Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

அமெரிக்க ஓபன் ; பிரிட்டிஷ் இளம் வீராங்கனை எம்மா இறுதிப் போட்டிக்கு முன்னேறினார்


Recommended Posts

  • கருத்துக்கள உறவுகள்

அமெரிக்க ஓபன் ; பிரிட்டிஷ் இளம் வீராங்கனை எம்மா இறுதிப் போட்டிக்கு முன்னேறினார்

பிரிட்டிஷ் இளம் வீராங்கனை எம்மா ரடுகானு அமெரிக்க ஓபன் இறுதிப் போட்டிக்கு முன்னேறியுள்ளார்.

Sep 9, 2021; Flushing, NY, USA; Emma Raducanu of Great Britain celebrates after her match against Maria Sakkari of Greece (not pictured) on day eleven of the 2021 U.S. Open tennis tournament at USTA Billie Jean King National Tennis Center. Mandatory Credit: Robert Deutsch-USA TODAY Sports

நியோர்க்கில் வியாழக்கிழமை நடைபெற்ற அமெரிக்க ஓபன் மகளிர்க்கான ஒற்றையர் பிரிவு அரையிறுதிப் போட்டியில் கீரிஸின் மரியா சக்காரியை எதிர்கொண்டார் எம்மா ரடுகானு.

இந்த ஆட்டத்தில் எம்மா ரடுகானு, 6-1 6-4 என்ற கணக்கில் மரியா சக்காரியை தோற்கடித்து கிராண்ட்ஸ்லாம் இறுதிப் போட்டிக்கு முன்னேறியுள்ளார்.

44 ஆண்டுகளின் பின்னர் ஒரு பெரிய தொடரின் இறுதிப் போட்டிக்கு தகுதி பெற்ற முதல் பிரிட்டிஸ் பெண் இவர் ஆவார்.

இதேவேளை அமெரிக்க ஓபன் மகளிர்க்கான ஒற்றையர் பிரிவின் மற்றொரு அரையிறுதி ஆட்டத்தில் கனேடிய இளம்பெண் லெய்லா பெர்னாண்டஸ் மற்றும் பெலருஷ்ய வீராங்கனை ஆரினா சபாலெங்காவை எதிர்கொண்டார்.

இந்த ஆட்டத்தில் 19 வயதான லெய்லா பெர்னாண்டஸ் 7-6 (7-3) 4-6 6-4 என்ற கணக்கில் ஆரினா சபாலெங்காவை தோற்கடித்து இறுதிப் போட்டிக்கு முன்னேறியுள்ளார்.

Fernandez pumps her right fist in celebration.

சனிக்கிழமை நியூயோர்க்கில் இடம்பெறும் அமெரிக்க ஓபனின் மகளிர்க்கான இறுதிப் போட்டியில் இளம் வீராங்கனைகளான லெய்லா பெர்னாண்டஸ் - எம்மா ரடுகானு ஆகியோர் மோதவுள்ளனர்.
 

 

https://www.virakesari.lk/article/113031

Link to comment
Share on other sites

  • கருத்துக்கள உறவுகள்

மொத்தத்தில் இரண்டு கனடியர்கள் மோதுகிறார்கள்.

Link to comment
Share on other sites

  • கருத்துக்கள உறவுகள்

எம்மா ரடுகானு: டென்னிஸ் வரலாற்றில் ஒரு புதிய சாதனையை நிகழ்த்தியுள்ள 18 வயது பெண்

42 நிமிடங்களுக்கு முன்னர்
Emma Raducanu

பட மூலாதாரம்,REUTERS

இப்போதுதான் பள்ளிப்படிப்பை முடித்து ஓட்டுநர் உரிமம் பெற்ற எம்மா ரடுகானு, தன் ஸ்போர்ட்ஸ் வாழ்வில் ஏற்கனவே வரலாறு படைத்துள்ளார்.

ஓப்பன் டென்னிஸ் போட்டிகளில் இறுதிப்போட்டிக்குத் தகுதி பெற்ற மிக இளைய வீரர் என்ற புகழைப் பெற்றுள்ளார் எம்மா ரடுகானு.

