Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

மலை என்ற சொல்லுக்கு சரியான ஒத்தசொற்கள்


Recommended Posts

  • கருத்துக்கள உறவுகள்+

main-qimg-5b04e6027e6548a1e4a78be801b33502

 

'மல்’ என்றால் வலிமை எனப்பொருள். வலிமையான கருங்கற்களால் ஆன நிலப்பகுதி மலை எனப்பட்டது.

 

  • மலையையும் மலை சார்ந்த இடத்தையும் குறிக்குங் திணை-குறிஞ்சித் திணை
  1. மிக உயர்ந்த மலை - மிசை/ விண்டு - very high mountain
    1. விண்டு - விண்ணளாவிய மலை
  2. நாட்டின் குறுக்காக உள்ள மலை - விலங்கல் - blocking mountain
  3. ஒன்றின் மேல் ஒன்றாக அடுக்கடுக்காகப் பாறைகள் அமைந்திருக்கும் மலை - அடுக்கல்- mountain as stratified.
  4. மூங்கிற்காடுகள் உள்ள மலை -வரை
  5. மிக நீண்ட மலைத்தொடர் - நெடுவரை (இங்கு வரை என்றால் பொதுமலை)
  6. காடுகள் அடர்ந்த மலை - இறும்பு - foothill
  7. மரங்கள் அற்ற, ஓரளவு சிறிய புதர்களைக் கொண்ட மலை - பிறங்கல்
  8. பனியால்(dew) மூடப்பட்டிருக்கும் மலை- பனிமலை
  9. சிந்துவால(snow) உறைந்து மூடப்பட்டிருக்கும் மலை - சிந்துமலை , இமமலை.
  10. நீரிடைப்பட்ட மலை - கூபிகை
  11. மணல் குன்று - தேரி
  12. நெருப்பைக் கக்கும் மலை- எரிமலை -volcano
  13. கதிரவன் உதிக்கும் திசையில் உள்ள மலை- உதயகிரி
  14. பெரும் பாறைகளாலான மலை - கன்மலை - rocky mountain
  15. காரீயம் நிறைந்த மலை - கடுமலை -graphite mountain
  16. zinc ஐக் கொண்ட மலை - மாசற்றமலை/ நாகமலை

என மலைகளை வகைப்படுத்திய அறிவியல் சிறப்பு, உலகில் இன்று கூட வேறு எங்கும் இல்லை என நாம் பெருமையாகக் கூறலாம்.


மலை என்ற சொல்லுக்கான ஒத்தசொற்கள் : →

  1. அகமம்
  2. அத்தி
  3. அரி
  4. இரவி
  5. இலும்பு
  6. இறும்பூது
  7. ஓதி
  8. கந்தரம்
  9. கல்லகம்
  10. கவடு
  11. காண்டம்
  12. கிரி
  13. குதரம்
  14. குத்திரம்
  15. குறிஞ்சி
  16. கோ
  17. கோட்டை
  18. கோத்திரை
  19. சக்கரம்
  20. சிகி
  21. சிலை
  22. சேலம்
  23. தடம்
  24. தணி
  25. தரணி
  26. தாரணி
  27. தரம்
  28. தராதரம்
  29. தானி
  30. துங்கம்
  31. துடரி
  32. திகிரி
  33. நகம்
  34. நவிரம்
  35. நாகம்
  36. பதலை
  37. பளகம்
  38. பாதவம்
  39. பீலி
  40. புறவிடன்
  41. பொகுட்டு
  42. பொங்கர்
  43. போதி
  44. மன்
  45. மாதிரம்
  46. மேகலை
  47. மேதரம்
  48. வல்லரண்
  49. வாரி
  50. விடம்
  51. விடரகம்
  52. விடரி
  53. வீரம்/வேரம்

 


  • மலை செறிந்தவூர் - கேடம், கேடகம்
    • மலையும் ஆறும் சூழ்ந்தவூர் - கருவடம்

 

 

மேலும் பார்க்க :

உசாத்துணை:

தொகுப்பு & வெளியீடு :

நன்னிச் சோழன்

Edited by நன்னிச் சோழன்
  • Like 4
Link to comment
Share on other sites

மலை என்னும் சொல்லுக்கு எதற்காக இத்தனை ஒத்த சொற்கள்??????

Link to comment
Share on other sites

  • கருத்துக்கள உறவுகள்
4 hours ago, மெசொபொத்தேமியா சுமேரியர் said:

மலை என்னும் சொல்லுக்கு எதற்காக இத்தனை ஒத்த சொற்கள்??????

