Jump to content

அறிவியல் அதிசயம்: கல்லீரல் கொடுத்து சிறுநீரகம் பெற்ற 19 வயது சிறுமி


Recommended Posts

  • கருத்துக்கள உறவுகள்

அறிவியல் அதிசயம்: கல்லீரல் கொடுத்து சிறுநீரகம் பெற்ற 19 வயது சிறுமி

  • இயான் ரோஸ்
  • பிபிசி வணிகம்
50 நிமிடங்களுக்கு முன்னர்
 

அலியானா டெவெசா மற்றும் அவர் தாய் எரொசலின்

பட மூலாதாரம்,ALIANA DEVEZA

 

படக்குறிப்பு,

அலியானா டெவெசா மற்றும் அவர் தாய் எரொசலின்

வெறும் 19 வயதான அலியானா டெவெசா தன் தாயின் உயிரைக் காப்பாற்ற, மருத்துவ வரலாற்றில் மிக முக்கியமான அறுவை சிகிச்சைக்கு தானே ஏற்பாடு செய்து, அதை எதிர்கொண்டுள்ளார்.

அலியானா ஒரு மருத்துவமனையைத் தொடர்பு கொண்டு, அமெரிக்காவின் வரலாற்றிலேயே முதல் முறையாக ஒரு உடல் உறுப்புக்கு பதில், மற்றொரு உடல் உறுப்பை மாற்றிக் கொள்ளும் அறுவை சிகிச்சையை மேற்கொள்வது தொடர்பாக விசாரித்துள்ளார்.

"நான் கண் விழித்த போது, என் தாய் எப்படி இருக்கிறார்? அவர் நன்றாக இருக்கிறாரா? அவருக்கான அறுவை சிகிச்சை வெற்றி பெற்றதா? என்று நான் கேட்டேன்.

"நான் என்னைக் குறித்து அதிகம் கவலைப்படவில்லை, நான் அனுபவிக்கும் வலியிலிருந்து விடுபட வேண்டு என்கிற ஒற்றை நோக்கத்தில் இருந்தேன். எல்லோருக்கும் அறுவை சிகிச்சை வெற்றி பெற்றது என்பதைக் கேட்ட பிறகுதான் என்னால் மீண்டும் சுவாசிக்க முடிந்தது"

மற்றவர்கள் என்று அலியானா குறிப்பிடுவது தன்னையும், தன் தாயை மட்டுமல்ல, காரணம் இந்த அறுவை சிகிச்சைப் பட்டியலில் இரு சகோதரிகளும் இடம் இருந்தார்கள்.

அலியானாவின் உடல் உறுப்பு ஒரு சகோதரிக்கும், மற்றொரு சகோதரியின் சிறுநீரகம் அலியானாவின் தாய்க்கும் மாற்றி வைக்கும் அறுவை சிகிச்சை நடந்தது.

இரு நபர்கள் தங்களுக்கு முன்பின் அறிமுகமில்லாத நபர்களுக்கு உறுப்பு தானம் செய்து, தங்கள் குடும்பத்தினரை காப்பாற்றுவதன் மூலம், இரு உயிர்கள் காப்பாற்றப்பட்டன.

இந்த அறுவை சிகிச்சை இரண்டு ஆண்டுகளின் தொடர் உழைப்புக்கு கிடைத்த வெற்றி. அலியானா தன் தாய் எரொசலினை சிறுநீரக டயாலிசிஸ் மற்றும் முன்கூட்டியே இறப்பதிலிருந்து காப்பாற்றினார். மேலும் அறிமுகமில்லாத ஒரு நபரின் உயிரைக் காப்பாற்றியுள்ளார்.

சிறுநீரகத்தை மட்டுமே உயிரோடு வாழும் நபர், மற்றவர்களுக்கு நன்கொடையாக வழங்க முடியும். நம்மில் பலரும் இரு சிறுநீரகத்தோடு பிறந்தாலும், ஒரு சிறுநீரகத்தைக் கொண்டு வாழ்ந்துவிட முடியும்.

