திஸ்ஸமஹாராமவில்... பணியாளர்கள் அணிந்திருந்த சீருடை, சீன நிறுவனத்துக்கு உரியது – சீனத் தூதரகம்!

[தமிழ் சிறி]

திஸ்ஸமஹாராமவில்... பணியாளர்கள் அணிந்திருந்த சீருடை, சீன நிறுவனத்துக்கு உரியது – சீனத் தூதரகம்!

திஸ்ஸமஹாராம குளத்தில் சுத்திகரிப்பு பணியில் ஈடுபட்டிருந்த பணியாளர்கள், சீன நாட்டின் மக்கள் விடுதலை இராணுவத்தைச் சேர்ந்தவர்கள் இல்லை என சீனத்தூதரகம் விளக்கமளித்துள்ளது.

எனினும் அந்த சீருடை, சீனாவின் ஒரு நிறுவனத்துக்கு உரியது என்றும் சீனத்தூதரகம் தெரிவித்துள்ளது.

சீன நாட்டின் இராணுவச் சீருடையுடன் அவர்கள் இந்த பணியில் ஈடுபட்டுள்ளதாக சமூக வலைதளங்களில் வைரலாகியதையடுத்து, இந்த விடயம் தொடர்பாக எதிர்க்கட்சிகள் கேள்வி எழுப்பியிருந்தன.

இதனையடுத்து, திஸ்ஸமஹாராம குளத்தில் சுத்திகரிப்பு பணியில் ஈடுபட்டிருந்த சீன பணியாளர்கள், இராணுவ சீருடை அணிந்திருந்தமை தொடர்பாகப் பாதுகாப்பு செயலாளர் ஓய்வுபெற்ற ஜெனரல் கமல் குணரத்ன சீன தூதரகத்திடம் விளக்கம் கோரியுள்ளார்.

பாதுகாப்பு அமைச்சு விடுத்துள்ள அறிக்கையில் இந்த விடயம் தொடர்பாக தெரிவிக்கப்பட்டுள்ளது.

இதற்கு பதிலளித்துள்ள சீனத் தூதரகம், குறித்த பணியாளர்கள், சீன நாட்டின் மக்கள் விடுதலை இராணுவத்தைச் சேர்ந்தவர்கள் இல்லை என்று விளக்கமளித்துள்ளது.

இந்த நிலையில், எதிர்காலத்தில் அவ்வாறான இராணுவச் சீருடையை அணிய வேண்டாம் என்று குறித்த பணியாளர்களுக்கு அறிவுறுத்தும்படி, பாதுகாப்பு செயலாளர் சீனத்தூதரகத்திடம் கோரியதாக அந்த அறிக்கையில் தெரிவிக்கப்பட்டுள்ளது.

https://athavannews.com/2021/1225769

[புரட்சிகர தமிழ்தேசியன்]

54 minutes ago, தமிழ் சிறி said:

திஸ்ஸமஹாராம குளத்தில் சுத்திகரிப்பு பணியில் ஈடுபட்டிருந்த சீன பணியாளர்கள், இராணுவ சீருடை அணிந்திருந்தமை தொடர்பாகப் பாதுகாப்பு செயலாளர் ஓய்வுபெற்ற ஜெனரல் கமல் குணரத்ன சீன தூதரகத்திடம் விளக்கம் கோரியுள்ளார்.

ஒம்.. ஆர்வ கோளாறில சூட்கேஸ் உறையில் உடுப்பு தைத்துவிட்டீனம்.. விடுங்கங்ப்பா.

☺️..😊

[putthan]

1 hour ago, தமிழ் சிறி said:

மக்கள் விடுதலை இராணுவ

நம்ம ஊரில அந்த காலத்தில தளபதியா இருந்தவர் இப்ப அமைச்சராக இருக்கிறார்....🤣

[vanangaamudi]

 

2 hours ago, தமிழ் சிறி said:

சீன நாட்டின் மக்கள் விடுதலை இராணுவத்தைச் சேர்ந்தவர்கள் இல்லை என சீனத்தூதரகம் விளக்கமளித்துள்ளது.

பொறுப்பற்ற எகத்தாளமான பதில். நீயென்ன கேட்கிறது நனென்ன சொல்கிறது என்பதுபோன்ற தொனி தெரிகிறது.
சிங்களவன் கேட்டதென்ன சீனன் சொன்னதென்ன!!!
ராஜபகச சகோதரர்களின் சீனவிசுவாசத்திற்கு இதுவும் வேண்டும் இன்னமும் வேண்டும்.

2 hours ago, தமிழ் சிறி said:

எனினும் அந்த சீருடை, சீனாவின் ஒரு நிறுவனத்துக்கு உரியது என்றும் சீனத்தூதரகம் தெரிவித்துள்ளது.

அந்த நிறுவனத்தின் பணிபுரியும் இவர்கள் தனியார் இராணுவசேவையை சேர்ந்தவர்களோ. இலங்கை அரசாங்கத்துக்கே  தெரியாது இலங்கையில் சீனாசார்பில் எந்த கம்பனிகள் வேலைக்கு அமர்த்தப்பட்டுள்ளனர் என்று.

