திரைமறைவு அரசியல் நிகழ்ச்சி நிரலில்!! தமிழ்தேசியமக்கள் முன்னணி!! வினோ எம்பி குற்றச்சாட்டு!

[nunavilan]

திரைமறைவு அரசியல் நிகழ்ச்சி நிரலில்!! தமிழ்தேசியமக்கள் முன்னணி!! வினோ எம்பி குற்றச்சாட்டு!

 

 

 

திரைமறைவு அரசியல் நிகழ்ச்சி நிரலுக்கு பின்னால் இருந்து கொண்டு தமிழ் தேசிய மக்கள் முன்னணி செயற்படுவதாக தமிழ் ஈழ விடுதலை இயக்கத்தின் தலைமை குழு உறுப்பினரும் வன்னி மாவட்ட பாராளுமன்ற உறுப்பினருமான வினோநோகராதலிங்கம் தெரிவித்தார்.

வவுனியாவில் இடம்பெற்ற ஊடகவியலாளர் சுகிர்தராஜனின் அஞ்சலி நிகழ்வில் கலந்துகொண்டு கருத்து தெரிவித்த போதே அவர் இவ்வாறு தெரிவித்தார்.

தொடர்ந்து கருத்து தெரிவித்த அவர்.

ஊடகவியலாளர் சுகிர்தராஜன் உண்மையை ஆதாரத்துடன் உலகத்துக்கும் நாட்டுக்கும் தெரியப்படுத்தியமையால் படுகொலை செய்யப்பட்டமை யாவரும் அறிந்ததே. தமிழ்தேசத்தின்பால் பற்றுக்கொண்டு, ஊடகவியலாளர்கள் உழைத்துக்கொண்டிருந்த சமயம் அது தங்களது அரசியல் நடவடிக்கைக்கு சர்வதேச ரீதியாக குந்தகத்தை ஏற்படுத்தும் என்பதற்காக ஊடகவியலாளர்கள் படுகொலை செய்யப்பட்ட தொடர்ச்சியான வரலாற்றை நாங்கள் பார்க்கின்றோம்.

அரசாங்கம் தமிழ் மக்களையும் தமிழ் கட்சிகளையும் மீண்டும் மீண்டும் ஏமாற்றுவதற்கு முயற்சிகளை மேற்கொண்டுவரும் நிலையில் நாங்கள் சர்வதேச ரீதியான ஆதரவை பெற்றால் மாத்திரமே புரையோடிப்போயுள்ள இனப்பிரச்சனைக்கான நியாயமான, நீடித்து நிற்க கூடிய தீர்வினை பெற்றுக்கொள்ள முடியும். அதற்கு நாங்கள் ஒற்றுமைப்பட வேண்டும். நாங்கள் பிளவு பட்டிருந்தால் எமக்கான தீர்வு எட்டாக்கனியாகவே அமைவதுடன் வாழ்நாள் முழுவதும் போராடும் நிலையே ஏற்படும்.

நாங்கள் பிளவுபட்டுக்கொண்டிருப்பது தமிழ் மக்களின் சாபக்கேடாகவே இருக்கிறது.

தற்போதைய சூழலில் சாத்தியமான யதார்த்தபூர்வமான தமிழ் மக்களின் தற்போதைய தேவையை நிலை நிறுத்தி தற்காலிகமாகவேனும் ஒரு தீர்வினை எட்டவேண்டும் என்பதற்காக 13 ஆம் திருத்த சட்டத்தை அமுல்படுத்தக் கோரி அனைத்துக்கட்சிகளும் கையெழுத்திட்டு ஒரு விடயத்தை அனுப்புயிருக்கின்றோம்.

அதனை குழப்புவதற்காக ஏதோ ஒரு திரைமறைவு அரசியல் நிகழ்ச்சி நிரலுக்கு பின்னால் இருந்து கொண்டு தமிழ் தேசிய மக்கள் முன்னணி செயற்படுவதை நாம் பார்க்கின்றோம். அதற்கு கூட்டமைப்பில் இருக்கின்ற, ஒற்றுமைப்பட்ட இந்தகட்சிகளில் இருக்கின்ற ஒரு பிரிவினரும் மறைமுகமாக ஆதரவு வழங்கும் நிலை இருக்கிறது.

