பண்டைய கால தெறுவேயத்தின்(பீரங்கி) பாகங்களுக்கான தமிழ்ச் சொற்களும் அவற்றின் பயன்பாடும்

[நன்னிச் சோழன்]

இவ்விடுகை அடிபாட்டியலில்(hopology) விருப்பம்/நாட்டம் உள்ளோரிற்கு நல்ல விருந்தாக அமையும். இங்கே தெறுவேயங்களில் இருக்கும் உறுப்புகளை பட்டியலிட்டு அவற்றின் செயல்களையும் விளக்கியுள்ளேன். குறிப்பிடப்பட்டுள்ள ஒவ்வொரு உறுப்பினையும் கீழே உள்ள படிமத்தில் கண்டுகொள்ளவும்.

 

---

பீரங்கி என்பது தமிழல்ல. சரியான தமிழ்ச் சொல் தெறுவேயம் என்பதாகும்.

→ தெறுவேயம் - Cannon

---

 

எதிர்மறை வெளி(Negative space):-

• துளை(Bore): மூட்டுப்படை(Ordance) (நொய்யகோ(wad), குளிகை(pellets) போன்றவை) நிரப்பப்படும் துளையின் தளம் அல்லது துளையின் அடி எனப்படும் துளைக்கு அருகிலுள்ள முடிவு உட்பட அனைத்தும் உள்ளீடற்ற உருளை போன்று தெறுவேயத்தின் மையத்தின் கீழ் வரை துளைக்கப்பட்டுள்ளது. இதில் தெரியும் துளை விட்டமானது தெறுவேயத்தின் குழல்விட்டத்தைக்(கலிபர்) குறிக்கிறது.
• புழை(Vent): தெறுவேயத்தின் முடிவிற்கு அருகில் உள்ள மெல்லிய குழாயானது, வெடிக்கும் பொருளை உள்ளே ஒரு பற்றவைப்பு மூலத்துடன் இணைப்பதோடு பெரும்பாலும் உருகி(fuse) அளவு நீளம் கொண்ட திரியால் நிரப்பப்படுகிறது; எப்போதும் வெநின்(breech) அருகேதான் அமைந்திருக்கும். இது, சில சமயங்களில் 'உருகி துளை(fuse bore)' அல்லது 'தொடு துளை' என்றும் அழைக்கப்படுகிறது. தெறுவேயத்தின் வெளிப்புறத்தில் உள்ள புழையின் மேற்புறத்தில் 'புழை புலம்' என்று அழைக்கப்படும் ஒரு தட்டையான வட்ட இடம் உள்ளது, அங்கு அந்த வெடிக்கும் பொருளானது தீக்கோலால் பற்றவைக்கப்படும். தெறுவேயம் வெண்கலமாக இருந்தால், பெரும்பாலும் செம்பால் செய்யப்பட்ட புழையின் நீளத்திற்கு திருகப்பட்ட 'புழை துண்டு' இருக்கும்.
• குவியறை(Chamber): வெடிமருந்து/கரிமருந்து நிரப்பப்படும் துளையின் அடிப்பகுதிக்கு மிக அருகில் உள்ள உருளை, கூம்பு அல்லது கோள ஒடுக்கிடம்(recess).

 

---

'படிமப்புரவு: விக்கிப்பீடியா | தமிழில்: நன்னிச் சோழன் '

திண்ம வெளி(Solid space):-

ஒரு தெறுவேயத்தின் முக்கிய உடல் மூன்று அடிப்படை நீட்டிப்புகளைக் கொண்டுள்ளது:

→முன்னணி மற்றும் நீளமானது பொளிவாய் என்றும்,

→நடுத்தர பகுதி கெட்டி என்றும்,

→மற்றும், மிக நெருக்கமான மற்றும் சுருக்கமான பகுதி கொண்டை என்றும் அழைக்கப்படுகிறது