இருப்பினும், ஒருவருக்கு சிறுநீரகம் தேவை என்றால், அவருடைய அன்பிற்குரியவரிடமிருந்து, அவர்கள் தர விருப்பப்பட்டாலும் கூட எடுத்துக் கொள்ள முடியாது.

2019ஆம் ஆண்டு உலகம் முழுக்க 1,50,000 உறுப்பு மாற்று அறுவை சிகிச்சைகள் நடந்துள்ளன. அதில் ஒரு சிறு எண்ணிக்கையிலான மக்களுக்கு மட்டுமே புதிய உறுப்பு தேவைப்பட்டது.

 

ஆல்வின் ராத்

பட மூலாதாரம்,NOBEL MEDIA

 

படக்குறிப்பு,

ஆல்வின் ராத்

ஆல்வின் ராத் என்கிற பொருளாதார வல்லுநர், நிறைய மக்கள் சிறுநீரகத்தை கொடுக்கவும் பெற்றுக் கொள்ளவும் ஓர் அமைப்பை உருவாக்கியதற்காக 2012ஆம் ஆண்டு, நோபல் பரிசைப் பெற்றார்.

"மற்ற உடல் உறுப்புகளைப் போல் இல்லாமல், யாரோ ஒரு நபர், தான் விரும்பும் வேறு யாரோ ஒருவருக்கு சிறுநீரகத்தைக் கொடுத்து, அவர்கள் உயிரைப் காக்க முடியும்" என விவரிக்கிறார்.

"ஆனால் சில நேரங்களில், நீங்கள் சிறுநீரகத்தைக் கொடுக்க தயாராக, நல்ல உடல் நலத்தோடு இருந்தாலும், அதை எடுத்துக் கொள்ள முடியாது. அதே போல அன்பிற்குரிய ஒருவருக்கு சிறுநீரகத்தைக் கொடுக்க விரும்பினாலும் கொடுக்க முடியாது.

ஆனால், என் சிறுநீரகம், உங்கள் நோயாளிக்கும், உங்கள் சிறுநீரகம் என் நோயாளிக்கும் ஒத்து வரலாம். அப்படி சிறுநீரகத்தைக் கொடுக்க விரும்புபவர்கள் ஒன்றிணைந்து, தங்களுக்கு ஒத்துப் போகும் சிறுநீரகத்தைப் பெற்றுக் கொள்ளலாம்."

ஆல்வின் ராத் மற்றும் அவரோடு பணியாற்றியவரின் இந்த அமைப்பு, சிறுநீரகத்தை ஒருவருக்கு ஒருவர் மாற்றிக் கொள்ளும் எண்ணிக்கையை கணிசமாக அதிகரித்தது. அதனால் ஒவ்வொரு ஆண்டும் பல்லாயிரக் கணக்கானோரின் உயிர் காக்கப்படுகிறது.

 

அறுவை சிகிச்சை அறை

பட மூலாதாரம்,GETTY IMAGES

 

படக்குறிப்பு,

அறுவை சிகிச்சை அறை

இந்த மாதிரியான உறுப்பு பரிமாற்றங்கள் எல்லா நாடுகளிலும் இன்னும் சட்டப்படி அனுமதிக்கப்படவில்லை. உதாரணமாக ஜெர்மனியைக் கூறலாம், அங்கு உடல் உறுப்பை நெருங்கிய குடும்ப உறுப்பினர்களுக்கு மட்டுமே தானமாகக் கொடுக்க முடியும்.

ஆனால் அலியானாவால் தன் சிறுநீரகத்தை தன் தாய்க்கு கொடுக்க முடியவில்லை. காரணம், அவர் தாய்க்கு இருக்கும் சிறுநீரகப் பிரச்சனை பரம்பரையாக வழி வழியாக வருவதாக இருக்கலாம் என மருத்துவர்கள் அஞ்சினர். எனவே அலியானாவுக்கும் சிறுநீரகப் பிரச்சனை இருக்கலாம் என்று கருதினர்.