சரிஞ்சாலும் முட்டு குடுக்கத்தான். 😁

Link to comment
Share on other sites

  • கருத்துக்கள உறவுகள்+
4 hours ago, மெசொபொத்தேமியா சுமேரியர் said:

மலை என்னும் சொல்லுக்கு எதற்காக இத்தனை ஒத்த சொற்கள்??????

அகராதிகள் இருக்கிறது...
மேலும் இவற்றிற்கென்று விதப்பான பொருள்களும் இருந்திருக்கும்(மலையின் குறிப்பிட்டப்பகுதியினையோ அல்லது மலையின் ஒரு வகையினையோ!). ஆனால் அவை வழக்கொழிந்து இன்று இவை மட்டுமே எஞ்சியிருக்கின்றன.

Link to comment
Share on other sites

  • கருத்துக்கள உறவுகள்

மலை என்பதற்கு "அசலை"  அல்லது "அசலம்" என்றும் பெயர் உண்டு என அறிந்திருக்கிறேன் உண்மையா?  

  • Like 1
Link to comment
Share on other sites

12 hours ago, vanangaamudi said:

மலை என்பதற்கு "அசலை"  அல்லது "அசலம்" என்றும் பெயர் உண்டு என அறிந்திருக்கிறேன் உண்மையா?  

என்றுதான் கூகிள் சேர்ச் இல் சொல்லுது. 😀

Link to comment
Share on other sites

  • கருத்துக்கள உறவுகள்+
13 hours ago, vanangaamudi said:

மலை என்பதற்கு "அசலை"  அல்லது "அசலம்" என்றும் பெயர் உண்டு என அறிந்திருக்கிறேன் உண்மையா?  

ஓம். ஆனால் அந்த அ என்ற முன்னொட்டு தமிழில் இருந்து சமற்கிருதம் சென்றது என நல்லூர் ஞானப்பிரகாச அடிகளார் நிறுவியுள்ளார். 

அல் --> அ

Link to comment
Share on other sites

  • கருத்துக்கள உறவுகள்

ஊரில் சிறு வயதில் தமிழ் ஆசிரியர் பாட நேரத்தில் சொன்ன ஒரு விடயம் நினைவுக்கு வந்தது அதனால் கேட்டேன்.
இந்திய தமிழ் அறிஞர் வேதாசலம் என்று பேற்றோர் இட்ட தனது இயற்பெயரை மறைமலை (வேதம்=மறை, அசலம் = மலை)என மாற்றி வைத்துக்கொண்டார்.
பிற்காலத்தில் மறைமலை அடிகளார் என அறியப்பட்ட இவர் வடமொழியும் ஆங்கிலமும் நன்கு கற்றவர். தமிழை வேற்று மொழிக்கலப்பின்றி எழுதவும் கற்கவும் மக்களை ஊக்கிவித்தவர். இவரும் நல்லூர் ஞானபிரகாச அடிகளாரும் சமகாலத்தினரே.

  • Like 2
Link to comment
Share on other sites

  • கருத்துக்கள உறவுகள்

சலம் = நீர் ....அசைவது ........அசலம் = அசையாமல் அப்படியே இருப்பது........! 

அருணாசலம் = அருணம் என்றால் சிகப்பு.....அசலம் என்றால் மலை.......!

அருணாசலேஸ்வரர் கோவில், திருவண்ணாமலை - Arunachaleswarar Temple,  Thiruvannamalai

அருணாசலேஸ்வரர் கோவில். திருவண்ணாமலை.......!