இந்த வருடம் முழுக்கவே ப்ரிட்டனைச் சேர்ந்த இந்த 18 வயது டென்னிஸ் வீரர் பள்ளிப்படிப்பையும் விளையாட்டையும் சேர்த்தே கவனித்துக்கொண்டார். ஐந்து மாதங்களுக்கு முன்பு கணிதம் மற்றும் பொருளாதாரத்தில் பள்ளி தேர்வை முடித்து, ஓட்டுநர் உரிமத்தையும் பெற்றுள்ளார்.

உலகத் தரவரிசையில் 361வது இடத்தில் இருந்து 16 வது இடத்துக்கு கிடுகிடுவென உயர்ந்துள்ளார்.

கடந்த 42 ஆண்டுகளில் டென்னிஸ் போட்டியில் நான்காவது சுற்றை எட்டிய மிகவும் இளைய பிரிட்டிஷ் பெண்மணி என்ற சாதனையை ஜூலை மாதம் படைத்தார். அவரது திறமையை உலகுக்கு வெளிச்சம் போட்டுக் காட்டிய வெற்றி அது.

அமெரிக்க ஓப்பன் இறுதிச் சுற்றை எட்டுவோம் என்று தான் எதிர்பார்க்கவில்லை என்று கூறும் ரடுகானு, விரைவில் வெளியேறிவிடுவோம் என்று தான் பதிவு செய்துவைத்திருந்த விமான டிக்கெட்டுகளையும் ரத்து செய்ய வேண்டியிருந்ததாகக் கூறுகிறார்.

சீனத்தாய்க்கும் ரோமேனியன் அப்பாவுக்கும் கனடாவில் பிறந்த ரடுகானு, தன் பெற்றோருடன் தனது இரண்டாவது வயதில் பிரிட்டன் வந்தார். லண்டனில் வளர்ந்த ரடுகானு, பாலே, குதிரையேற்றம், நீச்சல், கூடைப்பந்து, கோகார்ட்டிங் போன்ற எல்லாவற்றையும் முயற்சி செய்துவிட்டு பிறகு தென்கிழக்கு லண்டனில் ப்ரோம்லி டென்னிஸ் அகாடமியில் சேர்ந்தார். அப்போது அவருக்கு வயது ஐந்து.

அவருக்கு உலகின் புகழ் வெளிச்சம் வருவதற்கு முன்பே ரடுகானுவின் தனித்திறமை நிபுணர்களைக் கவர்ந்திருக்கிறது. தனது விளையாட்டு சிமோனா ஹாலெப் மற்றும் லீ னாவால் உந்தப்பட்டது என அவர் கூறுகிறார். இவர்கள் இருவரும் அவரது மரபின் பிரதிநிதிகளாகவும் இருக்கிறார்கள்.

Emma Raducanu

பட மூலாதாரம்,GETTY IMAGES

"ஹாலெப்பைப் போல விளையாட்டு உத்வேகத்துடன் உடல் அமைப்புடன் இருக்க விரும்புகிறேன், லினாவின் விளையாட்டு எனக்கு மிகவும் பிடிக்கும். அவரது வீச்சுகள் வலுவானவை. அவரது மனநிலை எனக்குப் பிடிக்கும் எனக்கும் அது வரவேண்டும் என்று நான் ஆசைப்படுவதுண்டு" என்கிறார்

கடந்த சில மாதங்களாக இந்த வலுவான மனநிலையையே அவர் காட்டிவருகிறார்.

"எனக்கு ஜெயிக்கவேண்டும் என்ற அழுத்தம் இல்லை, எல்லா அழுத்தமும் நமக்குள்ளிருந்து வருவதுதான். என் படிநிலை என் விளையாட்டு பற்றி எதிர்பார்ப்புகள் உண்டு என்றாலும் முடிவுகளைப் பற்றிய அழுத்தம் இல்லை எனக்கு," என்கிறார்.

சமீபத்தில் பல பிரிட்டிஷ் பிரபலங்கள் சமூக ஊடங்கங்களில் இவரைப் புகழ்ந்தார்கள். முன்னாள் ஒயாஸிஸ் வீரர் லியாம் காலஹர் அவரை "நட்சத்திரத் திறமைசாலி" எனவும் முன்னாள் இங்கிலாந்து கால்பந்து வீரர் காரி லினேகர் அவரின் விளையாட்டு பார்ப்பதற்கு மகிழ்ச்சி தருவதாகவும் தெரிவிக்கிறார்.

