ஒன்றாக்கிய நீங்களே முடித்து வையுங்கள் - பிரித்தானிய அமைச்சரிடத்தில் சம்பந்தன்

[பிழம்பு]

(ஆர்.ராம்)

இலங்கைக்கு விஜயம் செய்துள்ள பிரித்தானியாவின் தென் ஆசிய மற்றும் பொதுநலவாய அமைப்புக்கான அமைச்சர் தரிக் அஹமட் பிரபுவிடத்தில் தமிழ்த் தேசியக் கூட்டமைப்பின் தலைவர் விசேட கோரிக்கையொன்றை முன்வைத்துள்ளார்.

http://cdn.virakesari.lk/uploads/medium/file/131723/dsd.jpg

அதுதொடர்பில் தெரியவருவதாவது, “தமிழ் மக்களின் பிரச்சினைகள் தொடர்பில் பிரித்தானிய கொண்டிருக்கின்ற கரிசனைகளுக்கும், அதற்காக வழங்கி வரும் ஒத்துழைப்புக்களும் முழுமையான நன்றிகள்.

தமிழ் மக்கள் தமது கருமங்களை சுதந்திரமாக ஆற்றக்கூடியவாறாக இரண்டாக இருந்த நாட்டை 1933 ஆம் ஆண்டு பிரித்தானியாவே ஒன்றாக மாற்றியமைத்தது.

அதன் பின்னரே தமிழ் மக்கள் இரண்டாம் தர பிரஜைகள் ஆக்கப்பட்டார்கள். தற்போது வரையில் சமத்துவமற்றவர்களாக உள்ளார்கள். உரிமைகளை அனுபவிக்க முடியாதவர்களாக உள்ளார்கள். 

சுயநிர்ணயத்தை அடைய முடியாதவர்களாக இருக்கின்றார்கள். ஆகவே இரண்டாக இருந்த நாட்டை ஒன்றாக மாற்றிய பிரித்தானியாவே தமிழர்கள் தமது பூர்வீக மண்ணில் நீடித்து நிலைத்திருக்க கூடிய நிரந்தமான தீர்வொன்றை அடைந்து கொள்வதற்கு வழிவகை செய்ய வேண்டும்” என்று கேட்டுக்கொண்டுள்ளார். 

ஒன்றாக்கிய நீங்களே முடித்து வையுங்கள் - பிரித்தானிய அமைச்சரிடத்தில் சம்பந்தன் | Virakesari.lk

[விசுகு]

ஒன்றாக்கிய நீங்களே முடித்து வையுங்கள் - பிரித்தானிய அமைச்சரிடத்தில் சம்பந்தன்

முதல்தடவையாக நல்லதொரு வரலாற்றை  உணர்ந்த வேண்டுதல்

[suvy]

இது ஒரு தரமான வேண்டுகோள்......எது எப்படியோ சங்கு ஊதிவிட்டிருக்குது......!  👍

[ஏராளன்]

ஐயாவின் இயல்புக்கு மாறான கருத்து!
சொல்ல வாய்ப்பு இல்லையே!

[Hana]

8 minutes ago, ஏராளன் said:

ஐயாவின் இயல்புக்கு மாறான கருத்து!
சொல்ல வாய்ப்பு இல்லையே!

சுடலை ஞானம் என்று சொல்லலாம் .

 

[குமாரசாமி]

Quote

ஒன்றாக்கிய நீங்களே முடித்து வையுங்கள் - பிரித்தானிய அமைச்சரிடத்தில் சம்பந்தன்

இதை 30 வருசத்துக்கு முதலே சத்தமாய் சொல்லியிருக்க வேணும் எல்லோ-----

[இணையவன்]

40 minutes ago, ஏராளன் said:

ஐயாவின் இயல்புக்கு மாறான கருத்து!
சொல்ல வாய்ப்பு இல்லையே!

திடீரென கூட்டமைப்பினருக்கு வீராவேசம் வந்தது சந்தேகமானது. ஏதோ ஒரு பெரிய புள்ளி மருந்து குடுத்திருக்கு.

[poet]

சம்பந்தன் ஐயா, வணக்கம். நீங்கள் ஓய்வெடுக்கும் வயசில் பிரித்தானியாவிடம் முன் வைத்த கோட்பாட்டு ரீதியான கோரிக்கையில் உறுதியாக இருங்கள். மாவை மற்றும் சாணாக்கியன் போன்ற சகல வடகிழக்கு தோழர்களை முன்னிலைப் படுத்தி மக்கள் போராட்டமாக வளர்த்தெடுங்கள்.. விமர்சனங்களை பின்ன்நகர்த்தி உங்களோடு மக்கள் நிற்பார்கள்.

கோட்பாட்டு ரீதியான கோரிக்கையுடன் எஞ்சியுள்ள அரசியல் கைதிகள் விடுதலை மறுப்பு போன்ற மறைமுகமாக தொடரும் போரை நிறுத்துவதும் முக்கியம்.   

சகல இயக்க போராளிகளுக்கும் போரால் பாதிக்கபட்ட வறுமைக் கோட்டுக்கு கீழ்வாழும் ஈழம்வாழ் வாழ் மலையக தமிழர். வடபகுதி முஸ்லிம்கள், கிழக்கு முஸ்லிம்கள், . சாதிவாரியாக ஒடுக்கப்பட்ட தமிழ் மக்கள்  அனைவருக்கும் இதுவரை மறுக்கபட்ட புனர் வாழ்வும் புனர் நிர்மாணமும் போன்ற இலகுவான அவசரக் கோரிக்கைகளையும் உலகின்முன் வையுங்கள். இவற்றை உங்கள் எதிர்கால  கோரிக்கைகளோடு  இணைக்க  மறக்க வேண்டாம்.

