீரர்களை அந்த இடத்திலேயே தூக்கிலிடலாம். இந்தக் குழு பிப்ரவரி 2023 வரை கைதிகளில் இருந்து தனது படைக்கு ஆட்சேர்ப்பு செய்தது. பிறகு ரஷ்யாவுடனான அதன் உறவு மோசமாகத் தொடங்கியது. ப்ரிகோஜின் கடந்த ஆண்டு ஜூன் மாதம் ரஷ்யாவின் ஆயுதப் படைகளுக்கு எதிராகக் கலகம் நடத்தினார். பின்னர் அதைக் கைவிட்டார். மேலும் திரும்பிச் செல்ல ஒப்புக்கொள்வதற்கு முன்பு மாஸ்கோவை நோக்கி முன்னேற முயன்றார். அதைத் தொடர்ந்து ஆகஸ்ட் மாதம் அவர் விமான விபத்தில் கொல்லப்பட்டார். முன்வரிசையில் கொல்லப்பட்ட 9,000 ரஷ்ய சிறைக்கைதிகளின் பெயர்களை எங்கள் சமீபத்திய பகுப்பாய்வு மையமாகக் கொண்டது. பட மூலாதாரம்,GETTY IMAGES அவர்களில் 1,000க்கும் மேற்பட்டவர்களுக்கு, அவர்களின் ராணுவ ஒப்பந்தம் தொடங்கும் தேதிகள் மற்றும் அவர்கள் எப்போது கொல்லப்பட்டார்கள் என்பதை நாங்கள் உறுதிப்படுத்தினோம். வாக்னரின் கீழ், அந்த முன்னாள் கைதிகள் சராசரியாக மூன்று மாதங்கள் மட்டுமே உயிர் பிழைத்திருந்ததை நாங்கள் கண்டறிந்தோம். இருப்பினும், மேலே உள்ள வரைபடம் குறிப்பிடுவது போல, பாதுகாப்பு அமைச்சகத்தால் அதற்குப் பின்னர் பணியமர்த்தப்பட்டவர்கள் சராசரியாக இரண்டு மாதங்கள் மட்டுமே பிழைத்திருந்தனர். பாதுகாப்பு அமைச்சகம் பொதுவாக புயல் படைப்பிரிவுகள் (Storm platoons) என்றழைக்கப்படும் ராணுவப் பிரிவுகளை உருவாக்கியுள்ளது. இது கிட்டத்தட்ட முழுக்க முழுக்க குற்றவாளிகளால் ஆனது. வாக்னரின் கைதி படைப்பிரிவுகளைப் போலவே, இந்தப் பிரிவினரும் போரில் முன்களத்தில் பலியிடப்படுவதற்கான ஒரு சக்தியாகவே கருதப்படுகின்றனர். “இந்தப் புயல் வீரர்கள், வெறும் சதைப்பிண்டம் மட்டுமே” என்று புயல் உறுப்பினர்களுடன் இணைந்து போராடிய ஒரு சராசரி சிப்பாய் கடந்த ஆண்டு ராய்ட்டர்ஸ் செய்தி முகமையிடம் கூறினார். சமீபத்தில், புயல் வீரர்கள் அஃப்திஃப்காவை பிடிக்கப் பல மாதங்கள் நீடித்த போரில் முக்கியப் பங்கு வகித்தனர். இந்த நகரம் எட்டு வாரங்களுக்கு முன்பு ரஷ்யாவிடம் வீழ்ந்தது. அதோடு பாக்முத்திற்கு பிறகு புதினுக்கு மூலோபாய ரீதியாகவும் குறிப்பிடத்தக்க வகையிலும் ஒரு மிகப்பெரிய போர்க்கள வெற்றியை இது பிரதிநிதித்துவப்படுத்தியது.   பட மூலாதாரம்,REUTERS பயிற்சியின்றி போர்க்களத்தின் முன்வரிசைக்கு அனுப்பப்பட்ட கைதிகள் வாக்னர் கூலிப்படையின் கீழ், வீரர்களாக மாறிய சிறைக்கைதிகளுக்கு போரில் களமிறக்கப்படுவதற்கு முன்பாக 15 நாட்கள் ராணுவப் பயிற்சி அளிக்கப்பட்டது. இதற்கு நேர்மாறாக, பாதுகாப்பு அமைச்சகத்தின் கீழ் சேர்க்கப்பட்டவர்கள் சிலர் ஒப்பந்தம் போடப்பட்ட இரண்டே வாரங்களில் முன்வரிசையில் கொல்லப்பட்டதைக் கண்டோம். பிபிசி இறந்த