Jump to content

ஆப்கானிஸ்தானில் போருக்காக சுமார் 60 லட்சம் கோடி ரூபாய் செலவழித்த அமெரிக்கா


Recommended Posts

  • கருத்துக்கள உறவுகள்

ஆப்கானிஸ்தானில் போருக்காக சுமார் 60 லட்சம் கோடி ரூபாய் செலவழித்த அமெரிக்கா

8 மணி நேரங்களுக்கு முன்னர்
ஆப்கானிஸ்தானில் அமெரிக்க துருப்புகள்

பட மூலாதாரம்,GETTY IMAGES

 
படக்குறிப்பு,

ஆப்கானிஸ்தானில் அமெரிக்க துருப்புகள்

20 ஆண்டுகளுக்குப் பிறகு மேற்குலகப் படைகள் ஆப்கானிஸ்தானை விட்டு வெளியேறியதால் தாலிபன்கள் அதிவேகமாக ஆப்கனை கைப்பற்றி வருகிறார்கள்.

2021 செப்டம்பர் 11ஆம் தேதிக்கும் ஒட்டுமொத்த அமெரிக்க படையையும் ஆப்கனில் இருந்து வெளியேற்ற அமெரிக்க அதிபர் ஜோ பைடன் விரும்புகிறார்.

ஆப்கானிஸ்தானில் போர் தொடங்கியதில் இருந்து நேட்டோ மற்றும் அமெரிக்கா எவ்வளவு செலவழித்திருக்கின்றன என்பதைப் பார்ப்போம்.

ஆப்கானிஸ்தானில் புகுந்த மேற்குலகப் படைகள்

ஆப்கானிஸ்தானில் அமெரிக்க்ப் படைகள் எண்ணிக்கை
 
படக்குறிப்பு,

ஆப்கானிஸ்தானில் அமெரிக்க்ப் படைகள் எண்ணிக்கை

இரட்டை கோபுர தாக்குதலுக்குப் பிறகு அக்டோபர் 2001ல் அமெரிக்க படைகள் ஆப்கானிஸ்தானில் புகுந்தன.

தாலிபன்களை எதிர்கொள்ள பில்லியன் டாலர் கணக்கில் அமெரிக்கா பணத்தை வாரி இரைத்தது. ஆப்கானிஸ்தானில் அமெரிக்க துருப்புகளின் எண்ணிக்கையும் 2011ஆம் ஆண்டு அதிகபட்சமாக 1,10,000 பேரைத் தொட்டது குறிப்பிடத்தக்கது.

ஆனால் கடந்த ஆண்டு வெறும் இது 4,000 துருப்புகளாகவும், தற்போது 650 துருப்புகளாகவும் சுருங்கி இருக்கிறது. அவர்களும் அமெரிக்க வெளியுறவு அதிகாரிகளுக்கு பாதுகாப்பு கொடுக்க அங்கு இருக்கிறார்கள்.

நேட்டோ படைகள் இருந்தாலும், அமெரிக்காதான் ஆதிக அளவில் ஆட்களை களமிறக்கி இருந்தது.

செலவழித்தது எவ்வளவு?

ஆப்கன் தேசிய ராணுவப் படக்கு பயிற்சியளித்த நேட்டோ

பட மூலாதாரம்,GETTY IMAGES

 
படக்குறிப்பு,

ஆப்கன் தேசிய ராணுவத்துக்கு பயிற்சியளித்த நேட்டோ

2010 - 2012 காலத்தில், ஆப்கானிஸ்தானில் ஒரு லட்சத்துக்கும் மேற்பட்ட துருப்புகளைக் கொண்டிருந்த காலத்தில், ஆண்டுக்கு 100 பில்லியன் டாலர் வரை செலவழித்தது அமெரிக்கா.

அதிரடி தாக்குதல் திட்டங்களிலிருந்து ராணுவம் தன் கவனத்தை திசை திருப்பி, ஆப்கன் படைகளுக்கு பயிற்சி வழங்கத் தொடங்கிய பின் செலவுகள் கணிசமாக குறைந்தன.

கடந்த 2018ஆம் ஆண்டு, அமெரிக்கா ஆப்கானிஸ்தானில் சுமார் 45 பில்லியன் டாலர் செலவழித்ததாக மூத்த பென்டகன் அதிகாரி ஒருவர் அமெரிக்க காங்கிரசிடம் கூறியுள்ளார்.

அமெரிக்க பாதுகாப்பு அமைச்சகத்தின் கணக்குப் படி, 2001 - 2019 வரையான காலத்தில் அமெரிக்கா ஆப்கானிஸ்தானில் ராணுவத்துக்காக 778 பில்லியன் டாலரைச் செலவழித்திருக்கிறது.