அமெரிக்க ஓப்பன் போட்டியில் ராடுகானுவுக்கு எதிராக வேறொரு நட்சத்திர வீரர் விளையாட இருக்கிறார். கனடாவைச் சேர்ந்த லெய்லா ஃபெர்னாண்டஸ். இவரது தந்தை ஈக்வடாரைச் சேர்ந்த முன்னாள் கால்பந்து வீரர்.

Leylah Fernandez celebrates reaching the US Open final on 9 Sept

பட மூலாதாரம்,REUTERS

 
படக்குறிப்பு,

லெய்லா ஃபெர்னாண்டஸ்

லெய்லாவின் வயது 19

இந்த ஒற்றுமைகள் இருந்தாலும் இதுபோன்ற ஒப்பீடுகளிலிருந்து ரடுகானு விலகியே இருக்கிறார், விளையாட்டின் அந்ததந்த நொடிகளில் கவனம் செலுத்துகிறார்.

"உங்களையும் உங்கள் சொந்த முடிவுகளையும் நீங்கள் வேறொருவருடன் ஒப்பிட்டால் மகிழ்ச்சி போய்விடும்" என்று அரையிறுதிப் போட்டிக்குப் பின்பு ரடுகானு தெரிவித்தார்.

"எல்லாரும் அவரவர் வேலையைச் செய்கிறார்கள். 18 மாதங்கள் நான் போட்டியில் கலந்துகொள்ளவேயில்லை. ஆனால் இங்கு இப்போது வந்து சேர்ந்திருக்கிறேன். தன்னம்பிக்கை இருந்தால் எதையும் அடையலாம் என்பதற்கு இதுவே சாட்சி" என்கிறார்.