இத்தனைக்குப் பிறகும், அலியானா தன் தாய்க்கு புதிய சிறுநீரகத்தைப் பெற உதவ வேண்டும் என்று கருதினார். எனவே தொடர்ந்து ஆராய்ந்த போது, கல்லீரலின் ஒரு பகுதியைக் கொடுத்து, சிறுநீரகத்தைப் பெறுவது சாத்தியப்படலாம் என்று கண்டுபிடித்தார்.

"உயிரோடு ஒருவர் இருக்கும் போது என்ன மாதிரியான உடல் பாகங்களை எல்லாம் தானமாகக் கொடுக்க முடியும் என்று ஆராயத் தொடங்கிய போது, கல்லீரல் கொடுக்கலாம் என்று விடை கிடைத்தது" என்கிறார் அலியானா.

அது ஏட்டளவில் இருக்கும் ஒரு கருத்தியல் சாத்தியக்கூறு என்பதை அலியானா அறிந்திருக்கவில்லை. மேலும் இது ஒரு சாதாரண வழக்கமான அறுவை சிகிச்சை அல்ல என்பதையும் அவர் அறிந்திருக்கவில்லை.

 

அலியானா டெவெசா மற்றும் அவர் தாய் எரொசலின்

பட மூலாதாரம்,GETTY IMAGES

 

படக்குறிப்பு,

அலியானா டெவெசா மற்றும் அவர் தாய் எரொசலின்

தான் கண்டுபிடித்த சாத்தியக் கூறை செயல்படுத்த, அலியானா மருத்துவமனைகளை அழைத்து பேசத் தொடங்கினார். தன்னுடைய ஒரு பகுதி கல்லீரலுக்கு பதிலாக, தன் தாய்க்கு ஒரு சிறுநீரகத்தைக் பெற்று பரிமாற்றம் செய்து கொள்ள முடியுமா என்று தேடத் தொடங்கினார்.

தான் கூறுவதை சில மருத்துவமனைகளால் புரிந்து கொள்ள முடியவில்லை என அலியானா கூறுகிறார். "நான் கூறுவதைப் புரிந்து கொள்ள முடியாமல் சில மருத்துவமனைகள், என் தொலைபேசி அழைப்பை பிணவறையோடு இணைத்தனர்"

கடைசியாக, அலியானா எதிர்பார்த்த பணிக்குச் சரியான மருத்துவர் ஒருவர் கிடைத்தார். கலிஃபோர்னியா பல்கலைக்கழகத்தைச் சேர்ந்த ஜான் ராபர்ட்ஸ் என்கிற அறுவை சிகிச்சை நிபுணர் அவர்.

19 வயது இளம் பெண் ஒருவர் கூறுகிறார் என அவர் என் யோசனையைப் புறந்தள்ளவில்லை. இந்த யோசனைக்கு என் குடும்பம் எதிராக இருந்தது. காரணம், அவர்கள் என்னை நானே அபாயத்தில் சிக்க வைத்துக் கொள்ள விரும்பவில்லை என்கிறார் அலியானா.

மருத்துவமனையின் உதவியோடு, அலியானா மற்றும் அவரது தாயோடு ஒத்துப் போகும் சகோதரிகள் கண்டுபிடிக்கப்பட்டனர். அதில் ஒரு சகோதரி, அலியானாவிடமிருந்து ஒரு பகுதி கல்லீரலையும், மற்றொரு சகோதரியிடமிருந்து ஒரு புதிய சிறுநீரகத்தையும் பெறுவர் என ஏற்பாடு செய்யப்பட்டது.

