Jump to content

செய்மதி எதிர் செயற்கைக்கோள்


Recommended Posts

  • கருத்துக்கள உறவுகள்+

விண்வெளியில் உள்ள ஒரு நிலவினையோ அ ஒரு கோளினையோ சுற்றி தகவல் சேகரிப்பதற்காக மனிதனால் ஏவப்பட்ட இயந்திரமே இந்த செய்மதி அ செயற்கைக்கோள் ஆகும். ஆனால் இதைக் குறிப்பதற்கான சொல்லாக நமது தமிழ் மொழியில் நில அடிப்படியிலான இரு பெரும் எழுத்து வழக்குகளில் இரு வேறு சொற்கள் கையாளப்படுகின்றன. அவற்றுள் எது பொருள் அடிப்படியில் சரியானது என தற்போது பார்ப்போம்.

(எனக்குப் பட்டதை நான் எழுதிவைக்கிறேன்.)

 

  • செய்மதி = செயற்கை நிலவு → ஈழம்
  • செயற்கைக்கோள் = செயற்கை கோள்மீன் → இந்தியா

 

—————————————————

முதலில் ஈழத் தமிழின் செய்மதி விளக்கத்தினை பார்ப்போம்.

விண்ணில் உள்ள செயற்கைக்கோளானது மனிதர்களால் செய்து அனுப்பப்பட்ட ஒரு செயற்கையான புவியை மையமாகக் கொண்டு சுழலும் ஒரு பொருள்(விளக்கத்திற்காக புவியை எடுத்தேன்). இவ்வாறு ஒரு பெரிய பொருளை அதன் ஆயுட்காலம் வரை நிலையாக சுற்றுவதை 'நிலவு' எனச் சுட்டுகிறோம்; கோள் எனமாட்டோம். ஆகவே புவி போன்ற பெரும் பொருளை சுற்று வதற்காக தரையில் இருந்து செயற்கையாக செய்யப்பட்டு அனுப்பப்பட்ட ஒன்றினை ஈழத் தமிழில் 'செய்மதி' (செய்யப்பட்ட நிலவு) என அழைக்கலாயினர், விதப்பானதாக பெயர் சூட்டி. முற்றிலும் சரியான மொழிபெயர்ப்பு.

—————————————————————

அடுத்து இந்தியத் தமிழின் செயற்கைக்கோள் பற்றிப் பார்ப்போம்.

செயற்கையாக செய்யப்பட்ட கோள் என்று பொருள்படும் வகையில் இச்சொல் உருவாக்கப்பட்டுள்ளது. நான் மேற்கூறியபடி பார்த்தால் இச்சொல் முற்றிலும் பொருள் பிழையான ஒரு சொல்லே. இது ஒன்றும் கோளில்லையே! இது ஒருவகையான செயற்கை நிலவு. ஒரு கோளைச் சுற்றும் ஒன்றினை இன்னொரு கோளென அழைக்க இயலாது, தொழில்நுட்பசார்படி பார்த்தால் முற்றிலும் பிழையான மொழிபெயர்ப்பு, இது.

ஒரு வேளை எதிர்காலத்தில், இன்னும் ஒரு 300 ஆண்டுகள் கழித்து, தமிழ் வழக்கில் இருந்து, அப்போது செயற்கையாக விண்ணில் கோள் உருவாகும் அளவிற்கும் மனிதன் வளர்ந்து கோள் உருவாக்கினால் எல்லோரும் அதை செயற்கைக்க்கோள் எனும்போது இந்தியத் தமிழர்கள் எப்படி அழைப்பர்? வழக்கமான போக்கில் இச்சொல்லையே அதற்கும் வழங்கி செய்மதிக்கும் செயற்கைக்கோளுக்கும் இடையில் பொருளினை குழப்புவர் (ஈழம் என்ன செய்யும் என்று கேட்டு விடாதீர்கள், அங்கு 50 ஆண்டு கழித்து தமிழன் இருப்பானா என்பதே ஐயம்).

எப்படி எவர் தலைகீழாக நின்றாலும் செயற்கைக் கோளுக்கு இது தவிர்த்து சரிப்படும் விதமான விளக்கம் கொடுக்க இயலாது அண்ணா. ஆனால் ஒரு சிலர் இவ்வாறு குட்டிக்கரணம் போடக்கூடும். அதாவது,

செயற்கையாக செய்யப்பட்ட கோள் என இதை உருவகப்படுத்தியுள்ளோம்!

என்று.. அப்படிப் பார்த்தால் எதற்கு ஒரு சொல்லுக்கு விளக்கம்? எல்லாச் சொல்லையும் உருவகப் படுத்திவிட்டு போய்விடலாம், தமிழ் அறிவியலில்!

———————————————

மேற்கண்ட இருசொற்களில் நீங்கள் எதையும் பயன்படுத்தலாம் !

அது உங்கள் இட்டிகை(இஸ்டம்)

 

ஆக்கம் & வெளியீடு

நன்னிச் சோழன்

Edited by நன்னிச் சோழன்
Link to comment
Share on other sites

×
×
  • Create New...

Important Information

By using this site, you agree to our Terms of Use.