Jump to content

வெற்றியர்


Recommended Posts

Vanie J Kalapan is with Param Latha and 

267715920_10160039186944236_678851298289

267481580_10160039186954236_592288859453

269014526_10160039186394236_256217395902

269480321_10160039186484236_720551925064

269302746_10160039186449236_540338615502

268423564_10160039188494236_111295076872

 
💐தென்மராட்சியின் சிற்பிகள்💐
1. சிரஞ்சீவி.பூலோகசிங்கம் வெற்றிவேலு
(முன்னாள் அதிபர் ,யா/சாவகச்சேரி இந்துக்கல்லூரி)
தோன்றில் புகழொடு தோன்றுக அஃதின்றேல் தோன்றில் தோன்றாமை நன்று என்ற ஆன்றோர் வாக்கிற்கிணங்க,முப்பத்து மூன்று ஆண்டுகள் ஒரே கல்லூரியாம் சாவ இந்துவில் அதிபராய் ஆசானாய் கண் துஞ்சாது பசி நோக்காது ,மெய்வருத்தம் பாராது கடமை வீரனாய் ,பௌதீக வளங்களால் பின் தள்ளப்பட்டிருந்த எம் கல்லூரியை கவின் கல்லூரியாய் மாற்றிய சிற்பி
.ஈழ வள நாட்டில் செழுமை நிறைந்த தென்மராட்சிப் பதியில் வளமிகு நுணாவிலில் பூலோகசிங்கம் பொன்னம்மா தம்பதியினரிற்கோர் செல்வ மகவாக 30.04.1922 வந்து உதித்தார்.
வெற்றி வேலு என்ற பெயரிற்கேற்ப தான் மட்டுமல்ல தென்மராட்சி மண்ணிற்கே வெற்றியைத் (சாவ-இந்து)தேடித் தந்த மனிதர்.
அப்போது இவர் சாவகச்சேரி இந்துக்கல்லூரியின் சரித்திரத்தில் கிரீடம் பதிக்கப் போவதை யாரும் அறிந்திருக்கவில்லை .
தந்தையார் தலைசிறந்த வைத்தியராக விளங்கினார்.
குமாரசாமி ,சுந்தரலிங்கம் ,வேதநாயகி ,செல்வநாயகி ,இராஜநாயகி என்ற உடன் பிறந்தவர்களுடன் மிகவும் கெட்டிக்காரனாக வளர்ந்தார்.
இவருடைய தந்தை வழிப் பாட்டனார் சுப்பிரமணியம் தென்மராட்சி பிரிவின் பதிவாளராக இருந்தார்.
ஏறத்தாழ ஒரு நூற்றாண்டாக இந்தப் பதிவாளர் பதவி இவர்கள் குடும்பத்திற்கு உரித்தாக இருந்தது .
தாய் வழிப்பாட்டனார் கதிர் வேலு உடையார் ஒரு நில உரிமையாளர் ஆவர்.
சிறு வயதிலேயே பெரும் அறிவாற்றல் மிகுந்த இவர் ஆரம்ப கல்வியை ஶ்ரீ கணேச வித்தியாலயத்தில் கற்றார், இவருடைய தாய் வழிப் பாட்டனார் இப் பாடசாலையின் ஸதாபகராகவும் இவர் முதல் மாணவராயும் இருந்தார்கள்.
தொடர்ந்து டிறிபேர்க் கல்லூரி மற்றும் புனித பத்திரிசியார் கல்லூரி போன்ற பிரபல கல்லூரிகளில் கல்வியையும் பெற்றி ஒரு சிறந்த கல்வியாளனாக ஜொலித்தார்.
இவர் புனித பத்திரிசியார் கல்லூரியில் சிறந்த விளையாட்டு வீரனாக விளங்கினார்.
சொக்கர் விளையாட்டில் சிறந்து விளங்கினார். ஒழுக்கத்தில் புகழ் பெற்ற கத்தோலிக்க வணபிதா father Longஇவருடைய அதிபராவார்.