அலியானாவுக்கு இந்த அறுவை சிகிச்சையில் எந்த வருத்தமும் இல்லை. "மக்கள் உறுப்பு தானம் செய்யாததற்கு, உறுப்பு தானத்தைச் சுற்றியுள்ள பயம் காரணமாக மேற்கொள்வதில்லை என்று நான் கருதுகிறேன் " என்கிறார்.

https://www.bbc.com/tamil/global-60017483

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • கண்ணை கவரும் வண்ண பட்டாம்பூச்சிகள் - இனி இவற்றை நம்மால் காண முடியாது ஜார்ஜினா ரன்னார்ட் பிபிசி நியூஸ் காலநிலை & அறிவியல் 2 மணி நேரங்களுக்கு முன்னர்   பட மூலாதாரம்,KEITH WARMINGTON சமீபத்தில், 58 பட்டாம்பூச்சி இனங்களில் 24 இனங்கள் விரைவில் அழிந்துவிடும் என்று பிரிட்டனின் பட்டாம்பூச்சி பாதுகாப்பு அமைப்பின் அறிக்கை எச்சரித்துள்ளது. 11 ஆண்டுகளுக்கு முன்பு, இந்த அமைப்பு கடைசியாக ஒரு சிவப்புப் பட்டியலைத் தொகுத்தது. தற்போது அந்த பட்டியலில் மேலும் ஐந்து இனங்கள் சேர்ந்துள்ளன. வனவிலங்குகளின் வாழ்விடங்களை அழிப்பதன் மூலம் பட்டாம்பூச்சிகளின் அழிவுக்கு மனிதர்கள் காரணமாகிறார்கள் என பட்டாம்பூச்சி பாதுகாப்பு அமைப்பின் அறிவியல் பிரிவு தலைவர் டாக்டர் ரிச்சர்ட் ஃபாக்ஸ் கூறுகிறார். "அவை உண்மையில் அழிக்கப்பட்டு, விவசாயத்தின் போது உழப்பட்டு, உரங்களால் மூடப்பட்டிருக்கலாம்," என்று அவர் பிபிசியிடம் தெரிவித்தார். ஆனால் இந்த விஷயத்தில் இன்னும் கொஞ்சம் நம்பிக்கை இருக்கிறது. தீவிர பாதுகாப்புப் பணிகளால், பல பட்டாம்பூச்சி இனங்கள் விளிம்பிலிருந்து மீட்கப்பட்டுள்ளன. பிரிட்டனில் இத்தகைய பட்டாம்பூச்சிகளை இனி பார்க்க முடியாது. வூட் வொய்ட் (Wood White) இந்த சிறிய, மெதுவாக பறக்கும் பட்டாம்பூச்சி தெற்கு இங்கிலாந்து மற்றும் வேல்ஸில் பெரும்பாலான பகுதிகளில் வாழ்ந்து வந்தது. இப்போது அழியும் நிலையில் உள்ளது. இது பெரும்பாலும் மிட்லாண்ட்ஸ் பகுதியில் காணப்படுகிறது.   பட மூலாதாரம்,GETTY IMAGES ஸ்வாலோடெயில்கள் (Swallowtails) கடந்த 2011 ஆம் ஆண்டு முதல், கண்ணை கவரும் இந்த அரிய வகை பட்டாம்பூச்சி அழிவின் விளிம்பில் உள்ளது. இது நார்ஃபோக் பிராட்ஸ் பகுதியைப் பூர்வீகமாகக் கொண்டது. அங்கு இது திஸ்டில்ஸ் என்ற ஒரு வகை முட்செடி உட்பட பூக்களை உண்ணும் உயிரினம்.   