Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

கொரோனாவுக்கு 109 நாள் சிகிச்சை - நிமிடத்துக்கு 10 லிட்டர் ஆக்சிஜன்; 62 நாள் எக்மோ - மீண்டும் பிறந்த திருச்சி முத்திஜா


Recommended Posts

  • கருத்துக்கள உறவுகள்

கொரோனாவுக்கு 109 நாள் சிகிச்சை - நிமிடத்துக்கு 10 லிட்டர் ஆக்சிஜன்; 62 நாள் எக்மோ - மீண்டும் பிறந்த திருச்சி முத்திஜா

ஒரு மணி நேரத்துக்கு முன்னர்
109 நாள் கொரோனா; 62 நாள் எக்மோ - மீண்டும் பிறந்த திருச்சி முத்திஜா

பட மூலாதாரம்,MAKSIM LABKOUSKI / GETTY IMAGES

கொரோனா தொற்றால் கடுமையாக பாதிக்கப்பட்ட நோயாளி ஒருவர் தொடர்ந்து 62 நாள்கள் எக்மோ சிகிச்சையில் இருந்து மீண்டிருப்பது ஆச்சர்யத்தை ஏற்படுத்தியுள்ளது.

"நோயாளிக்கு ஆக்சிஜன் கொடுத்தும் பலன் கிடைக்காததால் எக்மோ சிகிச்சையளித்தோம். அவ்வாறு செய்தால் ஒரு மாதத்துக்குள் நுரையீரல் சரியாவதற்கு வாய்ப்புகள் உள்ளன," என்கிறார் இந்த சிகிச்சை நடந்த ரேலா மருத்துவமனையைச் சேர்ந்த மருத்துவர் முகமது ரேலா. என்ன நடந்தது?

நிமிடத்துக்கு 10 லிட்டர் ஆக்சிஜன்

திருச்சியை சேர்ந்த தொழிலபதிபரான 56 வயது எம்.முகமது முத்திஜா என்பவர், கடந்த ஏப்ரல் மாத இறுதியில் கொரோனா தொற்றால் பாதிக்கப்பட்டார். அவரது உடலில் ஆக்சிஜன் அளவு 92 சதவிகிதம் என்ற அளவுக்கே இருந்துள்ளது. அவரது நுரையீரலும் கடுமையாக பாதிக்கப்பட்டதால், மருத்துவமனையில் முத்திஜா அனுமதிக்கப்பட்டார். அந்த நேரத்தில் ஒவ்வொரு நிமிடத்துக்கும் 10 லிட்டர் ஆக்சிஜன் அவருக்கு தேவைப்பட்டுள்ளது. முத்திஜாவின் நுரையீரல் கடுமையாக பாதிப்படைந்ததை அடுத்து அவருக்கு சிகிச்சை அளிக்க மருத்துவக் குழு எக்மோ கருவியைப் பயன்படுத்தத் தொடங்கியது.

ECMO treatment patient

பட மூலாதாரம்,GRAPHIC_BKK1979 / GETTY IMAGES

 
படக்குறிப்பு,

எக்ஸ்ட்ராகார்போரியல் மெம்ரேன் ஆக்சிஜனேஷன் (Extracorporeal membrane oxygenation - ECMO) என்பதன் சுருக்கமே எக்மோ.

மனித உடலில் ஆக்சிஜனை பிரித்து ரத்தத்தில் ஏற்றும் நுரையீரலின் பணியில் தடங்கல் ஏற்பட்டால் நோயாளிக்கு பாதிப்பு ஏற்படும். இதனால் கார்பன் டை ஆக்ஸைடின் அளவு அதிகரித்து நுரையீரல், இதயம் போன்றவை செயலிழக்கத் தொடங்கும். இதனால் உயிரிழப்பு ஏற்படும் அபாயமும் உள்ளது. அந்தநேரத்தில் நுரையீரல் மற்றும் இதயத்தின் செயல்பாடுகளை அதிகரிக்க எக்மோ கருவி பொருத்தப்படுகிறது. `அதுவும் 30 நாள்கள் வரையில் மட்டுமே இது சாத்தியப்படும்' எனவும் மருத்துவர்கள் தெரிவிக்கின்றனர்.