https://www.bbc.com/tamil/sport-58518924

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • ஆழ்ந்த  அனுதாபங்கள். சிறந்த இசைக்கலைஞனை இழந்து விட்டோம்.   
    • ஞானசார தேரருக்கு, எதிராக... நடவடிக்கை எடுக்குமாறு கோரி முறைப்பாடு பொதுபல சேனா அமைப்பின் செயலாளர் கலகட அத்தே ஞானசார தேரருக்கு எதிராக நடவடிக்கை எடுக்குமாறு கோரி முறைப்பாடு பதிவு செய்யப்பட்டுள்ளது. இந்த விடயம் தொடர்பாக முஸ்லிம் நாடாளுமன்ற உறுப்பினர்கள் பொலிஸ் தலைமையகம் மற்றும் குற்றப்புலனாய்வு பிரிவில் முறைப்பாடு பதிவு செய்துள்ளனர். அதன்படி, நாடாளுமன்ற உறுப்பினர்களான சட்டத்தரணி எச்.எம்.எம். ஹரீஸ், பைசல் காசிம், அல்ஹாபிழ், சட். நஸீர் அஹமட், எம்.எஸ். தௌபீக், அலிசப்ரி ரஹீம் மற்றும் சட்டத்தரணி முஸாரப் முதுநபின், இசாக் ரஹ்மான் ஆகியோரே இந்த முறைப்பாட்டை பதிவு செய்துள்ளனர். அண்மையில் சிங்கள ஊடகத்திற்கு கருத்து தெரிவித்த ஞானசார தேரர், கடந்த ஈஸ்டர் குண்டு தாக்குதல் நடத்திய குழு மற்றும் அவர்களை அந்த நடவடிக்கையில் ஈடுபட தூண்டிய விடயம் சில குர்ஆனின் போதனைகளாக இருப்பதுடன் அவர்கள் வணங்கும் இறைவனான அல்லாஹ்தான் இதற்கு முழுக்காரணம் என்று தெரிவித்திருந்தமை குறிப்பிடத்தக்கது. https://athavannews.com/2021/1241265
    • அமெரிக்க நிறுவனதுடனான ஒப்பந்தம்: அரசாங்கத்தின் பங்காளி கட்சிகள் இடையே கடுமையான மோதல் கெரவலப்பிட்டிய மின் உற்பத்தி நிலையத்தின் பங்குகளை அமெரிக்க நிறுவனமொன்றிற்கு வழங்குவதற்கான ஒப்பந்தம் குறித்து அரசாங்கத்தின் பங்காளி கட்சிகளுக்கிடையில் மோதல் எழுந்துள்ளது. அமைச்சர்களான விமல், கம்மன்பில, வாசுதேவ உள்ளிட்டவர்கள் இதற்கு ஏற்கனவே எதிர்ப்பு தெரிவித்துள்ள நிலையில் ஸ்ரீலங்கா சுதந்திரக் கட்சியும் இதனை கடுமையாக எதிர்த்துள்ளது. அரசாங்கத்தின் முக்கிய பங்காளிகளான ஸ்ரீலங்கா சுதந்திர கட்சி, ஜாதிக நிதஹஸ் பெரமுன, பிவித்துரு ஹெல உறுமய, ஜனநாயக இடது முன்னணி, லங்கா சம சமாஜ கட்சி, இலங்கை கம்யூனிஸ்ட் கட்சி, ஸ்ரீலங்கா மகாஜன கட்சி ஆகியன ஒப்பந்தத்திற்கு எதிர்ப்பு தெரிவித்துள்ளன. இந்நிலையில் இந்த விவகாரம் குறித்து உடனடியாக விவாதிக்கக் கோரி, அரசாங்க கூட்டணியில் உள்ள 10 கட்சிகளின் தலைவர்களும் ஜனாதிபதி கோட்டாபய ராஜபக்ஷவுக்கு மூன்று பக்கம் கொண்ட கடிதத்தை அனுப்பியுள்ளதாகத் தெரிவிக்கப்படுகிறது. கடிதத்தில் இந்த ஒப்பந்தத்தின் மூலம் எரிவாயு விநியோக ஏகபோகம் ஒரு நிறுவனத்திற்கு மாற்றுவது குறித்த கவலைகள் சுட்டிக்காட்டப்பட்டுள்ளதோடு ஒப்பந்தத்தை மறுபரிசீலனை செய்யுமாறும் கோரப்பட்டுள்ளதாக அரசியல் வட்டார தகவல்கள் தெரிவிக்கின்றன. இந்த தரப்பினர் கடந்த வியாழக்கிழமை பிரதமர் மஹிந்த ராஜபக்ஷ மற்றும் நிதியமைச்சர் பசில் ராஜபக்ஷவுடன் அலரிமாளிகளில் மேற்கொண்ட கலந்துரையாடல் தோல்வியில் முடிந்திருந்தமையும் குறிப்பிடத்தக்கது. https://athavannews.com/2021/1241291