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • இது இன்னுமொரு ஈஸ்ரர் தாக்குதலாக இருக்கலாம் மும்பைத் துறைமுகத்தில் ஒரு கடற்படை நீர்மூழ்கி தாக்கி மூழ்கடிக்கப்பட்டது அப்போது விபத்து எனப் பூசி மொழுகிவிட்டார்கள் இல்லையேல் பங்குச்சந்தையில் தடாலடி மாற்றங்கள் ஏற்பட்டிருக்கும். அதுபோல் இதையும் பூசி மெழுகிவிடுவார்கள். ஆனால் சுப்பிரமணியம் சுவாமி சீனாக்காரன் செய்தவேலை என அறிக்கை விட்டிருக்கிறார். துட்டகெமுனுவின் நிலை இந்தியாவுக்கு வந்துவிட்டது. ஆப்கானிஸ்தானில் சீனாவின் ஆதிக்கம் பாகிஸ்தான் சொல்லவே தேவை இல்லை காஸ்மீர் என்றும் புகையும் விடையம் இப்போ வங்காள விரிகுடாவின் இலங்கைத்தீவில் சீனாவின் ஆதிக்கம் அம்பாந்தோட்டயிலிருந்து அட்டை வளர்ப்புவரை அங்கெங்கிலாதபடி அவர்கள்பாடுதான். கெமுனுக்கு ஒருபக்கம் கடலாவது இருந்தது இவர்களுக்கு கடலுக்கு அப்பாலும் சீனாக்காரன் நிக்கிறான். சிலவேளை யாராவது அகதிமுகாமில் இருக்கும் இலங்கைத்தமிழன்மீது பாரத்தைப்போட்டு விடுதலைப்புலி எனக்கூறினாலும் கூறலாம். 
    • மாசிகருவாட்டுக் குழம்பும் சோறும் அருமையான காம்பினேஷன்.......!  👍
    • இது நடைபெறுவதைத் தடுப்பது எங்கணம்? ஒரே வழிதான். சிங்கள பெளத்த பேரினவாத அரசு தொடர்ந்தும் இயங்குவதை முடக்குவது. இன்றிருக்கும் அதன் அதிகார பலத்தினை உடைத்து, அது கம்பீரமாக நிற்கும் வெற்றிமமதையிலிருந்து கீழே வீழ்த்தி தமிழருடன் சமரசத்தில் ஈடுபடுவதன்மூலம், அவர்களின் கோரிக்கைக்கு உடன்படுவதே ஒரே வழியெனும் நிலையினை உருவாக்குவது.  நாட்டினை தொடர்ந்து கொண்டுநடாத்துவதற்குத் தேவையான வருவாய்களை பேரினவாதம் பெற்றுக்கொள்ளும் வழிகளைத் தடுப்பது. உல்லாசப் பயணத்துறை, கைத்தொழில்ப் பேட்டைகள் மூலம் கிடைக்கும் வருவாய்களை முற்றாக முடக்குவது. பொருளாதார ரீதியில் தோல்வியடைந்த நாடாக மாற்றுவது.  இதனைச் செய்ய தமிழர்கள் தமக்கு முன்னால் இருக்கும் அனைத்து வழிகளையும் பயன்படுத்துவது அவசியமானது. அந்த வழிகள் என்னவென்று கண்டுபிடிப்பது இப்போதைக்குத் தேவையானது.
    • அப்படியானால் தமிழர்களின் எதிர்காலம் என்ன? நிச்சயமாக நடக்கப்போவது இவைதான் 1. தமிழர்களின் தாயகம் இன்று வடக்கென்றும் கிழக்கென்றும் பிரிக்கட்டிருப்பதுபோல, இன்னும் சிறிதுகாலத்தில் கிழக்கிலும், வடக்கிலும் பகுதிகள் சிறிது சிறிதாக அரித்தெடுக்கப்பட்டு பெருத்துவரும் சிங்களப் பகுதிகளுடன் இணைக்கப்படும். 2. தமிழரின் அருகிவரும் தாயகத்தில் சிங்களத்தின் ராணுவமும், கடற்படையும், வான்படையும், காவல்த்துறையும், புலநாய்வு அமைப்புக்களும் தொடர்ச்சியாக நிலை நிறுத்தப்படுவதோடு, அவற்றின் பிரசன்னமும் விஸ்த்தரிக்கப்படும். 3. தமிழர் தாயகப் பகுதிகளில் சிங்களத்தின் அதிகாரிகளும், அவர்களின்குடும்பங்களும் பெருமளவில் குடியமர்த்தப்படும். 