[putthan]

சீனா கம்னிஸ்ட் கட்சியின் கம்பனியாக இருக்கும்.....சீனாவில் கட்சியின் கட்டுப்பாட்டில் தான் இராணுவம் உண்டு ...ஆகவே அவர்கள் எதை போட்டாலும் சிறிலங்கா பார்த்து கொண்டு இருக்க வேண்டியதுதான்...

[satan]

சீனாவின் ஆட்டம் இலங்கையில் தொடங்கி விட்டது என நினைக்கிறன்.

[Kapithan]

அணிந்துள்ள உடைகளின் நிறத்தையும் அதிலுலள்ள வடிவங்களும்தான் பிரச்சனை என்றால் அதனை விவாதப் பொருளாக்கும் ஊடகங்களின் தரத்தைத்தான் கேள்விக்குள்ளாக்க வேண்டும். 

சீருடை அணிந்தால் இராணுவம், 

கோவணம் கட்டியிருந்தால் விவசாயி.. 

🤦🏼‍♂️

[கற்பகதரு]

6 hours ago, putthan said:

சீனா கம்னிஸ்ட் கட்சியின் கம்பனியாக இருக்கும்.....சீனாவில் கட்சியின் கட்டுப்பாட்டில் தான் இராணுவம் உண்டு ...ஆகவே அவர்கள் எதை போட்டாலும் சிறிலங்கா பார்த்து கொண்டு இருக்க வேண்டியதுதான்...

சீன இராணுவத்துக்கு சொந்தமான வணிக நிறுவனங்களும், சீன இராணுவத்தின் உயர் அதிகாரிகளுக்கு சொந்தமான தனியார் நிறுவனங்களும் உள்ளன. இவற்றில் முன்னாள் இராணுவத்தினரும், தற்காலிக இராணுவத்தினரும் வேலை செய்கின்றனர்.

[nunavilan]

சீனர்களை பாதுகாப்பதில் கோத்தபாய அரசு உறுதி : ஐக்கிய மக்கள் சக்தி

(சு.பிரசன்னா)

கோத்தபாய ராஜபக்ஷ அரசாங்கம் சீனர்களின் பாதுப்பாவை உறுதி செய்வத்தில் முன் னின்று செற்படுகின்றது. எனவே தேசிய பாதுகாப்பை உறுதி செய்ய முன்வருமாறு மகா சங்கத்தினருக்கும் பாதுகாப்புப் படையினருக்கும் பிரதான எதிர்க்கட்சியான ஐக்கிய மக்கள் சக்தி அழைப்பு விடுத்துள்ளது.

கொழும்பில் நேற்று புதன்கிழமை நடந்த ஊடகவியலாளர் மாநாட்டிலேயே இவ்வாறு அழைப்பு விடுத்த அக்கட்சியின் எம்.பி.யான துஷார இந்துனில் மேலும் கூறுகையில்,

திஸ்ஸமகாராம வாவி அபிவிருத்திப் பணிகளில் ஈடுபட்டிருந்த சீனப் பிரஜைகள் இரா ணுவ சீருடையை அணிந்திருக்கவில்லையென அமைச்சரவைப் பேச்சாளர் தெரிவித்துள்ளார்.

அத்துடன் வாகனங்கள் பழுது பார்க்கும் இடங்களிலும், சில காவல் பணிபுரியும் தொழிலாளர்களும் இவ்வாறான ஆடைகளை அணிவதாகவும் கெஹெலிய ரம்புக்வெல சுட்டிக்காட்டியுள்ளார்.

எந்தப் பகுதிகளில் அவர் இதனை அவதானித்துள்ளார் என்பதை வெளிப்படுத்த வேண்டும். இவ்வாறு பொய் கூறி மக்களை தொடர்ந்தும் ஏமாற்றிக் கொண்டிருக்க வேண்டாம். இவர்கள் நாட்டு மக்கள் பார்வையற்றவர்களென நினைத்துக் கொண்டுள்ளனர்.

திஸ்ஸமகாராம் வாவியில் இடம்பெறும் அபிவிருத்திப் பணிகள் முற்றிலும் தொல் பொருள் கட்டளைச்சட்டத்துக்கு முரணானவை. தொல்பொருள் முக்கியத்துவம் வாய் ந்த இடங்களில் இவ்வாறான செயற்பாடுகளை முன்னெடுப்பதற்கு அனுமதி வழங்கப் படவில்லை.

இதனை யாரிடம் சென்று முறையிடுவது என்று தெரியவில்லை. ஏனெனில் கோத்தாபய ராஜபக்ஷ அரசாங்கம் சீனர்களின் பாதுகாப்பை உறுதி செய்வதில் முன்னின்று செயற்படுகின்றது.

எனவே தேசிய பாதுகாப்பை உறுதி செய்ய முன்வருமாறு மாக சங்கத்தினருக்கும் பாதுகாப்புப் படையினருக்கும் அழைப்பு விடுகின்றோம்.

இந்த விடயத்தில் நாம் அனைவரும் தலையிட்டு எமது உரிமைகளைப் பாதுகாப்போம் என்றார்.

https://thinakkural.lk/article/125586