இவர் அயர்லாந்து நாட்டில் இருந்து வருகை தந்து இருந்தார்.மாணவர் விடுதியில் தங்கிப் படித்தார்.
இவர் Father long அவர்களது ஒழுக்க கோட்பாடுகளை பின்பு சாவகச்சேரி இந்துக்கல்லூரியின் மகத்தான வளர்ச்சியிற்குப் பயன்படுத்தினார்.
தந்தையின் விருப்பிற்கிணங்க சில காலம் யாழ்ப்பாணக் கல்லூரியில் மருத்துவக் கற்கை நெறியை (pre medical course)கற்றார்.தனது தேடலிற்கு சரியான விடை கிடைக்காத காரணத்தினால் அதை விட்டு புகையிரத நிலையத்தில் எழுதுவினையராய் சில காலம் கடமையாற்றினார்.அப்போதுதான் தன் திறமையை நிரூபிக்கும் களத்தை மூத்த அண்ணன் குமாரசாமியின் உந்து கோலுடன் பற்றிக் கொண்டார்.இந்தியாவிற்கு சென்று சென்னை கிறிஸ்தவக் கல்லூரியில் (madras Christian college)இல் கற்று விஞ்ஞானப் பட்டதாரியாக தன்னை அடையாளப்படுத்திக் கொண்டார்.
ஆளுமையும் இளமைத் துடிப்பும் கொண்ட விஞ்ஞானப் பட்டதாரியை 1951 சாவகச்சேரி இந்துக்கல்லூரி அன்னை பற்றிப் பிடித்து தனதாக்கி கொண்டாள்.திரு A.S கனகரட்ணம் அதிபர் காலப்பகுதியில் இவரது திறமைகளைஅவர் வெளிக்கொணர்ந்தார்.தனது ஒழுக்கத்துடன் கூடிய சிறந்த கற்பித்தலினால் குறுகிய காலப் பகுதியில் எல்லோர் மனங்களிலும் இடம் பிடித்தார்.அதிபர் இவரிடம் முக்கியமான பொறுப்புக்களை கொடுத்திருந்தார் .
1952-1953 காலப்பகுதியில் நல்லொழுக்கத்திற்கு முக்கியத்துவம் கொடுத்த இவர் அதிபருடன் இணைந்து சிறந்த மாணவர் சபையை உருவாக்கினார்.
மாணவர்களினால் மாணவர் தலைவர்கள் தேர்வு செய்யப்பட்டு மாணவர்களை வழிநடாத்தும் பணியை ஒழுங்கமைத்து இந்து அன்னையை நெறிப்படுத்தினார்
பாடசாலை பரிசளிப்பு விழாப் பொறுப்பை முதன் முதல் ஏற்று சிறப்புற நடாத்தி எல்லோர் பாராட்டையும் பெற்றார்.
1954 புரட்டாதி மாதம் இரண்டாம் திகதி சக ஆசிரியை நாகேஸ்வரி அவர்களை திருமணம் செய்து நல் இல்லறம் கொண்டு சிறந்திட்டார்.
ஆசிரியை நாகேஸ்வரி அவர்கள் நற்பண்புகளும் பொறுமையும் கொண்ட குணவதியாக இருந்தமை இவருடைய வாழ்வு ஏற்றம் பெற்றமைக்கு மிகவும் முக்கிய காரணம் என்பது யாவரும் அறிந்த விடயமாகும்.
நாகேஸ்வரி ஆசிரியர் கோண்டாவில் கிராமத்தில் புகழ் பூத்த சேனாதிராசா நாகரத்தினம் அவர்களின் மகளாவார் .
உயர்திரு வெற்றிவேலு அவர்கள் 1956 இல் அந்நாளிலேயே இவர் லண்டனிற்கு சென்று உயர் கல்வியை(P.G.C.E)பெற்று மேலும் சிறப்புற்றார்.
லதா,அசோகன்,குமாரன்,இராதாகிருஷ்ணன்,செல்வரஜனி இவரின் பெயர் சொல்லும் பிள்ளைகளாவர் .இவர்கள் தந்தைக்கும் சற்றும் சளைக்காது நல்ல குணவான்களாகவும் கல்விமான்களாகவும் இருக்கின்றார்கள்.