4. தமிழ் மற்றும் முஸ்லீம் சமூகங்கள் சிங்களத்திற்குள் ஊல்வாங்கப்படும் (உடனடியாக இல்லாவிட்டாலும்கூட இன்னுமோர் 50 - 60 வருடங்களில் இது சாத்தியமே).  5. அருகிவரும் தமிழரின் மொழி, கலசார விழுமியங்கள், ச்மய அடையாளங்கள் சிறிது சிறிதாக தொல்பொருள் காத்தல் எனும் பெயரிலும், "முன்னைய சிங்கள பெளத்த சின்னங்கள் " எனும் பெயரிலும் அபகரிக்கப்படும். அப்படி அபகரிக்க முடியாத தமிழரின் தொல்லியல் சின்னங்கள் திட்டமிட்டு அழிக்கப்படுதலோ அல்லது வேண்டுமென்றே பராமரிப்பின்றி விடப்படும், இன்று வன்னியின் பல பகுதிகளிலும் அழிந்துவரும் தமிழ் மன்னர்களால் கட்டப்பட்ட பல தொன்மைவாய்ந்த கட்டிடங்கள் இதற்கு உதாரணம். 6. தொடர்ச்சியான ராணுவ அடக்குமுறைக்கும், நில அபகரிப்பிற்கும் முகம் கொடுக்கும் தமிழினம் ஒன்றில் நாட்டைவிட்டு வெளியேறி சிங்கள் ஆக்கிரமிப்பினை இலகுவாக்கும், அல்லது தனது அடையாலம் துறந்து சிங்களுத்தினுள் உள்வாங்கப்படும்.  7. இன்னொரு நூற்றாண்டில் முழு நாடும் சிங்கள மயமாகும். 
    • அடுத்தது கஜேந்திரக்குமார் பொன்னம்பலம் மற்றும் கஜேந்திரன் கூட்டு. சம்பந்தன் - சுமந்திரன் கூட்டிற்கு எதிராக தமிழ்த் தேசிய அரசியலை முன்னெடுக்கக்கூடியவர்கள் என்று மக்களால் கருதப்பட்டவர்கள். ஆனால், தாந்தோன்றித்தனமான நடவடிக்கைகளாலும், சுயநல அரசியலைனாலும் கூடவிருந்தவர்களின் நம்பிக்கையினை இழந்து பலர் வெளியேறக் காரனமாகவிருந்தவர்கள். கூட்டமைப்பின் தலைமைக்கு மட்டுமல்லாமல், இதர கட்சித் தலைமைகளுக்கும் எதிரான பிடிவாதமான அரசியல் நிலைப்பாட்டினால் இன்றுவரை தமிழ்த் தேசியப் பரப்பில் பல கட்சிகள் ஒன்றுபடுவதை விரும்பாதவர்கள். கூட்டமைப்பிலிருந்து பிரிந்ஹ்டு வந்ததன் பின்னர் தமக்குள் மோதுண்டு, மணிவண்ணன் வெளியேறவும், அரசுக்குச் சார்பான துனைராணுவக் குழுவின் உறுப்பினர்களுடன் சேர்ந்து அரசியல் செய்யவும் காரனமானவர்கள். பாராளுமன்றத்தில் ஆக்ரோஷமாகக் கதைப்பதே அரசியல் எனும் நிலைப்பாட்டில் வாழ்பவர்கள்.  சித்தார்த்தன், அடைக்கலநாதன் மற்றும் சுரேஷ் பிரேமச்சந்திரன் கூட்டு. முன்னாள் அரச ராணுவத் துனைக்குழுக்களின் தளபதிகள் அல்லது தலைவர்கள். இந்திய ராணுவம் மற்றும் இலங்கை ராணுவத்துடன் நேரடியான தொடர்பை நெடுங்காலம் பேணிவந்தவர்கள். பல தமிழர்களின் படுகொலைகளுடன் நேரடியாகத் தொடர்புகொணடிருந்தவர்கள். தொடர்ச்சியாக இந்திய ஆதரவு நிலைப்பாட்டினை எடுத்துவரும் இவர்கள், சம்பந்தன் - சுமந்திரன் கூட்டிற்கு எதிரானவர்கள். தமது அரசியல் எதிர்காலமே இவர்களின் ஒரே இலக்கு. தொடர்ந்து அரச ராணுவ குழுக்களாக இயங்கமுடியாத பட்சத்தில் தமது இருப்பிற்காக அரசியலைத் த்ர்ரெந்தெடுத்தவர்கள்.  