• பொளிவாய்(Chase): இது கெட்டிக்கு(reinforce) முன்னால் உள்ள தெறுவேயத்தின் முழு கூம்பு பகுதியையும் குறிக்கும் சொல். தெறுவேயத்தின் மிக நீளமான பகுதியான இது, பின்வரும் கூறுகளையும் உள்ளடக்கியது:
  • கழுத்து(Neck): பொளிவாயின் குறுகலான பகுதியான இது தெறுவேயத்தின் முன்னணி முனைக்கு அருகில் அமைந்துள்ளது.
  • முகவாய்(Muzzle): கழுத்தின் முன்னோக்கி உள்ள பொளிவாயின் பகுதி. இது பின்வருவனவற்றை உள்ளடக்கியது:
    • முகவாய் வீக்கம்(Swell of Muzzle ) என்பது பொளிவாயின் முன் முடிவில் உள்ள துண்டு விட்டத்தின் இலேசான வீக்கத்தைக் குறிக்கிறது. தெறுவேய தாணிப்பை(load) எளிதாக்குவதற்காக, இது பெரும்பாலும் உட்புறத்தில் முனைமழுக்கப்படுகிறது (chamfered ). சில சுடுகலங்களில், இந்த கூறு ஒரு பரந்த வளையத்தால் மாற்றப்பட்டு 'முகவாய் பட்டை' (Muzzle band) என்று அழைக்கப்படுகிறது.
    • முகம்(face) என்பது முகவாய் (மற்றும் முழு துண்டின்) முன்னணியில் இருக்கும் தட்டையான செங்குத்து சமதளம் ஆகும்.
    • முகவாய் வர்ப்புகள்(Muzzle mouldings) என்பவை அடுக்கிய(tiered) வளையங்கள் ஆகும், அவை முகத்தை மீதமுள்ள முகவாய்களுடன் இணைக்கின்றன, அவற்றில் முதலாவது 'உதடு'(lip) என்றும் இரண்டாவது 'கக்கப்பட்டி'(fillet) என்றும் அழைக்கப்படுகிறது.
    • முகவாய் கவோதம்(Chase astragal) மற்றும் கக்கப்பட்டிகள் என்பவை கழுத்தின் பின்னால் பொளிவாய்க்கு வெளிப்புறத்தில் சுற்றியுள்ள மூன்று குறுகிய வளையங்களின் வரிசையாகும். இவை, சில நேரங்களில் கூட்டாக 'பொளிவாய் வளையம்'(chase ring) என்றும் அழைக்கப்படுகிறது.
  • பொளிவாய் கவோதம்(chase astragal) மற்றும் கக்கப்பட்டிகள்: பொளிவாயின் அருகில் அமைந்துள்ள அத்தகைய வளையங்களின் இரண்டாவது தொடர் இவையாகும்.
  • பொளிவாய் கச்சு(Chase girdle😞 இது பொளிவாய் கவோதம், கக்கப்பட்டிகள் மற்றும் கெட்டி ஆகியவற்றிற்கு இடையிலான பொளிவாயின் சுருக்கமான நீளமாகும்.
• கெட்டி(reinforce): துண்டின் இந்த பகுதி அடிக்கடி முதல் கெட்டி & இரண்டாம் கெட்டி எனப் பிரிக்கப்படுகிறது, ஆனால் எந்தவொரு சமயத்திலும் அதன் முன்னணி முடிவில் ஒரு குறுகிய வட்ட கெட்டி வளையம் அல்லது பட்டை இருப்பதால் பொளிவாயில் இருந்து தனித்தனியாக குறிக்கப்படுகிறது. கெட்டியின் சாணானது(span) பின்வருவனவற்றையும் உள்ளடக்கியது.
  • தாங்குருளையானது(trinnion) கெட்டி-வளையத்தின் பின்னால் உள்ள கெட்டியின் முன்னணி முடிவில் அமைந்துள்ளது. அவை துளைக்கு செங்குத்தாக, அதற்குக் கீழே, இரண்டு உருளைகளைக் கொண்டிருக்கின்றன. இந்த உருளைகள் தெறுவேயத்தை அதன் வண்டியில் மூட்ட(mount) பயன்படுகின்றன.
  • விளிம்புத்தளம்(rim base) என்பது தாங்குருளையின் ஒன்றியத்தில் அமைந்துள்ள குறுகிய அகல வளையங்கள் ஆகும். இது தெறுவேயத்தின் வண்டி பற்றுயத்திற்கு(attachment) ஆதரவை வழங்குகிறது.
  • தெறுவேயத்திற்கு இரண்டு கெட்டிகள் இருந்தால் மட்டுமே 'கெட்டி பட்டை' (reinforce band) என்பது இருக்கும். மேலும், இது முதல் கெட்டியை இரண்டாவதிலிருந்து பிரிக்கிறது.
  • வெந்(breech) என்பது துளைகளின் அடிப்பகுதிக்கு பின்னால் உள்ள திட உலோகத்தின் திணிவை குறிக்கிறது. இது பொதுவாக முகவாய்க்கு நேரெதிரே உள்ள தெறுவேயத்தின் முடிவைக் குறித்து, அடி வளையம் உட்பட வெநின் அடிப்பகுதி வரை நீள்கிறது. அதாவது, வெடிமருந்தின் வெடிப்புத் தொடங்கும் இடத்திலிருந்து அதற்கு மாறாக உள்ள அழுத்தப்பட்ட வளி தப்பிக்கும் திறவு(opening) வரை. (வெந் என்றால் தமிழில் முதுகு(பின்பக்கம்) என்று பொருள்)
  • அடி வளையமானது(base ring) கெட்டிக்கு அருகில் உள்ள முடிவில் கொண்டைக்கு சற்று முன்னர் முழுத் தெறுவேயத்தின் பரந்த பகுதியில் ஒரு வளையத்தை உருவாக்குகிறது
• கொண்டை(cascable): இது தெறுவேயத்தின் ஒரு பகுதி கெட்டி(கள்) மற்றும் அடி வளையத்தின் பின்னால் உள்ளது. இது பின்வருவனவற்றை உள்ளடக்கியது:
  • துண்டின் சிறிய கோள முனையமாக இருக்கும் குமிழ்(knob);
  • கழுத்து(neck) என்பது குமிழியை வெளியே வைத்திருக்கும் ஒரு குறுகிய, ஒடுங்கிய உலோகத் துண்டு ஆகும்
  • கக்கப்பட்டி என்பது கொண்டையின் கழுத்தை வெநின் அடித்தளத்துடன் இணைக்கும் அடுக்கு வட்டு ஆகும்
  • வெநின் அடியானது(base of the breech) உலோக வட்டு ஆகும், இது கொண்டையின் மிக முன்னோக்கிய பகுதியை உருவாக்கி, அடி வளையத்திற்கு அடுத்ததாக உள்ள வெநினிற்கு எதிராக நிற்கிறது.

