அரச இலக்கிய விருது

[மெசொபொத்தேமியா சுமேரியர்]

 

2019 ம் ஆண்டு வெளியான எனது சிறுகதைத் தொகுப்பான "உணர்வுகள் கொன்றுவிடு"  2020 இன் அரச விருதுக்காக மூன்றுக்குள் ஒன்றாகத் தெரிவாக்கியிருந்தது.  ஒருபுறம் இது மகிழ்வான விடயமாக, என தன்னம்பிக்கையை அதிகரிக்கும் ஒன்றாகவும் இருந்தது என்பதில் மாற்றுக் கருத்தில்லை. ஆனாலும் முதலாவதாகத் தெரிவாகியிருக்காமலேயே முகநூலில் இதைப் பகிர்ந்தபோது நீண்டகாலமாக என்னுடன் நட்புடன் இருந்த ஒருவர் என்னை வாழ்த்தவில்லை. மாறாக வெளிநாட்டு  Nationality வைத்திருப்பவர்களுக்கு  எப்படி இலங்கை அரச விருதை வளங்கலாம் எனப் பதிவு போட்டிருந்தார். அதைவிட நான் மதிப்பு வைத்திருந்த இன்னொரு சிறந்த எழுத்தாளர், அவர் ஏற்கனவே இந்திய விருதைப் பெற்றிருந்தார். அவர் கூட எனக்குப் போனில் வாழ்த்துச் சொல்லிவிட்டு எப்படி உங்களையும் தெரிவு செய்தார்கள். உங்களுக்கு இலங்கை  Nationality இருக்கிறதா என்றதும் தான் நான் ஓடி விழித்து என்னிடம் இரண்டும் இருக்கிறது என்று கூறினேன்.

அன்றே அவர் முகநூலில் தன் நூல் ஒன்றைப் போட்டு அந்நூலுக்கு தன் பழைய  மாணவன் ஒருவர் எழுதியிருந்த விமர்சனத்தையும் போட்டு, " எல்லா விருதுகளிலும் விட இதையே நான் சிறந்த விருதாக எண்ணுகிறேன்" எனப் பதிவிட்டிருந்தார். இன்னொருவரோ உங்கள் சொந்தக்காரர் யாராவது தெரிவுக் குழுவில் இருக்கின்றனரா என்று கேட்டார். இவர்கள் மனங்களில் இத்தனை அழுக்குகளை வைத்துக்கொண்டு எதற்காக எழுதுகிறார்கள் என்றே புரியவில்லை.

மனதார வாழ்த்தவும் பலர் இருந்தார்கள் என்பதில் மனம் இலேசாகிப் போனது. இன்னும் சிறப்பாக எழுதவேண்டும் என்னும் எண்ணத்தையும் எனக்குள் தோற்றுவித்தது. முக்கியமாய் என்னை உற்சாகப்படுத்தி எழுதத் தூண்டும் யாழ் இணைய உறவுகளுக்கே எப்போதும் என் நன்றி.

 

[ஏராளன்]

வாழ்த்துக்கள் அக்கா.

[suvy]

 

நாங்கள் உங்களை மனதார வாழ்த்துகின்றோம் சகோதரி........!  🌹

 

மென்மேலும் உங்களின் பணி தொடரவேண்டும்......!

[யாயினி]

மனமார்ந்த வாழ்த்துக்கள் அக்கா.✍️🎁. இன்னும் நிறைய எழுதுங்கள்.✍️யாரூ என்ன சொன்னாலும் கேட்டு விட்டு அந்த இடத்திலயே விட்டு விடுங்கள்.👋

[மெசொபொத்தேமியா சுமேரியர்]

என்னை வாழ்த்தியிருக்கும் ஏராளன், சுவி அண்ணா, யாயினி ஆகிய உறவுகளே மிக்கநன்றி.

[goshan_che]

வாழ்த்துக்கள் அன்ரி.

இதை புத்தசாசன/இந்து கலாச்சார அமைச்சு வழங்குவதாக தெரிகிறது.

முன்பு இலங்கை அரச சாகித்திய விருதுகள் என கொடுப்பார்கள் (இந்தியாவின் சாகித்திய அகெடமி விருதல்ல).

அதன் புதிய பெயரா இது? 

பிகு

நான் உப்பிடி எல்லாம் எடக்கு மடக்கு கேள்வியள் கேட்கமாட்டேன், நீங்களும் என்ர புத்தகத்தை வாசிச்சனிங்களோ எண்டு என்ன கேட்கப்படாது🤣.

டீல் ஓகேவா?

