Jump to content

நல்ல முடிவை சொல்லிட்டு போங்கள் என இ.போ.ச பிரநிதிகளை அலுவலகத்தினுள் இருத்தி வைத்த ஆளுநர்


Recommended Posts

  • கருத்துக்கள உறவுகள்

நல்ல முடிவை சொல்லிட்டு போங்கள் என இ.போ.ச பிரநிதிகளை அலுவலகத்தினுள் இருத்தி வைத்த ஆளுநர்

December 5, 2021

spacer.png

நல்லொதொரு முடிவுக்கு வாருங்கள் என கூறிவிட்டு வடமாகாண ஆளுநர் கூட்டத்தை விட்டு வெளியேறி சென்றுள்ளார். யாழ்.மாவட்டத்தில் இருந்து இருந்து வெளிமாவட்டங்களுக்கு செல்லும் பேருந்துகளுக்கான பேருந்து நிலையம் ஒன்று மத்திய பேருந்து நிலையத்தில் இருந்து 300 மீட்டர் தூரத்தில் புதிதாக அமைக்கப்பட்டது.

அங்கிருந்து தாம் சேவையில் ஈடுபட மாட்டோம் என இலங்கை போக்குவரத்து சபை மறுத்து வருவதனால் , அவர்கள் அங்கிருந்து சேவையில் ஈடுபட்டால் மாத்திரமே நாமும் அங்கிருந்து சேவையில் ஈடுபடுவோம் என தனியார் போக்குவரத்து சங்கம் தெரிவித்துள்ளது.

அதனால் புதிய பேருந்து நிலையம் பயன்பாடு இல்லாமல் காணப்படுகிறது. 
அந்நிலையில் வடமாகாண ஆளுநர் ஜீவன் தியாகராஜா , இன்றைய தினம் தனது அலுவலகத்திற்கு இ.போ.ஸ் பிரதிநிதிகளை பேச்சு வார்த்தைக்கு அழைத்து இருந்தார். அதன் போது , யாழ். மாநகர முதல்வர் சட்டத்தரணி வி.மணிவண்ணனும் அழைக்கப்பட்டு இருந்தார்.

குறித்த கூட்டத்தில் , இ.போ.ச பிரதிநிதிகள் புதிய பேருந்து நிலையத்தில் இருந்து சேவையில் ஈடுபட மறுப்பு தெரிவித்தனர். அதனை அடுத்து ஆளுநர் ” மக்களின் வரிப்பணத்தை வீணடிக்க முடியாது. தனி நபர் , குழுக்களின் சுயலாபத்திற்காக அதனை தேடுவாரற்று விட முடியாது” என கூறி நல்லதொரு முடிவாக எடுங்கள் என கூறி விட்டு கூட்டத்தை விட்டு வெளியேறி சென்றுள்ளார். அதனை தொடர்ந்து சிறிது நேரத்தில் முதல்வரும் வெளியேறியுள்ளார். அதனால் இ.போ.ச பிரதிநிதிகள் ஆளுநர் அலுவலகத்தினுள் உட்கார்ந்து இருந்து தமக்குள் பேசி வருகின்றனர்.

https://globaltamilnews.net/2021/169889

 

 

 

 

Link to comment
Share on other sites

  • கருத்துக்கள உறவுகள்

கோசான் , இது பற்றி வேறு ஒரு திரியில் கதைத்து இருந்தோம் நினைவு இருக்கா ? ....இன்னும் துரையப்பா மைதானத்திற்கு  அருகில் உள்ள பேருந்து நிலையம் போக்குவரத்தை தொடங்கவில்லை 

Link to comment
Share on other sites

  • கருத்துக்கள உறவுகள்

முதலில் யாழ் நகரில் இருக்கும் பேரூர்ந்து நிலையத்தை முற்றாக அகற்றவேண்டும்.
வரும் போகும் காலம் நிர்ணயிக்கப்பட்டு தரிப்புகளை நிறுவி சரியான நேர அட்டவணையின்படி பயணிகளை ஏற்றி இறக்கலாம்.

மேலதிகமான பேரூர்ந்துகளுக்கான தரிப்பிடத்தை யாழ் நகரின் மையப்பகுதியிலிருந்து சற்று தொலைவில் அமைத்து அங்கு பயணிகளை ஏற்றி இறக்கும் விடையத்தை மேற்கொள்ளாது அடுத்த தவணைக்காகக் காத்திருக்கப்பண்ணல் வேண்டும்.

தவிர மானிப்பாய் வீதி காங்கேசந்துறைவீதி பலாலிவீதி பருத்தித்துறை வீதி கண்டி வீதி மன்னாருக்கான வீதி அவைகளை ஊடறுத்துப்போகும் பேரூர்ந்துகள் கிராமங்களுக்குள் செல்லாது பொயின்ற் டூ பொயின்ற் எனும் முறையில் இயங்கவேண்டும் 

இவைகளை இணைக்கும்வண்ணம் கிராமங்களை ஊடறுத்துச்செல்ல இலகுவான சிறிய பேரூர்ந்துகளை இயக்கவேண்டும்.

தவிர நிண்ட காலம் பயன்படுத்திய அனைத்து மினிபஸ்களையும் சேவையிலிருந்து அகற்ற வேண்டும்.