62 நாள்களாக எக்மோ

முத்திஜாவுக்கு கடுமையான மூச்சுத் திணறல் இருந்ததால் வெண்டிலேட்டர் மற்றும் எக்மோ சிகிச்சையில் தொடர்ந்து 62 நாள்கள் வைக்கப்பட்டார். அவரது உடல்நிலையில் முன்னேற்றம் ஏற்பட்டதால் 109 நாள்களுக்குப் பிறகு குணமடைந்துள்ளார்.

பொதுவாக, ஒருவர் எக்மோ சிகிச்சைக்குள் சென்றுவிட்டால் மீள்வது கடினம் எனக் கூறப்பட்டு வரும் நிலையில், நோயாளி ஒருவர் 62 நாள்களுக்குப் பிறகு மீண்டிருப்பதை அரிய சாதனையாக இவருக்கு சிகிச்சை அளித்த மருத்துவர்கள் கொண்டாடுகின்றனர்.

``கொரோனா முதல் அலையின்போது நோயாளிகளை எக்மோ சிகிச்சைக்குள் கொண்டு செல்லவில்லை. இரண்டாம் அலையின்போது எக்மோ சிகிச்சையளிக்கப்பட்டது. அதிலும், கொரோனா தொற்றால் கடுமையாக பாதிக்கப்பட்ட நோயாளிகள் இருந்தார்கள். அவர்களுக்கு வெண்டிலேட்டரின் உதவியோடு 100 சதவிகித ஆக்சிஜன் கொடுத்தும் அவர்களது உடலில் ஆக்சிஜன் சேரவில்லையென்றால் எதுவும் செய்ய முடியாது."

மருத்துவக் குழுவினருடன் முத்திஜா
 
படக்குறிப்பு,

மருத்துவக் குழுவினருடன் முத்திஜா

"மருத்துவமனையில் அனுமதிக்கப்பட்ட நேரத்தில் முத்திஜாவுக்கு தீவிர நுரையீரல் பாதிப்பு இருந்தது. அவருக்கு ஆக்சிஜன் கொடுத்தும் பலன் கிடைக்காததால் எக்மோவில் போட்டோம். அப்படிச் செய்தால் ஒரு மாதத்துக்குள் நுரையீரல் சரியாவதற்கு வாய்ப்புகள் உள்ளன. ஒரு மாதத்துக்கு மேல் சரியாகவில்லையென்றால், நுரையீரல் மாற்று அறுவை சிகிச்சை செய்ய வேண்டும்" என்கிறார் மருத்துவர் முகமது ரேலா.

அமெரிக்க நோயாளியின் 147 நாள் சாதனை

தொடர்ந்து பேசியவர், `` முத்திஜாவுக்கு முதலில் வெண்டிலேட்டரில் வைத்து சிகிச்சையளித்தோம். அதில் குணமாகாததால் எக்மோ சிகிச்சை வழங்கப்பட்டது. அப்போதும் குணமாகாததால் நுரையீரல் மாற்று அறுவை சிகிச்சை செய்ய முடிவெடுத்தோம். ஆனால், நுரையீரலுக்காக காத்திருந்த நேரத்தில் எக்மோவிலேயே அவர் இரண்டு மாதங்கள் இருக்க நேரிட்டது."

"இவ்வாறு இரண்டு மாதங்கள் (62 நாள்கள்) ஒருவர் உயிர் பிழைத்து இருப்பது என்பது மிகவும் அரிதானது. பின்னர், அவருக்கு படிப்படியாக எக்மோ சிகிச்சையை குறைத்தோம். தொடர்ந்து, எக்மோ சிகிச்சையே தேவையில்லை என்ற நிலை உருவானது. வெண்டிலேட்டர் கருவியின் உதவியும் தேவைப்படவில்லை."