[tulpen]

மனமார்ந்த வாழ்ததுக்கள் சுமே. உங்கள்மு ன்னேற்றங்களை சகித்து கொள்ள முடியாதவர்கள் பற்றி கவலை வேண்டாம். உங்களை வாழ்தத பல நல்ல மனம் கொண்ட உறவுகள் உள்ளார்கள். 

"You will never be criticized by someone who is doing more than you. You will only be criticized by someone doing less than you."

[பெருமாள்]

வாழ்த்துக்கள் அக்கா.

[ஜெகதா துரை]

வாழ்த்துக்கள் சகோதரி.

[வல்வை சகாறா]

வாழ்த்துகள் சுமெ.

இந்த யாழ்க்களத்தில் உங்களை அறிந்தவரை உங்கள் ஆரம்ப காலங்களையும் படிப்படியாக உங்களை நீங்கள் செதுக்கி செழுமையாக்கி தொடர்ச்சியான எழுத்துகளால் உங்கள் துணிச்சலையும் தளராத முயற்சியையும் அறிவேன், பாராட்டுகள்.

மற்றவர்கள் கருத்து எவரையும் முடக்க முடியாது. எழுதுவது எல்லோருக்கும் சாத்தியமன்று. கிடைத்த வரத்தையும் வாய்ப்பையும் சரியாக பயன்படுத்திக் கொள்ளங்கள்.

[ஈழப்பிரியன்]

வாவ் வாவ்
மிகவும் சந்தோசமான செய்தி.
மனமார்ந்த பாராட்டுக்களும் வாழ்த்துக்களும்.

[nunavilan]

வாழ்த்துக்கள் அக்கா.  தொடந்து எழுதுங்கள். 

[Paanch]

சங்கீத உலகம் இனிமையானது. இருந்தும் அங்கு எல்லோராலும் கால்பதிக்க முடியாது. அதுபோன்று இனிமையானதே இலக்கிய உலகும். அங்கு கால்பதிக்கும் திறன்பெற்ற சுமேரியருக்கு என் இதயம் கனிந்த வாழ்த்துக்கள்!!

[Nathamuni]

இங்கை வந்து லொள்ளு பண்ணிக்கொண்டே.... பயங்கர வேலைகளும் பார்த்து இருக்கிறியள்...

வாழ்த்துக்கள், அக்கா!!

[குமாரசாமி]

வாழ்த்துக்கள்.

[நீர்வேலியான்]

வாழ்த்துக்கள்

[தமிழினி]

வாழ்த்துகள் சுமே அக்கா!

[தமிழ் சிறி]

வாழ்த்துக்கள்.

[Kavallur Kanmani]

வாழ்த்துக்கள் சுமே உங்கள் இலக்கியப் பயணம் தொடரட்டும்.

[பாலபத்ர ஓணாண்டி]

சுமேரியர் யாழில் ஆரம்பத்தில் யாழில் இணைந்தபோது யாழில் எழுத தடக்கிவிழுந்து தடுமாறி பட்ட பாடு இண்டைக்கும் நேற்றுபோல எனக்கு நாபகம் இருக்கு.. வல்வைசகார சொன்னதுபோல அவர் தனது எழுத்தை யாழில் எழுதியதன் மூலமே செதுக்கியவர்.. ஆரம்பத்தில் எழுதிய போது கள உறவுகளே பம்பலா சுமேரியர் எழுதுவதை கலாய்த்திருக்கி(றோம்)றார்கள்.. வாழ்த்துக்களும் பெருமையுமாக இருக்கு.. இன்னும் மேலும் வளர வாழ்த்துக்கள்..

[புங்கையூரன்]

வாழ்த்துக்களும், பாராட்டுக்களும் சுமே…! 

[கிருபன்]

வாழ்த்துக்கள் சுமே ஆன்ரி👏👏👏

விருதுக்கு பரிந்துரைக்கப்பட்டதும் அதனால் சிலர் பொறாமை கொண்டதுமே உங்கள் எழுத்துக்கு கிடைத்த பெரிய அங்கீகாரம்.😀

 

[valavan]

 சிறுகதை தொகுப்பு அரசியல் பேசாத ஒன்றாக இருந்தால் சந்தோஷம், ஏனெனில் தமக்கு சார்பாக ஏதும் இருந்தால்தான் சிங்களம் தமிழர்களின் ஆற்றலையே அங்கீகரிக்கிறது என்றொரு எண்ணம் எப்போதும் உண்டு.

படைப்பாற்றல் என்பது எளிதில் எல்லோருக்கும் வந்துவிடாது பல ஆயிரம்பேரில் ஓரிருவருக்கு மட்டுமே கை வருவது. விமர்சிப்பவர்களை பற்றி  ஆதங்கம் கவலை சினம் கொள்வதெல்லாம் தவறு.