அமைப்புச் சாரா நிறுவனங்கள் குறிப்பாக  போர்களில் நாம்மோடு நின்ற திருச்சபை போன்ற மத நிறுவனங்களின் ஆதரவும் உங்களுக்குக் கிடைக்கும் என்பதில் ஐயமில்லை.  மத நிறுவனங்கள. மக்களை அரசியல் மயப்படுத்தி வீதிக்கு இறக்கினால் வராலாறு உள்ளளவும் வாழ்வ்வீர்கள் ஐயா 

அரசியல் போர்க்களத்தில் உங்கள் உறுதியோடு சேர்ந்து   மக்கள் ஆதரவும் என்போன்ற கலைஞர்கள் ஆதரவும்  நிச்சயம். உயரும்

[புரட்சிகர தமிழ்தேசியன்]

நல்ல கோரிக்கை.. நானும் கிள்ளி பார்த்துவிட்டேன் ..கனவு அல்ல; நிஜம்தான் கள உறவுகள் நீங்களும் ஒருக்கா உங்களை கிள்ளி பார்த்து கொள்ளுக.👌

[satan]

4 hours ago, poet said:

இவற்றை உங்கள் எதிர்கால  கோரிக்கைகளோடு  இணைக்க  மறக்க வேண்டாம்.

எப்போ அந்த எதிர்காலம்? 

ஐயா ஓடி  ரொம்ப களைச்சிற்றார், இனியும் விளையாட அவருக்கு உடலும் இடந்தராது, காலமும் இல்லை, அவருக்கு  கொடுக்கப்பட்ட நேரமும் அண்மித்துவிட்டது, அதற்கு முன் பிரகாசிக்க முயற்சிக்கிறார். ஒருவேளை இப்போதான் மனசாட்சி வேலை செய்யுதோ? விளையாடி அலுத்து விட்டதோ? இனி இந்தியா அறிக்கை விட்டாலும் விடும், தமிழர் தம் கவலைகளை எங்களோடுதான் கலந்து பேசியிருக்க வேண்டுமென. ஆனால் எவனும் நம் பிரச்சனையை தீர்க்க மட்டும் விடாது, பூதம் மாதிரி அது காவலிருக்க வேறொருவரா? முடியுமா யாராலும்? 

[nedukkalapoovan]

சோல்பரி காலத்திலேயே இந்தா 50:50 என்று கொடுக்க முன்வந்த போதும்.. இராணியின் சேர் பட்டத்துக்கும் சிங்களவனின் பல்லக்கிற்கும் மயங்கினதும் இதே சட்டாம்பிக் கூட்டம் தான்.

அப்புறம் இயன் பொக்ஸ் வந்த போதும்..  புலிகளை சாட்டி அவரையும் விரட்டினது இதே சம் சந்திரிக்கா கும்பல் தான்.

இப்ப மீண்டும்.. பழைய பல்லவி...??!

இங்கிலாந்திற்கு சொறீலங்கா எப்பவும் செல்லப்பிள்ளை.... இந்த நிலை இருக்கும் வரை சிங்கள பெளத்த பேரினவாத அடக்குமுறைக்கு இங்கிலாந்து முடிவுகட்ட முடியாது. 

[குமாரசாமி]

6 hours ago, புரட்சிகர தமிழ்தேசியன் said:

நல்ல கோரிக்கை.. நானும் கிள்ளி பார்த்துவிட்டேன் ..கனவு அல்ல; நிஜம்தான் கள உறவுகள் நீங்களும் ஒருக்கா உங்களை கிள்ளி பார்த்து கொள்ளுக.👌

நானும் கிள்ளிப்பாத்தன்......ஒண்டு மட்டும் தெரிஞ்சுது. பிரிட்டிஷ் அமைச்சரவையிலையும் எக்கச்சக்க கிந்தியர்கள்.......எனவே  சிங்களத்துடன் கதைத்து ஒற்றுமையாகவும் இருக்க விடமாட்டார்கள். 😁

[satan]

ஐயா வெளிக்கிட்டிட்டார், எதுக்கும் சிங்களவன் அடுத்து எந்த நாட்டிடம் கடன் உதவி கேட்டு போகிறான் என்ற பட்டியலையும் எடுத்து, அவர்கள் காதில் நீங்கள் கொடுக்கும் கடன் திரும்பி வராது நாட்டில உள்ள குறைபாடுகள் என்னென்ன, தமிழருக்கு நிலையான தீர்வு கிடைத்தால் மட்டுமே நாடு முன்னோக்கி செல்லும், உங்கள் கடனும் திரும்பி வரும், இல்லையெனில் கடன் திரும்பி வருமென்று கனவிலும் நினைக்க வேண்டாம் என்று போட்டு வைக்கலாம். அவர்கள் எப்படி சர்வதேசத்தை எங்களுக்கு எதிராக திருப்பினார்களோ அதே வழியில் அவர்களைப்போல் பொய்யைஅல்ல, உண்மையை சொல்லி நம் நாட்டையும், மக்களையும் கடனில் இருந்து விடுவிக்கலாம். பக்கத்து சனி, சீனன் இப்பிடி சிலது கடன் வாங்கவல்ல, கடனை வைத்து  உள்ளதையும் உருவ  சூதாடுதுகள், கேக்கிறவர்களிடம் சொல்லலாம்.