அது போக அமெரிக்காவின் உள் துறை அமைச்சகம் போன்ற மற்ற சில அமெரிக்க முகமைகள் எல்லாம் சேர்த்து சுமார் 44 பில்லியன் டாலரை ஆப்கானிஸ்தான் போருக்கு செலவழித்து இருக்கின்றன. ஒட்டுமொத்தத்தில் 822 பில்லியன் டாலர்.

இதை இந்திய ரூபாய் மதிப்பில் கணக்கிட்டால் கடந்த 18 ஆண்டுகளில் சுமார் 60 லட்சம் கோடி ரூபாய் வருகிறது என ஒரு புரிதலுக்காக வைத்துக் கொள்ளலாம். 18 ஆண்டுகள் என்பதால் ஒவ்வோர் ஆண்டும் அமெரிக்க டாலருக்கு நிகரான இந்திய ரூபாய் மதிப்பு மாற்றம் கண்டு இருக்கும் என்பது வேறு.

இதை எல்லாம் தாண்டி, ஒவ்வொரு அமெரிக்க முகமைகள் மற்றும் அமைச்சகங்கள் கணக்கு வழக்குகளை பராமரிக்கும் முறை வித்தியாசமாக இருக்கும் என்பதால் சரியாக எவ்வளவு செலவானது என கணக்கிட்டுச் சொல்வது கடினமானது.

அமெரிக்கா மற்றும் நேட்டோ படைகள் ஆப்கானிஸ்தானில் இருந்து பின் வாங்கினாலும் அரசுப் படைகளுக்கு ஆண்டுக்கு 4 பில்லியன் டாலர் வீதம், 2024ஆம் ஆண்டு வரை உதவி செய்ய ஒப்புக் கொண்டுள்ளன.

ஏற்கனவே இந்த ஆண்டில் நேட்டோ 72 மில்லியன் டாலர் அளவிலான சாதனங்கள் உள்ளிட்டவற்றை தந்திருக்கிறது.

பணம் எப்படி செலவானது

ஆப்கானிஸ்தான் மறுகட்டமைப்பில் உதவி வரும் அமெரிக்கா

பட மூலாதாரம்,GETTY IMAGES

 
படக்குறிப்பு,

ஆப்கானிஸ்தான் மறுகட்டமைப்பில் உதவி வரும் அமெரிக்கா

கிளர்ச்சியாளர்களுக்கு எதிரான ஆபரேஷன்கள், ராணுவ வீரர்களின் உணவு, உடை, மருத்துவ வசதிகள், அவர்களுக்கான சிறப்பு ஊதியம், சலுகைகளுக்கே அதிகம் செலவானது.

கடந்த 2002ஆம் ஆண்டு முதல் அமெரிக்கா இதுவரை சுமார் 143.27 பில்லியன் டாலரை ஆப்கானிஸ்தான் மறுகட்டுமானத்துக்காக செலவழித்துள்ளது.

அதில் 88.32 பில்லியன் டாலர் வரை ஆப்கானிஸ்தானின் ராணுவத்தைக் கட்டமைக்க செலவழிக்கப்பட்டது. இதில் ஆப்கானிஸ்தான் தேசிய ராணுவம் மற்றும் காவலர்கள் படை இரண்டுமே அடக்கம்.

கிட்டத்தட்ட 36 பில்லியன் டாலர் அரசு நிர்வாகத்துக்கும், வளர்ச்சிக்கும் ஒதுக்கப்பட்டது. இந்த நிதியில் சிறு சிறு பகுதிகள் போதை மருந்துக்கு எதிரான நடவடிக்கைக்கும், சில மனிதாபிமான உதவிகளுக்கும் செலவழிக்கப்பட்டது.

ஆப்கானிஸ்தானுக்கு ஒதுக்கப்பட்ட நிதியை தவறாக பயன்படுத்தியது, வீணடித்தது, மோசடி செய்தது என மே 2009 முதல் டிசம்பர் 2019 வரை கிட்டத்தட்ட 19 பில்லியன் டாலர் வீணடிக்கப்பட்டிருப்பதாக அக்டோபர் 2020-ல் அமெரிக்க காங்கிரஸில் தாக்கல் செயப்பட்ட அறிக்கை ஒன்றில் கூறப்பட்டிருக்கிறது.

ஏற்கனவேு பதியபட்ட செய்தியாக இருந்தால் நீக்கி விடவும்..

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.