மற்றும் உயிருடன் இருக்கின்ற ராணுவ வீரர்கள் சிலரது குடும்பத்தினரிடம் பேசியது. சிறையில் ஆட்சேர்ப்பு செய்தபோது படையில் சேர்க்கப்பட்டவர்களுக்கு பாதுகாப்பு அமைச்சகம் வழங்கிய ராணுவப் பயிற்சி போதுமானதாக இல்லையென்று அவர்கள் கூறினர். கடந்த ஆண்டு ஏப்ரல் 8ஆம் தேதி சிறையில் தனது கணவர் அமைச்சகத்தின் ஒப்பந்தத்தில் கையெழுத்திட்டதாக கணவரை இழந்த ஒரு பெண் எங்களிடம் கூறினார். மேலும், அவர் ஒப்பந்தம் போடப்பட்டு மூன்று நாட்களுக்குப் பிறகு போரில் முன்வரிசையில் சண்டையிட்டார். “அவர்கள் கூறியதன்படி சில வாரங்களுக்கு பயிற்சிகள் இருக்கும் என்று நான் உறுதியாக இருந்தேன். குறைந்தபட்சம் ஏப்ரல் இறுதிவரை பயப்பட ஒன்றுமில்லை என நினைத்தேன்.” தனது கணவர் தன்னிடம் பேசுவார் எனக் காத்திருந்ததாகவும் ஆனால் அவர் ஏப்ரல் 21 அன்று கொல்லப்பட்டதாகத் தெரிய வந்ததாகவும் அந்தப் பெண் தெரிவித்தார்.   மற்றொரு தாய் கூறுகையில், போர்க்களத்தில் சண்டையிட்டுக் கொண்டிருந்த தனது மகனின் மரணம் குறித்துத் தெரிவிக்கத் தனது கணவரைத் தொடர்புகொள்ள முயன்றபோதுதான் தனது கணவரும் சிறையில் இருந்து போர்க்களத்திற்கு அழைத்துச் செல்லப்பட்டதைத் தாம் அறிந்ததாகக் கூறினார். இரட்டைக் குழந்தைகளின் தந்தையான தனது மகன் வாடிம், இந்த ராணுவ ஆட்சேர்ப்புக்கு முன்னதாக எந்த ஆயுதத்தையும் ஏந்தியதில்லை என்று அவரது தாய் அல்ஃபியா (பெயர் மாற்றப்பட்டுள்ளது) கூறினார். மகனின் மரணம் குறித்துத் தனது கணவர் அலெக்சாண்டரிடம் அவரால் சொல்ல முடியவில்லை. ஏனெனில் அவர் சண்டையிடுவதற்காக “போர்க்களத்திற்கு அழைத்துச் செல்லப்பட்டார்” என்று அவர் கூறுகிறார். வேறொரு கைதியின் தொலைபேசி அழைப்பு மூலமாகத்தான் தன் கணவர் சென்றிருப்பது அவருக்குத் தெரிய வந்தது. அலெக்சாண்டர் யுக்ரேனில் வளர்ந்ததாகவும் அங்கு குடும்பம் நடத்தியதாகவும் அல்ஃபியா கூறுகிறார். மேலும், பாசிசத்தை எதிர்த்துப் போராடுவதற்காக ரஷ்யா யுக்ரேனை ஆக்ரமித்தது “பொய் என்று அவருக்குத் தெரியும்” எனவும் அவர் தெரிவித்தார். அவரது மகன் இறந்து ஏழு மாதங்களுக்குப் பிறகு கணவர் அலெக்சாண்டரும் போரில் கொல்லப்பட்டதாக அல்ஃபியாவுக்கு தெரிவிக்கப்பட்டது.   ‘இறப்பதற்குத் தயாராக இருங்கள்’ வாக்னர் கூலிப்படைக்கு வேலை செய்யும்போது, சிறைக்கைதிகள் பொதுவாக ஆறு மாதங்களுக்கு ஒப்பந்தம் செய்யப்பட்டனர். ஒப்பந்த காலத்தின் இறுதியில் அவர்கள் உயிர் பிழைத்தால் அவர்களுக்கு சுதந்திரம் வழங்கப்படும். ஆனால், கடந்த செப்டம்பரில் இருந்து பாதுகாப்பு அமைச்சகத்தின் கீழ் பட்டியலிடப்பட்ட கைதிகள் அவர்கள் இறக்கும் வரை அல்லது போர் முடியும் வரை, இரண்டில் எது முதலில் வருகிறதோ அதுவரைக்கும் போரில் சண்டையிட