"இதே வரிசையில், அமெரிக்காவில் நோயாளி ஒருவர் 147 நாள்கள் இருந்ததாக அறிக்கை ஒன்று பதிவாகியுள்ளது. நம் நாட்டில் இதுதான் முதல் வழக்காக பதிவாகியுள்ளது. மற்றவர்கள் யாரும் அறிக்கை கொடுத்துள்ளார்களா எனத் தெரியவில்லை. 2 மாதங்கள் எக்மோவில் இருந்த முத்திஜாவுக்கு, பிற்காலத்திலும் நுரையீரல் மாற்று தேவையில்லை என்ற சூழல் உருவாகியுள்ளது. இது மிகவும் அரிதானது" என்கிறார் ரேலா.

கொரோனா;

மேலும், `` நுரையீரல் மாற்று அறுவை சிகிச்சை நடக்கும்வரையில் தற்காலிக ஏற்பாடாக எக்மோ சிகிச்சை மேற்கொள்ளப்பட்டு வருகிறது. ஆனால், எக்மோ சிகிச்சை என்பது உண்மையிலேயே உயிர்காக்கும் சிகிச்சை முறையாக மாறியுள்ளது. இதன் மூலம் மிகவும் ஆபத்தான நிலையில் உள்ள நோயாளிகள் உயிர்வாழ முடியும். அவர்கள் தங்களின் இயல்பு வாழ்க்கைக்குத் திரும்புவதற்கும் இது வாய்ப்பாக அமையும்" என்கிறார்.

"மறு பிறப்பாக உணர்கிறேன்"

``எக்மோ சிகிச்சையில் 54 நாள்கள் கழிந்தவுடன் முத்திஜாவின் உடல்நிலையில் படிப்படியாக முன்னேற்றம் தென்பட்டது. இதையடுத்து, அவருக்கு வழங்கப்பட்டு வந்த எக்மோ சிகிச்சையை குறைத்தோம். 62 நாள்களுக்குப் பிறகு அவர் முழுமையாக குணமடைந்துவிட்டார். எங்கள் கண்முன்னால் இந்த அதிசயத்தைப் பார்த்தோம். ஜூலை 29 அன்று வெண்டிலேட்டர் சிகிச்சையை அகற்றினோம். இதன்பிறகு உட்கார்வது, நடப்பது, இயல்பான உணவுகளை எடுத்துக் கொள்வது என முத்திஜா தேறிவிட்டார். நுரையீரல் மாற்று அறுவை சிகிச்சையில்லாமல் குணமடைந்த ஒரே நபர் இவர் மட்டும்தான்" என்கிறார் இதயம் மற்றும் நுரையீரல் மாற்று அறுவை சிகிச்சை நிபுணரான சி.ஆறுமுகம்.

"பலநேரங்களில் நான் சுயநினைவில்லாமல் இருந்தேன். அடிப்படையில் நான் ஒரு விளையாட்டு வீரனாக இருந்ததால் மனதை வலிமையாக வைத்துக் கொள்ள அது உதவியது. நோயில் இருந்து மீண்டு வருவதற்கு கடவுளின் துணையோடு அனைத்து முயற்சிகளையும் செய்தேன். இதனை மறு பிறப்பாக நான் உணர்கிறேன். என்னை குணப்படுத்திய மருத்துவக் குழுவுக்கு நன்றி" என்கிறார் முத்திஜா.