அதற்கேற்ப சிவகுமார்,புவனேஸ்வரி,வாசுகி,தாரணி ,முகுந்தன் என்ற சிறப்பான மருமக்களும் அமைந்திருந்தனர்.
ஹரி சரவணா,சிந்தி வைதேகி
ஹரி கஜன்,அரன் செந்தூரன்
,விதுஷா,ஹிமவான்,சாம்பவி,வருண்,ஜீவன்,
கீர்த்தனா,கீர்த்திகன் என்ற அன்னாரது பதினொரு பேரமக்களும் சுட்டித்தனம் மிக்க கெட்டித்தனமாக அவரை மகிழ்வித்திருந்தனர்.
அதிபர் கந்தையா அவர்களால் முன் மொழியப்பட்ட சாவ இந்துவின் விஞ்ஞான ஆய்வுகூடம் இவர் அயராத உழைப்பால் எம் கைகளிற்கு கிடைத்தது என்றால் மிகையாகாது.
இதை நிர்வகிக்கும் குழுவின் செயலாளராக இருந்த இவர் 1964 தொடங்கி 1970 களில் அதை வெற்றிகரமாக நிறைவேற்றினார்.
1968 இல் சாவ இந்துவின் உப அதிபராக கடமையேற்ற இவர் 1970 களில் பதில் அதிபராக உயர்ந்தார்.
இவர்1981இல் இவர் சிறந்த தரம் வாய்ந்த அதிபராக நியமிக்கப்பட்டார்.
இது சாவகச்சேரி இந்துக்கல்லூரி வரலாற்றில் பொன் எழுத்துக்களால் பதிக்கப்பட்டது .
இவர் தன் ஆசிரியப் பணி காலத்தில் கல்லூரிக்கு ஒழுக்கத்தை பேண மாணவர் முதல்வர் அணியை அறிமுகப்படுத்தி இருந்தமை மிகவும் சிறப்பம்சமாகும்.
ஜனநாயக முறையில் அமைந்த மாணவர்கள் வாக்கெடுப்பில் மாணவர் முதல்வர் அணி இன்றும் தெரிவு செய்யப்படுவது கல்லூரியின் தனிச்சிறப்பாகும்.
1972 களில் அரசு பாரம்பரிய தொழிற்கல்விகளை (மரவேலை,கயிறு வேலை)அறிமுகப்படுத்தியத போது இவர் வாதிட்டு தனது மாணவர்களிற்கு மின்சார மற்றும் ஆட்டோ மொபைல் மெக்கானிக் வேலைகளை அறிமுகப்படுத்து இருந்தமை என்றும் நினைவில் நிற்கும் விடயங்களாகும்.
பழையன கழிதலும் புதியன புகுதலும் வழுவல் ல என்ற இவர் தாரக மந்திரம் பெற்றோர்கள் மாணவர்களிடையே மூடக்கொள்கைகளை களைய உந்து கோலாயிற்று.
இதனால் பல மாணவர்கள் பயன் பெற்றிருந்தார்கள்.இன்றும் நல்ல வேலைகளில் உள்ளார்கள் .பெற்றோர் ஆசிரியர் சங்கங்களின் உதவியுடன் இதற்குரிய கட்டடம் 1973 இல் அமைக்கப்பட்டு
தொழினுட்ப வேலை வாய்ப்புகள் மத்திய கிழக்கு நாடுகள் வரை விஸ்தீரணப்படுத்தப்பட்டமை தென்மராட்சி மண்ணின் வளர்ச்சியிற்கு மைல் கல்லாக அமைந்திருந்தது.
குழைக்காட்டுள் அமைந்திருந்த எம் பாடசாலை இலங்கையில் ஒரு தலை சிறந்த பாடசாலையாக உருவெடுக்க ஆரம்பித்தது .
இவர் அல்லும் பகலும் அயராது பாடுபட்டு பல நல் உள்ளங்களின் பேராதரவையும் நிதி உதவியையும் பெற்றிருந்தார்.
கௌரவபாராளுமன்ற உறுப்பினர்கள் நவரத்தினம்,குமாரசாமி,ஐனாதிபதிஐயவர்த்தன ,நிதி அமைச்சராயிருந்த N.M .பேரேரோ ஆகியோரிடம் தன் சொந்த விருப்பு வெறுப்பிற்கப்பால் பல சிபார்சுகளையும் உதவிகளையும் பெற்றார்.இதன் மூலம் மிகப் பரந்த அளவில் இந்துக்கல்லூரியை அபிவிருத்தி செய்தார்.
