கிளிநொச்சி பொது வைத்தியசாலை தீ விபத்து: வைத்தியசாலை சாதனங்கள், மருத்துவ உபகரணங்களுக்கு பாரிய சேதம்

[கிருபன்]

கிளிநொச்சி பொது வைத்தியசாலை தீ விபத்து: வைத்தியசாலை சாதனங்கள், மருத்துவ உபகரணங்களுக்கு பாரிய சேதம்

(சி.எல்.சிசில்)

கிளிநொச்சி பொது வைத்தியசாலையில் நேற்று (20) இரவு ஏற்பட்ட தீ விபத்தில் வைத்தியசாலையின் பல சாதனங்கள் மற்றும் மருத்துவ உபகரணங்கள் பாரியளவில் சேதமடைந்துள்ளதாக தெரிவிக்கப்படுகின்றது.

 

 

நேற்றிரவு மருத்துவமனையின் ஒரு கட்டிடத்தில் முதலில் தீ பரவியது, பின்னர் பல இடங்களுக்கு வேகமாகப் பரவியது, மருத்துவமனை நிர்வாகக் குழுவால் உடனடியாக தீயணைப்பு துறை மற்றும் இராணுவத்துக்கு அறிவிக்கப்பட்டது.

சம்பவ இடத்துக்கு விரைந்த கிளிநொச்சி பாதுகாப்பு படைத் தலைமைய கத்தின் படையினர்  மீட்புப் பணிகளில் ஈடுபட்டனர்.

தீ விபத்தின் போது நோயாளிகள் பாதுகாப்பான இடங்களுக்கு வெளியேற்றப்பட்டதால் காயங்கள் எதுவும் ஏற்படவில்லை என்றாலும், தீயால் பல மருத்துவமனை சாதனங்களும் மருத்துவ உபகரணங்களும் எரிந்து நாசமாகியுள்ளன என்பதுடன் இதுவரை சேத விபரம் தொடர்பில் எந்த மதிப்பீடும் தெரிவிக்கப்படவில்லை.

தீ விபத்துக்கான சரியான காரணம் இதுவரை கண்டறியப் படவில்லை என்பதுடன், மின் கசிவு காரணமாக தீ விபத்து ஏற்பட்டிருக்கலாம் என விசாரணைகளை மேற்கொண்டு வரும் கிளிநொச்சிப் பொலிஸார் சந்தேகம் வெளியிட்டுள்ளனர்.
 

 

https://thinakkural.lk/article/161911

[பிழம்பு]

தீ விபத்திற்குள்ளான கிளிநொச்சி மாவட்ட வைத்தியசாலையை பார்வையிட்டார் மாவட்ட அரச அதிபர்

Published by T Yuwaraj on 2022-01-21 12:07:54

 

 

 

கிளிநொச்சி வைத்தியசாலையில் ஏற்பட்ட தீ விபத்து பகுதியை கிளிநொச்சி மாவட்ட அரசாங்க அதிபர் மற்றும் மாகாண சுகாதார சேவைகள் பணிப்பாளர் ஆகியோர் பார்வையிட்டனர்.

 

 

இன்று காலை வைத்தியசாலைக்கு விஜயம் மேற்கொண்டிருந்த மாவட்ட அரசாங்க அதிபர் மற்றும் மாகாண சுகாதார சேவைகள் பணிப்பாளர் ஆகியோர் சம்பவ இடத்தை பார்வையிட்டதுடன், சம்பவம் தொடர்பில் கேட்டறிந்தனர்.

கிளிநொச்சி சுகாதார வைத்திய அதிகாரி சரவணபவன், வைத்தியசாலை பணிப்பாளர் சுகந்தன் மற்றும் வைத்தியர்களுடன் விசேட கலந்துரையாடலிலும் ஈடுபட்டனர்.

தீ விபத்து ஏற்பட்டமைக்கான காரணங்கள் இதுவரை முழுமையாக வெளியாகவில்லை என்பது குறிப்பிடத்தக்கது.

 

தீ விபத்திற்குள்ளான கிளிநொச்சி மாவட்ட வைத்தியசாலையை பார்வையிட்டார் மாவட்ட அரச அதிபர் | Virakesari.lk

[தமிழ் சிறி]

சாண் ஏற…. முழம் சறுக்குகின்றது என்பார்கள்.
பெரிமளவிலான சேதம் உண்டாகி உள்ளது போல் தெரிகின்றது.
பொதுமக்களுக்கு… அத்தியாவசியமான இடங்களில்,
பாதுகாப்பும், பராமரிப்பும்… முதல் இடத்தில் இருக்க வேண்டும்.

[Kapithan]

எனக்கு இந்தத் தீ விபத்தில் சந்தேகம் உள்ளது. 

உயிர்ச் சேதமோ, அல்லது காயங்களோ ஏற்படவில்லை என்பது நல்ல விடயமாகினும் அதுதான் சந்தேகத்தை ஏற்படுத்துகிறது. 

ஏதேனும் ஊழலை மறைப்பதற்காக, ஆவணங்கள் அடங்கிய தொகுதியை எரித்துள்ளார்கள் என நினைக்கிறேன்.