https://www.bbc.com/tamil/india-58279709

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • மாசிகருவாட்டுக் குழம்பும் சோறும் அருமையான காம்பினேஷன்.......!  👍
    • இது நடைபெறுவதைத் தடுப்பது எங்கணம்? ஒரே வழிதான். சிங்கள பெளத்த பேரினவாத அரசு தொடர்ந்தும் இயங்குவதை முடக்குவது. இன்றிருக்கும் அதன் அதிகார பலத்தினை உடைத்து, அது கம்பீரமாக நிற்கும் வெற்றிமமதையிலிருந்து கீழே வீழ்த்தி தமிழருடன் சமரசத்தில் ஈடுபடுவதன்மூலம், அவர்களின் கோரிக்கைக்கு உடன்படுவதே ஒரே வழியெனும் நிலையினை உருவாக்குவது.  நாட்டினை தொடர்ந்து கொண்டுநடாத்துவதற்குத் தேவையான வருவாய்களை பேரினவாதம் பெற்றுக்கொள்ளும் வழிகளைத் தடுப்பது. உல்லாசப் பயணத்துறை, கைத்தொழில்ப் பேட்டைகள் மூலம் கிடைக்கும் வருவாய்களை முற்றாக முடக்குவது. பொருளாதார ரீதியில் தோல்வியடைந்த நாடாக மாற்றுவது.  இதனைச் செய்ய தமிழர்கள் தமக்கு முன்னால் இருக்கும் அனைத்து வழிகளையும் பயன்படுத்துவது அவசியமானது. அந்த வழிகள் என்னவென்று கண்டுபிடிப்பது இப்போதைக்குத் தேவையானது.
    • அப்படியானால் தமிழர்களின் எதிர்காலம் என்ன? நிச்சயமாக நடக்கப்போவது இவைதான் 1. தமிழர்களின் தாயகம் இன்று வடக்கென்றும் கிழக்கென்றும் பிரிக்கட்டிருப்பதுபோல, இன்னும் சிறிதுகாலத்தில் கிழக்கிலும், வடக்கிலும் பகுதிகள் சிறிது சிறிதாக அரித்தெடுக்கப்பட்டு பெருத்துவரும் சிங்களப் பகுதிகளுடன் இணைக்கப்படும். 2. தமிழரின் அருகிவரும் தாயகத்தில் சிங்களத்தின் ராணுவமும், கடற்படையும், வான்படையும், காவல்த்துறையும், புலநாய்வு அமைப்புக்களும் தொடர்ச்சியாக நிலை நிறுத்தப்படுவதோடு, அவற்றின் பிரசன்னமும் விஸ்த்தரிக்கப்படும். 3. தமிழர் தாயகப் பகுதிகளில் சிங்களத்தின் அதிகாரிகளும், அவர்களின்குடும்பங்களும் பெருமளவில் குடியமர்த்தப்படும். 4. தமிழ் மற்றும் முஸ்லீம் சமூகங்கள் சிங்களத்திற்குள் ஊல்வாங்கப்படும் (உடனடியாக இல்லாவிட்டாலும்கூட இன்னுமோர் 50 - 60 வருடங்களில் இது சாத்தியமே).  5. அருகிவரும் தமிழரின் மொழி, கலசார விழுமியங்கள், ச்மய அடையாளங்கள் சிறிது சிறிதாக தொல்பொருள் காத்தல் எனும் பெயரிலும், "முன்னைய சிங்கள பெளத்த சின்னங்கள் " எனும் பெயரிலும் அபகரிக்கப்படும். அப்படி அபகரிக்க முடியாத தமிழரின் தொல்லியல் சின்னங்கள் திட்டமிட்டு அழிக்கப்படுதலோ அல்லது வேண்டுமென்றே பராமரிப்பின்றி விடப்படும், இன்று வன்னியின் பல பகுதிகளிலும் அழிந்துவரும் தமிழ் மன்னர்களால் கட்டப்பட்ட பல தொன்மைவாய்ந்த கட்டிடங்கள் இதற்கு உதாரணம். 6. தொடர்ச்சியான ராணுவ அடக்குமுறைக்கும், நில அபகரிப்பிற்கும் முகம் கொடுக்கும் தமிழினம் ஒன்றில் நாட்டைவிட்டு வெளியேறி சிங்கள் ஆக்கிரமிப்பினை இலகுவாக்கும், அல்லது தனது அடையாலம் துறந்து சிங்களுத்தினுள் உள்வாங்கப்படும்.  7. இன்னொரு நூற்றாண்டில் முழு நாடும் சிங்கள மயமாகும். 
