Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

பழம்பெரும் நடிகரான... ஸ்ரீகாந்த் காலமானார்!


Recommended Posts

  • கருத்துக்கள உறவுகள்

பழம்பெரும் நடிகரான ஸ்ரீகாந்த் காலமானார்!

பழம்பெரும் நடிகரான... ஸ்ரீகாந்த் காலமானார்!

பழம்பெரும் நடிகர்களில் ஒருவரான ஸ்ரீகாந்த்  உடல் நலக்குறைவு காரணமாக தனது 83 ஆவது வயதில் உயிரிழந்துள்ளார்.

வெண்ணிற ஆடை என்ற திரைப்படத்தின் மூலம் அறிமுகமான இவர் 200 இற்கும் மேற்பட்ட திரைப்படங்களில் நடித்துள்ளார். அதேநேரம் பல மேடை நாடகங்களிலும் நடித்து புகழ் பெற்றுள்ளார்.

அவரது மறைவுக்கு திரைப்பிரபலங்கள் உள்ளிட்ட பலர் இரங்கல் தெரிவித்து வருகின்றமை குறிப்பிடத்தக்கது.

https://athavannews.com/2021/1244596

Link to comment
Share on other sites

  • கருத்துக்கள உறவுகள்

வெண்ணிற ஆடை ஸ்ரீகாந்த் மறைவு!

spacer.png

நடிகர் ஸ்ரீகாந்த் (82) வயது மூப்பு காரணமாகச் சென்னையில் நேற்று பிற்பகல் காலமானார் 200க்கும் மேற்பட்ட படங்களில் நடித்துள்ள, இவர் 50 படங்களில் ஹீரோவாகவும் நடித்துள்ளார்.

நடிகர் ஸ்ரீகாந்த் சினிமாவிற்கு வருவதற்கு முன் அமெரிக்க தூதரகத்தில் பணிபுரிந்து வந்தார். அப்போதிருந்தே மேடை நாடகங்களிலும் நடித்து வருவதை வழக்கமாக கொண்டிருந்த ஸ்ரீகாந்துக்கு 1964-ஆம் ஆண்டு இயக்குநர் ஸ்ரீதர் தயாரித்து, இயக்கிய "வெண்ணிற ஆடை" படத்தில் கதாநாயகனாக நடிக்கும் வாய்ப்பு கிடைத்து திரைத்துறைக்கு அறிமுகமானார்.

முதல் படத்திலேயே கதாநாயகனாக நடிக்கும் வாய்ப்பு கிடைத்து, அவர் ஏற்று நடித்த டாக்டர் சந்துரு என்ற கதாபாத்திரத்திற்குக் கௌரவம் சேர்த்திருப்பார்.

இந்தப் படம் இவருக்கு மட்டுமின்றி மறைந்த முதல்வர் ஜெயலலிதா, நடிகை வெண்ணிற ஆடை நிர்மலா மற்றும் நடிகர் வெண்ணிற ஆடை மூர்த்தி ஆகியோருக்கும் முதல் படமாகும்.

மேஜர் சந்திரகாந்த் என்ற நாடகத்தில் ஸ்ரீகாந்த் என்ற கதாபாத்திரத்தில் நடித்து நாடகத் துறையில் இவர் பிரபலமாக இருந்ததால் தனது சொந்தப் பெயரான வெங்கட்ராமன் என்ற பெயரை பயன்படுத்தாமல் ஸ்ரீகாந்த் என்ற பெயரிலேயே சினிமாவிலும் நடிக்கலானார். "வெண்ணிற ஆடை" படத்திற்கு பிறகு இவருக்கு பெரும்பாலும் குணச்சித்திர மற்றும் நகைச்சுவை வேடங்களே கிடைத்தது என்றே சொல்லலாம். இருப்பினும் பல படங்களில் ஹீரோவாக நடித்தார்.

அதே சமயம் தன்னால் எந்த கதாபாத்திரமும் ஏற்று நடித்து, அதற்கு பெருமை சேர்க்க முடியும் என்று நிரூபித்தவர் ஸ்ரீகாந்த். குறிப்பாக எதிர் நீச்சல், பூவா தலையா, பாமா விஜயம், மற்றும் காசேதான் கடவுளடா போன்ற படங்களை இவருடைய நகைச்சுவை நடிப்பிற்கு சான்றாகக் கூறலாம். 1972 ஆம் ஆண்டு இயக்குநர் ஏ.சி.திருலோகச் சந்தர் இயக்கத்தில் வெளிவந்த ‘அவள்’ என்ற திரைப்படத்தின் மூலம் இவர் வில்லனாகவும் அறிமுகமானார்.