பட மூலாதாரம்,IAIN H LEACH அடோனிஸ் ப்ளூஸ் (Adonis Blues) இப்போது மீண்டும் அழிவின் விளிம்பின் உள்ள பட்டாம்பூச்சி இனமாக வகைப்படுத்தப்பட்டுள்ள இந்த இனம், தெற்கு இங்கிலாந்தில் காணப்படுகிறது. பொதுவாக ஏப்ரல் மற்றும் ஜூலை பிற்பகுதியில் காணப்படுகிறது.   பட மூலாதாரம்,IAIN H LEACH லார்ஜ் ஹீத் (Large Heath) காலநிலை மாற்றத்தால் பாதிக்கப்பட்ட பட்டாம்பூச்சிகளில் இதுவும் ஒன்று என்று பட்டாம்பூச்சி பாதுகாப்பு அமைப்பு கூறுகிறது. இங்கிலாந்தின் இந்த இனத்தைச் சேர்ந்த நான்கு பட்டாம்பூச்சி இனங்களும், குளிர்ச்சியான மற்றும் ஈரப்பதமான காலநிலையுடன் வடக்குப் பகுதிகளில் வாழுக்கூடியவை.   பட மூலாதாரம்,GETTY IMAGES ஸ்காட்ச் ஆர்கஸ் (Scotch Argus) இந்த இனத்தின் அழிவுடன் காலநிலை மாற்றத்தின் விளைவுகளும் காணப்படுகின்றன. 2011ஆம் ஆண்டு, விஞ்ஞானிகள் இவை அழிவின் விளிம்பில் இருப்பதாக கருதவில்லை. இப்போது அது பாதிக்கப்படக்கூடிய வகையில் பட்டியலிடப்பட்டுள்ளது.   பட மூலாதாரம்,GETTY IMAGES அழிவின் விளிம்பில் இருந்து காப்பாற்றப்பட்ட பட்டாம்பூச்சிகள் இது சற்றே நல்ல செய்தி. பட்டாம்பூச்சி உயிரினங்களை விளிம்பிலிருந்து மீட்டெடுக்க பாதுகாப்புப் பணிகள் உதவியுள்ளன. மாறிவரும் நில மேலாண்மை மற்றும் காலநிலை மாற்றத்தின் விளைவுகளிலிருந்து பட்டாம்பூச்சிகளை பாதுகாப்பதில் இது கவனம் செலுத்துகிறது என்று டாக்டர் ஃபாக்ஸ் விளக்குகிறார். லார்ஜ் ப்ளூ (Large Blue) இந்த சாம்பல் நிறம் கலந்த நீல பட்டாம்பூச்சி 1979 ஆம் ஆண்டு பிரிட்டனில் அழிந்து விட்டது. ஆனால் இப்போது சோமர்செட் பகுதியில் இந்த இனத்தை காணலாம். லார்ஜ் ப்ளூ வகை பட்டாம்பூச்சி, தைம் (Thyme) என்ற ஒரு வகை செடியையும், ஒரு குறிப்பிட்ட வகை எறும்பை மட்டுமே உண்ண கூடிய இனம் என்று டாக்டர் ஃபாக்ஸ் கூறுகிறார். சரியான சுற்றுச்சூழலுடன் புல்வெளிகளை உருவாக்குவதன் மூலம், பாதுகாவலர்கள் மற்றும் நில உரிமையாளர்கள் வெற்றிகரமாக இந்த வகை பாட்டாம்பூச்சிகளை உருவாக்கினார்கள் என்று அவர் கூறுகிறார்.   பட மூலாதாரம்,KEITH WARMINGTON பர்ல் பார்டர்ட் ஃப்ரிட்டில்லரி (Pearl-bordered Fritillary) இது 2011 ஆம் ஆண்டிலிருந்து அழிவின் விளிம்பில் உள்ளது. அதன் கம்பளிப்பூச்சிகள் திறந்த, சற்று வெப்பமான வனப்பகுதியை வாழ்விடமாக கொண்டிருக்கும். அவை ஊதா நிற பூக்களை உண்ணும்.   பட மூலாதாரம்,IAIN H LEACH டிக் ஆஃப் பர்கண்டி (Duke of Burgundy) இப்போது பெரும்பாலும் தெற்கு இங்கிலாந்தில் இவை காணப்படுகின்றன. இவை வாழ, தாவரங்களின் சமநிலையை உருவாக்க சுற்றுச்சூழல் பாதுகாவலர்கள் கடுமையான முயற்சி செய்கின்றனர்.     https://www.bbc.com/tamil/science-61620433
