Jump to content

ஈழத்தமிழர்களின் வலிகளை சொல்லும் ‘ஆறாம் நிலம்’


Recommended Posts

  • கருத்துக்கள உறவுகள்

ஈழத்தமிழர்களின் வலிகளை சொல்லும் ‘ஆறாம் நிலம்’

spacer.png

இலங்கை தமிழர்கள் வாழ்க்கை, தமிழீழப் போராட்டம் இவற்றை பற்றிய திரைப்படங்கள், குறும்படங்கள் வெளி வந்திருக்கின்றன. உண்மை நிலையை உலக மக்களுக்கு கொண்டு செல்லும் நேர்மையான படைப்புகளாக இல்லை என்பதே இலங்கை தமிழர்கள் கூறிவரும் குற்றசாட்டு அதனை போக்கும் வகையில்" ஆறாம் நிலம்" எனும் பெயரில் திரைப்படம் ஒன்று தயாரிக்கப்பட்டுள்ளது.

நேரடியாக ஓடிடியில் செப்டம்பர் 24ல் வெளியாகியுள்ள இப்படத்தின் பிரத்யேக காட்சி சென்னையில் பத்திரிகையாளர்களுக்கு திரையிடப்பட்டது

தமிழீழம் அமைய இலங்கையில் முப்பதாண்டுகளுக்கும் மேலாக நடந்து வந்த ஆயுதப்போர் 2009 ஆம் ஆண்டு மே மாதத்தில் முடிவுக்கு வந்தது. அந்த இறுதிப்போரின் போது லட்சக்கணக்கானோர் கொல்லப்பட்டனர். பல்லாயிரக்கணக்கானோர் சிங்கள ராணுவத்தினரிடம் சரணடைந்தனர்.

அப்படிச் சரணடைந்தவர்களின் நிலை என்ன?. பனிரெண்டு ஆண்டுகள் ஆகியும் இன்னும் அவர்கள் நிலை என்ன? என்பதை இலங்கை அரசாங்கம் சொல்ல மறுக்கிறது.

சரணடைந்தவர்களைக் காணாமல் போனோர் என்றழைக்கின்றனர். அப்படிக் காணாமல் போனோரின் உறவுகள் ஆண்டுக்கணக்கில் போராடிக் கொண்டே இருக்கிறார்கள்.

சிங்கள அரசாங்கம் அவர்களைக் கண்டுகொள்ளவேயில்லை. சர்வதேச சமூகமும் காண மறுக்கிறது. ஏனெனில், காணாமல் போனோரின் உறவுகள் அனுபவிக்கும் சொல்லொணாத் துன்பங்கள் யாரும் அறியாததுதான்.

அவர்களின் துயரங்களைச் சிங்கள அரசுக்கும் சர்வதேசச் சமூகத்துக்கும் புரிய வைக்கும் முயற்சிதான் ஆறாம் நிலம் திரைப்படம் என்கிறார் இயக்குநர் ஆனந்த ரமணன்.

கணவன் இல்லாமல் மனைவியரும் அப்பா இல்லாமல், குழந்தைகளும் தவிக்கும் தவிப்புகள் உலகத்துக்குச் சின்ன விசயம் சம்பந்தப்பட்டவர்களுக்கு உலகளவு கொடுமை என்பதை முகத்திலறைந்தாற் போல் சொல்லியிருக்கிறார் இயக்குநர் ஆனந்தரமணன்.

போருக்குப் பின் அன்றாட வாழ்க்கைக்காக அவர்கள் அனுபவிக்கும் கஷ்டங்கள், அரசாங்க நிர்வாகிகள், உளவுத் துறையினர், ராணுவத்தினர் ஆகியோரால் பெண்கள் படும் அவஸ்தைகள் கண்களைக் கசியவைக்கும் வகையில் காட்சிப்படுத்தப்பட்டிருக்கின்றன.

முதன்மைப்பாத்திரத்தில் நடித்திருக்கும் நவயுகாவும் அவருடைய பெண் குழந்தையாக நடித்திருக்கும் தமிழரசியும் மிகமிகப் பொருத்தமாக நடித்து காண்போரைக் கலங்க வைத்துவிடுகிறார்கள்.