அதன்பின் தொடர்ச்சியாகப் பல படங்களில் வில்லன் கதாபாத்திரம் ஏற்று நடித்து வந்த நடிகர் ஸ்ரீகாந்துக்கு நடிகர் திலகம் சிவாஜி கணேசனோடு இணைந்து நடித்த தங்கப்பதக்கம் திரைப்படம் இவருடைய திரைப்பயணத்தில் ஒரு மைல் கல் எனலாம்.

இந்தப் படத்தில் இவர் ஏற்று நடித்த "ஜெகன்" என்ற கதாபாத்திரம் தமிழ் ரசிகர்களால் அவ்வளவு எளிதில் மறக்க இயலாது. எழுத்தாளர் ஜெயகாந்தனின் நாவல்களான, ‘சில நேரங்களில் சில மனிதர்கள்’, ‘ஒரு நடிகை நாடகம் பார்க்கிறாள்’, ‘கருணை உள்ளம்’ போன்ற படங்களில் நடிகர் ஸ்ரீகாந்த முக்கிய வேடமேற்று நடித்திருப்பது பெருமைக்குரிய ஒன்று.

சிவாஜி கணேசன், ஜெமினி கணேசன், ஜெய்சங்கர், முத்துராமன், சிவகுமார், கமல்ஹாசன் மற்றும் ரஜினிகாந்த் போன்ற அனைத்து முன்னணி நடிகர்களுடனும் இணைந்து நடித்த பெருமை மிக்கவர். எம்.ஜி.ஆரோடு மட்டும்தான் இவர் இணைந்து நடிக்கவில்லை.

இயக்குநர் ஸ்ரீதர் தொடங்கி கே.பாலசந்தர், ஏ.பீம்சிங், ஏ.சி.திருலோகசந்தர், முக்தா ஸ்ரீனிவாசன், பி.மாதவன், கிருஷ்ணன் பஞ்சு மற்றும் எம்.ஏ.திருமுகம் என அனைத்து பெரும் இயக்குநர்களுடனும் பணியாற்றிய சிறப்பு பெற்றவர்.

ஸ்ரீகாந்த்திற்கு ஒரு மகள் மட்டுமே உள்ளார். சென்னையில் அவருடன் வசித்து வந்தார். நேற்று பிற்பகல் இறந்த அவரது இறுதிச் சடங்கு மாலையிலேயே தேனாம்பேட்டையில் உள்ள மயானத்தில் நடந்து முடிந்தது.
 

https://minnambalam.com/entertainment/2021/10/13/14/actor-srikanth-passes-away

Link to comment
Share on other sites

  • கருத்துக்கள உறவுகள்

ஆழ்ந்த இரங்கல்கள் சிறந்த நடிகர்......! 

 