    • பெத்த மனம் தூங்கலையே பிள்ளை மனம் ஏங்கலையே பார்த்துப் பல நாளாச்சு பங்குனியும் பிறந்தாச்சு வந்து கூப்பிடுவானு வாசல் வந்து நின்னாச்சு விக்கல் வந்தாலும் நீ தான் நினைக்கிறனு வெசனத்த மறந்து பித்துக் கொள்ளும் தாய்மையடா தாய்ப்பால அதிகம் சுரக்குமுனு பத்தியம் பல  இருந்தேன் கசக்கும் வைத்தியத்தை  கற்கண்டாய்ச் சுவைச்சேன் பேச்சு வரலையினு  மண்சோறு சாப்பிட்டேன் டா காத்துக் கருப்பு தீண்டும்னு அப்பா கருப்பசாமிக்கு நேந்துகிட்டார் பள்ளிக்கூடம் போக காலு வலிக்கும்னு அப்பா பத்துக்காதம் தொலவுத் தூக்கி வருவார் மண்ணுக்குள்ள போகும் முன்னே என் மகராசா வந்துடுடா சீக்கிரம் வந்தாக்கா  உன்னத் தொட்டு உச்சி முகந்துடுவேன் பார்த்துப் பல நாளாச்சு பார்வையில் பூ விழுந்துடுச்சு தேகம் சுருங்கிடுச்சு தாகம் அடங்கிடுச்சு பேச்சுக் குறைஞ்சிடுச்சு நடையோ தளர்ந்துடுச்சு சீக்கிரம் வந்துடா? சீமையாளும் என் மவனே! சொத்து சுகம் தேவையில்ல என்று  நாங்க நினைச்சோம் சொத்தாய் நீயிருக்க  சொத்தெல்லாம் வித்துப்புட்டோம் காடு கழனி எல்லாம்  கடனுக்குக் கொடுத்துப் புட்டேன்  நீ படிச்சா போதுமுனு  எல்லாத்தையும்  இழந்தோம் சீமை வேலை போகனுமுனு  நீ தான் ஆசைபட்ட படிச்சப் புள்ளையாச்சேனு பாவிமக தடுக்கலையே? காலங்கள் போன பின்னே கடுதாசி வந்தது கல்யாணம் பண்ணி ரெண்டு  குழந்தை இருக்குனு திகைச்சு நின்னேன் செய்வது அறியாம அக்கம் பக்கம் எல்லாரும்  ஆளுக்கு ஒன்னு சொன்னாங்க அப்பா ஆத்தா நாங்க அழுதும்  தீர்த்தோம் டா அப்பாக்குச் சேவை செய்ய அம்மாக்குத் தெம்பு இல்ல அதனாலதான் போகிறோம்  முதியோர் இல்லம் பெத்த புள்ள சொந்தம் இல்ல  எங்க பேருல பணமும் இல்ல எதுவுமே எங்களுக்கில்ல அதனால இழந்தேன் அப்பாவ மெல்ல அப்பா இழவுக்கு  வருவேனு காத்திருக்கல மகனா நான் செஞ்சேன்  என்  ஆசை மச்சானுக்கு காலதாமதாய் கணினியில் இரங்கல் செய்தி எங்களுக்கு படிக்கத் தெரியாதுனு பாவம் மறந்துட்ட சீக்கிரம் வந்துடுடா? சீமையாளும் என் மவனே! என் உசுறுப் போகும் முன்னே உன்னப் பார்த்துடனும் உசுறுப் போனாக்கா என் முந்தானை அவித்துப் பாரு ரூபா மூவாயிரம் இருக்கும் இழவுச் செலவுக்கு  அண்ணாச்சியிடம் ஏழு நூறு  கொடுத்து இருக்கேன் மறந்து விடாம  பணத்தை வாங்கிக்கடா மறக்காம என் மவனே! மறு விசாயக் கிழமை வந்துடுடா... சரவிபி ரோசிசந்திரா