ஒவ்வொரு செக்கனும் கல்லூரியை மனதிருத்தி செதுக்கிய சிற்பி ஆவர் .கல்லூரியின்
திறத்த வெளிப் பகுதியில் மீசாலையைச் சேர்ந்த பெரும் வர்த்தகர் M.T சுப்பிரமணியம் அவர்கள் உதவியுடன் குடி நீர் வசதியை ஏற்படுத்தி இருந்தார்.M.T சுப்பிரமணியம் உதவியுடன் இவர் திறந்த வெளி அரங்கம் அமைத்து இருந்தமை யாம் அனைவரும் அறிந்த விடயமாகும்.
அதிபர் ஏற்பாட்டில் தென் இந்திய பிரபல பாடகர் பித்துக்குழி முருகதாஸ் அவர்களது நிகழ்வு பாடசாலை நிதி சேகரிப்பிற்காய் இடம் பெற்று பெரு வரவேற்பை பெற்றது
பழைய மாணவர் சங்க (OSA)விஞ்ஞான கூட கட்டட நிதிக்காக மாணவர்களிடம் நிதிசேகரிக்கும் அட்டைகள் விநியோகிக்கப்பட்டடது .முதன் முறையாக பாடசாலை மாணவர்கள் பெற்றோர்கள் நேரடியான செயற்பட்டமை இவரால் சிறப்பாக நிர்வகிக்கப்பட்டது .
இவருடைய காலப்பகுதியில் கல்வியும் இணைப்பாட விதான செயற்பாடுகளும் ஒருமித்து பிரமாண்ட வளர்ச்சி கண்டிருந்தது .
இந்தியாவில் இருந்து நாட்டியத் தாரகைகள் தேஜஸ்வினி மற்றும் பங்கஜம் வரவழைக்கப்பட்டு பல இடங்களிலும் நிகழ்ச்சி ஒழுங்கு படுத்தப்பட்டிருந்தது.
இந்நிகழ்வானது இலங்கை வானொலியில் விளம்பரப்படுத்தப்பட்டமை சிறப்பம்சமாகும்.இதன் மூலம் பாடசாலையிற்கு தேவையான பெருமளவு நிதி பெறப்பட்டது.
பெற்றோர் ஆசிரியர் சங்க உதவியுடன் 1977 ஆம் ஆண்டு நூலகம் ஆனது ஜேர்மனியின் உயர் அலுவலர் உருஸா முல்லரால் திறந்து வைக்கப்பட்டது.
இரண்டாம் உலகப் போரின் பின் அந்த நேரம் வலிமை பெற்ற ஜேர்மனிய நாட்டு உயர் அலுவலகரை வரவேற்று உபசரித்த இவரின் அறிவார்ந்த செயல் பலரின் கவனத்தையும் பாராட்டையும் இந்துக்கல்லூரியின் பால் ஈர்த்துது .
உபசரிப்பை மகிழ்வோடு ஏற்ற அவர் ஒரு தொகுதி புத்தகங்களையும் அன்பளிப்புச் செய்தார்.
1979களில் அரசு உதவுயுடன் இரட்டை மாடிக் கட்டடம் அமைக்கப்பட்டது .தற்போது அது வெற்றிவேலு கேட்போர் கூடம் என அழைக்கப்படுகின்றது.
1980 இல் தென்மராட்சியில் உள்ள சகல மாணவர்களும் பயன் பெறும் பெருநோக்கில் இடைநிலைக் கல்வி தேர்வு முறையை (Grade 6 Admission Test )அறிமுகம் செய்து சமத்துவத்தைப் பேணும் ஐனநாயவாதியானார்.
எல்லோரையும் ஒரு குடையுள் திரட்டி சாவ இந்து சாம்ராஜ்யத்தை கொடிகட்டி பறக்கச் செய்து தனது62 வது வயதில் 1984 சித்திரை மாதம் ஓய்வு பெற்றார்.
“வெற்றியர்” என மாணவர்கள் செல்லமாக அழைக்கப்படும் இவர் மாணவர் அன்பில் திண்டாடும் அளவிற்கு அவரின் பிரியாவிடை நிகழ்வு கோலாகலமாக இருந்தது.