 

---

புதிய சொற்களிற்கான விளக்கம்:-

• பொளிவாய் - பொளியப்பட்டதன் வாயினை உள்ளடக்கிய பகுதியாதலால் இதற்க்கு இவ்வாறு பெயர் சூட்டலாயினேன்.
• கெட்டி - இதற்கான ஆங்கிலச்சொல்லான என்பதை ஆங்கிலேயர் குண்டினை தாணித்தல்(load) என்னும் மேற்பொருள் வரும்படியாக என்று வழங்கியிருக்கின்றனர். ஆகவே அதே பொருளில் எம்தமிழிலும் வழங்கும் கெட்டி என்னும் சொல்லினை இங்கு கையாண்டிருக்கிறேன்.
• கக்கபட்டி - ஈழத் தமிழ்
• கவோதம் - கிட்டிப்பு: இராமகி ஐயா
• கச்சு - girdle(இடையில் இருக்கும் கச்சுப்பட்டை போன்று இங்கும் இருக்கிறது. )
• வெந் என்றால் தமிழில் பின்பக்க முதுகு என்று பொருள். . இங்கு இது பின்பக்கம் என்னும் பொருளில் ஆளப்பட்டுள்ளது
• கொண்டை: இந்த கொண்டை என்னும் சொல்லினை இந்திய துணைக்கண்ட தெறுவேயங்களை(cannon) அடிப்படையாக வைத்தே உருவாக்கினேன். வெள்ளையர்களினது அன்று.

---

 

உசாத்துணை:

• செ.சொ.பே.மு.
• கட்டட அமைப்புக்கலை சொற்றொகுதி

https://en.wikipedia.org/wiki/Cannon

தமிழாக்கம் & வெளியீடு

நன்னிச் சோழன்