வாழ்த்து சொல்பவர்களைவிட எதிர்மறையானவர்களே இன்னும் சிறப்பாக ஏதாவது செய்ய தூண்டுகிறார்கள், மறைமுகமாக உங்களின் திறமையை முதலில்  அங்கீகரிப்பது அவர்களே.சும்மா இருப்பவர்களை பார்த்து எவரும் போட்டி பொறாமை கொள்வதில்லை.

தொடரும் உங்கள் எழுத்து பணியையிட்டு மகிழ்ச்சி.

[நிலாமதி]

 நிவேதா ........என் மனமார்ந்த வாழ்த்துக்கள். மென் மேலும் தொடர்க.

[nedukkalapoovan]

பொறாமை.. அதுஇதெல்லாம்.. எல்லாச் சமூகங்களிலும் உள்ள ஒன்று தான். நாம் நாமாக முன்னேறனுன்னா.. அதுகளை விட்டுத்தள்ள வேண்டும்.

முதலில் உங்கள் சுய சிறுகதை இதற்குப் பரிந்துரைக்கப்பட்டதற்கு வாழ்த்துக்கள்.

உங்களுடைய ஆக்கம் தொடர்பில் உங்களுக்கு திருப்தியாக அமைந்தாலே போதும்.. மற்றவர்களின் நேர் எதிர் விமர்சனங்கள் உங்களை எதுவும் செய்ய முடியாது. ஒரு ஆக்கம் சமூகத்தில் சிந்தப்படும் போது அது பலவேறு நோக்குகளை ஏற்படுத்தும்.. விமர்சனங்களை பிரசவிக்கும் என்பது இயல்பே. 

எங்களுடைய ஆதங்கம் என்னவெனில்.. தமிழ் மொழி இழிவையும்.. தமிழ் நில அழிவையும்.. தமிழின படுகொலையையும் செய்யும் செய்து வரும்.. ஒரு சிங்கள பெளத்த பேரினவாத அரசின் அருவருடி அமைப்பிடம் இருந்து உண்மையாக தமிழரின் உணர்வுகளை உள்வாங்கி வெளிப்படுத்தும்.. தமிழ் இலக்கியத்துக்கு ஒரு விருது கிடைக்குமா என்பது தான்..??!

மேலும்.. இந்த விருதுகளுக்கு எப்போ திறந்த வெளியில் ஆக்கங்களை சமர்பிக்கச் சொல்லினம்.. யார் இந்த விருதுகளுக்கான ஆக்கங்களை பரிசீலிக்கினம்.. என்ன அடிப்படையில் அந்தப் பரிசீலனைகள் இருக்கின்றன.. என்று பல விடயங்கள் மூடுமந்திரமாகவே உள்ளன.

எந்த ஒரு எழுத்தாற்றலும்.. என்ன தான் வாசகர் வட்டங்களைக் கொண்டிருந்தாலும்... இப்படி விருதுகளால்... போதையூட்டப்படும் போது.. அந்தப் புகழ் போதைக்குள் மூழ்காதவர்கள் இருக்க முடியாது. அது மனித மனத்தின் இயல்பு.

ஆனாலும்.. விருதுகள்.. வெளிப்படைத் தன்மையோடு.. ஒரு ஆக்கத்தின் உணர்வு பூர்வமான வெளிப்பாட்டை அங்கீகரிக்கும் தன்மையோடு இருக்க வேண்டும்..! அது சொறீலங்காவில் சாத்தியமா..?!

சம கால.. உலகத் தமிழ் இலக்கியங்களை ஊக்குவிக்க.. இப்படியான விருதுகளுக்கு அப்பால்.. ஆக்கங்களை ஆண்டுக்கு ஆண்டு பட்டியலிட்டு இனங்காட்டும்.. ஒரு நடைமுறை உலகத் தமிழ் இலக்கிய அமைப்பு ஒன்றினூடாக செய்யப்படும் போது.. அது தமிழக.. தமிழீழ.. சிங்கப்பூர்.. மலேசியா.. மொரிசியஸ்.. மற்றும் அனைத்து மேற்குலக.. தமிழ் எழுத்தாளர்களின் படைப்புக்களை உள்வாங்கி சிறந்த 20/25 படைப்புக்களை ஆண்டுக்கொருமுறை பட்டியலிடுதல்.. ஒரு நல்ல ஊக்குவிப்பாக இருக்க முடியும். 

தமிழ் மொழிக்கும்.. தமிழ் எழுத்துலகுக்கும்.. அது உபயோகமாக இருக்கும்.. இந்த சொறிலங்காவின்.. ஹிந்தியாவின்.. மூடுமந்திர.. அரைகுறை அங்கீகார விருதுகளை விட.