வேண்டும். சரியான சீருடைகள், காலணிகளை வாங்குவதற்கு உதவுமாறு உறவினர்களிடம் கேட்ட கைதிகள் பற்றிய கதைகளை பிபிசி சமீபத்தில் கேட்டுள்ளது. கைதிகள் சரியான உபகரணங்கள், மருத்துவப் பொருட்கள் அல்லது கலாஷ்னிகேவ் துப்பாக்கிகள் கூட இல்லாமல் சண்டைக்கு அனுப்பட்ட செய்திகளும் உள்ளன. ரஷ்ய போர் ஆதரவாளரும் பதிவருமான விளாதிமிர் க்ரூப்னிக் தனது டெலிகிராம் சேனலிலி, “பல வீரர்களிடம் போருக்குப் பொருத்தமற்ற துப்பாக்கிகள் இருந்தன,” என்று எழுதியுள்ளார். “முதலுதவிப் பெட்டி, அகழி தோண்ட மண்வெட்டி, உடைந்த துப்பாக்கியுடன் முன்வரிசையில் ஒரு சிப்பாய் என்ன செய்ய முடியும் என்பது பெரிய மர்மம்” எனக் குறிப்பிடுகிறார் அவர்.   பட மூலாதாரம்,GETTY IMAGES க்ரூப்னிக், ரஷ்யாவால் ஆக்கிரமிக்கப்பட்ட கிழக்கு யுக்ரேனை தளமாகக் கொண்டவர். சில துப்பாக்கிகள் “முற்றிலும் உடைந்து இருப்பதைக் கண்டறிந்தபோது, அவற்றை மாற்றுவது சாத்தியமற்றது” என்று தளபதிகள் கூறியதாக அவர் கூறுகிறார். “அந்தத் துப்பாக்கி ஏற்கெனவே அந்த நபருக்கு ஒதுக்கப்பட்டுவிட்டது. மேலும் கடுமையான ராணுவ அதிகாரத்துவத்தால் அதுகுறித்து எதுவும் செய்ய முடியவில்லை,” என்று அவர் குறுப்பிடுகிறார். முன்னாள் கைதிகளும் தங்கள் தோழர்கள் தம் உயிர்கள் மூலம் இந்தப் போருக்காகச் செலுத்தியுள்ள அதிக விலையை விவரித்துள்ளனர். “நீங்கள் படையில் இப்போது பதிவு செய்தால், இறப்பதற்குத் தயாராக இருங்கள்” என்று புயல் வீரர்கள் மற்றும் அவர்களது உறவினர்களுக்கான ஆன்லைன் குழுவில் செர்கேய் கூறுகிறார். இந்தத் தளத்தில் அவர்கள் பற்றிய தகவல் பகிரப்படுகிறது. அவர் அக்டோபர் முதல் புயல் படையில் சண்டையிட்டு வரும் முன்னாள் கைதி எனக் கூறுகிறார். இந்தத் தளத்தைச் சேர்ந்த மற்றோர் உறுப்பினர், ஐந்து மாதங்களுக்கு முன்பு 100 வீரர்களைக் கொண்ட புயல் படைப்பிடிவில் தாம் சேர்ந்ததாகவும் இப்போது அதில் உயிருடன் இருக்கும் 38 வீரர்களில் தானும் ஒருவர் எனவும் கூறுகிறார். “போரில் நடத்தப்படும் ஒவ்வொரு தாக்குதலும், மறுபிறவியைப் போல் உள்ளது” என்கிறார் அவர். https://www.bbc.com/tamil/articles/c2e074ry91ro
    • உந்த ஆறில எங்கண்ட ஒண்டும் இருக்கு. அதுக்கு பிரசாந்த் பரமலிங்கம் எண்டு பேர்!
    • https://www.jpost.com/middle-east/iran-news/three-quarters-of-israeli-public-opposes-an-iran-attack-if-it-undermines-security-alliance-survey-797523  முழுவதுமாக இணைப்பை வாசித்து விட்டு பதில் எழுத பழகவும். 74 வீதமான மக்கள் இணை நாடுகளை எதிர்த்து போரை விரும்பவில்லை என்று எனக்கு விளங்குகிறது!!
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.