    • அடுத்தது கஜேந்திரக்குமார் பொன்னம்பலம் மற்றும் கஜேந்திரன் கூட்டு. சம்பந்தன் - சுமந்திரன் கூட்டிற்கு எதிராக தமிழ்த் தேசிய அரசியலை முன்னெடுக்கக்கூடியவர்கள் என்று மக்களால் கருதப்பட்டவர்கள். ஆனால், தாந்தோன்றித்தனமான நடவடிக்கைகளாலும், சுயநல அரசியலைனாலும் கூடவிருந்தவர்களின் நம்பிக்கையினை இழந்து பலர் வெளியேறக் காரனமாகவிருந்தவர்கள். கூட்டமைப்பின் தலைமைக்கு மட்டுமல்லாமல், இதர கட்சித் தலைமைகளுக்கும் எதிரான பிடிவாதமான அரசியல் நிலைப்பாட்டினால் இன்றுவரை தமிழ்த் தேசியப் பரப்பில் பல கட்சிகள் ஒன்றுபடுவதை விரும்பாதவர்கள். கூட்டமைப்பிலிருந்து பிரிந்ஹ்டு வந்ததன் பின்னர் தமக்குள் மோதுண்டு, மணிவண்ணன் வெளியேறவும், அரசுக்குச் சார்பான துனைராணுவக் குழுவின் உறுப்பினர்களுடன் சேர்ந்து அரசியல் செய்யவும் காரனமானவர்கள். பாராளுமன்றத்தில் ஆக்ரோஷமாகக் கதைப்பதே அரசியல் எனும் நிலைப்பாட்டில் வாழ்பவர்கள்.  சித்தார்த்தன், அடைக்கலநாதன் மற்றும் சுரேஷ் பிரேமச்சந்திரன் கூட்டு. முன்னாள் அரச ராணுவத் துனைக்குழுக்களின் தளபதிகள் அல்லது தலைவர்கள். இந்திய ராணுவம் மற்றும் இலங்கை ராணுவத்துடன் நேரடியான தொடர்பை நெடுங்காலம் பேணிவந்தவர்கள். பல தமிழர்களின் படுகொலைகளுடன் நேரடியாகத் தொடர்புகொணடிருந்தவர்கள். தொடர்ச்சியாக இந்திய ஆதரவு நிலைப்பாட்டினை எடுத்துவரும் இவர்கள், சம்பந்தன் - சுமந்திரன் கூட்டிற்கு எதிரானவர்கள். தமது அரசியல் எதிர்காலமே இவர்களின் ஒரே இலக்கு. தொடர்ந்து அரச ராணுவ குழுக்களாக இயங்கமுடியாத பட்சத்தில் தமது இருப்பிற்காக அரசியலைத் த்ர்ரெந்தெடுத்தவர்கள்.  அடுத்தது விக்னேஸ்வரன். சம்பந்தன் - சுமந்திரன் கூட்டிற்கு பதிலாக தமிழ் மக்களால் தலைவராகப் பார்க்கக்கூடியவர் எனும் மாயையினை ஏற்படுத்தியவர். ஆரம்பத்தில் நம்பிக்கையினைத் தந்து பல மேடைகளில் தமிழரின் இழப்புக்கள் குறித்து வெளிப்படையாகப்பேசியவர். ஆனால், கூடவிருக்கும் இதர அரசியல்வாதிகளினதும், ஆதரவாளர்களினது பேச்சிற்கு அடிபணிந்து, இலக்கு மாறி இன்று பத்தோடு  பதினொன்றாக நிற்பவர்.   