  • Like 1
Link to comment
Share on other sites

  • கருத்துக்கள உறவுகள்

ஆழ்ந்த இரங்கல்கள் 🙏

Link to comment
Share on other sites

  • கருத்துக்கள உறவுகள்

ஆழ்ந்த இரங்கல்கள்.இறுதிக்காலத்தில் சுப்பர் ஸ்டாரைச் சந்திக்க ஆசைப்பட்டதாகவும் அது நிறைவேறவில்லை என்றும் கூறப்படுகிறது. 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • கடமையைச் செய். பலனை எதிர்பாராதே.  அப்பிடீன்னு நா சொல்லலீங்க. கிருஸ்ண பரமாத்மா சொன்னாருன்னு சொல்றாங்க.  இது புரீதா...?
    • சைக்கிள் அனுபவங்கள் பற்றி சொல்லப் போனால் சொல்லி மாளாது, நேரம் காலமின்றி நண்பர்களாக சேர்ந்து  கீரிமலைக்கு குளிக்கப் போவது, அவர்களின் முக்கியமான வேலை கூவிலுக்கு போய் கள்ளுக் குடிப்பது, நான் கருப்பணி மட்டும் குடிப்பேன்.....!  😁 நல்ல நினைவுகள் நன்றி புத்ஸ்.....!  
    • Dr Nadarajah Muhunthan and his family faced deportation to Sri Lanka where he experienced torture   Nadarajah and Sharmila Muhunthan with their three children. Photograph: Aneta Pruszyńska/The Guardian   Diane Taylor Tue 30 Nov 2021 14.48 GMT             The Home Office has U-turned on plans to deport a leading scientist carrying out groundbreaking research into affordable forms of solar energy and allowed him and his family to remain in the UK. Initially, the Home Office rejected the asylum claim lodged by Dr Nadarajah Muhunthan, 47, who has been living in the UK since 2018 with his wife, Sharmila, 42, and their three children, aged 13, nine and five.   Muhunthan, who is working on thin-film photovoltaic devices used to generate solar energy, was given a prestigious Commonwealth Rutherford fellowship. The award allowed him to come to the UK for two years to research and develop the technology. He was based at the University of Bristol. His wife got a job caring for elderly people in a nursing home. The couple’s eldest daughter, Gihaniya, has received outstanding school reports in the UK with a 100% attendance rate and been particularly praised for her achievements in science. She hopes to study to be a doctor when she is older. The family are Tamils, a group that has experienced persecution in Sri Lanka. However, just weeks after the Guardian highlighted the case, the Home Office changed its mind and has now granted Muhunthan and his family refugee status. Muhunthan thanked the Home Office for their decision. “The Home Office has saved my life and my family’s lives. Now I will be able to continue my research without fear,” he said. After reading the previous Guardian article about the case, Prof David J Firmin, head of the electro-chemistry and solar team at the University of Bristol where Muhunthan was conducting research into ways to make solar energy panels more effective and affordable, wrote to the Home Office at the end of October expressing his “deepest concern”. He said Muhunthan’s work was making a significant contribution to efforts to decarbonise the energy generation sector. In November 2019, Muhunthan returned to his home country for a short visit to see his sick mother. While he was there, he was arrested and persecuted by the Sri Lankan government. He managed to escape and returned to the UK, where he claimed asylum on the basis of what he had experienced on his visit to Sri Lanka. After his scholarship expired in February 2020, neither he nor his wife were permitted to continue working. The family’s lawyer, Naga Kandiah of MTC solicitors, welcomed the Home Office’s change of heart. He said:“This is an important victory which recognises there is systematic torture of Tamils going on in Sri Lanka. This scientist and his family will all be assets to the UK.” https://www.theguardian.com/uk-news/2021/nov/30/home-office-u-turn-on-sri-lankan-scientists-asylum-claim முக்கியமான வெற்றிதான் சில மாற்றம்களை ஏற்படுத்தும் என்று நம்பலாம் .