அடுத்தது விக்னேஸ்வரன். சம்பந்தன் - சுமந்திரன் கூட்டிற்கு பதிலாக தமிழ் மக்களால் தலைவராகப் பார்க்கக்கூடியவர் எனும் மாயையினை ஏற்படுத்தியவர். ஆரம்பத்தில் நம்பிக்கையினைத் தந்து பல மேடைகளில் தமிழரின் இழப்புக்கள் குறித்து வெளிப்படையாகப்பேசியவர். ஆனால், கூடவிருக்கும் இதர அரசியல்வாதிகளினதும், ஆதரவாளர்களினது பேச்சிற்கு அடிபணிந்து, இலக்கு மாறி இன்று பத்தோடு  பதினொன்றாக நிற்பவர்.   சிறிதரன். கிளிநொச்சி மக்களால் முன்னர் ஆதரிக்கப்பட்டவர். வர்த்தக நடவடிக்கைகள் மற்றும் தமிழரசுக் கட்சியூடாக பாராளுமன்ற ஆசனம் என்பதைத்தவிர இவரின் அரசியல் அதிக தூரம் செல்வதில்லை. ஒரு சில பாராளுமன்ற உரைகளும், மாவீரர்களுக்கான வணக்கமும் தன்னைத் தொடர்ந்தும் அரசியலில் வைத்திருக்க உதவும் என்று நம்புபவர். இவர்கள் எவராலும் தமிழருக்கான விடிவு கிடைக்கப்போவதில்லை. இது இவர்கள் அனைவருக்குமே நன்றாகத் தெரியும், ஆனாலும் தமது அரசியல் எதிர்காலத்திற்காக, வருவாய்க்காக அதனைச் செய்கிறார்கள்.  தமது சொல்கேட்டு, தமது சுரண்டல்களை ஏற்றுக்கொன்டு, தமது பிராந்திய நலன்களுக்கான பகடைகளாகவிருந்து தமக்கு சலாம்போடும் அமைப்பாக புலிகள் இருக்கவேண்டும் என்று இந்தியாவும், மேற்குலகும் எதிர்பார்த்தது. அப்படி புலிகள் இருக்காதவிடத்து அவர்களை அழித்து நாடு முழுவதையும் சிங்களப் பேரினவாதிகளிடம் கொடுப்பதன்மூலம் மொத்த நாட்டையும் தமது கட்டுப்பாட்டின்கீழ் கொண்டுவந்து தமக்குத் தேவையானதை அடைந்து கொள்ளலாம் என்று இந்த அந்நிய சக்திகள் விரும்பியதன் விளைவே எமது மக்களின் அழிப்பும், போராட்டத்தின் வீழ்ச்சியும். இன்று தமிழருக்கான தீர்வு எதனையும் கொடுக்கவேண்டிய தேவை இந்த சக்திகளுக்கு இல்லை. தமக்குத் தேவையானவற்றை சிங்களமே கொடுத்துவரும்வேளையில், சிங்களத்திற்கு எதிராகச் சென்று எதுவுமேயற்ற தமிழர்களை ஆதரிக்க இந்த சக்திகளுக்கு தேவையென்று ஒன்றில்லை. ஆகவேதான் இன்றுவரை தமது பிணாமிகளாக தமிழ்த் தேசியம் பேசும் அரசியல்வாதிகளைக் குழுக்களாகப்பிரித்து தம்பாட்டிற்கு இயக்கி வருகிறார்கள். மனிதவுரிமை மீறள்கள், போர்க்குற்ற விசாரனைகள், சிறுபான்மையினங்களுக்கான அரசியல் பாதுகாப்பு, சிறுபான்மையினக் குழுக்கள் என்று வார்த்தை ஜாலங்களைப் பாவித்து கானல்நீரைப் போன்று இன்றுவரைத் தமிழர்களை நம்பிக்கையுடன் ஏங்கவைத்து தமது நலன்களை மட்டுமே பார்த்துக்கொள்ளும் சக்திகள். இந்தியாவென்றும், அமெரிக்காவென்றும், ஐரோப்பாவென்றும் தொடர்ச்சியாக தமது பிணாமிகளை வரவழைத்து தமிழர்களை "அரசியல்த் தீர்வு ஒன்று வரப்போகிறது" எனும் மாயைக்குள் அடைத்துவைத்திருப்பவர்கள். பலமுறை தாம் பாவித்து வெற்றிபெற்ற "தமிழர்களின் நலன்களைக் காவுகொடுத்து தமது நலன் பேணல்" எனும் அதே கைங்கரியத்தை இன்னும் எத்தனை முறை வேண்டுமானாலும் பாவிக்கத் தயங்காத சுத்த சுயநல சக்திகள்.  இவர்களாலும் தமிழருக்கென்று தீர்வொன்றும் கிடைக்கப்போவதில்லை.   
×
×
  • Create New...

Important Information

By using this site, you agree to our Terms of Use.