    • காணாமல் போனவர்கள்... படுகொலை செய்யப்பட்டுள்ளனர் என்பதை ஜனாதிபதி ஏற்றுள்ளார்- செல்வம் காணாமல் போனவர்களுக்கு இறப்பு பத்திரம் வழங்க முடியுமென தெரிவித்ததன் ஊடாக, அவர்கள் படுகொலை செய்யப்பட்டுள்ளனர் என்பதை ஜனாதிபதி ஏற்றுள்ளார் என நாடாளுமன்ற உறுப்பினர் செல்வம் அடைக்கலநாதன் தெரிவித்துள்ளார். வவுனியாவில் நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார். குறித்த ஊடகவியலாளர் சந்திப்பில் செல்வம் அடைக்கலநாதன் மேலும் கூறியுள்ளதாவது, “சில நாடாளுமன்ற உறுப்பினர்கள் எங்களை பற்றி பல்வேறு கருத்துக்களை சொல்லியிருக்கின்றார்கள். அதற்கான விளக்கத்தினை எங்களால் சொல்ல முடியும். எமது இயக்கத்துக்கும் வரலாறு இருக்கின்றது. அந்த வரலாற்றையும் காரணங்களையும் சொல்லமுடியும். தமிழ் மக்களின் விடுதலைக்காக துப்பாக்கி எந்தி போராடியவர்கள் நாம். இப்போதும் மக்களின் விடுதலைக்காக போராடவேண்டும் என்ற சிந்தனையே எமக்குள்ளது. தனிப்பட்ட முறையில் மாறி மாறி கருத்துக்களை சொல்வதால் மக்கள் வெறுப்படைகின்றனர். நாம் ஒற்றுமையாக செயற்படவேண்டும் என்ற விடயத்தினை கடந்த தேர்தல் மூலம் மக்கள் எமக்கு உணர்த்தியுள்ளனர். எனவே எமது தலைவர்கள் விட்டுச்சென்ற பணியினை தொடர்ந்து முன்னெடுப்போம். இதேவேளை ஜிஎஸ்பி பிளஷ் வரிச்சலுகையினை பெற்றுகொள்ளவதற்கான யுக்தியாகவே  ஜனாதிபதியின் ஐ.நா உரையை பார்கின்றேன். இலங்கையில் வாழும் அனைத்து இனமும் சமம் என்று அவர் தெரிவித்தார். ஆனால் ஜனாதிபதியாக பொறுப்பேற்றதில் இருந்து அடிக்கடி ஒரு விடயத்தை அவர் குறிப்பிட்டு வருகின்றார். தான் சிங்கள மக்களின் வாக்குகளாலேயே வெற்றிபெற்றேன் என்றார். மேலும், தமிழர் பிரதேசங்களில் முன்னெடுக்கப்படும் அடக்குமுறைகள் இராணுவ பிரசன்னம், உயிரிழந்தவர்களை நினைவுகூரக் கூட முடியாத இக்கட்டான நிலையில் தமிழினம் இருக்கின்றது. எனவே, இனங்கள் அனைத்தும் சமன் என்று தெரிவிப்பதை ஏற்கமுடியாது. அது உண்மைக்கு புறம்பானது. காணாமல் போனவர்களுக்கு இறப்பு பத்திரம் வழங்க முடியும் என தெரிவித்ததன் ஊடாக அவர் முன்னாள் பாதுகாப்பு செயலாளர் என்ற வகையில் ஒப்புதல் வாக்குமூலம் ஒன்றை வழங்கியுள்ளார். காணாமல் போனவர்கள் படுகொலை செய்யப்பட்டுள்ளனர் என்பதை அவர் ஏற்றுள்ளார்” என அவர் குறிப்பிட்டுள்ளார். https://athavannews.com/2021/1241280
    • இரண்டு தடுப்பூசிகளையும்... வழங்கிய நாடுகளின், பட்டியலில் 5 ஆவது இடத்தில் இலங்கை இரண்டு தடுப்பூசிகளையும் வழங்கிய நாடுகளின் பட்டியலில் 5 ஆவது இடத்தில் இலங்கை இருப்பதாக சுகாதார அமைச்சர் கெஹலிய ரம்புக்வெல்ல தெரிவித்துள்ளார். கொத்மலையில் இடம்பெற்ற நிகழ்வில் கலந்துகொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார். குறித்த நிகழ்வில் கெஹலிய ரம்புக்வெல்ல மேலும் கூறியுள்ளதாவது, “உலகில் மொத்த சனத்தொகையில் 50 வீதமானோருக்கு இரண்டு தடுப்பூசிகளையும் வழங்கிய நாடுகளின் பட்டியலில் இலங்கை 5ஆவது இடத்துக்கு வந்துள்ளது. நிதி நெருக்கடி இருந்தாலும் கூட சுகாதார அமைச்சினால், அமைச்சரவையில் முன்வைக்கப்படும் பத்திரங்கள் நிராகரிக்கப்படுவதில்லை. மக்களுக்கு முக்கியத்துவம் வழங்கப்படுவதால்தான் இவ்வாறு நடைபெறுகின்றது. நாட்டை மூடுமாறு சிலர் கோஷம் எழுப்பினர். அவர்களுக்கு மாதம் அரசாங்க சம்பளம் வழங்கப்படுகின்றது. ஆனால் நாட்கூலி பெறுபவர்களின் நிலைமை? அத்துடன், நாடு தற்போது வழமைக்கு திரும்பிக்கொண்டிருக்கின்றது. தொற்றாளர்களின் எண்ணிக்கையும் குறைவடைகின்றது” என அவர் குறிப்பிட்டுள்ளார். https://athavannews.com/2021/1241309
×
×
  • Create New...

Important Information

By using this site, you agree to our Terms of Use.