    • நான் உன்னைத் தொலைத்து நீ தேட நீ என்னைத் தொலைத்து நான் தேட இருவரும் தேடினோம் எங்கெங்கோ? இதுவரை கிடைக்கவில்லை நாமெங்கோ! உணர்வுக்குள் சென்று உயிருக்குள் நனைந்து உறவாடி மகிழ்ந்த  நாமெங்கே? என்னை அழைத்து  அளாவிப் பேசிய  ஆருயிர் அன்பே  நீயெங்கே! உன்னை அணைத்து உள்ளம் நனைத்த உன்னுயிர் அன்பே நானெங்கே? நம்மை இணைத்த நல்மனம் எங்கே? நன்றி சொல்வோம் தினம் இங்கே! அல்லும் பகலும் உன்  நினைவு அழுது துடிக்குதே என் உணர்வு சரவிபி ரோசிசந்திரா
    • என் உயிரிலும்... மேலான, மக்கள் செல்வங்களை... எனக்கு தந்துவிட்டே, எனது தந்தை... விடை பெற்றுள்ளார்-ஜீவன் தொண்டமான். ” என் உயிரிலும் மேலான மக்கள் செல்வங்களை எனக்கு தந்துவிட்டே, எனது தந்தை விடைபெற்றுள்ளார். அரசாங்கத்தில் அங்கம் வகித்தாலும், எதிரணியில் இருந்தாலும் மக்களுக்கான எனது சேவைகள் தொடரும்.” – என்று இலங்கைத் தொழிலாளர் காங்கிரஸின் பொதுச்செயலாளரும், நுவரெலியா மாவட்ட நாடாளுமன்ற உறுப்பினருமான ஜீவன் தொண்டமான் தெரிவித்தார். மலையகத் தமிழர்களின் அரசியல் காவலனாக கருதப்படும் ,அமரர் ஆறுமுகன் தொண்டமானின், 58 ஆவது ஜனன தினம் இன்று (ஞாயிற்றுக்கிழமை) அனுஷ்டிக்கப்பட்டது. இதனை முன்னிட்டு கொட்டகலை சி.எல்.எவ் வளாகத்தில் மலரஞ்சலி, செலுத்தும் நிகழ்வு இடம்பெற்றபோதே அவர் இவ்வாறு தெரிவித்தார் .மேலும் அவர் தெரிவிக்கையில் ”அமரர் ஆறுமுகன் தொண்டமானின் வெற்றிடத்தை எவராலும் நிரப்பமுடியாது. மக்களை மட்டுமே எனக்கு தந்துவிட்டு சென்றுள்ளார். அது போதும். அதுவே மிகப்பெரிய செல்வம். எனவே, எனது மக்களுக்காக என்னால், எமது ஸ்தாபனத்தால் செய்யக்கூடிய அனைத்தையும் நிச்சயம் நான் செய்வேன். குடும்பம் என்றால் பிரச்சினைகள் இருக்கவே செய்யும்.  எமக்குள்ளும் பிரச்சினைகள் இருக்கலாம். அவற்றை பேசி தீர்க்கலாம். அதைவிடுத்து பிரச்சினையை பெரிதுபடுத்தினால், அது எமக்கான அழிவு பாதையாகவே அமையும்.” என்றும் ஜீவன் தொண்டமான் குறிப்பிட்டார். https://athavannews.com/2022/1284361
×
×
  • Create New...

Important Information

By using this site, you agree to our Terms of Use.