பழைய மாணாக்கர் சங்கம் 85000 ரூபாக்களை (அந்நாளில் மிகப் பெரிய தொகை)அன்பளிப்பாக வழங்கியதென்றால் மிகையாகாது.
அதில் பெரும் பங்கை பாடசாலை புலமைப்பரிசிலிற்காக பெருந்தன்மையாக திருப்பி அளித்தும் விட்டார்.
பாடசாலை வரலாற்றில் சிருஷ்டிப்பில் பிரம்மனாய் பொன் எழுத்துக்களால் பொறிக்கப்பட்டார்.
ஓய்வு காலத்தில் சமுகப் பணிகளில் பெரும் ஈடுபாட்டுடன் இருந்த இவர் தன் இல்லத்தின் அருகாமையில் இருந்த கொல்லங்கிராய் வீரகத்தி விநாயகர் ஆலய நிர்வாக சபையின் உப தலைவராக இருந்த இவர் ஆலய வளர்ச்சியில் பெரும் பங்காற்றினார்.
1984 இல் இணக்க சபை உறுப்பினராக இருந்து மக்களின் தீர்க்க முடியாத பிரச்சினைகளைத் தீர்த்து மக்கள் மனங்களில் இடம் பிடித்தார்.
1987-1989 களில் இந்திய இராணுவ ஆக்கிரமிப்பு பிரஜைகள் குழு உறுப்பினராக இருந்து மக்களிற்கு பல நன்மைகள் செய்தார்.
தனது ஐம்பதாவது கல்யாண நாளை வள்ளுவனும் வாசுகியுமாய் காதல் நன்மனையாளுடன் புரட்டாதி 02 ஆம் திகதி 2004 ஆம் ஆண்டு ,பிள்ளைகள் மருமக்கள் பேரமக்கள் உற்றார் உறவுகள் சூழ கொண்டாடி மகிழ்ந்தார்.நல்ல மகவாய்,கணவனாய்,தந்தையாய் ,ஆசானாய் ,அதிபராய்,வழிகாட்டியாய்,நண்பனாய் இன்னோரன்ன நல் உதாரண புருஷனாய் வாழ்வாங்கு வாழ்ந்து
2008 ஆம் ஆண்டு ஆடி மாதம் 27 ஆம் திகதி இவ் பூவுலகை நீத்தார்
இன்றும் இந்துஅன்னை மைந்தர்களின் மனங்களில் தந்தையாய் வாழ்கின்றார்.
அவர் சிருஷ்டிப்பில் உருவான இந்து ஆலயக் குழந்தைகள் நாம் உலகெங்கும் ஓழுக்கத்துடன் சாதனைகளை எமதாக்கி அவர் தாள்களில் அர்ச்சிப்போம்.
 
ஆக்கம்:வாணி ஜெ கலாபன்
 
Link to comment
Share on other sites

  • 6 months later...

289060659_10217023723544386_736808904883

288773688_10217023724624413_243187482870

The bicycle that ruled Thenmarachi (தென்மராட்சி) for 14 years from 1970 to 1984. Principal Vettivelu’s official vehicle.

தகவல் வெற்றிவேலு குமரன்

 

Link to comment
Share on other sites

1 hour ago, nunavilan said:

289060659_10217023723544386_736808904883

Tht ruled Thenmarachi (தென்மராட்சி) for 14 years from 1970 to 1984. Principal Vettivelu’s official vehicle.

தகவல் வெற்றிவேலு குமரன்

சையிக்கிள் எத்தனை கறள்கட்டி இருந்தாலும் அதற்குப் பூக்கட்டி அழகுபார்க்க அதிபர் தவறவில்லை.😁

Link to comment
Share on other sites

×
×
  • Create New...

Important Information

By using this site, you agree to our Terms of Use.