சிறிதரன். கிளிநொச்சி மக்களால் முன்னர் ஆதரிக்கப்பட்டவர். வர்த்தக நடவடிக்கைகள் மற்றும் தமிழரசுக் கட்சியூடாக பாராளுமன்ற ஆசனம் என்பதைத்தவிர இவரின் அரசியல் அதிக தூரம் செல்வதில்லை. ஒரு சில பாராளுமன்ற உரைகளும், மாவீரர்களுக்கான வணக்கமும் தன்னைத் தொடர்ந்தும் அரசியலில் வைத்திருக்க உதவும் என்று நம்புபவர். இவர்கள் எவராலும் தமிழருக்கான விடிவு கிடைக்கப்போவதில்லை. இது இவர்கள் அனைவருக்குமே நன்றாகத் தெரியும், ஆனாலும் தமது அரசியல் எதிர்காலத்திற்காக, வருவாய்க்காக அதனைச் செய்கிறார்கள்.  தமது சொல்கேட்டு, தமது சுரண்டல்களை ஏற்றுக்கொன்டு, தமது பிராந்திய நலன்களுக்கான பகடைகளாகவிருந்து தமக்கு சலாம்போடும் அமைப்பாக புலிகள் இருக்கவேண்டும் என்று இந்தியாவும், மேற்குலகும் எதிர்பார்த்தது. அப்படி புலிகள் இருக்காதவிடத்து அவர்களை அழித்து நாடு முழுவதையும் சிங்களப் பேரினவாதிகளிடம் கொடுப்பதன்மூலம் மொத்த நாட்டையும் தமது கட்டுப்பாட்டின்கீழ் கொண்டுவந்து தமக்குத் தேவையானதை அடைந்து கொள்ளலாம் என்று இந்த அந்நிய சக்திகள் விரும்பியதன் விளைவே எமது மக்களின் அழிப்பும், போராட்டத்தின் வீழ்ச்சியும். இன்று தமிழருக்கான தீர்வு எதனையும் கொடுக்கவேண்டிய தேவை இந்த சக்திகளுக்கு இல்லை. தமக்குத் தேவையானவற்றை சிங்களமே கொடுத்துவரும்வேளையில், சிங்களத்திற்கு எதிராகச் சென்று எதுவுமேயற்ற தமிழர்களை ஆதரிக்க இந்த சக்திகளுக்கு தேவையென்று ஒன்றில்லை. ஆகவேதான் இன்றுவரை தமது பிணாமிகளாக தமிழ்த் தேசியம் பேசும் அரசியல்வாதிகளைக் குழுக்களாகப்பிரித்து தம்பாட்டிற்கு இயக்கி வருகிறார்கள். மனிதவுரிமை மீறள்கள், போர்க்குற்ற விசாரனைகள், சிறுபான்மையினங்களுக்கான அரசியல் பாதுகாப்பு, சிறுபான்மையினக் குழுக்கள் என்று வார்த்தை ஜாலங்களைப் பாவித்து கானல்நீரைப் போன்று இன்றுவரைத் தமிழர்களை நம்பிக்கையுடன் ஏங்கவைத்து தமது நலன்களை மட்டுமே பார்த்துக்கொள்ளும் சக்திகள். இந்தியாவென்றும், அமெரிக்காவென்றும், ஐரோப்பாவென்றும் தொடர்ச்சியாக தமது பிணாமிகளை வரவழைத்து தமிழர்களை "அரசியல்த் தீர்வு ஒன்று வரப்போகிறது" எனும் மாயைக்குள் அடைத்துவைத்திருப்பவர்கள். பலமுறை தாம் பாவித்து வெற்றிபெற்ற "தமிழர்களின் நலன்களைக் காவுகொடுத்து தமது நலன் பேணல்" எனும் அதே கைங்கரியத்தை இன்னும் எத்தனை முறை வேண்டுமானாலும் பாவிக்கத் தயங்காத சுத்த சுயநல சக்திகள்.  இவர்களாலும் தமிழருக்கென்று தீர்வொன்றும் கிடைக்கப்போவதில்லை.   
    • கோப்பிக் கோப்பையில் பூத்த கலைவண்ணம்........!  😂
×
×
  • Create New...

Important Information

By using this site, you agree to our Terms of Use.