    • முள்ளிவாய்க்காலில் ஊடகவியலாளர் தாக்கப்பட்ட சம்பவம் தொடர்பில் உண்மைகள் திரிபுபடுத்தப்பட்டுள்ளது என்கின்றது இராணுவம் அண்மையில் முல்லைத்தீவு, முள்ளிவாய்க்கால் பகுதியில் ஊடகவியலாளர் தாக்கப்பட்ட சம்பவம் தொடர்பில் உண்மைகள் திரிபுபடுத்தப்பட்டுள்ளதாக தெரிவித்துள்ள இராணுவத் தலைமையகம், ஊடகவியலாளர் மீது படையினர் தாக்குதல் நடத்தவில்லை எனவும் கூறியுள்ளது.இலங்கை இராணுவத் தலைமையகம் வெளியிட்டுள்ள விளக்க அறிக்கையில் இந்த விடயம் தெரிவிக்கப்பட்டுள்ளது. இராணுவ வீரர்களுடன் பேசியவாறு பின்னோக்கிச் சென்றவேளை, ஊடகவியலாளர் தனது மோட்டார் சைக்கிளின் மீது மோதி, கம்பி வேலி பொருத்தப்பட்டிருந்த இடத்தில் விழுந்தார் என இராணுவம் கூறியுள்ளது.இதனை அடுத்து அங்குவந்தவர்களினால் வீதியோரத்திலுள்ள பெயர் பலகையை படமெடுக்கும் போது இராணுவ வீரர்களால் அவர் மிருகத்தனமாக தாக்கப்பட்டு காயப்படுத்தப்பட்டார் எனக் கூறும் அளவுக்கு வீடியோ காட்சிகள் எடுக்கப்பட்டன என்றும் இராணுவம் குற்றம் சாட்டியுள்ளது. பல்வேறு சமூக ஊடக தளங்கள் மற்றும் நாட்டின் சில அச்சு ஊடகங்கள் என்பன இந்த சம்பவம் தொடர்பாக சரிபார்க்கப்படாத, உறுதிப்படுத்தப்படாத மிகைப்படுத்தப்பட்ட மற்றும் உண்மைக்கு புறம்பான தகவல்களை வெளியிட்டன.மேலும் முட்கம்பியால் சுற்றப்பட்ட பனைக் குச்சியால் காட்டுமிராண்டித்தனமான தாக்குதல் நடத்தப்பட்டது என்றும் எனவே சர்வதேச விசாரணை வேண்டும் என்றும் விடுக்கப்பட்ட அழைப்பு தவறானது என்றும் இராணுவம் தெரிவித்துள்ளது. வடக்கு மற்றும் கிழக்கில் உள்ள பாதுகாப்புப் படையினர், கடந்த இரண்டு வருடங்களில் மக்களுக்கும் பாதுகாப்புப் படையினருக்கும் இடையில் ஆரோக்கியமான நல்லிணக்கம் மற்றும் நல்ல நல்லெண்ண உணர்வுகளின் சைகைகளின் காரணமாக, சந்தர்ப்பவாத மற்றும் இனவாத எண்ணம் கொண்ட சக்திகளால் ஏமாற்றப்படாமல் ஒரு நேர்மறையான முறையில் ஈர்க்கக்கூடிய வகையில் வளர்ந்துள்ளனர். வடக்கிலும் சரி, வேறு இடங்களிலும் சரி, தாம் சேவை செய்யும் அனைத்து இலங்கையர்களின் நலன்களுக்கான உண்மையான மற்றும் முழுமையான அர்ப்பணிப்பை மீண்டும் வலியுறுத்தும் அதே வேளையில், பகுத்தறிவு மற்றும் அமைதியை விரும்பும் அனைத்து மக்களையும், இதுபோன்ற திரிபுபடுத்தப்பட்ட சம்பவங்கள் மற்றும் தீங்கிழைக்கும் நிகழ்வுகளை நம்பி ஏமாற வேண்டாம் என இராணுவம் கேட்டுக்கொண்டுள்ளது.(15)   http://www.samakalam.com/முள்ளிவாய்க்காலில்-ஊடகவ/
    • காணி உரிமையாளர்கள் – ஆளுநர் சந்திப்பு திடீர் இரத்து December 1, 2021 வடக்கு மாகாண ஆளுநருடன் மாதகல் காணி உரிமையாளர்கள் சந்திப்பதற்கு இன்று ஏற்பாடுகள் இடம்பெற்று இருப்பதாக தெரிவிக்கப்பட்ட போதும் திடீரென அந்த சந்திப்பை ரத்து செய்யப்பட்டுள்ளதாக அறிவிக்கப்பட்டுள்ளது.  வலிகாமம் தென்மேற்கு பிரதேச செயலகத்தால் காணி உரிமையாளர்களுக்கு  இன்று மதியம் 2 மணிக்கு வடமாகாண ஆளுநர் காணி உரிமையாளர்களை சந்திக்கவிருப்பதாக கடிதம் அனுப்பி வைக்கப்பட்டுள்ள நிலையில் திடீரென அந்த சந்திப்பை ரத்து செய்யப்பட்டதாகவும் நாளை காலை 8 மணிக்கு அந்த சந்திப்பு நடைபெறும் எனவும் ஒரு சில காணி உரிமையாளர்களுக்கு பிரதேச செயலகத்தால் அறிவிக்கப்பட்டுள்ளது.  இந்த நிலையில் இது தொடர்பாக வடமாகாண ஆளுநர் அலுவலகத்தில் நேரடியாக சென்று காணி உரிமையாளர்கள் கேட்டபொழுது,  இந்த சந்திப்பு தொடர்பில் நமக்குத் தெரியப்படுத்தப் படவில்லை என்றும் இந்த சந்திப்பு ரத்து செய்யப்பட்டது தொடர்பாகவோ நாளை இந்த சந்திப்பு இடம் பெறுவது தொடர்பாகவோ எமக்கு எதுவும் தெரியாது என்றும் தெரிவிக்கப்பட்டுள்ளது. இது தொடர்பில் ஆளுநரை சந்திக்க தூர இடங்களில் இருந்து வந்த பொதுமக்கள் அலைக்கழிக்கப்பட்டதுடன் அங்கிருந்த மக்கள் கவலை தெரிவித்தனர். இதேவேளை மாதகலில் கடற்படையினருக்காக காணி அளவீடு செய்வதற்கு எதிர்ப்புத் தெரிவித்து இன்றையதினம் 1.30 மணியளவில் வடக்கு மாகாண ஆளுநர் அலுவலகத்திற்கு முன்பாக போராட்டம் ஒன்றும் இடம்பெற்றமை குறிப்பிடத்தக்கது. குறித்த போராட்டத்தை அடுத்தா சந்திப்பினை ஆளுநர் இரத்து செய்தார் என்பதனை அறிந்துகொள்ள முடியவில்லை.  https://globaltamilnews.net/2021/169669
×
×
  • Create New...

Important Information

By using this site, you agree to our Terms of Use.