குறிப்பாக தமிழரசுக்கட்சியில் இருக்கின்ற ஒருபகுதியினர் குறித்த போராட்டத்திற்கு ஆதரவாக பிரச்சாரத்தினை முன்னெடுக்கின்றனர். எதற்காக, அங்கே ஒருமுகம்! இங்கே ஒருமுகம்! சம்பந்தன் ஐயா மாவைசேனாதிராஜா ஆகியோர் குறித்த வரைபில் கையொப்பம் இட்டே உள்ளனர். அதற்கு எதிராக அதேகட்சியை சேர்ந்த ஒரு பிரிவினர் முண்னணியின் நிலைப்பாட்டினை ஒத்து இப்படியான விந்தையான நடவடிக்கையில் இறங்கியுள்ளதை அவதானிக்க முடியும். இது தான் தமிழ்மக்களின் சாபக்கேடு.

நாம் எப்போதுதான் ஒன்றுபடப்போகின்றோம். ஆயினும் மிகப்பெரிய பலமான ஒரு கூட்டை உருவாக்குவதற்கான முயற்சியினை நாங்கள் எடுத்திருக்கின்றோம். அந்த ஒற்றுமை முயற்சிக்கு உள்ளிருந்தும் வெளியில் இருந்தும் தடைகள் வருகின்றன. அவற்றை பற்றி நாங்கள் கவலைப்படவில்லை. அந்த ஒற்றுமையை குழப்பி இதனை முளையிலேயே கிள்ளி எறியவேண்டும் என்ற முயற்சிகளை ஆரம்பத்திலேயே எடுத்தார்கள். ஆனால் அனைத்தையும் தகர்த்தெறிந்து முதலாவது முயற்சியில் நாங்கள் வெற்றிகண்டிருக்கின்றோம். எத்தனை தடைகள் வந்தாலும் அனைத்தையும் உடைத்தெறிந்து எமது மக்களின் உண்மையான விடுதலைக்காக உழைப்போம்.என்றார்

Thinakkural.lk

[satan]

அரசியல் நிகழ்ச்சியின் பின்னணியிலேயே எப்போதும் ஒரு கூட்டணி பிரிந்து நின்று குழப்பிக்கொண்டும், தடைகளை ஏற்படுத்திக்கொண்டும் இருக்கும். அதை முறியடித்து முன்னேறினீர்கள் என்றால், அவர்களும் வேறு வழியில்லாமல் இணைவார்கள் உங்களுடன். 

[ஈழப்பிரியன்]

13 hours ago, nunavilan said:

திரைமறைவு அரசியல் நிகழ்ச்சி நிரலில்!! தமிழ்தேசியமக்கள் முன்னணி!! வினோ எம்பி குற்றச்சாட்டு!

ஆளையாள் சாட்டாமல்

முதலில் நீங்கள் யாருடைய நிகழ்ச்சி நிரலில் முகவர்களாக செயல்படுகிறீர்கள் என்று சொல்லுங்கோ பார்ப்பம்.

48 minutes ago, satan said:

அரசியல் நிகழ்ச்சியின் பின்னணியிலேயே எப்போதும் ஒரு கூட்டணி பிரிந்து நின்று குழப்பிக்கொண்டும், தடைகளை ஏற்படுத்திக்கொண்டும் இருக்கும். அதை முறியடித்து முன்னேறினீர்கள் என்றால், அவர்களும் வேறு வழியில்லாமல் இணைவார்கள் உங்களுடன். 

ஒற்றுமைப்பட்டாலும் என்ற பயத்திலேயே யாழில் முகாமிட்டு நுhற்றுக் கணக்கானவர்களை இறக்கிவிட்டிருக்கிறார்கள்.

[satan]

7 hours ago, ஈழப்பிரியன் said:

ஆளையாள் சாட்டாமல்

முதலில் நீங்கள் யாருடைய நிகழ்ச்சி நிரலில் முகவர்களாக செயல்படுகிறீர்கள் என்று சொல்லுங்கோ பார்ப்பம்.

ஒற்றுமைப்பட்டாலும் என்ற பயத்திலேயே யாழில் முகாமிட்டு நுhற்றுக் கணக்கானவர்களை இறக்கிவிட்டிருக்கிறார்கள்.

ஏத்திவிட்டு கூத்துப்பாக்க.