அதுவும் அந்தக் குழந்தை, அப்பாவோடு துள்ளுந்தில் பயணிக்கும் குழந்தையுடன் கூடிய விளம்பரப்பலகைகளைப் பார்த்து ஏங்குவதும், அவ்விளம்பரங்களில் காலத்துக்கேற்ப துள்ளுந்துகள் நவீனமாகிக் கொண்டே இருப்பதும் திரைமொழிக்கு அழகு.

படத்தில், கண்ணிவெடி அகற்றும் வேலைக்கு அவர்கள் போகிறார்கள். எப்போது அவை வெடிக்குமோ? என்ற பதற்றத்துடன் நாம் பார்க்கவேண்டியிருக்கிறது.

திரைப்பட ரசிகர்களுக்கு படம் மிக மெதுவாகப் போவது போல் தோன்றும். பார்த்துக் கொண்டிருப்பதையே தாங்க முடியவில்லை அடுத்து பெரிதாக ஏதாவது நடந்துவிடுமோ? என்கிற பயம்தான் அப்படி உணரவைக்கும்.

ஈழதமிழ்ச் சமூகத்தின் மிகப்பெரும் வலியின் சிறுதுளிதான் இந்தப்படம். சர்வதேசச் சமூகம் கண்கள் திறந்தாக வேண்டிய தருணம்.

பூ மீது யானை... பூ வலியைத் தாங்குமா? என்கிற பாடல்வரிக்கேற்ப அமைந்திருக்கும் இப்படத்தை எழுதி இயக்கிய ஆனந்த ரமணனுக்கும் அதைப் பொதுவெளியில் வெளியிடும் ஐபிசி தமிழ் இணையதளமும் இலங்கை தமிழர்கள் வரலாற்றில் தவிர்க்க முடியாதவர்களே.
https://minnambalam.com/entertainment/2021/09/25/21/aram-nilam-movie-review

 

 

 

Link to comment
Share on other sites

  • கருத்துக்கள உறவுகள்

 

20 மணித்தியாலங்களுக்குள் 20, 000 பார்வை எண்ணிக்கையை நெருங்குகிறது...
"ஆறாம் நிலம்"
காணாமல் ஆக்கப்பட்டவர்களுக்கு "இறப்புச் சான்றிதழ்" வழங்க இலங்கை அரசு உத்தேசித்துள்ள இவ் வேளையில்....
"ஆறாம் நிலம்" வெளி வந்திருப்பது சாலப் பொருத்தமானது.
இயக்குனர் Anantha Ramanan, படக்குழுவினர் மற்றும் தயாரிப்பாளர்களின் சம்யோசித புத்திக்கு எனது வாழ்த்துகள்.
இதுவும் ஒரு போராட்ட உத்தியே!
ஒப்பீட்டளவில் பெரும் செல்வில் தயாரிக்கப்பட்ட இந்த "ஈழம் சினிமா" ஐ எவ்வித இலாப நோக்கும் அன்றி மக்களை சென்றடைய வேண்டும் என்ற ஒரே நோக்கில் YouTube சனலில் வெளியிட்டமைக்கு IBC தமிழுக்கு தலை வணங்குகிறேன் ❤
 
 
 
 
Link to comment
Share on other sites

  • கருத்துக்கள உறவுகள்

அழைப்பு - மின்னிதழ் வடிவம்.

மூலம்; Ahalnews.com

 


Dear All,

I apologise for not sending you this invitation individually. I have been quite busy the last few days.
Many thanks for taking part in the conference held last March 20 entitled “Loss of the Tamil Homeland: Identifying Issues and Creating Strategies to Preserve Tamil Land”.
I am very pleased to invite all of you to the virtual screening of the forthcoming documentary ThaaiNilam: Land Grabbing - The Real Pandemic for the Tamils in Sri Lanka.
ThaaiNilam contains new information, never-before-seen footage, and interviews; all recorded directly from Sri Lanka’s occupation of the Tamil homeland.  The screening will be followed by an online panel discussion entitled “Sri Lanka’s Ethnocratic Land Grabs: Methods, Consequences, and Tamil Land Defence.” 
The premiere of this important film will be held via Zoom and Youtube, on September 25, 2021, at 5:30 PM IST (Jaffna and Trincomalee) / 1:00 PM GMT (London) / 8:00 AM EST (Toronto and New Jersey), and will last for four hours. Details are as follows:

Zoom Link:
https://bit.ly/LandGrab2021
 Webinar ID: 841 5154 5684
Passcode: TH2021


Against this backdrop, we  have organised a screening of the documentary on land grabbing and a panel discussion with renowned international academics and human rights defenders—to create awareness among the Tamil people around the world and the international community about this heinous violation of our land rights by the Sri Lankan government against us. This event forms the launch of the Our Nilam campaign to preserve the Tamil homeland from Sri Lanka’s land grabs.
The documentary ThaaiNilam: Land Grabbing - The Real Pandemic for the Tamils in Sri Lanka speaks through various sources about the land grabbing that the Sri Lankan government has been carrying out for the past 70 years in the North-East, the native homeland of the Tamil-speaking people of Sri Lanka, and its methods, trends and consequences. 

I am pleased to announce that veteran politician Hon. R. Sampanthan, former Opposition Leader, Parliamentarian and Leader of the Tamil National Alliance (TNA), who is worthy of my respect and honour, will join me in launching this event.

THAAINILAM


THAAINILAM

The list of event participants includes the following.
·       Keynote address: Prof. Oren Yiftachel, Lynn and Lloyd Hurst Family Chair of Urban Studies, Geography Dept. Ben-Gurion University of the Negev, Be'er Sheva, Israel
·       Panelist: Dr. Medha Patkar, Indian social activist and founder of Narmada Bachao Andolan and the National Alliance of People’s Movements.
·       Panelist: Ms Anuradha Mittal, Executive Director,  The Oakland Institute, California, USA
·       Panelist: Professor Ramu Manivannan, Department of Politics & Public Administration School of Politics & International Studies, University of Madras, Chennai, India
·       The panel discussion will be followed by a musical performance by Canadian Tamil artist, Shan Vincent de Paul.
I thank you for your participation in this important film premiere and campaign launch.
Justice C.V.Wigneswaran
Member of Parliament, Jaffna District, Sri Lanka

Link to comment
Share on other sites

இப்படத்தின் தயாரிப்பு குழுவினருக்கும் நடிகர்களுக்கும்  நன்றிகள். போருக்கு பின்னரான  ஈழத்தமிழ் மக்களின்  வலிகளை சொல்லும் சிறந்த திரைப்படம். 

Link to comment
Share on other sites

  • கருத்துக்கள உறவுகள்

நான் நேற்று இந்த படத்தைப்பார்த்தேன்.. என்னைப்பொறுத்தவரையில் இந்த மாதிரியான படங்கள் அதிகம் வெளிவரவேண்டும்.. போருக்கு பின் எத்தனை வகையான துன்பங்களிற்குள்ளாக மக்கள் அதிலும் காணாமல் போனவர்களின் வலியை மட்டுமல்ல புனர்வாழ்வு(?) அளித்துவிடுவிக்கப்பட்ட போராளிகளின் வாழ்க்கையையும் உணர்வுகளையும் தொட்டு செல்கிறது.. 

அதிக ஆர்ப்பாட்டமில்லாமல் அமைதியாக அதே நேரம் சொல்லவந்த விடயத்தை கூறிச்சொல்கிறது. கதாபாத்திரங்கள் மிகவும் இயல்பாகவே வந்துபோகிறார்கள்..படப்பிடிப்பு இடம்பெற்ற இடங்களை பார்க்கும் பொழுதும், பிண்ணனி இசையும் எல்லாமே வேதனையை தந்தாலும் இவை போன்ற படங்கள் வரவேண்டும்.  

அதுமட்டுமல்ல எனக்கு கவிதா என்ற கதாபாத்திரம் மறைமுகமாக சமூகத்திற்கு ஒரு விழிப்புணர்வையும் கூறுகிறது. இந்த வேலையில் இருப்பவர்கள் எத்தகைய பொறுப்புணர்வுடன் இருக்கவேண்டும் என்பதை கூறுகிறது

(படத்தைப்பார்த்தால் இது விளங்கும்). 

