காரைநகர் பிரதேச சபை சுயேட்சை குழு வசமானது!

[கிருபன்]

காரைநகர் பிரதேச சபை சுயேட்சை குழு வசமானது!

November 10, 2021

 

காரைநகர் பிரதேச சபை தவிசாளர் தெரிவுக்கான விசேட அமர்வு, உள்ளூராட்சி ஆணையாளர் பற்றிக் நிரஞ்சன் தலைமையில, இன்றைய தினம் நடைபெற்றது.

குறித்து அமர்வின்போது, தமிழ்த் தேசிய கூட்டமைப்பின் சார்பில் காரைநகர் பிரதேச சபை உப தவிசாளர் போட்டியிட இருந்த போதிலும், அவருக்கு ஏனைய கட்சிகள் ஆதரவு அளிக்காத நிலையில், சுயேட்சை குழு உறுப்பினர் அப்புத்துரை என்பவர், தவிசாளர் பதவிக்கு போட்டியிட்டு, ஈபிடிபி கட்சியின் ஆதரவுடன் வெற்றியீட்டியுள்ளார்.

இந்த தவிசாளர் தெரிவு விசேட அமர்வில், ஐக்கிய தேசிய கட்சி உறுப்பினர்கள் வெளிநடப்பு செய்துள்ளனர்.

காரைநகர் பிரதேச சபையில் தமிழ்த் தேசிய கூட்டமைப்பின் சார்பில் மூன்று உறுப்பினர்களும் சுயேட்சை குழுவில் மூன்று உறுப்பினர்களும் ஐக்கிய தேசிய கட்சியில் இரண்டு உறுப்பினர்களும், தமிழ்த் தேசிய மக்கள் முன்னணியில் ஒருவருமாக உள்ள நிலையில், ஈபிடிபியின் ஆதரவுடன் சுயட்சை குழுவானது தவிசாளர் பதவியை பெற்றுள்ளது.

காரைநகர் பிரதேச சபையின் முன்னாள் தவிசாளர் இதயநோய் தாக்கத்தால் உயிரிழந்த நிலையில், பிரதேச சபை தவிசாளர் பதவி வெற்றிடமாக காணப்பட்டமை குறிப்பிடத்தக்கது.

https://globaltamilnews.net/2021/168420

 

 

 

 

[வாத்தியார்]

வாழ்த்துக்கள்🙏
காரைநகரில் தொழில் ரீதியாக தாழ்த்தப்பட்ட மக்களிற்கான ஒரு வெற்றி என்றே கூறலாம்.
புதிய தவிசாளரின் தெரிவு காரைநகர் மேட்டுக்குடி அரசியல்வாதிகளுக்கும்
பணத்தால் எதையும் சாதிக்கலாம் என நினைக்கும் சீமான்களுக்கும்
கடந்த காலங்களில் பதவிக்காக
கட்சி   தாவியவர்களுக்கும் பலத்த அடி என்றே சொல்லலாம்

ஒன்றே குலம் ஒருவனே இறைவன்🙏