தவிர பயண வாகனங்களுக்கான சட்டதிட்டங்கள் அனைத்தும் புதுப்பிக்கப்பட்டு 

பொதுப்போக்குவரத்துக்கான டிரக்டிவ் உருவாக்கப்படல்வேண்டும்.

இவை எல்லாம் என்னுடைய ஆட்சிக்காலத்தில் நடக்கும். 

Edited by Elugnajiru
Link to comment
Share on other sites

  • கருத்துக்கள உறவுகள்
3 hours ago, ரதி said:

கோசான் , இது பற்றி வேறு ஒரு திரியில் கதைத்து இருந்தோம் நினைவு இருக்கா ? ....இன்னும் துரையப்பா மைதானத்திற்கு  அருகில் உள்ள பேருந்து நிலையம் போக்குவரத்தை தொடங்கவில்லை 

ஓம் நினைவுள்ளது அக்கா. இப்படி இழுத்தடிக்கிறார்கள்🤦‍♂️

Link to comment
Share on other sites

  • கருத்துக்கள உறவுகள்
20 hours ago, ரதி said:

கோசான் , இது பற்றி வேறு ஒரு திரியில் கதைத்து இருந்தோம் நினைவு இருக்கா ? ....இன்னும் துரையப்பா மைதானத்திற்கு  அருகில் உள்ள பேருந்து நிலையம் போக்குவரத்தை தொடங்கவில்லை 

40 வருடங்களுக்கு முதல் அந்த பேருந்து நிலையம் தொடங்கியது என நினைக்கிறேன்...அத முன் இறைச்சி கடைகள் அப்ப இருந்தது.....முதல்

Link to comment
Share on other sites

  • கருத்துக்கள உறவுகள்

இ.போ.ச வுடன் பேசி முடிவை எட்டமுடியவில்லை

December 5, 2021

spacer.png

புதிய நெடுந்தூர பேருந்து நிலையத்திற்கு தாம் ஒருபோதும் வர மாட்டோமென இலங்கை போக்குவரத்து சபை விடாப்பிடியாக நின்ற காரணத்தால் இன்று இடம்பெற்ற கூட்டம் எந்தவித முடிவுமின்றி நிறைவுக்கு வந்ததாக யாழ் மாநகர முதல்வர் விஸ்வலிங்கம் மணிவண்ணன் தெரிவித்தார்.

யாழ்.மாவட்டத்தில் இருந்து வெளிமாவட்டங்களுக்கான பேருந்து நிலையம் ஒன்று இ.போ.ச மத்திய பேருந்து நிலையத்திற்கு அண்மையாக புதிதாக அமைக்கப்பட்டது. ஆனாலும் அங்கிருந்து தாம் சேவையில் ஈடுபட மாட்டோம் என இலங்கை போக்குவரத்து சபை மறுத்து வருகிறது. இந்நிலையில் இ.போ.ச அங்கிருந்து சேவையில் ஈடுபட்டால் மாத்திரமே நாமும் அங்கிருந்து சேவையில் ஈடுபடுவோம் என தனியார் பேருந்து உரிமையாளர் சங்கம் தெரிவித்துள்ளது. அதனால் புதிய நெடுந்தூர பேருந்து நிலையம் பயன்பாடு இல்லாமல் காணப்படுகிறது.

இந்நிலையில் இந்தப் பிரச்சினை தொடர்பாக வடமாகாண ஆளுநர் ஜீவன் தியாகராஜா தலைமையில் ஆளுநர் அலுவலகத்தில் இன்று காலை  கூட்டமொன்று இடம்பெற்றது.

காலை கூட்டம் ஒரு முடிவுக்கு வராத நிலையில் , ஒரு கட்டத்தில் வடமாகாண ஆளுநர் , ” மக்களின் வரிப்பணத்தை வீணடிக்க முடியாது. தனி நபர் , குழுக்களின் சுயலாபத்திற்காக அதனை தேடுவாரற்று விட முடியாது” என கூறி நல்லதொரு முடிவாக எடுங்கள் என கூறி விட்டு கூட்டத்தை விட்டு வெளியேறி சென்றார். அதனை தொடர்ந்து சிறிது நேரத்தில்
முதல்வரும் வெளியேறியுனார்.

சுமார் ஒரு இரு மணி நேரமாக ஆளுநர் அலுவலகத்தில் இ.போ.ச பிரதிநிதிகள் தமக்குள் கலந்துரையாடி இருந்த போதிலும் , எந்த ஒரு தீர்மானமும் எட்டப்படவில்லை. 

இந்தக் கலந்துரையாடலில் யாழ் மாநகர சபை முதல்வர் மணிவண்ணன், யாழ் மாநகர ஆணையாளர், நகர அபிவிருத்தி சபை, இலங்கை போக்குவரத்து சபை, தனியார் பஸ் உரிமையாளர் சங்கத்தினர் போன்றவர்கள் பங்கேற்றிருந்தனர்.

 

https://globaltamilnews.net/2021/169911

 

 

Link to comment
Share on other sites

×
×
  • Create New...

Important Information

By using this site, you agree to our Terms of Use.