இந்த படத்தை தயாரித்தவர்கள், நடிகர்கள் மற்றும் மற்றைய கலைஞர்களுக்கு நன்றிகள்.. 

 

Link to comment
Share on other sites

இத்த ஆறாம் நிலம் திரைப்படம் ஆங்கிலம், சிங்களம் ஆகிய மொழிகளில் மொழிமாற்றம் செய்யப்பட்டு வெளியிடப்படல் வேண்டும். பாதிக்கப்பட்ட மக்களின் வேதனைகளை கூறும் இந்த திரைப்படம் நம்மவர்களாலேயே கண்டு கொள்ளப்படாத நிலையே உள்ளது போல் தெரிகிறது. இங்கு யாழ் களத்தில் கூட இந்த படத்தை பார்தது அது தொடர்பான கருத்துக்கள் பெரியளவில் இல்லை. பிரபா, விசுகு ஆகிய இரு உறவுகள் மட்டுமே படத்தை பற்றிய தமது கருத்துக்களை தெரிவித்துள்ளனர். 

Link to comment
Share on other sites

  • கருத்துக்கள உறவுகள்
1 hour ago, tulpen said:

இத்த ஆறாம் நிலம் திரைப்படம் ஆங்கிலம், சிங்களம் ஆகிய மொழிகளில் மொழிமாற்றம் செய்யப்பட்டு வெளியிடப்படல் வேண்டும். பாதிக்கப்பட்ட மக்களின் வேதனைகளை கூறும் இந்த திரைப்படம் நம்மவர்களாலேயே கண்டு கொள்ளப்படாத நிலையே உள்ளது போல் தெரிகிறது. இங்கு யாழ் களத்தில் கூட இந்த படத்தை பார்தது அது தொடர்பான கருத்துக்கள் பெரியளவில் இல்லை. பிரபா, விசுகு ஆகிய இரு உறவுகள் மட்டுமே படத்தை பற்றிய தமது கருத்துக்களை தெரிவித்துள்ளனர். 

உண்மைதான் துல்பன் அண்ணா.. எனக்கும் அது கவலையாகவே உள்ளது..

Link to comment
Share on other sites

  • கருத்துக்கள உறவுகள்
On 25/9/2021 at 20:28, கிருபன் said:

ஈழதமிழ்ச் சமூகத்தின் மிகப்பெரும் வலியின் சிறுதுளிதான் இந்தப்படம். சர்வதேசச் சமூகம் கண்கள் திறந்தாக வேண்டிய தருணம்

சர்வதேச சமூகம் கண்களை திறக்கவேண்டும் என்றால் இந்த மாதிரியான படங்கள் தனியே தமிழில் மட்டும் வந்தால் போதாது… 

ஆனால் இந்த மாதிரியான படங்களை எங்களது சமூகத்திடம் கொண்டு போய் சேர்ப்பதே கஷ்டமாக உள்ளது.. 

எனது தமிழ் பேசும் நட்பு வட்டத்தில், இரண்டுவிதமான போக்கு உள்ளது

1- ஈழத்தமிழர் சம்பந்தமான படங்களைப்பார்த்தால் வேதனை ஆகையால் பார்ப்பதில்லை

2- பார்த்து என்ன செய்வது?

 

Link to comment
Share on other sites

“ஆறாம் நிலம்” திரைப்படத்தில் பிரதான பாத்திரமேற்று நடித்த ஈழத்து திரைப்பட நடிகை நவயுகாவுடனான நேர்காணல். பல்துறை ஆற்றலுள்ள நடிகையான நவயுகா  “பொட்டு” என்ற குறும்படத்தை இயக்கிய இயக்குனராவார். “பொட்டு” குறும்படம் எமது சமூகத்திற்கு மிக காத்திரமான  செய்தியை கூறிய குறும்படம்.  

மும்மொழியிலும் சரளமாக பேசக்கூடிய ஆற்றல் கொண்ட ஈழத்தின் சிறந்த கலைஞரான இவர்  சிங்கள திரைப்படங்களிலும் நடித்துள்ளார். 

 

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.